Skip to main content

11 හැවිරිදි ළමයෙක් කළ විස්මිත සොයා ගැනීමක්! වසර 30,000ක් පැරණි ලෝම මැතයකුගේ සම්පූර්ණ සිරුරක්!

11 හැවිරිදි ළමයෙක් කළ විස්මිත සොයා ගැනීමක්! වසර 30,000ක් පැරණි ලෝම මැතයකුගේ සම්පූර්ණ සිරුරක්! ඒ සතා නම් කර ඇත්තේ නම් කර ඇත්තේ ‘ශේන්යා’ කියලයි.

තරුණ ළමයින් ඔවුන් ජීවත්වන පරිසරයේ ගවේෂණයේ යෙදීම සාමාන්‍ය දෙයක්. මොකක් හරි අමුතු දෙයක් සොයා ගැනීම ඔවුන්ගේ අරමුණයි. ඒත් එවැනි දෙයක් හරියන්නේ ඉතාමත් කලාතුරකින්. 1940 සැප්තැම්බර් මාසයේ 12 වැනිදා ප‍්‍රංශයේ ළමුන් හතර දෙනෙක් ඔවුන්ගේ බලූ සුරතලාත් සමග වසර 40,000ක් පැරණි ලෙන් චිත‍්‍ර ඇතුළත් ලැස්කූස් ගුහා සොයා ගත් කතාව ඔබ අහලා ඇති. මෙසේ ළමයින් පුරාවිද්‍යාඥයන්ට වඩා දස්කම් පෑ අවස්ථා විරලයි.

ඒ වගේ දෙයක් ආයිත් රුසියාවේදී සිදු වුණා, පසුගිය අගෝස්තුවේදි. 11 හැවිරිදි රුසියානු ළමයෙක් තමා අවට පරිසරයෙන් ඒවගේ විස්මිත දෙයක් සොයා ගත්තා. අවුරුදු 100කින් මෙපිට කිසිවකු නුදුටු දසුනක් ඔහු එහි දී දුටුවා. වැළලී තිබූ එය ඔහු ටිකෙන් ටික පාදා ගත්තා. ඒ වසර 30,000කට පෙර විසූ ලෝම මැතයකුගේ (Wooly Mammoth) සම්පූර්ණ සිරුරක් - මස්, ඇට, ලොම් හා මේද ස්තර සමග මුළුමනින්ම දිරා නොගිය එකක්!


 
උතුරු රුසියාවේ දී 11 හැවිරිදි ළමයකු විසින් සොයා ගෙන ඇති ලෝම මැමතාගේ පූර්ණ සිරුර අසලට ගිය විද්‍යාඥයන්.

එහි ශේෂව තියෙනවා දළයක් හා සිරුරේ දකුණු කොටස මුළුමනින්ම වාගේ එහි සුරැකිව තියෙනවා. එහි ඉතිරිව ඇති කොටසේ බර කිලෝග්රෑම් 500ක් පමණ ඇති.

මොස්කොව් නගරයෙන් ලැබෙන ආරංචිවලට අනුව මේ පිරිමි සතා මිය යන්නට ඇත්තේ අවුරුදු 30,000කට ඉහතදීයි. ඒ වන විට උගේ වයස අවුරුදු 15ක් පමණ වෙන්නට ඇති. එදා පටන් නිත්‍ය හිම තුහින (Permafrost) යටතේ තිබූ නිසා මේ වන තෙක් විනාශ නොවී පවතින්නට ඇති.

මේ විස්මිත සොයා ගැනීම කළ 11 හැවිරිදි දරුවා යෙව්ජිනි සැලින්ඩර් කියා ඒබීසී පුවත්සේවය වාර්තා කරනවා. ඔහුට ඒ මිදුණු සත්වයා හමු වී ඇත්තේ උතුරු රුසියාවේ ටේමීර් (Taymyr) අර්ධද්වීපයෙනි. යෙව්ජිනි සිය පවුලේ අයත් එක්ක ජීවත් වන්නේ ඒ ප‍්‍රදේශයේයි. එය උත්තර ධ්රුවයේ ඇති සොප්කාගා (Sopkarga) කාලගුණ විද්‍යා නිරීක්ෂණාගාරය ආසන්නයේ තමයි ඔවුන්ගේ නිවස පිහිටා තියෙන්නෙ.

ලෝම මැමතයන් සිටි බවට ලකුණු සයිබීරියාවේ නිත්‍ය හිම තුහින සහිත කලාපයෙහි 1929 දී පමණ හමුවුණා. ඒත් මෙය තමා මෙතෙක් හමුවී ඇති වඩාත් හොඳින්ම සුරැකී ඇති මැමත් සිරුර. උගේ දළ, කට, ඉළ ඇට ආදිය පැහැදිලිවම පෙනෙන්න තියෙනවා.

ඔහු තමාගේ මේ විස්මිත සොයා ගැනීම ගැන දෙමාපියන්ට කිව්වා. ඒ පිළිබඳව වගකිවයුත්තන්ට දැන්වූ පසු විද්‍යාඥයන් පිරිසක් ඇවිත් පරීක්ෂා කර බලා ඒ මැමතයකුගේ බව තහවුරු කළා.

 
මේ ලෝම මැමතාගේ සිරුර පාදා ගනිද්දී...ඇතකුගේ බඳු උගේ දළයක් සම්පූර්ණයෙන් ම සුරැකිව තියෙනවා.

1901 දී ද ලෝම මැමතයකුගේ සිරුරක් මේ ආකාරයට ගොඩ ගනු ලැබුවා. මෙවර හමු වූ සිරුර වඩාත් සම්පූර්ණ එකක් බව විද්‍යාඥයන් කියනවා.

මේ මැමතා දැනටමත් ‘ශේන්යා’ යන කියා හඳුන්වා තියෙනවා. ඒ යෙව්ජිනි සැලින්ඩර් දරුවාගේ සුරතල් නාමය නාමය අනුව යමින්. මැමතයාගේ නිල විද්‍යාත්මක නාමය සොප්කාජින්ස්කි මැමත් (Sopkarginsky mammoth) යන්නයි.

 
මේ ශේෂයන් වසර 30,000කට පෙර 15 හැවිරිදි වියේ දී මියගිය ලෝම මැමතයකුගේ

රුසියානු විද්‍යා ඇකඩමියේ මැමතයන් පිළිබඳ විශේෂඥ ඇලෙක්සි තිකනෝෆ් මාධ්‍ය හමුවකදී කියා සිටියේ මීට පෙර අන්තිම වරට මෙවැනි හොඳින් සුරැකුණු මැමතයකු රුසියාවේ දී හමු වූයේ 1901 දී බවයි. ඒ දකුණු රුසියාවේ ක‍්‍රාස්නොයාස්කි පළාතෙන්. විද්‍යාඥයන් කියන්නේ මෙවර හමු වූ මැමතයාගේ සිරුර ඊටත් වඩා සම්පූර්ණ එකක්. මෙය උතුරු ප‍්‍රදේශයෙන් හමු වීම තවත් විශේෂත්වයක්.

ශාන්ත පීටර්ස්බර්ග්හී සත්ව විද්‍යාත්මක කෞතුකාගාරයේ අධ්‍යක්ෂවරයා ද වන ඇලෙක්සි තිකනෝෆ් තවදුරටත් මෙසේ කියනවා; ”යෙව්ජිනි සැලින්ඩර් යෙනිසි ගඟ දිගේ ඇවිද ගෙන යද්දී ඔහුට අප‍්‍රසන්න ගඳක් දැනිලා තියෙනවා. ඒ දෙසට ළං වී බැලූවාම ඒ සතකුගේ සිරුරු කොටසක් බව දැකලා තියෙනවා. පසුව ටිකක් හිම තුහින ඉවත් කරපුවාම ඒ විශාල සතකුගේ බව හෙළි වුණා. ඒ ළමයාගේ පවුලේ අය අපට දැන්නුවා. අපි වහාම එහි ගියා.”

”මේ සතා මීට වසර 30,000කට පෙර අවුරුදු 15-16 අතර වයසකදි මිය යන්න ඇති. එක් දළයක්, සම, එක් ඇසක් හා කනක් පැහැදිලිවම පේන්න තියෙනවා. පිරිමි සතකු වූ උගේ මීටරයක් පමණ දිග ශිශ්නයත් සුරැුකිව තියෙනවා. අපට ස්ථිරව කියන්න පුළුවන් ගත වූ සියවසකට වැඩි කාලයකට මේ තරම් හොඳින් ඇති මැමතයකුගේ සිරුරක් හමු නොවූ බව. ඒ නිසා මේ සතා සියවසේ මැමතයා ලෙස හඳුන්වන්න පුළුවන්.” තිකනෝෆ් වැඩිදුරටත් කියනවා.

විද්‍යාඥයන්ට දවස් පහක් ගියා මේ සතා සම්පූර්ණයෙන් ගොඩ ගන්න. ඉන්පසු එය ඩුඩිනිකා නගරයට රැගෙන ගියා.

දැනට මෙය ටේමීර් කලාපීය අධ්‍යයන කෞතුකාගාරයේ තැන්පත් කෙරෙන අතර ඒ පිළිබඳව පළමු අධ්‍යයනය සිදු කිරීම සඳහා මොස්කොව් හා පීටර්ස්බර්ග් සත්ව විද්‍යා හා පොසිල විද්‍යා අධ්‍යයන ආයතනයන්ට මුලින්ම අවස්ථාව ලබා දීමට එකඟ වී තියෙනවා.



Comments

  1. ලෝකය දරුවන්ගෙ කියන්නෙ ඒක නේ.
    ජය වේවා.

    ReplyDelete
  2. කෝ දැන් ඒ ළමයාගේ පිංතූරයක් නැහැනේ..... :)

    ReplyDelete
  3. හොද සොයාගැනිමක්. වටින ලිපියක්

    ReplyDelete

Post a Comment

Popular posts from this blog

ලෝකයේ වටිනාම මුද්දරය වෙන්දේසියට! දැනට ඇත්තේ ලෝකෙටම එකයි!

මුද්දර එකතු කිරීම (Philately) විනෝදාංශයක් වගේම හොඳ ආදායම් මාර්ගයක්. පුංචි වුණාට තැපැල් මුද්දරයක් කියන්නේ රටක ඉතිහාසය කියාපාන කැඩපතක්. රටකින් රටකට හොඳ හිත පතුරුවමින් යන සංස්කෘතික තානාපතිවරයෙක්!

ඒ වගේ පැරණි තැපැල් මුද්දරයක් එහි මුහුණත සඳහන් වටිනාකමට හුඟක් වැඩිවෙන වෙලාවල් තියෙනවා. එහෙම වෙන්නේ ඒවායේ ඇති දුලබකම නිසයි.

ඒ වගේ 1873 දී ලිපිගොනු ගොඩක් අස්සේ තිබී හමුවුණු පාවිච්චි කළ ශත එකේ තැපැල් මුද්දරයක් පසුව වෙළෙඳ පොළේ දී සිලිං හයකට විකුණුණා. බි‍්‍රතාන්‍ය ගයානාව (British Guiana) විසින් නිකුත් කළ ශත එකේ දම්පාට තැපැල් මුද්දරය (1c Magenta stamp) දැන් යළිත් වෙන්දේසිය සඳහා වෙළෙඳපොළට ඇවිත්. අද, වසර 141කට පසු, එයට මුද්දර වෙන්දේසියේ දී ඇමරිකන් ඩොලර් මිලියන 20ක මුදලක් ලැබේවි යැයි විශ්වාස කරනවා.

මෑතදී ‘ලොව වඩාත් වටිනාම මුද්දරය’ ලෙස හඳුන්වනු ලැබූ මේ පැති අටේ හැඩැති තැපැල් මුද්දරය 2014 ජූනි මාසයේ 17 වැනිදා ඇමරිකාවේ නිව්යෝක්හිදී ප‍්‍රසිද්ධ වෙන්දේසියේ විකිණීමට නියමිතයි.

මෙය දැනට ලෝකයේ සුරක්ෂිතව ඉතිරි වී ඇති මේ වර්ගයේ එකම මුද්දරය ලෙස සැලකෙනවා. මෙය නිකුත් කරන ලද්දේ 1856දියි. බි‍්‍රතාන්‍ය ගයානාවේ තැපැල් මහතා…

MH370 මැලේසියානු ගුවන්යාන අබිරහස! ලෝකයේ අබිරහස් ලෙස අතුරුදන් වුණු ගුවන්යානා 10 මෙන්න!

පසුගිය සතියේ (මාර්තු 8 වැනිදා) අතුරුදන් වූ පිසැරි අංක එම්එච්370 මැලේසියානු මගී ගුවන්යානයට වූ දේ තවමත් අබිරහසක්. රටවල් 10 ගුවන්යානා, නැව්, චන්ද්‍රිකා රැසක් මේ අබිරහස විසඳන්න තවමත් වෙහෙසෙනවා.

ඒත් මෙය දැනටමත් නොවිසඳෙන අබිරහසක් පත් වෙන ලකුණු පහළ වෙලා!

ලොව පළමු සෙල් ෆෝනය මේකද? වසර 75ක් පැරණි පින්තූරයේ රහස හෙළි වෙයිද?

බලන්න මේ තරුණිය ජංගම දුරකතනයක් කනේ තියා ගෙන පාර දිගේ කතා කර කර යනවා! අද නම් මේ වගේ දසුනක් ගමක පාරක වුනත් ඔබ දැක ඇතුවාට සැකයක් නැහැ. ඒත් මේ දර්ශනය කැමරාවට නඟා ඇත්තේ මීට අවුරුදු 75කට පෙරයි!

1938 දී ඇමෙරිකාවේ වීදියක ගමන් කළ මේ යුවතියගේ අතට වර්තමානයේ අප පාවිච්චි කරනා තාලේ සෙල් ෆෝනයක් (ජංගම දුරකතනයක්) ආවෙ කොහොමද?

ඒ කාලයේ මේ වගේ දෙයක් නිපදවීම තියා මෙවැන්නක් ගැන හිතලවත් නොතිබුණා නම් මෙම දර්ශනය චිත‍්‍රපටයකට ගත් නිර්මාණයක්ද? සමහර අය කීවේ චිත‍්‍රපටය තුළින් අනාගතය දැකීමක් ලෙස මෙම දසුන සලකන්න පුළුවන් කියලයි. අනාගතය පරිකල්පනය කළ අවස්ථා චිත‍්‍රපටවල ඕනෑ තරම් තිබුණා. මේ වගේ

මේ රූප පෙළ මේ වන විට යූටියුබ් (YouTube) එක හරහා ලක්ෂ තුනකට වැඩි වාර ගණනක් සංසරණය වෙලා තියෙනවා. වර්ණ චිත‍්‍රපට එන්නට පෙරාතුව කළු සුදු ක‍්‍රමයට කැමරාවට නගන ලද මෙහි රහස පසුගිය දා හෙළි වුණා. මෙම තරුණිය තමාගේ මීමිත්තණිය යැයි යුටියුබ් ග‍්‍රාහකයෙක් හෙළි කළා.

අනාගතයට යාමක් ද? මෙහි දැක්වෙන්නේ ඇමරිකාවේ ඩුපොන්ට් ආයතනයෙන් පිට වී යන තරුණ සේවිකාවන් පිරිසක්. එයින් එක් තරුණියක් අතේ ඇති ජංගම දුරකතනයකින් කතා කරමින් යනවා ඔබට පෙනෙනවා ඇති. වසර 75කට ප…

නස්රුදින්ගේ වේළීමේ රහස! අලුත්ම නස්රුදින් කතාවක්!

නස්රුදින්ගේ පොහොසත් මිතුරෙක් ඔහුට කතා කළා, ඒ මිතුරාත් ඔහුගේ පිරිසත් එක්ක දින කීපයක් තිස්සේ දඩයමේ යන්න. මුල් ම දවසේ ඔවුන් නස්රුදින්ට දුන්නෙ බොහොම හෙමින් යන අස්සයෙක්. දඩයමට යන්න පටන් අරන් වැඩි වේලාවක් ගියේ නෑ, හෙමින් ගිය අස්සයා නිසා නස්රුදින් හුඟක් පහුවුණා. නස්රුදින්ව පහු කරලා දාලා අනෙක් පිරිස ඈතට දඩයමේ ගියා.

දියණිය උපන් මොහොතේ පියා ගත් පින්තූරය අන්තර් ජාලය කළඹයි! වෛද්‍යවරයාගේ අතේ එල්ලී එළියට ආ ළදැරිය මෙන්න!

ජීවිතයේ විස්මිත මොහොතවල් ඡායාරූපයට නැඟීම වාසනාවත් එක්ක සිදු වන දෙයක්. එහෙම වාසනාවක් ලද මාපිය යුවලක් තමන් ගත් ජීවිතයේ අමතක නොවන පින්තූරය ‘මුහුණු පොතේ’ පළ කළා. මොහොතකින් එය අන්තර්ජාලය පුරා ‘කුණාටුවක්’ මෙන් හඹා ගියා.

මෙලොව එළිය දකින්න මොහොතකට පෙර පුංචි නෙවායි මව් කුස හිඳිමින් තම උදව්වට ආ වෛද්‍යවරයාගේ ඇඟිල්ලේ එල්ලූන හැටි!

මුල්ම ඇපල් 1 පරිගණකය ලෝක වාර්තාවක් තියයිද? ඇපල් සමාගමේ ආරම්භය හෙළිකරන මෙතෙක් පළ නොවූ ඡායාරූපයක්!

ඇපල් පරිගණකය පටන් ගත් හැටි දැන් දකින කොටත් පුදුම හිතෙනවා. ඒ මුල් ම ඇපල් පරිගණකය අළෙවි කරන්න ගෙනියන්න පෙර පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුගිය දා ප‍්‍රථමවරට හෙළිදරවු වුණා.

මේ ඡායාරූපයට නගා තියෙන්නේ 1976 දියි. එතකොට ස්ටීව් ජොබ්ස්ට (Steve Jobs) වයස 21යි. ඔහුගේ මිතුරු ස්ටීව් වොස්නියැක් (Steve Wozniak) සමග එක්ව ඔවුන් දෙදෙනා මේ මුල්ම ඇපල් පරිගණක තැනුවේ ස්ටීව් ජොබ්ස්ගේ මාපියන්ගේ ගෙදර ගරාජයකයි. ඔවුන් ඒ තැනූ මූල් පරිගණක 50 තැන්පත් කරල තිබුණු ආකාරය දැක්වෙන මේ විරල ඡායාරූපය නිකුත් කරනු ලැබුවේ ලබන නොවැම්බර් 16 වැනිදා වෙන්දේසියට තැබෙන දැනට හොඳම තත්වයේ ඇති පැරණි ම ඇපල් පරිගණකය එළි දැක්වීම වෙනුවෙන්.

මෙය දැනට ලෝකයේ ඇති වටිනාම සන්නම ලෙස සැලකෙන ඇපල් පරිගණකයේ ආරම්භක තත්වය තේරුම ගන්නත් හොඳ අවස්ථාවක්. මේ සන්නමෙහි අද වටිනාකම පවුම් බිලියන 60ක්.

ඇපල් පරිගණකයේ ආරම්භය දැක්වෙන මේ කිසිදා එළියට නො පැමිණි ඡායාරූපයක්. ඒ මුල් ම ඇපල් පරිගණකය අළෙවි කරන්න ගෙනියන්න පෙර 1976 දී පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුග…

හොල්මන් පින්තූර කතන්දර පෙළක්! මේවා දැකල බය වෙන්න එපා!

රාති‍්‍ර කාලයට අඳුරේ දී ඔබව බියපත් කරන හැම රටකටම, හැම සමාජයකම තියෙනවා. ඇත්තටම හොල්මන් තියෙනවා කියල ඔප්පු කරන්න හොල්මන්වල පින්තූර ගන්න අයත් ඉන්නවා. මේ ඒ විදියට ගත්තු පින්තූර පෙළක්!


අවුරුදු ගානක් තිස්සෙ විවිධ අවස්ථාවලදි ගත්තු පින්තූර තමයි, මේ තියෙන්නේ. මෙහි ඉන්නවා, ඝාතනය කළ වහල් සේවකයන්, රෝහල්වල වධබන්ධනවලට ලක්ව මියගිය රෝගීන්, අතීතයට එක් වූ මුහුදු නැවියන් ආදී නොයෙක් අය. මොවුන්ගේ හොල්මන් කතා අහපු බොහොම දෙනෙක් බියට පත් වුණා. තාමත් අහන අයගේ ඇඟ හිරි වැටෙනවා.

දුර්ලභ ගණයේ සේයා රුවක්! නවසීලන්තයේ ධීවරයකුගේ නවතම ගොදුරක්!

මෙය ලියැවෙන්නේ කලාතුරකින් හමු වන ඡායාරූපයක් ඔබ වෙත ඉදිරිපත් කරන්නයි. අන්තර් ජාලය පුරා මේ වන විටත් වැඩි දෙනකුගේ අවධානය දිනා ගෙන තියෙනවා.

මේ ඡායාරූපයෙන් කියැවෙන්නේ මිනීමරු සුදු මෝරකුගේ ඉරණම දැක්වෙන කතාවක්. පසුගිය සතියෙදි නවසීලන්තයේ මුහුදේදි ගත්තු එකක්.

මහා භූමිකම්පාවකින් පසු පාකිස්ථාන මුහුදෙන් මතු වූ ලෝකයේ අලූත් ම දූපත!

පසුගියදා පාකිස්ථානයේ ප‍්‍රබල භූමිකම්පාවක් ඇති වුණා. 7.8ක් වූ ඒ භූමිකම්පාවෙන් බලූකිස්ථානය අසල මුහුදේ අලූත් දූපතක් මතු වුණා. ලෝකයේ අලූත් ම දූපත එයයි.

සල්සාලා කෝහ් (Zalzala Koh) යනුවෙන් ඒ දූපත නම් කරලා තියෙනවා. දාල්බන්දින්වලට සැතැපම් 145ක් ගිනිකොන දෙසින් හටගත් මේ භූම්කම්පාව නිසා දැන් එය බලන්න සංචාරකයන් වගේම පාකිස්ථාන වැසියන් වැල නොකැඩි එනවා. ඒ දූපතටත් ගොඩ වෙනවා. ගිනිගන්නාසුලූ වායුව, විස දුම් ආදිය ඇති බව අනතුරු හැෙඟව්වත් ඒවා ගනන් නොගෙනයි, ඔවුන් එහි එන්නෙ.

ඒ දූපතේ පිපිරුණු මඩ, වැලි, ගල් මුසු බිම මත මුහුදු සතුන්ගේ මළ සිරුරු, විශේෂයෙන් ම මාළුන් මළකුණු පිරිලා තියෙනවා.

මෙන්න ලෝකයේ අලූත් ම දූපත අහසට පෙනෙන හැටි. මේ මඩ කන්ද මීටර් 15ක් 20ක් විතර උස ඇති. මිනිසුන්ට ඒ මත ඇවිද ගෙන යා හැකි තරමට එහි බිම ඝනකම් කියලයි, කියන්නෙ.

MH370 මැලේසියානු ගුවන්යාන අබිරහස : නියමුවාම යානය බලෙන් ගෙන ගියාද?

2014 මාර්තු 16 වැනිදා

අනතුරට පත් යානයේ නියමුවා වූ සහාරි අහමඞ් ෂා දේශපාලන උමතුවකින් පෙළෙන්නකු ලෙස දැන් සැක කරනවා. එම්එච්370 යානය නියමුවා ලෙස සේවයට වාර්තා කරන්නට පෙර ඔහු මැලේසියාවේ විරුද්ධ පක්ෂ නායකයා වූ අන්වර් ඒබ‍්‍රහම්ට එරෙහිව පැවති නඩු විභාගයට බලන්නට ගිය බවක් ෆෙඩරල් පරීක්ෂක නිලධාරින් කියනවා.