Skip to main content

නොපෙනෙන ලොවට එබී බලන්න අවස්ථාවක්! ලන්ඩනයේ අන්වීක්ෂ ඡායාරූප උළෙලක්!

මේ ඡායාරූප සියල්ල ම ජෛව ලෝකයේ සැඟවුණු රහස් එළි කරන ඒවායි. පියවි ඇසට නෙපෙනෙන ජෛව ලෝකයේ අලංකාරයත්, සැඟවුණු කටුක බවත් මේවායින් ප‍්‍රදර්ශනය කෙරෙනවා. මේවා එක් රැස් කෙරෙන්නේ සම්මානයක් දෙන්නයි, ප‍්‍රදර්ශනයක් සඳහායි.

වෙල්කම් ඉමේජ් සම්මාන සඳහා පැවැත්වෙන මෙම ඡායාරූප උළෙලට ඇතුළත් වෙනවා, පිළිකා සෛල බෙදෙමින් වැඩෙන ආකාරය දැක්වෙන දුලබ ඡායාරූපයක්. ඒ වගේ ම කෝපිවල ඇති කටු සහිත කැෆේන් ස්ඵටිකවල ඡායාරූපයක්.

මේ සමහර පින්තූර අතිශයින් ම ලස්සනයි. හරිත ඇල්ගේවල සමීප රූපය එවැන්නක්. ඒ වගේ ම බැක්ටීරියාවක රූපයත්, පාචනය වළක්වන ඔසුවක් වන ලොපරමයිඞ් ස්ඵටිකවල රූපයත් අමතක නොවන ඒවායි.

 
පිළිකා සෛල චලනයේ යෙදෙන අයුරු විස්මිත සේයාරුවක්: අනතුරුදායක සෛල වෙනස් පැහැයකින් දක්වා තියෙනවා. මේ එක් චැනලයක් මයික්‍රෝන 12ක් පළලයි. දළ වශයෙන් කෙස් ගහකින් දහයෙන් පංගුවක් විතර ඇති.

මේ තරගයේ මුල් තැන්ගත් ඡායාරූපය මේ ගොනුවේ නැහැ. ඒක බලා ගන්න ඡායාරූප උළෙලට යන්න වෙනවා. ඒ ඡායාරූපය සජීවි මොළයක මතුපිට ඡායාරූපයක්. ඒ අතිශය චිත්තාකර්ෂණීය දර්ශනය ඡායාරූපයට නගා ඇත්තේ ඇමරිකාවේ කැලිෆෝනියා විශ්ව විද්‍යාලයේ ස්නායුවේද ආයතනයේ රොබට් ලඞ්ලෝ විසින්. ඒ ඡායාරූපය ගත්තේ අපස්මාරය වැළඳුණු සැත්කමක් කරන අවස්ථාවේ දීයි.

මේ තරගයේ විනිසුරුවරියක වූ මහාචාර්ය ඇලිස් රොබට්ස් කියන්නේ ඒ මිනිස් මොළයේ ඡායාරූපය ඉතාමත් විස්මිත එකක් බවයි.

”මෙහි විශේෂත්වය ඇත්තේ මේ මොළය පණ පිටින් තිබිය දී ඡායාරූපයට නැඟීමයි. මොළයේ සැත්කමක් කරද්දී ගත් පින්තූරයක් මේ. දක්ෂ ඡායාරූප ශිල්පියකුගේ උපකාර ඇතිව අපට හැකිවී තියෙනවා, අපේ හිස්කබල තුළ සැඟවී ඇති මේ විස්මිත දසුන දැක ගන්න.” ඇය කියනවා.

 
දේදුනු වර්ණ යෙදූ මේ ඉලෙක්ට්‍රෝන අන්වීක්ෂ පරිලෝකන ඡායාරූපයෙන් දක්වෙන්නේ කෝපිවල ඇති කැෆේන් ස්ඵටිකයි.

වෙල්කම් කලෙක්ෂන්හි දී මේ ඡායාරූපය සඳහා පසුගිය සතියේ ලන්ඩනයේ දී ඒ සම්මාන උළෙලේ දී ඉහළම සම්මානය ප‍්‍රදානය කෙරුණා.

මෙම උළෙලේදී වෙල්කම් ඉමේජ් සම්මාන 16ක් පිරි නැමුණා. වෙල්කම් ඉමේජ් ආයතනයේ ප‍්‍රධානී හා විනිසුරු මඬුල්ලේ සාමාජික කැතරීන් ඩ්‍රේකොට් එහි සුවිශේෂත්වය ගැන මෙහෙම කියනවා: ”මේ සම්මාන වෙනත් ඡායාරූප සම්මානවලට වඩා ඉතා සුවිශේෂයි. අපි මෙහිදී ජයග‍්‍රාහකයන් තෝරා ගැනීමේදී විද්‍යාත්මක හා තාක්ෂණික පැත්තෙන් පමණක් නොවෙයි, කලාත්මක අතිනුත් ඔවුන්ගේ හැකියාවන් මනිනවා.” ඇය කියනවා.

 
මික්රැස්ටරියාස් - ඩෙස්මිඞ් නමින් හැඳින්වෙන හරිත ඇල්ගේ විශේෂයක්. මේවා සාමාන්‍යයෙන් වැඩෙන්නේ අම්ල සහිත ජලය ඇති වගුරු බිම්වලයි.

”ඔවුන් විද්‍යාවට හා අප සිදු කරන පර්යේෂණවලට වඩා ළං වී බලන්න අවස්ථාව සාමාන්‍ය ජනතාවට ලබා දෙනවා මේ ඡායාරූප මගින්. අප දෙස, අපේ ලෝකය දෙස, වෙනස් විදියකට බලන්න ජනතාවට ඉඩ සලසනවා.” ඇය වැඩි දුරටත් කියනවා.

වෛද්‍ය ඡායාරූප ශිල්පය සාමාන්‍ය ඡායාරූප ශිල්පයට වඩා වෙහෙසකර කටයුත්තක්. වෛද්‍යවරුන් සමග තමන්ට සුදුසු අවස්ථාව එන තෙක් ලොකු ඉවසීමකින් යුතුව බලා ඉන්න ඔවුන්ට සිදු වෙනවා. නිසි ආලෝකයක් නොමැතිව, සැලසුම් කිරීමට වෙලාවක් නැතිව, සිදු වීම ගැන කිසිම ආකාරයක පාලනයක් නැතිව, අවම පහසුකම් ඇතිව පින්තූර ගන්න ඔවුන්ට සිදු වෙනවා.

ඒත් ඔවුන් ගන්නා මේ වෛද්‍ය ඡායාරූප වෛද්‍යවරුන්ට කීප අතකින් උපකාර වෙනවා. ඇතැම් විට ලෙඩ හඳුනා ගන්න, ප‍්‍රතිකාර පිළිබඳ වාර්තා තබා ගන්න, වෙනත් වෛද්‍යවරුන් හා සාකච්ඡා කර ප‍්‍රතිකාර පිළිබඳ නිසි නිගමනයකට එන්න, සෙසු වෛද්‍යවරුන් දැනුවත් කරන්න ආදී වශයෙන් නොයෙක් අයුරින් උපකාර වෙනවා. ඒ සියල්ලට ම වඩා ඒවා අධ්‍යාපන කටයුතුවල මහත් සේ ප‍්‍රයෝජනවත් වෙනවා.

සම්මාන ලද ඡායාරූප ලන්ඩනයේ වෙල්කම් කලෙක්ෂන්හි දී 2012 දෙසැම්බර් තෙක් ප‍්‍රදර්ශනයට තබා තිබෙනවා.

 
ඩයටම් පෘස්ටියුලේ - ඒක සෛලික ජීවීන් විශේෂයක්. ප‍්‍රධාන ඇල්ගේ කාණ්ඩයක්. මේ ඩයටම පිට ආවරණය සෑදී ඇත්තේ සිලිකාවලින් සැදුණු තද සෛල බිත්තියකින්.

 
මයික්‍රොනීඞ්ල් එන්නතක්, අති සියුම් තුඩු සහිත එන්නතක සමීප රූපයක්. පර්යේෂකයන් කියන්නේ බාහිර චර්මයට මේ ද්‍රව්‍ය යොදා ගෙන එන්නත් දීම හා ප‍්‍රතිකාර කිරීම වේදනාවෙන් තොරව පහසුවෙන් කළ හැකි බවයි.

 
ලොපරමයිඞ් නම් පාචනයට ප‍්‍රතිකාර සඳහා දෙන ඔසුව ස්ඵටිකයක්. මෙය අන්ත‍්‍රය හරහා ගමන් කරන ආහාරවල වේගය අඩු කිරීමට යොදා ගන්නකි.

 
මේ දිස් වෙන්නේ නියම වර්ණයෙන් නොවේ. ස්කෑනරයකින් ගත් සලබ මැස්සකුගේ අක්වීක්ෂ ඡායාරූපයක්. මේ සතාගේ කීටයන් වැඩෙන්නේ ගෘහාශි‍්‍රත කසළ කානුවලයි.

 
මේ දිස් වෙන්නේ නියම වර්ණයෙන් නොවේ. ඉලෙක්ට්‍රොනික අන්වීක්ෂ ස්කෑනරයකින් ගත් ලැවැන්ඩර ශාක පත‍්‍රයක්.

 
බැක්ටීරියා ගොනුවක හැටි! පෙට්රි දීසියක දමා තිබෙන අයුරු. මෙය සාමාන්‍ය පසෙහි වැඩෙන බැසිලස් සබ්ටයිට්ල්ස් (Bacillus subtilis) නම් බැක්ටීරියාවක්. මෙහි තනි බැක්ටීරියාවක් දණ්ඩක හැඩයෙන් යුක්තයි.

 
මේ දිස් වෙන්නේ නියම වර්ණයෙන් නොවේ. ඉලෙක්ට්‍රොනික අන්වීක්ෂ ස්කෑනරයකින් ගත් ඡායාරූපයක්. පර්වප‍්‍රදාහ රෝග තත්වයෙන් පෙළෙන අයකුගේ දණහිසේ සැත්කමක් කරද්දී ඉවත් කළ සම්බන්ධක පටකයි මෙහි දැක්වෙන්නේ.

 
මේ දිස් වෙන්නේ නියම වර්ණයෙන් නොවේ. අපි‍්‍රකානු දළ ගෙබි විශේෂයක කීට අවස්ථාවක්.

Comments

Post a Comment

Popular posts from this blog

ලෝකයේ වටිනාම මුද්දරය වෙන්දේසියට! දැනට ඇත්තේ ලෝකෙටම එකයි!

මුද්දර එකතු කිරීම (Philately) විනෝදාංශයක් වගේම හොඳ ආදායම් මාර්ගයක්. පුංචි වුණාට තැපැල් මුද්දරයක් කියන්නේ රටක ඉතිහාසය කියාපාන කැඩපතක්. රටකින් රටකට හොඳ හිත පතුරුවමින් යන සංස්කෘතික තානාපතිවරයෙක්!

ඒ වගේ පැරණි තැපැල් මුද්දරයක් එහි මුහුණත සඳහන් වටිනාකමට හුඟක් වැඩිවෙන වෙලාවල් තියෙනවා. එහෙම වෙන්නේ ඒවායේ ඇති දුලබකම නිසයි.

ඒ වගේ 1873 දී ලිපිගොනු ගොඩක් අස්සේ තිබී හමුවුණු පාවිච්චි කළ ශත එකේ තැපැල් මුද්දරයක් පසුව වෙළෙඳ පොළේ දී සිලිං හයකට විකුණුණා. බි‍්‍රතාන්‍ය ගයානාව (British Guiana) විසින් නිකුත් කළ ශත එකේ දම්පාට තැපැල් මුද්දරය (1c Magenta stamp) දැන් යළිත් වෙන්දේසිය සඳහා වෙළෙඳපොළට ඇවිත්. අද, වසර 141කට පසු, එයට මුද්දර වෙන්දේසියේ දී ඇමරිකන් ඩොලර් මිලියන 20ක මුදලක් ලැබේවි යැයි විශ්වාස කරනවා.

මෑතදී ‘ලොව වඩාත් වටිනාම මුද්දරය’ ලෙස හඳුන්වනු ලැබූ මේ පැති අටේ හැඩැති තැපැල් මුද්දරය 2014 ජූනි මාසයේ 17 වැනිදා ඇමරිකාවේ නිව්යෝක්හිදී ප‍්‍රසිද්ධ වෙන්දේසියේ විකිණීමට නියමිතයි.

මෙය දැනට ලෝකයේ සුරක්ෂිතව ඉතිරි වී ඇති මේ වර්ගයේ එකම මුද්දරය ලෙස සැලකෙනවා. මෙය නිකුත් කරන ලද්දේ 1856දියි. බි‍්‍රතාන්‍ය ගයානාවේ තැපැල් මහතා…

MH370 මැලේසියානු ගුවන්යාන අබිරහස! ලෝකයේ අබිරහස් ලෙස අතුරුදන් වුණු ගුවන්යානා 10 මෙන්න!

පසුගිය සතියේ (මාර්තු 8 වැනිදා) අතුරුදන් වූ පිසැරි අංක එම්එච්370 මැලේසියානු මගී ගුවන්යානයට වූ දේ තවමත් අබිරහසක්. රටවල් 10 ගුවන්යානා, නැව්, චන්ද්‍රිකා රැසක් මේ අබිරහස විසඳන්න තවමත් වෙහෙසෙනවා.

ඒත් මෙය දැනටමත් නොවිසඳෙන අබිරහසක් පත් වෙන ලකුණු පහළ වෙලා!

නස්රුදින්ගේ වේළීමේ රහස! අලුත්ම නස්රුදින් කතාවක්!

නස්රුදින්ගේ පොහොසත් මිතුරෙක් ඔහුට කතා කළා, ඒ මිතුරාත් ඔහුගේ පිරිසත් එක්ක දින කීපයක් තිස්සේ දඩයමේ යන්න. මුල් ම දවසේ ඔවුන් නස්රුදින්ට දුන්නෙ බොහොම හෙමින් යන අස්සයෙක්. දඩයමට යන්න පටන් අරන් වැඩි වේලාවක් ගියේ නෑ, හෙමින් ගිය අස්සයා නිසා නස්රුදින් හුඟක් පහුවුණා. නස්රුදින්ව පහු කරලා දාලා අනෙක් පිරිස ඈතට දඩයමේ ගියා.

ලොව පළමු සෙල් ෆෝනය මේකද? වසර 75ක් පැරණි පින්තූරයේ රහස හෙළි වෙයිද?

බලන්න මේ තරුණිය ජංගම දුරකතනයක් කනේ තියා ගෙන පාර දිගේ කතා කර කර යනවා! අද නම් මේ වගේ දසුනක් ගමක පාරක වුනත් ඔබ දැක ඇතුවාට සැකයක් නැහැ. ඒත් මේ දර්ශනය කැමරාවට නඟා ඇත්තේ මීට අවුරුදු 75කට පෙරයි!

1938 දී ඇමෙරිකාවේ වීදියක ගමන් කළ මේ යුවතියගේ අතට වර්තමානයේ අප පාවිච්චි කරනා තාලේ සෙල් ෆෝනයක් (ජංගම දුරකතනයක්) ආවෙ කොහොමද?

ඒ කාලයේ මේ වගේ දෙයක් නිපදවීම තියා මෙවැන්නක් ගැන හිතලවත් නොතිබුණා නම් මෙම දර්ශනය චිත‍්‍රපටයකට ගත් නිර්මාණයක්ද? සමහර අය කීවේ චිත‍්‍රපටය තුළින් අනාගතය දැකීමක් ලෙස මෙම දසුන සලකන්න පුළුවන් කියලයි. අනාගතය පරිකල්පනය කළ අවස්ථා චිත‍්‍රපටවල ඕනෑ තරම් තිබුණා. මේ වගේ

මේ රූප පෙළ මේ වන විට යූටියුබ් (YouTube) එක හරහා ලක්ෂ තුනකට වැඩි වාර ගණනක් සංසරණය වෙලා තියෙනවා. වර්ණ චිත‍්‍රපට එන්නට පෙරාතුව කළු සුදු ක‍්‍රමයට කැමරාවට නගන ලද මෙහි රහස පසුගිය දා හෙළි වුණා. මෙම තරුණිය තමාගේ මීමිත්තණිය යැයි යුටියුබ් ග‍්‍රාහකයෙක් හෙළි කළා.

අනාගතයට යාමක් ද? මෙහි දැක්වෙන්නේ ඇමරිකාවේ ඩුපොන්ට් ආයතනයෙන් පිට වී යන තරුණ සේවිකාවන් පිරිසක්. එයින් එක් තරුණියක් අතේ ඇති ජංගම දුරකතනයකින් කතා කරමින් යනවා ඔබට පෙනෙනවා ඇති. වසර 75කට ප…

දියණිය උපන් මොහොතේ පියා ගත් පින්තූරය අන්තර් ජාලය කළඹයි! වෛද්‍යවරයාගේ අතේ එල්ලී එළියට ආ ළදැරිය මෙන්න!

ජීවිතයේ විස්මිත මොහොතවල් ඡායාරූපයට නැඟීම වාසනාවත් එක්ක සිදු වන දෙයක්. එහෙම වාසනාවක් ලද මාපිය යුවලක් තමන් ගත් ජීවිතයේ අමතක නොවන පින්තූරය ‘මුහුණු පොතේ’ පළ කළා. මොහොතකින් එය අන්තර්ජාලය පුරා ‘කුණාටුවක්’ මෙන් හඹා ගියා.

මෙලොව එළිය දකින්න මොහොතකට පෙර පුංචි නෙවායි මව් කුස හිඳිමින් තම උදව්වට ආ වෛද්‍යවරයාගේ ඇඟිල්ලේ එල්ලූන හැටි!

හොල්මන් පින්තූර කතන්දර පෙළක්! මේවා දැකල බය වෙන්න එපා!

රාති‍්‍ර කාලයට අඳුරේ දී ඔබව බියපත් කරන හැම රටකටම, හැම සමාජයකම තියෙනවා. ඇත්තටම හොල්මන් තියෙනවා කියල ඔප්පු කරන්න හොල්මන්වල පින්තූර ගන්න අයත් ඉන්නවා. මේ ඒ විදියට ගත්තු පින්තූර පෙළක්!


අවුරුදු ගානක් තිස්සෙ විවිධ අවස්ථාවලදි ගත්තු පින්තූර තමයි, මේ තියෙන්නේ. මෙහි ඉන්නවා, ඝාතනය කළ වහල් සේවකයන්, රෝහල්වල වධබන්ධනවලට ලක්ව මියගිය රෝගීන්, අතීතයට එක් වූ මුහුදු නැවියන් ආදී නොයෙක් අය. මොවුන්ගේ හොල්මන් කතා අහපු බොහොම දෙනෙක් බියට පත් වුණා. තාමත් අහන අයගේ ඇඟ හිරි වැටෙනවා.

මුල්ම ඇපල් 1 පරිගණකය ලෝක වාර්තාවක් තියයිද? ඇපල් සමාගමේ ආරම්භය හෙළිකරන මෙතෙක් පළ නොවූ ඡායාරූපයක්!

ඇපල් පරිගණකය පටන් ගත් හැටි දැන් දකින කොටත් පුදුම හිතෙනවා. ඒ මුල් ම ඇපල් පරිගණකය අළෙවි කරන්න ගෙනියන්න පෙර පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුගිය දා ප‍්‍රථමවරට හෙළිදරවු වුණා.

මේ ඡායාරූපයට නගා තියෙන්නේ 1976 දියි. එතකොට ස්ටීව් ජොබ්ස්ට (Steve Jobs) වයස 21යි. ඔහුගේ මිතුරු ස්ටීව් වොස්නියැක් (Steve Wozniak) සමග එක්ව ඔවුන් දෙදෙනා මේ මුල්ම ඇපල් පරිගණක තැනුවේ ස්ටීව් ජොබ්ස්ගේ මාපියන්ගේ ගෙදර ගරාජයකයි. ඔවුන් ඒ තැනූ මූල් පරිගණක 50 තැන්පත් කරල තිබුණු ආකාරය දැක්වෙන මේ විරල ඡායාරූපය නිකුත් කරනු ලැබුවේ ලබන නොවැම්බර් 16 වැනිදා වෙන්දේසියට තැබෙන දැනට හොඳම තත්වයේ ඇති පැරණි ම ඇපල් පරිගණකය එළි දැක්වීම වෙනුවෙන්.

මෙය දැනට ලෝකයේ ඇති වටිනාම සන්නම ලෙස සැලකෙන ඇපල් පරිගණකයේ ආරම්භක තත්වය තේරුම ගන්නත් හොඳ අවස්ථාවක්. මේ සන්නමෙහි අද වටිනාකම පවුම් බිලියන 60ක්.

ඇපල් පරිගණකයේ ආරම්භය දැක්වෙන මේ කිසිදා එළියට නො පැමිණි ඡායාරූපයක්. ඒ මුල් ම ඇපල් පරිගණකය අළෙවි කරන්න ගෙනියන්න පෙර 1976 දී පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුග…

දුර්ලභ ගණයේ සේයා රුවක්! නවසීලන්තයේ ධීවරයකුගේ නවතම ගොදුරක්!

මෙය ලියැවෙන්නේ කලාතුරකින් හමු වන ඡායාරූපයක් ඔබ වෙත ඉදිරිපත් කරන්නයි. අන්තර් ජාලය පුරා මේ වන විටත් වැඩි දෙනකුගේ අවධානය දිනා ගෙන තියෙනවා.

මේ ඡායාරූපයෙන් කියැවෙන්නේ මිනීමරු සුදු මෝරකුගේ ඉරණම දැක්වෙන කතාවක්. පසුගිය සතියෙදි නවසීලන්තයේ මුහුදේදි ගත්තු එකක්.

මහා භූමිකම්පාවකින් පසු පාකිස්ථාන මුහුදෙන් මතු වූ ලෝකයේ අලූත් ම දූපත!

පසුගියදා පාකිස්ථානයේ ප‍්‍රබල භූමිකම්පාවක් ඇති වුණා. 7.8ක් වූ ඒ භූමිකම්පාවෙන් බලූකිස්ථානය අසල මුහුදේ අලූත් දූපතක් මතු වුණා. ලෝකයේ අලූත් ම දූපත එයයි.

සල්සාලා කෝහ් (Zalzala Koh) යනුවෙන් ඒ දූපත නම් කරලා තියෙනවා. දාල්බන්දින්වලට සැතැපම් 145ක් ගිනිකොන දෙසින් හටගත් මේ භූම්කම්පාව නිසා දැන් එය බලන්න සංචාරකයන් වගේම පාකිස්ථාන වැසියන් වැල නොකැඩි එනවා. ඒ දූපතටත් ගොඩ වෙනවා. ගිනිගන්නාසුලූ වායුව, විස දුම් ආදිය ඇති බව අනතුරු හැෙඟව්වත් ඒවා ගනන් නොගෙනයි, ඔවුන් එහි එන්නෙ.

ඒ දූපතේ පිපිරුණු මඩ, වැලි, ගල් මුසු බිම මත මුහුදු සතුන්ගේ මළ සිරුරු, විශේෂයෙන් ම මාළුන් මළකුණු පිරිලා තියෙනවා.

මෙන්න ලෝකයේ අලූත් ම දූපත අහසට පෙනෙන හැටි. මේ මඩ කන්ද මීටර් 15ක් 20ක් විතර උස ඇති. මිනිසුන්ට ඒ මත ඇවිද ගෙන යා හැකි තරමට එහි බිම ඝනකම් කියලයි, කියන්නෙ.

MH370 මැලේසියානු ගුවන්යාන අබිරහස : නියමුවාම යානය බලෙන් ගෙන ගියාද?

2014 මාර්තු 16 වැනිදා

අනතුරට පත් යානයේ නියමුවා වූ සහාරි අහමඞ් ෂා දේශපාලන උමතුවකින් පෙළෙන්නකු ලෙස දැන් සැක කරනවා. එම්එච්370 යානය නියමුවා ලෙස සේවයට වාර්තා කරන්නට පෙර ඔහු මැලේසියාවේ විරුද්ධ පක්ෂ නායකයා වූ අන්වර් ඒබ‍්‍රහම්ට එරෙහිව පැවති නඩු විභාගයට බලන්නට ගිය බවක් ෆෙඩරල් පරීක්ෂක නිලධාරින් කියනවා.