Skip to main content
malkakulu_youtube_page malkakulu_facebook_page

ඉකරස්ටත් ඉරිසියා හිතෙන අහස් ගමනකට සැරසෙන ලෝක වීර මුනුපුරා!

සූර්යාලෝකයෙන් බලය ලබා ලෝකය වටේ යන්නට සැරසෙන කණ්ඩායමක් ඉන්නවා. ඔවුන් තමයි දැනටමත් වැඩිම දුරක් සූර්ය බලයෙන් වැඩ කරන අහස් යානයකින් පියාසර කරමින් ලෝක වාර්තාව පිහිටුවා තියෙන්නේ.

ඔවුන්ගේ ගුවන්යානයේ පියාපත්වලට සූර්ය කෝෂ 12,000ක් විතර සවිකරල තියෙනවා. රාති‍්‍ර කාලයේ දී පියාසර කරන්නට බලය සැපයෙන්නේ බැටරිවලින්. ඒවා පණ ගන්වන්නේ දහවල සූර්ය කෝෂවලින් ලබා ගන්නා හිරු එළියෙන්.

රාති‍්‍ර කාලයේ දීත් හිරු එළියෙන් දුවන මේ විස්මිත ගුවන් යානයට සම්බන්ධ පිරිස බලාපොරොත්තු වෙනවා, එක තෙල් කඳුලක්වත් නැතිව ලෝකය වටේ යන්න දවස් 20කින්.

ඔවුන්ගේ මේ අපූරු යානය නම් කර ඇත්තේ ‘සෝලර් ඉම්පල්ස්’(Solar Impulse) කියායි. ඒ යානය පැය 26කට වැඩි කාලයක් ස්විට්සර්ලන්තයට ඉහළින් අඩි 30,000ක් අහසේ රැඳී සිටිමින් ලෝක වර්තාවක් තැබූවා. එතරම් වේලාවක් අහසේ රැඳී සිටි මිනිසුන් රැගත් ප‍්‍රථම සුර්යකෝෂ අහස්යානය එයයි.

මේ යානය නිර්මාණය කිරීමේ ගෞරවය හිමි වන්නේ ස්විස් ජාතික මනෝචිකිත්සක වරයකු වූ බර්ට්රන්ඞ් පිකාඞ් (Bertrand Piccard) හා ගුවන් නියමු ආන්ද්‍රෙ බෝර්ෂ්බර්ග් (Andre Borschberg) යන දෙදෙනාටයි. මෙහි අවර පෙති යෙදූ එන්ජින් හතරක් සවි කර තියෙනවා. ඒවාට බලය සැපයෙන්නේ එහි දිගු පියාපත් මත සවි කර ඇති සූර්යකෝෂවලින්.

 
මිනිසකු රැගෙන දිගම අහස් ගමනෙහි යෙදුණු සූර්ය බලයෙන් දුවන ‘සෝලර් ඉම්පල්ස්’ යානය, ස්විට්සර්ලන්ත අහසේ පියාසර කළ අයුරු.

හිරුගේ බලයෙන් දුවන ප‍්‍රථම අහස් යානය මෙය නොවෙයි. මෙහි විශේෂත්වය වන්නේ රාති‍්‍ර කාලයේදිත් හිරු එළියේ බලයෙන් කි‍්‍රයා කරන ප‍්‍රථම අහස් යානය වීමයි.

දවල් කාලයේ හිරුගෙන් බල ශක්තිය ලබා ගෙන ඒවා ගබඩා කර තබා ගෙන රාති‍්‍ර කාලයේ දී පියාසර කරන්න මෙයට පුළුවන්.

මේ අවුරුද්දේ මුල හරියේ දී මේ යානය යුරෝපයේ සිට උතුරු අපි‍්‍රකාව බලා 1,550ක දුරක් පියවර තුනකින් ගියා. ඒත් එය නිර්මාණය කළ අය කියන්නේ ඒ යානයේ සැලැසුම අනුව එයට නොවත්වාම ඕනෑ තරම් දුරක් යා හැකි බවයි.

 
ඉතාමත් සැහැල්ලූ ද්‍රව්‍යවලින් තනා ඇති මේ සෝලර් ඉම්පල්ස් යානයේ පියාපත් ජම්බෝ ජෙට් යානයක තරම් විශාල වුවත් එහි බර පුංචි කාරෙකකට වඩා නැහැ.

‘මේ යානයේ පියාපත් මත වෙනම සූර්ය කෝෂ සවි කර නැහැ. සුර්ය කෝෂවලින්ම තමයි එහි පියාපත් නිර්මාණය කරල තියෙන්නෙ.’ පිකාඞ් මාධ්‍ය අමතා කීවේ සූර්යකෝෂ පියාපත්වලින් සූර්යාලෝකය කෙළින් ම විදුලි බලය බවට පත් කරන බවයි.

‘මේ විදුලිය කෙළින් ම එන්ජින්වලටත් යානයේ බැටරිවලටත් එකවර යනවා. රාති‍්‍රයේ දී ඒ බැටරි බලයෙන් පියාසර කරන අපිට එළිවුණු පසු යළිත් හිරු එළිය ලැබෙනවා. පෙර දා කි‍්‍රයාවලිය යළිත් සිදු වෙනවා. මේ ආකාරයට න්‍යායාත්මකව අපට නොනවත්වා සදහටම ගමනේ යෙදිය හැකියි.’

ඉතාමත් සැහැල්ලූ ද්‍රව්‍යවලින් තනා ඇති මේ සෝලර් ඉම්පල්ස් යානයේ පියාපත් ප‍්‍රමාණයෙන් ජම්බෝ ජෙට් යානයක ඒවා තරම් විශාල වුවත් එහි බර සාමාන්‍ය කාරයකට වඩා නැහැ.

පිකාඞ් කියන්නේ වික‍්‍රමාන්විත කි‍්‍රයා කරන්නට ඇති ආසාව ඔහුට පරම්පරාවෙන් උරුම වුන දෙයක් කියලයි. ඔහුගේ සීයා ඔගස්ට් පිකාඞ් තමයි අහසේ වැඩිම උසකට මුලින්ම ගිය තැනැත්තා වීමේ වාර්තාව පිහිටුවා තියෙන්නේ. මහ පොළොවේ වක‍්‍රතාව මුලින් ම සියැසින් දුටු තැනැත්තාත් ඔහුයි.

සීයා අහසට ගියාට, පිකාඞ්ගේ පියා, යාකුස් පිකාඞ් ගියේ අනෙක් අතටයි. ඒ කියන්නෙ සාගරය වෙතටයි. ඔහු බැතිස්කෝපයකින් මහ මුහුදේ ගැඹුරුම ස්ථානය වූ මරියානා අගාධයේ ‘චෙලෙන්ජ්ර් ඞීප්’ වෙත ගවේෂණයේ යෙදුණා.

‘පියාගේත් සීයාගේත් ඒ අපූරු ගමන් මගේ සිත් ගත්තා. මා ඉතිහාස පොත්වලින් කියෙව්වා, පොළොව ගැන තොරතුරු, පැතලියි, වටකුරුයි ආදී වශයෙන්. මගේ සීයා උඩට ගිහින් ඇවිත් කිව්වා, ”පොළොවේ වටකුරු බව මම මගේ මේ ඇස් දෙකෙන් ම දැක්කා” කියා කීවා. පුංචි සන්දියෙදි ඒවා අහලා මටත් ඒවා දිගට ම කර ගෙන යන්න ඕනෑ වුණා.’

 
2010 දී මුලින් ම සූර්ය බලයෙන් ධාවනය වූ මුලාකෘති යානයෙන් සාර්ථක රාති‍්‍ර ගුවන් ගමනකින් පසු ජයග‍්‍රාහී ලෙසින් යානයෙන් පිටතට ආ බර්ට්රන්ඞ් පිකාඞ් හා ආන්ද්‍රෙ බෝෂ්බර්ග් යන දෙදෙනා.

පිකාඞ් පරපුරේ මේ පුංචි මුනුපුරා දැනටමත් වීර කි‍්‍රයාවක් සනිටුහන් කරලා ඉවරයි. ඔහු ප‍්‍රථම ට්රාන්ස් ඇට්ලෑන්ටික් බැලූන් තරගය දිනලා ඉවරයි. ලොව වටා නොනවත්වා බැලූනයකින් ගිය ප‍්‍රථමයා වෙමින් එහිදී ඔහු ලෝක වාර්තාවක් තැබුවා. ඔහු සමග ඒ ගමනට එක් වුණු අනෙක් තැනැත්තා වූයේ බ‍්‍රයන් ජෝන්ස්.

ඒ බැලූන ගමන අවසන් වුණේ ඉන්ධන අවසන් වී ඊජිප්තියානු කාන්තාර ප‍්‍රදේශයට කඩා වැටීමෙන් පසුවයි. ඒ වීක‍්‍රමයෙන් දිවි ගලවා ගත් පසු ඔහු ඊළඟට කල්පනා කළේ ඉන්ධන අවශ්‍ය නොවන අහස් යානයකින් ලෝකය වටා යන්නටයි.

‘එදා අවසානයේ දී ඉන්ධන නැතිව සිදු වූ අකරතැබ්බයෙන් පස්සෙ මං ඉටා ගත්තා ඊළඟ වතාවේ මං ලෝක වටේ යන්නේ ඉන්ධන කිසිසේත් අවශ්‍ය නොවන යානයකින් කියා.’ ඔහු කියනවා.

වායුගෝලය දූෂණය කරන වායු විමෝචනයෙන් තොර, එනම් අහසට කිසිම දෙයක් එකතු නොකර නිදහස් ගුවන් ගමන් යා හැකි ක‍්‍රමයක් ඇති බව පෙන්වීම ඔහුගේ මේ ගමනේ එක අරමුණක්. ඒත් මේ සූර්ය තාක්ෂණය සම්ප‍්‍රදායික ජෙට් ගමන්වලට යොදා ගැනීම ඉක්මනින් සිදු වන එකක් නෙවෙයි.

මේ නව ව්‍යාපෘතිය සැලසුම් කර අත්හදා බලන්නේ නව බලශක්ති තාක්ෂණයේ කාර්යක්ෂමතාව පරීක්ෂා කරන්නයි.

පිකාඞ් හා බෝෂ්බර්ග් මේ අලූතින්ම සැලසුම් කළ යානයෙන් අත්හදා බැලීමේ ගමනක යෙදෙන්න බලාපොරොත්තු වෙනවා, ලබන වසරේ දී කැලිෆෝනියාවේ සිට වර්ජිනියාව දක්වා. ඉන්පසුවයි, 2015 දී ලෝකය වටේ යන ගමනෙහි යෙදෙන්න සැලසුම් කරලා තියෙන්නේ.

දැන් ඔබට දැන ගන්න ඕනැ ඇති ආරම්භයේ දී මා කිව් පිකාඞ්ට ඉරිසියා කරන ඉකරස් කවුද කියා.
ඉකරස් කියන්නේ ගී‍්‍රක කතාවල එන වීරයෙක්! ඔහුට කී‍්‍රටයේ වංකගිරියෙන් පැනයන්නට ආධාර කළ ඔහුගේ පියා වූ ඞීඩලස් ඒ සඳහා පියාසර කරන්නට පියාපත් දෙකක් තනා ඉටිවලින් ඒවා ඔහුගේ සිරුරට අලවා දුන්නා. පියාපත් ලද ඉකරස් ඈත අහසට පියාඹා ගියා. හිරු දෙසට නොයන්නැයි පියා දුන් අවවාදය නොතකා පියාසර කළ ඉකරස් පමණ ඉක්මවා හිරුට ළං වීම නිසා පියාපත් අලවා තිබූ ඉටි උණු වී තවදුරටත් පියාඹා ගත නොහැකිව ආපසු පොළොවට ඇද වැටුණා. ඔහු මෙසේ ඇද වැටුණු තැනයි, ඉකිරියානු මුහුද ලෙස නම් කර තියෙන්නේ. (පර්සි ජයමාන්නගේ ළමා හා යොවුන් විශ්වකෝෂයේ 4 වැනි කාණ්ඩය - 51 පිටුව.)

‘සෝලර් ඉම්පල්ස්’ යානයේ තොරතුරු කෙටියෙන්.

  • පියාපක්වල සූර්යකෝෂ 12,000කට ආසන්න ප‍්‍රමාණයක්.
  • එකක් අශ්ව බල 10ක් වන විදුලි අවරපත් එන්ජින් හතරක්.
  • බලශක්තිය ගබඩා කළ හැකි ලිතියම් බැටරි.
  • විදාහල පියාපත්වල දිග අඩි 208ක් (ජම්බෝ ජෙට් යානයට සමානයි)
  • දිග අඩි 71.7ක්.
  • උස අඩි 21ක්.
  • මගීන් සමග මුළු බර ටොන් 1.6ක්. (සාමාන්‍ය කාරයක් වගෙයි)
  • අහසට නංවන වේගය පැ.හැ. 22ක්.
  • සාමාන්‍ය පියාසර වේගය පැ.හැ. 43ක්.
  • උපරිම වේගය පැ.හැ. 75ක්.
  • සාමාන්‍ය පියාසර උස අඩි 27,900ක්.
  • උපරිම පියාසර උස අඩි 39,000ක්.







Comments

Popular posts from this blog

වත්මන් ළමා ගී පරපුරේ ආරම්භකයා - ශී‍්‍ර රූපදේව කවීන්ද්‍ර ආනන්ද රාජකරුණා

‘රෝස මලේ නටුවෙ කටූ - වන බමරෝ ඔහොම හිටූ
නටුව නොවේ මල සිඹිමී - මම ළමයෝ පැණි උරමී’

යනුවෙන් ළමයකුත්, වන බමරකුත් අතර සංවාදයක් ආකාරයෙන් ලියා ඇති කුඩා කවිය අදත් අපේ දරුවන් අතරත් වැඩිහිටියන් අතරත් එකසේ ජනපි‍්‍රය ළමා කවකි. ළමයින්ට කවි ලිවීම අරභයා ආනන්ද රාජකරුණා (1885-1957) කවියා දැක්වූ දක්ෂතාව මැන ගැනීමට එම කව ම ප‍්‍රමාණවත්ය. ළමයින් සඳහා විවිධ මට්ටමේ කව් රැසක් ආනන්ද රාජකරුණා විසින් අපේ ළමා පරපුරට දායාද කර තිබේ.


කි‍්‍ර.ව. 1885 ජනවාරි 7 වැනිදා ගාල්ලේ මහදම්පාගම රාල්ලාගේ වත්තේ දී උපන් ඔහුගේ උපත් නාමය ‘ඇල්ෆ්‍රෙඞ්’ වුවද ඔහු පසු කලෙක ඒ වෙනුවට ‘ආනන්ද’ නාමය යොදා ගත්තේය. ගම්මුලාදෑනි මෙන්ම ගමේ වෙද මහතා ද වූ විජය වර්ණකුල චාර්ල්ස් තාබ්‍රෙව් රාජකරුණා ඔහුගේ පියාය. මව හෙලේනා ද ලිවේරා කරුණාරත්න වූවාය. ඔහු පස් හැවිරිදි කල මුලින්ම සිංහල උගන්වන ලද්දේ මවගේ සොහොයුරා වූ ජෝශප් ද ලිවේරා කරුණාරත්න විසිනි.

අකුරල සිංහල පාසලෙන් මූලික අධ්‍යාපනය ලැබූ ඔහු මාදම්පේ මිෂනාරි පාසලින් ඉංගී‍්‍රසි අධ්‍යාපනය ලැබීය. ඉන්පසු පූජ්‍ය මාදම්පේ ධම්මතිලක හිමියන් වෙතින් සිංහල බස වැඩිදුර උගත්තේය. සිරි සුමන වංශාලංකාර පේමරතන හිමියන්ගෙන් පාලි හා…

දුර්ලභ ගණයේ සේයා රුවක්! නවසීලන්තයේ ධීවරයකුගේ නවතම ගොදුරක්!

මෙය ලියැවෙන්නේ කලාතුරකින් හමු වන ඡායාරූපයක් ඔබ වෙත ඉදිරිපත් කරන්නයි. අන්තර් ජාලය පුරා මේ වන විටත් වැඩි දෙනකුගේ අවධානය දිනා ගෙන තියෙනවා.

මේ ඡායාරූපයෙන් කියැවෙන්නේ මිනීමරු සුදු මෝරකුගේ ඉරණම දැක්වෙන කතාවක්. නවසීලන්තයේ මුහුදේදි ගත්තු එකක්.


නවසීලන්තයෙන් මාළු අල්ලන්න මූදු ගිය බෝට්ටුක හිටි ධීවරයකුගෙ කැමරාවට තමයි මේ පින්තූරය අහුවුණේ. ඔහුට අහුවුණු මාළුවා අත අරින්න සිද්ධ වුණා. ඒත් ඔහු අල්ල ගත්තු ‘ගොදුර’ නරක නෑනේද? ඒ ගොදුරට මිනීමරු සුදු මෝරුන් දෙදෙනකුම අහුවෙලා!

මේ පින්තූරය ලෝක ප‍්‍රකට විද්‍යාඥ චාල්ස් ඩාවින්ගේ පරිණාමවාදයේ එන උචිතෝන්නති නියමය, ඒ කියන්නේ සත්ව ලෝකයේ දී ශක්තිවන්තයා ඉතිරි වෙනවා (survival of the fittest) යන න්‍යාය ඔප්පු කළ අවස්ථාවක් හැටියට දක්වන්න පුළුවන්.

නවසීලන්තයේ කයිටෙරිටෙරී අසල මුහුදේ දී අල්ලන ලද සෑහෙන පමණ විශාල මේ මෝරා ඒ මොහොතේම එහි ආ තවත් ඊට වඩා විශාල මෝරකු විසින් ඩැහැ ගත් ආකාරය ඔහු විසින් කැමරාවට නගා තිබුණා.

පරිගණක කී‍්‍රඩාවක එන රාක්ෂයකු වූ මැන්කියුබස් (Mancubus) නමින් තමයි, මේ ඡායාරූපය අන්තර්ජාලයට මුදා හැර තියෙන්නෙ.

ඒ ධීවරයාට තමා ඇල්ලූ මෝරා බෝට්ටුව මතට ඇද ගන්න වෙලාවක් තිබුණෙ …

ලෝකයේ වටිනාම මුද්දරය වෙන්දේසියට! දැනට ඇත්තේ ලෝකෙටම එකයි!

මුද්දර එකතු කිරීම (Philately) විනෝදාංශයක් වගේම හොඳ ආදායම් මාර්ගයක්. පුංචි වුණාට තැපැල් මුද්දරයක් කියන්නේ රටක ඉතිහාසය කියාපාන කැඩපතක්. රටකින් රටකට හොඳ හිත පතුරුවමින් යන සංස්කෘතික තානාපතිවරයෙක්!

ඒ වගේ පැරණි තැපැල් මුද්දරයක් එහි මුහුණත සඳහන් වටිනාකමට හුඟක් වැඩිවෙන වෙලාවල් තියෙනවා. එහෙම වෙන්නේ ඒවායේ ඇති දුලබකම නිසයි.

ඒ වගේ 1873 දී ලිපිගොනු ගොඩක් අස්සේ තිබී හමුවුණු පාවිච්චි කළ ශත එකේ තැපැල් මුද්දරයක් පසුව වෙළෙඳ පොළේ දී සිලිං හයකට විකුණුණා. බි‍්‍රතාන්‍ය ගයානාව (British Guiana) විසින් නිකුත් කළ ශත එකේ දම්පාට තැපැල් මුද්දරය (1c Magenta stamp) දැන් යළිත් වෙන්දේසිය සඳහා වෙළෙඳපොළට ඇවිත්. අද, වසර 141කට පසු, එයට මුද්දර වෙන්දේසියේ දී ඇමරිකන් ඩොලර් මිලියන 20ක මුදලක් ලැබේවි යැයි විශ්වාස කරනවා.

මෑතදී ‘ලොව වඩාත් වටිනාම මුද්දරය’ ලෙස හඳුන්වනු ලැබූ මේ පැති අටේ හැඩැති තැපැල් මුද්දරය 2014 ජූනි මාසයේ 17 වැනිදා ඇමරිකාවේ නිව්යෝක්හිදී ප‍්‍රසිද්ධ වෙන්දේසියේ විකිණීමට නියමිතයි.

මෙය දැනට ලෝකයේ සුරක්ෂිතව ඉතිරි වී ඇති මේ වර්ගයේ එකම මුද්දරය ලෙස සැලකෙනවා. මෙය නිකුත් කරන ලද්දේ 1856දියි. බි‍්‍රතාන්‍ය ගයානාවේ තැපැල් මහතා…

හොල්මන් පින්තූර කතන්දර පෙළක්! මේවා දැකල බය වෙන්න එපා!

රාති‍්‍ර කාලයට අඳුරේ දී ඔබව බියපත් කරන හැම රටකටම, හැම සමාජයකම තියෙනවා. ඇත්තටම හොල්මන් තියෙනවා කියල ඔප්පු කරන්න හොල්මන්වල පින්තූර ගන්න අයත් ඉන්නවා. මේ ඒ විදියට ගත්තු පින්තූර පෙළක්!


අවුරුදු ගානක් තිස්සෙ විවිධ අවස්ථාවලදි ගත්තු පින්තූර තමයි, මේ තියෙන්නේ. මෙහි ඉන්නවා, ඝාතනය කළ වහල් සේවකයන්, රෝහල්වල වධබන්ධනවලට ලක්ව මියගිය රෝගීන්, අතීතයට එක් වූ මුහුදු නැවියන් ආදී නොයෙක් අය. මොවුන්ගේ හොල්මන් කතා අහපු බොහොම දෙනෙක් බියට පත් වුණා. තාමත් අහන අයගේ ඇඟ හිරි වැටෙනවා.

MH370 මැලේසියානු ගුවන්යාන අබිරහස! ලෝකයේ අබිරහස් ලෙස අතුරුදන් වුණු ගුවන්යානා 10 මෙන්න!

පසුගිය සතියේ (මාර්තු 8 වැනිදා) අතුරුදන් වූ පිසැරි අංක එම්එච්370 මැලේසියානු මගී ගුවන්යානයට වූ දේ තවමත් අබිරහසක්. රටවල් 10 ගුවන්යානා, නැව්, චන්ද්‍රිකා රැසක් මේ අබිරහස විසඳන්න තවමත් වෙහෙසෙනවා.

ඒත් මෙය දැනටමත් නොවිසඳෙන අබිරහසක් පත් වෙන ලකුණු පහළ වෙලා!

මැලේසියානු ගුවන් සේවයට අයත් බෝයිං 777 එම්.එච්. 370 මගී යානය අබිරහස් ලෙස අතුරුදන් වූයේ ඉකුත් 8 වැනිදා මැලේසියානු වේලාවෙන් මධ්‍යම රාති‍්‍ර 12.21 ට පමණය. ඒ අවස්ථාවේදී යානය චීනයේ බීජීං නුවර බලා පියාසර කරමින් තිබුණේය. ඒ මොහොතේ සිට ආරම්භ කළ සෝදිසි මෙහෙයුම් තවමත් අවසන් නැත.

දැනට හෙළිදරවු වී තියෙන්නේ සොරකම් කළ පාස්පෝට් දෙකකින් දෙදෙනකු ඒ යානයේ ගමන් කර තිබෙන බවයි. ඒ පාස්පෝට්වල සැබෑ අයිතිකරුවන් නිරුපද්‍රිතව ඉන්නා බව බලධාරීන්ට දැනටමත් දැනුම් දී තියෙනවා.


ඒ අතර වියට්නාමයේ නාවික හමුදාව සොයා ගෙන තියෙනවා මහමුහුද මැද සැතැපුම් 12ක් දිග තෙල් පැල්ලමක්! එය එම්එච්370 මැලේසියානු මගී ගුවන්යානය කඩා වැටීමෙන් ඇති වූවක් කියලා දැනට සැක කරනවා. යානයේ ඇති සෙල්ෆෝන් කීපයක් නාද වෙන බව සොයා ගෙන තියෙනවා. ඒ ඔස්සේ යානය වැටුණු තැන සොයා ගන්නයි, දැන් වෑයම් කරන්නේ.


යානයක් ගිනිගෙන අහ…

නස්රුදින්ගේ වේළීමේ රහස! අලුත්ම නස්රුදින් කතාවක්!

නස්රුදින්ගේ පොහොසත් මිතුරෙක් ඔහුට කතා කළා, ඒ මිතුරාත් ඔහුගේ පිරිසත් එක්ක දින කීපයක් තිස්සේ දඩයමේ යන්න. මුල් ම දවසේ ඔවුන් නස්රුදින්ට දුන්නෙ බොහොම හෙමින් යන අස්සයෙක්. දඩයමට යන්න පටන් අරන් වැඩි වේලාවක් ගියේ නෑ, හෙමින් ගිය අස්සයා නිසා නස්රුදින් හුඟක් පහුවුණා. නස්රුදින්ව පහු කරලා දාලා අනෙක් පිරිස ඈතට දඩයමේ ගියා.

ලොව පළමු සෙල් ෆෝනය මේකද? වසර 75ක් පැරණි පින්තූරයේ රහස හෙළි වෙයිද?

බලන්න මේ තරුණිය ජංගම දුරකතනයක් කනේ තියා ගෙන පාර දිගේ කතා කර කර යනවා! අද නම් මේ වගේ දසුනක් ගමක පාරක වුනත් ඔබ දැක ඇතුවාට සැකයක් නැහැ. ඒත් මේ දර්ශනය කැමරාවට නඟා ඇත්තේ මීට අවුරුදු 75කට පෙරයි!

1938 දී ඇමෙරිකාවේ වීදියක ගමන් කළ මේ යුවතියගේ අතට වර්තමානයේ අප පාවිච්චි කරනා තාලේ සෙල් ෆෝනයක් (ජංගම දුරකතනයක්) ආවෙ කොහොමද?

ඒ කාලයේ මේ වගේ දෙයක් නිපදවීම තියා මෙවැන්නක් ගැන හිතලවත් නොතිබුණා නම් මෙම දර්ශනය චිත‍්‍රපටයකට ගත් නිර්මාණයක්ද? සමහර අය කීවේ චිත‍්‍රපටය තුළින් අනාගතය දැකීමක් ලෙස මෙම දසුන සලකන්න පුළුවන් කියලයි. අනාගතය පරිකල්පනය කළ අවස්ථා චිත‍්‍රපටවල ඕනෑ තරම් තිබුණා. මේ වගේ

මේ රූප පෙළ මේ වන විට යූටියුබ් (YouTube) එක හරහා ලක්ෂ තුනකට වැඩි වාර ගණනක් සංසරණය වෙලා තියෙනවා. වර්ණ චිත‍්‍රපට එන්නට පෙරාතුව කළු සුදු ක‍්‍රමයට කැමරාවට නගන ලද මෙහි රහස පසුගිය දා හෙළි වුණා. මෙම තරුණිය තමාගේ මීමිත්තණිය යැයි යුටියුබ් ග‍්‍රාහකයෙක් හෙළි කළා.

අනාගතයට යාමක් ද? මෙහි දැක්වෙන්නේ ඇමරිකාවේ ඩුපොන්ට් ආයතනයෙන් පිට වී යන තරුණ සේවිකාවන් පිරිසක්. එයින් එක් තරුණියක් අතේ ඇති ජංගම දුරකතනයකින් කතා කරමින් යනවා ඔබට පෙනෙනවා ඇති. වසර 75කට …

දියණිය උපන් මොහොතේ පියා ගත් පින්තූරය අන්තර් ජාලය කළඹයි! වෛද්‍යවරයාගේ අතේ එල්ලී එළියට ආ ළදැරිය මෙන්න!

ජීවිතයේ විස්මිත මොහොතවල් ඡායාරූපයට නැඟීම වාසනාවත් එක්ක සිදු වන දෙයක්. එහෙම වාසනාවක් ලද මාපිය යුවලක් තමන් ගත් ජීවිතයේ අමතක නොවන පින්තූරය ‘මුහුණු පොතේ’ පළ කළා. මොහොතකින් එය අන්තර්ජාලය පුරා ‘කුණාටුවක්’ මෙන් හඹා ගියා.

මෙලොව එළිය දකින්න මොහොතකට පෙර පුංචි නෙවායි මව් කුස හිඳිමින් තම උදව්වට ආ වෛද්‍යවරයාගේ ඇඟිල්ලේ එල්ලූන හැටි!
මේ වාසනාවන්ත අත්දැකීම ලැබුවේ ඇමරිකාවේ ඇරිසෝනාවේ ග්ලෙන්ඬේල්හී ඇලිසියා හා රැන්ඩි ඇට්කින්ස් යුවලයි. 2012 අවුරුද්දේ ඔක්තෝබර 9 වැනිදා ඇලිසියා සිය දියණිය, බිහි කරන්නට රෝහල් ගත වී සිටියා. සිසේරියන් සැත්කමකින් තමයි දියණියගේ ප‍්‍රසූතිය සිද්ධ කෙරුණේ. කුඩා බිලිඳිය මව කුස තුළින් මෙලොව එළිය බලන්නට එම සැත්කම කළ වෛද්‍යවරයා උදවු කරද්දී ඇය ඔහුගේ ඇඟිල්ලෙන් අල්ලා ගත් හැටි ඇගේ පියා විසින් ඡායාරූපයට නඟා තියෙනවා.

මේ පිළිබඳව එදා ඒ මොහොතේ ඔවුන් එය ලෝකයට ප‍්‍රකාශ කළේ නැහැ. දියණියට මාස තුනක් වන තෙක් රහසක් වශයෙන් තබා ගෙන සිටි ඒ ඡායාරූපය මුහුණු පොතට එක් කළේ ගිය සතියේයි. හරියටම මාස තුනක් පිරුණ දායි.

ඇට්කින්ස් යුවල ‘3ටීවී’ රූපවාහිනී ආයතනයේ ප‍්‍රවෘත්ති වැඩසටහනකට විත් ඒ ගැන මෙසේ අදහස් පළ කළා. පියා කී…

මුල්ම ඇපල් 1 පරිගණකය ලෝක වාර්තාවක් තියයිද? ඇපල් සමාගමේ ආරම්භය හෙළිකරන මෙතෙක් පළ නොවූ ඡායාරූපයක්!

ඇපල් පරිගණකය පටන් ගත් හැටි දැන් දකින කොටත් පුදුම හිතෙනවා. ඒ මුල් ම ඇපල් පරිගණකය අළෙවි කරන්න ගෙනියන්න පෙර පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුගිය දා ප‍්‍රථමවරට හෙළිදරවු වුණා.

මේ ඡායාරූපයට නගා තියෙන්නේ 1976 දියි. එතකොට ස්ටීව් ජොබ්ස්ට (Steve Jobs) වයස 21යි. ඔහුගේ මිතුරු ස්ටීව් වොස්නියැක් (Steve Wozniak) සමග එක්ව ඔවුන් දෙදෙනා මේ මුල්ම ඇපල් පරිගණක තැනුවේ ස්ටීව් ජොබ්ස්ගේ මාපියන්ගේ ගෙදර ගරාජයකයි. ඔවුන් ඒ තැනූ මූල් පරිගණක 50 තැන්පත් කරල තිබුණු ආකාරය දැක්වෙන මේ විරල ඡායාරූපය නිකුත් කරනු ලැබුවේ ලබන නොවැම්බර් 16 වැනිදා වෙන්දේසියට තැබෙන දැනට හොඳම තත්වයේ ඇති පැරණි ම ඇපල් පරිගණකය එළි දැක්වීම වෙනුවෙන්.

මෙය දැනට ලෝකයේ ඇති වටිනාම සන්නම ලෙස සැලකෙන ඇපල් පරිගණකයේ ආරම්භක තත්වය තේරුම ගන්නත් හොඳ අවස්ථාවක්. මේ සන්නමෙහි අද වටිනාකම පවුම් බිලියන 60ක්.

ඇපල් පරිගණකයේ ආරම්භය දැක්වෙන මේ කිසිදා එළියට නො පැමිණි ඡායාරූපයක්. ඒ මුල් ම ඇපල් පරිගණකය අළෙවි කරන්න ගෙනියන්න පෙර 1976 දී පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුග…

මහා භූමිකම්පාවකින් පසු පාකිස්ථාන මුහුදෙන් මතු වූ ලෝකයේ අලූත් ම දූපත!

2013දී පාකිස්ථානයේ ප‍්‍රබල භූමිකම්පාවක් ඇති වුණා. 7.8ක් වූ ඒ භූමිකම්පාවෙන් පාකිස්ථාන අසල මුහුදේ අලූත් දූපතක් මතු වුණා.

සල්සාලා කෝහ් (Zalzala Koh) යනුවෙන් ඒ දූපත නම් කරලා තියෙනවා. දාල්බන්දින්වලට සැතැපම් 145ක් ගිනිකොන දෙසින් හටගත් මේ භූම්කම්පාව නිසා දැන් එය බලන්න සංචාරකයන් වගේම පාකිස්ථාන වැසියන් වැල නොකැඩි එනවා. ඒ දූපතටත් ගොඩ වෙනවා. ගිනිගන්නාසුලූ වායුව, විස දුම් ආදිය ඇති බව අනතුරු හැෙඟව්වත් ඒවා ගනන් නොගෙනයි, ඔවුන් එහි එන්නෙ.

ඒ දූපතේ පිපිරුණු මඩ, වැලි, ගල් මුසු බිම මත මුහුදු සතුන්ගේ මළ සිරුරු, විශේෂයෙන් ම මාළුන් මළකුණු පිරිලා තියෙනවා.

මෙන්න ලෝකයේ අලූත් ම දූපත අහසට පෙනෙන හැටි. මේ මඩ කන්ද මීටර් 15ක් 20ක් විතර උස ඇති. මිනිසුන්ට ඒ මත ඇවිද ගෙන යා හැකි තරමට එහි බිම ඝනකම් කියලයි, කියන්නෙ.
මේ පින්තූර නාසා ආයතනයේ පෘථිවි නිරීක්ෂණ චන්ද්‍රිකා - 1 හා ලැන්ඞ් සැට් 8 චන්ද්‍රිකාවලින් ඒ දූපත මතු වුණු දවස්වල ගත්තු ඒවායි.

දූපත වටේට ඇති ළා කොළ හා තඹ පැහැති කොටස්වලින් පෙනෙන්නේ මුහුදේ නොගැඹුරු බව හෝ අවට ඇති අවසාදිත තට්ටුවයි.

මේ අලූත් දූපත මතු වූ හරියේ ගැඹුර මීටර් 15ත් 20ත් අතර වෙනවා. මෙහෙම කියන්නේ පාකිස්ථානය…