Skip to main content

ඔබේ ඇසේ හැටි බලන්න මෙතෙක් නොලද අවස්ථාවක්!

ඔබේ ඇහැ තුළට එබෙන්න ඔබට කන්නාඩියක් ඉදිරියට ගියාම පුළුවන්. ඒත් මේ තරම් ඇහැට ළං වෙන්න ඒ ක‍්‍රමයෙන් වුනත් ඒ තරම් ලේසි නැහැ.

ඇස් ගෝලය කොයි වගේ එකක් කියලද ඔබ මෙතෙක් කල් හිතුවෙ? ලස්සනට ඔප මට්ටම් කළ සිනිඳු මාබල් එකක් වගේ කියලද?

ඇසේ මේ සමීප රූප හරියට වෙනත් ග‍්‍රහ ලොවක ආවාට වගෙයි පෙනෙන්නේ. හැම තිස්සෙම පින්තූරවලින් කියැවෙන කතාව වචනවලින් කියැවෙනවට වඩා ගොඩක් වෙනස්.

ඔන්න එහෙනම් බලන්න, ඔබේත් මගේත් ඇහේ හැටි!

ඇසේ තාරා මණ්ඩලය සැඟවී ඇති සංකීර්ණ වියමන් ඔබේ ඇස්වලට ඇස් අදහගන්න බැරි තරම් විස්මිත සුවිශේෂ බවක් ගේනවා.

 
ඇස් අදහන්න බැහැ නේද? මේ මිනිස් ඇසේ සමීප රූපය ඇසේ ව්‍යුහයේ රටාවන් සවිස්තරව පෙන්වනවා.

 
ඔබේ ආත්මය පෙන්වන කවුළුවක් වගෙයි. මේ තරම් ළංවී බැලූවාම මිනිස් ඇසකට වඩා පිට සක්වළක භූමි දර්ශනයක් වගෙයි.

 

 
තුනී වටකුරු ව්‍යුහයන් වන තාරා මණ්ඩලයන් දෘෂ්ටි විතානයට ඇතුළු විය යුතු ආලෝකය අනුව යමින් ඊට ගැළපෙන ලෙස කනිණිකාවන්ගේ විෂ්කම්භය අඩු වැඩි කරමින් පාලනය කරනවා.

 
කෙඳි සහිතයි - මේ රූපයෙන් පෙනෙන්නේ වර්ණිත තන්තුමය සනාලපටක පිහිටා ඇති අයුරුයි. මෙය සම්බන්ධක පටක රාමුව යනුවෙන් හැඳින්වෙනවා.

 
ඇසෙහි මේ අති විශාලනය කළ ඡායාරූප ගෙන ඇත්තේ ආමේනියානු භෞතික විද්‍යා ගුරුවරයකු වන සුරේන් මැනුවෙල්යාන් විසිනුයි. ඔහු මේ සඳහා යොදා ගෙන ඇත්තේ හිතවතුන්ගේ, ගුරුවර සගයන්ගේ හා ගෝලයන්ගේ ඇස්.

 
සියුම් ලෙස ඔහු විසින් ගත් මේ ඡායාරූප විශාලනය කළ විට ඔහු පවා විස්මයට පත් වුණා. වෙනත් ග‍්‍රහලෝකවල බඳු මෙවැනි දසුන් ඔහු පවා බලාපොරොත්තු වුණේ නැතිලූ.

 
අපි බොහෝ විට සිතන්නේ අපේ ඇස් ඉතා සියුම් ගෝලාකාර ඒවා කියායි. ඒත් ඡායාරූප ශිල්පී භෞතික විද්‍යාගුරු මැනුවෙල්යාන් එය දකින්නේ වෙනස් ආකාරයකටයි.

 
තාරා මණ්ඩලයට ඉංගිරිසියෙන් කියන ‘අයිරිස්’ යන්න ආවේ දේදුන්නට අධිපති ගී‍්‍රක දෙවඟනගේ නමින්. ඒ නිසා වෙන්න ඇති එහි දේදුනු වර්ණ දැකිය හැක්කේ.

තුනී වක‍්‍රාකාර ව්‍යුහයක් වන තාරා මණ්ඩලය අපේ ඇස්වලට අදාළ වර්ණ ලබා දෙනවා පමණක් නොව කළුඉංගිරියාවේ විෂ්කම්භය අඩු වැඩි කරමින් අපේ ඇස්වලට එන ආලෝකය පාලනය කිරීමට ද උපකාරී වෙනවා.

ඇස්වල මේ අති විශාලනය කළ ඡායාරූප ගනු ලැබුවේ ආමේනියානු භෞතික විද්‍යා ගුරුවරයකු වන 36 හැවිරිදි සුරේන් මැනුවෙල්යාන් (Suren Manvelyan) විසිනුයි. ඔහු මේ සඳහා නිරූපකයන් ලෙස ඔහුගේ මිතුරන් පමණක් නොව, ගුරුවර සගයන්, ගෝලයන් ආදී රැසක් ද හවුල් කර ගෙන තිබෙනවා.

”සාමාන්‍යයෙන් කෘමීන්ගේ හෝ ශාකවල අති විශාලන පින්තූර ගන්නා විට විස්මිත රූප මතු වීම ස්වාභාවිකයි, ඒත් මමවත් කිසිසේත් බලාපොරොත්තු වුණේ නෑ ඒවා මේ තරම් විස්මයජනක වෙයි කියල.” ඔහු කියයි.

”මං කලින් දැන සිටියේ නෑ ඒවා මේ තරම් සංකීර්ණයි කියලා. හැමදාම අපට කොයිතරම් ඇස් මුහුණට මුහුණ හමුවෙනවද? ඒත් ඒවා මේ තරම් අලංකාර ව්‍යුහයන්ගෙන් යුක්තයි කියල කිසිදාක හිතුණේ නෑ. ඒවා හරියට නුදුටු ග‍්‍රහ ලෝකවල භූමි දර්ශන වගෙයි.”

 
තාරා මණ්ඩලයෙහි විවිධ වර්ණ දකින්න පුළුවන්. කොළ, නිල්, දුඹුරු විතරක් නෙවෙයි තද නිල්, තද දුඹුරු, දම් පාට වගේම රෝස පාටත් දකින්න පුළුවන්.


 
මේ රූප හරියට සක්වළ ජීවීන් පිළිබඳ තැනූ ඒලියන් (Alien) චිත‍්‍රපටවලට අධිතාත්විකවාදී චිත‍්‍රශිල්පී එච්. ආර්. ගයිගර්ගේ සිතේ නිර්මාණය වූ ඒවා වගෙයි.

 
තාරා මණ්ඩලය ප‍්‍රධාන වශයෙන් කොටස් දෙකකට බෙදෙනවා. කළුඉංගිරියාව අවට ප‍්‍රදේශය හා ඇස් පිහාටු තෙක් විහිදෙන ප‍්‍රදේශය වශයෙන්.

 
සුරේන් මැනුවෙල්යාන් ඡායාරූප ගැනීම පිළිබඳ අත්හදා බැලීම් පටන් ගත්තේ වයස අවුරුදු 16 දියි. ඔහු දැන් යෙරවැන් සඟරාවේ ප‍්‍රධාන ඡායාරූප ශිල්පියා ලෙසත් කටයුතු කරනවා. මේ පින්තූර ගන්න ඔහු යොදා ගත් තාක්ෂණය ගැන හෙළිදරවු කරන්න ඔහු අකමැතියි.

 
කැමරා ශිල්පියාගේ ආලෝක ධාරාවට යටපත් කරන්න බැරි වෙලා තියෙනව මේ ඇස අයිති තැනැත්තාගේ සමේ ඇති පාට.

ඇස, ඔබේ ආත්මය දක්වන හොඳම කවුළුව කියලා කතාවක් තියෙනවා. ඒ වගේ දෑස් තුළින් ඔබේ හදවත දකින්න පුළුවන් කියලත් කියනවා. ඇස්වල පිහිටීම පුද්ගලයාගෙන් පුද්ගලයාට වඩා වෙනස්. ඒ නිසා ඇස පුද්ගලයකුට වෙනම අනන්‍යතාවක් ලබා දෙනව කියල කියන්න පුළුවන්. ඇස වගේම තාරා මණ්ඩලයත් ඒ ඒ පුද්ගලයාට සුවිශේෂයි.

තාරා මණ්ඩලයට ඉංගිරිසියෙන් කියන ‘අයිරිස්’ යන්න ආවේ දේදුන්නට අධිපති ගී‍්‍රක දෙවඟනගේ නමින්. ඒ නිසා වෙන්න ඇති එහි දේදුනු වර්ණ දැකිය හැක්කේ. දේදුනු වර්ණ කොහොම වුනත් තාරා මණ්ඩලයෙහි විවිධ වර්ණ නම් දකින්න පුළුවන්. කොළ, නිල්, දුඹුරු විතරක් නෙවෙයි තද නිල්, තද දුඹුරු, දම් පාට වගේම රෝස පාටත් දකින්න පුළුවන්.

ඔහු මෙහිදී රූප ගත කරල තියෙනවා, ඇස ඉදිරියෙන් ම ඇති වර්ණිත තන්තුමය සනාලපටක පිහිටා ඇති සම්බන්ධක පටක රාමුව. එහි යටින් තමා වර්ණිත අපිච්ඡුද ෙසෙල පිහිටා තියෙන්නෙ. මේ මුළු ව්‍යුහයම පේශීන්වලට සම්බන්ධ වී ඇති නිසා ඒ පේශීන් මගින් තමයි, කාච විවරය ලොකු කුඩා කරන්නේ.

තාරා මණ්ඩලය ප‍්‍රධාන වශයෙන් කොටස් දෙකකට බෙදෙනවා. ඒ කළුඉංගිරියාව අවට ප‍්‍රදේශය හා ඇස් පිහාටු තෙක් විහිදෙන ප‍්‍රදේශය වශයෙනුයි.

 
හරිම ගුප්ත පෙනුමක් තියෙන්නෙ. ඇස් කුහරය වටා ඇති රටා හරියට වූල්වලින් කළ ගෙත්තමක් වගෙයි.

 
ඇසක කළුඉංගිරියාවේ කොළ පැහැය තාරා මණ්ඩලයේ ඇති වර්ණක නිසා ඇති වන්නක් නොවෙයි. ඒවා ඇති වන්නේ සම්බන්ධක පටකවල ඇති රඹ (තැඹිලි පාට) හා දුඹුරු එකතු වී ඇති වන්නක්. ආලෝකය පරාවර්තනය වීමෙන් තමයි ඇසට ඒ පාට ලැබෙන්නේ.


 
විද්‍යාඥයන් විශ්වාස කරන විදියට වසර මිලියන ගණනක් තිස්සේ පරිණාමය වීමෙන් එනම් ආලෝකයට අනුව හැඩ ගැසීමෙන් තමයි, මේ සංකීර්ණ තත්වය ඇස ලැබී කිබෙන්නේ.


 
ඇස ඔබේ හදවත පෙන්වන කැඩපතයි. මිනිසා සිතන දේ අනුව ඇසේ පැහැයේ වෙනස්කම් සිදු වෙනවා. ඒ විතරක් නෙවෙයි, බොරු කියන විටත් ඇහේ වෙනස් වීම් සිදු වන බවයි, කියන්නේ.


 
ඇහැට ඇහක් මෙහෙම මුණ ගැහුණමයි ඇහේ අගේ වැටහෙන්නේ.

සුරේන් මැනුවෙල්යාන් ඡායාරූප ගැනීම පිළිබඳ අත්හදා බැලීම් පටන් ගත්තේ වයස අවුරුදු 16 දියි. ඔහු දැන් යෙරවැන් සඟරාවේ ප‍්‍රධාන ඡායාරූප ශිල්පියා ලෙසත් කටයුතු කරනවා. මේ පින්තූර ගන්න ඔහු යොදා ගත් තාක්ෂණය ගැන හෙළිදරවු කරන්න ඔහු අකමැතියි.

”මේ පින්තූර ගත් හැටි මගෙන් අහන්න එපා! ඒක මගේ වෘත්තීය රහසක්!” ඔහු අවසාන වශයෙන් කියනවා.

ඔහුගේ වෙනත් පින්තූර බලන්න ඕනෙ නම් ඔහුගේ වෙබ් අඩවියට යන්න.

Comments

  1. ශික්..... ඊයා......
    ඇස් දෙක ගලවල දාන්ඩ හිතෙනවා.

    මොනවා උනත් මාරු ලිපිය

    ReplyDelete
  2. යථාර්තය මතුපිටින් පෙනෙනවාට වඞාබොහෝම වෙනස්.හොඳමහොද ලිපියක්.

    ReplyDelete

Post a Comment

Popular posts from this blog

ලෝකයේ වටිනාම මුද්දරය වෙන්දේසියට! දැනට ඇත්තේ ලෝකෙටම එකයි!

මුද්දර එකතු කිරීම (Philately) විනෝදාංශයක් වගේම හොඳ ආදායම් මාර්ගයක්. පුංචි වුණාට තැපැල් මුද්දරයක් කියන්නේ රටක ඉතිහාසය කියාපාන කැඩපතක්. රටකින් රටකට හොඳ හිත පතුරුවමින් යන සංස්කෘතික තානාපතිවරයෙක්!

ඒ වගේ පැරණි තැපැල් මුද්දරයක් එහි මුහුණත සඳහන් වටිනාකමට හුඟක් වැඩිවෙන වෙලාවල් තියෙනවා. එහෙම වෙන්නේ ඒවායේ ඇති දුලබකම නිසයි.

ඒ වගේ 1873 දී ලිපිගොනු ගොඩක් අස්සේ තිබී හමුවුණු පාවිච්චි කළ ශත එකේ තැපැල් මුද්දරයක් පසුව වෙළෙඳ පොළේ දී සිලිං හයකට විකුණුණා. බි‍්‍රතාන්‍ය ගයානාව (British Guiana) විසින් නිකුත් කළ ශත එකේ දම්පාට තැපැල් මුද්දරය (1c Magenta stamp) දැන් යළිත් වෙන්දේසිය සඳහා වෙළෙඳපොළට ඇවිත්. අද, වසර 141කට පසු, එයට මුද්දර වෙන්දේසියේ දී ඇමරිකන් ඩොලර් මිලියන 20ක මුදලක් ලැබේවි යැයි විශ්වාස කරනවා.

මෑතදී ‘ලොව වඩාත් වටිනාම මුද්දරය’ ලෙස හඳුන්වනු ලැබූ මේ පැති අටේ හැඩැති තැපැල් මුද්දරය 2014 ජූනි මාසයේ 17 වැනිදා ඇමරිකාවේ නිව්යෝක්හිදී ප‍්‍රසිද්ධ වෙන්දේසියේ විකිණීමට නියමිතයි.

මෙය දැනට ලෝකයේ සුරක්ෂිතව ඉතිරි වී ඇති මේ වර්ගයේ එකම මුද්දරය ලෙස සැලකෙනවා. මෙය නිකුත් කරන ලද්දේ 1856දියි. බි‍්‍රතාන්‍ය ගයානාවේ තැපැල් මහතා…

MH370 මැලේසියානු ගුවන්යාන අබිරහස! ලෝකයේ අබිරහස් ලෙස අතුරුදන් වුණු ගුවන්යානා 10 මෙන්න!

පසුගිය සතියේ (මාර්තු 8 වැනිදා) අතුරුදන් වූ පිසැරි අංක එම්එච්370 මැලේසියානු මගී ගුවන්යානයට වූ දේ තවමත් අබිරහසක්. රටවල් 10 ගුවන්යානා, නැව්, චන්ද්‍රිකා රැසක් මේ අබිරහස විසඳන්න තවමත් වෙහෙසෙනවා.

ඒත් මෙය දැනටමත් නොවිසඳෙන අබිරහසක් පත් වෙන ලකුණු පහළ වෙලා!

ලොව පළමු සෙල් ෆෝනය මේකද? වසර 75ක් පැරණි පින්තූරයේ රහස හෙළි වෙයිද?

බලන්න මේ තරුණිය ජංගම දුරකතනයක් කනේ තියා ගෙන පාර දිගේ කතා කර කර යනවා! අද නම් මේ වගේ දසුනක් ගමක පාරක වුනත් ඔබ දැක ඇතුවාට සැකයක් නැහැ. ඒත් මේ දර්ශනය කැමරාවට නඟා ඇත්තේ මීට අවුරුදු 75කට පෙරයි!

1938 දී ඇමෙරිකාවේ වීදියක ගමන් කළ මේ යුවතියගේ අතට වර්තමානයේ අප පාවිච්චි කරනා තාලේ සෙල් ෆෝනයක් (ජංගම දුරකතනයක්) ආවෙ කොහොමද?

ඒ කාලයේ මේ වගේ දෙයක් නිපදවීම තියා මෙවැන්නක් ගැන හිතලවත් නොතිබුණා නම් මෙම දර්ශනය චිත‍්‍රපටයකට ගත් නිර්මාණයක්ද? සමහර අය කීවේ චිත‍්‍රපටය තුළින් අනාගතය දැකීමක් ලෙස මෙම දසුන සලකන්න පුළුවන් කියලයි. අනාගතය පරිකල්පනය කළ අවස්ථා චිත‍්‍රපටවල ඕනෑ තරම් තිබුණා. මේ වගේ

මේ රූප පෙළ මේ වන විට යූටියුබ් (YouTube) එක හරහා ලක්ෂ තුනකට වැඩි වාර ගණනක් සංසරණය වෙලා තියෙනවා. වර්ණ චිත‍්‍රපට එන්නට පෙරාතුව කළු සුදු ක‍්‍රමයට කැමරාවට නගන ලද මෙහි රහස පසුගිය දා හෙළි වුණා. මෙම තරුණිය තමාගේ මීමිත්තණිය යැයි යුටියුබ් ග‍්‍රාහකයෙක් හෙළි කළා.

අනාගතයට යාමක් ද? මෙහි දැක්වෙන්නේ ඇමරිකාවේ ඩුපොන්ට් ආයතනයෙන් පිට වී යන තරුණ සේවිකාවන් පිරිසක්. එයින් එක් තරුණියක් අතේ ඇති ජංගම දුරකතනයකින් කතා කරමින් යනවා ඔබට පෙනෙනවා ඇති. වසර 75කට ප…

නස්රුදින්ගේ වේළීමේ රහස! අලුත්ම නස්රුදින් කතාවක්!

නස්රුදින්ගේ පොහොසත් මිතුරෙක් ඔහුට කතා කළා, ඒ මිතුරාත් ඔහුගේ පිරිසත් එක්ක දින කීපයක් තිස්සේ දඩයමේ යන්න. මුල් ම දවසේ ඔවුන් නස්රුදින්ට දුන්නෙ බොහොම හෙමින් යන අස්සයෙක්. දඩයමට යන්න පටන් අරන් වැඩි වේලාවක් ගියේ නෑ, හෙමින් ගිය අස්සයා නිසා නස්රුදින් හුඟක් පහුවුණා. නස්රුදින්ව පහු කරලා දාලා අනෙක් පිරිස ඈතට දඩයමේ ගියා.

දියණිය උපන් මොහොතේ පියා ගත් පින්තූරය අන්තර් ජාලය කළඹයි! වෛද්‍යවරයාගේ අතේ එල්ලී එළියට ආ ළදැරිය මෙන්න!

ජීවිතයේ විස්මිත මොහොතවල් ඡායාරූපයට නැඟීම වාසනාවත් එක්ක සිදු වන දෙයක්. එහෙම වාසනාවක් ලද මාපිය යුවලක් තමන් ගත් ජීවිතයේ අමතක නොවන පින්තූරය ‘මුහුණු පොතේ’ පළ කළා. මොහොතකින් එය අන්තර්ජාලය පුරා ‘කුණාටුවක්’ මෙන් හඹා ගියා.

මෙලොව එළිය දකින්න මොහොතකට පෙර පුංචි නෙවායි මව් කුස හිඳිමින් තම උදව්වට ආ වෛද්‍යවරයාගේ ඇඟිල්ලේ එල්ලූන හැටි!

මුල්ම ඇපල් 1 පරිගණකය ලෝක වාර්තාවක් තියයිද? ඇපල් සමාගමේ ආරම්භය හෙළිකරන මෙතෙක් පළ නොවූ ඡායාරූපයක්!

ඇපල් පරිගණකය පටන් ගත් හැටි දැන් දකින කොටත් පුදුම හිතෙනවා. ඒ මුල් ම ඇපල් පරිගණකය අළෙවි කරන්න ගෙනියන්න පෙර පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුගිය දා ප‍්‍රථමවරට හෙළිදරවු වුණා.

මේ ඡායාරූපයට නගා තියෙන්නේ 1976 දියි. එතකොට ස්ටීව් ජොබ්ස්ට (Steve Jobs) වයස 21යි. ඔහුගේ මිතුරු ස්ටීව් වොස්නියැක් (Steve Wozniak) සමග එක්ව ඔවුන් දෙදෙනා මේ මුල්ම ඇපල් පරිගණක තැනුවේ ස්ටීව් ජොබ්ස්ගේ මාපියන්ගේ ගෙදර ගරාජයකයි. ඔවුන් ඒ තැනූ මූල් පරිගණක 50 තැන්පත් කරල තිබුණු ආකාරය දැක්වෙන මේ විරල ඡායාරූපය නිකුත් කරනු ලැබුවේ ලබන නොවැම්බර් 16 වැනිදා වෙන්දේසියට තැබෙන දැනට හොඳම තත්වයේ ඇති පැරණි ම ඇපල් පරිගණකය එළි දැක්වීම වෙනුවෙන්.

මෙය දැනට ලෝකයේ ඇති වටිනාම සන්නම ලෙස සැලකෙන ඇපල් පරිගණකයේ ආරම්භක තත්වය තේරුම ගන්නත් හොඳ අවස්ථාවක්. මේ සන්නමෙහි අද වටිනාකම පවුම් බිලියන 60ක්.

ඇපල් පරිගණකයේ ආරම්භය දැක්වෙන මේ කිසිදා එළියට නො පැමිණි ඡායාරූපයක්. ඒ මුල් ම ඇපල් පරිගණකය අළෙවි කරන්න ගෙනියන්න පෙර 1976 දී පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුග…

හොල්මන් පින්තූර කතන්දර පෙළක්! මේවා දැකල බය වෙන්න එපා!

රාති‍්‍ර කාලයට අඳුරේ දී ඔබව බියපත් කරන හැම රටකටම, හැම සමාජයකම තියෙනවා. ඇත්තටම හොල්මන් තියෙනවා කියල ඔප්පු කරන්න හොල්මන්වල පින්තූර ගන්න අයත් ඉන්නවා. මේ ඒ විදියට ගත්තු පින්තූර පෙළක්!


අවුරුදු ගානක් තිස්සෙ විවිධ අවස්ථාවලදි ගත්තු පින්තූර තමයි, මේ තියෙන්නේ. මෙහි ඉන්නවා, ඝාතනය කළ වහල් සේවකයන්, රෝහල්වල වධබන්ධනවලට ලක්ව මියගිය රෝගීන්, අතීතයට එක් වූ මුහුදු නැවියන් ආදී නොයෙක් අය. මොවුන්ගේ හොල්මන් කතා අහපු බොහොම දෙනෙක් බියට පත් වුණා. තාමත් අහන අයගේ ඇඟ හිරි වැටෙනවා.

දුර්ලභ ගණයේ සේයා රුවක්! නවසීලන්තයේ ධීවරයකුගේ නවතම ගොදුරක්!

මෙය ලියැවෙන්නේ කලාතුරකින් හමු වන ඡායාරූපයක් ඔබ වෙත ඉදිරිපත් කරන්නයි. අන්තර් ජාලය පුරා මේ වන විටත් වැඩි දෙනකුගේ අවධානය දිනා ගෙන තියෙනවා.

මේ ඡායාරූපයෙන් කියැවෙන්නේ මිනීමරු සුදු මෝරකුගේ ඉරණම දැක්වෙන කතාවක්. පසුගිය සතියෙදි නවසීලන්තයේ මුහුදේදි ගත්තු එකක්.

මහා භූමිකම්පාවකින් පසු පාකිස්ථාන මුහුදෙන් මතු වූ ලෝකයේ අලූත් ම දූපත!

පසුගියදා පාකිස්ථානයේ ප‍්‍රබල භූමිකම්පාවක් ඇති වුණා. 7.8ක් වූ ඒ භූමිකම්පාවෙන් බලූකිස්ථානය අසල මුහුදේ අලූත් දූපතක් මතු වුණා. ලෝකයේ අලූත් ම දූපත එයයි.

සල්සාලා කෝහ් (Zalzala Koh) යනුවෙන් ඒ දූපත නම් කරලා තියෙනවා. දාල්බන්දින්වලට සැතැපම් 145ක් ගිනිකොන දෙසින් හටගත් මේ භූම්කම්පාව නිසා දැන් එය බලන්න සංචාරකයන් වගේම පාකිස්ථාන වැසියන් වැල නොකැඩි එනවා. ඒ දූපතටත් ගොඩ වෙනවා. ගිනිගන්නාසුලූ වායුව, විස දුම් ආදිය ඇති බව අනතුරු හැෙඟව්වත් ඒවා ගනන් නොගෙනයි, ඔවුන් එහි එන්නෙ.

ඒ දූපතේ පිපිරුණු මඩ, වැලි, ගල් මුසු බිම මත මුහුදු සතුන්ගේ මළ සිරුරු, විශේෂයෙන් ම මාළුන් මළකුණු පිරිලා තියෙනවා.

මෙන්න ලෝකයේ අලූත් ම දූපත අහසට පෙනෙන හැටි. මේ මඩ කන්ද මීටර් 15ක් 20ක් විතර උස ඇති. මිනිසුන්ට ඒ මත ඇවිද ගෙන යා හැකි තරමට එහි බිම ඝනකම් කියලයි, කියන්නෙ.

MH370 මැලේසියානු ගුවන්යාන අබිරහස : නියමුවාම යානය බලෙන් ගෙන ගියාද?

2014 මාර්තු 16 වැනිදා

අනතුරට පත් යානයේ නියමුවා වූ සහාරි අහමඞ් ෂා දේශපාලන උමතුවකින් පෙළෙන්නකු ලෙස දැන් සැක කරනවා. එම්එච්370 යානය නියමුවා ලෙස සේවයට වාර්තා කරන්නට පෙර ඔහු මැලේසියාවේ විරුද්ධ පක්ෂ නායකයා වූ අන්වර් ඒබ‍්‍රහම්ට එරෙහිව පැවති නඩු විභාගයට බලන්නට ගිය බවක් ෆෙඩරල් පරීක්ෂක නිලධාරින් කියනවා.