Skip to main content
malkakulu_youtube_page malkakulu_facebook_page

අනාගතයේ ඔබේ උදවුවට මිනිසාට සමාන රොබොට්ටන් එනවා! ඔවුන්ට භාෂා 20ක් කතා කරන්න පුළුවන් !

දැන් එංගලන්තයේ බි‍්‍රස්ටල් හා එසෙක්ස් පර්යේෂණාගාරවල නව පරම්පරාවක මානවරූපී රොබොවන් තනා ගෙන යනවා. ඒ සමහරකුට නටන්න පුළුවන්. භාෂා 20ක් විතර කතා කරන්න පුළුවන්.

එදිනෙදා ජීවිතයේදී සාමාන්‍ය මිනිසුන් මෙන් මුහුණෙන් හැඟීම් පළ කරන්න පුළුවන්. ලෝකයේ ඕනෑම තැනක සිට ඔවුන් මෙහෙය විය හැකියි. ඔවුන්ගෙන් ඔබට අවශ්‍ය ඕනෑ වැඩක් ගත හැකියි.

ශල්‍ය වෛද්‍යවරයකු වෙනුවට සැත්කම් කිරීමටත් යොදා ගත්තෑකි. තවත් අයකුට උමඟක හිර වුණු අය සොයා ගත්තෑකි. කසළ අපවහන පද්ධති ශුද්ධ කිරීමට යොදා ගත්තෑකි.

මේ වර්ගයේ රොබොට්ටන් නුදුරු අනාගතයේ දී අප සමග ජීවත් වීමට ඒවි, අපේ මිතුරන් ලෙසින්.

 
මේ අයි කියුබ් රොබෝ අවුරුදු තුනක ළමයකු විදියටයි සකසා තියෙන්නෙ. මිනිස් කි‍්‍රයාකාරකම් වැනි සංකීර්ණ දැ කළ හැකි මේ නව පරපුරේ අලූත් රොබෝ තනා ඇත්තේ බි‍්‍රස්ටල් හා එසෙක්ස් යන ආයතනවලයි.

විද්‍යාඥයන් විශ්වාස කරනවා, මේ මානවරූපී රොබෝවන් කවදා හෝ අප සමග පාපන්දු තරගවලට සහභාගිවී මිනිස් අපව පරාජය කරාවිය කියා.

මෙහි තැනෙන සමහර රොබෝවන්ට ඇවිදින්න, කථා කරන්න, නටන්න, ඔබ හා සුහද කතාබහේ යෙදෙන්න, ජීවිතයේ යම් යම් අවස්ථාවලට ගැළපෙන ලෙස හැඟීම් පළ කරන්න, මිනිසුන් මෙන් ප‍්‍රතිචාර දක්වන්න ආදිය කරන්න පුළුවන්.

බර්ට්2 නම් මානවරූපී රොබෝට හැඟීම් බර මුහුණෙන් හා කෘති‍්‍රම අත්වලින් මිනිසුන් සමග සම්බන්ධකම් පවත්වන්න පුළුවන්.

අවශ්‍ය වුනොත් එවැනි මානවරූපී රොබොට්ටකු ලෝකයේ ඕනෑම තැනක සිට මෙහෙයවන්න පුළුවන්. දුර සිටින මිනිස් වෛද්‍ය විශේෂඥයකුගේ උපදෙස් මත ශල්‍ය වෛද්‍යවරයකු මෙන් රෝගියකුට සැත්කමක් කරන්න පුළුවන්. මේ ක‍්‍රමයට ලෝකයේ ඕනෑම තැනක ඉන්නා රෝගියකුට ඉහළම පෙළේ වෛද්‍යවරයකුගේ සේවාව රොබෝ ශල්‍ය වෛද්‍යවරයාගෙන් ලබා ගන්න හැකියාව තියෙනවා.

තවත් රොබොට්ටකුට මාළුවකුට වාගේ පිහිනන්නත්, කුරුල්ලකු හෝ කෘමියකු මෙන් පියාසර කරන්නත් පුළුවන්.

රොබෝටික මාළුවාට, විශාල පෙතියකුගේ ස්වාභාවික පිහිනන වේගයත් චලන ආකාරයත් තියෙනවා. දියට දැම්මාම බාහිර මෙහෙයවීමක් නැතිව තනියම කි‍්‍රයා කළ හැකියි. ජල දූෂණය ගැන නිරන්තරව විමසුම් කරන්න මේ මාළුවාට පුළුවන්. ඒවගේම වාරයක නවතා ඇති නැවක ඇති ජල කාන්දුවක් සොයා දෙන්නත් පුළුවන්.

 
විද්‍යාඥයන් බලාපොරොත්තු වන්නේ රොබොට්ටන් අපට හැම අතින්ම උදවු කරාවි කියායි.

බි‍්‍රස්ටල් රෝබොටික පර්යේෂණාගාරයේ ප‍්‍රධාන පර්යේෂකයකු වූ ආචාර්ය ඉයෝනිස් ඉරොපෝලස් කියන්නේ විද්‍යාඥයන් මේ රෝබෝ නිර්මාණ කිරීමේ දී ස්වාභාවික ලෝකයේ ආභාසය ලැබූ බවයි.

”සොබාදහමේ ඇති ක‍්‍රමවේදයන් ඉතා හොඳින් ගැළපුනා අපේ ඉංජිනේරු ගැටලූ විසඳා ගන්න. දැන් ඒ ගැටලූ වැඩි හරියක් විසඳා ගෙන ඉවරයි.” ඔහු කියයි.

”සැබැවින්ම ජීවත්වෙන අයගේ ආභාසය නොගත්තා නම් මේ අමාරු කාර්යයන් කිරීමට මේවා යොදා ගැනීම කවදාවත්ම අපට කළ නොහැකි දෙයක්ව තිබුණා.” ඔහු වැඩිදුරටත් කියනවා.


 
මේ රොබොට්ටන්ට මිනිස් හැඩරුව දීල තියෙනවා. සින්තටික් සමකින් ආවරණය කරලා මුහුණේ හැඟීම් ආදියෙන් අපි වගේම ප‍්‍රතිචාර දක්වන්නත් ඔවුන්ට පුළුවන්.
”සොබාදහමේදී සතුන් ඊට ඔරොත්තු දෙමින් හැසිරෙන ආකාරය විමසා බැලීමෙන්, අහිතකර තත්වයන් යටතේ මාරක පරිසරවල කි‍්‍රයාකරමින් මිනිස් වර්ගයාට සේවය කළ හැකි වන පරිදි මේ රොබොට්ටන්ව නිර්මාණය කරන්න අපට පුළුවන් වුණා. ” ඔහු වැඩිදුරටත් කියනවා.

ෂ්රූබොට් හා ස්ක්රැච්බොට් යන දෙදෙනාටම සංවේද තියෙනවා, ඒ අයව තද අඳුරේ උමංවල හිර වුණු අය සොයන්න හා එවැනි ගලවා ගැනීම් කරන්න යොදා ගන්න පුළුවන්.

අයිකියුබ් නම් තරුණ රොබෝ වයස තුනහමාරේ ළමයකුට සමානයි. එයා සැලසුම් කරලා තියෙන්නේ මිනිසා ඇසුරේ හිඳිමින් පරිසරයෙන් යම් යම් දෑ ඉගෙන ගනිමින් සැබෑ මිනිසකු සේ වැඩෙන්නයි.

රෝබෝතෙස්පියන් යනුවෙන් නම් කර ඇති මානවරූපී රොබෝට මිනිස් නළුවකු සේ රඟපාන්න හා නටන්න පුළුවන්.


හැකි තරම් මිනිස් ජීවිතය අනුකරණය කරලා එයා තමන්ගේම කෙනෙක් කියලා හිතෙව විදියට තමයි නිමවලා තියෙන්නෙ.

 
මේ රොබොතිස්පියන්ට මිනිසකු ලෙස අපූරුවට රඟපාන්න පුළුවන්. ඒ විදියට තමයි එයාගේ පරිගණක ක‍්‍රමලේඛය සකසලා තියෙන්නෙ.

සුපිරි වැඩ කළ හැකි රොබොට්ටන් - මේ (ඉහළ) ඉන්නේ නා ඕ (Nao) සහ බර්ට් 2 (පහළ) රොබොට්ටන් දෙදෙනා. ඔවුන්ට ලෝකයේ කොතැනක හෝ සිටින ශල්‍ය වෛද්‍යවරයකුගේ මෙහෙය වීම යටතේ රෝගියකුට සැත්කමක් කළ හැකියි.


 
මේ රොබෝටික මාළුවෙක්. තනිවම පිහිනා ගොස් පවරන රාජකාරියක් කළ හැකියි. ජලයේ දූෂිත ප‍්‍රමාණය මැන බලා දැනුම් දෙන්න එයාට පුළුවන්. වරායක නවතා ඇති නැවක කාන්දුවක් ඇතොත් ඒවා සොයා බලන්නත් පුළුවන්.

 
අහසේ ඔත්තු බලන්න යොදා ගන්න රොබෝ යානයක්. එසෙක්ස් විශ්ව විද්‍යාලයේ ඉංජිනේරුවන් තනා ඇති මේ යානයට ගුවනින් ගොස් ආරක්ෂක කටයුතු පවත්වා ගෙන යාමට අවශ්‍ය විමසීම් හා ඔත්තු බැලීම් කළ හැකියි.

 
මේ දිවිගැලවුම්කාර රොබොට්ටෙක්. ෂ්රූබොට් (Shrewbot) ලෙසින් නම් කර ඇති මෙයට එහි ඇති රැවුල් ගස් බඳු කෙඳිවලින් ඕනෑම අඳුරු උමඟක හිර වී සිටන අයකු සොයා ගිය හැකියි.

 
ස්ක්රැච්බොට් (SCRATCHbot) තවත් ස්පර්ශක සංවේදී රොබොට්ටෙක්. විශාල පරාසයක වැඩට යොදා ගත හැකියි.

 
ඉකොබොට් -3 (Ecobot III) සියලූම කටයුතු තනිවම කළ හැකි රොබොට්ටෙක්. අපවහන ජලයේ ඇති අපද්‍රව්‍යවලින් බල ශක්තිය ලබා ගන්නත් මෙයාට පුළුවන්

 
මටත් ඔයාල වගේ වෙන්න ඕනෑ. මේ මානවරූපී රොබෝ සංවේදක හා මෝටරවලින් යුක්තයි.

 
සොබා දහමෙන් ආභාසය ලබා රොබොට්ටන් නිර්මාණය කරන්න විද්‍යාඥයන් සමත්වෙලා තියෙනවා. ඒ අතින් වූ ඉංජිනේරු ගැටලූ දැනටමත් විසඳාගන අවසන් කියලයි විද්‍යාඥයන් කියන්නෙ.

 
බි‍්‍රස්ටල් රොබොටික්ස් රසායනාගාරයෙහි මේ රෝබෝලා සැලසුම් කරන විද්‍යාඥයන් දෙදෙනෙක්.

කෘති‍්‍රම බුද්ධිය කවදා හෝ නිපදවිය හැකිද?

සැබැවින්ම කෘති‍්‍රම බුද්ධිය කවදා හෝ නිර්මාණය කළ හැකිවේවිද? මේ ප‍්‍රශ්නය ගැන විශේෂඥයන් තවමත් දෙපසට බෙදී වාද කරනවා.

ඒත් විද්‍යාඥයන් ඒ අතින් කිසියම් ප‍්‍රගතියක් ලබා තිබෙනවා.

පරීක්ෂණ මාලාවක් යෝජනා කරල තියෙනවා පරිගණකයට මිනිස් මනසට සමාන විය හැකිද යන්න ගැන විමසා බැලිය හැකි. එයින් දෙකක් නම් එක්තරා විදියකට සාර්ථක වී තියෙනවා.

  • ලෝක චෙස් ශූරයා පරාජය කිරීම. (සාර්ථකයි)
  • ජොපාඩි නම් ටීවී සාමාන්‍ය දැනීම ජයගත් ලෝක ශූරයන් පරාජය කිරීම. (සාර්ථකයි)
  • අන්තර්ජාලගත සන්නිවේදනයේදී මිනිසකු වෙනුවට සාර්ථකව පරිගණකයක් යොදා ගැනීම.
  • මිනිස් මොළය තරම් ඵලදායී ලෙසින් දෘෂ්‍ය තොරතුරු උකහා ගැනීමට සමත්වීම

හත මුල් කරුණු දෙක සාර්ථකව ඉටු කිරීමට පරිගණකය සමත් වුවත් දෙවැනි කරුණු දෙක තවමත් සම්පූර්ණයෙන්ම සාර්ථක වී නැත.

Comments

  1. බොහොම අගනා පෝස්ටුවක්..දැනුම බොහොමයක් ලබාගත්තා.ස්තුතියි.
    එන්න සමකය වටේ රවුමක් යන්න

    ReplyDelete

Post a Comment

Popular posts from this blog

වත්මන් ළමා ගී පරපුරේ ආරම්භකයා - ශී‍්‍ර රූපදේව කවීන්ද්‍ර ආනන්ද රාජකරුණා

‘රෝස මලේ නටුවෙ කටූ - වන බමරෝ ඔහොම හිටූ
නටුව නොවේ මල සිඹිමී - මම ළමයෝ පැණි උරමී’

යනුවෙන් ළමයකුත්, වන බමරකුත් අතර සංවාදයක් ආකාරයෙන් ලියා ඇති කුඩා කවිය අදත් අපේ දරුවන් අතරත් වැඩිහිටියන් අතරත් එකසේ ජනපි‍්‍රය ළමා කවකි. ළමයින්ට කවි ලිවීම අරභයා ආනන්ද රාජකරුණා (1885-1957) කවියා දැක්වූ දක්ෂතාව මැන ගැනීමට එම කව ම ප‍්‍රමාණවත්ය. ළමයින් සඳහා විවිධ මට්ටමේ කව් රැසක් ආනන්ද රාජකරුණා විසින් අපේ ළමා පරපුරට දායාද කර තිබේ.


කි‍්‍ර.ව. 1885 ජනවාරි 7 වැනිදා ගාල්ලේ මහදම්පාගම රාල්ලාගේ වත්තේ දී උපන් ඔහුගේ උපත් නාමය ‘ඇල්ෆ්‍රෙඞ්’ වුවද ඔහු පසු කලෙක ඒ වෙනුවට ‘ආනන්ද’ නාමය යොදා ගත්තේය. ගම්මුලාදෑනි මෙන්ම ගමේ වෙද මහතා ද වූ විජය වර්ණකුල චාර්ල්ස් තාබ්‍රෙව් රාජකරුණා ඔහුගේ පියාය. මව හෙලේනා ද ලිවේරා කරුණාරත්න වූවාය. ඔහු පස් හැවිරිදි කල මුලින්ම සිංහල උගන්වන ලද්දේ මවගේ සොහොයුරා වූ ජෝශප් ද ලිවේරා කරුණාරත්න විසිනි.

අකුරල සිංහල පාසලෙන් මූලික අධ්‍යාපනය ලැබූ ඔහු මාදම්පේ මිෂනාරි පාසලින් ඉංගී‍්‍රසි අධ්‍යාපනය ලැබීය. ඉන්පසු පූජ්‍ය මාදම්පේ ධම්මතිලක හිමියන් වෙතින් සිංහල බස වැඩිදුර උගත්තේය. සිරි සුමන වංශාලංකාර පේමරතන හිමියන්ගෙන් පාලි හා…

දුර්ලභ ගණයේ සේයා රුවක්! නවසීලන්තයේ ධීවරයකුගේ නවතම ගොදුරක්!

මෙය ලියැවෙන්නේ කලාතුරකින් හමු වන ඡායාරූපයක් ඔබ වෙත ඉදිරිපත් කරන්නයි. අන්තර් ජාලය පුරා මේ වන විටත් වැඩි දෙනකුගේ අවධානය දිනා ගෙන තියෙනවා.

මේ ඡායාරූපයෙන් කියැවෙන්නේ මිනීමරු සුදු මෝරකුගේ ඉරණම දැක්වෙන කතාවක්. නවසීලන්තයේ මුහුදේදි ගත්තු එකක්.


නවසීලන්තයෙන් මාළු අල්ලන්න මූදු ගිය බෝට්ටුක හිටි ධීවරයකුගෙ කැමරාවට තමයි මේ පින්තූරය අහුවුණේ. ඔහුට අහුවුණු මාළුවා අත අරින්න සිද්ධ වුණා. ඒත් ඔහු අල්ල ගත්තු ‘ගොදුර’ නරක නෑනේද? ඒ ගොදුරට මිනීමරු සුදු මෝරුන් දෙදෙනකුම අහුවෙලා!

මේ පින්තූරය ලෝක ප‍්‍රකට විද්‍යාඥ චාල්ස් ඩාවින්ගේ පරිණාමවාදයේ එන උචිතෝන්නති නියමය, ඒ කියන්නේ සත්ව ලෝකයේ දී ශක්තිවන්තයා ඉතිරි වෙනවා (survival of the fittest) යන න්‍යාය ඔප්පු කළ අවස්ථාවක් හැටියට දක්වන්න පුළුවන්.

නවසීලන්තයේ කයිටෙරිටෙරී අසල මුහුදේ දී අල්ලන ලද සෑහෙන පමණ විශාල මේ මෝරා ඒ මොහොතේම එහි ආ තවත් ඊට වඩා විශාල මෝරකු විසින් ඩැහැ ගත් ආකාරය ඔහු විසින් කැමරාවට නගා තිබුණා.

පරිගණක කී‍්‍රඩාවක එන රාක්ෂයකු වූ මැන්කියුබස් (Mancubus) නමින් තමයි, මේ ඡායාරූපය අන්තර්ජාලයට මුදා හැර තියෙන්නෙ.

ඒ ධීවරයාට තමා ඇල්ලූ මෝරා බෝට්ටුව මතට ඇද ගන්න වෙලාවක් තිබුණෙ …

ලෝකයේ වටිනාම මුද්දරය වෙන්දේසියට! දැනට ඇත්තේ ලෝකෙටම එකයි!

මුද්දර එකතු කිරීම (Philately) විනෝදාංශයක් වගේම හොඳ ආදායම් මාර්ගයක්. පුංචි වුණාට තැපැල් මුද්දරයක් කියන්නේ රටක ඉතිහාසය කියාපාන කැඩපතක්. රටකින් රටකට හොඳ හිත පතුරුවමින් යන සංස්කෘතික තානාපතිවරයෙක්!

ඒ වගේ පැරණි තැපැල් මුද්දරයක් එහි මුහුණත සඳහන් වටිනාකමට හුඟක් වැඩිවෙන වෙලාවල් තියෙනවා. එහෙම වෙන්නේ ඒවායේ ඇති දුලබකම නිසයි.

ඒ වගේ 1873 දී ලිපිගොනු ගොඩක් අස්සේ තිබී හමුවුණු පාවිච්චි කළ ශත එකේ තැපැල් මුද්දරයක් පසුව වෙළෙඳ පොළේ දී සිලිං හයකට විකුණුණා. බි‍්‍රතාන්‍ය ගයානාව (British Guiana) විසින් නිකුත් කළ ශත එකේ දම්පාට තැපැල් මුද්දරය (1c Magenta stamp) දැන් යළිත් වෙන්දේසිය සඳහා වෙළෙඳපොළට ඇවිත්. අද, වසර 141කට පසු, එයට මුද්දර වෙන්දේසියේ දී ඇමරිකන් ඩොලර් මිලියන 20ක මුදලක් ලැබේවි යැයි විශ්වාස කරනවා.

මෑතදී ‘ලොව වඩාත් වටිනාම මුද්දරය’ ලෙස හඳුන්වනු ලැබූ මේ පැති අටේ හැඩැති තැපැල් මුද්දරය 2014 ජූනි මාසයේ 17 වැනිදා ඇමරිකාවේ නිව්යෝක්හිදී ප‍්‍රසිද්ධ වෙන්දේසියේ විකිණීමට නියමිතයි.

මෙය දැනට ලෝකයේ සුරක්ෂිතව ඉතිරි වී ඇති මේ වර්ගයේ එකම මුද්දරය ලෙස සැලකෙනවා. මෙය නිකුත් කරන ලද්දේ 1856දියි. බි‍්‍රතාන්‍ය ගයානාවේ තැපැල් මහතා…

MH370 මැලේසියානු ගුවන්යාන අබිරහස! ලෝකයේ අබිරහස් ලෙස අතුරුදන් වුණු ගුවන්යානා 10 මෙන්න!

පසුගිය සතියේ (මාර්තු 8 වැනිදා) අතුරුදන් වූ පිසැරි අංක එම්එච්370 මැලේසියානු මගී ගුවන්යානයට වූ දේ තවමත් අබිරහසක්. රටවල් 10 ගුවන්යානා, නැව්, චන්ද්‍රිකා රැසක් මේ අබිරහස විසඳන්න තවමත් වෙහෙසෙනවා.

ඒත් මෙය දැනටමත් නොවිසඳෙන අබිරහසක් පත් වෙන ලකුණු පහළ වෙලා!

මැලේසියානු ගුවන් සේවයට අයත් බෝයිං 777 එම්.එච්. 370 මගී යානය අබිරහස් ලෙස අතුරුදන් වූයේ ඉකුත් 8 වැනිදා මැලේසියානු වේලාවෙන් මධ්‍යම රාති‍්‍ර 12.21 ට පමණය. ඒ අවස්ථාවේදී යානය චීනයේ බීජීං නුවර බලා පියාසර කරමින් තිබුණේය. ඒ මොහොතේ සිට ආරම්භ කළ සෝදිසි මෙහෙයුම් තවමත් අවසන් නැත.

දැනට හෙළිදරවු වී තියෙන්නේ සොරකම් කළ පාස්පෝට් දෙකකින් දෙදෙනකු ඒ යානයේ ගමන් කර තිබෙන බවයි. ඒ පාස්පෝට්වල සැබෑ අයිතිකරුවන් නිරුපද්‍රිතව ඉන්නා බව බලධාරීන්ට දැනටමත් දැනුම් දී තියෙනවා.


ඒ අතර වියට්නාමයේ නාවික හමුදාව සොයා ගෙන තියෙනවා මහමුහුද මැද සැතැපුම් 12ක් දිග තෙල් පැල්ලමක්! එය එම්එච්370 මැලේසියානු මගී ගුවන්යානය කඩා වැටීමෙන් ඇති වූවක් කියලා දැනට සැක කරනවා. යානයේ ඇති සෙල්ෆෝන් කීපයක් නාද වෙන බව සොයා ගෙන තියෙනවා. ඒ ඔස්සේ යානය වැටුණු තැන සොයා ගන්නයි, දැන් වෑයම් කරන්නේ.


යානයක් ගිනිගෙන අහ…

හොල්මන් පින්තූර කතන්දර පෙළක්! මේවා දැකල බය වෙන්න එපා!

රාති‍්‍ර කාලයට අඳුරේ දී ඔබව බියපත් කරන හැම රටකටම, හැම සමාජයකම තියෙනවා. ඇත්තටම හොල්මන් තියෙනවා කියල ඔප්පු කරන්න හොල්මන්වල පින්තූර ගන්න අයත් ඉන්නවා. මේ ඒ විදියට ගත්තු පින්තූර පෙළක්!


අවුරුදු ගානක් තිස්සෙ විවිධ අවස්ථාවලදි ගත්තු පින්තූර තමයි, මේ තියෙන්නේ. මෙහි ඉන්නවා, ඝාතනය කළ වහල් සේවකයන්, රෝහල්වල වධබන්ධනවලට ලක්ව මියගිය රෝගීන්, අතීතයට එක් වූ මුහුදු නැවියන් ආදී නොයෙක් අය. මොවුන්ගේ හොල්මන් කතා අහපු බොහොම දෙනෙක් බියට පත් වුණා. තාමත් අහන අයගේ ඇඟ හිරි වැටෙනවා.

නස්රුදින්ගේ වේළීමේ රහස! අලුත්ම නස්රුදින් කතාවක්!

නස්රුදින්ගේ පොහොසත් මිතුරෙක් ඔහුට කතා කළා, ඒ මිතුරාත් ඔහුගේ පිරිසත් එක්ක දින කීපයක් තිස්සේ දඩයමේ යන්න. මුල් ම දවසේ ඔවුන් නස්රුදින්ට දුන්නෙ බොහොම හෙමින් යන අස්සයෙක්. දඩයමට යන්න පටන් අරන් වැඩි වේලාවක් ගියේ නෑ, හෙමින් ගිය අස්සයා නිසා නස්රුදින් හුඟක් පහුවුණා. නස්රුදින්ව පහු කරලා දාලා අනෙක් පිරිස ඈතට දඩයමේ ගියා.

ලොව පළමු සෙල් ෆෝනය මේකද? වසර 75ක් පැරණි පින්තූරයේ රහස හෙළි වෙයිද?

බලන්න මේ තරුණිය ජංගම දුරකතනයක් කනේ තියා ගෙන පාර දිගේ කතා කර කර යනවා! අද නම් මේ වගේ දසුනක් ගමක පාරක වුනත් ඔබ දැක ඇතුවාට සැකයක් නැහැ. ඒත් මේ දර්ශනය කැමරාවට නඟා ඇත්තේ මීට අවුරුදු 75කට පෙරයි!

1938 දී ඇමෙරිකාවේ වීදියක ගමන් කළ මේ යුවතියගේ අතට වර්තමානයේ අප පාවිච්චි කරනා තාලේ සෙල් ෆෝනයක් (ජංගම දුරකතනයක්) ආවෙ කොහොමද?

ඒ කාලයේ මේ වගේ දෙයක් නිපදවීම තියා මෙවැන්නක් ගැන හිතලවත් නොතිබුණා නම් මෙම දර්ශනය චිත‍්‍රපටයකට ගත් නිර්මාණයක්ද? සමහර අය කීවේ චිත‍්‍රපටය තුළින් අනාගතය දැකීමක් ලෙස මෙම දසුන සලකන්න පුළුවන් කියලයි. අනාගතය පරිකල්පනය කළ අවස්ථා චිත‍්‍රපටවල ඕනෑ තරම් තිබුණා. මේ වගේ

මේ රූප පෙළ මේ වන විට යූටියුබ් (YouTube) එක හරහා ලක්ෂ තුනකට වැඩි වාර ගණනක් සංසරණය වෙලා තියෙනවා. වර්ණ චිත‍්‍රපට එන්නට පෙරාතුව කළු සුදු ක‍්‍රමයට කැමරාවට නගන ලද මෙහි රහස පසුගිය දා හෙළි වුණා. මෙම තරුණිය තමාගේ මීමිත්තණිය යැයි යුටියුබ් ග‍්‍රාහකයෙක් හෙළි කළා.

අනාගතයට යාමක් ද? මෙහි දැක්වෙන්නේ ඇමරිකාවේ ඩුපොන්ට් ආයතනයෙන් පිට වී යන තරුණ සේවිකාවන් පිරිසක්. එයින් එක් තරුණියක් අතේ ඇති ජංගම දුරකතනයකින් කතා කරමින් යනවා ඔබට පෙනෙනවා ඇති. වසර 75කට …

දියණිය උපන් මොහොතේ පියා ගත් පින්තූරය අන්තර් ජාලය කළඹයි! වෛද්‍යවරයාගේ අතේ එල්ලී එළියට ආ ළදැරිය මෙන්න!

ජීවිතයේ විස්මිත මොහොතවල් ඡායාරූපයට නැඟීම වාසනාවත් එක්ක සිදු වන දෙයක්. එහෙම වාසනාවක් ලද මාපිය යුවලක් තමන් ගත් ජීවිතයේ අමතක නොවන පින්තූරය ‘මුහුණු පොතේ’ පළ කළා. මොහොතකින් එය අන්තර්ජාලය පුරා ‘කුණාටුවක්’ මෙන් හඹා ගියා.

මෙලොව එළිය දකින්න මොහොතකට පෙර පුංචි නෙවායි මව් කුස හිඳිමින් තම උදව්වට ආ වෛද්‍යවරයාගේ ඇඟිල්ලේ එල්ලූන හැටි!
මේ වාසනාවන්ත අත්දැකීම ලැබුවේ ඇමරිකාවේ ඇරිසෝනාවේ ග්ලෙන්ඬේල්හී ඇලිසියා හා රැන්ඩි ඇට්කින්ස් යුවලයි. 2012 අවුරුද්දේ ඔක්තෝබර 9 වැනිදා ඇලිසියා සිය දියණිය, බිහි කරන්නට රෝහල් ගත වී සිටියා. සිසේරියන් සැත්කමකින් තමයි දියණියගේ ප‍්‍රසූතිය සිද්ධ කෙරුණේ. කුඩා බිලිඳිය මව කුස තුළින් මෙලොව එළිය බලන්නට එම සැත්කම කළ වෛද්‍යවරයා උදවු කරද්දී ඇය ඔහුගේ ඇඟිල්ලෙන් අල්ලා ගත් හැටි ඇගේ පියා විසින් ඡායාරූපයට නඟා තියෙනවා.

මේ පිළිබඳව එදා ඒ මොහොතේ ඔවුන් එය ලෝකයට ප‍්‍රකාශ කළේ නැහැ. දියණියට මාස තුනක් වන තෙක් රහසක් වශයෙන් තබා ගෙන සිටි ඒ ඡායාරූපය මුහුණු පොතට එක් කළේ ගිය සතියේයි. හරියටම මාස තුනක් පිරුණ දායි.

ඇට්කින්ස් යුවල ‘3ටීවී’ රූපවාහිනී ආයතනයේ ප‍්‍රවෘත්ති වැඩසටහනකට විත් ඒ ගැන මෙසේ අදහස් පළ කළා. පියා කී…

මුල්ම ඇපල් 1 පරිගණකය ලෝක වාර්තාවක් තියයිද? ඇපල් සමාගමේ ආරම්භය හෙළිකරන මෙතෙක් පළ නොවූ ඡායාරූපයක්!

ඇපල් පරිගණකය පටන් ගත් හැටි දැන් දකින කොටත් පුදුම හිතෙනවා. ඒ මුල් ම ඇපල් පරිගණකය අළෙවි කරන්න ගෙනියන්න පෙර පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුගිය දා ප‍්‍රථමවරට හෙළිදරවු වුණා.

මේ ඡායාරූපයට නගා තියෙන්නේ 1976 දියි. එතකොට ස්ටීව් ජොබ්ස්ට (Steve Jobs) වයස 21යි. ඔහුගේ මිතුරු ස්ටීව් වොස්නියැක් (Steve Wozniak) සමග එක්ව ඔවුන් දෙදෙනා මේ මුල්ම ඇපල් පරිගණක තැනුවේ ස්ටීව් ජොබ්ස්ගේ මාපියන්ගේ ගෙදර ගරාජයකයි. ඔවුන් ඒ තැනූ මූල් පරිගණක 50 තැන්පත් කරල තිබුණු ආකාරය දැක්වෙන මේ විරල ඡායාරූපය නිකුත් කරනු ලැබුවේ ලබන නොවැම්බර් 16 වැනිදා වෙන්දේසියට තැබෙන දැනට හොඳම තත්වයේ ඇති පැරණි ම ඇපල් පරිගණකය එළි දැක්වීම වෙනුවෙන්.

මෙය දැනට ලෝකයේ ඇති වටිනාම සන්නම ලෙස සැලකෙන ඇපල් පරිගණකයේ ආරම්භක තත්වය තේරුම ගන්නත් හොඳ අවස්ථාවක්. මේ සන්නමෙහි අද වටිනාකම පවුම් බිලියන 60ක්.

ඇපල් පරිගණකයේ ආරම්භය දැක්වෙන මේ කිසිදා එළියට නො පැමිණි ඡායාරූපයක්. ඒ මුල් ම ඇපල් පරිගණකය අළෙවි කරන්න ගෙනියන්න පෙර 1976 දී පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුග…

මහා භූමිකම්පාවකින් පසු පාකිස්ථාන මුහුදෙන් මතු වූ ලෝකයේ අලූත් ම දූපත!

2013දී පාකිස්ථානයේ ප‍්‍රබල භූමිකම්පාවක් ඇති වුණා. 7.8ක් වූ ඒ භූමිකම්පාවෙන් පාකිස්ථාන අසල මුහුදේ අලූත් දූපතක් මතු වුණා.

සල්සාලා කෝහ් (Zalzala Koh) යනුවෙන් ඒ දූපත නම් කරලා තියෙනවා. දාල්බන්දින්වලට සැතැපම් 145ක් ගිනිකොන දෙසින් හටගත් මේ භූම්කම්පාව නිසා දැන් එය බලන්න සංචාරකයන් වගේම පාකිස්ථාන වැසියන් වැල නොකැඩි එනවා. ඒ දූපතටත් ගොඩ වෙනවා. ගිනිගන්නාසුලූ වායුව, විස දුම් ආදිය ඇති බව අනතුරු හැෙඟව්වත් ඒවා ගනන් නොගෙනයි, ඔවුන් එහි එන්නෙ.

ඒ දූපතේ පිපිරුණු මඩ, වැලි, ගල් මුසු බිම මත මුහුදු සතුන්ගේ මළ සිරුරු, විශේෂයෙන් ම මාළුන් මළකුණු පිරිලා තියෙනවා.

මෙන්න ලෝකයේ අලූත් ම දූපත අහසට පෙනෙන හැටි. මේ මඩ කන්ද මීටර් 15ක් 20ක් විතර උස ඇති. මිනිසුන්ට ඒ මත ඇවිද ගෙන යා හැකි තරමට එහි බිම ඝනකම් කියලයි, කියන්නෙ.
මේ පින්තූර නාසා ආයතනයේ පෘථිවි නිරීක්ෂණ චන්ද්‍රිකා - 1 හා ලැන්ඞ් සැට් 8 චන්ද්‍රිකාවලින් ඒ දූපත මතු වුණු දවස්වල ගත්තු ඒවායි.

දූපත වටේට ඇති ළා කොළ හා තඹ පැහැති කොටස්වලින් පෙනෙන්නේ මුහුදේ නොගැඹුරු බව හෝ අවට ඇති අවසාදිත තට්ටුවයි.

මේ අලූත් දූපත මතු වූ හරියේ ගැඹුර මීටර් 15ත් 20ත් අතර වෙනවා. මෙහෙම කියන්නේ පාකිස්ථානය…