Skip to main content

තරුණ ගෝරිල්ලන් දෙදෙනකුගේ හපන්කමක් දැක්වෙන විස්මිත පින්තූර පෙළක්!

ගෝරිල්ලන් අල්ලා ගෙන ගොස් විකුණන්නන් අටවපු උගුලකට අහුවුණු තරුණ ගෝරිල්ලකු අවාසනාවන්ත ලෙස මිය ගියා. ඊට පස්සෙ මොකද දන්නවද වුණේ? තරුණ ගෝරිල්ලන් දෙන්නෙක් හොඳින් කල්පනා කරලා ඒවාට වැඩක් දුන්නා. ගෝරිල්ලන්ගේ ඒ කාරිය දැන් ඡායාරූපවලින් ඔබටත් දැක ගන්න පුළුවන්.

ඩයන් ෆොසී ගෝරිල්ලා පදනමේ (Dian Fossey Gorilla Fund) කාර්ය මණ්ඩලයට දැක ගන්න ලැබුණා අමුතු දෙයක්. ඒ ඔවුන් අධීක්ෂණය කරමින් සිටි ගෝරිල්ලන් කණ්ඩායමක වූ තරුණ ගෝරිල්ලන් දෙදෙනකු ඔවුන් ජීවත් වූ වනයේ ඇට වූ උගුලක් විනාශ කරමින් සිටින බවයි.

 
රුවන්ඩා රාජ්‍යයේ වනාන්තරයක සිදු වූ ඒ අපූරු සිදුවීම. තරුණ ගෝරිල්ලන් දෙදෙනා එක්ව මලපුඩුව සොයා විනාශ කළ අයුරු.

”අද අපේ ක්ෂේත‍්‍ර කණ්ඩායමට දැක ගන්නට ලැබුණා, සතුන්ට ඇට වූ මලපුඩුවක් විනාශ කරමින් සිටින ආකාරය. ඒ කාර්යයෙහි නිරතව සිටියේ අපේ නිරීක්ෂණයට ලක්ව සිටි කුර්යාමා නමින් හැඳින් වූ ගෝරිල්ලන් කණ්ඩායමට අයත් ඩුකුරේ හා ර්වෙමා නම් තරුණ ගෝරිල්ලන් දෙදෙනායි.” වෙරෝනිකා වර්සෙලියෝ කීවා. ඇය, ඩයන් ෆොසී ගෝරිල්ලා පදනමේ කැරිසෝකේ පර්යේෂණ මධ්‍යස්ථානයේ (Karisoke Research Center) වැඩසටහන් සම්බන්ධීකාරකවරියයි.

මේ සිද්ධිය පිළිබඳ තොරතුරු හා ඡායාරූප ඇය ඇගේ වෙබ් අඩවියට ඇතුළත් කළා බවත් ඇය කියනවා.

”අපේ ක්ෂේත‍්‍ර තොරතුරු රැස් කිරීම කරන සම්බන්ධීකාරක ජෝන් න්ඩයම්බජේ දැකලා තියෙනවා, අපේ නිරීක්ෂණය ලක් වී සිටි ගෝරිල්ලන් කණ්ඩායමට ඉතා ආසන්නව එක් මලපුඩුවක් අටවා ඇති බව. ඒ අනුව ඔහු ඒක ගලවා දමන්න හිතලා ඒ දිහාවට යන්න ගිහින් තියෙනවා.”

”අතරමගදි ඔහුගෙ ගමන අඩාල වෙලා තියෙනවා, වල් ඌරෙක් ඔහු දිහාවට හැරිල කළ තර්ජනකාරී ගෙරවිල්ලක් නිසා. ඒ ඇසිල්ලට අර ගෝරිල්ලන් දෙන්නා මලපුඩුව වෙතට දුවලා ගිහිල්ලා ඒක විනාශ කරල දමලා තියෙනවා. ඔවුන් සමග කිරි බොන පැටියකුත් දිව ගොස් ඊට හවුල් වුණා.

”ඊළඟට ඔවුන් දැකලා තියෙනව තවත් මලපුඩුවක්. ඔවුන් ඒකත් කලින් විදියට ම විනාශ කළා” යැයි වෙරෝනිකා කියන්නේ මීට කලින් එවැන්නක් ගැන අහලාවත් නැති බව සහතික කර කියමිනුයි.

ඇය මේ පිළිබඳව නැෂනල් ජ්‍යොග‍්‍රෆික් සඟරාවට කීවේ තරුණ ගෝරිල්ලන් මෙවැනි දෙයක් කරනු දුටු පළමු වතාව බවයි. ”මං දන්නෙ නෑ මෙහෙම දෙයක් කොහේ හරි තරුණ ගෝරිල්ලකු කරනවා දැකපු වාර්තාවත් තියෙනවද කියලා. ඒත් ගෝරිල්ලන් නිරීක්ෂණය පිළිබඳව ලෝකයේ ඇති විශාලතම දත්ත ගබඩාව තියෙන්නේ අප ළඟයි. ඒ නිසා වෙන කෙනකු මෙවැන්නක් දැක තිබුණා යැයි අසන්ට ලැබුණොත් ඒක ලොකු පුදුමයක්.”

”අද අපට කියන්න පුළුවන් ගෝරිල්ලන් තමන්ගෙ ආරක්ෂාව තමන්ම සලසා ගන්න දන්න බව.” ඇය කියනවා.

මේ වනෝද්‍යානයේ සේවක පිරිස තවමත් ශෝකයෙන් පසුවෙනවා, පසුගිය සතියේ න්ග්විනෝ නමින් ඔවුන් හැඳින් වූ තරුණ ගෝරිල්ලියගේ මරණය ගැන. ඈ මලපුඩුවකට අහුවෙලා ඇති වුණු තුවාලවලින් මිය ගියා. ඒ තරුණ ගෝරිල්ලිය උගුලකට අසුවී ඇති බව කැරිසෝකේහී සේවකයන් දැන ගන්න කොට පමාවෙලා වැඩියි. මලපුඩුවෙන් බේරෙන්න දඟලලා ඇති වුණු තුවාලවලින් ඈ මිය ගියා. ඇගේ උරහිසේ අස්ථි පැනලා තිබුණා. උගුලේ රැහැනකට කැපුණු කකුලක තුවාලයක් වණ වෙලා තිබුණා ඔවුන්ට හමු වෙන කොට.

 
තමන්ට තුවාලයක් සිදු නොකර ගෙන ඔවුන් සමත් වුණා, ඒ මලපුඩුව විනාශ කර දමන්නට.

රුවන්ඩාවේ තරුණ ගෝරිල්ලන් දෙන්නා දඩයක්කාරයන් ඇට වූ උගුල දුටු මොහොත.

 
වන රක්ෂිතයේ පිහිටි කැරිසෝකේ පර්යේෂණ මධ්‍යස්ථානය ආසන්නයේ තැනකයි, මේ උගුල් අටවා තිබුණේ.

අනවසර දඩයක්කාරයන් දහස් ගණන් උගුල් අටවනවා, හොර රහසේ ම මේ රුවාන්ඩාවේ යමහල් වනෝද්‍යානයේ (Volcanoes National Park) ඇන්ටිලොප් මුවන් වැනි කුඩා සතුන් අල්ලා ගන්න මස් පිණිස.
සමහර විට කුඩා වානර වර්ග අල්ලා ගන්නත් මේ විදියට උගුල් අටවනවා.

දඩයක්කරුවන් මේ උගුල් අටවන්නේ උණ බම්බුවක් හෝ නමා ගත් අතුරිකිල්ලක් හෝ යොදා ගෙනයි. ඒවා අතුකොළ ආදියෙන් සඟවා තැබුවත් ගෝරිල්ලන්ගේ ඇස්වලින් ඒවා සඟවන්නට ඔවුන් බැරිවෙලා තියෙනවා.

මේ උද්‍යානයේ තමා, කඳුකර ගෝරිල්ලන් වැඩියෙන් ම වාසය කරන්නේ. ඔවුන්ගේ ආරක්ෂාවට තමයි, මේ අධ්‍යයන හා අධීක්ෂණ වැඩසටහන කි‍්‍රයාත්මක කරන්නේ.

කැරිසෝකේ පර්යේෂණ මධ්‍යස්ථානයේ සේවකයන් සෑමදාම වනාන්තරය පීරලා මලපුඩු සොයා විනාශ කර දමනවා, වඳ වී යාමේ දැඩි තර්ජනයකට ලක්ව සිටින මේ කඳුකර ගෝරිල්ලන් ඉන් ගලවා ගනු පිණිස. සොබාදහම සුරැකීම පිළිබඳ අන්තර්ජාතික සංගමයේ (IUCN) සත්ව විශේෂ සංරක්ෂණ කොමිසම විසින් නම් කර තියෙනවා, ඔවුන් වැඩිම අවදානම ඇති සත්ව විශේෂය හැටියට.

ඔවුන් නොදුටු ඒවා විනාශ කරන්න තරුණ ගෝරිල්ලන් ඉදිරිපත් වීම ඔවුන් දිරි ගන්වන්නක් ලෙසයි, වෙරෝනිකා දකින්නෙ. ”ඔවුන් කරන දෙය ගැන හොඳ විශ්වාසයෙන් යුතුව කරන බවයි, පෙනෙන්නේ. ඔවුන් කළයුතු දෙය හඳුනා ගෙන එය හරියට ම කරනවා. හරිම පුදුමයි නේද?” ඇය අවසාන වශයෙන් අහනවා.

 
මේ ගෝරිල්ලා පැටියා ඉන්නේ කැමරූන් රාජ්‍යයේ යාඔන්ඬේ අසල ඇති මෙෆූ ප‍්‍රයිමේට් උද්‍යානයේ පිහිටුවා ඇති ‘ඒප් ඇක්ෂන් ඇෆ්රිකා’ මධ්‍යස්ථානයෙයි. මලපුඩුවලට අසුවී හෝ හදිසි අනතුරුවලට ලක්ව මිය යන මාපියන් නිසා අතර මං වන පි‍්‍රමාටාවන්ට පිහිට වන ආයතනයකි. මේ ගෝරිල්ලා බබාගේ නම ලූසී. ඇයව උකුලේ තියා ගෙන ඉන්නේ ඇය වෙනුවෙන් පූර්ණකාලීනව කැපවී සිටින මිනිස් මවක්. ඇගේ නම ජෙනී, කැමරූන් ජාතික කාන්තාවක්.


Comments

  1. ඒ ගෑනු කෙනාගේ ළමයෙක් වගේමයි...

    ReplyDelete
  2. ඉතා වටිනා ලිපියකි.මගේ අඩවියටත් ඇවිත් යන්න එන්න http://samakayawate.blogspot.com/

    ReplyDelete
  3. පුදුමයි ඒත් ඇත්තයි

    ReplyDelete

Post a Comment

Popular posts from this blog

ලෝකයේ වටිනාම මුද්දරය වෙන්දේසියට! දැනට ඇත්තේ ලෝකෙටම එකයි!

මුද්දර එකතු කිරීම (Philately) විනෝදාංශයක් වගේම හොඳ ආදායම් මාර්ගයක්. පුංචි වුණාට තැපැල් මුද්දරයක් කියන්නේ රටක ඉතිහාසය කියාපාන කැඩපතක්. රටකින් රටකට හොඳ හිත පතුරුවමින් යන සංස්කෘතික තානාපතිවරයෙක්!

ඒ වගේ පැරණි තැපැල් මුද්දරයක් එහි මුහුණත සඳහන් වටිනාකමට හුඟක් වැඩිවෙන වෙලාවල් තියෙනවා. එහෙම වෙන්නේ ඒවායේ ඇති දුලබකම නිසයි.

ඒ වගේ 1873 දී ලිපිගොනු ගොඩක් අස්සේ තිබී හමුවුණු පාවිච්චි කළ ශත එකේ තැපැල් මුද්දරයක් පසුව වෙළෙඳ පොළේ දී සිලිං හයකට විකුණුණා. බි‍්‍රතාන්‍ය ගයානාව (British Guiana) විසින් නිකුත් කළ ශත එකේ දම්පාට තැපැල් මුද්දරය (1c Magenta stamp) දැන් යළිත් වෙන්දේසිය සඳහා වෙළෙඳපොළට ඇවිත්. අද, වසර 141කට පසු, එයට මුද්දර වෙන්දේසියේ දී ඇමරිකන් ඩොලර් මිලියන 20ක මුදලක් ලැබේවි යැයි විශ්වාස කරනවා.

මෑතදී ‘ලොව වඩාත් වටිනාම මුද්දරය’ ලෙස හඳුන්වනු ලැබූ මේ පැති අටේ හැඩැති තැපැල් මුද්දරය 2014 ජූනි මාසයේ 17 වැනිදා ඇමරිකාවේ නිව්යෝක්හිදී ප‍්‍රසිද්ධ වෙන්දේසියේ විකිණීමට නියමිතයි.

මෙය දැනට ලෝකයේ සුරක්ෂිතව ඉතිරි වී ඇති මේ වර්ගයේ එකම මුද්දරය ලෙස සැලකෙනවා. මෙය නිකුත් කරන ලද්දේ 1856දියි. බි‍්‍රතාන්‍ය ගයානාවේ තැපැල් මහතා…

MH370 මැලේසියානු ගුවන්යාන අබිරහස! ලෝකයේ අබිරහස් ලෙස අතුරුදන් වුණු ගුවන්යානා 10 මෙන්න!

පසුගිය සතියේ (මාර්තු 8 වැනිදා) අතුරුදන් වූ පිසැරි අංක එම්එච්370 මැලේසියානු මගී ගුවන්යානයට වූ දේ තවමත් අබිරහසක්. රටවල් 10 ගුවන්යානා, නැව්, චන්ද්‍රිකා රැසක් මේ අබිරහස විසඳන්න තවමත් වෙහෙසෙනවා.

ඒත් මෙය දැනටමත් නොවිසඳෙන අබිරහසක් පත් වෙන ලකුණු පහළ වෙලා!

නස්රුදින්ගේ වේළීමේ රහස! අලුත්ම නස්රුදින් කතාවක්!

නස්රුදින්ගේ පොහොසත් මිතුරෙක් ඔහුට කතා කළා, ඒ මිතුරාත් ඔහුගේ පිරිසත් එක්ක දින කීපයක් තිස්සේ දඩයමේ යන්න. මුල් ම දවසේ ඔවුන් නස්රුදින්ට දුන්නෙ බොහොම හෙමින් යන අස්සයෙක්. දඩයමට යන්න පටන් අරන් වැඩි වේලාවක් ගියේ නෑ, හෙමින් ගිය අස්සයා නිසා නස්රුදින් හුඟක් පහුවුණා. නස්රුදින්ව පහු කරලා දාලා අනෙක් පිරිස ඈතට දඩයමේ ගියා.

ලොව පළමු සෙල් ෆෝනය මේකද? වසර 75ක් පැරණි පින්තූරයේ රහස හෙළි වෙයිද?

බලන්න මේ තරුණිය ජංගම දුරකතනයක් කනේ තියා ගෙන පාර දිගේ කතා කර කර යනවා! අද නම් මේ වගේ දසුනක් ගමක පාරක වුනත් ඔබ දැක ඇතුවාට සැකයක් නැහැ. ඒත් මේ දර්ශනය කැමරාවට නඟා ඇත්තේ මීට අවුරුදු 75කට පෙරයි!

1938 දී ඇමෙරිකාවේ වීදියක ගමන් කළ මේ යුවතියගේ අතට වර්තමානයේ අප පාවිච්චි කරනා තාලේ සෙල් ෆෝනයක් (ජංගම දුරකතනයක්) ආවෙ කොහොමද?

ඒ කාලයේ මේ වගේ දෙයක් නිපදවීම තියා මෙවැන්නක් ගැන හිතලවත් නොතිබුණා නම් මෙම දර්ශනය චිත‍්‍රපටයකට ගත් නිර්මාණයක්ද? සමහර අය කීවේ චිත‍්‍රපටය තුළින් අනාගතය දැකීමක් ලෙස මෙම දසුන සලකන්න පුළුවන් කියලයි. අනාගතය පරිකල්පනය කළ අවස්ථා චිත‍්‍රපටවල ඕනෑ තරම් තිබුණා. මේ වගේ

මේ රූප පෙළ මේ වන විට යූටියුබ් (YouTube) එක හරහා ලක්ෂ තුනකට වැඩි වාර ගණනක් සංසරණය වෙලා තියෙනවා. වර්ණ චිත‍්‍රපට එන්නට පෙරාතුව කළු සුදු ක‍්‍රමයට කැමරාවට නගන ලද මෙහි රහස පසුගිය දා හෙළි වුණා. මෙම තරුණිය තමාගේ මීමිත්තණිය යැයි යුටියුබ් ග‍්‍රාහකයෙක් හෙළි කළා.

අනාගතයට යාමක් ද? මෙහි දැක්වෙන්නේ ඇමරිකාවේ ඩුපොන්ට් ආයතනයෙන් පිට වී යන තරුණ සේවිකාවන් පිරිසක්. එයින් එක් තරුණියක් අතේ ඇති ජංගම දුරකතනයකින් කතා කරමින් යනවා ඔබට පෙනෙනවා ඇති. වසර 75කට ප…

දියණිය උපන් මොහොතේ පියා ගත් පින්තූරය අන්තර් ජාලය කළඹයි! වෛද්‍යවරයාගේ අතේ එල්ලී එළියට ආ ළදැරිය මෙන්න!

ජීවිතයේ විස්මිත මොහොතවල් ඡායාරූපයට නැඟීම වාසනාවත් එක්ක සිදු වන දෙයක්. එහෙම වාසනාවක් ලද මාපිය යුවලක් තමන් ගත් ජීවිතයේ අමතක නොවන පින්තූරය ‘මුහුණු පොතේ’ පළ කළා. මොහොතකින් එය අන්තර්ජාලය පුරා ‘කුණාටුවක්’ මෙන් හඹා ගියා.

මෙලොව එළිය දකින්න මොහොතකට පෙර පුංචි නෙවායි මව් කුස හිඳිමින් තම උදව්වට ආ වෛද්‍යවරයාගේ ඇඟිල්ලේ එල්ලූන හැටි!

හොල්මන් පින්තූර කතන්දර පෙළක්! මේවා දැකල බය වෙන්න එපා!

රාති‍්‍ර කාලයට අඳුරේ දී ඔබව බියපත් කරන හැම රටකටම, හැම සමාජයකම තියෙනවා. ඇත්තටම හොල්මන් තියෙනවා කියල ඔප්පු කරන්න හොල්මන්වල පින්තූර ගන්න අයත් ඉන්නවා. මේ ඒ විදියට ගත්තු පින්තූර පෙළක්!


අවුරුදු ගානක් තිස්සෙ විවිධ අවස්ථාවලදි ගත්තු පින්තූර තමයි, මේ තියෙන්නේ. මෙහි ඉන්නවා, ඝාතනය කළ වහල් සේවකයන්, රෝහල්වල වධබන්ධනවලට ලක්ව මියගිය රෝගීන්, අතීතයට එක් වූ මුහුදු නැවියන් ආදී නොයෙක් අය. මොවුන්ගේ හොල්මන් කතා අහපු බොහොම දෙනෙක් බියට පත් වුණා. තාමත් අහන අයගේ ඇඟ හිරි වැටෙනවා.

මුල්ම ඇපල් 1 පරිගණකය ලෝක වාර්තාවක් තියයිද? ඇපල් සමාගමේ ආරම්භය හෙළිකරන මෙතෙක් පළ නොවූ ඡායාරූපයක්!

ඇපල් පරිගණකය පටන් ගත් හැටි දැන් දකින කොටත් පුදුම හිතෙනවා. ඒ මුල් ම ඇපල් පරිගණකය අළෙවි කරන්න ගෙනියන්න පෙර පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුගිය දා ප‍්‍රථමවරට හෙළිදරවු වුණා.

මේ ඡායාරූපයට නගා තියෙන්නේ 1976 දියි. එතකොට ස්ටීව් ජොබ්ස්ට (Steve Jobs) වයස 21යි. ඔහුගේ මිතුරු ස්ටීව් වොස්නියැක් (Steve Wozniak) සමග එක්ව ඔවුන් දෙදෙනා මේ මුල්ම ඇපල් පරිගණක තැනුවේ ස්ටීව් ජොබ්ස්ගේ මාපියන්ගේ ගෙදර ගරාජයකයි. ඔවුන් ඒ තැනූ මූල් පරිගණක 50 තැන්පත් කරල තිබුණු ආකාරය දැක්වෙන මේ විරල ඡායාරූපය නිකුත් කරනු ලැබුවේ ලබන නොවැම්බර් 16 වැනිදා වෙන්දේසියට තැබෙන දැනට හොඳම තත්වයේ ඇති පැරණි ම ඇපල් පරිගණකය එළි දැක්වීම වෙනුවෙන්.

මෙය දැනට ලෝකයේ ඇති වටිනාම සන්නම ලෙස සැලකෙන ඇපල් පරිගණකයේ ආරම්භක තත්වය තේරුම ගන්නත් හොඳ අවස්ථාවක්. මේ සන්නමෙහි අද වටිනාකම පවුම් බිලියන 60ක්.

ඇපල් පරිගණකයේ ආරම්භය දැක්වෙන මේ කිසිදා එළියට නො පැමිණි ඡායාරූපයක්. ඒ මුල් ම ඇපල් පරිගණකය අළෙවි කරන්න ගෙනියන්න පෙර 1976 දී පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුග…

දුර්ලභ ගණයේ සේයා රුවක්! නවසීලන්තයේ ධීවරයකුගේ නවතම ගොදුරක්!

මෙය ලියැවෙන්නේ කලාතුරකින් හමු වන ඡායාරූපයක් ඔබ වෙත ඉදිරිපත් කරන්නයි. අන්තර් ජාලය පුරා මේ වන විටත් වැඩි දෙනකුගේ අවධානය දිනා ගෙන තියෙනවා.

මේ ඡායාරූපයෙන් කියැවෙන්නේ මිනීමරු සුදු මෝරකුගේ ඉරණම දැක්වෙන කතාවක්. පසුගිය සතියෙදි නවසීලන්තයේ මුහුදේදි ගත්තු එකක්.

මහා භූමිකම්පාවකින් පසු පාකිස්ථාන මුහුදෙන් මතු වූ ලෝකයේ අලූත් ම දූපත!

පසුගියදා පාකිස්ථානයේ ප‍්‍රබල භූමිකම්පාවක් ඇති වුණා. 7.8ක් වූ ඒ භූමිකම්පාවෙන් බලූකිස්ථානය අසල මුහුදේ අලූත් දූපතක් මතු වුණා. ලෝකයේ අලූත් ම දූපත එයයි.

සල්සාලා කෝහ් (Zalzala Koh) යනුවෙන් ඒ දූපත නම් කරලා තියෙනවා. දාල්බන්දින්වලට සැතැපම් 145ක් ගිනිකොන දෙසින් හටගත් මේ භූම්කම්පාව නිසා දැන් එය බලන්න සංචාරකයන් වගේම පාකිස්ථාන වැසියන් වැල නොකැඩි එනවා. ඒ දූපතටත් ගොඩ වෙනවා. ගිනිගන්නාසුලූ වායුව, විස දුම් ආදිය ඇති බව අනතුරු හැෙඟව්වත් ඒවා ගනන් නොගෙනයි, ඔවුන් එහි එන්නෙ.

ඒ දූපතේ පිපිරුණු මඩ, වැලි, ගල් මුසු බිම මත මුහුදු සතුන්ගේ මළ සිරුරු, විශේෂයෙන් ම මාළුන් මළකුණු පිරිලා තියෙනවා.

මෙන්න ලෝකයේ අලූත් ම දූපත අහසට පෙනෙන හැටි. මේ මඩ කන්ද මීටර් 15ක් 20ක් විතර උස ඇති. මිනිසුන්ට ඒ මත ඇවිද ගෙන යා හැකි තරමට එහි බිම ඝනකම් කියලයි, කියන්නෙ.

MH370 මැලේසියානු ගුවන්යාන අබිරහස : නියමුවාම යානය බලෙන් ගෙන ගියාද?

2014 මාර්තු 16 වැනිදා

අනතුරට පත් යානයේ නියමුවා වූ සහාරි අහමඞ් ෂා දේශපාලන උමතුවකින් පෙළෙන්නකු ලෙස දැන් සැක කරනවා. එම්එච්370 යානය නියමුවා ලෙස සේවයට වාර්තා කරන්නට පෙර ඔහු මැලේසියාවේ විරුද්ධ පක්ෂ නායකයා වූ අන්වර් ඒබ‍්‍රහම්ට එරෙහිව පැවති නඩු විභාගයට බලන්නට ගිය බවක් ෆෙඩරල් පරීක්ෂක නිලධාරින් කියනවා.