Skip to main content

වැටෙන හිම පියල්ලේ නියම හැඩරුව දකින්න!

වැටෙන හිම පියල්ලේ නියම හැඩරුව දකින්න දැන් පුළුවන්. ඒ සඳහා විශේෂ ති‍්‍රමාන රූ ගත හැකි නව ආරක කැමරාවක් දැන් තනා තියෙනවා.

සුදේ සුදට හිම වැටෙන කොට හරිම ලස්සනයි. විවිධාකාර හැඩතල ඇති හිම පියලි පතිත වෙනව දකින හිම නොවැටෙන රටවල ඉන්න අයට ඒ දසුන නෙතට රසඳුනක් වුණාට හිම වැටෙන රටවල අයට එය වේදනාකාරී අත්දැකීමක්. මහ විපතක්!

පසුගිය දවස්වල එංගලන්තයට හිම වැටිලා එවැනි මහ විපතක් සිදු වුණා. මහ ගමනාගමනය විතරක් නෙවෙයි, ගුවන්ගමන් පවා නතර වුණා. ගුවන්තොටුපළවල මගීන් දහස් ගණනින් හිරවෙලා හිටියා.

ඒ අතර එවැනි විපතක් සැපතක් කර ගත් පිරිසකුත් ලෝකයේ හිටියා. ඒ ඇමෙරිකාවේ සෝට් ලේක් සිටි නගරයේ පිහිටි යූටා විශ්ව විද්‍යාලයේ පර්යේෂක කණ්ඩායමක්.

ඔවුන් නිර්මාණය කරල තියෙනවා හිම පියලිවල හැඩතල ඡායාරූප ගන්න පුළුවන් විශේෂ කැමරාවක්. එය ‘මල්ටි ඈන්ගල් ස්නෝෆ්ලේක් කැමරාවක්’. (Multi-Angle Snowflake Camera -MASC) එහි අරුත ‘බහු කෝනී හිම පියලි කැමරාවක්’ යන්නයි.

 
හිම පියලි ති‍්‍රමානව රූපයට නැඟිය හැකි ‘බහු කෝනී හිම පියලි කැමරාව.’ මේ මගින් ගන්නා රූපවලින් ඉතා නිවැරදිව හිම කුණාටු ගැන අනාවැකි කියන්න පුළුවන්.

මේ නව අධි තාක්ෂණ කැමරාවට පුළුවන් හිම පියලි නිදහසේ වැටෙන කොට වෙන වෙනම ති‍්‍රමාන ඡායාරූපයට නඟන්න. ඒ අනුව අනාගතයේ දී කාලගුණ අනාවැකි පැවසීමේ දී වඩාත් නිවැරදිව එය කළ හැකි වේවි.

යූටා විශ්ව විද්‍යාලයේ පර්යේෂණ කණ්ඩායමේ පර්යේෂකයන් තනා ඇති මේ අධිවේගී කැමරාවෙහි ඇති අධෝරක්ත කිරණ මගින් කි‍්‍රයා කරන සංවේදකවලින් හිම පියලි වැටෙන මොහොතේම කැමරා කාචයට හසු කර ගැනීමට පුළුවන්.

මේ නව අධිතාක්ෂණ කැමරාව තත්පරයකින් 25,000න් එකක වේගයකින් කි‍්‍රයාත්මක වෙනවා. ඒ සමගම ඒවායේ වේගයත් මනින්න ඒ කැමරාවට පුළුවන්කම තියෙනවා.

”සමහර විට ඔබ වීදුරු විනිවිදක මතට එක්රැස් කර ගත් හිම පියලිවල විචිත‍්‍රත්වය අන්වීක්ෂයකින් දැක ඇති.” යුටා විශ්ව විද්‍යාලයේ වායුගෝලය පිළිබඳ විශේෂඥයකු වූ ටිම් ගැරට් ලයිව් සයන්ස් (LiveScience) වෙබ් අඩවියට ප‍්‍රකාශ කර තියෙනවා.

”මේ පින්තූර ලස්සන ඒවා විතරක් නෙවෙයි, ඉතාමත් දුර්ලභ ඒවාත් වෙනවා.” ඔහු එහිදී කියනවා.

 
හැම හිම පියල්ලක් ම එක හා සමාන නැහැ. මේ හිම පියලි වැටෙන සැණෙන් එහි ති‍්‍රමාන රූපයක් ගන්න මේ කැමරාවට පුළුවන්!

බොහෝ විට අප හිම පියලි දකින්නේ එකට ඇලූණු පොකුරු හැටියටයි. ඒවා අන්වීක්ෂයක් තුළ දමද්දී විනාශ වෙනවා. මේවා විශ්ලේෂණය කිරීමෙන් ඉදිරියේ දී එන හිම කුණාටු පිළිබඳ අනාවැකි කියන්න පුළුවන්.

මේ ති‍්‍රමාන රූපවලින් හිම පියලිවල නියම ස්වරූපය ම දැක ගත හැකි වන නිසා මේ නව ක‍්‍රමයෙන් ඒ අනාවැකි වඩාත් නිවැරදිව කියන්න පුළුවන් වේවි.

නවසිය හැත්තැ ගණන්වල දී හිම පියලි අතින් එකතු කර බොහොම අමාරුවෙන් තමයි, රැස් කර ගත්තෙ. දැන් ඒ හිම පියලි ස්වල්පය වෙනුවට හිම පියලි බිමට එන අතර ඒ හැම එකකම ස්වරූපය ති‍්‍රමාන කැමරාවට හසු කර ගන්න පුළුවන්.

මේ හිම පියලි ති‍්‍රමානව රූපයට නැඟිය හැකි ‘බහු කෝනී හිම පියලි කැමරාව’ මගින් එක රැයකදී හිම පියලි දසදහස් ගණනක රූප ගන්න පුළුවන්.

එවැනි උපකරණ දෙකක් දැනටමත් යුටාහී වසච් කඳුකරයේ ඇල්ටා ස්කී ප‍්‍රදේශයේ සවි කර තියෙනවා.

මහාචාර් ගැරට් ඇතුළු පිරිස දැන් සමාගමක් පිහිටුවලා තියෙනවා මේ උපකරණ තනා අලෙවි කරන්න. ඔවුන් දැනටමත් මෙයින් එකක් ඇමරිකානු හමුදාවට අලෙවි කරල තියෙනවා.

” කවදාවත් හිම පියලි දෙකක් එක වගේ වෙන්නෙ නැහැයි කියල පැරණි මිනිස්සු කියූ ඒ කතාව එදා මම විශ්වාස කළේ නෑ, මේ ක‍්‍රමයට හිම පියලි කැමරාවට නඟලා බලනතුරු. ඒත් මං හොඳින් ම දන්නවා දැන් ඒ කතාව සියයට සියයක් ඇත්ත බව.” ඔහු අවසාන වශයෙන් කියනවා.

Comments

Popular posts from this blog

ලෝකයේ වටිනාම මුද්දරය වෙන්දේසියට! දැනට ඇත්තේ ලෝකෙටම එකයි!

මුද්දර එකතු කිරීම (Philately) විනෝදාංශයක් වගේම හොඳ ආදායම් මාර්ගයක්. පුංචි වුණාට තැපැල් මුද්දරයක් කියන්නේ රටක ඉතිහාසය කියාපාන කැඩපතක්. රටකින් රටකට හොඳ හිත පතුරුවමින් යන සංස්කෘතික තානාපතිවරයෙක්!

ඒ වගේ පැරණි තැපැල් මුද්දරයක් එහි මුහුණත සඳහන් වටිනාකමට හුඟක් වැඩිවෙන වෙලාවල් තියෙනවා. එහෙම වෙන්නේ ඒවායේ ඇති දුලබකම නිසයි.

ඒ වගේ 1873 දී ලිපිගොනු ගොඩක් අස්සේ තිබී හමුවුණු පාවිච්චි කළ ශත එකේ තැපැල් මුද්දරයක් පසුව වෙළෙඳ පොළේ දී සිලිං හයකට විකුණුණා. බි‍්‍රතාන්‍ය ගයානාව (British Guiana) විසින් නිකුත් කළ ශත එකේ දම්පාට තැපැල් මුද්දරය (1c Magenta stamp) දැන් යළිත් වෙන්දේසිය සඳහා වෙළෙඳපොළට ඇවිත්. අද, වසර 141කට පසු, එයට මුද්දර වෙන්දේසියේ දී ඇමරිකන් ඩොලර් මිලියන 20ක මුදලක් ලැබේවි යැයි විශ්වාස කරනවා.

මෑතදී ‘ලොව වඩාත් වටිනාම මුද්දරය’ ලෙස හඳුන්වනු ලැබූ මේ පැති අටේ හැඩැති තැපැල් මුද්දරය 2014 ජූනි මාසයේ 17 වැනිදා ඇමරිකාවේ නිව්යෝක්හිදී ප‍්‍රසිද්ධ වෙන්දේසියේ විකිණීමට නියමිතයි.

මෙය දැනට ලෝකයේ සුරක්ෂිතව ඉතිරි වී ඇති මේ වර්ගයේ එකම මුද්දරය ලෙස සැලකෙනවා. මෙය නිකුත් කරන ලද්දේ 1856දියි. බි‍්‍රතාන්‍ය ගයානාවේ තැපැල් මහතා…

MH370 මැලේසියානු ගුවන්යාන අබිරහස! ලෝකයේ අබිරහස් ලෙස අතුරුදන් වුණු ගුවන්යානා 10 මෙන්න!

පසුගිය සතියේ (මාර්තු 8 වැනිදා) අතුරුදන් වූ පිසැරි අංක එම්එච්370 මැලේසියානු මගී ගුවන්යානයට වූ දේ තවමත් අබිරහසක්. රටවල් 10 ගුවන්යානා, නැව්, චන්ද්‍රිකා රැසක් මේ අබිරහස විසඳන්න තවමත් වෙහෙසෙනවා.

ඒත් මෙය දැනටමත් නොවිසඳෙන අබිරහසක් පත් වෙන ලකුණු පහළ වෙලා!

ලොව පළමු සෙල් ෆෝනය මේකද? වසර 75ක් පැරණි පින්තූරයේ රහස හෙළි වෙයිද?

බලන්න මේ තරුණිය ජංගම දුරකතනයක් කනේ තියා ගෙන පාර දිගේ කතා කර කර යනවා! අද නම් මේ වගේ දසුනක් ගමක පාරක වුනත් ඔබ දැක ඇතුවාට සැකයක් නැහැ. ඒත් මේ දර්ශනය කැමරාවට නඟා ඇත්තේ මීට අවුරුදු 75කට පෙරයි!

1938 දී ඇමෙරිකාවේ වීදියක ගමන් කළ මේ යුවතියගේ අතට වර්තමානයේ අප පාවිච්චි කරනා තාලේ සෙල් ෆෝනයක් (ජංගම දුරකතනයක්) ආවෙ කොහොමද?

ඒ කාලයේ මේ වගේ දෙයක් නිපදවීම තියා මෙවැන්නක් ගැන හිතලවත් නොතිබුණා නම් මෙම දර්ශනය චිත‍්‍රපටයකට ගත් නිර්මාණයක්ද? සමහර අය කීවේ චිත‍්‍රපටය තුළින් අනාගතය දැකීමක් ලෙස මෙම දසුන සලකන්න පුළුවන් කියලයි. අනාගතය පරිකල්පනය කළ අවස්ථා චිත‍්‍රපටවල ඕනෑ තරම් තිබුණා. මේ වගේ

මේ රූප පෙළ මේ වන විට යූටියුබ් (YouTube) එක හරහා ලක්ෂ තුනකට වැඩි වාර ගණනක් සංසරණය වෙලා තියෙනවා. වර්ණ චිත‍්‍රපට එන්නට පෙරාතුව කළු සුදු ක‍්‍රමයට කැමරාවට නගන ලද මෙහි රහස පසුගිය දා හෙළි වුණා. මෙම තරුණිය තමාගේ මීමිත්තණිය යැයි යුටියුබ් ග‍්‍රාහකයෙක් හෙළි කළා.

අනාගතයට යාමක් ද? මෙහි දැක්වෙන්නේ ඇමරිකාවේ ඩුපොන්ට් ආයතනයෙන් පිට වී යන තරුණ සේවිකාවන් පිරිසක්. එයින් එක් තරුණියක් අතේ ඇති ජංගම දුරකතනයකින් කතා කරමින් යනවා ඔබට පෙනෙනවා ඇති. වසර 75කට ප…

නස්රුදින්ගේ වේළීමේ රහස! අලුත්ම නස්රුදින් කතාවක්!

නස්රුදින්ගේ පොහොසත් මිතුරෙක් ඔහුට කතා කළා, ඒ මිතුරාත් ඔහුගේ පිරිසත් එක්ක දින කීපයක් තිස්සේ දඩයමේ යන්න. මුල් ම දවසේ ඔවුන් නස්රුදින්ට දුන්නෙ බොහොම හෙමින් යන අස්සයෙක්. දඩයමට යන්න පටන් අරන් වැඩි වේලාවක් ගියේ නෑ, හෙමින් ගිය අස්සයා නිසා නස්රුදින් හුඟක් පහුවුණා. නස්රුදින්ව පහු කරලා දාලා අනෙක් පිරිස ඈතට දඩයමේ ගියා.

දියණිය උපන් මොහොතේ පියා ගත් පින්තූරය අන්තර් ජාලය කළඹයි! වෛද්‍යවරයාගේ අතේ එල්ලී එළියට ආ ළදැරිය මෙන්න!

ජීවිතයේ විස්මිත මොහොතවල් ඡායාරූපයට නැඟීම වාසනාවත් එක්ක සිදු වන දෙයක්. එහෙම වාසනාවක් ලද මාපිය යුවලක් තමන් ගත් ජීවිතයේ අමතක නොවන පින්තූරය ‘මුහුණු පොතේ’ පළ කළා. මොහොතකින් එය අන්තර්ජාලය පුරා ‘කුණාටුවක්’ මෙන් හඹා ගියා.

මෙලොව එළිය දකින්න මොහොතකට පෙර පුංචි නෙවායි මව් කුස හිඳිමින් තම උදව්වට ආ වෛද්‍යවරයාගේ ඇඟිල්ලේ එල්ලූන හැටි!

මුල්ම ඇපල් 1 පරිගණකය ලෝක වාර්තාවක් තියයිද? ඇපල් සමාගමේ ආරම්භය හෙළිකරන මෙතෙක් පළ නොවූ ඡායාරූපයක්!

ඇපල් පරිගණකය පටන් ගත් හැටි දැන් දකින කොටත් පුදුම හිතෙනවා. ඒ මුල් ම ඇපල් පරිගණකය අළෙවි කරන්න ගෙනියන්න පෙර පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුගිය දා ප‍්‍රථමවරට හෙළිදරවු වුණා.

මේ ඡායාරූපයට නගා තියෙන්නේ 1976 දියි. එතකොට ස්ටීව් ජොබ්ස්ට (Steve Jobs) වයස 21යි. ඔහුගේ මිතුරු ස්ටීව් වොස්නියැක් (Steve Wozniak) සමග එක්ව ඔවුන් දෙදෙනා මේ මුල්ම ඇපල් පරිගණක තැනුවේ ස්ටීව් ජොබ්ස්ගේ මාපියන්ගේ ගෙදර ගරාජයකයි. ඔවුන් ඒ තැනූ මූල් පරිගණක 50 තැන්පත් කරල තිබුණු ආකාරය දැක්වෙන මේ විරල ඡායාරූපය නිකුත් කරනු ලැබුවේ ලබන නොවැම්බර් 16 වැනිදා වෙන්දේසියට තැබෙන දැනට හොඳම තත්වයේ ඇති පැරණි ම ඇපල් පරිගණකය එළි දැක්වීම වෙනුවෙන්.

මෙය දැනට ලෝකයේ ඇති වටිනාම සන්නම ලෙස සැලකෙන ඇපල් පරිගණකයේ ආරම්භක තත්වය තේරුම ගන්නත් හොඳ අවස්ථාවක්. මේ සන්නමෙහි අද වටිනාකම පවුම් බිලියන 60ක්.

ඇපල් පරිගණකයේ ආරම්භය දැක්වෙන මේ කිසිදා එළියට නො පැමිණි ඡායාරූපයක්. ඒ මුල් ම ඇපල් පරිගණකය අළෙවි කරන්න ගෙනියන්න පෙර 1976 දී පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුග…

හොල්මන් පින්තූර කතන්දර පෙළක්! මේවා දැකල බය වෙන්න එපා!

රාති‍්‍ර කාලයට අඳුරේ දී ඔබව බියපත් කරන හැම රටකටම, හැම සමාජයකම තියෙනවා. ඇත්තටම හොල්මන් තියෙනවා කියල ඔප්පු කරන්න හොල්මන්වල පින්තූර ගන්න අයත් ඉන්නවා. මේ ඒ විදියට ගත්තු පින්තූර පෙළක්!


අවුරුදු ගානක් තිස්සෙ විවිධ අවස්ථාවලදි ගත්තු පින්තූර තමයි, මේ තියෙන්නේ. මෙහි ඉන්නවා, ඝාතනය කළ වහල් සේවකයන්, රෝහල්වල වධබන්ධනවලට ලක්ව මියගිය රෝගීන්, අතීතයට එක් වූ මුහුදු නැවියන් ආදී නොයෙක් අය. මොවුන්ගේ හොල්මන් කතා අහපු බොහොම දෙනෙක් බියට පත් වුණා. තාමත් අහන අයගේ ඇඟ හිරි වැටෙනවා.

දුර්ලභ ගණයේ සේයා රුවක්! නවසීලන්තයේ ධීවරයකුගේ නවතම ගොදුරක්!

මෙය ලියැවෙන්නේ කලාතුරකින් හමු වන ඡායාරූපයක් ඔබ වෙත ඉදිරිපත් කරන්නයි. අන්තර් ජාලය පුරා මේ වන විටත් වැඩි දෙනකුගේ අවධානය දිනා ගෙන තියෙනවා.

මේ ඡායාරූපයෙන් කියැවෙන්නේ මිනීමරු සුදු මෝරකුගේ ඉරණම දැක්වෙන කතාවක්. පසුගිය සතියෙදි නවසීලන්තයේ මුහුදේදි ගත්තු එකක්.

මහා භූමිකම්පාවකින් පසු පාකිස්ථාන මුහුදෙන් මතු වූ ලෝකයේ අලූත් ම දූපත!

පසුගියදා පාකිස්ථානයේ ප‍්‍රබල භූමිකම්පාවක් ඇති වුණා. 7.8ක් වූ ඒ භූමිකම්පාවෙන් බලූකිස්ථානය අසල මුහුදේ අලූත් දූපතක් මතු වුණා. ලෝකයේ අලූත් ම දූපත එයයි.

සල්සාලා කෝහ් (Zalzala Koh) යනුවෙන් ඒ දූපත නම් කරලා තියෙනවා. දාල්බන්දින්වලට සැතැපම් 145ක් ගිනිකොන දෙසින් හටගත් මේ භූම්කම්පාව නිසා දැන් එය බලන්න සංචාරකයන් වගේම පාකිස්ථාන වැසියන් වැල නොකැඩි එනවා. ඒ දූපතටත් ගොඩ වෙනවා. ගිනිගන්නාසුලූ වායුව, විස දුම් ආදිය ඇති බව අනතුරු හැෙඟව්වත් ඒවා ගනන් නොගෙනයි, ඔවුන් එහි එන්නෙ.

ඒ දූපතේ පිපිරුණු මඩ, වැලි, ගල් මුසු බිම මත මුහුදු සතුන්ගේ මළ සිරුරු, විශේෂයෙන් ම මාළුන් මළකුණු පිරිලා තියෙනවා.

මෙන්න ලෝකයේ අලූත් ම දූපත අහසට පෙනෙන හැටි. මේ මඩ කන්ද මීටර් 15ක් 20ක් විතර උස ඇති. මිනිසුන්ට ඒ මත ඇවිද ගෙන යා හැකි තරමට එහි බිම ඝනකම් කියලයි, කියන්නෙ.

MH370 මැලේසියානු ගුවන්යාන අබිරහස : නියමුවාම යානය බලෙන් ගෙන ගියාද?

2014 මාර්තු 16 වැනිදා

අනතුරට පත් යානයේ නියමුවා වූ සහාරි අහමඞ් ෂා දේශපාලන උමතුවකින් පෙළෙන්නකු ලෙස දැන් සැක කරනවා. එම්එච්370 යානය නියමුවා ලෙස සේවයට වාර්තා කරන්නට පෙර ඔහු මැලේසියාවේ විරුද්ධ පක්ෂ නායකයා වූ අන්වර් ඒබ‍්‍රහම්ට එරෙහිව පැවති නඩු විභාගයට බලන්නට ගිය බවක් ෆෙඩරල් පරීක්ෂක නිලධාරින් කියනවා.