Skip to main content

ගූගල් ආයතනයෙන් ඔබට විස්මිත උපැස් යුවළක්! පලඳින්න පුළුවන් පළමු පරිගණකය මේකද ?

ගූගල් ආයතනය කියනවා, ඔවුනගේ අලූත් ම නිපැයුමෙන් ඔබට අවශ්‍ය දේ ඔබ ඉදිරියේ මවා පින්නට පුළුවන් කියලා. ‘ප‍්‍රක්ෂේපණ වීදුරුවක්’ (Project Glass) ලෙසින් හැඳින්වෙන මේ නව නිපැයුම මුල් ම පැලඳිය හැකි කොම්පියුටරය ලෙසත් හැඳින්විය හැකියි.

මොකක්ද මේ අපූරු මෙවලම ? ගූගල් ආයතනය දැනට හෙළිදරවු කරල තියෙන විදියට මෙය ඇස් කන්නාඩියක් එහෙමත් නැත්නම් උපැස් යුවළක් වගේ එකක්.

මේ ඇස් කන්නාඩියෙන් පුළුවන් එය පලඳින තැනැත්තාට චන්ද්‍රිකා තාක්ෂණය යොදා ගෙන ගමන් මග සොයා ගෙන යන්න. අන්තර් ජාලයෙන් ලැබෙන ඊමේල් කියවන්න. ඈත තියෙන දෙයක් කල්තියා දැක ගන්න.
ගූගල් එය කි‍්‍රයාත්මක වෙන්නෙ කොහොමද කියල දැන් ම හෙළි කරන්න කැමති නැහැ. ඒ විතරක් නෙවෙයි, මෙය කවදා වෙළඳපොළට එනවද කීයක් විතර මිලක් වෙනවද කියල කියන්නත් කැමති නැහැ.

 
මේ උපැස් යුවළ පලඳින අයට කටහඬ අවදි කිරීමෙන් අන්තර් ජාලය හා එසැණ සම්බන්ධ වෙන්න පුළුවන්.

 
අලූත් වීඩියෝවක් නිකුත් කරල තියෙනවා, මේ නව මෙවලම ගැන. පිඹුරෙක් වැනි සර්පයෙක් අල්ලා ගෙන ඉන්න අයෙක් හා ඒ සතා ගැන බියට පත් වී ඉන්න ළමයෙක් කරන දෙබසක් ඇතුළත්.

 
ගූගල් හෙළිදරවු කරල තියෙනවා, මේ පරිගණක උපැස් යුවළ පලඳිය අයට පෙනෙන දේ මොන වගේද කියලා. මෙහි ඉදිරියෙන් පෙනෙනවා පණිවිඩයක්. පැලඳ සිටින අයට කටහඬින් ඊට පිළිතුරු දෙන්න පුළුවන්.

 
මේ ගූගල් පරිගණක උපැස් යුවළට හැකියාව තියෙනවා, පැලඳි අයට යන එන මග කියා දෙන්න. මේ ඇමරිකාවේ සැන් ෆ‍්‍රැන්සිස්කෝ නුවර ගෝල්ඩන් ගේට් පාලම මතදි එය පැලඳි ගූගල් සේවකයකුට යායුතු නිවැරදි මග කියා දුන් අයුරු.

 
මෙය භාවිත කරන්නාට අවශ්‍ය නම් තමන් දකින දේ වීඩියෝ කරන්න පුළුවන්. ඉල්ලීමක් කළොත් කාලගුණ තොරතුරුත් දෙනවා.

මේක වැඩ කරන හැටි හරිම සරලයි. පින්තූරයක් ගන්න ඕනැ වුණාම ‘පින්තූරය ගන්න!’ කියන්න විතරයි තියෙන්නෙ. ඔබ එවේලේ දකින දේ ඉබේම කැමරා ගත වෙනවා. ඒ වගේම ඔබ දකින දේ එවේලේ වෙනත් කෙනකු එක්ක බෙදා හදා ගන්නත් පුළුවන්.

අවශ්‍ය පරිගණක උපදෙස් ඔබ ඉදිරියේ දිස් වෙනවා. ඔබට අවශ්‍ය සියල්ල ඉටු කර ගැනීම සඳහා ඔබේ හඬින් ම උපදෙස් දෙන්න පුළුවන්. ඔබේ හඬ පරිවර්තනය කරන්නත් ඊට පුළුවන්.

මේ ප‍්‍රක්ෂේපණ කන්නාඩි වර්ණ පහකින් එනවා. කළු, අළු, නිල්, රතු හා සුදු ආදී වශයෙන්. උපැස් යුවළේ වර්ණ මාරු කරන්නත් පුළුවන්.

 
මේ උපැස් යුවළ සමග එහි සන්ග්ලාස් එකක් කරන්න පුළුවන් කාච කීපයක් ද මේ මෙවලම සමග ලබා ගන්න පුළුවන්.

 
මෙහි තවත් වැඩි දියුණු කළ ගුණාංගයක් තමා, මේ. පලඳින අයට සිතියමක් අනුව පාර පෙන්වන්න පුළුවන්.

 
ඔබ දකින බස ඔබ දන්නා බසට පෙරළා දෙන්නත් පුළුවන්. ඉදිරි තිරයේ පෙනෙන්නේ එළවළු බක්කියේ ඇති චීන අකුරුවල තේරුමයි.

 
මේ උපැස් යුවළට ගුවන්තොටුපොළේ දී පියසැරි තොරතුරු යන ගමන් ම ඔබට කියා දෙන්නත් පුළුවන්.

මේ උපැස් යුවළ භාවිත කරන අයුරු ගැන උපදෙස් ඇතුළත් වචන 50ක හඬ පටියක් හෝ තත්පර 15ක වීඩියෝවක් හා මූලික කරුණු කියා දෙන ඡුායාරූප පහක් මෙහි තියෙනවා.

මෙහි වැඩි දියුණු කළ යුතු හුඟක් දේ තියෙනවා, දැනටමත් ඒ සඳහා ඔවුන් හා එක් වෙන්නැයි ගූගල් ආයතනය, නිර්මාණශිලී අයට ඇරයුම් කරලයි තියෙන්නෙ.

‘හැම දෙයක් ම සර්ව සම්පූර්ණ කරන්න මුලදි බැරි වේවි. ඒත් අපට ස්ථිරව කියන්න පුළුවන්, මේක අලූත් අපූරු අත්දැකීමක් වෙන බව නම්.’ ඔවුන් කියනවා.

 
මේ උපැස් යුවළෙහි කුඩා තිරයක් තියෙනවා, ඒක පාලනය වෙන්නේ කන්නාඩි රාමුවේ ඔබේ කටහඬ හසුකර ගත හැකි මයික්‍රෝෆෝනයක් මගින්.






Comments

  1. ela ela.
    ookak kiyak withara weida dan naa......

    ookak ganda gewal dorawal hithan ukas karanna wei mage hithe.

    ReplyDelete

Post a Comment

Popular posts from this blog

ලෝකයේ වටිනාම මුද්දරය වෙන්දේසියට! දැනට ඇත්තේ ලෝකෙටම එකයි!

මුද්දර එකතු කිරීම (Philately) විනෝදාංශයක් වගේම හොඳ ආදායම් මාර්ගයක්. පුංචි වුණාට තැපැල් මුද්දරයක් කියන්නේ රටක ඉතිහාසය කියාපාන කැඩපතක්. රටකින් රටකට හොඳ හිත පතුරුවමින් යන සංස්කෘතික තානාපතිවරයෙක්!

ඒ වගේ පැරණි තැපැල් මුද්දරයක් එහි මුහුණත සඳහන් වටිනාකමට හුඟක් වැඩිවෙන වෙලාවල් තියෙනවා. එහෙම වෙන්නේ ඒවායේ ඇති දුලබකම නිසයි.

ඒ වගේ 1873 දී ලිපිගොනු ගොඩක් අස්සේ තිබී හමුවුණු පාවිච්චි කළ ශත එකේ තැපැල් මුද්දරයක් පසුව වෙළෙඳ පොළේ දී සිලිං හයකට විකුණුණා. බි‍්‍රතාන්‍ය ගයානාව (British Guiana) විසින් නිකුත් කළ ශත එකේ දම්පාට තැපැල් මුද්දරය (1c Magenta stamp) දැන් යළිත් වෙන්දේසිය සඳහා වෙළෙඳපොළට ඇවිත්. අද, වසර 141කට පසු, එයට මුද්දර වෙන්දේසියේ දී ඇමරිකන් ඩොලර් මිලියන 20ක මුදලක් ලැබේවි යැයි විශ්වාස කරනවා.

මෑතදී ‘ලොව වඩාත් වටිනාම මුද්දරය’ ලෙස හඳුන්වනු ලැබූ මේ පැති අටේ හැඩැති තැපැල් මුද්දරය 2014 ජූනි මාසයේ 17 වැනිදා ඇමරිකාවේ නිව්යෝක්හිදී ප‍්‍රසිද්ධ වෙන්දේසියේ විකිණීමට නියමිතයි.

මෙය දැනට ලෝකයේ සුරක්ෂිතව ඉතිරි වී ඇති මේ වර්ගයේ එකම මුද්දරය ලෙස සැලකෙනවා. මෙය නිකුත් කරන ලද්දේ 1856දියි. බි‍්‍රතාන්‍ය ගයානාවේ තැපැල් මහතා…

MH370 මැලේසියානු ගුවන්යාන අබිරහස! ලෝකයේ අබිරහස් ලෙස අතුරුදන් වුණු ගුවන්යානා 10 මෙන්න!

පසුගිය සතියේ (මාර්තු 8 වැනිදා) අතුරුදන් වූ පිසැරි අංක එම්එච්370 මැලේසියානු මගී ගුවන්යානයට වූ දේ තවමත් අබිරහසක්. රටවල් 10 ගුවන්යානා, නැව්, චන්ද්‍රිකා රැසක් මේ අබිරහස විසඳන්න තවමත් වෙහෙසෙනවා.

ඒත් මෙය දැනටමත් නොවිසඳෙන අබිරහසක් පත් වෙන ලකුණු පහළ වෙලා!

ලොව පළමු සෙල් ෆෝනය මේකද? වසර 75ක් පැරණි පින්තූරයේ රහස හෙළි වෙයිද?

බලන්න මේ තරුණිය ජංගම දුරකතනයක් කනේ තියා ගෙන පාර දිගේ කතා කර කර යනවා! අද නම් මේ වගේ දසුනක් ගමක පාරක වුනත් ඔබ දැක ඇතුවාට සැකයක් නැහැ. ඒත් මේ දර්ශනය කැමරාවට නඟා ඇත්තේ මීට අවුරුදු 75කට පෙරයි!

1938 දී ඇමෙරිකාවේ වීදියක ගමන් කළ මේ යුවතියගේ අතට වර්තමානයේ අප පාවිච්චි කරනා තාලේ සෙල් ෆෝනයක් (ජංගම දුරකතනයක්) ආවෙ කොහොමද?

ඒ කාලයේ මේ වගේ දෙයක් නිපදවීම තියා මෙවැන්නක් ගැන හිතලවත් නොතිබුණා නම් මෙම දර්ශනය චිත‍්‍රපටයකට ගත් නිර්මාණයක්ද? සමහර අය කීවේ චිත‍්‍රපටය තුළින් අනාගතය දැකීමක් ලෙස මෙම දසුන සලකන්න පුළුවන් කියලයි. අනාගතය පරිකල්පනය කළ අවස්ථා චිත‍්‍රපටවල ඕනෑ තරම් තිබුණා. මේ වගේ

මේ රූප පෙළ මේ වන විට යූටියුබ් (YouTube) එක හරහා ලක්ෂ තුනකට වැඩි වාර ගණනක් සංසරණය වෙලා තියෙනවා. වර්ණ චිත‍්‍රපට එන්නට පෙරාතුව කළු සුදු ක‍්‍රමයට කැමරාවට නගන ලද මෙහි රහස පසුගිය දා හෙළි වුණා. මෙම තරුණිය තමාගේ මීමිත්තණිය යැයි යුටියුබ් ග‍්‍රාහකයෙක් හෙළි කළා.

අනාගතයට යාමක් ද? මෙහි දැක්වෙන්නේ ඇමරිකාවේ ඩුපොන්ට් ආයතනයෙන් පිට වී යන තරුණ සේවිකාවන් පිරිසක්. එයින් එක් තරුණියක් අතේ ඇති ජංගම දුරකතනයකින් කතා කරමින් යනවා ඔබට පෙනෙනවා ඇති. වසර 75කට ප…

නස්රුදින්ගේ වේළීමේ රහස! අලුත්ම නස්රුදින් කතාවක්!

නස්රුදින්ගේ පොහොසත් මිතුරෙක් ඔහුට කතා කළා, ඒ මිතුරාත් ඔහුගේ පිරිසත් එක්ක දින කීපයක් තිස්සේ දඩයමේ යන්න. මුල් ම දවසේ ඔවුන් නස්රුදින්ට දුන්නෙ බොහොම හෙමින් යන අස්සයෙක්. දඩයමට යන්න පටන් අරන් වැඩි වේලාවක් ගියේ නෑ, හෙමින් ගිය අස්සයා නිසා නස්රුදින් හුඟක් පහුවුණා. නස්රුදින්ව පහු කරලා දාලා අනෙක් පිරිස ඈතට දඩයමේ ගියා.

දියණිය උපන් මොහොතේ පියා ගත් පින්තූරය අන්තර් ජාලය කළඹයි! වෛද්‍යවරයාගේ අතේ එල්ලී එළියට ආ ළදැරිය මෙන්න!

ජීවිතයේ විස්මිත මොහොතවල් ඡායාරූපයට නැඟීම වාසනාවත් එක්ක සිදු වන දෙයක්. එහෙම වාසනාවක් ලද මාපිය යුවලක් තමන් ගත් ජීවිතයේ අමතක නොවන පින්තූරය ‘මුහුණු පොතේ’ පළ කළා. මොහොතකින් එය අන්තර්ජාලය පුරා ‘කුණාටුවක්’ මෙන් හඹා ගියා.

මෙලොව එළිය දකින්න මොහොතකට පෙර පුංචි නෙවායි මව් කුස හිඳිමින් තම උදව්වට ආ වෛද්‍යවරයාගේ ඇඟිල්ලේ එල්ලූන හැටි!

මුල්ම ඇපල් 1 පරිගණකය ලෝක වාර්තාවක් තියයිද? ඇපල් සමාගමේ ආරම්භය හෙළිකරන මෙතෙක් පළ නොවූ ඡායාරූපයක්!

ඇපල් පරිගණකය පටන් ගත් හැටි දැන් දකින කොටත් පුදුම හිතෙනවා. ඒ මුල් ම ඇපල් පරිගණකය අළෙවි කරන්න ගෙනියන්න පෙර පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුගිය දා ප‍්‍රථමවරට හෙළිදරවු වුණා.

මේ ඡායාරූපයට නගා තියෙන්නේ 1976 දියි. එතකොට ස්ටීව් ජොබ්ස්ට (Steve Jobs) වයස 21යි. ඔහුගේ මිතුරු ස්ටීව් වොස්නියැක් (Steve Wozniak) සමග එක්ව ඔවුන් දෙදෙනා මේ මුල්ම ඇපල් පරිගණක තැනුවේ ස්ටීව් ජොබ්ස්ගේ මාපියන්ගේ ගෙදර ගරාජයකයි. ඔවුන් ඒ තැනූ මූල් පරිගණක 50 තැන්පත් කරල තිබුණු ආකාරය දැක්වෙන මේ විරල ඡායාරූපය නිකුත් කරනු ලැබුවේ ලබන නොවැම්බර් 16 වැනිදා වෙන්දේසියට තැබෙන දැනට හොඳම තත්වයේ ඇති පැරණි ම ඇපල් පරිගණකය එළි දැක්වීම වෙනුවෙන්.

මෙය දැනට ලෝකයේ ඇති වටිනාම සන්නම ලෙස සැලකෙන ඇපල් පරිගණකයේ ආරම්භක තත්වය තේරුම ගන්නත් හොඳ අවස්ථාවක්. මේ සන්නමෙහි අද වටිනාකම පවුම් බිලියන 60ක්.

ඇපල් පරිගණකයේ ආරම්භය දැක්වෙන මේ කිසිදා එළියට නො පැමිණි ඡායාරූපයක්. ඒ මුල් ම ඇපල් පරිගණකය අළෙවි කරන්න ගෙනියන්න පෙර 1976 දී පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුග…

හොල්මන් පින්තූර කතන්දර පෙළක්! මේවා දැකල බය වෙන්න එපා!

රාති‍්‍ර කාලයට අඳුරේ දී ඔබව බියපත් කරන හැම රටකටම, හැම සමාජයකම තියෙනවා. ඇත්තටම හොල්මන් තියෙනවා කියල ඔප්පු කරන්න හොල්මන්වල පින්තූර ගන්න අයත් ඉන්නවා. මේ ඒ විදියට ගත්තු පින්තූර පෙළක්!


අවුරුදු ගානක් තිස්සෙ විවිධ අවස්ථාවලදි ගත්තු පින්තූර තමයි, මේ තියෙන්නේ. මෙහි ඉන්නවා, ඝාතනය කළ වහල් සේවකයන්, රෝහල්වල වධබන්ධනවලට ලක්ව මියගිය රෝගීන්, අතීතයට එක් වූ මුහුදු නැවියන් ආදී නොයෙක් අය. මොවුන්ගේ හොල්මන් කතා අහපු බොහොම දෙනෙක් බියට පත් වුණා. තාමත් අහන අයගේ ඇඟ හිරි වැටෙනවා.

මහා භූමිකම්පාවකින් පසු පාකිස්ථාන මුහුදෙන් මතු වූ ලෝකයේ අලූත් ම දූපත!

පසුගියදා පාකිස්ථානයේ ප‍්‍රබල භූමිකම්පාවක් ඇති වුණා. 7.8ක් වූ ඒ භූමිකම්පාවෙන් බලූකිස්ථානය අසල මුහුදේ අලූත් දූපතක් මතු වුණා. ලෝකයේ අලූත් ම දූපත එයයි.

සල්සාලා කෝහ් (Zalzala Koh) යනුවෙන් ඒ දූපත නම් කරලා තියෙනවා. දාල්බන්දින්වලට සැතැපම් 145ක් ගිනිකොන දෙසින් හටගත් මේ භූම්කම්පාව නිසා දැන් එය බලන්න සංචාරකයන් වගේම පාකිස්ථාන වැසියන් වැල නොකැඩි එනවා. ඒ දූපතටත් ගොඩ වෙනවා. ගිනිගන්නාසුලූ වායුව, විස දුම් ආදිය ඇති බව අනතුරු හැෙඟව්වත් ඒවා ගනන් නොගෙනයි, ඔවුන් එහි එන්නෙ.

ඒ දූපතේ පිපිරුණු මඩ, වැලි, ගල් මුසු බිම මත මුහුදු සතුන්ගේ මළ සිරුරු, විශේෂයෙන් ම මාළුන් මළකුණු පිරිලා තියෙනවා.

මෙන්න ලෝකයේ අලූත් ම දූපත අහසට පෙනෙන හැටි. මේ මඩ කන්ද මීටර් 15ක් 20ක් විතර උස ඇති. මිනිසුන්ට ඒ මත ඇවිද ගෙන යා හැකි තරමට එහි බිම ඝනකම් කියලයි, කියන්නෙ.

දුර්ලභ ගණයේ සේයා රුවක්! නවසීලන්තයේ ධීවරයකුගේ නවතම ගොදුරක්!

මෙය ලියැවෙන්නේ කලාතුරකින් හමු වන ඡායාරූපයක් ඔබ වෙත ඉදිරිපත් කරන්නයි. අන්තර් ජාලය පුරා මේ වන විටත් වැඩි දෙනකුගේ අවධානය දිනා ගෙන තියෙනවා.

මේ ඡායාරූපයෙන් කියැවෙන්නේ මිනීමරු සුදු මෝරකුගේ ඉරණම දැක්වෙන කතාවක්. පසුගිය සතියෙදි නවසීලන්තයේ මුහුදේදි ගත්තු එකක්.

MH370 මැලේසියානු ගුවන්යාන අබිරහස : නියමුවාම යානය බලෙන් ගෙන ගියාද?

2014 මාර්තු 16 වැනිදා

අනතුරට පත් යානයේ නියමුවා වූ සහාරි අහමඞ් ෂා දේශපාලන උමතුවකින් පෙළෙන්නකු ලෙස දැන් සැක කරනවා. එම්එච්370 යානය නියමුවා ලෙස සේවයට වාර්තා කරන්නට පෙර ඔහු මැලේසියාවේ විරුද්ධ පක්ෂ නායකයා වූ අන්වර් ඒබ‍්‍රහම්ට එරෙහිව පැවති නඩු විභාගයට බලන්නට ගිය බවක් ෆෙඩරල් පරීක්ෂක නිලධාරින් කියනවා.