Skip to main content
malkakulu_youtube_page malkakulu_facebook_page

විසිතුරු වෙසින් එන මිනීමරුවෝ! ඇන්ත්රැක්ස්වල සිට කළු වසංගතය දක්වා මරුවන්ගේ ඔබ මින් පෙර නුදුටු සුන්දර දසුන්!

මේවා බැලූ බැල්මට නූතන කලාවට අයත් සිත්තම් වගෙයි. මේ හැම එකක් ම මරු කැඳවන රෝග කාරකයන්. මිනිස් සිරුරට ඇතුළු වුවහොත් නියත මරණය ලබා දෙන ඒවායි. ඒවගේ ම ඕනෑම මොහොතක වසංගතයක් ලෙස පැතිරිය හැකි සංක‍්‍රාමික රෝගවලට අයත් ඒවායි.

බැක්ටීරියා, වයිරස ආදියට අයත් මේවා පියවි ඇසට පෙනෙන්නේ නැහැ. දැක ගන්නට පුළුවන් අන්වීක්ෂයකින් පුළුවන්. මේ ඔබ ප‍්‍රථම වරට දකින්නේ ඒවායේ අති විශාලනය කරන ලද ඒවායි.

 
මේක හරියට කලාගාරයක ප‍්‍රදර්ශනයට තබා තියෙන චිත‍්‍රයක් වගෙයි. වර්ණ ප‍්‍රක්ෂේපණය කරන ඉලෙක්ට්‍රෝන අන්වික්ෂයකින් 12,500 ගුණයක් විශාලනය කළ විටයි, මෙහෙම පෙනෙන්නේ.

දස දහස් ගුණයක් විශාලනය කළ හැකි ඉතාමත් බලවත් අන්වීක්ෂ යොදා ගෙන තමයි, මේ රූප කැමරාවට නගා තියෙන්නේ. හැබැයි වර්ණ යොදා තියෙන්නෙ නම් ඩිජිටල් ක‍්‍රමයෙන් මේවා වර්ණ ගැන්විය හැකි ශිල්පීන්ගේ සහය ලබා ගෙනයි. එහි ප‍්‍රතිඵල හරිම විස්මයජනකයි!

මේ රූපවලින් ඔබට ඉතාමත් කුඩා ඕනෑම බීජාණුවක් වුනත් ඇදහිය නොහැකි තරම් සවිස්තරාත්මකව දැක ගන්න පුළුවන්.

මේ රූප කැමරාවට නගා තියෙන්නේ නවතම අධි තාක්ෂණික වෙමලම් යොදා ගෙනයි. ජර්මනියේ පිහිටුවා ඇති ‘අයි ඔෆ් සයන්ස්’ (Eye of Science) නමින් හැඳින්වෙන ඡායාරූප ශිල්පීන් පිරිසක් තමයි, මේ දස්කම කරලා තියෙන්නේ.

මෙම රූප ඔවුන් විසින් විශේෂයෙන් කැමරාවට නංවා ලබා දීලා තියෙන්නේ ලන්ඩනයේ පිහිටුවා ඇති විද්‍යා ඡායාරූප පුස්තකාලයටයි (Science Photo Library) ලොව පුරා විද්‍යා පර්යේෂණවල නියැළි අයටටත් අධ්‍යාපනඥයන්ටත් මේවා ලබා දෙනවා. ඇතැම් විට මේ කලාත්මක නිර්මාණ හැටියට විද්‍යාගාරවල ප‍්‍රදර්ශනය කරන්නත් අනාගතයේ දී ඉඩ තියෙනවා.

එක් රූපයකින් දැක්වෙන්නේ මාරක ඇන්ත්රැක්ස්. එය සැප්තැම්බර් 11 ඇමරිකාවට එල්ල කළ ප‍්‍රහාරයේ දී ලොව පුරා මහත් ආන්දෝලනයක් ඇති කළ මාරාන්තික විෂ බීජයක්.

මේ බැක්ටීරියාව 18,000 ගුණයක් විශාලනය කරලයි, තියෙන්නෙ.

මේ බැක්ටීරියා එකතුවේ කළු වසංගතයට හේතු වූ මහාමාරිය බෝ කරන විෂ බීජයත් තියෙනවා.

මෙම රෝගය පතුරුවන්නේ මැක්කන් විශේෂයක්. බැලූ බැල්මට හානිකර යැයි නොසිතුනත් එක් දිනකින් ම ආසාදනය ඇති වූවකු ට මාරක තත්වයක් ඇති කිරීමට පුළුවන්.

”අතීතයේ දී මේ ඡායාරූප යොදා ගත්තේ පර්යේෂණ සඳහා ම පමණයි. ඒත් දැන් සාමාන්‍ය ජනතාවත් මේවා ගැන උනන්දුවක් දක්වනවා.” යයි විද්‍යා ඡායාරූප පුස්තකාලයේ මාක් ඇබට් කියනවා.

මේ පරිලෝකන විද්‍යුත් අන්වීක්ෂයෙන් විශාලනය කර දැක ගන්නට අවශ්‍ය නිදර්ශක ලොවපුරා රටවලින් ඔවුනට ලැබෙනවා.

පියවි ඇසට නොපෙනෙන සාම්පල රන් පත‍්‍රයකින් වහලයි, අන්වීක්ෂය යට තියන්නේ.

මේ රූප විශාලනය කොට කැමරාවට නගා ඇත්තේ කළුසුදු ඡායාරූප හැටියටයි. පසුව ඒවා පරිගණකය මගින් වර්ණ ගන්නා තියෙන්නෙ විශේෂ චිත‍්‍රශිල්පීන් විසින්.

දැනටමත් මේ වර්ණ රූප කලාත්මක ඒවා හැටියට බිත්ති හා ග‍්‍රන්ථ සරසන්නත් යොදා ගන්නවා.

”අපේ මේ රූපවලට විශාල ඉල්ලූමක් තියෙනවා. පොදු ජනතාව විද්‍යාව ගැන දැනුවත් කිරීමේ දී වගේම පාසල් දරුවන්ගේ අධ්‍යාපන කටයුතුවල දී මේවා ප‍්‍රයෝජනවත් වෙනවා.”

තවත් රූපයකින් දැක්වෙන්නේ සාර්ස් විෂ බීජයයි. මාරක පෙණහලූ රෝග තත්වයක් ඇති කරන මෙය 2002 දී මුලින් ම හමු වුණේ චීනයෙන්. 56,000 ගුණයක් විශාලනය කරලයි තියෙන්නෙ.

 
මේ වසූරිය පතුරුවන වයිරසයේ රූපයක්. හරියට තෙල් සායම් චිත‍්‍රයක් වගෙයි. සෑම වයිරසයකම ප්‍රෝටීන් ආවරණය කහ වර්ණ ගන්වලා තියෙනවා, හොඳින් පෙන්න අවශ්‍ය නිසා. ඞීඑන්ඒ ජාන ද්‍රව්‍යවලට රතු පැහැය යොදා තියෙනවා. විශාලනය 28,500 ගුණයක්.

 
මේකත් වසූරිය වයිරසවල ම වඩාත් සමීප දසුනක්. ජාන ද්‍රව්‍ය රතු පැහයෙනුත් ඒ වටා ඇති ප්‍රෝටීන් ආවරණය කහපැහැයෙනුත් දැක්වෙනවා.

 
මේ බැක්ටීරියාව මොළයේ ඉදිමීමක් ඇති කළ හැකි එකක්. නීසේරියා මෙනින්ජයිටයිඩිස් (Neisseria meningitidis) නම් වූ මේ බැක්ටීරියාව මෙනින්ගොකෝකල් මෙනින්ජි ප‍්‍රදාහය ඇති කිරීමට සමත්. මේ 33,000 ගුණයක් විශාලනය කරල වර්ණ ගන්වලයි, තියෙන්නෙ.

 
මේ ස්ටෙ‍්‍රප්ටොකොකස් නියුමෝනියේ (Streptococcus pneumoniae) විෂ බීජය ආසාදනයක් ඇති නොකර ඕනෑම කෙනකුගේ සිරුරේ තියෙන්නේ පුළුවන්. ප‍්‍රතිශක්තිය නැති විටෙක ශ්වසන පද්ධතියේ ඉහළ කොටසේ ආසාදන ඇති කොට මාරක නියුමෝනියා තත්වයක් ඇති කරවන්න පුළුවන්.

 
කළු වසංගතය ලෙස හඳුන්වනු ලැබූ මහාමාරියට මුල් වූ යෙර්සිනියා පෙස්ටිස් (Yersinia pestis) බැක්ටීරියාව.

ද්විමාන ප‍්‍රතිබිම්බයක් නිර්මාණය කර ගනු ලැබුවේ අධි-තාක්ෂණ සම්පේ‍්‍රෂණය සහිත ඉලෙක්ට්‍රෝන අන්වීක්ෂයක් භාවිතයෙන්. නිදර්ශනය හරහා ඉලෙක්ට්‍රෝන යැවීමෙනුයි එහි ඡායාරූපය ලබා ගත්තේ.

මේ පෝලියෝ, වසූරිය හා ඉබෝලා වැනි වයිරසවලට ගොදුරු වී අපි‍්‍රකාවේ දිවිරැක ගන්නේ සියයට 10ටත් අඩු ප‍්‍රමාණයක්. ඒ වයිරස දස දහස්වරක් විශාලනය කළ විට එවැන්නක් මේ තරම් භයානක තත්වයක් ඇති කරතැයි මොහොතකට වත් හිතන්න බැහැ.

 
ඊ-කොලයි බැක්ටීරියාව ඇතැම් තත්වයන් යටතේ ආන්ත‍්‍ර ප‍්‍රදාහය හා මූත‍්‍ර මාර්ගයේ ආසාදන ඇති කිරීමටත්, එහි සමහර මාදිලි ආහාර විෂ වීම්ඇති කිරිමටත් සමත් වෙනවා. විශාලනය කර ඇත්තේ 17,000 ගුණයක්.

ආන්ත‍්‍ර ප‍්‍රදාහය හා මූත‍්‍ර මාර්ගයේ ආසාදන ඇති කිරීමට මුල් වන ඊකොලයි බැක්ටීරියාව විශාලනය කර දීප්තිමත් හරිත පැහැය හා කහ පැහැය යොදා ආලෝකමත් කර ගත් විට අමුතු ජීවීන් දෙදෙනකු වගෙයි පෙනෙන්නෙ.

බල්ලන් සපා කෑමෙන් ජලභීතිකා රෝගය ඇති කරන වයිරසය මෙහි ඇතුළත් කර ඇත්තේ 150,000 වරක් විශාලනය කරලයි.

අත්පාවල ඉන්නන් ඇති කරන පැපිලෝමා වයිරසය 60,000 ගුණයකින් විශාලනය කර මෙහි දක්වා තියෙනවා.
ක්ෂයරෝගයේ මෙන් ම ලිංගාශි‍්‍රත සංක‍්‍රාමීය රෝගයක් වූ ගොනෝරියා මාදිලියත් මෙහි ති‍්‍රමාන රූපවලින් දක්වා තියෙනවා.

මෙහි විශේෂ ප‍්‍රයෝග යොදා රූප ගත කළේ පරිලෝකන ඉලෙක්ට්‍රෝන අන්වීක්ෂයක් යොදා ගෙනයි. ඒ මගින් රූප ගත කරන නිර්දර්ශය වෙත ඉලෙක්ට්‍රෝන ධාරාවක් පතිත කිරීම මගිනුයි, මේ රූප සකසා ගත්තේ.

 
පොලූ හැඩයැති ඇන්ත්රැක්ස් රෝගය ඇති කරන බැසිලස් ඇන්ත්රැසිස් බැක්ටීරියාවයි, මේ. විශාලනය 18,300 ගුණයක්.

 
ක්ෂය රෝග බැක්ටිරියාව. මෙය මිනිස් සිරුරට ඇතුළුවන්නේ කෙළ බිඳිති මගින්. විශාලනය 10,000 ගුණයක්.

 
මෙහි ඇත්තේ බොරේලියා බර්ග්ඩෝෆෙරි නම් ස්පයිරෝකීට බැක්ටීරියාවක වර්ණ යෙදූ පරිලෝකන ඉලෙක්ට්‍රෝන මයික්‍රොරේඛයක්. මේ දඟර හැඩැති බැක්ටීරියාව මිනිස් සිරුරට ඇතුළු වන්නේ ටික්කන් දෂ්ඨ කිරීමෙන්. විශාලනය 3650 ගුණයක්

 
ඉන්නන් බෝ කරන පැපිලෝමා වයිරසය (ව්‍යාජ වර්ණ යොදා ඇති). මේ එක් වයිරසයක් තුළ තිත් බඳු ප්‍රෝටීන් ඒකක ඇතුළත් කැප්සෝමර් 72ක් තියෙනවා. මානව පැපිලෝමා වයිරසය (HPV) මෙහි ඇත්තේ 60,000 වරක් විශාලනය කරමිනුයි.

 
සාර්ස් වයිරස අංශූ (රතු) සත්කාරක ෙසෙලයක් තුළ තිබෙන අයුරු. ඒවා සෛල මත හිඳ ඒවා විනිවිද ඇතුළු වෙනවා. විශාලනය 56,000 ගුණයක්.

 
ඉන්ෆ්ලූවෙන්සා වයිරසයයි, මේ. එහි රයිබෝ නියුක්ලියැක් අම්ලය වටා නියුක්ලියෝකැප්සිඞ් (රතු පැහැයෙන්) හා ලිපිඩ ආවරණයක් (හරිත පැහැයෙන්) තියෙනවා. විශාලනය 230,000 ගුණයකි.

 
මේ පෝලියෝ වයිරසයි. ඒ සෑම වයිරසයක් මැද ආර්එන්ඒ (රයිබෝ නියුක්ලියැක් අම්ලය) ජාන ද්‍රව්‍ය ඇති අතර ඒ වටා ප්‍රෝටීන් ආවරණයක් (නිල් පැහැයෙන්) තියෙනවා. පෝලියෝ වයිරස මාදිලි තුනක් තියෙනවා. වසංගත තත්වයන් ඇති කරන්නේ අංක 1 මාදිලියයි. විශාලනය 90,000 වරකි.


Comments

Popular posts from this blog

වත්මන් ළමා ගී පරපුරේ ආරම්භකයා - ශී‍්‍ර රූපදේව කවීන්ද්‍ර ආනන්ද රාජකරුණා

‘රෝස මලේ නටුවෙ කටූ - වන බමරෝ ඔහොම හිටූ
නටුව නොවේ මල සිඹිමී - මම ළමයෝ පැණි උරමී’

යනුවෙන් ළමයකුත්, වන බමරකුත් අතර සංවාදයක් ආකාරයෙන් ලියා ඇති කුඩා කවිය අදත් අපේ දරුවන් අතරත් වැඩිහිටියන් අතරත් එකසේ ජනපි‍්‍රය ළමා කවකි. ළමයින්ට කවි ලිවීම අරභයා ආනන්ද රාජකරුණා (1885-1957) කවියා දැක්වූ දක්ෂතාව මැන ගැනීමට එම කව ම ප‍්‍රමාණවත්ය. ළමයින් සඳහා විවිධ මට්ටමේ කව් රැසක් ආනන්ද රාජකරුණා විසින් අපේ ළමා පරපුරට දායාද කර තිබේ.


කි‍්‍ර.ව. 1885 ජනවාරි 7 වැනිදා ගාල්ලේ මහදම්පාගම රාල්ලාගේ වත්තේ දී උපන් ඔහුගේ උපත් නාමය ‘ඇල්ෆ්‍රෙඞ්’ වුවද ඔහු පසු කලෙක ඒ වෙනුවට ‘ආනන්ද’ නාමය යොදා ගත්තේය. ගම්මුලාදෑනි මෙන්ම ගමේ වෙද මහතා ද වූ විජය වර්ණකුල චාර්ල්ස් තාබ්‍රෙව් රාජකරුණා ඔහුගේ පියාය. මව හෙලේනා ද ලිවේරා කරුණාරත්න වූවාය. ඔහු පස් හැවිරිදි කල මුලින්ම සිංහල උගන්වන ලද්දේ මවගේ සොහොයුරා වූ ජෝශප් ද ලිවේරා කරුණාරත්න විසිනි.

අකුරල සිංහල පාසලෙන් මූලික අධ්‍යාපනය ලැබූ ඔහු මාදම්පේ මිෂනාරි පාසලින් ඉංගී‍්‍රසි අධ්‍යාපනය ලැබීය. ඉන්පසු පූජ්‍ය මාදම්පේ ධම්මතිලක හිමියන් වෙතින් සිංහල බස වැඩිදුර උගත්තේය. සිරි සුමන වංශාලංකාර පේමරතන හිමියන්ගෙන් පාලි හා…

දුර්ලභ ගණයේ සේයා රුවක්! නවසීලන්තයේ ධීවරයකුගේ නවතම ගොදුරක්!

මෙය ලියැවෙන්නේ කලාතුරකින් හමු වන ඡායාරූපයක් ඔබ වෙත ඉදිරිපත් කරන්නයි. අන්තර් ජාලය පුරා මේ වන විටත් වැඩි දෙනකුගේ අවධානය දිනා ගෙන තියෙනවා.

මේ ඡායාරූපයෙන් කියැවෙන්නේ මිනීමරු සුදු මෝරකුගේ ඉරණම දැක්වෙන කතාවක්. නවසීලන්තයේ මුහුදේදි ගත්තු එකක්.


නවසීලන්තයෙන් මාළු අල්ලන්න මූදු ගිය බෝට්ටුක හිටි ධීවරයකුගෙ කැමරාවට තමයි මේ පින්තූරය අහුවුණේ. ඔහුට අහුවුණු මාළුවා අත අරින්න සිද්ධ වුණා. ඒත් ඔහු අල්ල ගත්තු ‘ගොදුර’ නරක නෑනේද? ඒ ගොදුරට මිනීමරු සුදු මෝරුන් දෙදෙනකුම අහුවෙලා!

මේ පින්තූරය ලෝක ප‍්‍රකට විද්‍යාඥ චාල්ස් ඩාවින්ගේ පරිණාමවාදයේ එන උචිතෝන්නති නියමය, ඒ කියන්නේ සත්ව ලෝකයේ දී ශක්තිවන්තයා ඉතිරි වෙනවා (survival of the fittest) යන න්‍යාය ඔප්පු කළ අවස්ථාවක් හැටියට දක්වන්න පුළුවන්.

නවසීලන්තයේ කයිටෙරිටෙරී අසල මුහුදේ දී අල්ලන ලද සෑහෙන පමණ විශාල මේ මෝරා ඒ මොහොතේම එහි ආ තවත් ඊට වඩා විශාල මෝරකු විසින් ඩැහැ ගත් ආකාරය ඔහු විසින් කැමරාවට නගා තිබුණා.

පරිගණක කී‍්‍රඩාවක එන රාක්ෂයකු වූ මැන්කියුබස් (Mancubus) නමින් තමයි, මේ ඡායාරූපය අන්තර්ජාලයට මුදා හැර තියෙන්නෙ.

ඒ ධීවරයාට තමා ඇල්ලූ මෝරා බෝට්ටුව මතට ඇද ගන්න වෙලාවක් තිබුණෙ …

ලෝකයේ වටිනාම මුද්දරය වෙන්දේසියට! දැනට ඇත්තේ ලෝකෙටම එකයි!

මුද්දර එකතු කිරීම (Philately) විනෝදාංශයක් වගේම හොඳ ආදායම් මාර්ගයක්. පුංචි වුණාට තැපැල් මුද්දරයක් කියන්නේ රටක ඉතිහාසය කියාපාන කැඩපතක්. රටකින් රටකට හොඳ හිත පතුරුවමින් යන සංස්කෘතික තානාපතිවරයෙක්!

ඒ වගේ පැරණි තැපැල් මුද්දරයක් එහි මුහුණත සඳහන් වටිනාකමට හුඟක් වැඩිවෙන වෙලාවල් තියෙනවා. එහෙම වෙන්නේ ඒවායේ ඇති දුලබකම නිසයි.

ඒ වගේ 1873 දී ලිපිගොනු ගොඩක් අස්සේ තිබී හමුවුණු පාවිච්චි කළ ශත එකේ තැපැල් මුද්දරයක් පසුව වෙළෙඳ පොළේ දී සිලිං හයකට විකුණුණා. බි‍්‍රතාන්‍ය ගයානාව (British Guiana) විසින් නිකුත් කළ ශත එකේ දම්පාට තැපැල් මුද්දරය (1c Magenta stamp) දැන් යළිත් වෙන්දේසිය සඳහා වෙළෙඳපොළට ඇවිත්. අද, වසර 141කට පසු, එයට මුද්දර වෙන්දේසියේ දී ඇමරිකන් ඩොලර් මිලියන 20ක මුදලක් ලැබේවි යැයි විශ්වාස කරනවා.

මෑතදී ‘ලොව වඩාත් වටිනාම මුද්දරය’ ලෙස හඳුන්වනු ලැබූ මේ පැති අටේ හැඩැති තැපැල් මුද්දරය 2014 ජූනි මාසයේ 17 වැනිදා ඇමරිකාවේ නිව්යෝක්හිදී ප‍්‍රසිද්ධ වෙන්දේසියේ විකිණීමට නියමිතයි.

මෙය දැනට ලෝකයේ සුරක්ෂිතව ඉතිරි වී ඇති මේ වර්ගයේ එකම මුද්දරය ලෙස සැලකෙනවා. මෙය නිකුත් කරන ලද්දේ 1856දියි. බි‍්‍රතාන්‍ය ගයානාවේ තැපැල් මහතා…

හොල්මන් පින්තූර කතන්දර පෙළක්! මේවා දැකල බය වෙන්න එපා!

රාති‍්‍ර කාලයට අඳුරේ දී ඔබව බියපත් කරන හැම රටකටම, හැම සමාජයකම තියෙනවා. ඇත්තටම හොල්මන් තියෙනවා කියල ඔප්පු කරන්න හොල්මන්වල පින්තූර ගන්න අයත් ඉන්නවා. මේ ඒ විදියට ගත්තු පින්තූර පෙළක්!


අවුරුදු ගානක් තිස්සෙ විවිධ අවස්ථාවලදි ගත්තු පින්තූර තමයි, මේ තියෙන්නේ. මෙහි ඉන්නවා, ඝාතනය කළ වහල් සේවකයන්, රෝහල්වල වධබන්ධනවලට ලක්ව මියගිය රෝගීන්, අතීතයට එක් වූ මුහුදු නැවියන් ආදී නොයෙක් අය. මොවුන්ගේ හොල්මන් කතා අහපු බොහොම දෙනෙක් බියට පත් වුණා. තාමත් අහන අයගේ ඇඟ හිරි වැටෙනවා.

MH370 මැලේසියානු ගුවන්යාන අබිරහස! ලෝකයේ අබිරහස් ලෙස අතුරුදන් වුණු ගුවන්යානා 10 මෙන්න!

පසුගිය සතියේ (මාර්තු 8 වැනිදා) අතුරුදන් වූ පිසැරි අංක එම්එච්370 මැලේසියානු මගී ගුවන්යානයට වූ දේ තවමත් අබිරහසක්. රටවල් 10 ගුවන්යානා, නැව්, චන්ද්‍රිකා රැසක් මේ අබිරහස විසඳන්න තවමත් වෙහෙසෙනවා.

ඒත් මෙය දැනටමත් නොවිසඳෙන අබිරහසක් පත් වෙන ලකුණු පහළ වෙලා!

මැලේසියානු ගුවන් සේවයට අයත් බෝයිං 777 එම්.එච්. 370 මගී යානය අබිරහස් ලෙස අතුරුදන් වූයේ ඉකුත් 8 වැනිදා මැලේසියානු වේලාවෙන් මධ්‍යම රාති‍්‍ර 12.21 ට පමණය. ඒ අවස්ථාවේදී යානය චීනයේ බීජීං නුවර බලා පියාසර කරමින් තිබුණේය. ඒ මොහොතේ සිට ආරම්භ කළ සෝදිසි මෙහෙයුම් තවමත් අවසන් නැත.

දැනට හෙළිදරවු වී තියෙන්නේ සොරකම් කළ පාස්පෝට් දෙකකින් දෙදෙනකු ඒ යානයේ ගමන් කර තිබෙන බවයි. ඒ පාස්පෝට්වල සැබෑ අයිතිකරුවන් නිරුපද්‍රිතව ඉන්නා බව බලධාරීන්ට දැනටමත් දැනුම් දී තියෙනවා.


ඒ අතර වියට්නාමයේ නාවික හමුදාව සොයා ගෙන තියෙනවා මහමුහුද මැද සැතැපුම් 12ක් දිග තෙල් පැල්ලමක්! එය එම්එච්370 මැලේසියානු මගී ගුවන්යානය කඩා වැටීමෙන් ඇති වූවක් කියලා දැනට සැක කරනවා. යානයේ ඇති සෙල්ෆෝන් කීපයක් නාද වෙන බව සොයා ගෙන තියෙනවා. ඒ ඔස්සේ යානය වැටුණු තැන සොයා ගන්නයි, දැන් වෑයම් කරන්නේ.


යානයක් ගිනිගෙන අහ…

නස්රුදින්ගේ වේළීමේ රහස! අලුත්ම නස්රුදින් කතාවක්!

නස්රුදින්ගේ පොහොසත් මිතුරෙක් ඔහුට කතා කළා, ඒ මිතුරාත් ඔහුගේ පිරිසත් එක්ක දින කීපයක් තිස්සේ දඩයමේ යන්න. මුල් ම දවසේ ඔවුන් නස්රුදින්ට දුන්නෙ බොහොම හෙමින් යන අස්සයෙක්. දඩයමට යන්න පටන් අරන් වැඩි වේලාවක් ගියේ නෑ, හෙමින් ගිය අස්සයා නිසා නස්රුදින් හුඟක් පහුවුණා. නස්රුදින්ව පහු කරලා දාලා අනෙක් පිරිස ඈතට දඩයමේ ගියා.

ලොව පළමු සෙල් ෆෝනය මේකද? වසර 75ක් පැරණි පින්තූරයේ රහස හෙළි වෙයිද?

බලන්න මේ තරුණිය ජංගම දුරකතනයක් කනේ තියා ගෙන පාර දිගේ කතා කර කර යනවා! අද නම් මේ වගේ දසුනක් ගමක පාරක වුනත් ඔබ දැක ඇතුවාට සැකයක් නැහැ. ඒත් මේ දර්ශනය කැමරාවට නඟා ඇත්තේ මීට අවුරුදු 75කට පෙරයි!

1938 දී ඇමෙරිකාවේ වීදියක ගමන් කළ මේ යුවතියගේ අතට වර්තමානයේ අප පාවිච්චි කරනා තාලේ සෙල් ෆෝනයක් (ජංගම දුරකතනයක්) ආවෙ කොහොමද?

ඒ කාලයේ මේ වගේ දෙයක් නිපදවීම තියා මෙවැන්නක් ගැන හිතලවත් නොතිබුණා නම් මෙම දර්ශනය චිත‍්‍රපටයකට ගත් නිර්මාණයක්ද? සමහර අය කීවේ චිත‍්‍රපටය තුළින් අනාගතය දැකීමක් ලෙස මෙම දසුන සලකන්න පුළුවන් කියලයි. අනාගතය පරිකල්පනය කළ අවස්ථා චිත‍්‍රපටවල ඕනෑ තරම් තිබුණා. මේ වගේ

මේ රූප පෙළ මේ වන විට යූටියුබ් (YouTube) එක හරහා ලක්ෂ තුනකට වැඩි වාර ගණනක් සංසරණය වෙලා තියෙනවා. වර්ණ චිත‍්‍රපට එන්නට පෙරාතුව කළු සුදු ක‍්‍රමයට කැමරාවට නගන ලද මෙහි රහස පසුගිය දා හෙළි වුණා. මෙම තරුණිය තමාගේ මීමිත්තණිය යැයි යුටියුබ් ග‍්‍රාහකයෙක් හෙළි කළා.

අනාගතයට යාමක් ද? මෙහි දැක්වෙන්නේ ඇමරිකාවේ ඩුපොන්ට් ආයතනයෙන් පිට වී යන තරුණ සේවිකාවන් පිරිසක්. එයින් එක් තරුණියක් අතේ ඇති ජංගම දුරකතනයකින් කතා කරමින් යනවා ඔබට පෙනෙනවා ඇති. වසර 75කට …

දියණිය උපන් මොහොතේ පියා ගත් පින්තූරය අන්තර් ජාලය කළඹයි! වෛද්‍යවරයාගේ අතේ එල්ලී එළියට ආ ළදැරිය මෙන්න!

ජීවිතයේ විස්මිත මොහොතවල් ඡායාරූපයට නැඟීම වාසනාවත් එක්ක සිදු වන දෙයක්. එහෙම වාසනාවක් ලද මාපිය යුවලක් තමන් ගත් ජීවිතයේ අමතක නොවන පින්තූරය ‘මුහුණු පොතේ’ පළ කළා. මොහොතකින් එය අන්තර්ජාලය පුරා ‘කුණාටුවක්’ මෙන් හඹා ගියා.

මෙලොව එළිය දකින්න මොහොතකට පෙර පුංචි නෙවායි මව් කුස හිඳිමින් තම උදව්වට ආ වෛද්‍යවරයාගේ ඇඟිල්ලේ එල්ලූන හැටි!
මේ වාසනාවන්ත අත්දැකීම ලැබුවේ ඇමරිකාවේ ඇරිසෝනාවේ ග්ලෙන්ඬේල්හී ඇලිසියා හා රැන්ඩි ඇට්කින්ස් යුවලයි. 2012 අවුරුද්දේ ඔක්තෝබර 9 වැනිදා ඇලිසියා සිය දියණිය, බිහි කරන්නට රෝහල් ගත වී සිටියා. සිසේරියන් සැත්කමකින් තමයි දියණියගේ ප‍්‍රසූතිය සිද්ධ කෙරුණේ. කුඩා බිලිඳිය මව කුස තුළින් මෙලොව එළිය බලන්නට එම සැත්කම කළ වෛද්‍යවරයා උදවු කරද්දී ඇය ඔහුගේ ඇඟිල්ලෙන් අල්ලා ගත් හැටි ඇගේ පියා විසින් ඡායාරූපයට නඟා තියෙනවා.

මේ පිළිබඳව එදා ඒ මොහොතේ ඔවුන් එය ලෝකයට ප‍්‍රකාශ කළේ නැහැ. දියණියට මාස තුනක් වන තෙක් රහසක් වශයෙන් තබා ගෙන සිටි ඒ ඡායාරූපය මුහුණු පොතට එක් කළේ ගිය සතියේයි. හරියටම මාස තුනක් පිරුණ දායි.

ඇට්කින්ස් යුවල ‘3ටීවී’ රූපවාහිනී ආයතනයේ ප‍්‍රවෘත්ති වැඩසටහනකට විත් ඒ ගැන මෙසේ අදහස් පළ කළා. පියා කී…

මුල්ම ඇපල් 1 පරිගණකය ලෝක වාර්තාවක් තියයිද? ඇපල් සමාගමේ ආරම්භය හෙළිකරන මෙතෙක් පළ නොවූ ඡායාරූපයක්!

ඇපල් පරිගණකය පටන් ගත් හැටි දැන් දකින කොටත් පුදුම හිතෙනවා. ඒ මුල් ම ඇපල් පරිගණකය අළෙවි කරන්න ගෙනියන්න පෙර පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුගිය දා ප‍්‍රථමවරට හෙළිදරවු වුණා.

මේ ඡායාරූපයට නගා තියෙන්නේ 1976 දියි. එතකොට ස්ටීව් ජොබ්ස්ට (Steve Jobs) වයස 21යි. ඔහුගේ මිතුරු ස්ටීව් වොස්නියැක් (Steve Wozniak) සමග එක්ව ඔවුන් දෙදෙනා මේ මුල්ම ඇපල් පරිගණක තැනුවේ ස්ටීව් ජොබ්ස්ගේ මාපියන්ගේ ගෙදර ගරාජයකයි. ඔවුන් ඒ තැනූ මූල් පරිගණක 50 තැන්පත් කරල තිබුණු ආකාරය දැක්වෙන මේ විරල ඡායාරූපය නිකුත් කරනු ලැබුවේ ලබන නොවැම්බර් 16 වැනිදා වෙන්දේසියට තැබෙන දැනට හොඳම තත්වයේ ඇති පැරණි ම ඇපල් පරිගණකය එළි දැක්වීම වෙනුවෙන්.

මෙය දැනට ලෝකයේ ඇති වටිනාම සන්නම ලෙස සැලකෙන ඇපල් පරිගණකයේ ආරම්භක තත්වය තේරුම ගන්නත් හොඳ අවස්ථාවක්. මේ සන්නමෙහි අද වටිනාකම පවුම් බිලියන 60ක්.

ඇපල් පරිගණකයේ ආරම්භය දැක්වෙන මේ කිසිදා එළියට නො පැමිණි ඡායාරූපයක්. ඒ මුල් ම ඇපල් පරිගණකය අළෙවි කරන්න ගෙනියන්න පෙර 1976 දී පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුග…

මහා භූමිකම්පාවකින් පසු පාකිස්ථාන මුහුදෙන් මතු වූ ලෝකයේ අලූත් ම දූපත!

2013දී පාකිස්ථානයේ ප‍්‍රබල භූමිකම්පාවක් ඇති වුණා. 7.8ක් වූ ඒ භූමිකම්පාවෙන් පාකිස්ථාන අසල මුහුදේ අලූත් දූපතක් මතු වුණා.

සල්සාලා කෝහ් (Zalzala Koh) යනුවෙන් ඒ දූපත නම් කරලා තියෙනවා. දාල්බන්දින්වලට සැතැපම් 145ක් ගිනිකොන දෙසින් හටගත් මේ භූම්කම්පාව නිසා දැන් එය බලන්න සංචාරකයන් වගේම පාකිස්ථාන වැසියන් වැල නොකැඩි එනවා. ඒ දූපතටත් ගොඩ වෙනවා. ගිනිගන්නාසුලූ වායුව, විස දුම් ආදිය ඇති බව අනතුරු හැෙඟව්වත් ඒවා ගනන් නොගෙනයි, ඔවුන් එහි එන්නෙ.

ඒ දූපතේ පිපිරුණු මඩ, වැලි, ගල් මුසු බිම මත මුහුදු සතුන්ගේ මළ සිරුරු, විශේෂයෙන් ම මාළුන් මළකුණු පිරිලා තියෙනවා.

මෙන්න ලෝකයේ අලූත් ම දූපත අහසට පෙනෙන හැටි. මේ මඩ කන්ද මීටර් 15ක් 20ක් විතර උස ඇති. මිනිසුන්ට ඒ මත ඇවිද ගෙන යා හැකි තරමට එහි බිම ඝනකම් කියලයි, කියන්නෙ.
මේ පින්තූර නාසා ආයතනයේ පෘථිවි නිරීක්ෂණ චන්ද්‍රිකා - 1 හා ලැන්ඞ් සැට් 8 චන්ද්‍රිකාවලින් ඒ දූපත මතු වුණු දවස්වල ගත්තු ඒවායි.

දූපත වටේට ඇති ළා කොළ හා තඹ පැහැති කොටස්වලින් පෙනෙන්නේ මුහුදේ නොගැඹුරු බව හෝ අවට ඇති අවසාදිත තට්ටුවයි.

මේ අලූත් දූපත මතු වූ හරියේ ගැඹුර මීටර් 15ත් 20ත් අතර වෙනවා. මෙහෙම කියන්නේ පාකිස්ථානය…