Skip to main content

ඇමරිකන් හමුදාවේ බිහිසුණු ලේසර් ට‍්‍රක් රථයට මිසයිල විතරක් නෙවෙයි ඕනෑම දෙයක් ඇසිල්ලකින් විනාශ කර දැමිය හැකියි!

මහ පොළොවේ යුද බිම්වල ගැටුම්වලට අලූත් තාක්ෂණයෙන් විවිධ දේ නිපදවෙනවා. ඒ අනුව එක්සත් ජනපද ආරක්ෂක අවි නිෂ්පාදන සමාගමක් නව අවියක් සහිත ගොඩබිම් රථයක් තනා තියෙනවා.

බෝයිං සමාගම කියන විදියට රෝද අටක් ඇති අශ්ව බල 500ක් ජවයක් සහිත මේ ට‍්‍රක් රථයේ සවි කර ඇති කිලෝවොට් 10ක විශේෂ ලේසර් මෙවලම මගින් ආලෝකයේ වේගයෙන් ප‍්‍රහාර එල්ල කරන්න පුළුවන්. සාමාන්‍ය හමුදා කණ්ඩයක් සමග ගෙන යා හැකි මෙම ට‍්‍රක් රිය අසාමාන්‍ය බලයක් ඇති එකක්.

සාමාන්‍ය වාහනයක් ලෙස පෙනුනත් මෙහි සවිකර ඇත්තේ මෙතෙක් අත්හදා බලා පවා නැති අධි බලැති ලේසරයක්. මේ ට‍්‍රක් රථය හඳුන්වා ඇත්තේ අධි බලැති ලේසර ජංගම නිදර්ශකය (The High Energy Laser Mobile Demonstrator - HEL MD) කියායි. එය දැන් ක්ෂේත‍්‍රයේ අත්හදා බැලීම්වලට සූදානම් කරලයි තියෙන්නෙ. ඒ ප‍්‍රහාරක අවිය කෙතරම් ප‍්‍රබල ද කියා අපට එවිට දැන ගත හැකිවේවි.

 
මේ නවීන ලේසර් යුද්ධ රථය අනාගතයේ යුද පිටිය භීතියෙන් පුරවාවි.

ඇමරිකානු හමුදා බොහෝ කල් ඉඳලා බලාපොරොත්තු වෙන් හිටියේ බිමින් යන වාහනයකට සවි කළ හැකි ලේසර් අවියක් නිපදවීම ගැනයි. එවැනි අවියකින් සතුරු මිසයිල ආලෝකයේ වේගයෙන් විනාශ කළ හැකියි. ඒත් ඒ කටයුත්තට අදාළ ව්‍යාපෘතිය නිම කිරීම බලාපොරොත්තු වුණාට වඩා ප‍්‍රමාද වුණා.

ඔවුන් බලාපොරොත්තු වෙනවා මේ නව අවිය, සතුරු රොකට් ප‍්‍රහාරවලින්, ෂෙල් වෙඩිවලින්, මිසයිලවලින්, දුරස්ථව මෙහෙය වන මිනිසුන් රහිත යානාවලින් එල්ල වන ප‍්‍රහාරවලින් ඔවුන්ගේ පාබල හමුදාව ආරක්ෂා කර දෙන්නට සමත් වේවි කියා.

ඇමරිකන් හා මිත‍්‍රපාක්ෂික හමුදා කණ්ඩවලට දැනට, සතුරු රොකට්, ෂෙල්වෙඩි හා මෝටාර්වලට එරෙහිව ඇත්තේ සීමිත විකල්ප කීපයක් විතරයි. කෙටි දුර මිසයිල අහසේ රැුඳෙන්නේ තත්පර කීපයක් විතරයි. ඒ නිසා එවායින් ගැලවෙන්න ආරක්ෂක ස්ථානවලට යන්නවත් ප‍්‍රතිමිසයිල ප‍්‍රහාරයක් එල්ල කරන්න තරම් වෙලාවක් ඉතිරි වන්නේ නැහැ. ප‍්‍රතිප‍්‍රහාර ලෙසින් කාලතුවක්කු හා බර අවි ප‍්‍රහාර විශාල වශයෙන් එල්ල කිරීමේ දී සහයට එන මිත‍්‍රපාක්ෂිකවලට හමුදාවලට හානි විය හැකි ඉඩකඩත් වැඩියි.

නමුත් මේ නව ලේසර් ධාරාව ආලෝකයේ වේගයෙන්, එනම් තත්පරයකට සැ. 186,000ක් වේගයෙන්, ඉතාම නිවැරදිව ඉලක්කයකට ක්ෂණිකව එල්ල කළ හැකිවීම නිසා අනාගත යුද බිමේ මේවා පෙරළියක් කරනු සිකුරුයි.

 
නව ලේසර් අවිය විහිදුවන හැටි සිත්තරකු දකින අයුරු.

බෝයිං ඍජු බලශක්ති පද්ධති ආයතනයේ උප සභාපති හා මෙම වැඩසටහනේ අධ්‍යක්ෂ මයික් රින් කියන්නේ, ”බෝයිං ආයතනයේ මේ නව ලේසර වැඩසටහන සඳහා යොදා ගෙන තියෙන්නෙ ඝන ද්‍රව්‍ය භාවිතයෙන් ලේසර් නිකුත් කරන තාක්ෂණයයි. එසේ කරන්න හේතුව රොකට්වලට, ෂෙල් වෙඩිවලට, මෝටාර් ප‍්‍රහාරවලට, ගුවනින් එන මිනිසුන් රහිත යානාවලින් කෙරෙන ප‍්‍රහාරවලට එරෙහිව ආලෝකයේ වේගයෙන් ආරක්ෂක පියවර ගැනීමට යුදහමුදාවට ඉඩ සලසා දෙන්නටයි.” කියායි.

”මේ නව පද්ධතියේ අධි බලැති ලේසර් ධාරාව මේ අංශයෙන් අප ලැබූ විශේෂ ප‍්‍රගතියක්” ඔහු වැඩි දුරටත් කියනවා.

මෙහි ක්ෂේත‍්‍රයේ කෙරෙන අත්හදා බැලීම් ආදියත් බෝයිං සමාගම සමග ඇමරිකානු හමුදාව ඇති කර ගෙන ඇති කොන්තරාත්තුවේ කොටසක්. ඒ වැඩසටහන් බාර නිලධාරි බ්ලේන් බියර්ඞ්ස්ලි කියන්නේ, ”දෙවැනි අදියරේදි අපට අවස්ථාව ලැබෙනවා අපත් ඇමරිකානු හමුදාවේ අභ්‍යවකාශ හා මිසයිල ආරක්ෂක අංශයත් එක්ව වසර ගණනාවක් තිස්සේ කළ මේ ශ්‍රේෂ්ඨ කාර්යයේ ප‍්‍රතිඵල පෙන්වා දෙන්න හැකි වෙනවා” කියලයි.

”අපේ කණ්ඩායම මහත් උද්යෝගයෙන් තමයි ඉන්නෙ, මේ පෙරළිකාර පද්ධතියට සටන් බිමේදී මිනිස් ජීවිත බේරා ගනිමින් සිය කාර්යය ඉටු කරදීමට ඇති හැකියාව පෙන්වා දෙන්නට මේ අවස්ථාව එනතෙක්.” ඔහු වැඩිදුරටත් කියනවා.

පෙන්ටගනයට බොහෝ කල් සිට ඕනැකමක් තිබුණා ලේසර් අවි නිපදවන්නට. ඒ විද්‍යා ප‍්‍රබන්ධ කතාවල නිතරම හමුවන ජනපි‍්‍රය අවියක් ලෙස එය නිපදවන්නට නෙවෙයි.

ලේසර් අවි තැනීමට යෝජනා කරන අය කියන්නේ ඇදහිය නොහැකි වේගයකින්, ඉතාමත් නිවැරදිව කි‍්‍රයා කිරීමට ඊට ඇති හැකියාවත්, සාපේක්ෂව ඇති අඩු වියදමත්, කෙළවරක් නැති අවි ආයුධ හා වෙඩි උණ්ඩ භාවිතය අඩු කිරීමට ඉන් ලැබෙන පිටිවහලත් නිසා ඒ අවි භාවිතය සුදුසු බවයි. ඒ සඳහා අවශ්‍ය එකම දෙය විදුලි බලය පමණයි.

ඒත් මෙය යුද බිමට සරිලන පරිදි සකසා ගැනීම පර්යේෂකයන්ට ලොකු අභියෝගයක් වුණා. මෙහිදී අවශ්‍ය වන සිසිල් කිරීම, කාර්යක්ෂමතාව වැඩි කිරීම හා භාවිතයට පහසු වන සේ ප‍්‍රමාණය කුඩා කිරීම ඒ අභියෝග අතර කැපී පෙනුණා.

මෑත කාලයේදී රේතියෝන් හා නෝර්ත්‍රොප් ග‍්‍රම්මන් වැනි වෙනත් ආරක්ෂක අවි නිපදවන්නන් නැව්වල සවි කොට ගුවන්යානා බිම හෙළන්නට හා කුඩා යාත‍්‍රා ආදිය විනාශ කරන්නට හැකි ආකාරයේ ලේසර් අවි තැනුවා.

ඇමරිකන් හමුදාව ලේසර් අවි ගැන අත්හදා බැලීම් ආරම්භ කළේ හැත්තෑ ගණන්වල සිටයි. ඒත් මෑත වසර කීපය තුළ තමයි, අධි බලැති ලේසර් කිරණ අවියක් ලෙස නිසි ආකාරයට භාවිත කිරීමේ හැකියාව ඇති කර ගැනීමට පුළුවන් වුණේ.

කලින් පැවති ක‍්‍රමවල දී මෙසේ යොදා ගත්තේ රසායනික පදනම් කර ගත් ලේසර් කිරණ වූ බැවින් එහි අතුරු ප‍්‍රතිඵලයක් හැටියට අපද්‍රව්‍ය ලෙස මාරක වායු වර්ග නිකුත් කෙරුණා. බොහෝම මෑතකදී විද්‍යාඥයන් විසින් ඝන ද්‍රව්‍ය පදනම් කර ගත් ලේසර් කිරණ සංවර්ධනය කරනු ලැබීම නිසා සුසංගත කිරණ ධාරා ජනනය කළ හැකි ක‍්‍රම රාශියක් බිහිවුණා. ඒ ආලෝක විමෝචන දියෝඩය (LED) වැනි ඒවායි.

බෝයිං ආයතනය නිපදවා ඇති මේ කි.වෝ. 10 ලේසර දහර පෙන්ටගනය අපේක්ෂා කරන මට්ටමටම නැතත් මෙය කි.වෝ. 100 දක්වා වැඩි දියුණු කර ගත හැකි වෙතැයි ඔවුන් විශ්වාස කරනවා. බෝයිං සමාගම කියන්නේ ඔවුන්ගේ මේ පද්ධතියට අනාගතයේදී මෙයට වඩා ප‍්‍රබල ලේසර් දහරක් නිකුත් කළ හැකි වැඩි දියුණු කළ උපකරණ සවි කළ හැකි බවයි.

තවත් අලූත් අවියක්! ‘කමිකසේ’ බමර යානයක්!

මෙය ගමන්මල්ලක් තරම් ප‍්‍රමාණයේ එකක්. ‘කමිකසේ’ බමර යානයක් කියන්නේ මරාගෙන මැරෙන මෙහෙයුමකට යැවිය හැකි මිනිසුන් රහිත ගුවන් යානයක්. එයින් සැතැපුම් 6ක් ඈතට ප‍්‍රහාර එල්ල කළ හැකියි.

ජපන් බසින් කමිකසේ (Kamikaze) යන්නෙහි අරුත ‘දෙවියන්ගේ සුළඟ’ යි. දෙවන ලෝක යුද සමයේ යුද නැව් විනාශ කරන්නට බෝම්බ හා පුපුරන ද්‍රව්‍ය රැගෙන ඒවා වෙත කඩා පිනූ ගුවන් යානා ප‍්‍රහාර යොදා ගත් උපක‍්‍රමයයි. මෙහිදී ගුවන් නියමුවකු මරාගෙන මැරෙයි.

එහෙත් මේ නව ඇමරිකන් කමිකසේ බමර යානාවල (Drones) නියමුවන් නැත. මේවා දුරස්ථව පාලනය කළ හැකි සෙල්ලම් ගුවන් යානාවලට සමානය. ප‍්‍රබල පුපුරන ද්‍රව්‍ය රැගත් මේවා සැතැපුම් 6ක් තරම් දුරක ඇති ඉලක්කයකට යැවිය හැකියි. සතුරු පිරිස්, යානා, ගොඩනැගිලි ආදිය අතරට ගොස් ඒවා පුපුරා විනාශ කිරීමේ හැකියාව මේ බමර යානාවලට තියෙනවා.

ගුවනින් මාරක ප‍්‍රහාර එල්ල කළ හැකි කුඩා ප‍්‍රමාණයේ පද්ධති (Lethal Miniature Aerial Munition System - LMAMS) කියා හැඳින්වෙන මේවා 2016දී යුද බිමට එක් කිරීමට ඇමරිතාව බලාපොරොත්තු වෙනවා. ‘අතේ ගෙන යා හැකි’ යුද ශීර්ෂයක් රැගත් මෙම අවිය මගින් ස්ථායී ඉලක්කයක් හෝ වාහනයකින් යන පුද්ගලයකු නිශ්චිතව විනාශ කළ හැකියි.

පිටුපස එල්ලා ගෙන යන ගමන්මල්ලක දැමිය හැකි බරින් රාත්තල් පහකට අඩු මෙම යානය ඉලක්කයක් තෝරා ගත් පසු මිනිත්තු දෙකක් ඇතුළත ප‍්‍රහාරයක් සඳහා යැවිය හැකියි.

ඉලක්කයකට එල්ල කළ පසු මේ යානයට මිනිත්තු 15ත් 30ත් අතර කාලයකදී සැතැපුම් 6ක් පමණ දුර එල්ලයක් සොයා යා හැකියි.



Comments

Post a Comment

Popular posts from this blog

ලෝකයේ වටිනාම මුද්දරය වෙන්දේසියට! දැනට ඇත්තේ ලෝකෙටම එකයි!

මුද්දර එකතු කිරීම (Philately) විනෝදාංශයක් වගේම හොඳ ආදායම් මාර්ගයක්. පුංචි වුණාට තැපැල් මුද්දරයක් කියන්නේ රටක ඉතිහාසය කියාපාන කැඩපතක්. රටකින් රටකට හොඳ හිත පතුරුවමින් යන සංස්කෘතික තානාපතිවරයෙක්!

ඒ වගේ පැරණි තැපැල් මුද්දරයක් එහි මුහුණත සඳහන් වටිනාකමට හුඟක් වැඩිවෙන වෙලාවල් තියෙනවා. එහෙම වෙන්නේ ඒවායේ ඇති දුලබකම නිසයි.

ඒ වගේ 1873 දී ලිපිගොනු ගොඩක් අස්සේ තිබී හමුවුණු පාවිච්චි කළ ශත එකේ තැපැල් මුද්දරයක් පසුව වෙළෙඳ පොළේ දී සිලිං හයකට විකුණුණා. බි‍්‍රතාන්‍ය ගයානාව (British Guiana) විසින් නිකුත් කළ ශත එකේ දම්පාට තැපැල් මුද්දරය (1c Magenta stamp) දැන් යළිත් වෙන්දේසිය සඳහා වෙළෙඳපොළට ඇවිත්. අද, වසර 141කට පසු, එයට මුද්දර වෙන්දේසියේ දී ඇමරිකන් ඩොලර් මිලියන 20ක මුදලක් ලැබේවි යැයි විශ්වාස කරනවා.

මෑතදී ‘ලොව වඩාත් වටිනාම මුද්දරය’ ලෙස හඳුන්වනු ලැබූ මේ පැති අටේ හැඩැති තැපැල් මුද්දරය 2014 ජූනි මාසයේ 17 වැනිදා ඇමරිකාවේ නිව්යෝක්හිදී ප‍්‍රසිද්ධ වෙන්දේසියේ විකිණීමට නියමිතයි.

මෙය දැනට ලෝකයේ සුරක්ෂිතව ඉතිරි වී ඇති මේ වර්ගයේ එකම මුද්දරය ලෙස සැලකෙනවා. මෙය නිකුත් කරන ලද්දේ 1856දියි. බි‍්‍රතාන්‍ය ගයානාවේ තැපැල් මහතා…

MH370 මැලේසියානු ගුවන්යාන අබිරහස! ලෝකයේ අබිරහස් ලෙස අතුරුදන් වුණු ගුවන්යානා 10 මෙන්න!

පසුගිය සතියේ (මාර්තු 8 වැනිදා) අතුරුදන් වූ පිසැරි අංක එම්එච්370 මැලේසියානු මගී ගුවන්යානයට වූ දේ තවමත් අබිරහසක්. රටවල් 10 ගුවන්යානා, නැව්, චන්ද්‍රිකා රැසක් මේ අබිරහස විසඳන්න තවමත් වෙහෙසෙනවා.

ඒත් මෙය දැනටමත් නොවිසඳෙන අබිරහසක් පත් වෙන ලකුණු පහළ වෙලා!

නස්රුදින්ගේ වේළීමේ රහස! අලුත්ම නස්රුදින් කතාවක්!

නස්රුදින්ගේ පොහොසත් මිතුරෙක් ඔහුට කතා කළා, ඒ මිතුරාත් ඔහුගේ පිරිසත් එක්ක දින කීපයක් තිස්සේ දඩයමේ යන්න. මුල් ම දවසේ ඔවුන් නස්රුදින්ට දුන්නෙ බොහොම හෙමින් යන අස්සයෙක්. දඩයමට යන්න පටන් අරන් වැඩි වේලාවක් ගියේ නෑ, හෙමින් ගිය අස්සයා නිසා නස්රුදින් හුඟක් පහුවුණා. නස්රුදින්ව පහු කරලා දාලා අනෙක් පිරිස ඈතට දඩයමේ ගියා.

ලොව පළමු සෙල් ෆෝනය මේකද? වසර 75ක් පැරණි පින්තූරයේ රහස හෙළි වෙයිද?

බලන්න මේ තරුණිය ජංගම දුරකතනයක් කනේ තියා ගෙන පාර දිගේ කතා කර කර යනවා! අද නම් මේ වගේ දසුනක් ගමක පාරක වුනත් ඔබ දැක ඇතුවාට සැකයක් නැහැ. ඒත් මේ දර්ශනය කැමරාවට නඟා ඇත්තේ මීට අවුරුදු 75කට පෙරයි!

1938 දී ඇමෙරිකාවේ වීදියක ගමන් කළ මේ යුවතියගේ අතට වර්තමානයේ අප පාවිච්චි කරනා තාලේ සෙල් ෆෝනයක් (ජංගම දුරකතනයක්) ආවෙ කොහොමද?

ඒ කාලයේ මේ වගේ දෙයක් නිපදවීම තියා මෙවැන්නක් ගැන හිතලවත් නොතිබුණා නම් මෙම දර්ශනය චිත‍්‍රපටයකට ගත් නිර්මාණයක්ද? සමහර අය කීවේ චිත‍්‍රපටය තුළින් අනාගතය දැකීමක් ලෙස මෙම දසුන සලකන්න පුළුවන් කියලයි. අනාගතය පරිකල්පනය කළ අවස්ථා චිත‍්‍රපටවල ඕනෑ තරම් තිබුණා. මේ වගේ

මේ රූප පෙළ මේ වන විට යූටියුබ් (YouTube) එක හරහා ලක්ෂ තුනකට වැඩි වාර ගණනක් සංසරණය වෙලා තියෙනවා. වර්ණ චිත‍්‍රපට එන්නට පෙරාතුව කළු සුදු ක‍්‍රමයට කැමරාවට නගන ලද මෙහි රහස පසුගිය දා හෙළි වුණා. මෙම තරුණිය තමාගේ මීමිත්තණිය යැයි යුටියුබ් ග‍්‍රාහකයෙක් හෙළි කළා.

අනාගතයට යාමක් ද? මෙහි දැක්වෙන්නේ ඇමරිකාවේ ඩුපොන්ට් ආයතනයෙන් පිට වී යන තරුණ සේවිකාවන් පිරිසක්. එයින් එක් තරුණියක් අතේ ඇති ජංගම දුරකතනයකින් කතා කරමින් යනවා ඔබට පෙනෙනවා ඇති. වසර 75කට ප…

දියණිය උපන් මොහොතේ පියා ගත් පින්තූරය අන්තර් ජාලය කළඹයි! වෛද්‍යවරයාගේ අතේ එල්ලී එළියට ආ ළදැරිය මෙන්න!

ජීවිතයේ විස්මිත මොහොතවල් ඡායාරූපයට නැඟීම වාසනාවත් එක්ක සිදු වන දෙයක්. එහෙම වාසනාවක් ලද මාපිය යුවලක් තමන් ගත් ජීවිතයේ අමතක නොවන පින්තූරය ‘මුහුණු පොතේ’ පළ කළා. මොහොතකින් එය අන්තර්ජාලය පුරා ‘කුණාටුවක්’ මෙන් හඹා ගියා.

මෙලොව එළිය දකින්න මොහොතකට පෙර පුංචි නෙවායි මව් කුස හිඳිමින් තම උදව්වට ආ වෛද්‍යවරයාගේ ඇඟිල්ලේ එල්ලූන හැටි!

හොල්මන් පින්තූර කතන්දර පෙළක්! මේවා දැකල බය වෙන්න එපා!

රාති‍්‍ර කාලයට අඳුරේ දී ඔබව බියපත් කරන හැම රටකටම, හැම සමාජයකම තියෙනවා. ඇත්තටම හොල්මන් තියෙනවා කියල ඔප්පු කරන්න හොල්මන්වල පින්තූර ගන්න අයත් ඉන්නවා. මේ ඒ විදියට ගත්තු පින්තූර පෙළක්!


අවුරුදු ගානක් තිස්සෙ විවිධ අවස්ථාවලදි ගත්තු පින්තූර තමයි, මේ තියෙන්නේ. මෙහි ඉන්නවා, ඝාතනය කළ වහල් සේවකයන්, රෝහල්වල වධබන්ධනවලට ලක්ව මියගිය රෝගීන්, අතීතයට එක් වූ මුහුදු නැවියන් ආදී නොයෙක් අය. මොවුන්ගේ හොල්මන් කතා අහපු බොහොම දෙනෙක් බියට පත් වුණා. තාමත් අහන අයගේ ඇඟ හිරි වැටෙනවා.

මුල්ම ඇපල් 1 පරිගණකය ලෝක වාර්තාවක් තියයිද? ඇපල් සමාගමේ ආරම්භය හෙළිකරන මෙතෙක් පළ නොවූ ඡායාරූපයක්!

ඇපල් පරිගණකය පටන් ගත් හැටි දැන් දකින කොටත් පුදුම හිතෙනවා. ඒ මුල් ම ඇපල් පරිගණකය අළෙවි කරන්න ගෙනියන්න පෙර පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුගිය දා ප‍්‍රථමවරට හෙළිදරවු වුණා.

මේ ඡායාරූපයට නගා තියෙන්නේ 1976 දියි. එතකොට ස්ටීව් ජොබ්ස්ට (Steve Jobs) වයස 21යි. ඔහුගේ මිතුරු ස්ටීව් වොස්නියැක් (Steve Wozniak) සමග එක්ව ඔවුන් දෙදෙනා මේ මුල්ම ඇපල් පරිගණක තැනුවේ ස්ටීව් ජොබ්ස්ගේ මාපියන්ගේ ගෙදර ගරාජයකයි. ඔවුන් ඒ තැනූ මූල් පරිගණක 50 තැන්පත් කරල තිබුණු ආකාරය දැක්වෙන මේ විරල ඡායාරූපය නිකුත් කරනු ලැබුවේ ලබන නොවැම්බර් 16 වැනිදා වෙන්දේසියට තැබෙන දැනට හොඳම තත්වයේ ඇති පැරණි ම ඇපල් පරිගණකය එළි දැක්වීම වෙනුවෙන්.

මෙය දැනට ලෝකයේ ඇති වටිනාම සන්නම ලෙස සැලකෙන ඇපල් පරිගණකයේ ආරම්භක තත්වය තේරුම ගන්නත් හොඳ අවස්ථාවක්. මේ සන්නමෙහි අද වටිනාකම පවුම් බිලියන 60ක්.

ඇපල් පරිගණකයේ ආරම්භය දැක්වෙන මේ කිසිදා එළියට නො පැමිණි ඡායාරූපයක්. ඒ මුල් ම ඇපල් පරිගණකය අළෙවි කරන්න ගෙනියන්න පෙර 1976 දී පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුග…

දුර්ලභ ගණයේ සේයා රුවක්! නවසීලන්තයේ ධීවරයකුගේ නවතම ගොදුරක්!

මෙය ලියැවෙන්නේ කලාතුරකින් හමු වන ඡායාරූපයක් ඔබ වෙත ඉදිරිපත් කරන්නයි. අන්තර් ජාලය පුරා මේ වන විටත් වැඩි දෙනකුගේ අවධානය දිනා ගෙන තියෙනවා.

මේ ඡායාරූපයෙන් කියැවෙන්නේ මිනීමරු සුදු මෝරකුගේ ඉරණම දැක්වෙන කතාවක්. පසුගිය සතියෙදි නවසීලන්තයේ මුහුදේදි ගත්තු එකක්.

මහා භූමිකම්පාවකින් පසු පාකිස්ථාන මුහුදෙන් මතු වූ ලෝකයේ අලූත් ම දූපත!

පසුගියදා පාකිස්ථානයේ ප‍්‍රබල භූමිකම්පාවක් ඇති වුණා. 7.8ක් වූ ඒ භූමිකම්පාවෙන් බලූකිස්ථානය අසල මුහුදේ අලූත් දූපතක් මතු වුණා. ලෝකයේ අලූත් ම දූපත එයයි.

සල්සාලා කෝහ් (Zalzala Koh) යනුවෙන් ඒ දූපත නම් කරලා තියෙනවා. දාල්බන්දින්වලට සැතැපම් 145ක් ගිනිකොන දෙසින් හටගත් මේ භූම්කම්පාව නිසා දැන් එය බලන්න සංචාරකයන් වගේම පාකිස්ථාන වැසියන් වැල නොකැඩි එනවා. ඒ දූපතටත් ගොඩ වෙනවා. ගිනිගන්නාසුලූ වායුව, විස දුම් ආදිය ඇති බව අනතුරු හැෙඟව්වත් ඒවා ගනන් නොගෙනයි, ඔවුන් එහි එන්නෙ.

ඒ දූපතේ පිපිරුණු මඩ, වැලි, ගල් මුසු බිම මත මුහුදු සතුන්ගේ මළ සිරුරු, විශේෂයෙන් ම මාළුන් මළකුණු පිරිලා තියෙනවා.

මෙන්න ලෝකයේ අලූත් ම දූපත අහසට පෙනෙන හැටි. මේ මඩ කන්ද මීටර් 15ක් 20ක් විතර උස ඇති. මිනිසුන්ට ඒ මත ඇවිද ගෙන යා හැකි තරමට එහි බිම ඝනකම් කියලයි, කියන්නෙ.

MH370 මැලේසියානු ගුවන්යාන අබිරහස : නියමුවාම යානය බලෙන් ගෙන ගියාද?

2014 මාර්තු 16 වැනිදා

අනතුරට පත් යානයේ නියමුවා වූ සහාරි අහමඞ් ෂා දේශපාලන උමතුවකින් පෙළෙන්නකු ලෙස දැන් සැක කරනවා. එම්එච්370 යානය නියමුවා ලෙස සේවයට වාර්තා කරන්නට පෙර ඔහු මැලේසියාවේ විරුද්ධ පක්ෂ නායකයා වූ අන්වර් ඒබ‍්‍රහම්ට එරෙහිව පැවති නඩු විභාගයට බලන්නට ගිය බවක් ෆෙඩරල් පරීක්ෂක නිලධාරින් කියනවා.