Skip to main content

ලෝකයේ කැතම කැත ලියවිල්ල ලියා ජය ගත්තෝ! ලොව අසාමාන්‍ය සම්මාන උළෙලක්!

හුඟක් ලේඛකයෝ තම නිර්මාණය රසවත් ම එකක් කරන්නට බොහෝ වේලාවක් ගත කරති. ඒ සඳහා පැය ගණනක් හුදෙකලාව කල්පනා කරති. ඒ හොඳම වචන පෙළගැස්ම තම නිර්මාණයට එක් කර ගන්නටය. එසේ බොහෝ වෙහෙස මහන්සි වී කපා කොටා නැවත නැවතත් ලියා ඉදිරිපත් කරන කෘතියට ඉහළම සම්මානයක් දිනා ගන්න, එහෙමත් නැත්නම් ලොකු අලෙවියක් ඇති පොතක් බවට පත් කර ගන්න වාසනාව පෑදෙන්නෙ, ඒ අතරින් ඉතාමත් ස්වල්ප දෙනකුට පමණයි.

ඒත් ලෝකයේ සාහිත්‍ය තරග අතර මෙයට වඩා හාත්පසින් ම වෙනස් තරගයක් ද තිබේ. එහෙත් ඒ තරගයට බාර ගන්නේ දක්ෂම, ප‍්‍රශස්තම රචනය නොවේ, අවලස්සනම රචනයයි. කැතම කැත ලියැවිල්ලයි. වඩාත් ජුගුප්සාජනක ලෙසින් කළ පද ගැළපුමයි. එහි දී සම්මානය පිරිනැමෙන්නේ ජගත් ජුගුප්සාජනක නිර්මාණයටයි. එ සම්මානය හැඳින්වෙන්නේ බුල්වර්-ලයිටන් ප‍්‍රබන්ධ තරගය The Bulwer-Lytton Fiction Contest කියලයි.

 
ජගත් ජුගුප්සාජනක නිර්මාණයට සම්මාන දෙන ඇමෙරිකාවේ සැන් ජෝස්හී සැන් ජෝස් විශ්ව විද්‍යාලය. 1982 සිට පිරිනැමෙන මෙම සම්මානය සඳහා වාර්ෂික තරග වදින්නට ලොව සතර දිග්භාගයෙන් ම තරගකරුවෝ දහස් ගණනක් මෙහි එති.

මෙම තරගයට සහභාගි වන තරගකරුවන් විසින් කළ යුතු වන්නේ නරක ම නවකතාව සඳහා අප‍්‍රසන්න ම ආරම්භක ෙඡ්දයක් ලිවීම පමණයි.

මේ වසරේ, එනම් 2012, සමස්ත තරගාවලියේ ම ජයග‍්‍රාහකයන් පසුගියදා ප‍්‍රකාශයට පත් කෙරුණි. මෙවර එහි ප‍්‍රධාන සම්මානය දිනා ගත්තේ එංගලන්තයේ මැන්චෙස්ටර් නුවර සිට පැමිණි ලේඛිකාවකි. ඇය කැතී බ‍්‍රයන්ට් (Cathy Bryant) ය. ඇයගේ නිර්මාණය මේ වසරේ වඩාත් අප‍්‍රසන්න ම පද ගැළපුම ලෙස විනිශ්චය මණ්ඩලය විසින් නම් කරනු ලැබීය. පහත පළ වන්නේ ඇගේ ඒ ජයග‍්‍රාහී නිර්මාණයයි:

'As he told her that he loved her she gazed into his eyes, wondering, as she noted the infestation of eyelash mites, the tiny deodicids burrowing into his follicles to eat the greasy sebum therein, each female laying up to 25 eggs in a single follicle, causing inflammation, whether the eyes are truly the windows of the soul; and, if so, his soul needed regrouting.'

මෙවැනි රචනාවලට නිවැරදි ම පරිවර්තනයක් දීම ඉතා අපහසුය. එහෙත් එහි සාමන්‍ය අරුත මෙසේය:

‘ඔහු ඇයට කී විට, ඔහු ඇයට ආදරය කරනා වග, ඇය ඔහුගේ ඇස්වලට එබී බැලූවාය. මවිතයකි! ඒ ඇස්පිලි ඉනිකුණන්ගෙන් පිරී ඉතිරී ඇති බව ඇය දුටුවාය. ඒ කුඩා කූඩිත්තන් ඔහුගේ ස්‍යුනිකාවන් හාරා, එහි ඇති ස්නේහ ස‍්‍රාවී ග‍්‍රන්ථීන්ගෙන් වෑස්සෙන ගී‍්‍රස් බඳු ද්‍රව්‍ය කන්නට දඟලනු ඇයට පෙනුණි. එක් ඉකිණියක් ඇසිපිල්ලමක් මුල ස්‍යුනිකාවක් තුළ බිත්තර 25ක් බැගින් දැම්මාය. එයින් ආසාදනයට මග පෑදිණ. සත්‍ය වශයෙන් ම ඇස්, ජීවය හෝ ආත්මය හෝ දක්වන කවුළු නම්, ඒක එහෙම නම්, ඔහුගේ ආත්මය යළි හුණු පිරියම් කිරීමක් අවශ්‍ය වන්නේය.’

 
නවකතාකරුවකු හා නාට්‍ය රචකයකු වූ එඞ්වඞ් ජෝර්ජ් බුල්වර් ලයිටන්ට ගරු කිරීමක් ලෙසයි, මේ අමුතු සම්මාන උළෙල සංවිධානය කෙරෙන්නේ.

මෙම අමුතු සම්මාන උළෙල සැන් ජෝස් රාජ්‍ය විශ්ව විද්‍යාලය විසින් 1982 දී ආරම්භ කරනු ලැබීය. එදා පටන් සෑම වසරකම දහස් ගණනක් ලේඛක ලේඛිකාවෝ මේ තරගයට සහභාගි වීමට ලොව නන් දෙසින් මෙහි එති.

මෙම වාර්ෂික සම්මාන උළෙල සංවිධානය කෙරෙන්නේ 18 වැනි සියවසේ විසූ ඇමරිකානු නවකතා කරුවකු හා නාට්‍ය රචකයකු වූ එඞ්වඞ් ජෝර්ජ් බුල්වර් ලයිටන්ට (Edward George Bulwer Lytton) ගෞරවයක් වශයෙනි. ඔහු ද අප‍්‍රසන්න වැකියකින්, අඳුරු පරිසරයක් මවමින්, නවකතාවක් ආරම්භ කළ අයෙකි.

අද එම වැකිය ඉංගී‍්‍රසි සාහිත්‍යයේ ඇති වැඩියෙන් ම ප‍්‍රසිද්ධ ආරම්භක වාක්‍යය ලෙස සැලකේ. එම වැකිය යොදා තිබුණේ 1830 දී පළ වූ ඔහු විසින් ලියන ලද ‘පෝල් ක්ලිෆර්ඞ්’ නම් නවකතාවේ ආරම්භයටයි. පසුව ලෝක ප‍්‍රකට වූ ඒ වාක්‍යය මෙසේය:

'It was a dark and stormy night' (‘එය අඳුරු සහ කුනාටු සහිත රාති‍්‍රයකි’).

මෙම වසරේ වික‍්‍රමාන්විත අංශයෙන් ජයග‍්‍රාහකයා වූයේ කැලිෆෝනියාවේ ප්ලේසර්විල්හි ග්‍රෙග් හෝමර් ය. ඔහුගේ නිර්මාණය මෙසේ ය:

'The stifling atmosphere inside the Pink Dolphin Bar in the upper Amazon Basin carried barely enough oxygen for a man to survive – humid and thick the air was and full of little flying bugs, making the simple act of breathing like trying to suck hot Campbell’s Bean with Bacon soup through a paper straw.'

එහි සාමන්‍ය අරුත මෙසේය:

”හුස්ම හිර කරන වතාවරණයක් පින්ක් ඩොල්ෆින් අවන්හලෙහි පැවතියේ ය. ඇමසන් සානුවේ ඉහළ කොටසෙහි පිහිටි එහි වාතයෙහි ඔක්සිජන් තිබුණේ මිනිසකුට යම්තම් දිවිරැක ගැනීමට පමණි. තෙත ඝන වාතයෙන් යුත් එහි පරිසරය පුංචි මැස්සන්ගෙන් පිරී තිබුණේය. සාමාන්‍යයෙන් ඉතා සරල කි‍්‍රයාවක් වූ හුස්ම ගැනීම පවා, මෙහිදී, කැම්බල්ගේ බෝංචි ඇට යොදා තැනුණු උණු බේකන් සුප්, කඩදාසි බීම බටයකින් උරන්නට ගන්නා උත්සාහයක් බඳු විය.

මෙම උළෙලේදී තවත් විශේෂ සම්මානයක් පිරිනමනු ලැබීය. එය හඳුන්වා ඇත්තේ ‘මහා කයිවාරුකාරයාට හිමි සම්මානය’ (Grand Panjandrum’s Special Award) යනුවෙනි. ඒ සඳහා සම්මානය හිමි වූයේ කැලිෆෝනියාවේ හර්මෝසා වෙරළෙන් පැමිණි ලේඛකයකුටය. ඔහු ඬේවිඞ් පෙර් ය. මේ ඔහුගේ නිර්මාණයයි:

'As an ornithologist, George was fascinated by the fact that urine and feces mix in birds’ rectums to form a unified, homogeneous slurry that is expelled through defecation, although eying Greta's face, and sensing the reaction of the congregation, he immediately realized he should have used a different analogy to describe their relationship in his wedding vows.'

එහි සාමන්‍ය අරුත මෙසේය:

 ”පක්ෂි විද්‍යාඥයකු ලෙස ජෝර්ජ්ගේ සිත් ඇදගත් කරුණක් වන්නේ කුරුල්ලන්ගේ කුරුලූ වසුරු හා මූත‍්‍ර ගුද මාර්ගවල දී මුසුව කහළ මග ඔස්සේ ඉවතට මලෝත්සාරණය වන සමජාතීය උකු මිශ‍්‍රණය වැන්නක් නමුදු, ගේ‍්‍රටාගේ මුහුණ ඇස ගැසුණු පසු හා එහි රැස්ව සිටි පිරිසගේ ප‍්‍රතිචාර ඉව වැටුණු පසු ඔහුට වහාම වැටහී ගියේ ඔහුගේ මංගල පොරොන්දුවලට ඇති ඔවුන්ගේ සම්බන්ධතා විස්තර කිරීමට වෙනත් සැසඳීමක් යොදා ගතයුතු බවය.”


Comments

  1. සිංහල බ්ලොග් අවකාශයට ම කියාපු තරගය!

    ReplyDelete
  2. මේ තරගය මෙහෙ තිබ්බා නම් මමත් අනිවාර්යෙන් ,, හොද ලිපියක්

    ReplyDelete
  3. කතන්දරගේ කතාවට මාත් එකඟයි :D

    ReplyDelete

Post a Comment

Popular posts from this blog

ලෝකයේ වටිනාම මුද්දරය වෙන්දේසියට! දැනට ඇත්තේ ලෝකෙටම එකයි!

මුද්දර එකතු කිරීම (Philately) විනෝදාංශයක් වගේම හොඳ ආදායම් මාර්ගයක්. පුංචි වුණාට තැපැල් මුද්දරයක් කියන්නේ රටක ඉතිහාසය කියාපාන කැඩපතක්. රටකින් රටකට හොඳ හිත පතුරුවමින් යන සංස්කෘතික තානාපතිවරයෙක්!

ඒ වගේ පැරණි තැපැල් මුද්දරයක් එහි මුහුණත සඳහන් වටිනාකමට හුඟක් වැඩිවෙන වෙලාවල් තියෙනවා. එහෙම වෙන්නේ ඒවායේ ඇති දුලබකම නිසයි.

ඒ වගේ 1873 දී ලිපිගොනු ගොඩක් අස්සේ තිබී හමුවුණු පාවිච්චි කළ ශත එකේ තැපැල් මුද්දරයක් පසුව වෙළෙඳ පොළේ දී සිලිං හයකට විකුණුණා. බි‍්‍රතාන්‍ය ගයානාව (British Guiana) විසින් නිකුත් කළ ශත එකේ දම්පාට තැපැල් මුද්දරය (1c Magenta stamp) දැන් යළිත් වෙන්දේසිය සඳහා වෙළෙඳපොළට ඇවිත්. අද, වසර 141කට පසු, එයට මුද්දර වෙන්දේසියේ දී ඇමරිකන් ඩොලර් මිලියන 20ක මුදලක් ලැබේවි යැයි විශ්වාස කරනවා.

මෑතදී ‘ලොව වඩාත් වටිනාම මුද්දරය’ ලෙස හඳුන්වනු ලැබූ මේ පැති අටේ හැඩැති තැපැල් මුද්දරය 2014 ජූනි මාසයේ 17 වැනිදා ඇමරිකාවේ නිව්යෝක්හිදී ප‍්‍රසිද්ධ වෙන්දේසියේ විකිණීමට නියමිතයි.

මෙය දැනට ලෝකයේ සුරක්ෂිතව ඉතිරි වී ඇති මේ වර්ගයේ එකම මුද්දරය ලෙස සැලකෙනවා. මෙය නිකුත් කරන ලද්දේ 1856දියි. බි‍්‍රතාන්‍ය ගයානාවේ තැපැල් මහතා…

MH370 මැලේසියානු ගුවන්යාන අබිරහස! ලෝකයේ අබිරහස් ලෙස අතුරුදන් වුණු ගුවන්යානා 10 මෙන්න!

පසුගිය සතියේ (මාර්තු 8 වැනිදා) අතුරුදන් වූ පිසැරි අංක එම්එච්370 මැලේසියානු මගී ගුවන්යානයට වූ දේ තවමත් අබිරහසක්. රටවල් 10 ගුවන්යානා, නැව්, චන්ද්‍රිකා රැසක් මේ අබිරහස විසඳන්න තවමත් වෙහෙසෙනවා.

ඒත් මෙය දැනටමත් නොවිසඳෙන අබිරහසක් පත් වෙන ලකුණු පහළ වෙලා!

නස්රුදින්ගේ වේළීමේ රහස! අලුත්ම නස්රුදින් කතාවක්!

නස්රුදින්ගේ පොහොසත් මිතුරෙක් ඔහුට කතා කළා, ඒ මිතුරාත් ඔහුගේ පිරිසත් එක්ක දින කීපයක් තිස්සේ දඩයමේ යන්න. මුල් ම දවසේ ඔවුන් නස්රුදින්ට දුන්නෙ බොහොම හෙමින් යන අස්සයෙක්. දඩයමට යන්න පටන් අරන් වැඩි වේලාවක් ගියේ නෑ, හෙමින් ගිය අස්සයා නිසා නස්රුදින් හුඟක් පහුවුණා. නස්රුදින්ව පහු කරලා දාලා අනෙක් පිරිස ඈතට දඩයමේ ගියා.

ලොව පළමු සෙල් ෆෝනය මේකද? වසර 75ක් පැරණි පින්තූරයේ රහස හෙළි වෙයිද?

බලන්න මේ තරුණිය ජංගම දුරකතනයක් කනේ තියා ගෙන පාර දිගේ කතා කර කර යනවා! අද නම් මේ වගේ දසුනක් ගමක පාරක වුනත් ඔබ දැක ඇතුවාට සැකයක් නැහැ. ඒත් මේ දර්ශනය කැමරාවට නඟා ඇත්තේ මීට අවුරුදු 75කට පෙරයි!

1938 දී ඇමෙරිකාවේ වීදියක ගමන් කළ මේ යුවතියගේ අතට වර්තමානයේ අප පාවිච්චි කරනා තාලේ සෙල් ෆෝනයක් (ජංගම දුරකතනයක්) ආවෙ කොහොමද?

ඒ කාලයේ මේ වගේ දෙයක් නිපදවීම තියා මෙවැන්නක් ගැන හිතලවත් නොතිබුණා නම් මෙම දර්ශනය චිත‍්‍රපටයකට ගත් නිර්මාණයක්ද? සමහර අය කීවේ චිත‍්‍රපටය තුළින් අනාගතය දැකීමක් ලෙස මෙම දසුන සලකන්න පුළුවන් කියලයි. අනාගතය පරිකල්පනය කළ අවස්ථා චිත‍්‍රපටවල ඕනෑ තරම් තිබුණා. මේ වගේ

මේ රූප පෙළ මේ වන විට යූටියුබ් (YouTube) එක හරහා ලක්ෂ තුනකට වැඩි වාර ගණනක් සංසරණය වෙලා තියෙනවා. වර්ණ චිත‍්‍රපට එන්නට පෙරාතුව කළු සුදු ක‍්‍රමයට කැමරාවට නගන ලද මෙහි රහස පසුගිය දා හෙළි වුණා. මෙම තරුණිය තමාගේ මීමිත්තණිය යැයි යුටියුබ් ග‍්‍රාහකයෙක් හෙළි කළා.

අනාගතයට යාමක් ද? මෙහි දැක්වෙන්නේ ඇමරිකාවේ ඩුපොන්ට් ආයතනයෙන් පිට වී යන තරුණ සේවිකාවන් පිරිසක්. එයින් එක් තරුණියක් අතේ ඇති ජංගම දුරකතනයකින් කතා කරමින් යනවා ඔබට පෙනෙනවා ඇති. වසර 75කට ප…

දියණිය උපන් මොහොතේ පියා ගත් පින්තූරය අන්තර් ජාලය කළඹයි! වෛද්‍යවරයාගේ අතේ එල්ලී එළියට ආ ළදැරිය මෙන්න!

ජීවිතයේ විස්මිත මොහොතවල් ඡායාරූපයට නැඟීම වාසනාවත් එක්ක සිදු වන දෙයක්. එහෙම වාසනාවක් ලද මාපිය යුවලක් තමන් ගත් ජීවිතයේ අමතක නොවන පින්තූරය ‘මුහුණු පොතේ’ පළ කළා. මොහොතකින් එය අන්තර්ජාලය පුරා ‘කුණාටුවක්’ මෙන් හඹා ගියා.

මෙලොව එළිය දකින්න මොහොතකට පෙර පුංචි නෙවායි මව් කුස හිඳිමින් තම උදව්වට ආ වෛද්‍යවරයාගේ ඇඟිල්ලේ එල්ලූන හැටි!

හොල්මන් පින්තූර කතන්දර පෙළක්! මේවා දැකල බය වෙන්න එපා!

රාති‍්‍ර කාලයට අඳුරේ දී ඔබව බියපත් කරන හැම රටකටම, හැම සමාජයකම තියෙනවා. ඇත්තටම හොල්මන් තියෙනවා කියල ඔප්පු කරන්න හොල්මන්වල පින්තූර ගන්න අයත් ඉන්නවා. මේ ඒ විදියට ගත්තු පින්තූර පෙළක්!


අවුරුදු ගානක් තිස්සෙ විවිධ අවස්ථාවලදි ගත්තු පින්තූර තමයි, මේ තියෙන්නේ. මෙහි ඉන්නවා, ඝාතනය කළ වහල් සේවකයන්, රෝහල්වල වධබන්ධනවලට ලක්ව මියගිය රෝගීන්, අතීතයට එක් වූ මුහුදු නැවියන් ආදී නොයෙක් අය. මොවුන්ගේ හොල්මන් කතා අහපු බොහොම දෙනෙක් බියට පත් වුණා. තාමත් අහන අයගේ ඇඟ හිරි වැටෙනවා.

මුල්ම ඇපල් 1 පරිගණකය ලෝක වාර්තාවක් තියයිද? ඇපල් සමාගමේ ආරම්භය හෙළිකරන මෙතෙක් පළ නොවූ ඡායාරූපයක්!

ඇපල් පරිගණකය පටන් ගත් හැටි දැන් දකින කොටත් පුදුම හිතෙනවා. ඒ මුල් ම ඇපල් පරිගණකය අළෙවි කරන්න ගෙනියන්න පෙර පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුගිය දා ප‍්‍රථමවරට හෙළිදරවු වුණා.

මේ ඡායාරූපයට නගා තියෙන්නේ 1976 දියි. එතකොට ස්ටීව් ජොබ්ස්ට (Steve Jobs) වයස 21යි. ඔහුගේ මිතුරු ස්ටීව් වොස්නියැක් (Steve Wozniak) සමග එක්ව ඔවුන් දෙදෙනා මේ මුල්ම ඇපල් පරිගණක තැනුවේ ස්ටීව් ජොබ්ස්ගේ මාපියන්ගේ ගෙදර ගරාජයකයි. ඔවුන් ඒ තැනූ මූල් පරිගණක 50 තැන්පත් කරල තිබුණු ආකාරය දැක්වෙන මේ විරල ඡායාරූපය නිකුත් කරනු ලැබුවේ ලබන නොවැම්බර් 16 වැනිදා වෙන්දේසියට තැබෙන දැනට හොඳම තත්වයේ ඇති පැරණි ම ඇපල් පරිගණකය එළි දැක්වීම වෙනුවෙන්.

මෙය දැනට ලෝකයේ ඇති වටිනාම සන්නම ලෙස සැලකෙන ඇපල් පරිගණකයේ ආරම්භක තත්වය තේරුම ගන්නත් හොඳ අවස්ථාවක්. මේ සන්නමෙහි අද වටිනාකම පවුම් බිලියන 60ක්.

ඇපල් පරිගණකයේ ආරම්භය දැක්වෙන මේ කිසිදා එළියට නො පැමිණි ඡායාරූපයක්. ඒ මුල් ම ඇපල් පරිගණකය අළෙවි කරන්න ගෙනියන්න පෙර 1976 දී පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුග…

දුර්ලභ ගණයේ සේයා රුවක්! නවසීලන්තයේ ධීවරයකුගේ නවතම ගොදුරක්!

මෙය ලියැවෙන්නේ කලාතුරකින් හමු වන ඡායාරූපයක් ඔබ වෙත ඉදිරිපත් කරන්නයි. අන්තර් ජාලය පුරා මේ වන විටත් වැඩි දෙනකුගේ අවධානය දිනා ගෙන තියෙනවා.

මේ ඡායාරූපයෙන් කියැවෙන්නේ මිනීමරු සුදු මෝරකුගේ ඉරණම දැක්වෙන කතාවක්. පසුගිය සතියෙදි නවසීලන්තයේ මුහුදේදි ගත්තු එකක්.

මහා භූමිකම්පාවකින් පසු පාකිස්ථාන මුහුදෙන් මතු වූ ලෝකයේ අලූත් ම දූපත!

පසුගියදා පාකිස්ථානයේ ප‍්‍රබල භූමිකම්පාවක් ඇති වුණා. 7.8ක් වූ ඒ භූමිකම්පාවෙන් බලූකිස්ථානය අසල මුහුදේ අලූත් දූපතක් මතු වුණා. ලෝකයේ අලූත් ම දූපත එයයි.

සල්සාලා කෝහ් (Zalzala Koh) යනුවෙන් ඒ දූපත නම් කරලා තියෙනවා. දාල්බන්දින්වලට සැතැපම් 145ක් ගිනිකොන දෙසින් හටගත් මේ භූම්කම්පාව නිසා දැන් එය බලන්න සංචාරකයන් වගේම පාකිස්ථාන වැසියන් වැල නොකැඩි එනවා. ඒ දූපතටත් ගොඩ වෙනවා. ගිනිගන්නාසුලූ වායුව, විස දුම් ආදිය ඇති බව අනතුරු හැෙඟව්වත් ඒවා ගනන් නොගෙනයි, ඔවුන් එහි එන්නෙ.

ඒ දූපතේ පිපිරුණු මඩ, වැලි, ගල් මුසු බිම මත මුහුදු සතුන්ගේ මළ සිරුරු, විශේෂයෙන් ම මාළුන් මළකුණු පිරිලා තියෙනවා.

මෙන්න ලෝකයේ අලූත් ම දූපත අහසට පෙනෙන හැටි. මේ මඩ කන්ද මීටර් 15ක් 20ක් විතර උස ඇති. මිනිසුන්ට ඒ මත ඇවිද ගෙන යා හැකි තරමට එහි බිම ඝනකම් කියලයි, කියන්නෙ.

MH370 මැලේසියානු ගුවන්යාන අබිරහස : නියමුවාම යානය බලෙන් ගෙන ගියාද?

2014 මාර්තු 16 වැනිදා

අනතුරට පත් යානයේ නියමුවා වූ සහාරි අහමඞ් ෂා දේශපාලන උමතුවකින් පෙළෙන්නකු ලෙස දැන් සැක කරනවා. එම්එච්370 යානය නියමුවා ලෙස සේවයට වාර්තා කරන්නට පෙර ඔහු මැලේසියාවේ විරුද්ධ පක්ෂ නායකයා වූ අන්වර් ඒබ‍්‍රහම්ට එරෙහිව පැවති නඩු විභාගයට බලන්නට ගිය බවක් ෆෙඩරල් පරීක්ෂක නිලධාරින් කියනවා.