Skip to main content

වසර මිලියන 300කටත් වඩා පැරණි පා සලකුණක් සොයා ගත් 10 හැවිරිදි සිසුවෙක්!

මේක අදහන්න බැරි තරම් විස්මිත කතාවක්! බෲනෝ ඩිබැටිස්ටා දස හැවිරිදි පාසල් සිසුවෙක්! ඔහු ඉගෙන ගත්තෙ එංගලන්තයේ ඔක්ස්ෆර්ඞ්වල වින්ඞ්මිල් ප‍්‍රාථමික පාසලේ. ඔහු පොතුගල් කැබැල්ලක් ගෙනාවා ඔක්ස්ෆර්ඞ් විශ්ව විද්‍යාලයේ ස්වභාව විද්‍යා ඓතිහාසික කෞතුකාගාරය විසින් ළමයින් සඳහා පවත්වා ගෙන සමාජයකට. එය කෞතුකාගාරය විසින් පාසල් වෙලාවෙන් පසු කුඩා දරුවන්ට විශේෂයෙන් පිළියෙල කළ සමාජයක්.

ඒ පොතුගල පතුර බෲනෝ එහි ගෙන ගියේ එය පොසිල සලකුණක් කියා ඔහුගේ කුඩා මොළයට වැටහුණ නිසයි. එය දුටු කෞතුකාගාර විශේෂඥයන් මවිතයට පත් වුණා. ඔවුන් එය දුටුවේ ඛුරප කකුළුවකුගේ (horseshoe crab) පා සලකුණක් ලෙසයි. ඔවුන් හඳුනා ගත්තා ඒ සලකුණු ඊට වසර මිලියන 320කට පමණ ඉහත කාලයක දී මුහුදු වෙරළක්ව පැවති මඩ සහිත බෑවුම් ප‍්‍රදේශයක ඒ කකුළුවකු ඇවිද ගෙන ගිය බව හෙළි කරන ඉතා වැදගත් සාක්ෂියක් ලෙස.

 
විස්මිත සොයා ගැනීමක්! එංගලන්තයේ ඔක්ස්ෆර්ඞ්හී පාසල් සිසුවකු වූ බෲනෝ ඩිබැටිස්ටා මේ පෙන්වන්නේ ඔහු විසින් පසුගියදා සොයා ගත් පොතුගල් පතුරයි. එය මීට වසර මිලියන 300කට පමණ පෙර විසූ කකුළු විශේෂයක පොසිලගත සලකුණු යැයි දැන් හඳුනා ගෙන තියෙනවා.

ඒ කෞතුකාගාරයේ අධ්‍යාපන නිලධාරියා වූ කි‍්‍රස් ජාවිස් කියන්නේ, ”මේ තරම් ඈත යුගයක පා සලකුණු හමු වීම අතිශය දුර්ලභ දෙයක්. එසේ හමු වුවත් ඒවා හඳුනා ගැනීමත් ඉතාමත් අසීරුයි. පුංචි බෲනෝ මේවා ගෙනත් අපට පෙන්නුවාම අප මවිතයට පත් වූ තරම කියන්න බැරි තරම්!” කියායි.

”මෙහි ඇති වඩාත් අපූරුව වන්නේ බෲනෝ මෙය දුටු විගස, මෙය කිසියම් ආකාරයක පා සලකුණු විශේෂයක් ලෙස අනුමාන කිරීමත් මේ නිදර්ශකය දුටු, අපේ ලෝක ප‍්‍රකට භූවිද්‍යා විශේෂඥයන් පවා අන්වීක්ෂවලින් බලමින් මේ පිළිබඳ වාද විවාද කිරීමත්ය.” ඔහු තවදුරටත් කියනවා.

 
නොසිතූ විරූ සොයා ගැනීමක්! ගල්පතුරෙහි යම්තමින් පෙනෙන මේ සලකුණු ඉතා පැරණි ඒවා යැයි සිතීම ම විස්මයජනක දෙයක්.

බෲනෝගේ පොසිලය මීට වසර මිලියන 308ත් 327ත් අතර අංගාරධර හෙවත් කාබොනිෆරස් යුගයට අයත් එකක් බව කෞතුකාගාරය විසින් තහවුරු කර ගෙන තියෙනවා. ඔවුන් කියන්නේ මෙය ඛුරප කකුළුවන් යුවළක් එක්වීමේ දී තබන ලද පා සටහන් වගයක් බවයි.

මේ යුගයේ දී පැන්ජියාව (Pangaea) සෑදීම සඳහා පොළොවේ ප‍්‍රධාන භූමි ප‍්‍රදේශ එකිනෙක ළං වෙද්දී මෙම ප‍්‍රදේශයේ පැවති මුහුද සෙමින් සෙමින් ගොඩබිම විසින් ගිල ගන්නට ඇතැයි කියා ඔවුන් විශ්වාස කරනවා.

කෞතුකාගාරය විසින් සවස් වරුවේ පවත්වා ගෙන යන මෙම ස්වභාවික විද්‍යා ඓතිහාසික සමාජයේ අරමුණ වන්නේ 6 වසරේ ළමුන් තුළ ස්වාභාවික ලෝකය පිළිබඳව උනන්දුව වර්ධනය කිරීමයි.
ඔවුන් බලාපොරොත්තු වෙන්නේ මේ ළමුන් අතරින් අනාගත පරම්පරාවේ භූ විද්‍යාඥයන් හා සත්ව විද්‍යාඥයන් බිහි කිරීමටයි.

මෙම සමාජයේ සතිපතා පැවැත්වෙන සැසිවාරවල දී ඔවුන් පාෂාණ, පොසිල, කෘමීන් හා වෙනත් සත්ව ජීවිත ගැන අවධානය යොමු කෙරෙනවා.

 
තාමත් 10 හැවිරිදි වියේ පසු වන බෲනෝ මේ පෙන්වන්නේ කෞතුකාගාරයේ ඇති සංරක්ෂිත ඛුරප කකුළුවකුගේ සිරුරක්. ඔහුගේ අතේ ඇත්තේ ගිය ගිම්හානයේදී කෝන්වෝල්වල විනෝද ගමනක යෙදෙද්දී ඔහු හමු වූ පොසිලයයි.

නිදර්ශක එක් රැස් කිරීමටත්, ඒවා පිළිබඳ නිරීක්ෂණ හා නිගමනවලට එළඹීමටත්, සිය දැනුම හා අදහස් අනිකුත් අය සමග බෙදා ගැනීමටත් මෙම සමාජයේ සාමාජික සාමාජිකාවන් දිරිමත් කෙරෙනවා.
බෲනෝ විශේෂයෙන් ම මේ සමාජය සඳහා තෝරා එවනු ලැබුවේ ඔහුගේ පාසලේ ගුරුවරුන් විසින් ඔහු සොබාදහම ගැන දක්වන විශේෂ උනන්දුව නිසයි.

ඔහු මේ පොසිල එක්කාසු කර ගෙන ඇත්තේ පසුගිය ගිම්හාන සමයේ කෝන්වෝල්හි නිවාඩුවක් ගත කරමින් සිටියදියි.

”අවාසනාවකට වාගේ බොහෝ ළමුන් තුළ සොබාදහම හැදෑරීමට ඇති උනන්දුව හා උද්යෝගය හීන වී යනවා. ඒ නව යොවුන් වයස්වල දී එය වැඩකට නැති විකාර දෙයක් ලෙසට සිතන්නට පටන් ගැනීම නිසයි. ද්විතීය අධ්‍යාපන මට්ටමේ දී විද්‍යාව පොතට සීමා වූ විභාග ඉලක්ක කර ගෙන කරන්නක් වීම මෙයට ප‍්‍රධාන හේතුවයි.” කි‍්‍රස් ජාවිස් වැඩිදුරටත් කියනවා.

”අපේ අරමුණ හා උත්සාහය මේ සමාජය මගින්, ළමුනට ඔවුන්ගේ හැකියාවන් වර්ධනය කර ගැනීමටත් ඔවුන් තුළ ඇති සැඟවුණු කුසලතා මතු කර ගැනීමටත් ඒ සඳහා ඔවුන්ට මග පාදා දී ඔවුන්ව දිරිමත් කිරීමටත් ඉඩ සැලසීමයි. මං විශ්වාස කරනව මේ මගින් ඒ අරමුණ ඉටු කර ගන්න අපට හැකිවෙලා තියෙනවා කියලා.” ඔහු අවසාන වශයෙන් කියනවා.

බෲනෝ සහ ඔහුගේ පවුලේ උදවිය ඔහු සොයා ගත් මේ පොසිලය ඒ කෞතුකාගාරයට පිරිනමන්නට තීරණය කරලයි, තියෙන්නෙ.

මේ ඛුරප කකුළුවන් කියන්නේ කෙබඳු සතුන් විශේෂයක් ද?

ඛුරප කකුළුවන් පෙනුමෙන් ක්රුස්ටාසෙයාවන් හෙවත් කවචයන්ට අයත් වගේ වුනත් ඔවුන් පොකිරිස්සන්ට හා ඉස්සන්ට වඩා සමීප නෑකම් දක්වන්නේ මකුළුවන්ට හා ගෝනුස්සන්ටයි.

ඔවුන් ලෝකයේ සිටින වඩාත් පැරණිතම සත්ව විශේෂයක්. ඔවුන්ට අදාළ පැරණිම පොසිල හමු වී ඇත්තේ ඕඩෝවිසීය අවධියට අයත් පාෂාණ ස්තරවලයි. ඒවා දළ වශයෙන් වසර මිලියන 450ක් තරම් පැරණියි.

ඔවුන් වැඩි වශයෙන් වාසය කරන්නේ නොගැඹුරු මුහුදුවල සිනිදු වැලි හෝ මඩ සහිත මුහුදු පත්ලේයි. එසේ වුවත් වර්ගයා බෝ කිරීමට එක් වීම සඳහා වෙරළ ඒම ඔවුන්ගේ සිරිතයි.

මේ සතුන් බහුලව යොදා ගන්නේ මසුන් ඇල්ලීමේ ඇමක් වශයෙනුයි. ඒ හැරෙන්නට පොහොර තැනීමටත් ඔවුන් විශාල වශයෙන් අල්ලා ගැනීම සිදු වෙනවා. ඔවුන්ගේ ජීවන පරිසර විනාශ වීම නිසාත් පමණ ඉක්මවා ඇල්ලීම නිසාත් ලොව පුරා ඔවුන්ගේ ගහණය දැන් ශීඝ‍්‍රයෙන් අඩුවෙමින් පවතිනවා.

Comments

  1. මේ දවස් වල පොඩි අය හොයාගන්න දේවල් ගැන තොරතුරු ‍ගොඩක් කියෙව්වා..... ස්තුතියි මල් කැකුලු!

    ReplyDelete
  2. ස්තුතියි බුද්ධි!

    ReplyDelete
  3. එක නෙවී අපේ පොඩි එකෙක් ඔයින් එකක් හොයා ගත්තොත් මොනා වෙයිද ........... ?

    ReplyDelete
  4. monawa wenneda samira mame............

    ReplyDelete

Post a Comment

Popular posts from this blog

ලෝකයේ වටිනාම මුද්දරය වෙන්දේසියට! දැනට ඇත්තේ ලෝකෙටම එකයි!

මුද්දර එකතු කිරීම (Philately) විනෝදාංශයක් වගේම හොඳ ආදායම් මාර්ගයක්. පුංචි වුණාට තැපැල් මුද්දරයක් කියන්නේ රටක ඉතිහාසය කියාපාන කැඩපතක්. රටකින් රටකට හොඳ හිත පතුරුවමින් යන සංස්කෘතික තානාපතිවරයෙක්!

ඒ වගේ පැරණි තැපැල් මුද්දරයක් එහි මුහුණත සඳහන් වටිනාකමට හුඟක් වැඩිවෙන වෙලාවල් තියෙනවා. එහෙම වෙන්නේ ඒවායේ ඇති දුලබකම නිසයි.

ඒ වගේ 1873 දී ලිපිගොනු ගොඩක් අස්සේ තිබී හමුවුණු පාවිච්චි කළ ශත එකේ තැපැල් මුද්දරයක් පසුව වෙළෙඳ පොළේ දී සිලිං හයකට විකුණුණා. බි‍්‍රතාන්‍ය ගයානාව (British Guiana) විසින් නිකුත් කළ ශත එකේ දම්පාට තැපැල් මුද්දරය (1c Magenta stamp) දැන් යළිත් වෙන්දේසිය සඳහා වෙළෙඳපොළට ඇවිත්. අද, වසර 141කට පසු, එයට මුද්දර වෙන්දේසියේ දී ඇමරිකන් ඩොලර් මිලියන 20ක මුදලක් ලැබේවි යැයි විශ්වාස කරනවා.

මෑතදී ‘ලොව වඩාත් වටිනාම මුද්දරය’ ලෙස හඳුන්වනු ලැබූ මේ පැති අටේ හැඩැති තැපැල් මුද්දරය 2014 ජූනි මාසයේ 17 වැනිදා ඇමරිකාවේ නිව්යෝක්හිදී ප‍්‍රසිද්ධ වෙන්දේසියේ විකිණීමට නියමිතයි.

මෙය දැනට ලෝකයේ සුරක්ෂිතව ඉතිරි වී ඇති මේ වර්ගයේ එකම මුද්දරය ලෙස සැලකෙනවා. මෙය නිකුත් කරන ලද්දේ 1856දියි. බි‍්‍රතාන්‍ය ගයානාවේ තැපැල් මහතා…

MH370 මැලේසියානු ගුවන්යාන අබිරහස! ලෝකයේ අබිරහස් ලෙස අතුරුදන් වුණු ගුවන්යානා 10 මෙන්න!

පසුගිය සතියේ (මාර්තු 8 වැනිදා) අතුරුදන් වූ පිසැරි අංක එම්එච්370 මැලේසියානු මගී ගුවන්යානයට වූ දේ තවමත් අබිරහසක්. රටවල් 10 ගුවන්යානා, නැව්, චන්ද්‍රිකා රැසක් මේ අබිරහස විසඳන්න තවමත් වෙහෙසෙනවා.

ඒත් මෙය දැනටමත් නොවිසඳෙන අබිරහසක් පත් වෙන ලකුණු පහළ වෙලා!

ලොව පළමු සෙල් ෆෝනය මේකද? වසර 75ක් පැරණි පින්තූරයේ රහස හෙළි වෙයිද?

බලන්න මේ තරුණිය ජංගම දුරකතනයක් කනේ තියා ගෙන පාර දිගේ කතා කර කර යනවා! අද නම් මේ වගේ දසුනක් ගමක පාරක වුනත් ඔබ දැක ඇතුවාට සැකයක් නැහැ. ඒත් මේ දර්ශනය කැමරාවට නඟා ඇත්තේ මීට අවුරුදු 75කට පෙරයි!

1938 දී ඇමෙරිකාවේ වීදියක ගමන් කළ මේ යුවතියගේ අතට වර්තමානයේ අප පාවිච්චි කරනා තාලේ සෙල් ෆෝනයක් (ජංගම දුරකතනයක්) ආවෙ කොහොමද?

ඒ කාලයේ මේ වගේ දෙයක් නිපදවීම තියා මෙවැන්නක් ගැන හිතලවත් නොතිබුණා නම් මෙම දර්ශනය චිත‍්‍රපටයකට ගත් නිර්මාණයක්ද? සමහර අය කීවේ චිත‍්‍රපටය තුළින් අනාගතය දැකීමක් ලෙස මෙම දසුන සලකන්න පුළුවන් කියලයි. අනාගතය පරිකල්පනය කළ අවස්ථා චිත‍්‍රපටවල ඕනෑ තරම් තිබුණා. මේ වගේ

මේ රූප පෙළ මේ වන විට යූටියුබ් (YouTube) එක හරහා ලක්ෂ තුනකට වැඩි වාර ගණනක් සංසරණය වෙලා තියෙනවා. වර්ණ චිත‍්‍රපට එන්නට පෙරාතුව කළු සුදු ක‍්‍රමයට කැමරාවට නගන ලද මෙහි රහස පසුගිය දා හෙළි වුණා. මෙම තරුණිය තමාගේ මීමිත්තණිය යැයි යුටියුබ් ග‍්‍රාහකයෙක් හෙළි කළා.

අනාගතයට යාමක් ද? මෙහි දැක්වෙන්නේ ඇමරිකාවේ ඩුපොන්ට් ආයතනයෙන් පිට වී යන තරුණ සේවිකාවන් පිරිසක්. එයින් එක් තරුණියක් අතේ ඇති ජංගම දුරකතනයකින් කතා කරමින් යනවා ඔබට පෙනෙනවා ඇති. වසර 75කට ප…

නස්රුදින්ගේ වේළීමේ රහස! අලුත්ම නස්රුදින් කතාවක්!

නස්රුදින්ගේ පොහොසත් මිතුරෙක් ඔහුට කතා කළා, ඒ මිතුරාත් ඔහුගේ පිරිසත් එක්ක දින කීපයක් තිස්සේ දඩයමේ යන්න. මුල් ම දවසේ ඔවුන් නස්රුදින්ට දුන්නෙ බොහොම හෙමින් යන අස්සයෙක්. දඩයමට යන්න පටන් අරන් වැඩි වේලාවක් ගියේ නෑ, හෙමින් ගිය අස්සයා නිසා නස්රුදින් හුඟක් පහුවුණා. නස්රුදින්ව පහු කරලා දාලා අනෙක් පිරිස ඈතට දඩයමේ ගියා.

දියණිය උපන් මොහොතේ පියා ගත් පින්තූරය අන්තර් ජාලය කළඹයි! වෛද්‍යවරයාගේ අතේ එල්ලී එළියට ආ ළදැරිය මෙන්න!

ජීවිතයේ විස්මිත මොහොතවල් ඡායාරූපයට නැඟීම වාසනාවත් එක්ක සිදු වන දෙයක්. එහෙම වාසනාවක් ලද මාපිය යුවලක් තමන් ගත් ජීවිතයේ අමතක නොවන පින්තූරය ‘මුහුණු පොතේ’ පළ කළා. මොහොතකින් එය අන්තර්ජාලය පුරා ‘කුණාටුවක්’ මෙන් හඹා ගියා.

මෙලොව එළිය දකින්න මොහොතකට පෙර පුංචි නෙවායි මව් කුස හිඳිමින් තම උදව්වට ආ වෛද්‍යවරයාගේ ඇඟිල්ලේ එල්ලූන හැටි!

මුල්ම ඇපල් 1 පරිගණකය ලෝක වාර්තාවක් තියයිද? ඇපල් සමාගමේ ආරම්භය හෙළිකරන මෙතෙක් පළ නොවූ ඡායාරූපයක්!

ඇපල් පරිගණකය පටන් ගත් හැටි දැන් දකින කොටත් පුදුම හිතෙනවා. ඒ මුල් ම ඇපල් පරිගණකය අළෙවි කරන්න ගෙනියන්න පෙර පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුගිය දා ප‍්‍රථමවරට හෙළිදරවු වුණා.

මේ ඡායාරූපයට නගා තියෙන්නේ 1976 දියි. එතකොට ස්ටීව් ජොබ්ස්ට (Steve Jobs) වයස 21යි. ඔහුගේ මිතුරු ස්ටීව් වොස්නියැක් (Steve Wozniak) සමග එක්ව ඔවුන් දෙදෙනා මේ මුල්ම ඇපල් පරිගණක තැනුවේ ස්ටීව් ජොබ්ස්ගේ මාපියන්ගේ ගෙදර ගරාජයකයි. ඔවුන් ඒ තැනූ මූල් පරිගණක 50 තැන්පත් කරල තිබුණු ආකාරය දැක්වෙන මේ විරල ඡායාරූපය නිකුත් කරනු ලැබුවේ ලබන නොවැම්බර් 16 වැනිදා වෙන්දේසියට තැබෙන දැනට හොඳම තත්වයේ ඇති පැරණි ම ඇපල් පරිගණකය එළි දැක්වීම වෙනුවෙන්.

මෙය දැනට ලෝකයේ ඇති වටිනාම සන්නම ලෙස සැලකෙන ඇපල් පරිගණකයේ ආරම්භක තත්වය තේරුම ගන්නත් හොඳ අවස්ථාවක්. මේ සන්නමෙහි අද වටිනාකම පවුම් බිලියන 60ක්.

ඇපල් පරිගණකයේ ආරම්භය දැක්වෙන මේ කිසිදා එළියට නො පැමිණි ඡායාරූපයක්. ඒ මුල් ම ඇපල් පරිගණකය අළෙවි කරන්න ගෙනියන්න පෙර 1976 දී පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුග…

හොල්මන් පින්තූර කතන්දර පෙළක්! මේවා දැකල බය වෙන්න එපා!

රාති‍්‍ර කාලයට අඳුරේ දී ඔබව බියපත් කරන හැම රටකටම, හැම සමාජයකම තියෙනවා. ඇත්තටම හොල්මන් තියෙනවා කියල ඔප්පු කරන්න හොල්මන්වල පින්තූර ගන්න අයත් ඉන්නවා. මේ ඒ විදියට ගත්තු පින්තූර පෙළක්!


අවුරුදු ගානක් තිස්සෙ විවිධ අවස්ථාවලදි ගත්තු පින්තූර තමයි, මේ තියෙන්නේ. මෙහි ඉන්නවා, ඝාතනය කළ වහල් සේවකයන්, රෝහල්වල වධබන්ධනවලට ලක්ව මියගිය රෝගීන්, අතීතයට එක් වූ මුහුදු නැවියන් ආදී නොයෙක් අය. මොවුන්ගේ හොල්මන් කතා අහපු බොහොම දෙනෙක් බියට පත් වුණා. තාමත් අහන අයගේ ඇඟ හිරි වැටෙනවා.

දුර්ලභ ගණයේ සේයා රුවක්! නවසීලන්තයේ ධීවරයකුගේ නවතම ගොදුරක්!

මෙය ලියැවෙන්නේ කලාතුරකින් හමු වන ඡායාරූපයක් ඔබ වෙත ඉදිරිපත් කරන්නයි. අන්තර් ජාලය පුරා මේ වන විටත් වැඩි දෙනකුගේ අවධානය දිනා ගෙන තියෙනවා.

මේ ඡායාරූපයෙන් කියැවෙන්නේ මිනීමරු සුදු මෝරකුගේ ඉරණම දැක්වෙන කතාවක්. පසුගිය සතියෙදි නවසීලන්තයේ මුහුදේදි ගත්තු එකක්.

මහා භූමිකම්පාවකින් පසු පාකිස්ථාන මුහුදෙන් මතු වූ ලෝකයේ අලූත් ම දූපත!

පසුගියදා පාකිස්ථානයේ ප‍්‍රබල භූමිකම්පාවක් ඇති වුණා. 7.8ක් වූ ඒ භූමිකම්පාවෙන් බලූකිස්ථානය අසල මුහුදේ අලූත් දූපතක් මතු වුණා. ලෝකයේ අලූත් ම දූපත එයයි.

සල්සාලා කෝහ් (Zalzala Koh) යනුවෙන් ඒ දූපත නම් කරලා තියෙනවා. දාල්බන්දින්වලට සැතැපම් 145ක් ගිනිකොන දෙසින් හටගත් මේ භූම්කම්පාව නිසා දැන් එය බලන්න සංචාරකයන් වගේම පාකිස්ථාන වැසියන් වැල නොකැඩි එනවා. ඒ දූපතටත් ගොඩ වෙනවා. ගිනිගන්නාසුලූ වායුව, විස දුම් ආදිය ඇති බව අනතුරු හැෙඟව්වත් ඒවා ගනන් නොගෙනයි, ඔවුන් එහි එන්නෙ.

ඒ දූපතේ පිපිරුණු මඩ, වැලි, ගල් මුසු බිම මත මුහුදු සතුන්ගේ මළ සිරුරු, විශේෂයෙන් ම මාළුන් මළකුණු පිරිලා තියෙනවා.

මෙන්න ලෝකයේ අලූත් ම දූපත අහසට පෙනෙන හැටි. මේ මඩ කන්ද මීටර් 15ක් 20ක් විතර උස ඇති. මිනිසුන්ට ඒ මත ඇවිද ගෙන යා හැකි තරමට එහි බිම ඝනකම් කියලයි, කියන්නෙ.

MH370 මැලේසියානු ගුවන්යාන අබිරහස : නියමුවාම යානය බලෙන් ගෙන ගියාද?

2014 මාර්තු 16 වැනිදා

අනතුරට පත් යානයේ නියමුවා වූ සහාරි අහමඞ් ෂා දේශපාලන උමතුවකින් පෙළෙන්නකු ලෙස දැන් සැක කරනවා. එම්එච්370 යානය නියමුවා ලෙස සේවයට වාර්තා කරන්නට පෙර ඔහු මැලේසියාවේ විරුද්ධ පක්ෂ නායකයා වූ අන්වර් ඒබ‍්‍රහම්ට එරෙහිව පැවති නඩු විභාගයට බලන්නට ගිය බවක් ෆෙඩරල් පරීක්ෂක නිලධාරින් කියනවා.