Skip to main content
malkakulu_youtube_page malkakulu_facebook_page

ඔබේ නැබේ ඇති බැක්ටීරියා වනාන්තරය ගැන දන්නවාද?

නැබ, බුරිය, පෙකණිය යන වදන්වලින් හැඳින්වෙන ඔබේ උදරය මැද ඇති කුඩා ඔබ හිතනවාට වඩා බරපතල තැනක්. මවගේ ගැබ තුළ සිටිද්දී ඔබට ජීවය දුන් පෙකණිවැල සම්බන්ධ වූ මේ තැන ඇත්තෙන් ම ඔබට ඔබේ උපත සිහිකරන සංකේතයක් වගෙයි.

ඒත් දැන් විද්‍යාඥයන්ට එය පෙනෙන්නේ මහා බැක්ටීරියා වනාන්තරයක් ලෙසටයි. අලූත් ම අධ්‍යයනයකින් කියැවෙන්නේ ලෝකයේ වැසිවනාන්තරවල හමුවන ජෛවවිවිධත්වයට සමාන බැක්ටීරියා පරිසර පද්ධතියක් මිනිස් පෙකණිය තුළ තිබෙන බවයි.

වසර දෙකක් තිස්සේ නැබ තුළට එබී බැලූ ඇමරිකානු විද්‍යාඥයන් පිරිසක් සොයා ගෙන තියෙනවා, විවිධ බැක්ටීරියා විශේෂ 2,368ක් ඇති බව. ඒ විතරක් නෙවෙයි, එයින් 1,458ක් ම විද්‍යාව විසින් මෙතෙක් හඳුනා නොගත් අලූත් ම බැක්ටීරියා විශේෂයි.

ඔවුන් යොදා ගත් නියැදියට ඇතුළත් වූ සියයට 70ක් වූ දෙනාගේ පෙකණිවළ තුළ මේ බැක්ටීරියා විශේෂ අටක් ස්ථිරව තිබුණා. කෙසේවෙතත් මොන අය ළඟ මොන මොන බැක්ටීරියා වර්ග තිබේ දැයි කියා නිශ්චිතව කියන්න හැකියාවක් මේ අධ්‍යයනයෙන් මතු වුණේ නැහැ.

 
පර්යේෂකයන් විසින් සොයා ගෙන තියෙනවා, ලෝකයේ වැසිවනාන්තරවල පවතින පරිසර පද්ධතියට සමාන විශාල බැක්ටීරියානු ජෛව පද්ධතියක් මේ කුඩා පෙකණිවළෙහි ඇති බව.

‘සාමාන්‍යයෙන් බහුලව ඇති බැක්ටීරියා විශේෂයන් පරිණාමීය වෙනස්කම්වලට භාජනය වී ඇත්තේ සුළු වශයෙන් වන අතර ඒවා ගති ලක්ෂණ ඇති කර ගෙන ඇත්තේ මිනිස් සම මත පහසුවෙන් ජීවත් වීමට අවශ්‍ය ප‍්‍රමාණයට විතරයි’ කියා ඇමරිකාවේ උතුරු කැරොලිනා ප‍්‍රාන්ත විශ්ව විද්‍යාලයේ ආචාර්ය රොබ් ඩන් කියනවා.

‘අප උත්සාහ ගන්නවා නිගමනයකට එන්න මේ බැක්ටීරියාවන් අතරින් කුමන බැක්ටීරියා වර්ගය කෙබඳු සිරුරක තිබිය හැකිද කියා සොයා ගන්න ක‍්‍රම වේදයක් සකසන්න. තාමත් අපට ඒ සඳහා මඟ පෑදිලා නැහැ. අපි වයස, ගැහැනු පිරිමි බව, ජන වර්ගය හා වෙනත් සාධක අනුව ඒ ගැන සොයා බලා ගෙන යනවා. තාමත් ඒක සාර්ථක වී නැහැ.’ ආචාර්ය රොබ් ඩන් කියනවා.

ආචාර්ය ඩන් ඇතුළු පර්යේෂකයන් පිරිස මේ වන විට ගත වූ වසර දෙක තුළ පෙකණිවළවල් 500ක් විතර පරීක්ෂාවට ලක් කරල ඉවරයි. එයින් 60 දෙනකු කෙරෙහි විශේෂ අවධානයක් යොමු කර කළ අධ්‍යයනයන් පසුගියදා පීඑල් ඕඑස් වන් (PLoS One) නම් විද්‍යාත්මක පර්යේෂණ සඳහා වූ අන්තර්ජාල ජර්නලයේ පළ කර තියෙනවා.

පර්යේෂකයන් ඔවුන්ගේ මේ ව්‍යාපෘතිය දියත් කළේ, මිනිස් සම මත ඒකරාශී වන ක්ෂුද්‍රජීවීන් නිසා මෑත අවුරුදුවල මතු වූ තත්වයන්ට හේතු කාරක වූ රෝග කාරකවලට එරෙහිව ආරක්ෂාව සැලසීමේ නව ක‍්‍රමවේදයන් සොයන්නටයි.

‘මේ ක්ෂුද්‍රජීවීන් නොමැතිව අපේ ප‍්‍රතිශක්ති පද්ධතිය නිසියාකාරව පවත්වා ගෙන යන්නට අපට හැකියාවක් නැහැ.’ ආචාර්ය ඩන් ඒ පිළිබඳව ප‍්‍රකාශයක් නිකුත් කරමින් සඳහන් කරනවා.

‘ඇත්තෙන් ම අපේ ප‍්‍රතිශක්ති පද්ධතිය නිසියාකාරව පවත්වා ගෙන යන්නට නම් මේ ක්ෂුද්‍රජීවී එකතුව කිසියම් සංයුතියකින් තියෙන්න ඕනෑ. කිසිම සමතුලිතතාවක් ඒ ක්ෂුද්‍රජීවී පරිසර පද්ධතියේ තිබීම අත්‍යවශ්‍යයි. ඒ නිසා මේ අධ්‍යයනය අපට ඉතාමත් වැදගත් වෙනවා, මේ ක්ෂුද්‍රජීවී පරිසර පද්ධතියේ වඩා වැදගත් කාර්යභාරයක් ඉටු කරන්නේ කුමන ක්ෂුද්‍රජීවීන් ද කියා තේරුම් ගැනීමට.’

මේ නැබෙහි ජෛවවිවිධත්වය විමසීමේ අපූරු අදහස ආවේ මීට වසර දෙකකට පෙරයි. ඒ එක් උපාධි අපේක්ෂකයකුට ආ අමුතු සිතිවිල්ලක් නිසයි. ඔහු නිවාඩු කාලයට සුබ පැතුමක් යවන්න අවශ්‍ය වුණා. ඔහු ඒ සගයාගේ පෙකණියෙහි ඇති බැක්ටීරියා සාම්පලයක් ඊට යොදා ගන්න කල්පනා කළා. ඒ විකාර අදහසෙන් තමයි, අර අපූරු විද්‍යාත්මක ව්‍යාපෘතියට මග පැදුණේ.

නැෂනල් ජ්‍යොග‍්‍රෆික් වෙබ් අඩවිය මෙය වාර්තා කරන්නේ සාමාන්‍ය සරල අදහසක් කොහොමද උතුරු කැරොලිනා විශ්ව විද්‍යාලයේ විද්‍යාඥයන් අතින් වැදගත් ව්‍යාපෘතියක් බවට පත් වූයේ කෙසේද කියා පෙන්වන්නයි. එසේ ම එවැන්නක් ජනතා අවධානය දිනා ගන්නා අයුරින් ඉදිරිපත් කරන අයුරු පැහැදිලි කරන්නත් එක්කයි.

‘අදහස ඉතාම සරලයි. අප මෙහි දී ජනතාවට පෙන්නුම් කර දෙනවා, ඔවුන්ගේ පෙකණියෙහි හැදෙන බැක්ටීරියා ගහණය විමර්ශනය කර පෙන්වනව කෙතරම් විශාල ජීවින් පිරිසක් ඔවුන් මත වෙසෙනවාද යන්න. ඒ වගේම අනෙක් හැමතැනම ඇති විස්මිත දේ මෙන් ම නැබෙහි ඇති විස්මයත් අප පෙන්වා දෙනවා.’ ආචාර්ය ඩන් ‘සයන්ටිෆික් ඇමරිකන්’ වෙබ් අඩවියට ඔහුගේ පුද්ගල බ්ලොගය ලියමින් සඳහන් කරනවා.

‘අපට ඉක්මනින්ම පෙනී ගියා සෑම කෙනකුගේ නැබ එහි වෙසෙන බැක්ටීරියා විශේෂ අනුව එකිනෙකට වෙනස් වෙන බව. මේ වෙනස අපි බලාපොරොත්තු වුණාට වඩා බොහොම වැඩියි. ඒ නිසා අප ඒ ගැන ගැඹුරින් අවධානය යොමු කළා.’ ඔහු වැඩි දුරටත් සඳහන් කරනවා.

පර්යේෂක කණ්ඩායම මේ පරීක්ෂණය සඳහා ස්වේච්ඡාවෙන් ඉදිරිපත් වූ අයට කීවා පුළුන් ගුළියක් පෙකණියට දමා තෙවරක් දෑතට කරකවා එය ඔවුන්ට ලබා දෙන්නට කියා. ඉන්පසු ඔවුන් එහි වූ බැක්ටීරියා වර්ග රසායනාගාරය තුළ රෝපණය කළා.

 
අපට මෙන්ම මයික්‍රොකස් විශේෂයන්ට ජීවත්වෙන්නට ඔක්සිජන් අවශ්‍ය වෙනවා. ඒ නිසා ඒවා පෙකණිවළේ ගැඹුරේ ජීවත් වෙන්නේ නැහැ. ඔවුන්ට එහි වියළි සම මත ආහාර නොගෙන බොහෝ කලක් නොමැරී ජීවත්වෙන්න පුළුවන්.

 
ක්ලොස්ටී‍්‍රඩියා විශේෂ අපේ ආහාර විෂවීම් ආදියට හේතු වුනත් ජීවත් වීමට වාතය අවශ්‍ය නොවන වැඩි හරියක් මේ ක්ෂුද්‍රජීවී වර්ගවලින් අපට හානියක් නැහැ. සමහර විට ඒවා අපට යම්යම් වාසි සලසනවා. මේ වර්ග සමහර විට ඔබේ නැබේ විතරක් නොවෙයි, කනෙහිත් ජීවත් වෙනවා.

 
ස්ටැපිලෝකොකස් බැක්ටීරියා (වමේ) හා ප‍්‍රතිජීවක බැසිලස් බැක්ටීරියාව (දකුණේ) යන මේ විශේෂ දෙක බොහෝ දෙනාගේ පෙකණිවල බහුලව දක්නට ලැබෙන ඒවායි.

මේ බැක්ටීරියා රෝපණය විශාල වූ පසු ඔවුන් ඒවා ඡායාරූපයට නැගුවා. ඉන්පසු ඒවා හඳුනා ගැනීම පහසුවෙන්නට ජානමය වශයෙන් වංශ වර්ගීකරණයක් කළා.

අධ්‍යයනයට භාජනය කළ විවිධ වංශ වර්ග 2,368කින් වර්ග අටක් මෙම අධ්‍යයනයට එක් වූ අයගෙන් සියයට 70ක් දෙනා අතර පොදු වූ බව පෙනී ගියා. ඒ ක්ෂුද්‍රජීවීන් වර්ග අටට ස්ටෙප්ලොකොකයි, කොරිනේබැක්ටිරියා, ඇක්ටිනෝබැක්ටීරියා, ක්ලොස්ටී‍්‍රඩියාලේස් හා බැසිලයි යන බැක්ටීරියා ඇතුළත් වුණා. ඒ බැක්ටීරියා ගහණයෙන් සියයට 50ක් ම පැවතියේ මේ වර්ගවලට අයත් බැක්ටීරියායි.

එසේ ම පොදු නොවූ බැක්ටීරියා විශේෂ 67ක් ද හමුවුණා. ‘මේ විවිධත්වය නිසයි, අප මෙය වැසිවනාන්තරවල ජෛව විවිධත්වයට සමාන කර දක්වන්නේ.’ ආචාර්ය ඩන් කියනවා.

‘පරිසර විද්‍යාඥයකු හැටියට මේ ජෛව විවිධත්වය තුළ මා විශේෂ ලස්සනක් දකිනවා. මෙහි ඇති රටා මට හඳුනා ගන්න පුළුවන්. ඊළඟට සිදු වන්නේ කුමක් ද කියාත් මට කියන්න පුළුවන්. ඉදිරියේ දී අප විමසා බලන්න යන්නේ ඇතැම් සුවිශේෂ බැක්ටීරියා වර්ග ඒ ඒ පුද්ගලයන් ළඟට ආවේ කෙසේද යන්න සොයන්නයි.’ ඔහු වැඩිදුරටත් කියනවා.

මේ සාම්පල විශ්ලේෂණය කිරීමෙන් හා ඒවායේ ව්‍යාප්තිය හැදෑරීමෙන් ඔවුන් බලාපොරොත්තු වෙනවා ඒවා මිනිස් සිරුරේ ප‍්‍රතිශක්තිය ගොඩ නගන්නට උපකාර වන හැටි සොයන්නට.

මේ විමර්ශනයේදී විස්මිත දේ හෙළි වුණා. විද්‍යා ලේඛකයකු වූ කාල් සිමර් කියන විදියට ඔහුගේ නැබෙහි විවිධ බැක්ටීරියා වර්ග 53ක් ඇති බව ඔවුන් විසින් සොයා ගෙන තියෙනවා. ඒ සමහර තොරතුරු පුදුම එළවනසුලූයි. ඔහු මේ පිළිබඳව ලියමින් හෙළිදරවු කළේ ඔහුගේ නැබෙහි මැරිමෝනස් බැක්ටීරියාව වැනි සාමාන්‍යයෙන් හමු නොවන බැක්ටීරියා මීට පෙර හමුවී ඇත්තේ සාගරයෙන් පමණයි.

ඔහුගේ නැබෙහි ඇති බැක්ටීරියාවල වාර්තාව ගැන සඳහන් කරමින් ඔහු කියන්නේ, ‘මා ළඟ ඇති ජෝජීනියා නම් බැක්ටීරියාව මීට පෙර විද්‍යාඥයන්ට හමු වී ඇත්තේ ජපානයේ පසෙහි විතරයි. එය කෙසේ මා ළඟට ආවාද යන්න සිතීම පවා විස්මය දනවන්නක්.’ කියායි.


Comments

  1. බුදු අම්මෝ!!!කියල තමයි කියවෙන්නෙ. :D

    ReplyDelete

Post a Comment

Popular posts from this blog

වත්මන් ළමා ගී පරපුරේ ආරම්භකයා - ශී‍්‍ර රූපදේව කවීන්ද්‍ර ආනන්ද රාජකරුණා

‘රෝස මලේ නටුවෙ කටූ - වන බමරෝ ඔහොම හිටූ
නටුව නොවේ මල සිඹිමී - මම ළමයෝ පැණි උරමී’

යනුවෙන් ළමයකුත්, වන බමරකුත් අතර සංවාදයක් ආකාරයෙන් ලියා ඇති කුඩා කවිය අදත් අපේ දරුවන් අතරත් වැඩිහිටියන් අතරත් එකසේ ජනපි‍්‍රය ළමා කවකි. ළමයින්ට කවි ලිවීම අරභයා ආනන්ද රාජකරුණා (1885-1957) කවියා දැක්වූ දක්ෂතාව මැන ගැනීමට එම කව ම ප‍්‍රමාණවත්ය. ළමයින් සඳහා විවිධ මට්ටමේ කව් රැසක් ආනන්ද රාජකරුණා විසින් අපේ ළමා පරපුරට දායාද කර තිබේ.


කි‍්‍ර.ව. 1885 ජනවාරි 7 වැනිදා ගාල්ලේ මහදම්පාගම රාල්ලාගේ වත්තේ දී උපන් ඔහුගේ උපත් නාමය ‘ඇල්ෆ්‍රෙඞ්’ වුවද ඔහු පසු කලෙක ඒ වෙනුවට ‘ආනන්ද’ නාමය යොදා ගත්තේය. ගම්මුලාදෑනි මෙන්ම ගමේ වෙද මහතා ද වූ විජය වර්ණකුල චාර්ල්ස් තාබ්‍රෙව් රාජකරුණා ඔහුගේ පියාය. මව හෙලේනා ද ලිවේරා කරුණාරත්න වූවාය. ඔහු පස් හැවිරිදි කල මුලින්ම සිංහල උගන්වන ලද්දේ මවගේ සොහොයුරා වූ ජෝශප් ද ලිවේරා කරුණාරත්න විසිනි.

අකුරල සිංහල පාසලෙන් මූලික අධ්‍යාපනය ලැබූ ඔහු මාදම්පේ මිෂනාරි පාසලින් ඉංගී‍්‍රසි අධ්‍යාපනය ලැබීය. ඉන්පසු පූජ්‍ය මාදම්පේ ධම්මතිලක හිමියන් වෙතින් සිංහල බස වැඩිදුර උගත්තේය. සිරි සුමන වංශාලංකාර පේමරතන හිමියන්ගෙන් පාලි හා…

දුර්ලභ ගණයේ සේයා රුවක්! නවසීලන්තයේ ධීවරයකුගේ නවතම ගොදුරක්!

මෙය ලියැවෙන්නේ කලාතුරකින් හමු වන ඡායාරූපයක් ඔබ වෙත ඉදිරිපත් කරන්නයි. අන්තර් ජාලය පුරා මේ වන විටත් වැඩි දෙනකුගේ අවධානය දිනා ගෙන තියෙනවා.

මේ ඡායාරූපයෙන් කියැවෙන්නේ මිනීමරු සුදු මෝරකුගේ ඉරණම දැක්වෙන කතාවක්. නවසීලන්තයේ මුහුදේදි ගත්තු එකක්.


නවසීලන්තයෙන් මාළු අල්ලන්න මූදු ගිය බෝට්ටුක හිටි ධීවරයකුගෙ කැමරාවට තමයි මේ පින්තූරය අහුවුණේ. ඔහුට අහුවුණු මාළුවා අත අරින්න සිද්ධ වුණා. ඒත් ඔහු අල්ල ගත්තු ‘ගොදුර’ නරක නෑනේද? ඒ ගොදුරට මිනීමරු සුදු මෝරුන් දෙදෙනකුම අහුවෙලා!

මේ පින්තූරය ලෝක ප‍්‍රකට විද්‍යාඥ චාල්ස් ඩාවින්ගේ පරිණාමවාදයේ එන උචිතෝන්නති නියමය, ඒ කියන්නේ සත්ව ලෝකයේ දී ශක්තිවන්තයා ඉතිරි වෙනවා (survival of the fittest) යන න්‍යාය ඔප්පු කළ අවස්ථාවක් හැටියට දක්වන්න පුළුවන්.

නවසීලන්තයේ කයිටෙරිටෙරී අසල මුහුදේ දී අල්ලන ලද සෑහෙන පමණ විශාල මේ මෝරා ඒ මොහොතේම එහි ආ තවත් ඊට වඩා විශාල මෝරකු විසින් ඩැහැ ගත් ආකාරය ඔහු විසින් කැමරාවට නගා තිබුණා.

පරිගණක කී‍්‍රඩාවක එන රාක්ෂයකු වූ මැන්කියුබස් (Mancubus) නමින් තමයි, මේ ඡායාරූපය අන්තර්ජාලයට මුදා හැර තියෙන්නෙ.

ඒ ධීවරයාට තමා ඇල්ලූ මෝරා බෝට්ටුව මතට ඇද ගන්න වෙලාවක් තිබුණෙ …

ලෝකයේ වටිනාම මුද්දරය වෙන්දේසියට! දැනට ඇත්තේ ලෝකෙටම එකයි!

මුද්දර එකතු කිරීම (Philately) විනෝදාංශයක් වගේම හොඳ ආදායම් මාර්ගයක්. පුංචි වුණාට තැපැල් මුද්දරයක් කියන්නේ රටක ඉතිහාසය කියාපාන කැඩපතක්. රටකින් රටකට හොඳ හිත පතුරුවමින් යන සංස්කෘතික තානාපතිවරයෙක්!

ඒ වගේ පැරණි තැපැල් මුද්දරයක් එහි මුහුණත සඳහන් වටිනාකමට හුඟක් වැඩිවෙන වෙලාවල් තියෙනවා. එහෙම වෙන්නේ ඒවායේ ඇති දුලබකම නිසයි.

ඒ වගේ 1873 දී ලිපිගොනු ගොඩක් අස්සේ තිබී හමුවුණු පාවිච්චි කළ ශත එකේ තැපැල් මුද්දරයක් පසුව වෙළෙඳ පොළේ දී සිලිං හයකට විකුණුණා. බි‍්‍රතාන්‍ය ගයානාව (British Guiana) විසින් නිකුත් කළ ශත එකේ දම්පාට තැපැල් මුද්දරය (1c Magenta stamp) දැන් යළිත් වෙන්දේසිය සඳහා වෙළෙඳපොළට ඇවිත්. අද, වසර 141කට පසු, එයට මුද්දර වෙන්දේසියේ දී ඇමරිකන් ඩොලර් මිලියන 20ක මුදලක් ලැබේවි යැයි විශ්වාස කරනවා.

මෑතදී ‘ලොව වඩාත් වටිනාම මුද්දරය’ ලෙස හඳුන්වනු ලැබූ මේ පැති අටේ හැඩැති තැපැල් මුද්දරය 2014 ජූනි මාසයේ 17 වැනිදා ඇමරිකාවේ නිව්යෝක්හිදී ප‍්‍රසිද්ධ වෙන්දේසියේ විකිණීමට නියමිතයි.

මෙය දැනට ලෝකයේ සුරක්ෂිතව ඉතිරි වී ඇති මේ වර්ගයේ එකම මුද්දරය ලෙස සැලකෙනවා. මෙය නිකුත් කරන ලද්දේ 1856දියි. බි‍්‍රතාන්‍ය ගයානාවේ තැපැල් මහතා…

හොල්මන් පින්තූර කතන්දර පෙළක්! මේවා දැකල බය වෙන්න එපා!

රාති‍්‍ර කාලයට අඳුරේ දී ඔබව බියපත් කරන හැම රටකටම, හැම සමාජයකම තියෙනවා. ඇත්තටම හොල්මන් තියෙනවා කියල ඔප්පු කරන්න හොල්මන්වල පින්තූර ගන්න අයත් ඉන්නවා. මේ ඒ විදියට ගත්තු පින්තූර පෙළක්!


අවුරුදු ගානක් තිස්සෙ විවිධ අවස්ථාවලදි ගත්තු පින්තූර තමයි, මේ තියෙන්නේ. මෙහි ඉන්නවා, ඝාතනය කළ වහල් සේවකයන්, රෝහල්වල වධබන්ධනවලට ලක්ව මියගිය රෝගීන්, අතීතයට එක් වූ මුහුදු නැවියන් ආදී නොයෙක් අය. මොවුන්ගේ හොල්මන් කතා අහපු බොහොම දෙනෙක් බියට පත් වුණා. තාමත් අහන අයගේ ඇඟ හිරි වැටෙනවා.

MH370 මැලේසියානු ගුවන්යාන අබිරහස! ලෝකයේ අබිරහස් ලෙස අතුරුදන් වුණු ගුවන්යානා 10 මෙන්න!

පසුගිය සතියේ (මාර්තු 8 වැනිදා) අතුරුදන් වූ පිසැරි අංක එම්එච්370 මැලේසියානු මගී ගුවන්යානයට වූ දේ තවමත් අබිරහසක්. රටවල් 10 ගුවන්යානා, නැව්, චන්ද්‍රිකා රැසක් මේ අබිරහස විසඳන්න තවමත් වෙහෙසෙනවා.

ඒත් මෙය දැනටමත් නොවිසඳෙන අබිරහසක් පත් වෙන ලකුණු පහළ වෙලා!

මැලේසියානු ගුවන් සේවයට අයත් බෝයිං 777 එම්.එච්. 370 මගී යානය අබිරහස් ලෙස අතුරුදන් වූයේ ඉකුත් 8 වැනිදා මැලේසියානු වේලාවෙන් මධ්‍යම රාති‍්‍ර 12.21 ට පමණය. ඒ අවස්ථාවේදී යානය චීනයේ බීජීං නුවර බලා පියාසර කරමින් තිබුණේය. ඒ මොහොතේ සිට ආරම්භ කළ සෝදිසි මෙහෙයුම් තවමත් අවසන් නැත.

දැනට හෙළිදරවු වී තියෙන්නේ සොරකම් කළ පාස්පෝට් දෙකකින් දෙදෙනකු ඒ යානයේ ගමන් කර තිබෙන බවයි. ඒ පාස්පෝට්වල සැබෑ අයිතිකරුවන් නිරුපද්‍රිතව ඉන්නා බව බලධාරීන්ට දැනටමත් දැනුම් දී තියෙනවා.


ඒ අතර වියට්නාමයේ නාවික හමුදාව සොයා ගෙන තියෙනවා මහමුහුද මැද සැතැපුම් 12ක් දිග තෙල් පැල්ලමක්! එය එම්එච්370 මැලේසියානු මගී ගුවන්යානය කඩා වැටීමෙන් ඇති වූවක් කියලා දැනට සැක කරනවා. යානයේ ඇති සෙල්ෆෝන් කීපයක් නාද වෙන බව සොයා ගෙන තියෙනවා. ඒ ඔස්සේ යානය වැටුණු තැන සොයා ගන්නයි, දැන් වෑයම් කරන්නේ.


යානයක් ගිනිගෙන අහ…

නස්රුදින්ගේ වේළීමේ රහස! අලුත්ම නස්රුදින් කතාවක්!

නස්රුදින්ගේ පොහොසත් මිතුරෙක් ඔහුට කතා කළා, ඒ මිතුරාත් ඔහුගේ පිරිසත් එක්ක දින කීපයක් තිස්සේ දඩයමේ යන්න. මුල් ම දවසේ ඔවුන් නස්රුදින්ට දුන්නෙ බොහොම හෙමින් යන අස්සයෙක්. දඩයමට යන්න පටන් අරන් වැඩි වේලාවක් ගියේ නෑ, හෙමින් ගිය අස්සයා නිසා නස්රුදින් හුඟක් පහුවුණා. නස්රුදින්ව පහු කරලා දාලා අනෙක් පිරිස ඈතට දඩයමේ ගියා.

ලොව පළමු සෙල් ෆෝනය මේකද? වසර 75ක් පැරණි පින්තූරයේ රහස හෙළි වෙයිද?

බලන්න මේ තරුණිය ජංගම දුරකතනයක් කනේ තියා ගෙන පාර දිගේ කතා කර කර යනවා! අද නම් මේ වගේ දසුනක් ගමක පාරක වුනත් ඔබ දැක ඇතුවාට සැකයක් නැහැ. ඒත් මේ දර්ශනය කැමරාවට නඟා ඇත්තේ මීට අවුරුදු 75කට පෙරයි!

1938 දී ඇමෙරිකාවේ වීදියක ගමන් කළ මේ යුවතියගේ අතට වර්තමානයේ අප පාවිච්චි කරනා තාලේ සෙල් ෆෝනයක් (ජංගම දුරකතනයක්) ආවෙ කොහොමද?

ඒ කාලයේ මේ වගේ දෙයක් නිපදවීම තියා මෙවැන්නක් ගැන හිතලවත් නොතිබුණා නම් මෙම දර්ශනය චිත‍්‍රපටයකට ගත් නිර්මාණයක්ද? සමහර අය කීවේ චිත‍්‍රපටය තුළින් අනාගතය දැකීමක් ලෙස මෙම දසුන සලකන්න පුළුවන් කියලයි. අනාගතය පරිකල්පනය කළ අවස්ථා චිත‍්‍රපටවල ඕනෑ තරම් තිබුණා. මේ වගේ

මේ රූප පෙළ මේ වන විට යූටියුබ් (YouTube) එක හරහා ලක්ෂ තුනකට වැඩි වාර ගණනක් සංසරණය වෙලා තියෙනවා. වර්ණ චිත‍්‍රපට එන්නට පෙරාතුව කළු සුදු ක‍්‍රමයට කැමරාවට නගන ලද මෙහි රහස පසුගිය දා හෙළි වුණා. මෙම තරුණිය තමාගේ මීමිත්තණිය යැයි යුටියුබ් ග‍්‍රාහකයෙක් හෙළි කළා.

අනාගතයට යාමක් ද? මෙහි දැක්වෙන්නේ ඇමරිකාවේ ඩුපොන්ට් ආයතනයෙන් පිට වී යන තරුණ සේවිකාවන් පිරිසක්. එයින් එක් තරුණියක් අතේ ඇති ජංගම දුරකතනයකින් කතා කරමින් යනවා ඔබට පෙනෙනවා ඇති. වසර 75කට …

දියණිය උපන් මොහොතේ පියා ගත් පින්තූරය අන්තර් ජාලය කළඹයි! වෛද්‍යවරයාගේ අතේ එල්ලී එළියට ආ ළදැරිය මෙන්න!

ජීවිතයේ විස්මිත මොහොතවල් ඡායාරූපයට නැඟීම වාසනාවත් එක්ක සිදු වන දෙයක්. එහෙම වාසනාවක් ලද මාපිය යුවලක් තමන් ගත් ජීවිතයේ අමතක නොවන පින්තූරය ‘මුහුණු පොතේ’ පළ කළා. මොහොතකින් එය අන්තර්ජාලය පුරා ‘කුණාටුවක්’ මෙන් හඹා ගියා.

මෙලොව එළිය දකින්න මොහොතකට පෙර පුංචි නෙවායි මව් කුස හිඳිමින් තම උදව්වට ආ වෛද්‍යවරයාගේ ඇඟිල්ලේ එල්ලූන හැටි!
මේ වාසනාවන්ත අත්දැකීම ලැබුවේ ඇමරිකාවේ ඇරිසෝනාවේ ග්ලෙන්ඬේල්හී ඇලිසියා හා රැන්ඩි ඇට්කින්ස් යුවලයි. 2012 අවුරුද්දේ ඔක්තෝබර 9 වැනිදා ඇලිසියා සිය දියණිය, බිහි කරන්නට රෝහල් ගත වී සිටියා. සිසේරියන් සැත්කමකින් තමයි දියණියගේ ප‍්‍රසූතිය සිද්ධ කෙරුණේ. කුඩා බිලිඳිය මව කුස තුළින් මෙලොව එළිය බලන්නට එම සැත්කම කළ වෛද්‍යවරයා උදවු කරද්දී ඇය ඔහුගේ ඇඟිල්ලෙන් අල්ලා ගත් හැටි ඇගේ පියා විසින් ඡායාරූපයට නඟා තියෙනවා.

මේ පිළිබඳව එදා ඒ මොහොතේ ඔවුන් එය ලෝකයට ප‍්‍රකාශ කළේ නැහැ. දියණියට මාස තුනක් වන තෙක් රහසක් වශයෙන් තබා ගෙන සිටි ඒ ඡායාරූපය මුහුණු පොතට එක් කළේ ගිය සතියේයි. හරියටම මාස තුනක් පිරුණ දායි.

ඇට්කින්ස් යුවල ‘3ටීවී’ රූපවාහිනී ආයතනයේ ප‍්‍රවෘත්ති වැඩසටහනකට විත් ඒ ගැන මෙසේ අදහස් පළ කළා. පියා කී…

මුල්ම ඇපල් 1 පරිගණකය ලෝක වාර්තාවක් තියයිද? ඇපල් සමාගමේ ආරම්භය හෙළිකරන මෙතෙක් පළ නොවූ ඡායාරූපයක්!

ඇපල් පරිගණකය පටන් ගත් හැටි දැන් දකින කොටත් පුදුම හිතෙනවා. ඒ මුල් ම ඇපල් පරිගණකය අළෙවි කරන්න ගෙනියන්න පෙර පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුගිය දා ප‍්‍රථමවරට හෙළිදරවු වුණා.

මේ ඡායාරූපයට නගා තියෙන්නේ 1976 දියි. එතකොට ස්ටීව් ජොබ්ස්ට (Steve Jobs) වයස 21යි. ඔහුගේ මිතුරු ස්ටීව් වොස්නියැක් (Steve Wozniak) සමග එක්ව ඔවුන් දෙදෙනා මේ මුල්ම ඇපල් පරිගණක තැනුවේ ස්ටීව් ජොබ්ස්ගේ මාපියන්ගේ ගෙදර ගරාජයකයි. ඔවුන් ඒ තැනූ මූල් පරිගණක 50 තැන්පත් කරල තිබුණු ආකාරය දැක්වෙන මේ විරල ඡායාරූපය නිකුත් කරනු ලැබුවේ ලබන නොවැම්බර් 16 වැනිදා වෙන්දේසියට තැබෙන දැනට හොඳම තත්වයේ ඇති පැරණි ම ඇපල් පරිගණකය එළි දැක්වීම වෙනුවෙන්.

මෙය දැනට ලෝකයේ ඇති වටිනාම සන්නම ලෙස සැලකෙන ඇපල් පරිගණකයේ ආරම්භක තත්වය තේරුම ගන්නත් හොඳ අවස්ථාවක්. මේ සන්නමෙහි අද වටිනාකම පවුම් බිලියන 60ක්.

ඇපල් පරිගණකයේ ආරම්භය දැක්වෙන මේ කිසිදා එළියට නො පැමිණි ඡායාරූපයක්. ඒ මුල් ම ඇපල් පරිගණකය අළෙවි කරන්න ගෙනියන්න පෙර 1976 දී පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුග…

මහා භූමිකම්පාවකින් පසු පාකිස්ථාන මුහුදෙන් මතු වූ ලෝකයේ අලූත් ම දූපත!

2013දී පාකිස්ථානයේ ප‍්‍රබල භූමිකම්පාවක් ඇති වුණා. 7.8ක් වූ ඒ භූමිකම්පාවෙන් පාකිස්ථාන අසල මුහුදේ අලූත් දූපතක් මතු වුණා.

සල්සාලා කෝහ් (Zalzala Koh) යනුවෙන් ඒ දූපත නම් කරලා තියෙනවා. දාල්බන්දින්වලට සැතැපම් 145ක් ගිනිකොන දෙසින් හටගත් මේ භූම්කම්පාව නිසා දැන් එය බලන්න සංචාරකයන් වගේම පාකිස්ථාන වැසියන් වැල නොකැඩි එනවා. ඒ දූපතටත් ගොඩ වෙනවා. ගිනිගන්නාසුලූ වායුව, විස දුම් ආදිය ඇති බව අනතුරු හැෙඟව්වත් ඒවා ගනන් නොගෙනයි, ඔවුන් එහි එන්නෙ.

ඒ දූපතේ පිපිරුණු මඩ, වැලි, ගල් මුසු බිම මත මුහුදු සතුන්ගේ මළ සිරුරු, විශේෂයෙන් ම මාළුන් මළකුණු පිරිලා තියෙනවා.

මෙන්න ලෝකයේ අලූත් ම දූපත අහසට පෙනෙන හැටි. මේ මඩ කන්ද මීටර් 15ක් 20ක් විතර උස ඇති. මිනිසුන්ට ඒ මත ඇවිද ගෙන යා හැකි තරමට එහි බිම ඝනකම් කියලයි, කියන්නෙ.
මේ පින්තූර නාසා ආයතනයේ පෘථිවි නිරීක්ෂණ චන්ද්‍රිකා - 1 හා ලැන්ඞ් සැට් 8 චන්ද්‍රිකාවලින් ඒ දූපත මතු වුණු දවස්වල ගත්තු ඒවායි.

දූපත වටේට ඇති ළා කොළ හා තඹ පැහැති කොටස්වලින් පෙනෙන්නේ මුහුදේ නොගැඹුරු බව හෝ අවට ඇති අවසාදිත තට්ටුවයි.

මේ අලූත් දූපත මතු වූ හරියේ ගැඹුර මීටර් 15ත් 20ත් අතර වෙනවා. මෙහෙම කියන්නේ පාකිස්ථානය…