ලෝකයේ කුඩාම කුඩා මෝටර් රථය!

අලූත් ම කුඩා මොටෝ රියක් ගැන අප පසුගිය දිනෙක කීවා ඔබට මතක ඇති. එහෙත් ඊටත් කුඩා මෝටර් රථයක් ලෝක වාර්තා අතර තියෙනවා. මහ මග පැද යා හැකි කුඩාම මෝටර් රථය හඳුන්වා ඇත්තේ 'වයින්ඞ් අප්’ (Wind Up) යනුවෙනි.

එහි උස සෙ.මී 104.14 (අඟල් 41) කි. පළල සෙ.මී. 66.04 (අඟල් 26) කි. දිග සෙ.මී. 132.08 (අඟල් 52 කි). එය එක්සත් රාජධානියේ වින්ග්රේව් හි පෙරී වට්කින් (Perry Watkins) නිර්මාණයකි. 2009 මැයි 8 වැනිදා ලෝක වාර්තා පොතට එක් විය.

මෙය තනා ඇත්තේ ළමයින් අතර ජනපි‍්‍රය පෝස්ට්මන් පැට් ටෙලිවිෂන් වැඩ සටහනට යොදා ගත් රථයක බොඩියක් භාවිත කරමිනි. මෙය තැනීමට මාස හතක් ගත වී තිබේ. මෙය එංගලන්තයේ ලියාපදිංචි කර ඇති අතර නියමිත පරිදි රක්ෂණය කර ඇත. මෙය නිෂ්පාදන සඳහා භාවිත කර ඇත්තේ රථවාහන සඳහා අනුමත උපාංග පමණය.