Thursday, September 06, 2012

විනෝදයට ගැටලූ : ඉතිරි රුපියලට මක්වුනා ද?

ඉතිරි රුපියලට මක්වුනා ද?

මේ ගැටලූව හැත්තෑව දශකයේ මිරිස් පොලූ හාල් පොලූ පැවති කාලයේ කොළඹ ආනන්ද විද්‍යාලයේ ප‍්‍රදර්ශනයක දී එහි ඇදී ආ නරඹන්නට ඉදිරිපත් කළ එකකි. ආනන්ද විද්‍යාලයේ සේවය කළ සුප‍්‍රකට ගණිත ගුරුවරයකු වූ සී. එම්. වීරරත්ත මහතා විසින් ඉදිරිපත් කළ මේ ගැටලූව ඔහුගේ ගණිත විනෝදය ග‍්‍රන්ථයට ද ඇතුළත් කර තිබුණි. එකල පැවති ආහාර හිඟය නිසා මිරිස් රාත්තලක මිල අධික ලෙස ඉහළ ගිය අතර ඒවා අනවසරයෙන් වැඩිපුර ළඟ තබා ගැනීම ද තහනම් විය. ඒ නිසා වැඩිපුර ගෙන යන අල්ලන්නට පොලූ (මාර්ග බාධක) පවා යොදා තිබුණේය. මෙම ගැටලූව විසඳන්නාට තෑග්ග වශයෙන් දෙන්නට මිරිස් රාත්තලක් ද ඒ ප‍්‍රදර්ශන කුටියේ එල්ලා තිබුණි. එය එහි එන නරඹන්නන්ට අපූරු විනෝදයක් සැපයූ අංගයක් විය.
මෙන්න ඒ ගැටලූව! ඔබටත් විසඳන්න පුළුවන් ද බලන්න!


යාළුවෝ තේ බීමට හෝටලයකට ගොඩ වූහ. තේ බිව් පසු වේටර් බිල ගෙනාවේය. අතේ බිල රුපියල් 25ක් විය. බිල ගෙවීම සඳහා යාළුවන් එක් එක්කෙනා රුපියල් 10 බැගින් දමා වේටර් අතට දුන්නේය.

වේටර් බිල ගෙවීමට රුපියල් 30ත් රැගෙන කැෂියර් ළඟට ගියේය. කැෂියර් බිලේ සඳහන් රු.25 අරගෙන රුපියලේ කාසි පහක් වේටර්ට ආපසු දුන්නේය. වේටර් එම මුදල රැගෙන යාළුවන් ළඟට ගොස් ඒ මුදල ඔවුන්ට දුන් ඔවුහූ සංතෝසමක් හැටියට වෙට්ර්ට රුපියල් 2ක් ආපසු දුන්නෝය. ඉතිරි රුපියල් තුන යාළුවෝට රුපියල බැගින් බෙදා ගත්හ.

දැන් රුපියල බැගින් ආපසු ලැබුණ නිසා යාළුවන් එක් එක්කෙනා ගෙවා ඇත්තේ රුපියල් 9 බැගින් ය. ගෙදර යන ගමන් යාළුවෝ ගනුදෙනුව ගැන කතා කරන්නට වූහ.

දැන් රුපියලක් ආපසු ලැබුණ නිසා ඔවුන් තේ බීමට වැය කර ඇති මුදල රු. 9 බැගින් රු. 27කි. වේටර්ට දුන් සංතෝසම වූ රුපියල් දෙක ඊට එකතු කළ විට තේ බීමට වැය වූ මුළු මුදල රු. 29කි. කලින් වේටර්ට දුන් රුපියල් 30න් ඉතිරි රුපියලට වුණේ කුමක් ද?

යාළුවෝ ලොකු ගැටලූවකට පැටළුණහ. ඒ අනුව එකිනෙකා නැති වූ රුපියල ගැන වාද විවාද කරන්න පටන් ගත්හ. අන්තිමේ එය රණ්ඩුවක් බවට පෙරළුණේය. යාළුවන්ගේ රණ්ඩුව නවත්වා ඔවුන්ගේ රුපියලට වූ කියා දෙන්න ඔබට පුළුවන්ද?

නිවැරදි පිළිතුර හෙට...

5 comments:

  1. තේ වලට ගිය වියදම රු.25 කි (උපුටා ගැනීම - අතේ බිල රුපියල් 25ක් විය)
    සන්තෝසම රු.2කි (උපුටා ගැනීම - ඔවුහූ සංතෝසමක් හැටියට වෙට්ර්ට රුපියල් 2ක් ආපසු දුන්නෝය)

    එබැවින් තේ සඳහා වියදම රු. 27 කි (25+2) (මෙහි වියදම 29ක් බව දක්වා කියවන්නා නොමග යැවීම මෙම ගැටලුවට හේතු වේ)

    දුන්නේ රු.30 වියදම රු 27යි ඉතුරු රු 3 නිසි පරිදි ලැබී තුන්දෙනා බෙදාගත්තා ...එම නිසා ඉතුරු රුපියලක් නැත.

    ReplyDelete
  2. වේටර්ට දුන්න රු.2 එයාල දුන්න 27 ට එකතු කරල හරියන්නෙ නැහැනෙ..27 ඒ 2 අඩු කරාම 25..කොහොමත් 25 නේ තේ බොන්න වැය වෙලා තියෙන්නෙ...ඒ යාළුවො හිතල තියෙනව වැරදියි..එයාල 9 බැගින් එකතු කරල තියෙන්නෙ 1 බැගින් තුන්දෙනාම අඩුවෙන් ගෙවල තියෙන නිසා..ඉතින් ඒ මුළු එකතුවෙන් වේටර්ට දුන්න 2 ත් අඩු කරන්න ඕනෙ

    ReplyDelete
  3. එයාල එයාලට ලැබුණු රු.3 අඩු කරල, වේටර්ට දුන්න රු.2 එකතු කරල..එකයි වරද.. හරිනම් වේටර්ට දුන්න 2 ත් අඩු කරලයි ගාණ බලන්න ඕනෙ

    ReplyDelete
  4. 10*3 = 25 + 2 + 3
    10*3-3 = 25 + 2
    3*(10-1)=25 + 2
    3*9 = 25+2=27
    27 = තේ බීමට ගිය මුදල + වේටර් ට දුන් මුදල
    ඔවුන් තේ බීම සඳහා වැය කර ඇත්තේ රු 25 කි.රු 27 ක් නොවේ.

    ReplyDelete
  5. වෙටර්ගේ සංතෝසමත් රු 27 ට ඇතුලත් වෙනවා. සැබවින්ම මිතුරන් තිදෙනා දී ඇත්තේ රු 9 ඒවා තුනකි. එනම් 27 කි. බිල සඳහා රු 25 ක්ද, වේටර්ට රු 2 ක්ද, වශයෙන් මුළු ගණන රු 27 කි.
    9*3 =27 (25+2=27)

    ReplyDelete