Skip to main content

සැතැපුම් 23ක් උඩුගුවනේ සිට පහළ පනින්න යන ‘ෆියර්ලස් ෆීලික්ස්'!

පුංචි වැරැද්දක් වුනොත් ඇෙඟ් ලේ නටනවා! මොළේ පුපුරනවා! උඩුගුවන අද්දර සිට පනින්නේ ඔක්. 9 වැනි අඟහරුවාදා (සුළෙඟ් වෙනසක් වුණොත් කල් යාවි). වසර පහක් තිස්සේ මේ යස්ස පිම්මට පුහුණු වුණා.

මේ විස්මිත හපන්කම කරන්න යන්නේ ඕස්ටි‍්‍රයානු ජාතික ෆීලික්ස් බෝම්ගාට්නර් (Felix Baumgartner). ඔහු මේ පිම්ම පනින්න කලින් සිතා සිටියේ මේ සඳුදායි. ඒත් හදිසියේ ඇති වූ ශීතල කාලගුණ තත්වයත්, සුළං අධික තත්වයත් නිසා මේ විස්මිත ගුවන් කරණම අඟහරුවාදට කල් දැම්මා. මේ පැනීම කළ හැක්කේ බිම් මට්ටමේ සුළං තත්වය පැ.හැ. 2කකට අඩු වුණොත් පමණයි.

 
ෆීලික්ස් ලබන බදාදා පෘථිවි වායුගෝලයේ අද්දර උඩුගුවනේ සිට බිමට පනින්නයි හදන්නේ මේ විදියටයි.

ඔහු පිම්ම පනින්න යන්නේ වායුගෝලයේ සැතැපුම් 23ක් ඉහළ එහි අද්දර සිට පීඩන ඇඳුම් කට්ටලයක් හා පැරචූටයක් විතරක් යොදා ගෙනයි. ඔහු එහි යන්නේ ලොව මෙතෙක් තැනූ විශාලතම බැලූනයෙන්.

මේ පිම්මට ගත වන්නේ හරියටම මිනිත්තු විස්සයි. මිනිත්තු 20කට පස්සේ අපට දැන ගන්න පුළුවන් මේ නිර්භීත ඔස්ටි‍්‍රයානුවා ලෝක ඉතිහාසයේ ප‍්‍රථම වතාවට ඉහළම තැන සිට පැන ශබ්දයේ වේගය ඉක්මවමින් ලොව වැඩිම වේගයෙන් නිදහස් ආරේ ගුවන් කරණමක යෙදුනු ප‍්‍රථම මිනිසා වීමේ ගෞරවය හිමි කර ගත්තාද නැද්ද යන්න කියා.

කිසියම් වරදක් සිදුවුවහොත් වසර පහක් තිස්සේ පුහුණු වෙමින් කළ සැලසුම් අපතේ යනවා පමණක් නොව ඔහුට ඛේදනීය අවසානයක් කරා යන්නට සිදුවෙනවා. ජීවිතයත් මරණයත් අතර කරන මේ අභීත කි‍්‍රයාව වැරදී යා හැකි අවස්ථා ඉතා වැඩියි.

ෆීලික්ස්ගේ මේ ව්‍යාපෘතියේ අධ්‍යක්ෂවරයා කියන්නේ මේක හරියට බිහිසුණු ත‍්‍රාසජනක චිත‍්‍රපටයක් වගෙයි. ඔහුගේ ඇගේ ලේ රත්වී නටන, මොළය පුපුරා ඇස් ගුළි පිටතට විසිවී යන අවස්ථාවකටයි, ඔහු මේ මුහුණ දෙන්නේ. මෙය ලොවපුරා හැම දෙනාටම අන්තර් ජාලය ඔස්සේ නරඹන්න පුළුවන්.

මේ විස්මිත කාර්යය සඳහා 43 හැවිරිදි ෆීලික්ස් බෝම්ගාට්නර් වසර 20ක් තිස්සේ සිහින මැව්වා වි.රක් නොවෙයි, මිනිසාට කළ හැකි විවිධ වික‍්‍රමාන්විත කි‍්‍රයාවල යෙදෙමින් පුහුණු වුණා. මේ විශේෂ පිම්ම සඳහා වෙනමම වසර 5ක් පුහුණු වුණා. ඔහු විතරක් නෙවෙයි, ඉංජිනේරුවන්, වෛද්‍යවරුන්, ගුවන් නියමුවන් ඇතුළු පිරිසක් ද මේ වසර පහ තිස්සේම ඔහුගේ කටයුත්තට සහය වුණා. ඔහුගේ මේ පිම්ම සාර්ථක කර ගෙන නිරුපද්‍රිතව පොළොවට ඒමට හැකි වන ලෙස සියල්ල පිළියෙල කර දීම ඔවුන්ගේ එකම අරමුණ වුණා.

ඒ උදවු වුණු පිරිස අතර වඩාත් කැපීපෙනෙන අයෙක් තමා වෛද්‍ය ජොනතන් ක්ලාක්. මේ මෙහෙයුමේ වෛද්‍ය අධ්‍යක්ෂවරයා. ඔහු නාසා ආයතනයේ පියසැරි ශල්‍ය වෛද්‍යවරයෙක්. 2003 දී කොලම්බියා අභ්‍යවකාශ ෂටලය ටෙක්සාස් අහසේ දී විනාශ වී ගිය අවස්ථාවේ එහි සිටි අභ්‍යවකාශගාමිනියක වූ ඔහුගේ බිරිඳත් එයින්ම මිය ගියා. එදා පටන් ඔහුගේ මුළු ජීවිතයම කැප කර තිබුණේ ඉහළ අහසේ සිදුවිය හැකි එවැනි අනතුරුවලින් අභ්‍යවකාශගාමීන් මුදා ගැනීම සඳහා අභ්‍යවකාශ යානාවල තත්වය වැඩි දියුණු කර ලීමටයි.

”මට හොඳටම විශ්වාසයි, ඔහු මෙය සාර්ථකව කරනවා. ඒත් ඔබ දන්නවා නේ, මේ කටයුත්ත මීට කලින් කවුරුවත් කරල නෑනෙ. ඒ නිසා මොනව වේවිද කියල කියන්න බැහැ.” ආචාර්ය ක්ලාක් කියනවා.

ෆීලික්ස් බෝම්ගාට්නර් කියන්නේ හොලිවුඞ් පුරයේ ප‍්‍රකට කියාදාම නළුවෙක්. ඔහුගේ අතේ කොටා ඇති පච්චයේ සඳහන් වන්නේ ‘උපන්නෙම පියාඹන්නයි’ යන අරුත් ඇති Born To Fly කියලයි. ඔහුගේ උදවුකාරයන්ට හරිම විශ්වාසයි ඔහු මෙය කරන බවට. ඔවුන් මෙය කැමරාවට නඟනවා ඔබට බලන්න YouTube එකට දමන්න.

 
ඕස්ටි‍්‍රයානු ජාතික ෆීලික්ස් බෝම්ගාට්නර්

 
ඕස්ටි‍්‍රයානු ජාතික ෆීලික්ස් බෝම්ගාට්නර් සැතැපුම් 23ක් ඉහළ අහසේ පනින හැටි!

(1). යෝධ හීලියම් බැලූමකින් පැය 3ක් තිස්සේ ඉහළට යනවා.

(2). බැලූනය යට ඇති කැප්සියුලයෙන් ෆීලික්ස් එළියට විත් පනිනවා.

(3). ඔහු පැ.හැ. 690ක වේගයෙන් මිනිත්තු 20ක් තිස්සේ පහළට එනවා.

(4). ඔහුගේ විශෙෂ පීඩන ඇඳුම සෙල්සියස් -70 උෂ්ණත්වයකට මුහුණ දෙනු ඇත. පරචූට් කට්ටලයේ ඔක්සිජන් ඇත්තේ මිනිත්තු 20කට පමණය.

(5). ඔහුගේ පැරචූටය ඇරෙන්නේ අඩි 5000ක් උසට ආ විටයි.

ෆීලික්ස් කියන්නේ මෙය තමාට කළ හැකි දෙයක් නිසා කරන බවයි. ඔහුට මැරෙන්න ආසාවක් නැතැයි කියන ඔහු කියන්නේ තමා පැ.හැ.700ක වේගයෙන් පොළොව කරා එන විට එය නොබලා බියෙන් දෑත්වලින් ඇස් වසා ගන්නා අය ගුවන්කරණම්කරුවකුගේ හැකියාව අවතක්සේරු කළ අය කියලයි.

මෙවැනි වීර වික‍්‍රමාන්විත කි‍්‍රයා ‘ෆියර්ලස් ෆීලික්ස්’ට අලූත් දේවල් නෙවෙයි. ඔහු වික‍්‍රමාන්විත කි‍්‍රයාවල යෙදෙන්නේ වසර ගණනාවක් තිස්සෙයි. ඔහු අහස් යානාවලින්, අහස් කුස සූරන මැඳුරුවලින් නොයෙක් වර බිමට පැන්නා. එවැනි ගුවන් පිමි ගණන විතරක් 2,500කට වැඩියි. වතාවක් ඔහු ප‍්‍රථම වතාවට කාබන්-ෆයිබර් පියාපත් දෙකක් සවිකර ගෙන ඉංගී‍්‍රසි ඕඩය හරහා පියාසර කළා. ඒ හැරෙන්නට බ‍්‍රසීලයේ රියෝ නගරයේ කි‍්‍රස්තු ප‍්‍රතිමාව මුදුනේ සිට පහළ පැන්නා. ක්‍රොයේෂියාවේ දී අඩි 620ක් ගැඹුරු අඳුරු ගුහාවකට පැන්නා.

මේ ඔහුගේ අන්තිම පිම්මයි. ඔහුගේ වීර වික‍්‍රමාන්විත ‘චාරිකාවේ’ අවසානය මෙයයි. මෙයින් පසු ඔහු සිය සහකාරිය සමග තැන්පත්ව නිදහස් ජිවිතයක් ගත කරන්න බලාපොරොත්තු වෙනවා. ඒ අතර අවශ්‍ය විට ගැලවීමේ හෙලිකොප්ටර් නියමවකු ලෙස සිය සේවාව ලබා දෙන්න ඔහු අපේක්ෂා කරනවා.

මේ අවසන් සන්දර්ශනයට පෙර උච්ච අවකාශයේ සිට පෙරහුරු පිමි දෙකක් ඔහු පැන්නා. පසුගිය ජූලි මාසයේ අඩි 96,640ක් ඉහළ සිට පැන්නා. එය 1960 දී ඇමරිකානු ගුවන්හමුදා නියමුවකු වූ ජෝ කිටින්ගර් තැබූ ලෝකවාර්තාවට වඩා අඩි 6000ක් අඩුවෙන්.

‘ස්තරගෝලයේ ගුවන්කරණම් පියා’ ලෙස සැලකෙන දැනට 84 හැවිරිදි කර්නල් කිටින්ගර් තමයි, ෆීලික්ස්ගේ ලොකුම වීරයා. ඒ වගේ ඔහු මෙහිදී ඔහුගේ උපදේශකයාද වෙනවා. ඔහුත් ඕස්ටි‍්‍රයානුවෙක්.

 
මාර්තුවේ සිදු කළ අත්හදා බැලීමේ ගුවන් කරණම සඳහා පිටත් වීමට පෙර කැප්සියුලයට නැඟ ෆීලික්ස් ආචාර කළ අන්දම.

”ඒ තරම් ඉහළක දී ඔබේ සිරුර ඇතුළේ ඇති අවයව එළියට පනින්න වගේ හදනවා.” පැරණි හමුදා පැරචූට්කරුවකු වූ කර්නල් කිටින්ගර් කියනවා.

ඒකට පිළිතුරු වශයෙන් පවුම් 125,000ක් වැය කොට විශේෂ ඇඳුම් කට්ටලයක් මේ කටයුත්තට තනා තියෙනවා. ඒකෙ ඇතුළතට දරුණු උෂ්ණත්වයක් වුවත් ද දරන්න පුළුවන්. වායුරෝධක ඇතුළත ස්තරය පීඩනයට ලක් කළ ඔක්සිජන්වලින් පුරවනවා.

අභ්‍යවකාශගාමීන් පලඳින ඇඳුම් කට්ටලයට වඩා මෙය වෙනස් වන්නේ එය සම්පූර්ණයෙන්ම පීඩනය ඇති විට අතිශයින් නම්‍යශීලී වීමයි.

ෆීලික්ස්ගේ ශීර්ෂාවරණයේ වයිසරයේ මුණතේ මීදුම හෝ තුහින හෝ බැඳීම වළක්වන්නට ප‍්‍රබල තාප නියාමකයක් සවිකර තියෙනවා,

මේ ඇඳුම් කට්ටලයේ පපු ආවරණ කොටසේ විශේෂ ආවේක්ෂණ උපකරණ සමග හඬ සම්පේ‍්‍රෂකයක් සවි කර තියෙනවා. පහළට එන විට ඔහුට ඒකෙන් පාලක මැදිරියට කතා කරන්න පුළුවන්. ඊට අමතරව ඔහුගේ මැණික් කටුවේ සවි කළ මෙවලමක් ආවරණ කොටසට යා වී තියෙනවා. එයින් ඔහුගේ වේගය හා ඔහු සිටින උස ඔහුට දැන ගන්න පුළුවන්.

ඔහු උඩුගුවන නඟින කැප්සියුලය අඩි 11ක් උස අඩි 8ක් විෂ්කම්භයක් ඇති එකක්. ෆයිබර් ග්ලාස් යොදා ලෝහ රාමුවකින් සවි ගන්වන ලද එකක්. ෆෝක්ස්වාගන් බීට්ල් රියක් තරම් බර ඇති.

 
රෙඞ් බුල් ස්ට‍්‍රැටෝස් විද්‍යා කණ්ඩායම තහවුරු කළා ෆීලික්ස් ඔහුගේ පිම්ම සඳහා උඩුගුවන අද්දරට ගෙන යන කැප්සියුලය සූදානම් බව.

මේ කැප්සියුලය සැලසුම් කර ඇත්තේ ඉහළ ආකාශයේ යන ඇමරිකානු රහස් බෝම්බහාරක යානය නිර්මාණය කළ පිරිසමයි. මෙහි නිර්මාණය නාසා ආයතනයේ සුප‍්‍රකට ඇපලෝ රොකට්ටුවේ කුටිය අනුව යමින් කළ එකක්.

මෙහි පිටවෙන දොරටුව ප‍්‍රමාණයට වඩා ටිකක් ලොකුයි. එයට හේතුව 1962 දී ඉහළ අහසේ සිට පනින්න ගොස් අනතුරුට පත් රුසියානු ගුවන්කරණම්කරු පියෝටර් ඩොල්ගෝෆ්ට වූ දේ වැනි දෙයක් නොසිදුවීම සඳහායි. ඔහු එදා කැප්සියුලයේ කුඩා දොරෙන් එළියට ඒමට තැත් කරද්දී හිස් වැස්ම ඒ කඩා දොරේ වැදී වයිසරයේ පුංචි පැල්මක් ඇති වුණා.

ඒ නිසා ඔහු බිමට එන විට මියගොස් සිටියා. ඔහුගේ සිරුරේ ලේ රත්වෙලා උතුරලා බුබුළු දමලා භයංකර මරණයකට ඔහුට මුහුණදීමට සිදු වුණා. මෙය අඩි 62,000කට ඉහළ අහසේදී වායු පීඩනය ඉතා පහළ අගයකට යාම නිසා ඇති වන තත්වයක්. එවැනි තත්වයකදී තමයි, සිරුරේ ඇති දියර බුබුළු දමා වාෂ්ප බවට පත්වන්නට පටන් ගන්නේ. මෙවැනි තත්වයක් උදා වී තත්පර කීපයක් ඇතුළත ඔහු සිහි නැති වන්නට ඇති.

ෆීලික්ස් උඩට යන කැප්සියුලය තුළ වායු පීඩනය අපේ මුහුදු මට්ටමේ පවතින පීඩනයට වඩා අඩුයි. ඒ නිසා කිසියම් ප‍්‍රමාණයක අසහනයක් ඔහුට දැනෙනු ඇති.

මේ සඳහා වැය වූ මුදල කෙතෙක්දැයි මීට අනුග‍්‍රහය දක්වන ඕස්ටි‍්‍රයානු සමාගම හෙළිදරවු කර නැහැ.

 
ෆීලික්ස් පසුගිය මාර්තු මාසයේදී අත්හදා බැලීමේ පිම්මක් පැන්නා. ඒ මීටර 21,800ක් (අඩි 71,500ක්) ඉහළ සිටයි.

ෆීලික්ස් ඉහළට ගෙන යන මෙම පවුම් 150,000ක් වටිනා බැලූනය නිමවා ඇති සවිමත් ප්ලාස්ටික් රෙද්දට හානි වෙතැයි එයට හීලියම් පුරවන දස දෙනකුගෙන් යුත් කණ්ඩායම කපු අත්මේස් හා විශේෂ ආරක්ෂක ඇඳුම් පැලඳගෙනයි එය කරන්නේ. මෙතෙක් මිනිසකු ගෙන යාමට තැනූ විශාලතම බැලූනය මෙයයි. එය පිරවීම සඳහා විශාල ලොරි දෙකක හීලියම් අවශ්‍ය වෙනවා.

ඒ බැලූනයෙහි උස මීටර 168ක්. පරිමාව ඝන මීටර 850,000ක්. එය ඝන අඩිවලින් නම් මිලියන 30ක් පමණ වෙනවා. මේ බැලූනය පිර වූ පසු තට්ටු 55ක පමණ ගොඩනැගිල්ලක් තරම් උසයි. ඉහළ යන ගමනේදී බැලූනය පාලනය කරන්නේ දුරස්ථ පාලකයක් මගින් බිම සිටින පාලක මැදියේ අය විසින්.

දැනට පවතින කාලගුණය යහපත් නොවීම නිසා පැය කීපයකින් මේ කාර්යය කල්දමා ඇති අතර ඒ අනුව මෙය බදාදාට සිදු කිරීමට තීරණය කර තිබෙනවා. මෙය බදාදා අලූයම TV ONE ඔස්සේ ලෝකයාට දැක ගත හැකි වේවි.

කාලගුණය ගැන සඳහන් කරන කාලගුණ විද්‍යාඥ ඩොන් ඬේ කියන්නේ, ”දැනට ඇති සුළෙඟ් වේගය පැයට කි.මී. 8ත් 16ත් අතර බවත් මෙවැනි තත්වයක් ඇති වූ විට ඊළඟට එන දිනය හෝ දෙදින අපට අවශ්‍ය මට්ටමට සුළෙඟ් වේගය අඩුවී පවතිනවා. ඒ නිසා අපට ඒ අවස්ථාව මේ ගමනට යොදා ගත හැකියි” කියායි.

සියලූ දෙය ම හොඳින් සිදු වුණොත් ඉහළට යන ගමනට ගත වෙන්නේ පැය තුනක් පමණයි. ඒ කාලය තුළදී ඔහුට මුහුණපාන්නට වන අනතුරුදායක තත්වය නම් ඉහළ නඟින අතරමගදී බැලූනය සිදුරු වීමයි. එහෙම වුනොත් ෆීලික්ස්ට ඉඩක් ලැබෙන්නේ නැහැ කුටිය විවර කරල එළියට පැන ගන්න. ඔහුට කැප්සියුලය තුළ සිටයදීම බිමට කඩා වැටෙන්න සිදු වෙනවා.

ප‍්‍රශ්නයක් නොවී බැලූනයෙන් පැනීමට අපේක්ෂා කරන මට්ටමට එනම් අඩි 120,000ක් ඉහළට, එනම් සාමාන්‍ය ගුවන්යානා යන මට්ටමට වඩා තුන් ගුණයක් ඉහළට, ගිය පසු පිටත බලන ඔහුට පෙනෙන්නේ නිල්වන් අහස නොවෙයි, කළු පාට අහසක්. දැන් ඔහු පාලක මැදිරියෙන් ‘පිම්මට සූදානම් වෙන්න’ යන නියෝගය එනතුරු ඉන්න ඕනෑ.

 
මේ කැප්සියුලයේ සිටින විට ඔහුගේ පෙනුම ගුවන් කරණම්කරුවකුට වඩා වඩාත් සමීප අභ්‍යවකාශගාමියකුටයි. ඔහුගේ ඇඳුම් කට්ටලයද අධිතාක්ෂණික උපකරණවලින් සමන්විතයි.

ඒ අවස්ථාවේදී ඔහු කැප්සියුලයේ පීඩනය අවසන් කොට ඔහුගේ ඇඳුම් කට්ටලයේ පීඩනය ඇති කර ගෙන පිටවීමේ දොර හරින්න ඕනෑ. මේ කැප්සියුලය පසුව ඉබේම බැලූනයෙන් වෙන් වී පැරචූටයක පිහිටෙන් හෙමින් පොළොවට පහත් වේවි.

ඉහළ ආකාශයේ ඔක්සිජන් නැති රක්තයකට ආසන්න තත්වයක් තියෙන්නෙ. පොළොව මතුපිට වායු පීඩනයෙන් සියයට එකක් විතරයි තියෙන්නෙ. ඇඳුමෙහි ඉරීමක් හෝ හෙල්මටයේ පිපිරීමක් සිදු වුණොත් කලින් පැහැදිලි කළ විදියට තත්පර ගණනක් ඇතුළත බේදජනක අවසානයකට තමා මුහුණ දෙන්න සිදු වෙන්නෙ.

 
ඔහු පිම්ම පනින්න යන්නේ මේ තරම් උසකින්. ඒ අවස්ථාවේදී ඔහුට පෘථිවියේ වක් හැඩය පෙනෙනු ඇති.

 
පසුගිය මාර්තුවේ දී ෆීලික්ස් අඩි 25,000 ඉහළ සිට අත්හදා බැලීමේ පිම්මක් පැන්නා. බිමට ඒමේ දී වායුගෝලයෙන් සිදු වන බලපෑම අවම කර ගන්නට ඔහුට යොදා ගන්නට සිදු වන්නේ මේ ‘ඩෙල්ටා’ ඉරියව්වයි.

 
ෆීලික්ස් (වමේ) පිම්ම අතරතුර කතා කරන්නේ ඉහළ අහසේ සිට පැනීමේ වර්තමාන වාර්තාව හිමි විශ‍්‍රාමික ගුවන් හමුදා කර්නල් ජෝ කිටින්ගර් (දකුණේ) සමග පමණයි.

 
ඔහු බැලූනයෙන් ඉහළ යන්නේ මේ අභ්‍යවකාශ කැප්සියුලයෙන්. මෙය ටෙක්සාස්හී සැන් ඇන්ටෝනියෝවල බෲක්ස් ගුවන් හමුදා කඳවුරේ දී යළි යළිත් පරීක්ෂා කරනු ලැබුවා.

සජීවී විකාශය...


Comments

  1. නියම ලිපියක්..

    ReplyDelete
  2. නියම ලිපියක්! මිනිස් සිතට කරන්න හැකි දේවල්!

    ReplyDelete
  3. වටිනා ලිපියක් මෙහි එ සජිවි විකාශය පුලුවන් නම් පල කරන් න

    ReplyDelete
  4. දිශාන්, ඔබට ඒක සජීවී බලන්න පුළුවන් මේ ලිපියෙ අග ඇති වීඩියෝ රාමුවෙන් තවත් පැය තුනකින් ඒකට ගිහින් බලන්න. දැනුත් එහි ගිහින් ක්ලික් කළොත් කවුන්ට් ඩවුන් එක දැන් තියා බලා ගත්තෑකි. - පර්සි

    ReplyDelete
  5. දිශාන්, ඔබට ඒක සජීවී බලන්න පුළුවන් මේ ලිපියෙ අග ඇති වීඩියෝ රාමුවෙන් තවත් පැය තුනකින් ඒකට ගිහින් බලන්න. දැනුත් එහි ගිහින් ක්ලික් කළොත් කවුන්ට් ඩවුන් එක දැන් තියා බලා ගත්තෑකි. - පර්සි

    ReplyDelete
  6. අඩේ මට මේක කියවද්දි මතක් වුනේ star trek ෆිල්ම් එකේ තියෙන මේ වගේ පිම්මක්... මම හිතනවා ඔබ එය නරඹලා ඇතියි කියලා

    ReplyDelete
  7. ස්තුති කතෘතුමා still mission abort gusty winds ....

    ReplyDelete

Post a Comment

Popular posts from this blog

ලෝකයේ වටිනාම මුද්දරය වෙන්දේසියට! දැනට ඇත්තේ ලෝකෙටම එකයි!

මුද්දර එකතු කිරීම (Philately) විනෝදාංශයක් වගේම හොඳ ආදායම් මාර්ගයක්. පුංචි වුණාට තැපැල් මුද්දරයක් කියන්නේ රටක ඉතිහාසය කියාපාන කැඩපතක්. රටකින් රටකට හොඳ හිත පතුරුවමින් යන සංස්කෘතික තානාපතිවරයෙක්!

ඒ වගේ පැරණි තැපැල් මුද්දරයක් එහි මුහුණත සඳහන් වටිනාකමට හුඟක් වැඩිවෙන වෙලාවල් තියෙනවා. එහෙම වෙන්නේ ඒවායේ ඇති දුලබකම නිසයි.

ඒ වගේ 1873 දී ලිපිගොනු ගොඩක් අස්සේ තිබී හමුවුණු පාවිච්චි කළ ශත එකේ තැපැල් මුද්දරයක් පසුව වෙළෙඳ පොළේ දී සිලිං හයකට විකුණුණා. බි‍්‍රතාන්‍ය ගයානාව (British Guiana) විසින් නිකුත් කළ ශත එකේ දම්පාට තැපැල් මුද්දරය (1c Magenta stamp) දැන් යළිත් වෙන්දේසිය සඳහා වෙළෙඳපොළට ඇවිත්. අද, වසර 141කට පසු, එයට මුද්දර වෙන්දේසියේ දී ඇමරිකන් ඩොලර් මිලියන 20ක මුදලක් ලැබේවි යැයි විශ්වාස කරනවා.

මෑතදී ‘ලොව වඩාත් වටිනාම මුද්දරය’ ලෙස හඳුන්වනු ලැබූ මේ පැති අටේ හැඩැති තැපැල් මුද්දරය 2014 ජූනි මාසයේ 17 වැනිදා ඇමරිකාවේ නිව්යෝක්හිදී ප‍්‍රසිද්ධ වෙන්දේසියේ විකිණීමට නියමිතයි.

මෙය දැනට ලෝකයේ සුරක්ෂිතව ඉතිරි වී ඇති මේ වර්ගයේ එකම මුද්දරය ලෙස සැලකෙනවා. මෙය නිකුත් කරන ලද්දේ 1856දියි. බි‍්‍රතාන්‍ය ගයානාවේ තැපැල් මහතා…

MH370 මැලේසියානු ගුවන්යාන අබිරහස! ලෝකයේ අබිරහස් ලෙස අතුරුදන් වුණු ගුවන්යානා 10 මෙන්න!

පසුගිය සතියේ (මාර්තු 8 වැනිදා) අතුරුදන් වූ පිසැරි අංක එම්එච්370 මැලේසියානු මගී ගුවන්යානයට වූ දේ තවමත් අබිරහසක්. රටවල් 10 ගුවන්යානා, නැව්, චන්ද්‍රිකා රැසක් මේ අබිරහස විසඳන්න තවමත් වෙහෙසෙනවා.

ඒත් මෙය දැනටමත් නොවිසඳෙන අබිරහසක් පත් වෙන ලකුණු පහළ වෙලා!

ලොව පළමු සෙල් ෆෝනය මේකද? වසර 75ක් පැරණි පින්තූරයේ රහස හෙළි වෙයිද?

බලන්න මේ තරුණිය ජංගම දුරකතනයක් කනේ තියා ගෙන පාර දිගේ කතා කර කර යනවා! අද නම් මේ වගේ දසුනක් ගමක පාරක වුනත් ඔබ දැක ඇතුවාට සැකයක් නැහැ. ඒත් මේ දර්ශනය කැමරාවට නඟා ඇත්තේ මීට අවුරුදු 75කට පෙරයි!

1938 දී ඇමෙරිකාවේ වීදියක ගමන් කළ මේ යුවතියගේ අතට වර්තමානයේ අප පාවිච්චි කරනා තාලේ සෙල් ෆෝනයක් (ජංගම දුරකතනයක්) ආවෙ කොහොමද?

ඒ කාලයේ මේ වගේ දෙයක් නිපදවීම තියා මෙවැන්නක් ගැන හිතලවත් නොතිබුණා නම් මෙම දර්ශනය චිත‍්‍රපටයකට ගත් නිර්මාණයක්ද? සමහර අය කීවේ චිත‍්‍රපටය තුළින් අනාගතය දැකීමක් ලෙස මෙම දසුන සලකන්න පුළුවන් කියලයි. අනාගතය පරිකල්පනය කළ අවස්ථා චිත‍්‍රපටවල ඕනෑ තරම් තිබුණා. මේ වගේ

මේ රූප පෙළ මේ වන විට යූටියුබ් (YouTube) එක හරහා ලක්ෂ තුනකට වැඩි වාර ගණනක් සංසරණය වෙලා තියෙනවා. වර්ණ චිත‍්‍රපට එන්නට පෙරාතුව කළු සුදු ක‍්‍රමයට කැමරාවට නගන ලද මෙහි රහස පසුගිය දා හෙළි වුණා. මෙම තරුණිය තමාගේ මීමිත්තණිය යැයි යුටියුබ් ග‍්‍රාහකයෙක් හෙළි කළා.

අනාගතයට යාමක් ද? මෙහි දැක්වෙන්නේ ඇමරිකාවේ ඩුපොන්ට් ආයතනයෙන් පිට වී යන තරුණ සේවිකාවන් පිරිසක්. එයින් එක් තරුණියක් අතේ ඇති ජංගම දුරකතනයකින් කතා කරමින් යනවා ඔබට පෙනෙනවා ඇති. වසර 75කට ප…

නස්රුදින්ගේ වේළීමේ රහස! අලුත්ම නස්රුදින් කතාවක්!

නස්රුදින්ගේ පොහොසත් මිතුරෙක් ඔහුට කතා කළා, ඒ මිතුරාත් ඔහුගේ පිරිසත් එක්ක දින කීපයක් තිස්සේ දඩයමේ යන්න. මුල් ම දවසේ ඔවුන් නස්රුදින්ට දුන්නෙ බොහොම හෙමින් යන අස්සයෙක්. දඩයමට යන්න පටන් අරන් වැඩි වේලාවක් ගියේ නෑ, හෙමින් ගිය අස්සයා නිසා නස්රුදින් හුඟක් පහුවුණා. නස්රුදින්ව පහු කරලා දාලා අනෙක් පිරිස ඈතට දඩයමේ ගියා.

දියණිය උපන් මොහොතේ පියා ගත් පින්තූරය අන්තර් ජාලය කළඹයි! වෛද්‍යවරයාගේ අතේ එල්ලී එළියට ආ ළදැරිය මෙන්න!

ජීවිතයේ විස්මිත මොහොතවල් ඡායාරූපයට නැඟීම වාසනාවත් එක්ක සිදු වන දෙයක්. එහෙම වාසනාවක් ලද මාපිය යුවලක් තමන් ගත් ජීවිතයේ අමතක නොවන පින්තූරය ‘මුහුණු පොතේ’ පළ කළා. මොහොතකින් එය අන්තර්ජාලය පුරා ‘කුණාටුවක්’ මෙන් හඹා ගියා.

මෙලොව එළිය දකින්න මොහොතකට පෙර පුංචි නෙවායි මව් කුස හිඳිමින් තම උදව්වට ආ වෛද්‍යවරයාගේ ඇඟිල්ලේ එල්ලූන හැටි!

හොල්මන් පින්තූර කතන්දර පෙළක්! මේවා දැකල බය වෙන්න එපා!

රාති‍්‍ර කාලයට අඳුරේ දී ඔබව බියපත් කරන හැම රටකටම, හැම සමාජයකම තියෙනවා. ඇත්තටම හොල්මන් තියෙනවා කියල ඔප්පු කරන්න හොල්මන්වල පින්තූර ගන්න අයත් ඉන්නවා. මේ ඒ විදියට ගත්තු පින්තූර පෙළක්!


අවුරුදු ගානක් තිස්සෙ විවිධ අවස්ථාවලදි ගත්තු පින්තූර තමයි, මේ තියෙන්නේ. මෙහි ඉන්නවා, ඝාතනය කළ වහල් සේවකයන්, රෝහල්වල වධබන්ධනවලට ලක්ව මියගිය රෝගීන්, අතීතයට එක් වූ මුහුදු නැවියන් ආදී නොයෙක් අය. මොවුන්ගේ හොල්මන් කතා අහපු බොහොම දෙනෙක් බියට පත් වුණා. තාමත් අහන අයගේ ඇඟ හිරි වැටෙනවා.

මුල්ම ඇපල් 1 පරිගණකය ලෝක වාර්තාවක් තියයිද? ඇපල් සමාගමේ ආරම්භය හෙළිකරන මෙතෙක් පළ නොවූ ඡායාරූපයක්!

ඇපල් පරිගණකය පටන් ගත් හැටි දැන් දකින කොටත් පුදුම හිතෙනවා. ඒ මුල් ම ඇපල් පරිගණකය අළෙවි කරන්න ගෙනියන්න පෙර පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුගිය දා ප‍්‍රථමවරට හෙළිදරවු වුණා.

මේ ඡායාරූපයට නගා තියෙන්නේ 1976 දියි. එතකොට ස්ටීව් ජොබ්ස්ට (Steve Jobs) වයස 21යි. ඔහුගේ මිතුරු ස්ටීව් වොස්නියැක් (Steve Wozniak) සමග එක්ව ඔවුන් දෙදෙනා මේ මුල්ම ඇපල් පරිගණක තැනුවේ ස්ටීව් ජොබ්ස්ගේ මාපියන්ගේ ගෙදර ගරාජයකයි. ඔවුන් ඒ තැනූ මූල් පරිගණක 50 තැන්පත් කරල තිබුණු ආකාරය දැක්වෙන මේ විරල ඡායාරූපය නිකුත් කරනු ලැබුවේ ලබන නොවැම්බර් 16 වැනිදා වෙන්දේසියට තැබෙන දැනට හොඳම තත්වයේ ඇති පැරණි ම ඇපල් පරිගණකය එළි දැක්වීම වෙනුවෙන්.

මෙය දැනට ලෝකයේ ඇති වටිනාම සන්නම ලෙස සැලකෙන ඇපල් පරිගණකයේ ආරම්භක තත්වය තේරුම ගන්නත් හොඳ අවස්ථාවක්. මේ සන්නමෙහි අද වටිනාකම පවුම් බිලියන 60ක්.

ඇපල් පරිගණකයේ ආරම්භය දැක්වෙන මේ කිසිදා එළියට නො පැමිණි ඡායාරූපයක්. ඒ මුල් ම ඇපල් පරිගණකය අළෙවි කරන්න ගෙනියන්න පෙර 1976 දී පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුග…

දුර්ලභ ගණයේ සේයා රුවක්! නවසීලන්තයේ ධීවරයකුගේ නවතම ගොදුරක්!

මෙය ලියැවෙන්නේ කලාතුරකින් හමු වන ඡායාරූපයක් ඔබ වෙත ඉදිරිපත් කරන්නයි. අන්තර් ජාලය පුරා මේ වන විටත් වැඩි දෙනකුගේ අවධානය දිනා ගෙන තියෙනවා.

මේ ඡායාරූපයෙන් කියැවෙන්නේ මිනීමරු සුදු මෝරකුගේ ඉරණම දැක්වෙන කතාවක්. පසුගිය සතියෙදි නවසීලන්තයේ මුහුදේදි ගත්තු එකක්.

මහා භූමිකම්පාවකින් පසු පාකිස්ථාන මුහුදෙන් මතු වූ ලෝකයේ අලූත් ම දූපත!

පසුගියදා පාකිස්ථානයේ ප‍්‍රබල භූමිකම්පාවක් ඇති වුණා. 7.8ක් වූ ඒ භූමිකම්පාවෙන් බලූකිස්ථානය අසල මුහුදේ අලූත් දූපතක් මතු වුණා. ලෝකයේ අලූත් ම දූපත එයයි.

සල්සාලා කෝහ් (Zalzala Koh) යනුවෙන් ඒ දූපත නම් කරලා තියෙනවා. දාල්බන්දින්වලට සැතැපම් 145ක් ගිනිකොන දෙසින් හටගත් මේ භූම්කම්පාව නිසා දැන් එය බලන්න සංචාරකයන් වගේම පාකිස්ථාන වැසියන් වැල නොකැඩි එනවා. ඒ දූපතටත් ගොඩ වෙනවා. ගිනිගන්නාසුලූ වායුව, විස දුම් ආදිය ඇති බව අනතුරු හැෙඟව්වත් ඒවා ගනන් නොගෙනයි, ඔවුන් එහි එන්නෙ.

ඒ දූපතේ පිපිරුණු මඩ, වැලි, ගල් මුසු බිම මත මුහුදු සතුන්ගේ මළ සිරුරු, විශේෂයෙන් ම මාළුන් මළකුණු පිරිලා තියෙනවා.

මෙන්න ලෝකයේ අලූත් ම දූපත අහසට පෙනෙන හැටි. මේ මඩ කන්ද මීටර් 15ක් 20ක් විතර උස ඇති. මිනිසුන්ට ඒ මත ඇවිද ගෙන යා හැකි තරමට එහි බිම ඝනකම් කියලයි, කියන්නෙ.

MH370 මැලේසියානු ගුවන්යාන අබිරහස : නියමුවාම යානය බලෙන් ගෙන ගියාද?

2014 මාර්තු 16 වැනිදා

අනතුරට පත් යානයේ නියමුවා වූ සහාරි අහමඞ් ෂා දේශපාලන උමතුවකින් පෙළෙන්නකු ලෙස දැන් සැක කරනවා. එම්එච්370 යානය නියමුවා ලෙස සේවයට වාර්තා කරන්නට පෙර ඔහු මැලේසියාවේ විරුද්ධ පක්ෂ නායකයා වූ අන්වර් ඒබ‍්‍රහම්ට එරෙහිව පැවති නඩු විභාගයට බලන්නට ගිය බවක් ෆෙඩරල් පරීක්ෂක නිලධාරින් කියනවා.