Skip to main content

කොළඹ මහ පොත් දැක්ම - පාඨක ගඟ නගරයට ගලන දෙසතිය ඇරඹේ!

කොළඹ ජාත්‍යන්තර පොත් ප‍්‍රදර්ශනය ගත්තා. ශී‍්‍ර ලංකාවේ පොත් ලෝලීන්ගේ පොත් ප‍්‍රකාශකයන්ගේ වාර්ෂික මංගල්‍යය එයයි.

එහි අපූරු විශේෂාංගයක් තියෙනවා. ඒ තමා ‘කැටපත් පවුර’.

සීගිරියෙ කටපත් පවුර සිහි ගන්වන මේ විශේෂාංගයට අනුව ප‍්‍රදර්ශන භූමියේ තැනක් වෙන්කරල තියෙනවා, ප‍්‍රදර්ශනය බලන්න එන අයට කවි ලියන්න.


එහි විශේෂ ආකර්ෂණය ඇත්තේ පාසල් ළමුන්ටයි, තරුණ තරුණියන්ටයි. වැඩිහිටි අයත් එහි කවි නොලියනවා නොවෙයි. එහි ලියැවෙන කවි අදහස් අතින් තරුණයි! හරිම නැවුම්.

මේ කවි අතරින් රසවත්, හරවත් ඒවා තෝරලා වසරක් පාසා ‘කැටපත් පවුර’ නමින් ම පොතක් පළ කරනවා, මේ ප‍්‍රදර්ශනය සංවිධානය කරන ශී‍්‍ර ලංකා පොත් ප‍්‍රකාශකයන්ගේ සංගමය. මෙවර මේ පොත සංස්කරණය කළේ අපේ ජ්‍යෙෂ්ඨ ලේඛකයකු, පරිවර්තකයකු හා ප‍්‍රවීණ කවියකු වන ආරියවංශ රණවීර කවියායි. ඔහු ඒ ගැන මෙසේ අදහස් දක්වනවා.

”කැටපත් පවුර හුදෙක් කවි පවුරක් ම නොවේ. එය පැමිණි ජනී ජනයාගේ සිතුම් පැතුම්, හැටි සොබා, කැමති අකමැති කම් සහ ප‍්‍රාර්ථනා ආදිය පිළිබිඹු කරන කැටපතකි.”

”ප‍්‍රදර්ශනය බැලීමට පැමිණ කැටපත් පවුරේ සටහන් තැබූ වැඩි දෙනකු කොළඹ හා තදාසන්න පෙදෙස් වලින් පැමිණි බව පෙනී යන නමුදු, පොලොන්නරුව, ඇඹිලිපිටිය, පුත්තලම, නාත්තණ්ඩිය, කතරගම, මාතර, අඟුණකොළපෑලැස්ස හා ලූණුගල වැනි ඈත පළාත්වලින්ද ප‍්‍රදර්ශනය බැලීමට පාඨකයන් පැමිණෙන බව එකී සටහන් වලින් පෙනී යයි.”


මේ 2011 මහ පොත් දැක්මේ දී කවි කිවිඳියන් අතින් ලියැවුණු කවි අතරින් කීපයක් ඔබේ පහන් සංවේගය උදෙසා මෙසේ පළ කරනවා.

2010 ලියූ හොඳම කවි පොතට හිමි ජාතික සම්මානය 2011 උළෙලේදී හිමි කර ගත් මහින්ද ප‍්‍රසාද් මස්ඉඹුල තරුණ කවියාත් ‘කටපත් පවුර’ට නිර්මාණයක් එක්කර තියෙනවා.

පීඩා
නෙලා එකින් එක අකුරෙන්         මද හාස
හෙලා මල් මතට පිනි කවි           රස රාස
බලා කල් ගෙවා ඉන් පසු           සති මාස
මුලා වූ විටෙක රතු වූව ද                දෑස

යමින් ගමන් වටපිට බල          එසැණිනේ
බිමින් තබා කලබල මඳක්         සැනසුනේ
පෙමින් යළිත් කවි කම් සොයන   සකියනේ
හෙමින් නොලිව්වොත් කවියට රිදෙයි  අනේ

- මහින්ද ප‍්‍රසාද් මස්ඉඹුල

රන් කඳ
සට පට ගගා මැෂිමේ රෙදි වියන වද
වට පිට බලන කොට ෂටලය පනිනවද
දවසට කී වරක් මා සිහි කරනවද 
සාරිද වියන්නේ මගෙ රත්තරන් කඳ

- නිශාන්ත දළුගම (වෑබඩ)

ඉහත කවිය ගැන රසවිඳීමක් ද රණවීර කවියා මෙහි පළ කර තියෙනවා.

”සිය පේ‍්‍රමය වක‍්‍රව වදනින් හා කවියේ වදන් රිද්මයෙන් ද මතු කරන අයුරු ප‍්‍රශාංසා කටයුතුය. සිය පේ‍්‍රමියගේ ‘වට පිට බැලීම’ වැනි වදන්වලින් ඇගේ හුරු බුහුටි බව, දඟකාර බව ආදී චරිතාංගයන්ද මතු කරන අතර, මෙහි එන ‘රත්තරන් කඳ’ වැනි ආවේගාත්මක යෙදුමක් වුවද, කවියේ අනෙක් පරිසරය හා ගත් විට, අස් කොන් ඇති නොකර කවිය තුළ ම ලැඟුම් ගනියි. එහෙත් සාරිද යන වචනය වෙනුවට සීනද යන්න එක් කළේ නම් මේ තවියේ අගය බොහෝ සේ වැඩි වෙන්නට තිබිණි.

තනිකම

තිගැස්සුණු සවන් අග
කම්පිත දෙනෙත ළඟ
තෙත නොවූ ළවන් මත
ලැග හිඳියි තනිකම......

කියන්නට කිසිවක් නැතිව
දොඩන්නට කිසිවෙක් නැතිව
ලියන්නට සිතුවිලි නැතිව
ලැග හිඳියි තනිකම.....

සුළෙඟ පවා සසැළෙන
දළුවක සියුම් හඬ ගෙන
හදේ ගිම් නිවමින
ලැග හිඳියි තනිකම....

- සංජුලා පීටර්ස් (රත්නාවලී බා. වි. ගම්පහ)

හදෙහි තැන්පත් පේ‍්‍රමයක් ඇත
ඉතා සුරැකිව එය තබා ඇත
නිතර නොවුනත් තවම ඉඳහිට
මතුපිටට ගෙන අසමි සැප දුක

- දිනූක සපුතන්තී‍්‍ර


සෙරෙප්පු 2

මල් තිබ්බට
වැඳ වැටුණට
මම තනියම
බුද පුද ළඟ

සෙරෙප්පු දෙක
රහත් වෙලා
මට කළියෙන්
පඩි පෙළ ළඟ

- (ලියපු නම ලියා නැත)

ගඩොලින් ගඩොලට
දහදිය මුසු කොට
රට වට දාගැබ් ගොඩ නැඟුවා
ඒ දාගැබ් වට
තෙල් මල් ඉස ඉස
රජුන්ට පිං දී
ඔබ යනවා

වැලි කැට පස් කැට
ගානට ජීවිත
මේ පස් කඳු යට
සැතපෙනවා
ඒ ගැන මොහොකත්
සිතන්න ඉඩ නෑ
රජුන්ට පිං දී
ඔබ යනවා

කාලෙන් කාලෙට
ඒ පිං අරගෙන
යළි යළි රජවරු
මෙහි එනවා
නුඹලා තාමත්
රජුන්ට පිං දී
වැවෙන්ම නාගෙන
ගොඩ වෙනවා

- ඩබ්. ඒ. ජයලත් කුලසිංහ (කඳාන)


අනේ චැප්ලින්

චැප්ලින්
මටත්  ඕනෑ හතරැස් උඩු රැවුලක්
නිතර බිම වැටෙන තරමට
කලබලයක්
ජේත්තු පෙන්වන්න
බස්තමක්

මට  ඕනෑ විකටයෙක් වෙන්න
හදවත ඉරන විට
ඇතුළට පුළුන් දමා පුරවන්න
ඇඟිලි තුඩින් ම එහි මල් මහන්න
මට එක උපායක් කියන්න

කළු කබල් තොප්පියක් දෙන්න
මෙඩූසාගේ හිස මුවා කර ගන්න
මට බෑ සර්පයින් හිසේ
හංගාගෙන ඉන්න

මට  ඕනෑ විකටයෙක් වෙන්න
වැඩකට නැති බස්තමක් වෙන්න

අනේ චැප්ලින්
එක උපායක් කියන්න

- කාංචනා අමිලානි

මතකය....

ඇවිත් ළඟ උන්නම
නැති වුනත් හිත තනිකම
නුඹට කියනා නම
දුකද සතුටද දන්නෙ නෑ මම

- චන්දිම

පුතුට සවිය දෙතනේ මවු කිරි බීම
ගතට සවිය රතු හාලේ බත් කෑම
දැයට සවිය හරි මග තෝරා යෑම
සිතට සවිය හොඳ පොතපත කියැවීම

- කේ. ඒ. එල්. පෙරේරා (ගිරිඋල්ල)

On English

මම දිව දෙකේ මිනිහෙක්
- තිස්ස අබේසේකර

මකර දිව සා තියුණු
දෙවැනි දිව බැවිය යුතු....
පළමු දිව දියුණු කොට
සඳුන් හර පැලිය යුතු...

- හෂිත

කාවෙක් වෙයන්
එන භවයේ
පොත් අතරේ....

- සරත් විමලවීර

රහස

මෙතෙක් ලොව ලියා ඇති
දුක්බරම පොත ලෙසට,
පරණ දින පොත මගේ
තේරිලා ඇත නැවත...

ජූරියේ මහත්තුරු
නොදත් රහසක්ද ඇත,
ඇය සමඟ ගෙවූ දින
දිනපොතේ ලියා නැත...

- තිළිණ කොග්ගලගේ

කෙතක සුවඳ
මවක සුවඳ
පොතක සුවඳ
එක වගේය...

- ප‍්‍රසංග ලියනගේ

      

   

Comments

  1. මේ සැරේ ගිහින් මාත් කවියක් ලියල එනව... :)

    ReplyDelete

Post a Comment

Popular posts from this blog

ලෝකයේ වටිනාම මුද්දරය වෙන්දේසියට! දැනට ඇත්තේ ලෝකෙටම එකයි!

මුද්දර එකතු කිරීම (Philately) විනෝදාංශයක් වගේම හොඳ ආදායම් මාර්ගයක්. පුංචි වුණාට තැපැල් මුද්දරයක් කියන්නේ රටක ඉතිහාසය කියාපාන කැඩපතක්. රටකින් රටකට හොඳ හිත පතුරුවමින් යන සංස්කෘතික තානාපතිවරයෙක්!

ඒ වගේ පැරණි තැපැල් මුද්දරයක් එහි මුහුණත සඳහන් වටිනාකමට හුඟක් වැඩිවෙන වෙලාවල් තියෙනවා. එහෙම වෙන්නේ ඒවායේ ඇති දුලබකම නිසයි.

ඒ වගේ 1873 දී ලිපිගොනු ගොඩක් අස්සේ තිබී හමුවුණු පාවිච්චි කළ ශත එකේ තැපැල් මුද්දරයක් පසුව වෙළෙඳ පොළේ දී සිලිං හයකට විකුණුණා. බි‍්‍රතාන්‍ය ගයානාව (British Guiana) විසින් නිකුත් කළ ශත එකේ දම්පාට තැපැල් මුද්දරය (1c Magenta stamp) දැන් යළිත් වෙන්දේසිය සඳහා වෙළෙඳපොළට ඇවිත්. අද, වසර 141කට පසු, එයට මුද්දර වෙන්දේසියේ දී ඇමරිකන් ඩොලර් මිලියන 20ක මුදලක් ලැබේවි යැයි විශ්වාස කරනවා.

මෑතදී ‘ලොව වඩාත් වටිනාම මුද්දරය’ ලෙස හඳුන්වනු ලැබූ මේ පැති අටේ හැඩැති තැපැල් මුද්දරය 2014 ජූනි මාසයේ 17 වැනිදා ඇමරිකාවේ නිව්යෝක්හිදී ප‍්‍රසිද්ධ වෙන්දේසියේ විකිණීමට නියමිතයි.

මෙය දැනට ලෝකයේ සුරක්ෂිතව ඉතිරි වී ඇති මේ වර්ගයේ එකම මුද්දරය ලෙස සැලකෙනවා. මෙය නිකුත් කරන ලද්දේ 1856දියි. බි‍්‍රතාන්‍ය ගයානාවේ තැපැල් මහතා…

MH370 මැලේසියානු ගුවන්යාන අබිරහස! ලෝකයේ අබිරහස් ලෙස අතුරුදන් වුණු ගුවන්යානා 10 මෙන්න!

පසුගිය සතියේ (මාර්තු 8 වැනිදා) අතුරුදන් වූ පිසැරි අංක එම්එච්370 මැලේසියානු මගී ගුවන්යානයට වූ දේ තවමත් අබිරහසක්. රටවල් 10 ගුවන්යානා, නැව්, චන්ද්‍රිකා රැසක් මේ අබිරහස විසඳන්න තවමත් වෙහෙසෙනවා.

ඒත් මෙය දැනටමත් නොවිසඳෙන අබිරහසක් පත් වෙන ලකුණු පහළ වෙලා!

ලොව පළමු සෙල් ෆෝනය මේකද? වසර 75ක් පැරණි පින්තූරයේ රහස හෙළි වෙයිද?

බලන්න මේ තරුණිය ජංගම දුරකතනයක් කනේ තියා ගෙන පාර දිගේ කතා කර කර යනවා! අද නම් මේ වගේ දසුනක් ගමක පාරක වුනත් ඔබ දැක ඇතුවාට සැකයක් නැහැ. ඒත් මේ දර්ශනය කැමරාවට නඟා ඇත්තේ මීට අවුරුදු 75කට පෙරයි!

1938 දී ඇමෙරිකාවේ වීදියක ගමන් කළ මේ යුවතියගේ අතට වර්තමානයේ අප පාවිච්චි කරනා තාලේ සෙල් ෆෝනයක් (ජංගම දුරකතනයක්) ආවෙ කොහොමද?

ඒ කාලයේ මේ වගේ දෙයක් නිපදවීම තියා මෙවැන්නක් ගැන හිතලවත් නොතිබුණා නම් මෙම දර්ශනය චිත‍්‍රපටයකට ගත් නිර්මාණයක්ද? සමහර අය කීවේ චිත‍්‍රපටය තුළින් අනාගතය දැකීමක් ලෙස මෙම දසුන සලකන්න පුළුවන් කියලයි. අනාගතය පරිකල්පනය කළ අවස්ථා චිත‍්‍රපටවල ඕනෑ තරම් තිබුණා. මේ වගේ

මේ රූප පෙළ මේ වන විට යූටියුබ් (YouTube) එක හරහා ලක්ෂ තුනකට වැඩි වාර ගණනක් සංසරණය වෙලා තියෙනවා. වර්ණ චිත‍්‍රපට එන්නට පෙරාතුව කළු සුදු ක‍්‍රමයට කැමරාවට නගන ලද මෙහි රහස පසුගිය දා හෙළි වුණා. මෙම තරුණිය තමාගේ මීමිත්තණිය යැයි යුටියුබ් ග‍්‍රාහකයෙක් හෙළි කළා.

අනාගතයට යාමක් ද? මෙහි දැක්වෙන්නේ ඇමරිකාවේ ඩුපොන්ට් ආයතනයෙන් පිට වී යන තරුණ සේවිකාවන් පිරිසක්. එයින් එක් තරුණියක් අතේ ඇති ජංගම දුරකතනයකින් කතා කරමින් යනවා ඔබට පෙනෙනවා ඇති. වසර 75කට ප…

නස්රුදින්ගේ වේළීමේ රහස! අලුත්ම නස්රුදින් කතාවක්!

නස්රුදින්ගේ පොහොසත් මිතුරෙක් ඔහුට කතා කළා, ඒ මිතුරාත් ඔහුගේ පිරිසත් එක්ක දින කීපයක් තිස්සේ දඩයමේ යන්න. මුල් ම දවසේ ඔවුන් නස්රුදින්ට දුන්නෙ බොහොම හෙමින් යන අස්සයෙක්. දඩයමට යන්න පටන් අරන් වැඩි වේලාවක් ගියේ නෑ, හෙමින් ගිය අස්සයා නිසා නස්රුදින් හුඟක් පහුවුණා. නස්රුදින්ව පහු කරලා දාලා අනෙක් පිරිස ඈතට දඩයමේ ගියා.

දියණිය උපන් මොහොතේ පියා ගත් පින්තූරය අන්තර් ජාලය කළඹයි! වෛද්‍යවරයාගේ අතේ එල්ලී එළියට ආ ළදැරිය මෙන්න!

ජීවිතයේ විස්මිත මොහොතවල් ඡායාරූපයට නැඟීම වාසනාවත් එක්ක සිදු වන දෙයක්. එහෙම වාසනාවක් ලද මාපිය යුවලක් තමන් ගත් ජීවිතයේ අමතක නොවන පින්තූරය ‘මුහුණු පොතේ’ පළ කළා. මොහොතකින් එය අන්තර්ජාලය පුරා ‘කුණාටුවක්’ මෙන් හඹා ගියා.

මෙලොව එළිය දකින්න මොහොතකට පෙර පුංචි නෙවායි මව් කුස හිඳිමින් තම උදව්වට ආ වෛද්‍යවරයාගේ ඇඟිල්ලේ එල්ලූන හැටි!

මුල්ම ඇපල් 1 පරිගණකය ලෝක වාර්තාවක් තියයිද? ඇපල් සමාගමේ ආරම්භය හෙළිකරන මෙතෙක් පළ නොවූ ඡායාරූපයක්!

ඇපල් පරිගණකය පටන් ගත් හැටි දැන් දකින කොටත් පුදුම හිතෙනවා. ඒ මුල් ම ඇපල් පරිගණකය අළෙවි කරන්න ගෙනියන්න පෙර පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුගිය දා ප‍්‍රථමවරට හෙළිදරවු වුණා.

මේ ඡායාරූපයට නගා තියෙන්නේ 1976 දියි. එතකොට ස්ටීව් ජොබ්ස්ට (Steve Jobs) වයස 21යි. ඔහුගේ මිතුරු ස්ටීව් වොස්නියැක් (Steve Wozniak) සමග එක්ව ඔවුන් දෙදෙනා මේ මුල්ම ඇපල් පරිගණක තැනුවේ ස්ටීව් ජොබ්ස්ගේ මාපියන්ගේ ගෙදර ගරාජයකයි. ඔවුන් ඒ තැනූ මූල් පරිගණක 50 තැන්පත් කරල තිබුණු ආකාරය දැක්වෙන මේ විරල ඡායාරූපය නිකුත් කරනු ලැබුවේ ලබන නොවැම්බර් 16 වැනිදා වෙන්දේසියට තැබෙන දැනට හොඳම තත්වයේ ඇති පැරණි ම ඇපල් පරිගණකය එළි දැක්වීම වෙනුවෙන්.

මෙය දැනට ලෝකයේ ඇති වටිනාම සන්නම ලෙස සැලකෙන ඇපල් පරිගණකයේ ආරම්භක තත්වය තේරුම ගන්නත් හොඳ අවස්ථාවක්. මේ සන්නමෙහි අද වටිනාකම පවුම් බිලියන 60ක්.

ඇපල් පරිගණකයේ ආරම්භය දැක්වෙන මේ කිසිදා එළියට නො පැමිණි ඡායාරූපයක්. ඒ මුල් ම ඇපල් පරිගණකය අළෙවි කරන්න ගෙනියන්න පෙර 1976 දී පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුග…

හොල්මන් පින්තූර කතන්දර පෙළක්! මේවා දැකල බය වෙන්න එපා!

රාති‍්‍ර කාලයට අඳුරේ දී ඔබව බියපත් කරන හැම රටකටම, හැම සමාජයකම තියෙනවා. ඇත්තටම හොල්මන් තියෙනවා කියල ඔප්පු කරන්න හොල්මන්වල පින්තූර ගන්න අයත් ඉන්නවා. මේ ඒ විදියට ගත්තු පින්තූර පෙළක්!


අවුරුදු ගානක් තිස්සෙ විවිධ අවස්ථාවලදි ගත්තු පින්තූර තමයි, මේ තියෙන්නේ. මෙහි ඉන්නවා, ඝාතනය කළ වහල් සේවකයන්, රෝහල්වල වධබන්ධනවලට ලක්ව මියගිය රෝගීන්, අතීතයට එක් වූ මුහුදු නැවියන් ආදී නොයෙක් අය. මොවුන්ගේ හොල්මන් කතා අහපු බොහොම දෙනෙක් බියට පත් වුණා. තාමත් අහන අයගේ ඇඟ හිරි වැටෙනවා.

දුර්ලභ ගණයේ සේයා රුවක්! නවසීලන්තයේ ධීවරයකුගේ නවතම ගොදුරක්!

මෙය ලියැවෙන්නේ කලාතුරකින් හමු වන ඡායාරූපයක් ඔබ වෙත ඉදිරිපත් කරන්නයි. අන්තර් ජාලය පුරා මේ වන විටත් වැඩි දෙනකුගේ අවධානය දිනා ගෙන තියෙනවා.

මේ ඡායාරූපයෙන් කියැවෙන්නේ මිනීමරු සුදු මෝරකුගේ ඉරණම දැක්වෙන කතාවක්. පසුගිය සතියෙදි නවසීලන්තයේ මුහුදේදි ගත්තු එකක්.

මහා භූමිකම්පාවකින් පසු පාකිස්ථාන මුහුදෙන් මතු වූ ලෝකයේ අලූත් ම දූපත!

පසුගියදා පාකිස්ථානයේ ප‍්‍රබල භූමිකම්පාවක් ඇති වුණා. 7.8ක් වූ ඒ භූමිකම්පාවෙන් බලූකිස්ථානය අසල මුහුදේ අලූත් දූපතක් මතු වුණා. ලෝකයේ අලූත් ම දූපත එයයි.

සල්සාලා කෝහ් (Zalzala Koh) යනුවෙන් ඒ දූපත නම් කරලා තියෙනවා. දාල්බන්දින්වලට සැතැපම් 145ක් ගිනිකොන දෙසින් හටගත් මේ භූම්කම්පාව නිසා දැන් එය බලන්න සංචාරකයන් වගේම පාකිස්ථාන වැසියන් වැල නොකැඩි එනවා. ඒ දූපතටත් ගොඩ වෙනවා. ගිනිගන්නාසුලූ වායුව, විස දුම් ආදිය ඇති බව අනතුරු හැෙඟව්වත් ඒවා ගනන් නොගෙනයි, ඔවුන් එහි එන්නෙ.

ඒ දූපතේ පිපිරුණු මඩ, වැලි, ගල් මුසු බිම මත මුහුදු සතුන්ගේ මළ සිරුරු, විශේෂයෙන් ම මාළුන් මළකුණු පිරිලා තියෙනවා.

මෙන්න ලෝකයේ අලූත් ම දූපත අහසට පෙනෙන හැටි. මේ මඩ කන්ද මීටර් 15ක් 20ක් විතර උස ඇති. මිනිසුන්ට ඒ මත ඇවිද ගෙන යා හැකි තරමට එහි බිම ඝනකම් කියලයි, කියන්නෙ.

MH370 මැලේසියානු ගුවන්යාන අබිරහස : නියමුවාම යානය බලෙන් ගෙන ගියාද?

2014 මාර්තු 16 වැනිදා

අනතුරට පත් යානයේ නියමුවා වූ සහාරි අහමඞ් ෂා දේශපාලන උමතුවකින් පෙළෙන්නකු ලෙස දැන් සැක කරනවා. එම්එච්370 යානය නියමුවා ලෙස සේවයට වාර්තා කරන්නට පෙර ඔහු මැලේසියාවේ විරුද්ධ පක්ෂ නායකයා වූ අන්වර් ඒබ‍්‍රහම්ට එරෙහිව පැවති නඩු විභාගයට බලන්නට ගිය බවක් ෆෙඩරල් පරීක්ෂක නිලධාරින් කියනවා.