Skip to main content

හැරී පොටර් වාගේ ඇත්තටම නොපෙනී යන්න දැන් පුළුවන්! විද්‍යාඥයන් පොටර් ලෝලයන්ගේ ඒ සිහිනය සෑබෑ කරන්න දැන් සූදානම්!

හැරී පොටර් චිත‍්‍රපටවල හැරී පොටර් නොපෙනී සිටින්නට අඳින ‘අදිසි කබාය’ ඔබට මතකද? ඒ වගේ දෙයක් මේ වනතෙක් ම අපට දකින්නට ලැබුණේ චිත‍්‍රපටවල විතරයි. එච්. ජී. වේල්ස්ගේ ‘ඉන්විසිබල් මෑන්’ (අදිසි මිනිසා) චිත‍්‍රපටයේත් මේ විදියට නොපෙනී යන උපක‍්‍රමයක් තිබුණා.

දැන් ලොව පුරා පර්යේෂකයන් නොපෙනී යන උපක‍්‍රම බිහි කරන්නට අත්හදා බැලීම් කරනවා. එදා හැරී පොටර් විශේෂ ඇඳුමක් ඇඳ නොපෙනී යාමෙන් හැරී පොටර් ලෝලයන් තුළ හැබෑවටම එවැන්නක් ඇතැයි හැඟීමක් ඇති වුණා පමණක් නොව විද්‍යාඥයන් තුළ එවැනි දෙයක් සැබැවින්ම නිපදවිය හැකි යැයි හැඟීමක් ඇති වුණා. නවකතාවට හා සිනමාවට විතරක් සීමා වුණු ඒ සිහිනය හැබැ කරන්නට ඔවුන් උත්සාහ කළා.

දැන් එහි ප‍්‍රතිඵල ලැබිලා තියෙනවා. සැබෑ ජීවිතයේදීත් මේ විස්මිත දෙය අත්විඳින්නට ඔබටත් ළඟදීම අවස්ථාවක් ලැබේවි.

මුලින් ම මේ පිළිබඳ වාර්තා වුණේ එංගලන්තයේ ඩියුක් (Duke University) විශ්ව විද්‍යාලයෙන්. සැබෑ ජීවිතයේ නොපෙනී යා හැකි ‘අබිරහස් ලෝගුවක්’ එහි පර්යේෂකයන් පිරිසක් විසින් නිපදවා ඇති බව පසුගියදා හෙළිදරවු කෙරුණා.

 
නොපෙනී යාමේ තාක්ෂණය ගැන ලොව පුරා උනන්දුවක් ඇති කළේ හැරී පොටර් චිත‍්‍රපට මාලාවෙන්. දැන් ඩියුක් විශ්වවිද්‍යාලයේ පර්යේෂකයන් එය සැබෑවක් කරන්න හදනවා.

මේ පිරිස 2006 දිත් මෙහි මුලාකෘතියක් මුලින්ම ඉදිරිපත් කළා. එහි අලූත් ම නිපැයුම ලෙසයි, මෙය ඉදිරිපත් කර ඇත්තේ.

මෙම නව නිපැයුම මගින් ඒ පිරිසට හැකි වුණා, යම් වස්තුවක් නොපෙනී යාමට සලස්වන්නට. එහි දී ඔවුන් නොපෙනී යාම සඳහා යොදා ගත්තේ සෙන්ටි මීටර් ගණනක සිලින්ඩරයක්.

ලොව පුරා කණ්ඩායම් ගණනාවක් මේ සම්බන්ධව කි‍්‍රයා කරමින් සිටිනවා. හැරී පොටර් නොපෙනී යාමට භාවිත කළ උපක‍්‍රමය සැබෑවටම නිපදවන්නට තැත් කරන කණ්ඩායම් තුනක් ගැන දැනට වාර්තා වෙනවා. එංගලන්තයේ ඩියුක් විශ්ව විද්‍යාලයේ පර්යේෂකයන් පිරිස හැරුණු විට ඇමෙරිකාවේ ටෙක්සාස්හී කණ්ඩායමක් ද, ස්වීඩනයේ සමාගමක් ද මේ විස්මිත සිහිනය සැබෑ කර ගන්නට වෙර දරනවා.

එංගලන්තයේ ‘නේචර් මැටීරියල්ස්’ ආයතනය කළ අධ්‍යයනයකින් පෙන්වා දීල තියෙනවා, දියමන්ති හැඩයේ ලෝගුවක් භාවිත කිරීමෙන් මෙය සම්පූර්ණයෙන් කළ හැකි බව.

කොහොම වුනත් තවමත් තාක්ෂණය හැරී පොටර්ගේ ලෝගුව තරමටම සම්පූර්ණ වී නැහැ. මේ මායාව කි‍්‍රයා කරන්නේ එක අතකට විතරයි. ඒ කණ්ඩායම පිළිගන්නව දෘශ්‍යාලෝකය පවතිද්දී නොපෙනී යාම සර්වසම්පූර්ණයෙන්ම කළ නොහැකි බව.

ඒ පර්යේෂණ කණ්ඩායමේ එක් සමාජිකයෙකු සංවර්ධනය කරලා තියෙනවා, මෙහි දී මතුවන ප‍්‍රධාන ගැටලූ ජය ගත හැකි නව සැලසුමක්.

ඩියුක් විශ්ව විද්‍යාල කණ්ඩායම තනා තියෙනවා, විශේෂ නව ද්‍රව්‍යයක්, ‘මෙටා-මැටීරියල්’ (meta-materials) කියලා. කෘති‍්‍රමව නිපදවා ඇති මෙහි ස්වාභාවික ද්‍රව්‍යවල නැති ගති ලක්ෂණ තියෙනවා.

මේ ‘මෙටා-මැටීරියල්’වල අඩංගු ව්‍යුහයන් සැලසුම් කර ඇත්තේ යම් වස්තුවක් වටා ඇති විද්යුත් චුම්බක තරංගවල හැසිරීම වෙනස් කළ හැකි අකාරයටයි. ඒවා ඒ වස්තුවේ අනික් පැත්තෙන් ගමන් කරන ආකාරයට යැවූ විට අපට වස්තුව නොපෙනී යනවා. අපට ඒ වස්තුව විනිවිද එහි පසුබිම පේන්න පටන් ගන්නවා. එවිට වස්තුව අපට පෙනෙන්නේ නැහැ.

සිය ආචාර්ය උපාධිය සඳහා මේ විෂය හදාරන නාදන් ලැන්ඩි ඒ ගැන කියන්නේ මෙහෙමයි: ”මේ අදිසි ලෝගුවක් තැනීමට නම් මේ සංකීර්ණ මෙටා මැටීරියල් ද්‍රව්‍යවලින් ඒ ලෝගුව සරසන්න ඕනෑ. එය හොඳින් සැලසුම් කර කළ යුත්තක්.”

”අපි හඳුනා ගෙන ඇති එක දෙයක් තමයි, මේ උපකරණවල දාරවලදී ආලෝක තරංග පරාවර්තනය නොවීම. ඒකට පිළියමක් යෙදිය යුතුයි” ඔහු කියනවා.

ඔහු විස්තර කර දුන්නා ඒක හරියට පැහැදිලි වීදුරුවකින් පරාවර්තනය වී පේනවා වගෙයි කියල.

පේ‍්‍රක්ෂකයාට වීදුරුව විනිවිද දැකිය හැකියි. ඒත්, එතැන වීදුරුවක් ඇති බව ආලෝකය පරාවර්තනය වන නිසා දැනෙනවා.

”ලෝගුව අදිසි බවට පත් කිරීමේ නිදර්ශනය දැක්වීම අපේ එකම අරමුණ නිසා අපි ඒ පරාවර්තනය වීම් ගැන මෙහිදී වද වෙන්නේ නැහැ.” ඔහු කියනවා.

 
ඩියුක් විශ්ව විද්‍යාලයේ නාදන් ලැන්ඩි තැනූ ලෝගුව වැසිය හැකි ඔහුගේ නව නිපැයුම සමග.

ලැන්ඩි මෙහිදී පරාවර්තනය වීම් අවම කරන්න ක‍්‍රමවේදයන් යොදා ගෙන තියෙනවා. ලෝගුව සැකසීමේ දී ෆයිබර් ග්ලාස්වලට කා වැද්දූ තඹ යොදා ගත්තා. ඔහු මේවා යොදා ගත්තේ තීරු වශයෙන්.

ඔහු තැනූ අඩි දෙකක පමණ චතුරස‍්‍රයක් වන මේ මෙවලමෙහි තීරුවලින් දියමන්ති හැඩයක් ද මැද හිස් කොටුවක්ද තියෙනවා.

ඕනෑම ආලෝක තරංගයක් ඒ මතුපිටට වැටුණු විට එක්කෝ උරා ගන්නවා, නැත්නම් පරාවර්තනය කරනවා. එසේත් නැත්නම් ඒ දෙකෙහිම සංකලනයක් සිදු වෙනවා.

මේ පිළිබඳව කලින් කළ අත්හදා බැලීම්වල දී තරංගවල ඇති ශක්තියෙන් සුළු ප‍්‍රතිශතයික් තමා උරා ගත්තේ. ලෝගුව සම්පූර්ණයෙන්ම නොපෙනී යන ආකාරයට කි‍්‍රයා කළේ නැහැ.

මෙහිදී ලෝගුව කොටුවලට වෙන් කිරීම අවශ්‍ය වුණා.

ලැන්ඩි පැහැදිලි කළා කලින් නිපදවූ ලෝගුවලට යෙදූ මෙටා මැටීරියල්වල දාර හා කොන්වල පරාවර්තනයන් සිදු වූ හැටි.

”ලෝගුවේ ඇතැම් තැන්වල අපේ කි‍්‍රයාව අවලංගු වුණු හා ආවාරණය කි‍්‍රයාත්මක නොවූ තැන් ඉතිරිව තිබුණා. ඒ එකිනෙක හරහා වැටුණු තැන් හා අහුකොන් ආදියෙයි. ගණනය කිරීම් රාශියකින් පසුව ඒ ආවරණ තීරු එහාමෙහා කිරීමෙන් ඒවා නිවැරදි කළ හැකි බැව් අප තේරුම් ගත්තා.” ලැන්ඩි කියනවා.

 
‘මෙටා මැටීරියල්’ ලෝගුවෙන් කොටසක්. ඒ මගින් ආවරණය කරන ‘සඟවන’ ද්‍රව්‍යය වටා ඇති මයික්‍රෝ තරංග වෙනතකට පරාවර්තනය කරනවා.

”අපි ලෝගුවක් තැනුවා. ඒක හරි ගියා. එතැනදි ආලෝකය තරංග දෙකකට බෙදී ප‍්‍රස්තුත වස්තුව වටේ ගොස් එහි අනෙක් පැත්තේ මැද දී නැවත එකට එක්ව තනි තරංගයක් වී ගමන් කළා. වස්තුව නොපෙනී ගියා. එහි පරාවර්තනය වීම අවම වුණා.” ලැන්ඩි කියනවා.

මේ යොදා ගත් ක‍්‍රමය ලෝගු තැනීමට වඩා එහා යන එකක් බවයි ලැන්ඩිගේ අදහස. නිදසුනක් වශයෙන් මේ මෙටා-මැටීරියල්වලින් රෙදිපිලිවල ඇඹරුණු හා ඇද වුණු තැන් ඇද ඇර ආලෝකය පරාවර්තනය වීම් නැති කරන්නට හැකි වෙනවා.

”මේක තමා වඩා වැදගත් වන්නේ, හැම නම්මක් ම ඇද ඇර එහි තරංග පරාවර්තනය කිරීම නැති කර ලන්න මේ මලින් අපට හැකි වෙනවා.” ලැන්ඩි කියනවා.

දැන් පර්යේෂකයන් කි‍්‍රයා කරන්නේ මේ සොයා ගත් මූල ධර්ම ති‍්‍රමාන රූප සඳහා යොදා ගත යුත්තේ කෙසේ ද යන්න ගැන විමසන්නයි. එය දැන් භාවිත කරන ද්විමාන මෙවලමට වඩා ඔවුන් ඉදිරියේ ඇති ලොකු අභියෝගයක්.

එය කි‍්‍රයාත්මක වන හැටි
ඩියුක් විශ්වවිද්‍යාලයේ පර්යේෂකයන් මේ ලෝගුව ආවරණය කිරීමට යොදා ගත්තේ මිනිසා විසින් නිර්මාණය කළ මෙටා මැටීරියල් නම් ද්‍රව්‍යයක්. එහි ස්වාභාවික ද්‍රව්‍යවල නැති ගති ලක්ෂණයි තියෙන්නේ.

මෙම මෙටා මැටීරියල්වල ව්‍යුහයන්, යම් වස්තුවක වටා ඇති විද්යුත් චුම්බක තරංග හැසිර විය හැකි ආකාරයට සකස් කරන්න පුළුවන්. ඒ අනුව එම වස්තුව නොපෙනී යනවා.

වස්තුව පසුපසින් මතුවන එම තරංග වස්තුව විනිවිද යන ආකාරයෙනුයි දිස්වෙන්නේ. ඒ විදියටයි, වස්තුව නොපෙනී යන්නේ.

හැරී පොටර් චිත‍්‍රපටයේ මෙන් ‘අදිසි’ ක‍්‍රම පිළිබඳ තවත් අත්හදා බැලීම් ගණනාවක් ම ලොව පුරා සිදු වෙනවා. එයින් දෙකක් ගැන මීළඟ ලිපියෙන් කියන්නට බලාපොරොත්තු වෙනවා.

Comments

Popular posts from this blog

ලෝකයේ වටිනාම මුද්දරය වෙන්දේසියට! දැනට ඇත්තේ ලෝකෙටම එකයි!

මුද්දර එකතු කිරීම (Philately) විනෝදාංශයක් වගේම හොඳ ආදායම් මාර්ගයක්. පුංචි වුණාට තැපැල් මුද්දරයක් කියන්නේ රටක ඉතිහාසය කියාපාන කැඩපතක්. රටකින් රටකට හොඳ හිත පතුරුවමින් යන සංස්කෘතික තානාපතිවරයෙක්!

ඒ වගේ පැරණි තැපැල් මුද්දරයක් එහි මුහුණත සඳහන් වටිනාකමට හුඟක් වැඩිවෙන වෙලාවල් තියෙනවා. එහෙම වෙන්නේ ඒවායේ ඇති දුලබකම නිසයි.

ඒ වගේ 1873 දී ලිපිගොනු ගොඩක් අස්සේ තිබී හමුවුණු පාවිච්චි කළ ශත එකේ තැපැල් මුද්දරයක් පසුව වෙළෙඳ පොළේ දී සිලිං හයකට විකුණුණා. බි‍්‍රතාන්‍ය ගයානාව (British Guiana) විසින් නිකුත් කළ ශත එකේ දම්පාට තැපැල් මුද්දරය (1c Magenta stamp) දැන් යළිත් වෙන්දේසිය සඳහා වෙළෙඳපොළට ඇවිත්. අද, වසර 141කට පසු, එයට මුද්දර වෙන්දේසියේ දී ඇමරිකන් ඩොලර් මිලියන 20ක මුදලක් ලැබේවි යැයි විශ්වාස කරනවා.

මෑතදී ‘ලොව වඩාත් වටිනාම මුද්දරය’ ලෙස හඳුන්වනු ලැබූ මේ පැති අටේ හැඩැති තැපැල් මුද්දරය 2014 ජූනි මාසයේ 17 වැනිදා ඇමරිකාවේ නිව්යෝක්හිදී ප‍්‍රසිද්ධ වෙන්දේසියේ විකිණීමට නියමිතයි.

මෙය දැනට ලෝකයේ සුරක්ෂිතව ඉතිරි වී ඇති මේ වර්ගයේ එකම මුද්දරය ලෙස සැලකෙනවා. මෙය නිකුත් කරන ලද්දේ 1856දියි. බි‍්‍රතාන්‍ය ගයානාවේ තැපැල් මහතා…

MH370 මැලේසියානු ගුවන්යාන අබිරහස! ලෝකයේ අබිරහස් ලෙස අතුරුදන් වුණු ගුවන්යානා 10 මෙන්න!

පසුගිය සතියේ (මාර්තු 8 වැනිදා) අතුරුදන් වූ පිසැරි අංක එම්එච්370 මැලේසියානු මගී ගුවන්යානයට වූ දේ තවමත් අබිරහසක්. රටවල් 10 ගුවන්යානා, නැව්, චන්ද්‍රිකා රැසක් මේ අබිරහස විසඳන්න තවමත් වෙහෙසෙනවා.

ඒත් මෙය දැනටමත් නොවිසඳෙන අබිරහසක් පත් වෙන ලකුණු පහළ වෙලා!

ලොව පළමු සෙල් ෆෝනය මේකද? වසර 75ක් පැරණි පින්තූරයේ රහස හෙළි වෙයිද?

බලන්න මේ තරුණිය ජංගම දුරකතනයක් කනේ තියා ගෙන පාර දිගේ කතා කර කර යනවා! අද නම් මේ වගේ දසුනක් ගමක පාරක වුනත් ඔබ දැක ඇතුවාට සැකයක් නැහැ. ඒත් මේ දර්ශනය කැමරාවට නඟා ඇත්තේ මීට අවුරුදු 75කට පෙරයි!

1938 දී ඇමෙරිකාවේ වීදියක ගමන් කළ මේ යුවතියගේ අතට වර්තමානයේ අප පාවිච්චි කරනා තාලේ සෙල් ෆෝනයක් (ජංගම දුරකතනයක්) ආවෙ කොහොමද?

ඒ කාලයේ මේ වගේ දෙයක් නිපදවීම තියා මෙවැන්නක් ගැන හිතලවත් නොතිබුණා නම් මෙම දර්ශනය චිත‍්‍රපටයකට ගත් නිර්මාණයක්ද? සමහර අය කීවේ චිත‍්‍රපටය තුළින් අනාගතය දැකීමක් ලෙස මෙම දසුන සලකන්න පුළුවන් කියලයි. අනාගතය පරිකල්පනය කළ අවස්ථා චිත‍්‍රපටවල ඕනෑ තරම් තිබුණා. මේ වගේ

මේ රූප පෙළ මේ වන විට යූටියුබ් (YouTube) එක හරහා ලක්ෂ තුනකට වැඩි වාර ගණනක් සංසරණය වෙලා තියෙනවා. වර්ණ චිත‍්‍රපට එන්නට පෙරාතුව කළු සුදු ක‍්‍රමයට කැමරාවට නගන ලද මෙහි රහස පසුගිය දා හෙළි වුණා. මෙම තරුණිය තමාගේ මීමිත්තණිය යැයි යුටියුබ් ග‍්‍රාහකයෙක් හෙළි කළා.

අනාගතයට යාමක් ද? මෙහි දැක්වෙන්නේ ඇමරිකාවේ ඩුපොන්ට් ආයතනයෙන් පිට වී යන තරුණ සේවිකාවන් පිරිසක්. එයින් එක් තරුණියක් අතේ ඇති ජංගම දුරකතනයකින් කතා කරමින් යනවා ඔබට පෙනෙනවා ඇති. වසර 75කට ප…

නස්රුදින්ගේ වේළීමේ රහස! අලුත්ම නස්රුදින් කතාවක්!

නස්රුදින්ගේ පොහොසත් මිතුරෙක් ඔහුට කතා කළා, ඒ මිතුරාත් ඔහුගේ පිරිසත් එක්ක දින කීපයක් තිස්සේ දඩයමේ යන්න. මුල් ම දවසේ ඔවුන් නස්රුදින්ට දුන්නෙ බොහොම හෙමින් යන අස්සයෙක්. දඩයමට යන්න පටන් අරන් වැඩි වේලාවක් ගියේ නෑ, හෙමින් ගිය අස්සයා නිසා නස්රුදින් හුඟක් පහුවුණා. නස්රුදින්ව පහු කරලා දාලා අනෙක් පිරිස ඈතට දඩයමේ ගියා.

දියණිය උපන් මොහොතේ පියා ගත් පින්තූරය අන්තර් ජාලය කළඹයි! වෛද්‍යවරයාගේ අතේ එල්ලී එළියට ආ ළදැරිය මෙන්න!

ජීවිතයේ විස්මිත මොහොතවල් ඡායාරූපයට නැඟීම වාසනාවත් එක්ක සිදු වන දෙයක්. එහෙම වාසනාවක් ලද මාපිය යුවලක් තමන් ගත් ජීවිතයේ අමතක නොවන පින්තූරය ‘මුහුණු පොතේ’ පළ කළා. මොහොතකින් එය අන්තර්ජාලය පුරා ‘කුණාටුවක්’ මෙන් හඹා ගියා.

මෙලොව එළිය දකින්න මොහොතකට පෙර පුංචි නෙවායි මව් කුස හිඳිමින් තම උදව්වට ආ වෛද්‍යවරයාගේ ඇඟිල්ලේ එල්ලූන හැටි!

හොල්මන් පින්තූර කතන්දර පෙළක්! මේවා දැකල බය වෙන්න එපා!

රාති‍්‍ර කාලයට අඳුරේ දී ඔබව බියපත් කරන හැම රටකටම, හැම සමාජයකම තියෙනවා. ඇත්තටම හොල්මන් තියෙනවා කියල ඔප්පු කරන්න හොල්මන්වල පින්තූර ගන්න අයත් ඉන්නවා. මේ ඒ විදියට ගත්තු පින්තූර පෙළක්!


අවුරුදු ගානක් තිස්සෙ විවිධ අවස්ථාවලදි ගත්තු පින්තූර තමයි, මේ තියෙන්නේ. මෙහි ඉන්නවා, ඝාතනය කළ වහල් සේවකයන්, රෝහල්වල වධබන්ධනවලට ලක්ව මියගිය රෝගීන්, අතීතයට එක් වූ මුහුදු නැවියන් ආදී නොයෙක් අය. මොවුන්ගේ හොල්මන් කතා අහපු බොහොම දෙනෙක් බියට පත් වුණා. තාමත් අහන අයගේ ඇඟ හිරි වැටෙනවා.

මුල්ම ඇපල් 1 පරිගණකය ලෝක වාර්තාවක් තියයිද? ඇපල් සමාගමේ ආරම්භය හෙළිකරන මෙතෙක් පළ නොවූ ඡායාරූපයක්!

ඇපල් පරිගණකය පටන් ගත් හැටි දැන් දකින කොටත් පුදුම හිතෙනවා. ඒ මුල් ම ඇපල් පරිගණකය අළෙවි කරන්න ගෙනියන්න පෙර පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුගිය දා ප‍්‍රථමවරට හෙළිදරවු වුණා.

මේ ඡායාරූපයට නගා තියෙන්නේ 1976 දියි. එතකොට ස්ටීව් ජොබ්ස්ට (Steve Jobs) වයස 21යි. ඔහුගේ මිතුරු ස්ටීව් වොස්නියැක් (Steve Wozniak) සමග එක්ව ඔවුන් දෙදෙනා මේ මුල්ම ඇපල් පරිගණක තැනුවේ ස්ටීව් ජොබ්ස්ගේ මාපියන්ගේ ගෙදර ගරාජයකයි. ඔවුන් ඒ තැනූ මූල් පරිගණක 50 තැන්පත් කරල තිබුණු ආකාරය දැක්වෙන මේ විරල ඡායාරූපය නිකුත් කරනු ලැබුවේ ලබන නොවැම්බර් 16 වැනිදා වෙන්දේසියට තැබෙන දැනට හොඳම තත්වයේ ඇති පැරණි ම ඇපල් පරිගණකය එළි දැක්වීම වෙනුවෙන්.

මෙය දැනට ලෝකයේ ඇති වටිනාම සන්නම ලෙස සැලකෙන ඇපල් පරිගණකයේ ආරම්භක තත්වය තේරුම ගන්නත් හොඳ අවස්ථාවක්. මේ සන්නමෙහි අද වටිනාකම පවුම් බිලියන 60ක්.

ඇපල් පරිගණකයේ ආරම්භය දැක්වෙන මේ කිසිදා එළියට නො පැමිණි ඡායාරූපයක්. ඒ මුල් ම ඇපල් පරිගණකය අළෙවි කරන්න ගෙනියන්න පෙර 1976 දී පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුග…

දුර්ලභ ගණයේ සේයා රුවක්! නවසීලන්තයේ ධීවරයකුගේ නවතම ගොදුරක්!

මෙය ලියැවෙන්නේ කලාතුරකින් හමු වන ඡායාරූපයක් ඔබ වෙත ඉදිරිපත් කරන්නයි. අන්තර් ජාලය පුරා මේ වන විටත් වැඩි දෙනකුගේ අවධානය දිනා ගෙන තියෙනවා.

මේ ඡායාරූපයෙන් කියැවෙන්නේ මිනීමරු සුදු මෝරකුගේ ඉරණම දැක්වෙන කතාවක්. පසුගිය සතියෙදි නවසීලන්තයේ මුහුදේදි ගත්තු එකක්.

මහා භූමිකම්පාවකින් පසු පාකිස්ථාන මුහුදෙන් මතු වූ ලෝකයේ අලූත් ම දූපත!

පසුගියදා පාකිස්ථානයේ ප‍්‍රබල භූමිකම්පාවක් ඇති වුණා. 7.8ක් වූ ඒ භූමිකම්පාවෙන් බලූකිස්ථානය අසල මුහුදේ අලූත් දූපතක් මතු වුණා. ලෝකයේ අලූත් ම දූපත එයයි.

සල්සාලා කෝහ් (Zalzala Koh) යනුවෙන් ඒ දූපත නම් කරලා තියෙනවා. දාල්බන්දින්වලට සැතැපම් 145ක් ගිනිකොන දෙසින් හටගත් මේ භූම්කම්පාව නිසා දැන් එය බලන්න සංචාරකයන් වගේම පාකිස්ථාන වැසියන් වැල නොකැඩි එනවා. ඒ දූපතටත් ගොඩ වෙනවා. ගිනිගන්නාසුලූ වායුව, විස දුම් ආදිය ඇති බව අනතුරු හැෙඟව්වත් ඒවා ගනන් නොගෙනයි, ඔවුන් එහි එන්නෙ.

ඒ දූපතේ පිපිරුණු මඩ, වැලි, ගල් මුසු බිම මත මුහුදු සතුන්ගේ මළ සිරුරු, විශේෂයෙන් ම මාළුන් මළකුණු පිරිලා තියෙනවා.

මෙන්න ලෝකයේ අලූත් ම දූපත අහසට පෙනෙන හැටි. මේ මඩ කන්ද මීටර් 15ක් 20ක් විතර උස ඇති. මිනිසුන්ට ඒ මත ඇවිද ගෙන යා හැකි තරමට එහි බිම ඝනකම් කියලයි, කියන්නෙ.

MH370 මැලේසියානු ගුවන්යාන අබිරහස : නියමුවාම යානය බලෙන් ගෙන ගියාද?

2014 මාර්තු 16 වැනිදා

අනතුරට පත් යානයේ නියමුවා වූ සහාරි අහමඞ් ෂා දේශපාලන උමතුවකින් පෙළෙන්නකු ලෙස දැන් සැක කරනවා. එම්එච්370 යානය නියමුවා ලෙස සේවයට වාර්තා කරන්නට පෙර ඔහු මැලේසියාවේ විරුද්ධ පක්ෂ නායකයා වූ අන්වර් ඒබ‍්‍රහම්ට එරෙහිව පැවති නඩු විභාගයට බලන්නට ගිය බවක් ෆෙඩරල් පරීක්ෂක නිලධාරින් කියනවා.