Skip to main content

මෙන්න රියැදුරකු නැතිව දුවන විස්මිත කාරය! අනාගත මහමඟට දැන්ම පිවිසෙන්න!

පසුගියදා ඇමරිකාවේ ලස් වේගාස්හී පැවති ඉලෙක්ට්‍රොනික නව නිපැයුම් ප‍්‍රදර්ශනයේ දී අනාගත කාරය, ‘නව ඕඩි ඒ6’ (Audi A6) රියයි, මේ.

ලස් වේගාස්හී ‘ඉන්ටර්ස්ටේට් 15’ සුපිරි මාවතේ වාහන තදබදය අතරින් මේ සුපිරි ස්වයංකී‍්‍රය රිය එහි ගමන් කළ බි‍්‍රතාන්‍ය මාධ්‍යවේදියා මවිතයට පත් කළා.

බි‍්‍රතාන්‍යයේ ඬේලි මේල් පුවත්පතේ මාධ්‍යවේදී පීටර් ෂෙරිඩන් ඒ අත්දැකීම විස්තර කළේ මෙහෙමයි.


”රියැදුරු අසුනේ හිටියත් මගේ අත් සුක්කානම මත නෙමෙයි තිබුණේ. කාරය පාලන කරන්න කිසිම දෙයක් මම කළේ නෑ. මම විතරක් නොවෙයි මා සමග එහි ගිය අනෙක් අයත් නිකම්ම වාඩි වෙලා බලන් හිටියා.

”මම තමයි, ප‍්‍රථම බි‍්‍රතාන්‍ය ජාතිකයා අත්හදා බැලීමේ ගමනක යෙදුණු, මේ අනාගත කාරයේ - ‘නව ඕඩි ඒ6’ රියේ. ඒක තමන්ම පදවා ගෙන ගියා වාහන තදබදය මැද හරිම පුදුම විදියට. ඒක ඇඟහිරි වැටෙන අත්දැකීමක්, මං මේ ඇත්තමයි කියන්නේ! මට බය හිතුනා අනිත් වාහන ඇවිත් හැපෙයි කියලා. ඒත් කිසිම ප‍්‍රශනයක් නැතිව මෝටර් රථය අපේ උදවු නැතුව තදබදය මැද තමන්ම පදවා ගෙන ගියා. හරිම පුදුමයි!” පීටර් ඒ අත්දැකීම විස්තර කළා.

 
පීටර් ෂෙරිඩන් ඕඩි රථයේ ස්වයංකී‍්‍රය රියැදුරු නියාමක පද්ධතිය කි‍්‍රයාත්මක කර රථගාලට රිය යන්නට සැලැස් වූ අයුරු.

”හිතා ගන්නවත් බැහැ. වාහන පේළියට වැටුණු අපේ වාහනයත් ඉදිරියෙන් ගිය වාහනවලට අනුව වේගය අඩුවැඩි කරමින් ඉදිරියට ගියා. ඉදිරියේ වාහනය වේගය අඩු කරන විට අපේ වාහනයත් වේගය බාල කළා. නවත්වන විට නැවැත්තුවා. අනිත් වාහන වේගය වැඩි කරන විට නැවත වේගය වැඩි කරගෙන ඉදිරියට ගියා.

”අපි තරගයක් පැවැත්තුවා කාටද වැඩිම වෙලාවක් ඇස් පියා ගෙන ඉන්න පුළුවන් මේ කාරය ඉබේ පැදවෙන අතරෙදි කියලා.” මා සමග ගිය අනික් මිතුරා බියෝන් ගීස්ලර් කීවා. ඔහු මේ ‘අනාගත ඕඞී රිය’ නිර්මාණය කළ පිරිසේ රොබොටික ඉංජිනේරුවෙක්. ”ඇස් පියා ගෙන ඉන්න පුළුවන් වුණු වැඩිම වෙලාව තත්පර 15ක් විතරයි. ඒක ඇත්තෙන්ම ඇඟ හිරි වැටෙන විස්මිත අත්දැකීමක්!” ඔහු කීවා.



”ඇස් පියා ගෙන ඉන්නෙ කොහොමද ? රියැදුරු අසුනේ සුක්කානම අල්ල ගෙන ඉන්නෙ නැතුව. මට නම් එක මොහොතක්වත් ඉන්න බැරි වුණා, අවට වාහන කොයි වේලේ හැපෙයිද කියන බය හින්දා. ඒත් අපි සැතැපුම් කීපයක් ම ගියා අනෙක් රියැදුරන්ට යම්තම්වත් දැනුනෙ නෑ අපේ රිය ඉබේ පැදවුනු එකක් කියලා. කිසිම වෙලාවක වාහනයක ගෑවෙන්නවත් ගියෙ නෑ.” පීටර් කියනවා.

මේ තමයි, රියැදුරු නැතිව පැදවිය හැකි අලූත් ම රිය. ඔබට හිතට වදයක් නැතුව වාඩි වෙලා ඉන්න පුළුවන්, වාහනය තමන්ම පදවගෙන යද්දි. මෝටර් රථ නිෂ්පාදකයන්ගේ අලූත් ම බලාපොරොත්තුව මේකයි. දැන් ලොව පුරා ඔවුන් අතර තරගයක් ඇති වෙලා මේවා නිපදවන්න.

ටොයොටා සමාගමට අනුබද්ධ වෙළඳ නාමයක් වූ ලෙක්සස් මෝටර් රථයක්ද රියැදුරු රහිතව නිපදවීමට සැලසුම් කර ඇති බව පසුගියදා ප‍්‍රකාශයට පත් කෙරුණා. ඒ අතර ඉන්ටර්නෙට් යෝධයකු වූ ගූගල් සමාගමත් බලපත‍්‍රයක් ලබා ගෙන තියෙනවා, නෙවාඩාවලදීත් ඒ වගේම කැලිෆෝනියාවේ හා ෆ්ලොරිඩාවේදිත් එවැනි රියක් අත්හදා බලන්න.


ඕඩි සමාගමේ අරමුණ වාහන තදබද ගමන්වල දී රියැදුරාට ඇති වන පීඩනයට පිළියමක් යොදන්නයි. මේ ක‍්‍රමයෙන් අනිත් කාරවල නොගැටී ආරක්ෂිත දුරක් තබා ගෙන වාහනය පදවිය හැකියි. හැබැයි උපරිම වේගය පැයට කි.මී. 60ක් (පැ.සැ. 37ක්) විතරයි. රියැදුරාට තියෙන්නේ වාහන තදබදයකදී සහාය ලබා දෙන (traffic jam assistant) බොත්තම ඔබා රියටම ඒ කටයුත්ත බාරදී නිහඬව බලා සිටින එකයි.

එවිට ඉදිරියෙන් යන වාහනය වේගය බාල කළොත් ඕඩි රියත් වේගය ඊට ගැළපෙන ආකාරයට වේගය අඩු කරනවා. වාහන පේළිය නැවත වේගය වැඩි කළ විට ඕඩි රියත් ඒ අනුව වේගය වැඩි කරනවා.

මේ කාරයට රේඩාර් සංවේදක සවි කරල තියෙනවා, අඩි 820ක් දුරට මොනිටර් කළ හැකි වන පරිදි. මග මග ඇති මං තීරු සලකුණු මොනිටර් කරන්න පුළුල් කෝණයක් සහිත විඩියෝ කැමරාවක් සවි කරලා තියෙනවා. රථය වටේට අතිධ්වනික සංවේදක අටක් සවි කරලා තියෙනවා. මේ රථයට පුළුවන් තවත් රථයකට අඟල් 4ක් තරම් ළං වෙන්න ගාල් කරන්න.



”ඒත් මේ ක‍්‍රමයේත් අඩුපාඩු තියෙනවා. ඔබට මං තීරු මාරු කරන්න අවශ්‍ය වුනොත් ඒකට සුක්කානමට අත ගහන්න ඔබට සිදු වෙනවා. ඒ නිසා මේ රියට පුළුවන් වුණේ නෑ මුළු ගමනම මාව ගෙනියන්න එයාම පදවා ගෙන මා නැවතී සිටි හෝටලයේ සිට ලෝක ඉලෙක්ට්‍රොනික ප‍්‍රදර්ශනය තිබුණු තැන දක්වා.” පීටර් කියනවා.

ඒ වගේම වාහන පේළියේ වේගය පැ.සැ. 40ට වැඩි වුණොත් ස්වයංකී‍්‍රය නියමු ක‍්‍රමය නවතිනවා. එවිට වාහනය ඔබ අතට ගන්න වෙනවා. ඒ නිසා රියැදුරාට සුක්කානම ඉදිරියේ අවදියෙන් ඉන්න සිදු වෙනවා.

”ඒ ගැනත් ඕඩි රථය අවදියෙන් ඉන්නෙ. ඔබ දිහා, ඔබේ හිසේ චලනයන් දිහා, බලා ඉන්න කැමරාවක් එහි සවි කර තියෙනවා. හදිසියේ ඔබට නින්ද ගියොත් ශබ්දයක් කරලා ඔබව ඇහැරවන්න එයාට පුළුවන්.” බියෝන් කියනවා.

දැන් ඔබ කැමති නම් ගූගල් රියැදුරු රහිතව පැදවිය හැකි වාහනය පහත වීඩියෝවෙන් බලන්න පුළුවන්.



Comments

  1. පෙරලියක් වෙයි ලගදීම... ඒක් මම නං කැමති සුක්කානම එක්ක ඔට්ටු වෙවී වාහන පදවන්න... නැත්තම් වාහනයක යනවා කියන “ගතිය“ එන්නෙ නෑනේ....

    ReplyDelete
  2. ලංකාවෙඅපි කනප්පුත් දුවවන්නෙ ඕව මොනවද

    ReplyDelete

Post a Comment

Popular posts from this blog

ලෝකයේ වටිනාම මුද්දරය වෙන්දේසියට! දැනට ඇත්තේ ලෝකෙටම එකයි!

මුද්දර එකතු කිරීම (Philately) විනෝදාංශයක් වගේම හොඳ ආදායම් මාර්ගයක්. පුංචි වුණාට තැපැල් මුද්දරයක් කියන්නේ රටක ඉතිහාසය කියාපාන කැඩපතක්. රටකින් රටකට හොඳ හිත පතුරුවමින් යන සංස්කෘතික තානාපතිවරයෙක්!

ඒ වගේ පැරණි තැපැල් මුද්දරයක් එහි මුහුණත සඳහන් වටිනාකමට හුඟක් වැඩිවෙන වෙලාවල් තියෙනවා. එහෙම වෙන්නේ ඒවායේ ඇති දුලබකම නිසයි.

ඒ වගේ 1873 දී ලිපිගොනු ගොඩක් අස්සේ තිබී හමුවුණු පාවිච්චි කළ ශත එකේ තැපැල් මුද්දරයක් පසුව වෙළෙඳ පොළේ දී සිලිං හයකට විකුණුණා. බි‍්‍රතාන්‍ය ගයානාව (British Guiana) විසින් නිකුත් කළ ශත එකේ දම්පාට තැපැල් මුද්දරය (1c Magenta stamp) දැන් යළිත් වෙන්දේසිය සඳහා වෙළෙඳපොළට ඇවිත්. අද, වසර 141කට පසු, එයට මුද්දර වෙන්දේසියේ දී ඇමරිකන් ඩොලර් මිලියන 20ක මුදලක් ලැබේවි යැයි විශ්වාස කරනවා.

මෑතදී ‘ලොව වඩාත් වටිනාම මුද්දරය’ ලෙස හඳුන්වනු ලැබූ මේ පැති අටේ හැඩැති තැපැල් මුද්දරය 2014 ජූනි මාසයේ 17 වැනිදා ඇමරිකාවේ නිව්යෝක්හිදී ප‍්‍රසිද්ධ වෙන්දේසියේ විකිණීමට නියමිතයි.

මෙය දැනට ලෝකයේ සුරක්ෂිතව ඉතිරි වී ඇති මේ වර්ගයේ එකම මුද්දරය ලෙස සැලකෙනවා. මෙය නිකුත් කරන ලද්දේ 1856දියි. බි‍්‍රතාන්‍ය ගයානාවේ තැපැල් මහතා…

MH370 මැලේසියානු ගුවන්යාන අබිරහස! ලෝකයේ අබිරහස් ලෙස අතුරුදන් වුණු ගුවන්යානා 10 මෙන්න!

පසුගිය සතියේ (මාර්තු 8 වැනිදා) අතුරුදන් වූ පිසැරි අංක එම්එච්370 මැලේසියානු මගී ගුවන්යානයට වූ දේ තවමත් අබිරහසක්. රටවල් 10 ගුවන්යානා, නැව්, චන්ද්‍රිකා රැසක් මේ අබිරහස විසඳන්න තවමත් වෙහෙසෙනවා.

ඒත් මෙය දැනටමත් නොවිසඳෙන අබිරහසක් පත් වෙන ලකුණු පහළ වෙලා!

නස්රුදින්ගේ වේළීමේ රහස! අලුත්ම නස්රුදින් කතාවක්!

නස්රුදින්ගේ පොහොසත් මිතුරෙක් ඔහුට කතා කළා, ඒ මිතුරාත් ඔහුගේ පිරිසත් එක්ක දින කීපයක් තිස්සේ දඩයමේ යන්න. මුල් ම දවසේ ඔවුන් නස්රුදින්ට දුන්නෙ බොහොම හෙමින් යන අස්සයෙක්. දඩයමට යන්න පටන් අරන් වැඩි වේලාවක් ගියේ නෑ, හෙමින් ගිය අස්සයා නිසා නස්රුදින් හුඟක් පහුවුණා. නස්රුදින්ව පහු කරලා දාලා අනෙක් පිරිස ඈතට දඩයමේ ගියා.

ලොව පළමු සෙල් ෆෝනය මේකද? වසර 75ක් පැරණි පින්තූරයේ රහස හෙළි වෙයිද?

බලන්න මේ තරුණිය ජංගම දුරකතනයක් කනේ තියා ගෙන පාර දිගේ කතා කර කර යනවා! අද නම් මේ වගේ දසුනක් ගමක පාරක වුනත් ඔබ දැක ඇතුවාට සැකයක් නැහැ. ඒත් මේ දර්ශනය කැමරාවට නඟා ඇත්තේ මීට අවුරුදු 75කට පෙරයි!

1938 දී ඇමෙරිකාවේ වීදියක ගමන් කළ මේ යුවතියගේ අතට වර්තමානයේ අප පාවිච්චි කරනා තාලේ සෙල් ෆෝනයක් (ජංගම දුරකතනයක්) ආවෙ කොහොමද?

ඒ කාලයේ මේ වගේ දෙයක් නිපදවීම තියා මෙවැන්නක් ගැන හිතලවත් නොතිබුණා නම් මෙම දර්ශනය චිත‍්‍රපටයකට ගත් නිර්මාණයක්ද? සමහර අය කීවේ චිත‍්‍රපටය තුළින් අනාගතය දැකීමක් ලෙස මෙම දසුන සලකන්න පුළුවන් කියලයි. අනාගතය පරිකල්පනය කළ අවස්ථා චිත‍්‍රපටවල ඕනෑ තරම් තිබුණා. මේ වගේ

මේ රූප පෙළ මේ වන විට යූටියුබ් (YouTube) එක හරහා ලක්ෂ තුනකට වැඩි වාර ගණනක් සංසරණය වෙලා තියෙනවා. වර්ණ චිත‍්‍රපට එන්නට පෙරාතුව කළු සුදු ක‍්‍රමයට කැමරාවට නගන ලද මෙහි රහස පසුගිය දා හෙළි වුණා. මෙම තරුණිය තමාගේ මීමිත්තණිය යැයි යුටියුබ් ග‍්‍රාහකයෙක් හෙළි කළා.

අනාගතයට යාමක් ද? මෙහි දැක්වෙන්නේ ඇමරිකාවේ ඩුපොන්ට් ආයතනයෙන් පිට වී යන තරුණ සේවිකාවන් පිරිසක්. එයින් එක් තරුණියක් අතේ ඇති ජංගම දුරකතනයකින් කතා කරමින් යනවා ඔබට පෙනෙනවා ඇති. වසර 75කට ප…

දියණිය උපන් මොහොතේ පියා ගත් පින්තූරය අන්තර් ජාලය කළඹයි! වෛද්‍යවරයාගේ අතේ එල්ලී එළියට ආ ළදැරිය මෙන්න!

ජීවිතයේ විස්මිත මොහොතවල් ඡායාරූපයට නැඟීම වාසනාවත් එක්ක සිදු වන දෙයක්. එහෙම වාසනාවක් ලද මාපිය යුවලක් තමන් ගත් ජීවිතයේ අමතක නොවන පින්තූරය ‘මුහුණු පොතේ’ පළ කළා. මොහොතකින් එය අන්තර්ජාලය පුරා ‘කුණාටුවක්’ මෙන් හඹා ගියා.

මෙලොව එළිය දකින්න මොහොතකට පෙර පුංචි නෙවායි මව් කුස හිඳිමින් තම උදව්වට ආ වෛද්‍යවරයාගේ ඇඟිල්ලේ එල්ලූන හැටි!

හොල්මන් පින්තූර කතන්දර පෙළක්! මේවා දැකල බය වෙන්න එපා!

රාති‍්‍ර කාලයට අඳුරේ දී ඔබව බියපත් කරන හැම රටකටම, හැම සමාජයකම තියෙනවා. ඇත්තටම හොල්මන් තියෙනවා කියල ඔප්පු කරන්න හොල්මන්වල පින්තූර ගන්න අයත් ඉන්නවා. මේ ඒ විදියට ගත්තු පින්තූර පෙළක්!


අවුරුදු ගානක් තිස්සෙ විවිධ අවස්ථාවලදි ගත්තු පින්තූර තමයි, මේ තියෙන්නේ. මෙහි ඉන්නවා, ඝාතනය කළ වහල් සේවකයන්, රෝහල්වල වධබන්ධනවලට ලක්ව මියගිය රෝගීන්, අතීතයට එක් වූ මුහුදු නැවියන් ආදී නොයෙක් අය. මොවුන්ගේ හොල්මන් කතා අහපු බොහොම දෙනෙක් බියට පත් වුණා. තාමත් අහන අයගේ ඇඟ හිරි වැටෙනවා.

මුල්ම ඇපල් 1 පරිගණකය ලෝක වාර්තාවක් තියයිද? ඇපල් සමාගමේ ආරම්භය හෙළිකරන මෙතෙක් පළ නොවූ ඡායාරූපයක්!

ඇපල් පරිගණකය පටන් ගත් හැටි දැන් දකින කොටත් පුදුම හිතෙනවා. ඒ මුල් ම ඇපල් පරිගණකය අළෙවි කරන්න ගෙනියන්න පෙර පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුගිය දා ප‍්‍රථමවරට හෙළිදරවු වුණා.

මේ ඡායාරූපයට නගා තියෙන්නේ 1976 දියි. එතකොට ස්ටීව් ජොබ්ස්ට (Steve Jobs) වයස 21යි. ඔහුගේ මිතුරු ස්ටීව් වොස්නියැක් (Steve Wozniak) සමග එක්ව ඔවුන් දෙදෙනා මේ මුල්ම ඇපල් පරිගණක තැනුවේ ස්ටීව් ජොබ්ස්ගේ මාපියන්ගේ ගෙදර ගරාජයකයි. ඔවුන් ඒ තැනූ මූල් පරිගණක 50 තැන්පත් කරල තිබුණු ආකාරය දැක්වෙන මේ විරල ඡායාරූපය නිකුත් කරනු ලැබුවේ ලබන නොවැම්බර් 16 වැනිදා වෙන්දේසියට තැබෙන දැනට හොඳම තත්වයේ ඇති පැරණි ම ඇපල් පරිගණකය එළි දැක්වීම වෙනුවෙන්.

මෙය දැනට ලෝකයේ ඇති වටිනාම සන්නම ලෙස සැලකෙන ඇපල් පරිගණකයේ ආරම්භක තත්වය තේරුම ගන්නත් හොඳ අවස්ථාවක්. මේ සන්නමෙහි අද වටිනාකම පවුම් බිලියන 60ක්.

ඇපල් පරිගණකයේ ආරම්භය දැක්වෙන මේ කිසිදා එළියට නො පැමිණි ඡායාරූපයක්. ඒ මුල් ම ඇපල් පරිගණකය අළෙවි කරන්න ගෙනියන්න පෙර 1976 දී පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුග…

දුර්ලභ ගණයේ සේයා රුවක්! නවසීලන්තයේ ධීවරයකුගේ නවතම ගොදුරක්!

මෙය ලියැවෙන්නේ කලාතුරකින් හමු වන ඡායාරූපයක් ඔබ වෙත ඉදිරිපත් කරන්නයි. අන්තර් ජාලය පුරා මේ වන විටත් වැඩි දෙනකුගේ අවධානය දිනා ගෙන තියෙනවා.

මේ ඡායාරූපයෙන් කියැවෙන්නේ මිනීමරු සුදු මෝරකුගේ ඉරණම දැක්වෙන කතාවක්. පසුගිය සතියෙදි නවසීලන්තයේ මුහුදේදි ගත්තු එකක්.

මහා භූමිකම්පාවකින් පසු පාකිස්ථාන මුහුදෙන් මතු වූ ලෝකයේ අලූත් ම දූපත!

පසුගියදා පාකිස්ථානයේ ප‍්‍රබල භූමිකම්පාවක් ඇති වුණා. 7.8ක් වූ ඒ භූමිකම්පාවෙන් බලූකිස්ථානය අසල මුහුදේ අලූත් දූපතක් මතු වුණා. ලෝකයේ අලූත් ම දූපත එයයි.

සල්සාලා කෝහ් (Zalzala Koh) යනුවෙන් ඒ දූපත නම් කරලා තියෙනවා. දාල්බන්දින්වලට සැතැපම් 145ක් ගිනිකොන දෙසින් හටගත් මේ භූම්කම්පාව නිසා දැන් එය බලන්න සංචාරකයන් වගේම පාකිස්ථාන වැසියන් වැල නොකැඩි එනවා. ඒ දූපතටත් ගොඩ වෙනවා. ගිනිගන්නාසුලූ වායුව, විස දුම් ආදිය ඇති බව අනතුරු හැෙඟව්වත් ඒවා ගනන් නොගෙනයි, ඔවුන් එහි එන්නෙ.

ඒ දූපතේ පිපිරුණු මඩ, වැලි, ගල් මුසු බිම මත මුහුදු සතුන්ගේ මළ සිරුරු, විශේෂයෙන් ම මාළුන් මළකුණු පිරිලා තියෙනවා.

මෙන්න ලෝකයේ අලූත් ම දූපත අහසට පෙනෙන හැටි. මේ මඩ කන්ද මීටර් 15ක් 20ක් විතර උස ඇති. මිනිසුන්ට ඒ මත ඇවිද ගෙන යා හැකි තරමට එහි බිම ඝනකම් කියලයි, කියන්නෙ.

MH370 මැලේසියානු ගුවන්යාන අබිරහස : නියමුවාම යානය බලෙන් ගෙන ගියාද?

2014 මාර්තු 16 වැනිදා

අනතුරට පත් යානයේ නියමුවා වූ සහාරි අහමඞ් ෂා දේශපාලන උමතුවකින් පෙළෙන්නකු ලෙස දැන් සැක කරනවා. එම්එච්370 යානය නියමුවා ලෙස සේවයට වාර්තා කරන්නට පෙර ඔහු මැලේසියාවේ විරුද්ධ පක්ෂ නායකයා වූ අන්වර් ඒබ‍්‍රහම්ට එරෙහිව පැවති නඩු විභාගයට බලන්නට ගිය බවක් ෆෙඩරල් පරීක්ෂක නිලධාරින් කියනවා.