Skip to main content

වසර මිලියන 190ක් පැරණි ඩයිනොසෝර බිත්තර පොසිල තොගයක් හමුවෙයි!

මෙතෙක් හමු වී ඇති පැරණිතම ඩයිනොසෝර කැදැලි බිම එයයි. පර්යේෂකයන් කියන විදියට මේ ඩයිනොසෝර කැදලි අනික් පැරණිම කැදැලිවලට වඩා වසර මිලියන 100ක විතර පරණයි!

මෙය හමු වී ඇත්තේ දකුණු අපි‍්‍රකාවේ කළ කැණීම්වලදියි. ගෝල්ඩන් ගේට් හයිලන්ඞ්ස් ජාතික වනෝද්‍යානයේ කළ කැණීම්වලදියි. මාසොස්පොන්ඩිලස් (Massospondylus) නම් දිගු ගෙලක් හා වලිගයක් ඇති ඩයිනොසෝර වර්ගයේ සතුන්ගේ පොසිල හමු වූ බිමක තිබිලයි, මේ බිත්තර තොගය හමු වුණේ.

විශේෂඥයන්ට මේ ස්ථානයෙන් හමු වූ ඉඟි හා සාක්ෂි වැනි දේ නිසා ආදීම ඩයිනොසෝරයන්ගේ ප‍්‍රජනන චර්යාවන් පරිණාමය වූ අන්දම ගැන නිගමනවලට එන්නට හැකි වේවි.

 
මාසොස්පොන්ඩිලස් ඩයිනොසෝරයන්ගේ කැදැලි බිම සිත්තරකුට පෙනුන හැටි!

පුරාණ සතුන්ගේ කුඩා පැටවුන් තබන ලද සටහන් වැනි සොයා ගැනීම අතිශයින්ම විස්මිත දෙයක්. එවැනි සොයා ගැනීම් නිසා තමයි, විද්‍යාඥයන්ගේ උනන්දුව හා කුහුල වැඩි වුණේ. ඒ අනුවයි ඔවුන් මේ සතුන් බිත්තර දමන කැදලි ගැන සොයන්න පටන් ගත්තේ. ඔවුන් දැන් විශ්වාස කරනවා, ඒ කුඩා සතුන් බිත්තරවලින් එළියට ආපසුත් ඔවුන්ගේ ප‍්‍රමාණයන් දෙගුණ වෙන තෙක් කාලයක් ඒ කැදලි බිම තුළ රැඳෙන බව. ඒ කාලය තුළ මාපිය ඩයිනොසෝරයන් වරින් වර පැටවුන් බලන්නට එන්නට ඇතැයි ඔවුන් සිතනවා.

ඒ වගේ ම ඔවුන් විශ්වාස කරනවා, මේ ගෝල්ඩන් ගේට් හයිලන්ඞ්ස් ජාතික වනෝද්‍යානයේ තවත් මෙවැනි සැඟවුණු පොසිල රාශියක් ඇතැයි කියා.

රාජකීය ඔන්ටාරියෝ කෞතුකාගාරයේ පෘෂ්ඨවංශී පුරාජීව විද්‍යා සම සංරක්ෂක ඬේවිඞ් එවන්ස් කියන්නේ, ”මීට පෙර අපට ඩයිනොසෝරයන්ගේ පොසිල පිළිබඳ තොරතුරු කොතෙක් ලැබී තිබුණත්, ඔවුන්ගේ ආදීම ඩයිනොසෝරයන්ගේ ප‍්‍රජනනයට අදාළ පොසිල තොරතුරු ලැබී ඇත්තේ ඉතාමත් අල්ප වශයෙනුයි.” කියායි.

 
මාසොස්පොන්ඩිලස් ඩයිනොසෝර පැටියකුගේ කලලයක ඇටසැකිල්ලක් පොසිල බවට පත්ව තිබූ අයුරු. මරණයෙන් පසු හිස පිටතට තල්ලූ වී ඇත්තේ සමහර විට බිත්තරය නරක් වෙද්දී ඒ ඇතුළේ ඇති වාතය පිටතට ඒමත් සමග විය හැකියි.

”අලූතෙන් සොයා ගන්නා ලද වසර මිලියන 190ක් පැරණි කැදලි නිසා ඩයිනොසෝරයන්ගේ ප‍්‍රජනනය ගැන ඔවුන්ගේ පරිණාමික ඉතිහාසය තුළින් විමසා බලන්න අපට අවස්ථාව ලැබුණා. ඩයිනොසෝර වාර්තා අතරට ප‍්‍රජනන බිම් හා සම්බන්ධ තොරතුරු එක් වූ මේ බොහෝ කලකට පසුවයි.” ඔහු වැඩි දුරටත් කියනවා.

පොසිල අධ්‍යයන විද්‍යාඥ මහාචාර්ය රොබට් රීස් සිය අලූත් ම අධ්‍යයනයෙන් පැහැදිලි කර දෙනවා, ඩයිනොසෝර බිත්තර පොකුරු, (ඇතැම් ඒවායේ ඇතුළත කලල පවා ඇති තියෙනවා.) පොකුරු ගැන පමණක් නොව ඒ අසල තිබී හමු වූ පුංචි පැටවුන්ගේ පා සලකුණු ආදිය පැවති බව. අර්ධ වශයෙන් හා සම්පූර්ණයෙන් එළියට ආ පැටවුන්ගේ පොසිල පවා එහි තිබුණු බව එහි දැක්වෙනවා. ඔහු පවසන ආකාරයට අඩු තරමින් ඒ පැටවකු ප‍්‍රමාණයෙන් දෙගුණයක් පමණ වන තෙක් ඒ කැදලි බිමෙහි රැඳුණු බව එහි ඇති පොසිල හැදැරීමෙන් ඔවුන් තේරුම් ගෙන තියෙනවා.

මේ කැණීම් කළ බිමෙහි තිබී ඩයිනොසෝර කැදලි 10ක් පමණ සොයා ගෙන තියෙනවා. ඒ එකක වටකුරු බිත්තර 34ක් පමණ එක ළඟ එක ළඟ පොකුරු වශයෙන් තැන්පත්ව තිබුණු බව ඔවුන් කියනවා.
එහි අවසාදිත පාෂාණ තට්ටුව මත ඒ කැදලි විසිර තිබූ ආකාරය අනුව ආදි ඩයිනොසෝරයන් බිත්තර දැමූ පසු වරින් වර එහි ආ ගිය බවත් ඔවුන් විසින් සොයා ගෙන තියෙනවා. ඒ මාපියන් පැටවුන් ගැන විපරමින් සිටි බව හා කණ්ඩායම් වශයෙන් එක් තැනක පැටවුන් බිහිකර ඇති දැඩි කළ බව ඔවුන්ගේ නිගමනයයි.

මේ අලූතින් කැණීම් කොට මතු කර ගත් බිමෙන් ලැබුණු ඉපැරණිම පොසිල සාක්ෂිවලින් තමයි, මේ තොරතුරු අනාවරණය කර ගෙන තියෙන්නෙ.

මේ ඩයිනොසෝර මව දිගින් මීටර 6ක් පමණ වුවත් ඇය දැමූ බිත්තරයක විෂ්කම්භය සෙන්ටිමීටර 6කට 7කට වඩා නැහැ. කැදලිවල බිත්තර අසුරා ඇති ආකාරය අනුව ඩයිනොසෝර මව බිත්තර දැමූ පසු ඒවා ඉතා පරිස්සමෙන් අසුරා තැබීමට තරම් දක්ෂ වන්නට ඇතැයි ඔවුන් විශ්වාස කරනවා.

මහාචාර්ය රීස් කියන්නේ, ”මේ බිත්තර, භ‍්‍රෑණයන් හා කැදලි සියල්ල හමු වුණේ පාරක් සඳහා කන්දක් කැපූ තැනක කන්දෙහි මීටර 25ක් පමණ දිග කොටසකයි.”

”අපට හමු වුණේ කැදලි 10ක් වුනත් මේ කඳු බෑවුමෙහි පර්වතය තුළ තවත් කැදලි තිබිය හැකියි.” ඔහු වැඩි දුරටත් කියනවා.

මේ පොසිල හමු වූ අවසාදිත පාෂාණ අයත් වන්නේ මුල් ජුරාසික යුගයටයි. මේ බිමෙහිම එක් තැනක තමයි, පැරණිම පොසිලය වූ මැසොස්පොන්ඩිලස් ඩයිනොසෝර පැටියකුගේ කලලයක් දැක්වෙන පොසිලයක් හමු වුණේ. දිගු බෙල්ලක් ඇති ඒ සත්වයා ජුරාසික හා ක්‍රෙටේසීය අවධිවලට අයත් එකෙක්.

Comments

Popular posts from this blog

ලෝකයේ වටිනාම මුද්දරය වෙන්දේසියට! දැනට ඇත්තේ ලෝකෙටම එකයි!

මුද්දර එකතු කිරීම (Philately) විනෝදාංශයක් වගේම හොඳ ආදායම් මාර්ගයක්. පුංචි වුණාට තැපැල් මුද්දරයක් කියන්නේ රටක ඉතිහාසය කියාපාන කැඩපතක්. රටකින් රටකට හොඳ හිත පතුරුවමින් යන සංස්කෘතික තානාපතිවරයෙක්!

ඒ වගේ පැරණි තැපැල් මුද්දරයක් එහි මුහුණත සඳහන් වටිනාකමට හුඟක් වැඩිවෙන වෙලාවල් තියෙනවා. එහෙම වෙන්නේ ඒවායේ ඇති දුලබකම නිසයි.

ඒ වගේ 1873 දී ලිපිගොනු ගොඩක් අස්සේ තිබී හමුවුණු පාවිච්චි කළ ශත එකේ තැපැල් මුද්දරයක් පසුව වෙළෙඳ පොළේ දී සිලිං හයකට විකුණුණා. බි‍්‍රතාන්‍ය ගයානාව (British Guiana) විසින් නිකුත් කළ ශත එකේ දම්පාට තැපැල් මුද්දරය (1c Magenta stamp) දැන් යළිත් වෙන්දේසිය සඳහා වෙළෙඳපොළට ඇවිත්. අද, වසර 141කට පසු, එයට මුද්දර වෙන්දේසියේ දී ඇමරිකන් ඩොලර් මිලියන 20ක මුදලක් ලැබේවි යැයි විශ්වාස කරනවා.

මෑතදී ‘ලොව වඩාත් වටිනාම මුද්දරය’ ලෙස හඳුන්වනු ලැබූ මේ පැති අටේ හැඩැති තැපැල් මුද්දරය 2014 ජූනි මාසයේ 17 වැනිදා ඇමරිකාවේ නිව්යෝක්හිදී ප‍්‍රසිද්ධ වෙන්දේසියේ විකිණීමට නියමිතයි.

මෙය දැනට ලෝකයේ සුරක්ෂිතව ඉතිරි වී ඇති මේ වර්ගයේ එකම මුද්දරය ලෙස සැලකෙනවා. මෙය නිකුත් කරන ලද්දේ 1856දියි. බි‍්‍රතාන්‍ය ගයානාවේ තැපැල් මහතා…

MH370 මැලේසියානු ගුවන්යාන අබිරහස! ලෝකයේ අබිරහස් ලෙස අතුරුදන් වුණු ගුවන්යානා 10 මෙන්න!

පසුගිය සතියේ (මාර්තු 8 වැනිදා) අතුරුදන් වූ පිසැරි අංක එම්එච්370 මැලේසියානු මගී ගුවන්යානයට වූ දේ තවමත් අබිරහසක්. රටවල් 10 ගුවන්යානා, නැව්, චන්ද්‍රිකා රැසක් මේ අබිරහස විසඳන්න තවමත් වෙහෙසෙනවා.

ඒත් මෙය දැනටමත් නොවිසඳෙන අබිරහසක් පත් වෙන ලකුණු පහළ වෙලා!

ලොව පළමු සෙල් ෆෝනය මේකද? වසර 75ක් පැරණි පින්තූරයේ රහස හෙළි වෙයිද?

බලන්න මේ තරුණිය ජංගම දුරකතනයක් කනේ තියා ගෙන පාර දිගේ කතා කර කර යනවා! අද නම් මේ වගේ දසුනක් ගමක පාරක වුනත් ඔබ දැක ඇතුවාට සැකයක් නැහැ. ඒත් මේ දර්ශනය කැමරාවට නඟා ඇත්තේ මීට අවුරුදු 75කට පෙරයි!

1938 දී ඇමෙරිකාවේ වීදියක ගමන් කළ මේ යුවතියගේ අතට වර්තමානයේ අප පාවිච්චි කරනා තාලේ සෙල් ෆෝනයක් (ජංගම දුරකතනයක්) ආවෙ කොහොමද?

ඒ කාලයේ මේ වගේ දෙයක් නිපදවීම තියා මෙවැන්නක් ගැන හිතලවත් නොතිබුණා නම් මෙම දර්ශනය චිත‍්‍රපටයකට ගත් නිර්මාණයක්ද? සමහර අය කීවේ චිත‍්‍රපටය තුළින් අනාගතය දැකීමක් ලෙස මෙම දසුන සලකන්න පුළුවන් කියලයි. අනාගතය පරිකල්පනය කළ අවස්ථා චිත‍්‍රපටවල ඕනෑ තරම් තිබුණා. මේ වගේ

මේ රූප පෙළ මේ වන විට යූටියුබ් (YouTube) එක හරහා ලක්ෂ තුනකට වැඩි වාර ගණනක් සංසරණය වෙලා තියෙනවා. වර්ණ චිත‍්‍රපට එන්නට පෙරාතුව කළු සුදු ක‍්‍රමයට කැමරාවට නගන ලද මෙහි රහස පසුගිය දා හෙළි වුණා. මෙම තරුණිය තමාගේ මීමිත්තණිය යැයි යුටියුබ් ග‍්‍රාහකයෙක් හෙළි කළා.

අනාගතයට යාමක් ද? මෙහි දැක්වෙන්නේ ඇමරිකාවේ ඩුපොන්ට් ආයතනයෙන් පිට වී යන තරුණ සේවිකාවන් පිරිසක්. එයින් එක් තරුණියක් අතේ ඇති ජංගම දුරකතනයකින් කතා කරමින් යනවා ඔබට පෙනෙනවා ඇති. වසර 75කට ප…

නස්රුදින්ගේ වේළීමේ රහස! අලුත්ම නස්රුදින් කතාවක්!

නස්රුදින්ගේ පොහොසත් මිතුරෙක් ඔහුට කතා කළා, ඒ මිතුරාත් ඔහුගේ පිරිසත් එක්ක දින කීපයක් තිස්සේ දඩයමේ යන්න. මුල් ම දවසේ ඔවුන් නස්රුදින්ට දුන්නෙ බොහොම හෙමින් යන අස්සයෙක්. දඩයමට යන්න පටන් අරන් වැඩි වේලාවක් ගියේ නෑ, හෙමින් ගිය අස්සයා නිසා නස්රුදින් හුඟක් පහුවුණා. නස්රුදින්ව පහු කරලා දාලා අනෙක් පිරිස ඈතට දඩයමේ ගියා.

දියණිය උපන් මොහොතේ පියා ගත් පින්තූරය අන්තර් ජාලය කළඹයි! වෛද්‍යවරයාගේ අතේ එල්ලී එළියට ආ ළදැරිය මෙන්න!

ජීවිතයේ විස්මිත මොහොතවල් ඡායාරූපයට නැඟීම වාසනාවත් එක්ක සිදු වන දෙයක්. එහෙම වාසනාවක් ලද මාපිය යුවලක් තමන් ගත් ජීවිතයේ අමතක නොවන පින්තූරය ‘මුහුණු පොතේ’ පළ කළා. මොහොතකින් එය අන්තර්ජාලය පුරා ‘කුණාටුවක්’ මෙන් හඹා ගියා.

මෙලොව එළිය දකින්න මොහොතකට පෙර පුංචි නෙවායි මව් කුස හිඳිමින් තම උදව්වට ආ වෛද්‍යවරයාගේ ඇඟිල්ලේ එල්ලූන හැටි!

මුල්ම ඇපල් 1 පරිගණකය ලෝක වාර්තාවක් තියයිද? ඇපල් සමාගමේ ආරම්භය හෙළිකරන මෙතෙක් පළ නොවූ ඡායාරූපයක්!

ඇපල් පරිගණකය පටන් ගත් හැටි දැන් දකින කොටත් පුදුම හිතෙනවා. ඒ මුල් ම ඇපල් පරිගණකය අළෙවි කරන්න ගෙනියන්න පෙර පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුගිය දා ප‍්‍රථමවරට හෙළිදරවු වුණා.

මේ ඡායාරූපයට නගා තියෙන්නේ 1976 දියි. එතකොට ස්ටීව් ජොබ්ස්ට (Steve Jobs) වයස 21යි. ඔහුගේ මිතුරු ස්ටීව් වොස්නියැක් (Steve Wozniak) සමග එක්ව ඔවුන් දෙදෙනා මේ මුල්ම ඇපල් පරිගණක තැනුවේ ස්ටීව් ජොබ්ස්ගේ මාපියන්ගේ ගෙදර ගරාජයකයි. ඔවුන් ඒ තැනූ මූල් පරිගණක 50 තැන්පත් කරල තිබුණු ආකාරය දැක්වෙන මේ විරල ඡායාරූපය නිකුත් කරනු ලැබුවේ ලබන නොවැම්බර් 16 වැනිදා වෙන්දේසියට තැබෙන දැනට හොඳම තත්වයේ ඇති පැරණි ම ඇපල් පරිගණකය එළි දැක්වීම වෙනුවෙන්.

මෙය දැනට ලෝකයේ ඇති වටිනාම සන්නම ලෙස සැලකෙන ඇපල් පරිගණකයේ ආරම්භක තත්වය තේරුම ගන්නත් හොඳ අවස්ථාවක්. මේ සන්නමෙහි අද වටිනාකම පවුම් බිලියන 60ක්.

ඇපල් පරිගණකයේ ආරම්භය දැක්වෙන මේ කිසිදා එළියට නො පැමිණි ඡායාරූපයක්. ඒ මුල් ම ඇපල් පරිගණකය අළෙවි කරන්න ගෙනියන්න පෙර 1976 දී පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුග…

හොල්මන් පින්තූර කතන්දර පෙළක්! මේවා දැකල බය වෙන්න එපා!

රාති‍්‍ර කාලයට අඳුරේ දී ඔබව බියපත් කරන හැම රටකටම, හැම සමාජයකම තියෙනවා. ඇත්තටම හොල්මන් තියෙනවා කියල ඔප්පු කරන්න හොල්මන්වල පින්තූර ගන්න අයත් ඉන්නවා. මේ ඒ විදියට ගත්තු පින්තූර පෙළක්!


අවුරුදු ගානක් තිස්සෙ විවිධ අවස්ථාවලදි ගත්තු පින්තූර තමයි, මේ තියෙන්නේ. මෙහි ඉන්නවා, ඝාතනය කළ වහල් සේවකයන්, රෝහල්වල වධබන්ධනවලට ලක්ව මියගිය රෝගීන්, අතීතයට එක් වූ මුහුදු නැවියන් ආදී නොයෙක් අය. මොවුන්ගේ හොල්මන් කතා අහපු බොහොම දෙනෙක් බියට පත් වුණා. තාමත් අහන අයගේ ඇඟ හිරි වැටෙනවා.

දුර්ලභ ගණයේ සේයා රුවක්! නවසීලන්තයේ ධීවරයකුගේ නවතම ගොදුරක්!

මෙය ලියැවෙන්නේ කලාතුරකින් හමු වන ඡායාරූපයක් ඔබ වෙත ඉදිරිපත් කරන්නයි. අන්තර් ජාලය පුරා මේ වන විටත් වැඩි දෙනකුගේ අවධානය දිනා ගෙන තියෙනවා.

මේ ඡායාරූපයෙන් කියැවෙන්නේ මිනීමරු සුදු මෝරකුගේ ඉරණම දැක්වෙන කතාවක්. පසුගිය සතියෙදි නවසීලන්තයේ මුහුදේදි ගත්තු එකක්.

මහා භූමිකම්පාවකින් පසු පාකිස්ථාන මුහුදෙන් මතු වූ ලෝකයේ අලූත් ම දූපත!

පසුගියදා පාකිස්ථානයේ ප‍්‍රබල භූමිකම්පාවක් ඇති වුණා. 7.8ක් වූ ඒ භූමිකම්පාවෙන් බලූකිස්ථානය අසල මුහුදේ අලූත් දූපතක් මතු වුණා. ලෝකයේ අලූත් ම දූපත එයයි.

සල්සාලා කෝහ් (Zalzala Koh) යනුවෙන් ඒ දූපත නම් කරලා තියෙනවා. දාල්බන්දින්වලට සැතැපම් 145ක් ගිනිකොන දෙසින් හටගත් මේ භූම්කම්පාව නිසා දැන් එය බලන්න සංචාරකයන් වගේම පාකිස්ථාන වැසියන් වැල නොකැඩි එනවා. ඒ දූපතටත් ගොඩ වෙනවා. ගිනිගන්නාසුලූ වායුව, විස දුම් ආදිය ඇති බව අනතුරු හැෙඟව්වත් ඒවා ගනන් නොගෙනයි, ඔවුන් එහි එන්නෙ.

ඒ දූපතේ පිපිරුණු මඩ, වැලි, ගල් මුසු බිම මත මුහුදු සතුන්ගේ මළ සිරුරු, විශේෂයෙන් ම මාළුන් මළකුණු පිරිලා තියෙනවා.

මෙන්න ලෝකයේ අලූත් ම දූපත අහසට පෙනෙන හැටි. මේ මඩ කන්ද මීටර් 15ක් 20ක් විතර උස ඇති. මිනිසුන්ට ඒ මත ඇවිද ගෙන යා හැකි තරමට එහි බිම ඝනකම් කියලයි, කියන්නෙ.

MH370 මැලේසියානු ගුවන්යාන අබිරහස : නියමුවාම යානය බලෙන් ගෙන ගියාද?

2014 මාර්තු 16 වැනිදා

අනතුරට පත් යානයේ නියමුවා වූ සහාරි අහමඞ් ෂා දේශපාලන උමතුවකින් පෙළෙන්නකු ලෙස දැන් සැක කරනවා. එම්එච්370 යානය නියමුවා ලෙස සේවයට වාර්තා කරන්නට පෙර ඔහු මැලේසියාවේ විරුද්ධ පක්ෂ නායකයා වූ අන්වර් ඒබ‍්‍රහම්ට එරෙහිව පැවති නඩු විභාගයට බලන්නට ගිය බවක් ෆෙඩරල් පරීක්ෂක නිලධාරින් කියනවා.