Skip to main content

තරුවක් ගිලින තරුවක්! තාරකා විද්‍යාඥයන්ගේ අලූත්ම අධ්‍යයනයකින් හෙළිවෙයි!

විශ්වය විවිධත්වයෙන් ගහණ තැනක්. එහි බොහෝ තරු අපේ තරුව වූ හිරු වගේ නෙවෙයි. ඒ තරු නපුරුයි; දරුණුයි. මාරකයි.

දැන් අන්තර්ජාතික කණ්ඩායමක් චිලි රටේ පිහිටුවා ඇති යෝධ දුරේක්ෂය යොදා ගෙන තරු ගැන අධ්‍යයනයක් කරල තියෙනවා. ඔවුන්ගේ අධ්‍යයනයට ඉලක්ක වී ඇත්තේ ‘ඕ’ වර්ගයේ තරුයි. ඒවා උෂ්ණත්වයෙන්, ස්කන්ධයෙන් හා දීප්තියෙන් වැඩියි.

මේ ‘ ඕ’ වර්ගයේ (O-type stars) තරුවලට ඇත්තේ අඩු ආයු කාලයක්. ඒ වගේ ම ඒවා ප‍්‍රචණ්ඩකාරීයි. මන්දාකිණි හෙවත් ගැලැක්සි පරිණාමය වීමේ දී මේ තරු විශේෂ කාර්යය භාරයක් ඉටු කරනවා. ඒ වගේම ඒවා අතිශයින් බිහිසුණු සංසිද්ධියකටත් සම්බන්ධයි. ඒවා ‘වැම්පයර් තරු’ විය හැකියි. මේ වැම්පයර් තරු, තමන් ආසන්නයේ ඇති අනෙක් ලොකු තරුවලින් ශක්තිය උරා ගන්නවා. තව විදියකින් කීවොත් ඒවා ගිල ගන්නවා.
නෙදර්ලන්තයේ ඇම්ස්ටර්ඩම් විශ්ව විද්‍යාලයේ ආචාර්ය හියුගස් සානා (Hugues Sana) කියන්නේ ”මේ තරු ඇත්තෙන් ම යක්ෂයින් වගේ” කියායි. ඔහු තමයි, නායකත්වය දීලා තියෙන්නෙ, මේ ගැන කළ අලූත්ම අධ්‍යයනයකට.

 
වැම්පයර් තරුවක් වෙනත් විශාල තරුවකින් සාරය උරා ගන්නා හැටි සිත්තරකුගේ ඇසින්.

”ඒවාට අපේ සූර්යයාට වගේ 15 ගුණයක් වැඩි ස්කන්ධයක් තියෙනවා. ඒ වගේම ඇප් හිරු මෙන් මිලියන වාරයක් දීප්තියෙන් වැඩියි. මේ තරු කොයි තරම් උෂ්ණත්වයෙන් වැඩි ද කීවොත් ඒවා බැබලෙන්නේ දීප්තිමත් නිල් හා සුදු පැහැයෙන්. ඒවායේ මතුපිට උෂ්ණත්වය සෙල්සියස් 30,000ක් විතර වෙනවා.” ඔහු වැඩි දුරටත් කියනවා.
තාරකා විද්‍යාඥයන් අධ්‍යයනය කළා, ‘ඕ‘ වර්ගයේ තනි තරු 71කක හා යුගල තරු (binary)හයක නියැදියක්. ඒවා ක්ෂීර පථයේ අපට ආසන්න තරුණ තරු පොකුරුවලින් තෝරා ගත් ඒවායි. ඔවුන්ගේ අධ්‍යයනයේ බොහොමයක් නිරීක්ෂණ ලබා ගත්තේ චිලි රටේ පිහිටුවා ඇති යෝධ දුරේක්ෂය ඇතුළු යුරෝපයේ රටවල් එක්ව පිහිටුවා ගත් දක්ෂිණ නිරීක්ෂාගාර (ESO) දුරේක්ෂවලින්.

මේ තෝරා ගත් තරුවලින් නිකුත් වන ආලෝකය මෙතෙක් නොකළ ආකාරයෙන් ඉතා සවිස්තර විශ්ලේෂණයට භාජනය කෙරුණා. එහිදී, සියලූ ම ඕ වර්ගයේ තරුවලින් සියයට 75ක් ම මේ යුගල තරු පද්ධති අතර තුළ ඇති බව එම කණ්ඩායමට සොයා ගැනීමට හැකි වුණා. මෙය කලින් සිතා සිටියාට වඩා ඉතා වැඩි අනුපාතයක්. මේ සම්බන්ධව කළ ප‍්‍රථම ගණනය කිරීම මෙයයි.

මෙහි දී වඩා වැදගත් වන්නේ මේවායින් වැඩි ප‍්‍රමාණයක් යුගල තරු, අන්තර් කි‍්‍රයාවලියක් ඇති වීමට තරම් සමීපව පිහිටා ඇති බව සොයා ගැනීමයි. මෙය අන්තරීක්ෂව එක් වීමකට හෝ තරු ගිලින තරුවකට ස්කන්ධයන් උකහා ගැනීමට හෝ තරම් ළංව පිහිටීමකි. මෙය මෙතෙක් සිතා සිටියාට වඩා විශාල වැඩි බව පැහැදිලි වුණා පමණක් නොව ගැලක්සියක (මන්දාකිණියක) පරිණාමය පිළිබඳව අපේ අවබෝධය වැඩි කිරීමට ද මෙය බොහෝ සේ ඉවහල් වුණා.

විශ්වය හා සලකන විට මේ ඕ-වර්ගයේ තරු ඇත්තේ ඉතාමත් කුඩා ප‍්‍රතිශතයක් වුනත් මේ තරුවල ඇති ප‍්‍රචණ්ඩ ස්වභාවය නිසා ඒවා සාපේක්ෂව ඉතා වැඩි බලපෑමක් ඒවා අවට පරිසරයට ඇති කරනවා.

මේ තරුවලින් විහිදෙන සූර්ය සුළංවලට හා කම්පනයන්ට අලූත් තරු නිර්මාණය වීම ඇති කරන්නත් නවතා දමන්නත් පුළුවන්. ඒවායේ විකිරණ ශක්තීන්වලින් නීහරිකාවල දීප්තිය වැඩි කරලනවා. ඒවායේ සුපර්නෝවාවලින් හෙවත් අධිනවතාරාවන්වලින් මන්දාකිණිවල ජීවය බිහිවීමට ප‍්‍රධාන වන බර මූල ද්‍රව්‍යවලින් සරුසාර කරනවා. ඒවායේ ඇති වන පිපිරීම්වලින් ගැමා කිරණ නිකුත් වෙනවා. ඒවා විශ්වයේ ප‍්‍රබල ශක්තියක් ජනනය කරන සංසිද්ධියක් ලෙස සැලකෙනවා. එම නිසා ඕ-වර්ගයේ තරුවලින් මන්දාකිණිවල පරිණාමය ඇති වීමට බලපාන බොහෝ යාන්ත‍්‍රණවලට බලපෑම් ඇති කරනවා.

”තාරකාවක ජීවිතයට විශාල බලපෑමක් එල්ල වෙනවා, ඒ තාරකාව ආසන්නයේ තවත් තරුවක් පැවතියහොත්” යැයි ආචාර්ය සෙල්මා ද මින්ක් කියනවා. (http://www.selmademink.com/tag/massive-stars) ඇය මේ අධ්‍යයනයේ එක් හවුල්කාරියක්. ඇමරිකාවේ අභ්‍යවකාශ දුරේක්ෂ ආයතනයේ භෞතික විද්‍යාඥවරියක්.

”තරු දෙකක කක්ෂ වඩාත් ළංව පිහිටි විට ඒවා කාලයාගේ ඇවෑමෙන් එකට එක් වීමට ඉඩ තියෙනවා. එහෙම නොවුනොත් එක් තරුවක් අනෙක් අසල්වැසි තරුවේ මතුපිට ඇති පදාර්ථ උකහා ගන්න ඉඩ තියෙනවා.”

මේ අධ්‍යයන කණ්ඩායම කියන විදියට ඕ-වර්ගයේ තරු අතරින් සියයට 20ත් 30ත් අතර ගණනක් මේ ආකාරයේ ප‍්‍රචණ්ඩකාරී සිදුවීම්වලට මුහුණ පානවා. සාපේක්ෂව එතරම් ප‍්‍රචණ්ඩකාරී නොවුනත් මේ වැම්පයර් තරු අතරින් තවත් සියයට 40ත් 50ත් අතර ගණනක් මේ තරු බිහිවීමට සැලකිය යුතු ආකාරයක බලපෑමක් කරනවා.
මේ වන තෙක්, තාරකා විද්‍යාඥයන් වැඩි දෙනකු ළං වූ කක්ෂවල ගමන් කරන යෝධ යුගල තාරකාවන් එතරම් වැදගත් කොට සැලකුවේ නැහැ. ඔවුන් ඒවා එක්ස් කිරණ නිකුත් කරන යුගල තරු හා කළුකුහර යුගල තරු ආදී වශයෙන් හැඳින්වීමට පමණක් යොදා ගත්තා.

 
මේ LH54-425 නම් යුගල තරු පද්ධතිය චිත‍්‍රශිල්පියකුට පෙනෙන හැටි. එහි දැවැන්ත තරු දෙකක් තියෙනවා. වඩා ලොකු තරුවෙන් නිකුත් වන ප‍්‍රබල සූර්ය සුළං නිසා අනෙක් තරුවේ සූර්ය සුළංවල බලපෑම් එල්ල වෙලා. මේ සුළංවල ගැටීමෙන් ඒ අවට දැඩි උෂ්ණත්වයකින් යුත් වායු කලාපයක් ඇති වෙනවා.

මේ අධ්‍යයනයෙන් පෙන්වා දෙනවා, විශ්වය නිසි ලෙස අර්ථ දැක්වීමේ දී ඒ යුගල තරුවල කාර්යභාරයත් විශේෂයෙන් සැලකිල්ලට ගැනීම අවශ්‍ය බව. මේ අධිබර යුගල තරු සාමාන්‍ය තරු මෙන් නොව ඒවායේ ස්වභාවයන් සාමාන්‍ය තරුවලට වඩා මූලික වශයෙන් වෙනස් බව.

නිදසුනක් වශයෙන් වැම්පයර් තරුවලදී, ප‍්‍රමාණයෙන් කුඩා වූ හා අඩු ස්කන්ධයක් ඇති තරුවක් එහි යුගල සගයාගෙන් අලූතින් හයිඩ‍්‍රජන් උකහා ගනිමින් නව පණක් ලබනවා. එවිට එහි ස්කන්ධය විශාල වශයෙන් වැඩි වෙනවා. ඒ නිසා ම එම ප‍්‍රමාණයේ ම ස්කන්ධයක් ඇති සාමාන්‍ය තනි තරුවකට වඩා ඉතා වැඩි කලක් එම තරුව පවතිනවා.

ඒ අතර වැම්පයර් තරුව විසින් පිට ස්තරය උකහා ගත්තාට පසුව එහි යුගල සගයාට දීප්තිමත් රතු යෝධයකුට වීමට ඇති අවස්ථාව අහිමි වෙනවා. ඒ වෙනුවට, එහි රත් වූ නිල් හරය පිටතට පෙනෙන්න පටන් ගන්නවා. එහි ප‍්‍රතිඵලය වන්නේ දුර ඇති ගැලැක්සියක තරු ගහණය එය පවතින තත්වයට වඩා අඩු වයසකින් යුක්ත ඒවා සේ පෙනෙන්නට ඉඩ තියෙනවා. අලූත් වූ වැම්පයර් තරුවත් ඊට ගොදුරු වූ තරුවත් යන දෙකම තාපයෙන් වැඩි නිල් පැහැයෙන් දිලෙන්න පටන් ගන්නවා, අලූත සෑදුණු තරු වගේ.

ඒ නිසා අන්තර්කි‍්‍රයා කළ හැකි යුගල තරුවල ගහණය නිවැරදිව දැන ගැනීම අවශ්‍ය වෙනවා, දුර ඇති මන්දාකිණිවල සත්‍ය ස්වභාවය තේරුම් ගැනීමට නම්.

දුර ඇති මනිදාකිණි ගැන තොරතුරු දැන ගැනීමට තාරකා විද්‍යාඥයන්ට ඇති එකම මඟ ඒවායේ ඇති තරුවලින් අපේ දුරේක්ෂවලට ලැබෙන ආලෝකයයි.

මෙසේ ලැබෙන ආලෝකවල වෙනස් කම් ඇති කරවන හේතු ගැන අනුමානයන් නොකොට අපට ඒ මන්දාකිණි ගැන තීන්දු තීරණවලට, ඒවා කෙතරම් විශාලද නැතිනම් ඒවා කෙතරම් තරුණද කියා නිගමනවලට එන්න පුළුවන් කමක් නැහැ.

”ඒ නිසා මේ තනි තරු බවට පත් වූ අලූත පණ පෙවුණු වැම්පයර් තරුවල ආලෝකය දෙස බලා ඒවා ගැන කරන නිගමන බොහෝ විට වැරදී යා හැකියි.” හියුගස් සානා අවසාන වශයෙන් කියනවා.

මෙවැනි වෙනස් කම් කෙතරම් විශාලද කෙතරම් ප‍්‍රමාණයකින් සිදු වෙනවාද ආදිය තේරුම් ගැනීම ඔස්සේ තමයි, අපට මන්දාකිණි ඇති වීම පිළිබඳව අපේ දැක්ම සකස් කර ගත හැක්කේ. මේ යුගල තාරකා ගැන විමසුම් කිරීම අති සංකීර්ණ දෙයක්. ඒ නිසා තවත් කලක් ගත වේවි මන්දාකිණි නිර්මාණයේ දී මේවා කෙතරම් බලපෑමක් කරන්නේ ද යන්න ගැන නිශ්චිත නිගමනයකට එන්නට.


Comments

  1. නියම ලිපිය කරුණු හරිම වටිනවා.

    ReplyDelete

Post a Comment

Popular posts from this blog

ලෝකයේ වටිනාම මුද්දරය වෙන්දේසියට! දැනට ඇත්තේ ලෝකෙටම එකයි!

මුද්දර එකතු කිරීම (Philately) විනෝදාංශයක් වගේම හොඳ ආදායම් මාර්ගයක්. පුංචි වුණාට තැපැල් මුද්දරයක් කියන්නේ රටක ඉතිහාසය කියාපාන කැඩපතක්. රටකින් රටකට හොඳ හිත පතුරුවමින් යන සංස්කෘතික තානාපතිවරයෙක්!

ඒ වගේ පැරණි තැපැල් මුද්දරයක් එහි මුහුණත සඳහන් වටිනාකමට හුඟක් වැඩිවෙන වෙලාවල් තියෙනවා. එහෙම වෙන්නේ ඒවායේ ඇති දුලබකම නිසයි.

ඒ වගේ 1873 දී ලිපිගොනු ගොඩක් අස්සේ තිබී හමුවුණු පාවිච්චි කළ ශත එකේ තැපැල් මුද්දරයක් පසුව වෙළෙඳ පොළේ දී සිලිං හයකට විකුණුණා. බි‍්‍රතාන්‍ය ගයානාව (British Guiana) විසින් නිකුත් කළ ශත එකේ දම්පාට තැපැල් මුද්දරය (1c Magenta stamp) දැන් යළිත් වෙන්දේසිය සඳහා වෙළෙඳපොළට ඇවිත්. අද, වසර 141කට පසු, එයට මුද්දර වෙන්දේසියේ දී ඇමරිකන් ඩොලර් මිලියන 20ක මුදලක් ලැබේවි යැයි විශ්වාස කරනවා.

මෑතදී ‘ලොව වඩාත් වටිනාම මුද්දරය’ ලෙස හඳුන්වනු ලැබූ මේ පැති අටේ හැඩැති තැපැල් මුද්දරය 2014 ජූනි මාසයේ 17 වැනිදා ඇමරිකාවේ නිව්යෝක්හිදී ප‍්‍රසිද්ධ වෙන්දේසියේ විකිණීමට නියමිතයි.

මෙය දැනට ලෝකයේ සුරක්ෂිතව ඉතිරි වී ඇති මේ වර්ගයේ එකම මුද්දරය ලෙස සැලකෙනවා. මෙය නිකුත් කරන ලද්දේ 1856දියි. බි‍්‍රතාන්‍ය ගයානාවේ තැපැල් මහතා…

MH370 මැලේසියානු ගුවන්යාන අබිරහස! ලෝකයේ අබිරහස් ලෙස අතුරුදන් වුණු ගුවන්යානා 10 මෙන්න!

පසුගිය සතියේ (මාර්තු 8 වැනිදා) අතුරුදන් වූ පිසැරි අංක එම්එච්370 මැලේසියානු මගී ගුවන්යානයට වූ දේ තවමත් අබිරහසක්. රටවල් 10 ගුවන්යානා, නැව්, චන්ද්‍රිකා රැසක් මේ අබිරහස විසඳන්න තවමත් වෙහෙසෙනවා.

ඒත් මෙය දැනටමත් නොවිසඳෙන අබිරහසක් පත් වෙන ලකුණු පහළ වෙලා!

ලොව පළමු සෙල් ෆෝනය මේකද? වසර 75ක් පැරණි පින්තූරයේ රහස හෙළි වෙයිද?

බලන්න මේ තරුණිය ජංගම දුරකතනයක් කනේ තියා ගෙන පාර දිගේ කතා කර කර යනවා! අද නම් මේ වගේ දසුනක් ගමක පාරක වුනත් ඔබ දැක ඇතුවාට සැකයක් නැහැ. ඒත් මේ දර්ශනය කැමරාවට නඟා ඇත්තේ මීට අවුරුදු 75කට පෙරයි!

1938 දී ඇමෙරිකාවේ වීදියක ගමන් කළ මේ යුවතියගේ අතට වර්තමානයේ අප පාවිච්චි කරනා තාලේ සෙල් ෆෝනයක් (ජංගම දුරකතනයක්) ආවෙ කොහොමද?

ඒ කාලයේ මේ වගේ දෙයක් නිපදවීම තියා මෙවැන්නක් ගැන හිතලවත් නොතිබුණා නම් මෙම දර්ශනය චිත‍්‍රපටයකට ගත් නිර්මාණයක්ද? සමහර අය කීවේ චිත‍්‍රපටය තුළින් අනාගතය දැකීමක් ලෙස මෙම දසුන සලකන්න පුළුවන් කියලයි. අනාගතය පරිකල්පනය කළ අවස්ථා චිත‍්‍රපටවල ඕනෑ තරම් තිබුණා. මේ වගේ

මේ රූප පෙළ මේ වන විට යූටියුබ් (YouTube) එක හරහා ලක්ෂ තුනකට වැඩි වාර ගණනක් සංසරණය වෙලා තියෙනවා. වර්ණ චිත‍්‍රපට එන්නට පෙරාතුව කළු සුදු ක‍්‍රමයට කැමරාවට නගන ලද මෙහි රහස පසුගිය දා හෙළි වුණා. මෙම තරුණිය තමාගේ මීමිත්තණිය යැයි යුටියුබ් ග‍්‍රාහකයෙක් හෙළි කළා.

අනාගතයට යාමක් ද? මෙහි දැක්වෙන්නේ ඇමරිකාවේ ඩුපොන්ට් ආයතනයෙන් පිට වී යන තරුණ සේවිකාවන් පිරිසක්. එයින් එක් තරුණියක් අතේ ඇති ජංගම දුරකතනයකින් කතා කරමින් යනවා ඔබට පෙනෙනවා ඇති. වසර 75කට ප…

දියණිය උපන් මොහොතේ පියා ගත් පින්තූරය අන්තර් ජාලය කළඹයි! වෛද්‍යවරයාගේ අතේ එල්ලී එළියට ආ ළදැරිය මෙන්න!

ජීවිතයේ විස්මිත මොහොතවල් ඡායාරූපයට නැඟීම වාසනාවත් එක්ක සිදු වන දෙයක්. එහෙම වාසනාවක් ලද මාපිය යුවලක් තමන් ගත් ජීවිතයේ අමතක නොවන පින්තූරය ‘මුහුණු පොතේ’ පළ කළා. මොහොතකින් එය අන්තර්ජාලය පුරා ‘කුණාටුවක්’ මෙන් හඹා ගියා.

මෙලොව එළිය දකින්න මොහොතකට පෙර පුංචි නෙවායි මව් කුස හිඳිමින් තම උදව්වට ආ වෛද්‍යවරයාගේ ඇඟිල්ලේ එල්ලූන හැටි!

නස්රුදින්ගේ වේළීමේ රහස! අලුත්ම නස්රුදින් කතාවක්!

නස්රුදින්ගේ පොහොසත් මිතුරෙක් ඔහුට කතා කළා, ඒ මිතුරාත් ඔහුගේ පිරිසත් එක්ක දින කීපයක් තිස්සේ දඩයමේ යන්න. මුල් ම දවසේ ඔවුන් නස්රුදින්ට දුන්නෙ බොහොම හෙමින් යන අස්සයෙක්. දඩයමට යන්න පටන් අරන් වැඩි වේලාවක් ගියේ නෑ, හෙමින් ගිය අස්සයා නිසා නස්රුදින් හුඟක් පහුවුණා. නස්රුදින්ව පහු කරලා දාලා අනෙක් පිරිස ඈතට දඩයමේ ගියා.

මුල්ම ඇපල් 1 පරිගණකය ලෝක වාර්තාවක් තියයිද? ඇපල් සමාගමේ ආරම්භය හෙළිකරන මෙතෙක් පළ නොවූ ඡායාරූපයක්!

ඇපල් පරිගණකය පටන් ගත් හැටි දැන් දකින කොටත් පුදුම හිතෙනවා. ඒ මුල් ම ඇපල් පරිගණකය අළෙවි කරන්න ගෙනියන්න පෙර පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුගිය දා ප‍්‍රථමවරට හෙළිදරවු වුණා.

මේ ඡායාරූපයට නගා තියෙන්නේ 1976 දියි. එතකොට ස්ටීව් ජොබ්ස්ට (Steve Jobs) වයස 21යි. ඔහුගේ මිතුරු ස්ටීව් වොස්නියැක් (Steve Wozniak) සමග එක්ව ඔවුන් දෙදෙනා මේ මුල්ම ඇපල් පරිගණක තැනුවේ ස්ටීව් ජොබ්ස්ගේ මාපියන්ගේ ගෙදර ගරාජයකයි. ඔවුන් ඒ තැනූ මූල් පරිගණක 50 තැන්පත් කරල තිබුණු ආකාරය දැක්වෙන මේ විරල ඡායාරූපය නිකුත් කරනු ලැබුවේ ලබන නොවැම්බර් 16 වැනිදා වෙන්දේසියට තැබෙන දැනට හොඳම තත්වයේ ඇති පැරණි ම ඇපල් පරිගණකය එළි දැක්වීම වෙනුවෙන්.

මෙය දැනට ලෝකයේ ඇති වටිනාම සන්නම ලෙස සැලකෙන ඇපල් පරිගණකයේ ආරම්භක තත්වය තේරුම ගන්නත් හොඳ අවස්ථාවක්. මේ සන්නමෙහි අද වටිනාකම පවුම් බිලියන 60ක්.

ඇපල් පරිගණකයේ ආරම්භය දැක්වෙන මේ කිසිදා එළියට නො පැමිණි ඡායාරූපයක්. ඒ මුල් ම ඇපල් පරිගණකය අළෙවි කරන්න ගෙනියන්න පෙර 1976 දී පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුග…

හොල්මන් පින්තූර කතන්දර පෙළක්! මේවා දැකල බය වෙන්න එපා!

රාති‍්‍ර කාලයට අඳුරේ දී ඔබව බියපත් කරන හැම රටකටම, හැම සමාජයකම තියෙනවා. ඇත්තටම හොල්මන් තියෙනවා කියල ඔප්පු කරන්න හොල්මන්වල පින්තූර ගන්න අයත් ඉන්නවා. මේ ඒ විදියට ගත්තු පින්තූර පෙළක්!


අවුරුදු ගානක් තිස්සෙ විවිධ අවස්ථාවලදි ගත්තු පින්තූර තමයි, මේ තියෙන්නේ. මෙහි ඉන්නවා, ඝාතනය කළ වහල් සේවකයන්, රෝහල්වල වධබන්ධනවලට ලක්ව මියගිය රෝගීන්, අතීතයට එක් වූ මුහුදු නැවියන් ආදී නොයෙක් අය. මොවුන්ගේ හොල්මන් කතා අහපු බොහොම දෙනෙක් බියට පත් වුණා. තාමත් අහන අයගේ ඇඟ හිරි වැටෙනවා.

දුර්ලභ ගණයේ සේයා රුවක්! නවසීලන්තයේ ධීවරයකුගේ නවතම ගොදුරක්!

මෙය ලියැවෙන්නේ කලාතුරකින් හමු වන ඡායාරූපයක් ඔබ වෙත ඉදිරිපත් කරන්නයි. අන්තර් ජාලය පුරා මේ වන විටත් වැඩි දෙනකුගේ අවධානය දිනා ගෙන තියෙනවා.

මේ ඡායාරූපයෙන් කියැවෙන්නේ මිනීමරු සුදු මෝරකුගේ ඉරණම දැක්වෙන කතාවක්. පසුගිය සතියෙදි නවසීලන්තයේ මුහුදේදි ගත්තු එකක්.

මහා භූමිකම්පාවකින් පසු පාකිස්ථාන මුහුදෙන් මතු වූ ලෝකයේ අලූත් ම දූපත!

පසුගියදා පාකිස්ථානයේ ප‍්‍රබල භූමිකම්පාවක් ඇති වුණා. 7.8ක් වූ ඒ භූමිකම්පාවෙන් බලූකිස්ථානය අසල මුහුදේ අලූත් දූපතක් මතු වුණා. ලෝකයේ අලූත් ම දූපත එයයි.

සල්සාලා කෝහ් (Zalzala Koh) යනුවෙන් ඒ දූපත නම් කරලා තියෙනවා. දාල්බන්දින්වලට සැතැපම් 145ක් ගිනිකොන දෙසින් හටගත් මේ භූම්කම්පාව නිසා දැන් එය බලන්න සංචාරකයන් වගේම පාකිස්ථාන වැසියන් වැල නොකැඩි එනවා. ඒ දූපතටත් ගොඩ වෙනවා. ගිනිගන්නාසුලූ වායුව, විස දුම් ආදිය ඇති බව අනතුරු හැෙඟව්වත් ඒවා ගනන් නොගෙනයි, ඔවුන් එහි එන්නෙ.

ඒ දූපතේ පිපිරුණු මඩ, වැලි, ගල් මුසු බිම මත මුහුදු සතුන්ගේ මළ සිරුරු, විශේෂයෙන් ම මාළුන් මළකුණු පිරිලා තියෙනවා.

මෙන්න ලෝකයේ අලූත් ම දූපත අහසට පෙනෙන හැටි. මේ මඩ කන්ද මීටර් 15ක් 20ක් විතර උස ඇති. මිනිසුන්ට ඒ මත ඇවිද ගෙන යා හැකි තරමට එහි බිම ඝනකම් කියලයි, කියන්නෙ.

MH370 මැලේසියානු ගුවන්යාන අබිරහස : නියමුවාම යානය බලෙන් ගෙන ගියාද?

2014 මාර්තු 16 වැනිදා

අනතුරට පත් යානයේ නියමුවා වූ සහාරි අහමඞ් ෂා දේශපාලන උමතුවකින් පෙළෙන්නකු ලෙස දැන් සැක කරනවා. එම්එච්370 යානය නියමුවා ලෙස සේවයට වාර්තා කරන්නට පෙර ඔහු මැලේසියාවේ විරුද්ධ පක්ෂ නායකයා වූ අන්වර් ඒබ‍්‍රහම්ට එරෙහිව පැවති නඩු විභාගයට බලන්නට ගිය බවක් ෆෙඩරල් පරීක්ෂක නිලධාරින් කියනවා.