Skip to main content

නවසීලන්තයේ හොබිටන් සිනමා ගම්මානය බලන්න ලොව පුරා සංචාරකයන් වැල නොකැඞී! ඒ ගමනට ‘මල් කැකුළු’ත් එක්වුණා!

නවසීලන්තයේ වැඩිම අලෙවියක් ඇති පොත බයිබලයවත්, නවසීලන්ත රගර් කණ්ඩායම වූ ඕල් බ්ලැක්ස් ගැන ලියැවුණු පොතක්වත් නෙවෙයි. ඒ ‘ලෝඞ් ඔෆ් ද රිං’ (Lord of the Ring) සිනමාවට නැඟූ තැන බලන්න එන සංචාරකයන්ට අලෙවි කරන මාර්ගෝපදේශක අත්පොතයි.

මීට වසර 11කට පෙර නිෂ්පාදනය කළ, චිත‍්‍රපට අධ්‍යක්ෂ පීටර් ජැක්සන්ගේ මේ ‘ලෝඞ් ඔෆ් ද රිං’ චිත‍්‍රපට මාලාවේ මුල්ම චිත‍්‍රපටය නවසීලන්තයේ පමණක් නොව ලොව පුරා සිනමා ලෝලයන්ගේත් ආදරය එකසේ දිනා ගත්තා. චිත‍්‍රපට ති‍්‍රත්වය තනා නිම කළ පසු ඒ චිත‍්‍රපට තැනූ ගම්මානය බලන්න ලොව නන් දෙසින් ජනතාව ගලා එන්න පටන් ගත්තා. දැන් එය නවසීලන්තයේ අංක එකේ සංචාරක ආකර්ෂණය බවට පත් වෙලා!

ඒ ගම්මානය දැන් හැඳින්වෙන්නේ හොබිටන් කියලයි. පීටර් ජැක්සන් පසුගියදා මේ ගම්මානයේ තවත් චිත‍්‍රපට ති‍්‍රත්වයක් හැදුවා. එහි මුල් චිත‍්‍රපටයේ මංගල දර්ශනය නොවැම්බර් 28 වැනිදා නවසීලන්තයේ අගනුවර වූ වෙලින්ටන්හිදී පැවැත්වීමට නියමිතයි. පීටර් ජැක්සන් පදිංචිව සිටින්නේ ඒ නගරයේයි.

 
නවසීලන්තයේ මටමටා හී ඉදිකර ඇති හොබිටන් සිනමා ගම්මානයයි, මේ.

බි‍්‍රතාන්‍ය ලේඛක ජේ. ආර්. ආර් ටෝල්කිං (J R R Tolkien) 1978 වසරේ දී ලියූ තුන් ඈඳුතු නවකතාව ඇසුරින් නිර්මාණය වූ ‘ලෝඞ් ඔෆ් ද රිං’ චිත‍්‍රපට මාලාව ලොව පුරා අතිශයින් ජනපි‍්‍රය වුණා. ‘කඩු සටන් සහ මායාකර්ම’ (Sward and Sorcery Fiction) ප‍්‍රබන්ධ ලෙස හැඳින්වෙන සාහිත්‍යංගයක් වන ලෝඞ් ඔෆ් ද රිං නව කතා ති‍්‍රත්වයෙන් නිරූපණය වන්නේ පෘථිවියේ පුරාණතන යුගයක සිදුවන හොඳ සහ නපුර අතර ගැටුමකි.

ෆ්‍රෝඩෝ බැගන්ස් නමැති අඟුටු මිටි හොබිට්වරයාට මැජික් මුද්දක් හමුවෙනවා. එම මුදුවේ හිමිකාරයා සව්රෝන් නමැති නපුරායි. සව්රෝන් සහ ඔහුගේ සහචරයන්ගෙන් බේරී සව්රෝන්ගේ අඩවියේ පිහිටි ගිනි කන්දකට ගෙන ගොස් එම මුදුව විනාශ කිරීම මේ ෆ්‍රෝඩෝ බැගන්ස්ගේ වීර වික‍්‍රමයට අයත් වෙනවා. එහිදී ඔහුට ඔහුගේ හොඳම මිතුරා සෑම් සහ තවත් හොබිට්වරුන් දෙදෙනකු වන මේරි සහ පිපංගේ සහාය ලැබෙනවා. ඊට අමතරව ඔහුට මේ කටයුත්තේදී ගැන්ඩෙල්ෆ් නම් මායාකාරයාගේත්, රජකම බාර නොගෙන පිටුවහලකු ලෙස ජීවත්වන ඇරගොන්ගේත්, දිගු කන් ඇති එල්ෆ්වරයකු වන ලියොලිස් සහ ගිම්ලි නමැති අඟුටු මිට්ටාගේත් සහාය ලැබෙනවා.

‘ලෝඞ් ඔෆ් ද රිං’ තුන් ඈඳුතු නවකතාවට, එහෙමත් නැත්නම් ප‍්‍රබන්ධ කතා ති‍්‍රත්වයට, අයත් නවකතා වන්නේ ‘ෆෙලෝෂිප් ඔෆ් ද රිං’, ‘ටූ ටවර්ස්’ සහ ‘රිටර්න් ඔෆ් ද කිං’ යන ග‍්‍රන්ථ තුනයි. මේවා පීටර් ජැක්සන්ගේ අධ්‍යක්ෂණයෙන් රිදී තිරයට ආවේ 2001, 2002 සහ 2003 යන වසරවලදීයි. නවීන සජීවීකරණ ශිල්ප ක‍්‍රම භාවිත කරමින් නිර්මාණය කළ එම සිනමා ති‍්‍රත්වය සිනමා ලෝලීන්ගේ පමණක් නොව විචාරකයන්ගේ ද පැසැසුමට ලක් වුණා; සම්මානයට ද පාත‍්‍ර වුණා.

මේ ‘ලෝඞ් ඔෆ් ද රිං’ චිත‍්‍රපට මාලාවේ දී හොබිට්වරුන්ගේ ඒ සුන්දර ගම්මානයට ඉතා වැදගත් තැනක් හිමි වෙනවා. චිත‍්‍රපටවල දර්ශනතල ඉදි කළ ප‍්‍රදේශය හැඳින්වෙන්නේ ‘ෂයර්’(The Shire) නමිනුයි. මේ ‘ලෝඞ් ඔෆ් ද රිං’ චිත‍්‍රපට සියල්ල ම රූගත කළේ නවසීලන්තයේදි ‘ෂයර්’ ප‍්‍රදේශයේයි. එහි හොබිට් ගම්මානය සැබෑ ලෙසින් ම නිර්මාණය කරන්නට ඒ චිත‍්‍රපට මාලාවේ කලා අධ්‍යක්ෂවරයා හා පිරිස සමත් වුණා. එය ස්වභාවික චිත‍්‍රාගාරයක් වූ අතර අද එය ‘හොබිටන්’ නමින් සංචාරක ආකර්ෂණයක් වෙලා!

‘ලෝඞ් ඔෆ් ද රිං’ චිත‍්‍රපට පෙළ සාර්ථක වීමත් සමඟ ටෝල්කින් 1966 දී ලියූ ‘හොබිට්’ නමැති කෙටි කතාව ද චිත‍්‍රපට ති‍්‍රත්වයක් ලෙස මේ වන විට නිර්මාණය වෙමින් තියෙනවා. එයත් පීටර් ජැක්සන්ගේ අධ්‍යක්ෂණයක්. එම චිත‍්‍රපට ති‍්‍රත්වය ‘ද හොබිට්: අන්එක්ස්පෙක්ටඞ් ජර්නි’, (The Hobbit: An Unexpected Journey) ‘ද හොබිට්: ඩෙසොලේෂන් ඔෆ් සාමුග්’ (The Hobbit: The Desolation of Smaug) සහ ‘ද හොබිට්: දෙයා ඇන්ඞ් බෑක් අගේන්’ (The Hobbit: There And Back Again) යනුවෙන් නම් කර ඇති අතර එහි පළමු වන චිත‍්‍රපටයේ මංගල දර්ශනය මේ වසරේ නොවැම්බර් 28 වැනිදා වෙලින්ටන්හි එම්බසි සිනමාහලේදී තිරගතවීමට නියමිතයි. එය ලෝක සිනමා ලෝලීන්ට දැක ගන්නට ලැබෙන්නේ දෙසැම්බර් 14 වැනිදා සිටයි. එහි දෙවැනි හා තුන්වැනි චිත‍්‍රපට පිළිවෙළින් 2013 දිත් 2014 දිත් තිරගත වේවි. මෙම හොබිට් කතාවලට පාදක වන්නේ ‘ලෝඞ් ඔෆ් ද රිං’ කතා පෙළ සිදු වූ වකවානුවට පෙර කාලයට අයත්වූ සිදුවීම් සමුදායකි. එනම් ෆ්‍රෝඩෝ අතට පත්වන මායා මුදුව ෆ්‍රෝඩෝගේ මාමා බිල්බෝ බැගන්ස් අතට පත් වීම සහ ‘ලෝඞ් ඔෆ් ද රිං’ කතා පෙළේදී හමුවන ගෝලම් නමැති නපුරු සත්වයා (මොහුද කලක් හොබට්වරයකු ව සිටි අතර මායා මුදුව නිසා දැන් විකෘති සත්වයකු බවට පත් වී සිටිනවා.) මුදුව සොයමින් පැමිණීම සහ බිල්බෝ මුදුව සොරකම් කරගෙන යෑම ආදියයි. බිල්බෝ බැගන්ස්ගේ මිතුරු ගැන්ඩෙල්ෆ් ද මෙම චිත‍්‍රපටයේදී හමුවෙනවා.

 
වෙලින්ටන්හී වෙටා ලෙන් කුඩා කෞතුකාගාරයේ ප‍්‍රදර්ශනයට තබා ඇති ගොලම් චරිතයේ පිළිරුව පිරික්සන වාර්තාකාරියක්.

 
හොබිට් චිත‍්‍රපට මාලාවේ ප‍්‍රධාන චරිතය වන බිල්බෝ ලෙස රඟපාන මාටින් ෆ්රීමන් එහි ජවනිකාවක.

මේ හොබිට් දර්ශනතල සකසා ඇත්තේ ඇලෙක්සැන්ඩර් පවුලට අයත් අක්කර 1250ක භූමි භාගයකයි. එහි ඇත්තේ බැටළු ගොවිපොළක්. එහි ‘ලෝඞ් ඔෆ් ද රිං’ චිත‍්‍රපටය සඳහා ඉදි කළ දර්ශනතල ගලවා ඉවත් කරලයි තියෙන්නෙ.

හොබිට් චිත‍්‍රපටය නැවත දර්ශනතල ඉදි කළා ස්ථිර ඒවා ලෙස, හොබිට් උමං නිවාස ආදිය. දැන් ඒවා සංචාරක ලැගුම්හල් බවට පත් කරලා තියෙනවා.

මෙය දැන් සංචාරක ආකර්ෂණයක් ලෙස සකස් කරලයි. තියෙන්නෙ. එහි අයිතිය ඇත්තේ පීටර් ජැක්සන්ට හා ඇලෙක්සැන්ඩර් අයටයි.

‘මල් කුකුළු’ විසින් ලබගත් ඡායාරූප කීපයක්...




























Comments

  1. බොහොම ලස්සනයි හොඳයි. ආයිත් එන්නම්. ජයම වේවා .......
    එන්න සමකය වටේ රවුමක් යන්න

    ReplyDelete
  2. නියම ලිපියක්! හිතන්න දේවල් ගොඩකුත් ඉතුරු වුනා. ඒ වුනාට පොඩි කොස්සක් තියෙනවා. කෝ මේකේ ජයමාන්න මහත්තුරුන්ගේ මූණත් තහඩු. ඒවත් තිබ්බනං වැඩේ සම්පුර්ණයි. :)

    ReplyDelete

Post a Comment

Popular posts from this blog

ලෝකයේ වටිනාම මුද්දරය වෙන්දේසියට! දැනට ඇත්තේ ලෝකෙටම එකයි!

මුද්දර එකතු කිරීම (Philately) විනෝදාංශයක් වගේම හොඳ ආදායම් මාර්ගයක්. පුංචි වුණාට තැපැල් මුද්දරයක් කියන්නේ රටක ඉතිහාසය කියාපාන කැඩපතක්. රටකින් රටකට හොඳ හිත පතුරුවමින් යන සංස්කෘතික තානාපතිවරයෙක්!

ඒ වගේ පැරණි තැපැල් මුද්දරයක් එහි මුහුණත සඳහන් වටිනාකමට හුඟක් වැඩිවෙන වෙලාවල් තියෙනවා. එහෙම වෙන්නේ ඒවායේ ඇති දුලබකම නිසයි.

ඒ වගේ 1873 දී ලිපිගොනු ගොඩක් අස්සේ තිබී හමුවුණු පාවිච්චි කළ ශත එකේ තැපැල් මුද්දරයක් පසුව වෙළෙඳ පොළේ දී සිලිං හයකට විකුණුණා. බි‍්‍රතාන්‍ය ගයානාව (British Guiana) විසින් නිකුත් කළ ශත එකේ දම්පාට තැපැල් මුද්දරය (1c Magenta stamp) දැන් යළිත් වෙන්දේසිය සඳහා වෙළෙඳපොළට ඇවිත්. අද, වසර 141කට පසු, එයට මුද්දර වෙන්දේසියේ දී ඇමරිකන් ඩොලර් මිලියන 20ක මුදලක් ලැබේවි යැයි විශ්වාස කරනවා.

මෑතදී ‘ලොව වඩාත් වටිනාම මුද්දරය’ ලෙස හඳුන්වනු ලැබූ මේ පැති අටේ හැඩැති තැපැල් මුද්දරය 2014 ජූනි මාසයේ 17 වැනිදා ඇමරිකාවේ නිව්යෝක්හිදී ප‍්‍රසිද්ධ වෙන්දේසියේ විකිණීමට නියමිතයි.

මෙය දැනට ලෝකයේ සුරක්ෂිතව ඉතිරි වී ඇති මේ වර්ගයේ එකම මුද්දරය ලෙස සැලකෙනවා. මෙය නිකුත් කරන ලද්දේ 1856දියි. බි‍්‍රතාන්‍ය ගයානාවේ තැපැල් මහතා…

MH370 මැලේසියානු ගුවන්යාන අබිරහස! ලෝකයේ අබිරහස් ලෙස අතුරුදන් වුණු ගුවන්යානා 10 මෙන්න!

පසුගිය සතියේ (මාර්තු 8 වැනිදා) අතුරුදන් වූ පිසැරි අංක එම්එච්370 මැලේසියානු මගී ගුවන්යානයට වූ දේ තවමත් අබිරහසක්. රටවල් 10 ගුවන්යානා, නැව්, චන්ද්‍රිකා රැසක් මේ අබිරහස විසඳන්න තවමත් වෙහෙසෙනවා.

ඒත් මෙය දැනටමත් නොවිසඳෙන අබිරහසක් පත් වෙන ලකුණු පහළ වෙලා!

නස්රුදින්ගේ වේළීමේ රහස! අලුත්ම නස්රුදින් කතාවක්!

නස්රුදින්ගේ පොහොසත් මිතුරෙක් ඔහුට කතා කළා, ඒ මිතුරාත් ඔහුගේ පිරිසත් එක්ක දින කීපයක් තිස්සේ දඩයමේ යන්න. මුල් ම දවසේ ඔවුන් නස්රුදින්ට දුන්නෙ බොහොම හෙමින් යන අස්සයෙක්. දඩයමට යන්න පටන් අරන් වැඩි වේලාවක් ගියේ නෑ, හෙමින් ගිය අස්සයා නිසා නස්රුදින් හුඟක් පහුවුණා. නස්රුදින්ව පහු කරලා දාලා අනෙක් පිරිස ඈතට දඩයමේ ගියා.

ලොව පළමු සෙල් ෆෝනය මේකද? වසර 75ක් පැරණි පින්තූරයේ රහස හෙළි වෙයිද?

බලන්න මේ තරුණිය ජංගම දුරකතනයක් කනේ තියා ගෙන පාර දිගේ කතා කර කර යනවා! අද නම් මේ වගේ දසුනක් ගමක පාරක වුනත් ඔබ දැක ඇතුවාට සැකයක් නැහැ. ඒත් මේ දර්ශනය කැමරාවට නඟා ඇත්තේ මීට අවුරුදු 75කට පෙරයි!

1938 දී ඇමෙරිකාවේ වීදියක ගමන් කළ මේ යුවතියගේ අතට වර්තමානයේ අප පාවිච්චි කරනා තාලේ සෙල් ෆෝනයක් (ජංගම දුරකතනයක්) ආවෙ කොහොමද?

ඒ කාලයේ මේ වගේ දෙයක් නිපදවීම තියා මෙවැන්නක් ගැන හිතලවත් නොතිබුණා නම් මෙම දර්ශනය චිත‍්‍රපටයකට ගත් නිර්මාණයක්ද? සමහර අය කීවේ චිත‍්‍රපටය තුළින් අනාගතය දැකීමක් ලෙස මෙම දසුන සලකන්න පුළුවන් කියලයි. අනාගතය පරිකල්පනය කළ අවස්ථා චිත‍්‍රපටවල ඕනෑ තරම් තිබුණා. මේ වගේ

මේ රූප පෙළ මේ වන විට යූටියුබ් (YouTube) එක හරහා ලක්ෂ තුනකට වැඩි වාර ගණනක් සංසරණය වෙලා තියෙනවා. වර්ණ චිත‍්‍රපට එන්නට පෙරාතුව කළු සුදු ක‍්‍රමයට කැමරාවට නගන ලද මෙහි රහස පසුගිය දා හෙළි වුණා. මෙම තරුණිය තමාගේ මීමිත්තණිය යැයි යුටියුබ් ග‍්‍රාහකයෙක් හෙළි කළා.

අනාගතයට යාමක් ද? මෙහි දැක්වෙන්නේ ඇමරිකාවේ ඩුපොන්ට් ආයතනයෙන් පිට වී යන තරුණ සේවිකාවන් පිරිසක්. එයින් එක් තරුණියක් අතේ ඇති ජංගම දුරකතනයකින් කතා කරමින් යනවා ඔබට පෙනෙනවා ඇති. වසර 75කට ප…

දියණිය උපන් මොහොතේ පියා ගත් පින්තූරය අන්තර් ජාලය කළඹයි! වෛද්‍යවරයාගේ අතේ එල්ලී එළියට ආ ළදැරිය මෙන්න!

ජීවිතයේ විස්මිත මොහොතවල් ඡායාරූපයට නැඟීම වාසනාවත් එක්ක සිදු වන දෙයක්. එහෙම වාසනාවක් ලද මාපිය යුවලක් තමන් ගත් ජීවිතයේ අමතක නොවන පින්තූරය ‘මුහුණු පොතේ’ පළ කළා. මොහොතකින් එය අන්තර්ජාලය පුරා ‘කුණාටුවක්’ මෙන් හඹා ගියා.

මෙලොව එළිය දකින්න මොහොතකට පෙර පුංචි නෙවායි මව් කුස හිඳිමින් තම උදව්වට ආ වෛද්‍යවරයාගේ ඇඟිල්ලේ එල්ලූන හැටි!

හොල්මන් පින්තූර කතන්දර පෙළක්! මේවා දැකල බය වෙන්න එපා!

රාති‍්‍ර කාලයට අඳුරේ දී ඔබව බියපත් කරන හැම රටකටම, හැම සමාජයකම තියෙනවා. ඇත්තටම හොල්මන් තියෙනවා කියල ඔප්පු කරන්න හොල්මන්වල පින්තූර ගන්න අයත් ඉන්නවා. මේ ඒ විදියට ගත්තු පින්තූර පෙළක්!


අවුරුදු ගානක් තිස්සෙ විවිධ අවස්ථාවලදි ගත්තු පින්තූර තමයි, මේ තියෙන්නේ. මෙහි ඉන්නවා, ඝාතනය කළ වහල් සේවකයන්, රෝහල්වල වධබන්ධනවලට ලක්ව මියගිය රෝගීන්, අතීතයට එක් වූ මුහුදු නැවියන් ආදී නොයෙක් අය. මොවුන්ගේ හොල්මන් කතා අහපු බොහොම දෙනෙක් බියට පත් වුණා. තාමත් අහන අයගේ ඇඟ හිරි වැටෙනවා.

මුල්ම ඇපල් 1 පරිගණකය ලෝක වාර්තාවක් තියයිද? ඇපල් සමාගමේ ආරම්භය හෙළිකරන මෙතෙක් පළ නොවූ ඡායාරූපයක්!

ඇපල් පරිගණකය පටන් ගත් හැටි දැන් දකින කොටත් පුදුම හිතෙනවා. ඒ මුල් ම ඇපල් පරිගණකය අළෙවි කරන්න ගෙනියන්න පෙර පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුගිය දා ප‍්‍රථමවරට හෙළිදරවු වුණා.

මේ ඡායාරූපයට නගා තියෙන්නේ 1976 දියි. එතකොට ස්ටීව් ජොබ්ස්ට (Steve Jobs) වයස 21යි. ඔහුගේ මිතුරු ස්ටීව් වොස්නියැක් (Steve Wozniak) සමග එක්ව ඔවුන් දෙදෙනා මේ මුල්ම ඇපල් පරිගණක තැනුවේ ස්ටීව් ජොබ්ස්ගේ මාපියන්ගේ ගෙදර ගරාජයකයි. ඔවුන් ඒ තැනූ මූල් පරිගණක 50 තැන්පත් කරල තිබුණු ආකාරය දැක්වෙන මේ විරල ඡායාරූපය නිකුත් කරනු ලැබුවේ ලබන නොවැම්බර් 16 වැනිදා වෙන්දේසියට තැබෙන දැනට හොඳම තත්වයේ ඇති පැරණි ම ඇපල් පරිගණකය එළි දැක්වීම වෙනුවෙන්.

මෙය දැනට ලෝකයේ ඇති වටිනාම සන්නම ලෙස සැලකෙන ඇපල් පරිගණකයේ ආරම්භක තත්වය තේරුම ගන්නත් හොඳ අවස්ථාවක්. මේ සන්නමෙහි අද වටිනාකම පවුම් බිලියන 60ක්.

ඇපල් පරිගණකයේ ආරම්භය දැක්වෙන මේ කිසිදා එළියට නො පැමිණි ඡායාරූපයක්. ඒ මුල් ම ඇපල් පරිගණකය අළෙවි කරන්න ගෙනියන්න පෙර 1976 දී පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුග…

දුර්ලභ ගණයේ සේයා රුවක්! නවසීලන්තයේ ධීවරයකුගේ නවතම ගොදුරක්!

මෙය ලියැවෙන්නේ කලාතුරකින් හමු වන ඡායාරූපයක් ඔබ වෙත ඉදිරිපත් කරන්නයි. අන්තර් ජාලය පුරා මේ වන විටත් වැඩි දෙනකුගේ අවධානය දිනා ගෙන තියෙනවා.

මේ ඡායාරූපයෙන් කියැවෙන්නේ මිනීමරු සුදු මෝරකුගේ ඉරණම දැක්වෙන කතාවක්. පසුගිය සතියෙදි නවසීලන්තයේ මුහුදේදි ගත්තු එකක්.

මහා භූමිකම්පාවකින් පසු පාකිස්ථාන මුහුදෙන් මතු වූ ලෝකයේ අලූත් ම දූපත!

පසුගියදා පාකිස්ථානයේ ප‍්‍රබල භූමිකම්පාවක් ඇති වුණා. 7.8ක් වූ ඒ භූමිකම්පාවෙන් බලූකිස්ථානය අසල මුහුදේ අලූත් දූපතක් මතු වුණා. ලෝකයේ අලූත් ම දූපත එයයි.

සල්සාලා කෝහ් (Zalzala Koh) යනුවෙන් ඒ දූපත නම් කරලා තියෙනවා. දාල්බන්දින්වලට සැතැපම් 145ක් ගිනිකොන දෙසින් හටගත් මේ භූම්කම්පාව නිසා දැන් එය බලන්න සංචාරකයන් වගේම පාකිස්ථාන වැසියන් වැල නොකැඩි එනවා. ඒ දූපතටත් ගොඩ වෙනවා. ගිනිගන්නාසුලූ වායුව, විස දුම් ආදිය ඇති බව අනතුරු හැෙඟව්වත් ඒවා ගනන් නොගෙනයි, ඔවුන් එහි එන්නෙ.

ඒ දූපතේ පිපිරුණු මඩ, වැලි, ගල් මුසු බිම මත මුහුදු සතුන්ගේ මළ සිරුරු, විශේෂයෙන් ම මාළුන් මළකුණු පිරිලා තියෙනවා.

මෙන්න ලෝකයේ අලූත් ම දූපත අහසට පෙනෙන හැටි. මේ මඩ කන්ද මීටර් 15ක් 20ක් විතර උස ඇති. මිනිසුන්ට ඒ මත ඇවිද ගෙන යා හැකි තරමට එහි බිම ඝනකම් කියලයි, කියන්නෙ.

MH370 මැලේසියානු ගුවන්යාන අබිරහස : නියමුවාම යානය බලෙන් ගෙන ගියාද?

2014 මාර්තු 16 වැනිදා

අනතුරට පත් යානයේ නියමුවා වූ සහාරි අහමඞ් ෂා දේශපාලන උමතුවකින් පෙළෙන්නකු ලෙස දැන් සැක කරනවා. එම්එච්370 යානය නියමුවා ලෙස සේවයට වාර්තා කරන්නට පෙර ඔහු මැලේසියාවේ විරුද්ධ පක්ෂ නායකයා වූ අන්වර් ඒබ‍්‍රහම්ට එරෙහිව පැවති නඩු විභාගයට බලන්නට ගිය බවක් ෆෙඩරල් පරීක්ෂක නිලධාරින් කියනවා.