Skip to main content

මහා ලේඛක ලියෝ තොල්ස්තෝයි ළමයින්ට දුන් දර්ශනය

19 වැනි සියවසෙහි දී පමණ ආරම්භ වූ රුසියන් ගද්‍ය පද්‍ය සිහිත්‍යය යුරෝපීය සාහිත්‍යය සමඟ සසඳන විට වයසින් ඉතා බාලය. රුසියන් ලේඛකයන් විසින් ස්වකීය දේශීය චින්තනයෙන් පෝෂණය කරන ලද මෙම ළදරු සාහිත්‍යය නොබෝ කලකින් ම යුරෝපීය සාහිත්‍යය අබිබවා උසස් තත්වයට වර්ධනය විය. රුසියන් සාහිත්‍යයහි මෙම නැඟීම යුරෝපා සාහිත්‍ය ඉතිහාසයේ ප‍්‍රාතිහාර්යයක් ලෙස විචාරකයෝ සලකති. මෙම ප‍්‍රාතිහාර්ය පෑ රුසියන් ලේඛකයන් අතරින් ලියෝ තොල්ස්තෝයි ලොව පහළ වූ අග‍්‍රගණ්‍ය සාහිත්‍යධරයෙකු ලෙස සලකනු ලැබේ.


රුසියන් ජන සාහිත්‍යයක් ගොඩනැඟීමෙහි යෙදුණු තොල්ස්තෝයි කාලෝචිත පරිදි දේශීය හා විදේශීය ජනකතා හා උපමා කතා රුසියන් සාහිත්‍යයට ගැළපෙන පරිදි ප‍්‍රතිනිර්මාණය කළ අතර අලූත් කතා ද රචනා කළේය. යස්නායා පොල්යානා වත්තේ පවත්වා ගෙන ගිය පාසලේ ශිෂ්‍ය ශිෂ්‍යාවන්ට අවශ්‍ය පොත් පෙළක් පිළියෙල කිරීමේ දී තොල්ස්තෝයි උපමා කතා, සුරංගනා කතා හා ළමා කතා රාශියක් රචනා කළේය. එමගින් රුසියන් සාහිත්‍යය ළමා සාහිත්‍යයෙන් ද පෝෂණය විය. ඔහු ළමයින් සඳහා ලියූ කෙටි නාට්‍යයකි, මෙහි පළවෙන්නේ.

යුද්ධය
කාල්චාන් - නව හැවිරිදි ළමයෙකි.
පෙත්යා - දස හැවිරිදි ළමයෙකි.
මාෂා - අට හැවිරිදි ළමයෙකි.

කාල්චාන් - අපේ ප‍්‍රසියාව, රුසියන්කාරයන්ට අපේ රට අල්ල ගන්න දෙන්නෙ නැහැ.
පෙත්යා - නමුත් අපි කලින් අල්ල ගත්ත නිසා අයිති අපටලූ.
මාෂා - ‘අපි’ කියන්නෙ කාටද?
පෙත්යා - ඔයා තවම පොඩි ළමයෙක්. ඔයාට මේවා තේරනේනෙ නැහැ. ‘අපි’ කියන්නෙ අපේ රට වැසියන්ටයි.
කාල්චාන් හැම රටකම මේ විදියයි. එක්කෙනෙක් එක රටකට අයත් වන අතර තවත් කෙනෙක් වෙන රටකට අයත් වෙනවා.
මාෂා - මා අයිති මොන රටට ද?
පෙත්යා - අප වගේ ඔයත් අයිති රුසියාවටයි.
මාෂා - නමුත් මට වුවමනා නැති නම්?
පෙත්යා - ඔයාට වුවමනා වුණත් නැතත් ඔයා අයිති රුසියාවටයි.
කාල්චාන් - හැම රටකටම සාර් කෙනෙක් ඉන්නවා. නැති නම් රජ කෙනෙක් ඉන්නවා. (පෙත්යා කතාවට බාධා කරමින්) නැති නම් පාර්ලිමේන්තුවක් තියෙනවා.
පෙත්යා - හැම රටකට ම යුද හමුදාවක් තියෙනවා. හැම රටක් ම ඒ රටේ මිනිසුන්ගෙන් බදු අය කරනවා.
මාෂා - නමුත් මේ රටවල්වල ඉන්න මිනිස්සු එකිනෙකාගෙන් ඈත් වී ඉන්නෙ මොකද?
පෙත්යා - ඔවුන් එකිනෙකාගෙන් වෙන් වී ඉන්නෙ හැම මිනියම එයාගෙ රටට ආදරය නිසයි.
මාෂා - මට තේරෙන්නෙ නැහැ. මේ රටවල ඉන්න මිනිස්සු එතිනෙකාගෙන් වෙන් වෙලා ඉන්නෙ මොකද කියා. ඊට වැඩිය හොඳ නැද්ද හැම රටක ම, හැම ජාතියක ම මිනිස්සු එකතු වෙලා ඉන්නව නම්?
පෙත්යා - සෙල්ලම් කරන්න නම් අපි සේරම එකතු වෙන්න ඕනෑ තමයි. නමුත් මේවා සෙල්ලම් වගේ නෙවෙයි. ඊට වඩා ලොකු දේවල්.
මාෂා - මට තේරෙන්නෙ නැහැ.
කාල්චාන් - ඔයාට මේවා හොඳට තෙරේවි තව ටිකක් ලොකු වුණාට පස්සෙ.
මාෂා - එහෙනම් මට ලොකු වෙන්න වුවමනා නැහැ.
පෙත්යා - ඔයා පොඩි වුණත් හිතුවක්කාරයි.

(ටෝල්ස්ටෝයිගේ මෙම ළමා නාට්‍යය උපුටා ගත්තේ කළුබෝවිල සිරිල් සී. පෙරේරා විසින් සැකසූ ‘මෛතී‍්‍රකරුණාව’ නමින් පළ වූ පරිවර්තන එකතුවකිනි.)

‘යුද්ධය’ නම් වූ මේ කෙටි නාට්‍යය තුළින්, ලියෝ තොල්ස්තෝයි යුද්ධය හා මිනිස් සමාජය දෙස, ළමයින් වෙනුවෙන් මේ විධියට බැලූවත් සෙසු ලෝකයා ඔහු මහා ලේඛකයා ලෙස පිළිගත් ඔහුගේ විශිෂ්ටතම කෘතිය වූ ‘යුද්ධය හා සාමය’ නම් මහා දිග නවකතාවෙන් යුද්ධය ගැන කීවේ මීට වඩා මුහුකුරා ගිය ගැඹුරු කතාවකි.

ශී‍්‍ර ලංකාවේ අග‍්‍රගණ්‍ය ලේඛකයකු වූ කළුබෝවිල සිරිල් සී. පෙරේරා සූරින් විසින් ‘යුද්ධය හා සාමය’ සිංහල බසට ද පෙරළා තිබේ. එහි මුල් මුද්‍රණය කඩින් කඩ කාණ්ඩ දහයකින් නිකුත් වූ අතර දැන් එය කාණ්ඩ තුනක් ලෙස එස්. ගොඩගේ සහෝදරයන් විසින් පළ කර තිබේ.

‘යුද්ධය හා සාමය’ නවකතාවෙන් ලියෝ තොල්ස්තෝයි පාලකයන් හා පාලිතයන් දෙස බැලූ ආකාරය එහි එන මේ ඡේදයෙන් අපූරුවට වටහා ගත හැකිය.

”කරදරවලින් තොර සන්සුන් කාලවල දී තමා විසින් පාලනය කරනු ලබන ජනයා එදිනෙදා කටයුතුවල නිරත වෙමින් ජීවත් වන්නේ තමා ගේ උත්සාහයෙන් යැයි පාලනය කරන හැම නිලධාරියෙක් ම කල්පනා කරයි. ඔහු තම මහන්සියෙන් හා උත්සාහයෙන් තෘප්තියක් ලබන්නේ තමාගේ සේවය අත්‍යවශ්‍ය යන කල්පනාව තුළිනි. මෙය පහසුවෙන් තේරුම් ගත හැකි දෙයකි. ඉතිහාසය නැමැති මහා සාගරය සන්සුන්ව පවතින විට, තමාගේ අබලන් වූ කුඩා බෝට්ටුවට නැඟ ගත් පාලකයා ජනතාව නැමැති නෞකාව කොක්කකින් අල්ලා ගෙන එය පසුපස පාවී යයි. එහෙත් තමා එල්ලී සිටින නෞකාව යාත‍්‍රා කරන්නේ තමා ගේ උත්සාහයෙන් යැයි හේ කල්පනා කරයි. කුණාටුවක් හමන්නට පටන් ගත් වහාම, කුණාටුවෙන් චණ්ඩ වූ මුහුදත් සමඟ නැව ද පැද්දෙන්නට පටන් ගනියි. එවිට නැවේ එල්ලී යන පාලකයාට නැව යාත‍්‍රා කරන්නේ තමා ගේ උත්සාහයෙන් යන මුළාවෙහි තවදුරටත් එල්බ ගෙන සිටිය නොහැකි වෙයි. යෝධ නෞකාව බාහිර පාලනයකින් තොරව ස්ව උත්සාහයෙන් ම රළගෙඩි මත පාවී යන අතර කුඩා බෝට්ටුවට තවදුරටත් නැවෙහි එල්ලී නැව සමග යාමට නොහැකි වෙයි. එවිට මහා සාගරයෙහි තනි වන පාලකයාට තමා පූර්ණ බලතල සහිත පාලකයෙක් නොව, කිසිම වැදගැම්මකට නැති නිෂ්ප‍්‍රයෝජන බෙලහීනයෙකු බව පෙනී යයි...”

(ලියෝ තොල්ස්තෝයිගේ ‘යුද්ධය හා සාමය’ නවකතාවෙන්.)

Comments

  1. හරිම වැදගත් පෝස්ටුවක්

    ReplyDelete
  2. ශ්‍රී ලංකාවේ අයටත් පීඩියාවක් අරඹුවා ඔන්න ඔයාලත් එන් http://sinhapedia.blogspot.com/
    දැනුම බෙදාගන්න.
    සෑම සෙනසුරාදාම-තොරතුරු තාක්ෂණ ලිපිය
    සෑම ඉරිදාම ඉතිහාස ලිපිය

    ReplyDelete

Post a Comment

Popular posts from this blog

ලෝකයේ වටිනාම මුද්දරය වෙන්දේසියට! දැනට ඇත්තේ ලෝකෙටම එකයි!

මුද්දර එකතු කිරීම (Philately) විනෝදාංශයක් වගේම හොඳ ආදායම් මාර්ගයක්. පුංචි වුණාට තැපැල් මුද්දරයක් කියන්නේ රටක ඉතිහාසය කියාපාන කැඩපතක්. රටකින් රටකට හොඳ හිත පතුරුවමින් යන සංස්කෘතික තානාපතිවරයෙක්!

ඒ වගේ පැරණි තැපැල් මුද්දරයක් එහි මුහුණත සඳහන් වටිනාකමට හුඟක් වැඩිවෙන වෙලාවල් තියෙනවා. එහෙම වෙන්නේ ඒවායේ ඇති දුලබකම නිසයි.

ඒ වගේ 1873 දී ලිපිගොනු ගොඩක් අස්සේ තිබී හමුවුණු පාවිච්චි කළ ශත එකේ තැපැල් මුද්දරයක් පසුව වෙළෙඳ පොළේ දී සිලිං හයකට විකුණුණා. බි‍්‍රතාන්‍ය ගයානාව (British Guiana) විසින් නිකුත් කළ ශත එකේ දම්පාට තැපැල් මුද්දරය (1c Magenta stamp) දැන් යළිත් වෙන්දේසිය සඳහා වෙළෙඳපොළට ඇවිත්. අද, වසර 141කට පසු, එයට මුද්දර වෙන්දේසියේ දී ඇමරිකන් ඩොලර් මිලියන 20ක මුදලක් ලැබේවි යැයි විශ්වාස කරනවා.

මෑතදී ‘ලොව වඩාත් වටිනාම මුද්දරය’ ලෙස හඳුන්වනු ලැබූ මේ පැති අටේ හැඩැති තැපැල් මුද්දරය 2014 ජූනි මාසයේ 17 වැනිදා ඇමරිකාවේ නිව්යෝක්හිදී ප‍්‍රසිද්ධ වෙන්දේසියේ විකිණීමට නියමිතයි.

මෙය දැනට ලෝකයේ සුරක්ෂිතව ඉතිරි වී ඇති මේ වර්ගයේ එකම මුද්දරය ලෙස සැලකෙනවා. මෙය නිකුත් කරන ලද්දේ 1856දියි. බි‍්‍රතාන්‍ය ගයානාවේ තැපැල් මහතා…

MH370 මැලේසියානු ගුවන්යාන අබිරහස! ලෝකයේ අබිරහස් ලෙස අතුරුදන් වුණු ගුවන්යානා 10 මෙන්න!

පසුගිය සතියේ (මාර්තු 8 වැනිදා) අතුරුදන් වූ පිසැරි අංක එම්එච්370 මැලේසියානු මගී ගුවන්යානයට වූ දේ තවමත් අබිරහසක්. රටවල් 10 ගුවන්යානා, නැව්, චන්ද්‍රිකා රැසක් මේ අබිරහස විසඳන්න තවමත් වෙහෙසෙනවා.

ඒත් මෙය දැනටමත් නොවිසඳෙන අබිරහසක් පත් වෙන ලකුණු පහළ වෙලා!

ලොව පළමු සෙල් ෆෝනය මේකද? වසර 75ක් පැරණි පින්තූරයේ රහස හෙළි වෙයිද?

බලන්න මේ තරුණිය ජංගම දුරකතනයක් කනේ තියා ගෙන පාර දිගේ කතා කර කර යනවා! අද නම් මේ වගේ දසුනක් ගමක පාරක වුනත් ඔබ දැක ඇතුවාට සැකයක් නැහැ. ඒත් මේ දර්ශනය කැමරාවට නඟා ඇත්තේ මීට අවුරුදු 75කට පෙරයි!

1938 දී ඇමෙරිකාවේ වීදියක ගමන් කළ මේ යුවතියගේ අතට වර්තමානයේ අප පාවිච්චි කරනා තාලේ සෙල් ෆෝනයක් (ජංගම දුරකතනයක්) ආවෙ කොහොමද?

ඒ කාලයේ මේ වගේ දෙයක් නිපදවීම තියා මෙවැන්නක් ගැන හිතලවත් නොතිබුණා නම් මෙම දර්ශනය චිත‍්‍රපටයකට ගත් නිර්මාණයක්ද? සමහර අය කීවේ චිත‍්‍රපටය තුළින් අනාගතය දැකීමක් ලෙස මෙම දසුන සලකන්න පුළුවන් කියලයි. අනාගතය පරිකල්පනය කළ අවස්ථා චිත‍්‍රපටවල ඕනෑ තරම් තිබුණා. මේ වගේ

මේ රූප පෙළ මේ වන විට යූටියුබ් (YouTube) එක හරහා ලක්ෂ තුනකට වැඩි වාර ගණනක් සංසරණය වෙලා තියෙනවා. වර්ණ චිත‍්‍රපට එන්නට පෙරාතුව කළු සුදු ක‍්‍රමයට කැමරාවට නගන ලද මෙහි රහස පසුගිය දා හෙළි වුණා. මෙම තරුණිය තමාගේ මීමිත්තණිය යැයි යුටියුබ් ග‍්‍රාහකයෙක් හෙළි කළා.

අනාගතයට යාමක් ද? මෙහි දැක්වෙන්නේ ඇමරිකාවේ ඩුපොන්ට් ආයතනයෙන් පිට වී යන තරුණ සේවිකාවන් පිරිසක්. එයින් එක් තරුණියක් අතේ ඇති ජංගම දුරකතනයකින් කතා කරමින් යනවා ඔබට පෙනෙනවා ඇති. වසර 75කට ප…

නස්රුදින්ගේ වේළීමේ රහස! අලුත්ම නස්රුදින් කතාවක්!

නස්රුදින්ගේ පොහොසත් මිතුරෙක් ඔහුට කතා කළා, ඒ මිතුරාත් ඔහුගේ පිරිසත් එක්ක දින කීපයක් තිස්සේ දඩයමේ යන්න. මුල් ම දවසේ ඔවුන් නස්රුදින්ට දුන්නෙ බොහොම හෙමින් යන අස්සයෙක්. දඩයමට යන්න පටන් අරන් වැඩි වේලාවක් ගියේ නෑ, හෙමින් ගිය අස්සයා නිසා නස්රුදින් හුඟක් පහුවුණා. නස්රුදින්ව පහු කරලා දාලා අනෙක් පිරිස ඈතට දඩයමේ ගියා.

දියණිය උපන් මොහොතේ පියා ගත් පින්තූරය අන්තර් ජාලය කළඹයි! වෛද්‍යවරයාගේ අතේ එල්ලී එළියට ආ ළදැරිය මෙන්න!

ජීවිතයේ විස්මිත මොහොතවල් ඡායාරූපයට නැඟීම වාසනාවත් එක්ක සිදු වන දෙයක්. එහෙම වාසනාවක් ලද මාපිය යුවලක් තමන් ගත් ජීවිතයේ අමතක නොවන පින්තූරය ‘මුහුණු පොතේ’ පළ කළා. මොහොතකින් එය අන්තර්ජාලය පුරා ‘කුණාටුවක්’ මෙන් හඹා ගියා.

මෙලොව එළිය දකින්න මොහොතකට පෙර පුංචි නෙවායි මව් කුස හිඳිමින් තම උදව්වට ආ වෛද්‍යවරයාගේ ඇඟිල්ලේ එල්ලූන හැටි!

මුල්ම ඇපල් 1 පරිගණකය ලෝක වාර්තාවක් තියයිද? ඇපල් සමාගමේ ආරම්භය හෙළිකරන මෙතෙක් පළ නොවූ ඡායාරූපයක්!

ඇපල් පරිගණකය පටන් ගත් හැටි දැන් දකින කොටත් පුදුම හිතෙනවා. ඒ මුල් ම ඇපල් පරිගණකය අළෙවි කරන්න ගෙනියන්න පෙර පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුගිය දා ප‍්‍රථමවරට හෙළිදරවු වුණා.

මේ ඡායාරූපයට නගා තියෙන්නේ 1976 දියි. එතකොට ස්ටීව් ජොබ්ස්ට (Steve Jobs) වයස 21යි. ඔහුගේ මිතුරු ස්ටීව් වොස්නියැක් (Steve Wozniak) සමග එක්ව ඔවුන් දෙදෙනා මේ මුල්ම ඇපල් පරිගණක තැනුවේ ස්ටීව් ජොබ්ස්ගේ මාපියන්ගේ ගෙදර ගරාජයකයි. ඔවුන් ඒ තැනූ මූල් පරිගණක 50 තැන්පත් කරල තිබුණු ආකාරය දැක්වෙන මේ විරල ඡායාරූපය නිකුත් කරනු ලැබුවේ ලබන නොවැම්බර් 16 වැනිදා වෙන්දේසියට තැබෙන දැනට හොඳම තත්වයේ ඇති පැරණි ම ඇපල් පරිගණකය එළි දැක්වීම වෙනුවෙන්.

මෙය දැනට ලෝකයේ ඇති වටිනාම සන්නම ලෙස සැලකෙන ඇපල් පරිගණකයේ ආරම්භක තත්වය තේරුම ගන්නත් හොඳ අවස්ථාවක්. මේ සන්නමෙහි අද වටිනාකම පවුම් බිලියන 60ක්.

ඇපල් පරිගණකයේ ආරම්භය දැක්වෙන මේ කිසිදා එළියට නො පැමිණි ඡායාරූපයක්. ඒ මුල් ම ඇපල් පරිගණකය අළෙවි කරන්න ගෙනියන්න පෙර 1976 දී පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුග…

හොල්මන් පින්තූර කතන්දර පෙළක්! මේවා දැකල බය වෙන්න එපා!

රාති‍්‍ර කාලයට අඳුරේ දී ඔබව බියපත් කරන හැම රටකටම, හැම සමාජයකම තියෙනවා. ඇත්තටම හොල්මන් තියෙනවා කියල ඔප්පු කරන්න හොල්මන්වල පින්තූර ගන්න අයත් ඉන්නවා. මේ ඒ විදියට ගත්තු පින්තූර පෙළක්!


අවුරුදු ගානක් තිස්සෙ විවිධ අවස්ථාවලදි ගත්තු පින්තූර තමයි, මේ තියෙන්නේ. මෙහි ඉන්නවා, ඝාතනය කළ වහල් සේවකයන්, රෝහල්වල වධබන්ධනවලට ලක්ව මියගිය රෝගීන්, අතීතයට එක් වූ මුහුදු නැවියන් ආදී නොයෙක් අය. මොවුන්ගේ හොල්මන් කතා අහපු බොහොම දෙනෙක් බියට පත් වුණා. තාමත් අහන අයගේ ඇඟ හිරි වැටෙනවා.

දුර්ලභ ගණයේ සේයා රුවක්! නවසීලන්තයේ ධීවරයකුගේ නවතම ගොදුරක්!

මෙය ලියැවෙන්නේ කලාතුරකින් හමු වන ඡායාරූපයක් ඔබ වෙත ඉදිරිපත් කරන්නයි. අන්තර් ජාලය පුරා මේ වන විටත් වැඩි දෙනකුගේ අවධානය දිනා ගෙන තියෙනවා.

මේ ඡායාරූපයෙන් කියැවෙන්නේ මිනීමරු සුදු මෝරකුගේ ඉරණම දැක්වෙන කතාවක්. පසුගිය සතියෙදි නවසීලන්තයේ මුහුදේදි ගත්තු එකක්.

මහා භූමිකම්පාවකින් පසු පාකිස්ථාන මුහුදෙන් මතු වූ ලෝකයේ අලූත් ම දූපත!

පසුගියදා පාකිස්ථානයේ ප‍්‍රබල භූමිකම්පාවක් ඇති වුණා. 7.8ක් වූ ඒ භූමිකම්පාවෙන් බලූකිස්ථානය අසල මුහුදේ අලූත් දූපතක් මතු වුණා. ලෝකයේ අලූත් ම දූපත එයයි.

සල්සාලා කෝහ් (Zalzala Koh) යනුවෙන් ඒ දූපත නම් කරලා තියෙනවා. දාල්බන්දින්වලට සැතැපම් 145ක් ගිනිකොන දෙසින් හටගත් මේ භූම්කම්පාව නිසා දැන් එය බලන්න සංචාරකයන් වගේම පාකිස්ථාන වැසියන් වැල නොකැඩි එනවා. ඒ දූපතටත් ගොඩ වෙනවා. ගිනිගන්නාසුලූ වායුව, විස දුම් ආදිය ඇති බව අනතුරු හැෙඟව්වත් ඒවා ගනන් නොගෙනයි, ඔවුන් එහි එන්නෙ.

ඒ දූපතේ පිපිරුණු මඩ, වැලි, ගල් මුසු බිම මත මුහුදු සතුන්ගේ මළ සිරුරු, විශේෂයෙන් ම මාළුන් මළකුණු පිරිලා තියෙනවා.

මෙන්න ලෝකයේ අලූත් ම දූපත අහසට පෙනෙන හැටි. මේ මඩ කන්ද මීටර් 15ක් 20ක් විතර උස ඇති. මිනිසුන්ට ඒ මත ඇවිද ගෙන යා හැකි තරමට එහි බිම ඝනකම් කියලයි, කියන්නෙ.

MH370 මැලේසියානු ගුවන්යාන අබිරහස : නියමුවාම යානය බලෙන් ගෙන ගියාද?

2014 මාර්තු 16 වැනිදා

අනතුරට පත් යානයේ නියමුවා වූ සහාරි අහමඞ් ෂා දේශපාලන උමතුවකින් පෙළෙන්නකු ලෙස දැන් සැක කරනවා. එම්එච්370 යානය නියමුවා ලෙස සේවයට වාර්තා කරන්නට පෙර ඔහු මැලේසියාවේ විරුද්ධ පක්ෂ නායකයා වූ අන්වර් ඒබ‍්‍රහම්ට එරෙහිව පැවති නඩු විභාගයට බලන්නට ගිය බවක් ෆෙඩරල් පරීක්ෂක නිලධාරින් කියනවා.