Skip to main content

ඔන්න පෘථිවිය ආසන්නයටම ග‍්‍රහකයක් එනවා! අපට හොඳටම ළංවෙන්නේ ලබන සිකුරාදා!

ඇමරිකාවේ නාසා ආයතනය බය හිතෙන වීඩියෝවක් නිකුත් කරලා තියෙනවා. දැවන්ත ග‍්‍රහකයක් අපේ දිහාට එන බව දක්වමින්.

තව දවස් කීපයයි, තියෙන්නෙ. අඩි 150ක් පළල ටොන් 130,000ක් බර මේ ග‍්‍රහකය අපේ හැපෙන්නෙ නෑ කියලයි ඔවුන් කියන්නෙ. ඒත් ඒක අපේ සන්නිවේදන හා කාලගුණ චන්ද්‍රිකා රැඳී තියෙන කලාපය හරහා යන එක ස්ථිරයි.

මේ තමයි පළමු වන වතාව මේ ප‍්‍රමාණයේ ග‍්‍රහකයක් අපට ළං වුණු. ඒත් විද්‍යාඥයන් ස්ථිර කර කියනවා, එය පොළොවට සැතැපුම් 17,100කට වඩා ළං වෙන්නෙ නැති බව.


නාසා ආයතනයේ වීඩියෝවෙන් පෙන්වා දුන්නා 2012 ඞීඒ14 ග‍්‍රහකය කොයිතරම් පෘථිවියට සමීප වෙනවාද කියා.



‘එය කොහොමටවත් පොළොව හා ගැටෙන්නේ නැහැ.’ යැයි නාසා ආයතනයේ පෘථිවි ආසන්න වස්තූන් පිළිබඳ වැඩ සටහනෙහි කළමනාකාර ඩොනල්ඞ් යෝමන්ස් කියනවා. ඔහු මේ ප‍්‍රකාශය කළේ කැලිෆෝනියාවේ පසදේනාහී පිහිටි ජෙට් ප‍්‍රචාලන රසායනාගාරයේ සිටයි.

කෙසේ වෙතත්, ඔහු කියන්නේ ඒ ග‍්‍රහකය සිය ගමනේ දී අපේ ග‍්‍රහයාට කෙතරම් සමීප වෙනවාද කීවොත් නැගෙනහිර යුරෝපයේ සිට ඕස්ටේ‍්‍රලියාව තෙක් තරු ගවේෂණය කරන අයට දෙනෙතියකින් පවා මෙය දැකගත හැකි බවයි.

මේ වන විට අපේ චන්ද්‍රිකා සිය ගණනක් සැතැපුම් 22,300ක් පමණ ඉහළින් කක්ෂවල ?ඳෙමින් පෘථිවිය වටා යනවා. ඒවා ඇත්තේ ග‍්‍රහකය අප පසු කර යන මාර්ගයට ඉහළිනුයි. ආචාර්ය යෝමන්ස් ඇතුළු අනෙක් විද්‍යාඥයන් කියන්නේ එය අපේ චන්ද්‍රිකා පිහිටි වළල්ලේ දී චන්ද්‍රිකාවක ගැටෙයි කියල හිතන්න කොහෙත්ම බැරි බවයි.

එහෙමවුනත් චන්ද්‍රිකා මෙහෙයවන්නට දැනටමත් දන්වා තියෙනවා ඒ ගැන පරීක්ෂාවෙන් සිටින ලෙස.

‘කවුරුත් මෙතෙක් අනතුරු අඟවලා නෑ. එහෙම අනතුරු අඟවන්න තරම් දෙයක් නෑ.’ ආචාර්ය යෝමන්ස් පසුගිය සිකුරාදා කීවා. ‘මට නම් එයින් කිසිම අනතුරක් සිදු වෙතැයි හිතන්න බැහැ’

මේ ග‍්‍රහක අපට පියවි ඇහැට දැක ගන්න අමාරුයි, ඉතා කුඩා වස්තූන් නිසා. ඒත් මෙයට වඩා විශාල එකක් වූ සැතැපුම් 6ක් පළල වූ ග‍්‍රහකය මීට වසර මිලියන 65කට ඉහත පොළොවේ හැපී මෙහි විසූ මුළු ඩයිනොසෝරයන් වඳකර දමන්න සමත් වුණා.

මේ ග‍්‍රහකයට නම යොදා ඇත්තේ එය සොයා ගත් දිනය අනුව යමිනි. මෙසේ පෘථිවියේ ආකර්ෂණය නිසා පෘථිවිය දෙසට ඇදී එන ග‍්‍රහකය ඒ එක්කම සූර්යයා දෙසට ඇදී යන්නේ එහි ආකර්ෂණය නිසයි.

 
මේ වගුවෙන් පෙන්වා දෙන්නේ 2113 පෙබරවාරි 15 වැනිදා ඒ ග‍්‍රහකය යන වලයාකාර ගමන් මාර්ගයයි. අපේ චන්ද්‍රිකා යන කක්ෂ ඇතුළත් වන වළල්ලට පහළින් පෘථිවියට ආසන්නවයි, ඒ මග වැටී ඇත්තේ.

 
පෘථිවියේ සමක තලයට අනුරූපව ග‍්‍රහකයේ ගමන් මග විහිදී ඇති අන්දම. එය චන්ද්‍රිකා වළල්ලට ඇතුළෙන් ගමන් කරන බව මෙයින් පෙනෙයි.

යම් හෙයකින් පෘථිවියේ ආකර්ෂණය වැඩි වී එය පෘථිවිය දෙස වේගයෙන් ඇදී අවුත් පෘථිවියේ හැපුණොත් විද්‍යාඥයන් කියන්නේ ටීඑන්ටී පුපුරන ද්‍රව්‍ය ටොන් මිලියන 2.4ක් පිපිරවූ විට ඇති වන ශක්තියට සමාන ශක්තියක් ජනිත කොට මුදා හැරෙන බවයි. එවිට එය වදින තැන අවට වර්ග සැතැපුම් 750ක පමණ ප‍්‍රදේශයක ඇති සියල්ල සුන්නත් දූලි වෙලා යනවා.

1908 දී සයිබිරියාවේදී එවැන්නක් සිදු වුණා. ඒක මීට වඩා කුඩා ග‍්‍රහකයක්. පොළොවේ හැපුණේ නෑ. ඒත් තුන්ගුස්කා ගඟ අවට වනාන්තරයක් සම්පූර්ණයෙන් ම විනාශ වුණා. ඒ ග‍්‍රහකය පොළොවේ වදින්න සැතැපුම් පහක් තිබියදී පුපුරා ගියා.

මේ ප‍්‍රමාණයේ ග‍්‍රහකයක් පෘථිවියේ හැපෙන්න ඇති ඉඩකඩ හරිම අඩුයි. ඒක වසර 1200කට වරක් සිදු විය හැකි දෙයක්. මේ වගේ කන ළඟින් යන අවස්ථාවක් වුනත් උදාවෙන්නේ සෑම අවුරුදු 40කට වරක්.

සෞරග‍්‍රහ මණ්ඩලයේ ඇති ග‍්‍රහකවලින් වැඩි ප‍්‍රමාණයක් තියෙන්නේ අඟහරු හා බ‍්‍රහස්පතී යන ග‍්‍රහයන් දෙදෙනා අතර ග‍්‍රහක වළල්ලේයි. ඒවා වසර බිලියන ගණනක් තිස්සේ එහි තිබෙනවා. ඉඳහිට මේ එකක් ඒ වළල්ලෙන් පිට පැන මෙසේ පෘථිවිය අසලින් යනවා.

එය පෘථිවියට වඩාත් ළං වන්නේ ඉන්දුනීසියාවට ඉහළින්. ඒ ලබන සිකුරාදා (15 දා) ගි‍්‍රනීච් වේලාවෙන් රාති‍්‍ර 7.30ටයි.

අපට බලන්න තරම් අසිරිමත් දසුනක් ලෙස එය සැලකෙන්නේ නෑ. එය මේ ගමන යන්නේ පැයට සැතැපුම් 17,400ක වේගයකින්. එය අධිවේගී රයිපලයකින් නිකුත් වෙන උණ්ඩයක වේගය මෙන් අට ගුණයකටත් වඩා වේගවත්.



මේ ග‍්‍රහකය පියවි ඇසින් දැක ගන්න බැහැ. දෙනෙතියකින් හෝ දුර දක්නයකින් වුනත් මෙය පෙනෙන්නේ කුඩා ආලෝක තිතක් හැටියටයි. මෙය පෙනෙන්නේ ආසියාවේ අයටක්, ඕස්ටේ‍්‍රලියාවේ හා නැගෙනහිර යුරෝපයේ අයටත් විතරයි.

ඇමරිකාවේ හා එක්සත් රාජධානියේ නිරීක්ෂකයන්ටත් මෙය දැක ගැනීමේ හැකියාව ලැබෙනවා. කැලිෆෝනියාවේ මොහාවි කාන්තාරයේ ස්ථාපිත කර ඇති නාසා ආයතනයේ ඈත අභ්‍යවකාශ ඇන්ටෙනාව යොදා ගෙන නරඹන්න පුළුවන්. ඒත් ඒ සඳහා රේඩාර් පිළිබිඹු ලබා ගැනීමට හැකි වන තෙක් ළං වනතුරු පැය අටක් බලා ඉන්න ඕනෑ.

විද්‍යාඥයන් මේ ගැන ලැබෙන ඕනෑම පින්තූරයක් බාර ගන්න සුදානමින් ඉන්නෙ. මේ ප‍්‍රමාණයේ ලොකු ග‍්‍රහකයක් මේ තරම් ළං වෙන අවස්ථා විරල නිසා මෙයින් ලබන දැනුම අනාගතයේ එන මාරක ග‍්‍රාහක තේරුම් ගන්න උදවු වෙන නිසා. එයින් අපට පෘථිවිය ආරක්ෂා කර ගන්න පිහිටක් විය හැකියි.

මේ වන විට නාසා ආයතනය විසින් ගණන් ගනු ලැබ තියෙනවා, පොළොවට ආසන්න වස්තූන් 10,000කට වැඩියෙන් පසුගිය 15 වසර තිස්සේ කළ ප‍්‍රයත්නයක ප‍්‍රතිඵලයක් හැටියට. ඇත්තටම නම් මේ ගණන පෘථිවියෙන් ඔබ්බෙහි ඇති මුළු ග‍්‍රහක සංඛ්‍යාවෙන් සියයට 10ක් විතරයි.

මෙවැනි ග‍්‍රහකයක් කවදාවත් පෘථිවියේ හැපෙන්නේ නැතැයි කිසිම විද්‍යාඥයෙකු කියන්නේ නැහැ. එහෙත් එසේ වීමට ඇති සම්භාවිතාව ඉතාමත් අඩු බවයි ඔවුන් කියන්නේ.

‘අපට මේ ලෝකයේ ඇති සියලූම මුදල් යොදවන්න බැහැනෙ මේ ග‍්‍රහක ගැන සොයන්නයි, ඒවායේ ගමන් මග වෙනස් කරන්නයි ක‍්‍රම සොයන්න.’ ලින්ඞ්ලි ජොන්සන් කියනවා. ඔහු වොෂින්ටනයේ පිහිටි පෘථිවි ආසන්න වස්තූන් නිරීක්ෂණය කිරීමේ වැඩසටහනෙහි විධායක නිලධාරියෙක්.





ඔබාමා සඳහන් කර තිබූ පරිදි මීළඟට එන දශක කීපය තුළ ග‍්‍රහකයකට අභ්‍යවකාශගාමීන් යවන්න නාසා ආයතනය සැලසුම් කර තිබෙනවාදැයි ඇසූ විට මිනිසුන් යවා කරන ගවේෂණ කීපයක් ගැනම අවධානය යොමු වී තිබෙන ජොන්සන් පිළිතුරු වශයෙන් කීවා.

2016 දී කරන්න සැලසුම් කර ඇත්තේ වඩා විශාල ග‍්‍රහකයක් වෙත යානයක් යවන්නයි. එසේ යවා සාම්පල ගෙන ඒමට සිදු වන්නේ 2023දියි.

2012 ඞීඒ14 ග‍්‍රහකය සොයා ගත්තේ පසුගිය වසරේදි ස්පාඤ්ඤයේ තරකා විද්‍යාඥයන් පිරිසක්. විද්‍යාඥයන් සැක කරන විදියට මෙය සිලිකේට් පාෂණවලින් නිර්මිත එකක්. ඒකත් නිශ්චිත දන්නේ නැහැ. ඒ විතරක් නෙවෙයි එහි හැඩයත්, හරියටම ප‍්‍රමාණයත් කියන්න ඔවුන් දන්නේ නැහැ.

ආචාර්ය යෝමන්ස් වගේම ජොන්සනුත් කියන්නේ මේ ග‍්‍රහකයෙන් අපට කිසිම හානියක් සිදු නොවන බවයි. අපේ චන්ද්‍රිකාවකටවත් හානියක් වෙන්නෙ නැති බවයි ඔවුන් කියන්නේ.

‘පෘථිවි වායුගෝලයට දිනපතා ම අභ්‍යවකාශ පාෂාණ කැබලි ඇතුළු වෙනවා. වොලිබෝලයක් තරම් ඒවා දිනපතාම එනවා. ඒවා වායුගෝලයට ඇතුළු වෙද්දීම පිලිස්සී විනාශ වෙනවා. සති කීපයකට ම වරක් කාරකෙක් තරම් ලොකු ග‍්‍රහකත් එනවා. වායුගෝලයට ඇතුළුවෙද්දී ම ඒවා ගිනි ගෙන විනාශ වෙනවා.’ යෝමන්ස් කියනවා.


Comments

  1. වැදගත් ලිපියක්.. හරියටම පෘතුවිය ගාවින් ග්‍රහකය යන වෙලාව දන්නවද??
    පුලුවන්නම් මගේ බ්ලොග් එකටත් ගොඩවැදිලා යන්න
    http://yashgelokaya.blogspot.com/

    ReplyDelete

Post a Comment

Popular posts from this blog

ලෝකයේ වටිනාම මුද්දරය වෙන්දේසියට! දැනට ඇත්තේ ලෝකෙටම එකයි!

මුද්දර එකතු කිරීම (Philately) විනෝදාංශයක් වගේම හොඳ ආදායම් මාර්ගයක්. පුංචි වුණාට තැපැල් මුද්දරයක් කියන්නේ රටක ඉතිහාසය කියාපාන කැඩපතක්. රටකින් රටකට හොඳ හිත පතුරුවමින් යන සංස්කෘතික තානාපතිවරයෙක්!

ඒ වගේ පැරණි තැපැල් මුද්දරයක් එහි මුහුණත සඳහන් වටිනාකමට හුඟක් වැඩිවෙන වෙලාවල් තියෙනවා. එහෙම වෙන්නේ ඒවායේ ඇති දුලබකම නිසයි.

ඒ වගේ 1873 දී ලිපිගොනු ගොඩක් අස්සේ තිබී හමුවුණු පාවිච්චි කළ ශත එකේ තැපැල් මුද්දරයක් පසුව වෙළෙඳ පොළේ දී සිලිං හයකට විකුණුණා. බි‍්‍රතාන්‍ය ගයානාව (British Guiana) විසින් නිකුත් කළ ශත එකේ දම්පාට තැපැල් මුද්දරය (1c Magenta stamp) දැන් යළිත් වෙන්දේසිය සඳහා වෙළෙඳපොළට ඇවිත්. අද, වසර 141කට පසු, එයට මුද්දර වෙන්දේසියේ දී ඇමරිකන් ඩොලර් මිලියන 20ක මුදලක් ලැබේවි යැයි විශ්වාස කරනවා.

මෑතදී ‘ලොව වඩාත් වටිනාම මුද්දරය’ ලෙස හඳුන්වනු ලැබූ මේ පැති අටේ හැඩැති තැපැල් මුද්දරය 2014 ජූනි මාසයේ 17 වැනිදා ඇමරිකාවේ නිව්යෝක්හිදී ප‍්‍රසිද්ධ වෙන්දේසියේ විකිණීමට නියමිතයි.

මෙය දැනට ලෝකයේ සුරක්ෂිතව ඉතිරි වී ඇති මේ වර්ගයේ එකම මුද්දරය ලෙස සැලකෙනවා. මෙය නිකුත් කරන ලද්දේ 1856දියි. බි‍්‍රතාන්‍ය ගයානාවේ තැපැල් මහතා…

MH370 මැලේසියානු ගුවන්යාන අබිරහස! ලෝකයේ අබිරහස් ලෙස අතුරුදන් වුණු ගුවන්යානා 10 මෙන්න!

පසුගිය සතියේ (මාර්තු 8 වැනිදා) අතුරුදන් වූ පිසැරි අංක එම්එච්370 මැලේසියානු මගී ගුවන්යානයට වූ දේ තවමත් අබිරහසක්. රටවල් 10 ගුවන්යානා, නැව්, චන්ද්‍රිකා රැසක් මේ අබිරහස විසඳන්න තවමත් වෙහෙසෙනවා.

ඒත් මෙය දැනටමත් නොවිසඳෙන අබිරහසක් පත් වෙන ලකුණු පහළ වෙලා!

ලොව පළමු සෙල් ෆෝනය මේකද? වසර 75ක් පැරණි පින්තූරයේ රහස හෙළි වෙයිද?

බලන්න මේ තරුණිය ජංගම දුරකතනයක් කනේ තියා ගෙන පාර දිගේ කතා කර කර යනවා! අද නම් මේ වගේ දසුනක් ගමක පාරක වුනත් ඔබ දැක ඇතුවාට සැකයක් නැහැ. ඒත් මේ දර්ශනය කැමරාවට නඟා ඇත්තේ මීට අවුරුදු 75කට පෙරයි!

1938 දී ඇමෙරිකාවේ වීදියක ගමන් කළ මේ යුවතියගේ අතට වර්තමානයේ අප පාවිච්චි කරනා තාලේ සෙල් ෆෝනයක් (ජංගම දුරකතනයක්) ආවෙ කොහොමද?

ඒ කාලයේ මේ වගේ දෙයක් නිපදවීම තියා මෙවැන්නක් ගැන හිතලවත් නොතිබුණා නම් මෙම දර්ශනය චිත‍්‍රපටයකට ගත් නිර්මාණයක්ද? සමහර අය කීවේ චිත‍්‍රපටය තුළින් අනාගතය දැකීමක් ලෙස මෙම දසුන සලකන්න පුළුවන් කියලයි. අනාගතය පරිකල්පනය කළ අවස්ථා චිත‍්‍රපටවල ඕනෑ තරම් තිබුණා. මේ වගේ

මේ රූප පෙළ මේ වන විට යූටියුබ් (YouTube) එක හරහා ලක්ෂ තුනකට වැඩි වාර ගණනක් සංසරණය වෙලා තියෙනවා. වර්ණ චිත‍්‍රපට එන්නට පෙරාතුව කළු සුදු ක‍්‍රමයට කැමරාවට නගන ලද මෙහි රහස පසුගිය දා හෙළි වුණා. මෙම තරුණිය තමාගේ මීමිත්තණිය යැයි යුටියුබ් ග‍්‍රාහකයෙක් හෙළි කළා.

අනාගතයට යාමක් ද? මෙහි දැක්වෙන්නේ ඇමරිකාවේ ඩුපොන්ට් ආයතනයෙන් පිට වී යන තරුණ සේවිකාවන් පිරිසක්. එයින් එක් තරුණියක් අතේ ඇති ජංගම දුරකතනයකින් කතා කරමින් යනවා ඔබට පෙනෙනවා ඇති. වසර 75කට ප…

නස්රුදින්ගේ වේළීමේ රහස! අලුත්ම නස්රුදින් කතාවක්!

නස්රුදින්ගේ පොහොසත් මිතුරෙක් ඔහුට කතා කළා, ඒ මිතුරාත් ඔහුගේ පිරිසත් එක්ක දින කීපයක් තිස්සේ දඩයමේ යන්න. මුල් ම දවසේ ඔවුන් නස්රුදින්ට දුන්නෙ බොහොම හෙමින් යන අස්සයෙක්. දඩයමට යන්න පටන් අරන් වැඩි වේලාවක් ගියේ නෑ, හෙමින් ගිය අස්සයා නිසා නස්රුදින් හුඟක් පහුවුණා. නස්රුදින්ව පහු කරලා දාලා අනෙක් පිරිස ඈතට දඩයමේ ගියා.

දියණිය උපන් මොහොතේ පියා ගත් පින්තූරය අන්තර් ජාලය කළඹයි! වෛද්‍යවරයාගේ අතේ එල්ලී එළියට ආ ළදැරිය මෙන්න!

ජීවිතයේ විස්මිත මොහොතවල් ඡායාරූපයට නැඟීම වාසනාවත් එක්ක සිදු වන දෙයක්. එහෙම වාසනාවක් ලද මාපිය යුවලක් තමන් ගත් ජීවිතයේ අමතක නොවන පින්තූරය ‘මුහුණු පොතේ’ පළ කළා. මොහොතකින් එය අන්තර්ජාලය පුරා ‘කුණාටුවක්’ මෙන් හඹා ගියා.

මෙලොව එළිය දකින්න මොහොතකට පෙර පුංචි නෙවායි මව් කුස හිඳිමින් තම උදව්වට ආ වෛද්‍යවරයාගේ ඇඟිල්ලේ එල්ලූන හැටි!

හොල්මන් පින්තූර කතන්දර පෙළක්! මේවා දැකල බය වෙන්න එපා!

රාති‍්‍ර කාලයට අඳුරේ දී ඔබව බියපත් කරන හැම රටකටම, හැම සමාජයකම තියෙනවා. ඇත්තටම හොල්මන් තියෙනවා කියල ඔප්පු කරන්න හොල්මන්වල පින්තූර ගන්න අයත් ඉන්නවා. මේ ඒ විදියට ගත්තු පින්තූර පෙළක්!


අවුරුදු ගානක් තිස්සෙ විවිධ අවස්ථාවලදි ගත්තු පින්තූර තමයි, මේ තියෙන්නේ. මෙහි ඉන්නවා, ඝාතනය කළ වහල් සේවකයන්, රෝහල්වල වධබන්ධනවලට ලක්ව මියගිය රෝගීන්, අතීතයට එක් වූ මුහුදු නැවියන් ආදී නොයෙක් අය. මොවුන්ගේ හොල්මන් කතා අහපු බොහොම දෙනෙක් බියට පත් වුණා. තාමත් අහන අයගේ ඇඟ හිරි වැටෙනවා.

මුල්ම ඇපල් 1 පරිගණකය ලෝක වාර්තාවක් තියයිද? ඇපල් සමාගමේ ආරම්භය හෙළිකරන මෙතෙක් පළ නොවූ ඡායාරූපයක්!

ඇපල් පරිගණකය පටන් ගත් හැටි දැන් දකින කොටත් පුදුම හිතෙනවා. ඒ මුල් ම ඇපල් පරිගණකය අළෙවි කරන්න ගෙනියන්න පෙර පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුගිය දා ප‍්‍රථමවරට හෙළිදරවු වුණා.

මේ ඡායාරූපයට නගා තියෙන්නේ 1976 දියි. එතකොට ස්ටීව් ජොබ්ස්ට (Steve Jobs) වයස 21යි. ඔහුගේ මිතුරු ස්ටීව් වොස්නියැක් (Steve Wozniak) සමග එක්ව ඔවුන් දෙදෙනා මේ මුල්ම ඇපල් පරිගණක තැනුවේ ස්ටීව් ජොබ්ස්ගේ මාපියන්ගේ ගෙදර ගරාජයකයි. ඔවුන් ඒ තැනූ මූල් පරිගණක 50 තැන්පත් කරල තිබුණු ආකාරය දැක්වෙන මේ විරල ඡායාරූපය නිකුත් කරනු ලැබුවේ ලබන නොවැම්බර් 16 වැනිදා වෙන්දේසියට තැබෙන දැනට හොඳම තත්වයේ ඇති පැරණි ම ඇපල් පරිගණකය එළි දැක්වීම වෙනුවෙන්.

මෙය දැනට ලෝකයේ ඇති වටිනාම සන්නම ලෙස සැලකෙන ඇපල් පරිගණකයේ ආරම්භක තත්වය තේරුම ගන්නත් හොඳ අවස්ථාවක්. මේ සන්නමෙහි අද වටිනාකම පවුම් බිලියන 60ක්.

ඇපල් පරිගණකයේ ආරම්භය දැක්වෙන මේ කිසිදා එළියට නො පැමිණි ඡායාරූපයක්. ඒ මුල් ම ඇපල් පරිගණකය අළෙවි කරන්න ගෙනියන්න පෙර 1976 දී පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුග…

දුර්ලභ ගණයේ සේයා රුවක්! නවසීලන්තයේ ධීවරයකුගේ නවතම ගොදුරක්!

මෙය ලියැවෙන්නේ කලාතුරකින් හමු වන ඡායාරූපයක් ඔබ වෙත ඉදිරිපත් කරන්නයි. අන්තර් ජාලය පුරා මේ වන විටත් වැඩි දෙනකුගේ අවධානය දිනා ගෙන තියෙනවා.

මේ ඡායාරූපයෙන් කියැවෙන්නේ මිනීමරු සුදු මෝරකුගේ ඉරණම දැක්වෙන කතාවක්. පසුගිය සතියෙදි නවසීලන්තයේ මුහුදේදි ගත්තු එකක්.

මහා භූමිකම්පාවකින් පසු පාකිස්ථාන මුහුදෙන් මතු වූ ලෝකයේ අලූත් ම දූපත!

පසුගියදා පාකිස්ථානයේ ප‍්‍රබල භූමිකම්පාවක් ඇති වුණා. 7.8ක් වූ ඒ භූමිකම්පාවෙන් බලූකිස්ථානය අසල මුහුදේ අලූත් දූපතක් මතු වුණා. ලෝකයේ අලූත් ම දූපත එයයි.

සල්සාලා කෝහ් (Zalzala Koh) යනුවෙන් ඒ දූපත නම් කරලා තියෙනවා. දාල්බන්දින්වලට සැතැපම් 145ක් ගිනිකොන දෙසින් හටගත් මේ භූම්කම්පාව නිසා දැන් එය බලන්න සංචාරකයන් වගේම පාකිස්ථාන වැසියන් වැල නොකැඩි එනවා. ඒ දූපතටත් ගොඩ වෙනවා. ගිනිගන්නාසුලූ වායුව, විස දුම් ආදිය ඇති බව අනතුරු හැෙඟව්වත් ඒවා ගනන් නොගෙනයි, ඔවුන් එහි එන්නෙ.

ඒ දූපතේ පිපිරුණු මඩ, වැලි, ගල් මුසු බිම මත මුහුදු සතුන්ගේ මළ සිරුරු, විශේෂයෙන් ම මාළුන් මළකුණු පිරිලා තියෙනවා.

මෙන්න ලෝකයේ අලූත් ම දූපත අහසට පෙනෙන හැටි. මේ මඩ කන්ද මීටර් 15ක් 20ක් විතර උස ඇති. මිනිසුන්ට ඒ මත ඇවිද ගෙන යා හැකි තරමට එහි බිම ඝනකම් කියලයි, කියන්නෙ.

MH370 මැලේසියානු ගුවන්යාන අබිරහස : නියමුවාම යානය බලෙන් ගෙන ගියාද?

2014 මාර්තු 16 වැනිදා

අනතුරට පත් යානයේ නියමුවා වූ සහාරි අහමඞ් ෂා දේශපාලන උමතුවකින් පෙළෙන්නකු ලෙස දැන් සැක කරනවා. එම්එච්370 යානය නියමුවා ලෙස සේවයට වාර්තා කරන්නට පෙර ඔහු මැලේසියාවේ විරුද්ධ පක්ෂ නායකයා වූ අන්වර් ඒබ‍්‍රහම්ට එරෙහිව පැවති නඩු විභාගයට බලන්නට ගිය බවක් ෆෙඩරල් පරීක්ෂක නිලධාරින් කියනවා.