Skip to main content

මිනිස් ඉතිහාසයේ සුවිශේෂ සිදු වීමක්! මිනිසා තැනූ යානයක් සෞරග‍්‍රහ මණ්ඩල අවකාශය පනියි!

මිනිසා තැනූ යානයක් සෞරග‍්‍රහ මණ්ඩලය ඉක්මවා යයි! වොයේජර් 1 යානය අන්තරීක්ෂ අවකාශයෙහි අද්දරට ගිය බවට සංඥා එවයි. මේ වන විට ඒ යානය ඇත්තේ සැතැපුම් බිලියන 11ක් ඈතිනි.

මෙතෙක් මිනිස් වර්ගයා ලද ලොකුම ජයග‍්‍රහණය මෙයයි කීවොත් එය අතිශයෝක්තියක් නොවෙයි.

මිනිස් සිතෙහි මැවුණු වස්තුවක්, අපේ ම මෙවලම් යොදා ගෙන තනා, අපේ ග‍්‍රහ ලෝකයේ සිට නිකුත් කොට, සෞරග‍්‍රහ මණ්ඩලය හරහා ඈතට යාත‍්‍රා කිරීමට සලස්වා, එය අන්තරීක්ෂ අවකාශයට සාර්ථකව මුදා හැරීම මේ පළමු වන වතාවටයි, මානවයාගේ ඉතිහාසයේ සිදු වන්නේ.

ඇමරිකාවේ නාසා ආයතනයෙන් නිපදවූ මෙම වොයේජර් 1 යානය මුලින් ම දියත් කළේ 1977දියි. වසර 35ක් තිස්සේ පෘථිවියේ සිට ඈතට ගමන් ඇරඹූ එය දැන් යාත‍්‍රා කරන්නේ කිලෝමීටර් 17,970,000,000ක් (සැතැපුම් 11,100,000,000ක්) දුරින්. ඒ තත්පරයට කිලෝමීටර් 10ක වේගයකින්.

දැන් වොයේජර් 1 සෞරග‍්‍රහ මණ්ඩලයට අයත් අවකාශය ඉක්මවා ඈත සක්වළට යන්නට සූදානම් බවයි, දැන් අලූත්ම ආරංචිවලින් කියැවෙන්නේ.

 
වොයේජර් යානයට දැන් කොස්මික් කිරණවල ඇති ඉලෙක්ට්‍රෝනවල තීව‍්‍රතාව දැනෙන්න පටන් අරන්. ඒ අනුව සංඥාවලින් තමයි, විද්‍යාඥයන් තේරුම් අරන් තියෙන්නේ එය සෞරග‍්‍රහ මණ්ඩලයේ සීමාව අද්දරට ළංවී ඇති බව.

 
වෝයේජර් යානය 1977 සිට සෞරග‍්‍රහ මණ්ඩල අවකාශය හරහා යමින් සිටිනවා. විද්‍යාඥයන්ගේ ගණනය කිරීම් අනුව එහි 2020 වන තෙක් කි‍්‍රයාත්මක වීමට අවශ්‍ය බැටරි තියෙනවා.

අත්ලාන්තික් සඟරාව කියන විදියට වොයේජර් 1 යානයට තවමත් හැකි වී තිබෙනවා, පෘථිවිය සමග සන්නිවේදනය නොබිඳී පවත්වා ගෙන යන්නට. එහි සිට එන ගුවන්විදුලි තරංග අපට ලැබෙන්නේ පැය 16ක් ප‍්‍රමාද වෙලයි. දැන් ලැබෙන සංඥා අනුව යානයට තරමක තාප තත්වයකට මුහුණ දෙන්න සිදු වෙලා.

වොයේජර් යානය ඒ අවට දැන් බලශක්ති අංශු වැඩි ප‍්‍රමාණයක් ඇතැයි හඳුනා ගෙන තියෙනවා. එයින් තමයි, දැන ගන්නේ එය සෞරග‍්‍රහ මණ්ඩල අවකාශය වටා බුබුලක් සේ විහිදී ඇති හේලියෝ කොපුවේ (heliosheath) අද්දරට ගොස් ඇති බව. ඈත අවකාශයෙන් එන කොස්මික් සුළංවලින් අප ආරක්ෂා කරන්නේ මේ හේලියෝ කොපුවයි.

වොයේජර් සෞරග‍්‍රහ මණ්ඩල අවකාශ ගෝලයට හෙවත් හේලියෝ ගෝලයට ඇතුළු වූයේ 2004 දියි.

අත්ලාන්තික් සඟරාව කියන විදියට සෞරග‍්‍රහ මණ්ඩල අවකාශයෙන් ඔබ්බේ ඇති කොස්මික් කිරණවලට හේලියෝ ගෝලයට ඇතුළු වීමට අමාරුයි. පසුගිය මාසයේ යානයට මුහුණ පෑමට සිදු වූ කොස්මික් කිරණ ප‍්‍රමාණය සියයට 10කින් විතර වැඩි වී තියෙනවා. මෙයින් අදහස් කෙරෙන්නේ යානය සෞරග‍්‍රහ මණ්ඩල අවකාශයෙන් පිටතට ගියා කියන එක නොවෙයි. එහෙත් පිටවීමට ආසන්න සීමාවකට ගොස් ඇති බවයි.

 
පසුගිය වසර පුරා ම වොයේජර් -1 යානය එහි පරීක්ෂණ උපකරණවලින් ඒ නව කලාපයේ ගවේෂණය කිරීම් කළා. එය සූර්යයාගෙන් පැයකට සැතැපුම් මිලියනයක වේගයෙන් හමා එන සූර්ය සුළං විහිදීම විශාල වශයෙන් අඩාල වන ප‍්‍රදේශයක් ලෙස හඳුනා ගැනුණා.

 
වොයේජර් යානය මුල්ම අන්තරීක්ෂ සුළං හඳුනා ගෙන ඇති අතර අවසානයේ දී එම යානා සෞරග‍්‍රහමණ්ඩලයේ අද්දරට ළඟා වී ඇති බව එයින් හෙළි වුණා.

වොයේජර් විද්‍යාඥ එඞ්වඞ් ස්ටෝන් අත්ලාන්තික් සඟරාවට කියා ඇත්තේ, ‘ඒ තරම් දුරකට අභ්‍යවකාශය යානයක් ගිය පළමු වන වතාව මෙය බව’යි.

”අපි හැමදාම ඉන් ලැබෙන තොරතුරු පිරික්සනවා. දිනපතාම පැය කීපයක් අභ්‍යවකාශ යානයට සවන් දෙනවා, සිදු වෙන්නේ කුමක් දැයි දැන ගන්න. විද්‍යාත්මක පැත්තෙන් අපට මීට කලින් කිසිදාක නුදුටු දෙයක්, විස්මිත දෙයක්, අත්දකින්නට ලැබිලා තියෙනවා.”

”මීට කලින් කිසිම යානයක් එහි ළඟා වී නැති නිසා එහි ස්වභාවය ගැන අපට හිතා ගන්නවත් බැහැ. එහි සැබෑ තත්වය තේරුම් ගැනීම ඉතා අසීරුයි. මෙහි ඇති අපූර්වත්වය එයයි.” ඔහු වැඩිදුරටත් කියනවා.

වොයේජර් එතැනින් ගියාට පස්සේ එහි අද්දර ගැන විස්තර විග‍්‍රහ කිරීමට හැකියාවක් නැහැ. අනිත් අතට එහි අවට පරමාණු තුනී වී යාමක් ඇති. එසේ නොමැතිව එහි ලකුණු කළ සීමාවක්, තාප්පයක් වැනි දෙයක් නැහැ.

ඉන් ඔබ්බට ගිය විට වොයේජර්ට හමුවන්නේ කුමක්ද? සමහර විට එහි සම්පූර්ණ රික්තයක් තිබිය හැකියි. තාමත් සූර්යයා වටා ඉතා දුරින් යමින් තිබෙන වල්ගා තරු වැනි දේ හමු විය හැකියි.

වොයේජර් 1 යානය මේ හිතලූ සීමාව පසු කළ පසු අවට නිරීක්ෂණය කර තවත් තොරතුරු එවාවි. සමහර විට එහි චුම්බක ක්ෂේත‍්‍රයේ දිසාවෙහි වෙනස් වීමක් දකින්න ලැබේවි. එසේ ම අන්තරීක්ෂ අවකාශයෙහි ඇති සුළං ගැන තොරතුරු පෘථිවියට එවාවි. ඒ අන්තරීක්ෂ අවකාශයෙහි ඇති සුළං සූර්ය සුළංවලට වඩා මන්දගාමියි, වඩාත් සීතලයි, ඝනත්වයෙන් වැඩියි. ඒ බව තහවුරු කරන තොරතුරු වොයේජර් යානයෙන් එවාවි.

 
1977 දී වොයේජර් 1-2 යන අභ්‍යවකාශ යානා අපට ඈතින්ම පිහිටි ග‍්‍රහයන් වන බ‍්‍රහස්පතී, සෙනසුරු, යුරේනස් හා නෙප්චූන් යන ග‍්‍රහ ලෝක නිරීක්ෂණයට යවනු ලැබුවා.


Comments

  1. ඇත්තටම හිතාගන්න අමාරුයි... යානාව තොරතුරු එවන්නෙ කැමරාවලින් ගත්තුවා නෙමෙයිද?

    ReplyDelete
  2. ආතර් සී ක්ලාක් මහත්තයගෙ 2001 කතාවෙ කියවෙන්නෙ සෙනසුරු වෙත යාමක් ගැන. නමුත් වොයෙජර් යානාවෙන් ලැබෙන තොරතුරු අනුව ඔහු 2010 කෘතිය ලියන්නෙ වඩාත් නිරවද්‍ය තොරතුරු එක්ක කලින් කතාව වෙනස් කරල බ්‍රහස්පති දෙසට යන විධියට. යුරෝපා චන්ද්‍රයාගෙ අයිස් අතරෙ ජීවය ගැන ක්ලාක් මහත්තය අවදි වෙලා තියෙන්නෙ වොයෙජර් ව්‍යාපෘතිය නිසා කියල 2010 කතුවැකියෙ තියෙනව :-)

    ReplyDelete
  3. නියමයි ආහ් :)

    ReplyDelete

Post a Comment

Popular posts from this blog

ලෝකයේ වටිනාම මුද්දරය වෙන්දේසියට! දැනට ඇත්තේ ලෝකෙටම එකයි!

මුද්දර එකතු කිරීම (Philately) විනෝදාංශයක් වගේම හොඳ ආදායම් මාර්ගයක්. පුංචි වුණාට තැපැල් මුද්දරයක් කියන්නේ රටක ඉතිහාසය කියාපාන කැඩපතක්. රටකින් රටකට හොඳ හිත පතුරුවමින් යන සංස්කෘතික තානාපතිවරයෙක්!

ඒ වගේ පැරණි තැපැල් මුද්දරයක් එහි මුහුණත සඳහන් වටිනාකමට හුඟක් වැඩිවෙන වෙලාවල් තියෙනවා. එහෙම වෙන්නේ ඒවායේ ඇති දුලබකම නිසයි.

ඒ වගේ 1873 දී ලිපිගොනු ගොඩක් අස්සේ තිබී හමුවුණු පාවිච්චි කළ ශත එකේ තැපැල් මුද්දරයක් පසුව වෙළෙඳ පොළේ දී සිලිං හයකට විකුණුණා. බි‍්‍රතාන්‍ය ගයානාව (British Guiana) විසින් නිකුත් කළ ශත එකේ දම්පාට තැපැල් මුද්දරය (1c Magenta stamp) දැන් යළිත් වෙන්දේසිය සඳහා වෙළෙඳපොළට ඇවිත්. අද, වසර 141කට පසු, එයට මුද්දර වෙන්දේසියේ දී ඇමරිකන් ඩොලර් මිලියන 20ක මුදලක් ලැබේවි යැයි විශ්වාස කරනවා.

මෑතදී ‘ලොව වඩාත් වටිනාම මුද්දරය’ ලෙස හඳුන්වනු ලැබූ මේ පැති අටේ හැඩැති තැපැල් මුද්දරය 2014 ජූනි මාසයේ 17 වැනිදා ඇමරිකාවේ නිව්යෝක්හිදී ප‍්‍රසිද්ධ වෙන්දේසියේ විකිණීමට නියමිතයි.

මෙය දැනට ලෝකයේ සුරක්ෂිතව ඉතිරි වී ඇති මේ වර්ගයේ එකම මුද්දරය ලෙස සැලකෙනවා. මෙය නිකුත් කරන ලද්දේ 1856දියි. බි‍්‍රතාන්‍ය ගයානාවේ තැපැල් මහතා…

MH370 මැලේසියානු ගුවන්යාන අබිරහස! ලෝකයේ අබිරහස් ලෙස අතුරුදන් වුණු ගුවන්යානා 10 මෙන්න!

පසුගිය සතියේ (මාර්තු 8 වැනිදා) අතුරුදන් වූ පිසැරි අංක එම්එච්370 මැලේසියානු මගී ගුවන්යානයට වූ දේ තවමත් අබිරහසක්. රටවල් 10 ගුවන්යානා, නැව්, චන්ද්‍රිකා රැසක් මේ අබිරහස විසඳන්න තවමත් වෙහෙසෙනවා.

ඒත් මෙය දැනටමත් නොවිසඳෙන අබිරහසක් පත් වෙන ලකුණු පහළ වෙලා!

නස්රුදින්ගේ වේළීමේ රහස! අලුත්ම නස්රුදින් කතාවක්!

නස්රුදින්ගේ පොහොසත් මිතුරෙක් ඔහුට කතා කළා, ඒ මිතුරාත් ඔහුගේ පිරිසත් එක්ක දින කීපයක් තිස්සේ දඩයමේ යන්න. මුල් ම දවසේ ඔවුන් නස්රුදින්ට දුන්නෙ බොහොම හෙමින් යන අස්සයෙක්. දඩයමට යන්න පටන් අරන් වැඩි වේලාවක් ගියේ නෑ, හෙමින් ගිය අස්සයා නිසා නස්රුදින් හුඟක් පහුවුණා. නස්රුදින්ව පහු කරලා දාලා අනෙක් පිරිස ඈතට දඩයමේ ගියා.

ලොව පළමු සෙල් ෆෝනය මේකද? වසර 75ක් පැරණි පින්තූරයේ රහස හෙළි වෙයිද?

බලන්න මේ තරුණිය ජංගම දුරකතනයක් කනේ තියා ගෙන පාර දිගේ කතා කර කර යනවා! අද නම් මේ වගේ දසුනක් ගමක පාරක වුනත් ඔබ දැක ඇතුවාට සැකයක් නැහැ. ඒත් මේ දර්ශනය කැමරාවට නඟා ඇත්තේ මීට අවුරුදු 75කට පෙරයි!

1938 දී ඇමෙරිකාවේ වීදියක ගමන් කළ මේ යුවතියගේ අතට වර්තමානයේ අප පාවිච්චි කරනා තාලේ සෙල් ෆෝනයක් (ජංගම දුරකතනයක්) ආවෙ කොහොමද?

ඒ කාලයේ මේ වගේ දෙයක් නිපදවීම තියා මෙවැන්නක් ගැන හිතලවත් නොතිබුණා නම් මෙම දර්ශනය චිත‍්‍රපටයකට ගත් නිර්මාණයක්ද? සමහර අය කීවේ චිත‍්‍රපටය තුළින් අනාගතය දැකීමක් ලෙස මෙම දසුන සලකන්න පුළුවන් කියලයි. අනාගතය පරිකල්පනය කළ අවස්ථා චිත‍්‍රපටවල ඕනෑ තරම් තිබුණා. මේ වගේ

මේ රූප පෙළ මේ වන විට යූටියුබ් (YouTube) එක හරහා ලක්ෂ තුනකට වැඩි වාර ගණනක් සංසරණය වෙලා තියෙනවා. වර්ණ චිත‍්‍රපට එන්නට පෙරාතුව කළු සුදු ක‍්‍රමයට කැමරාවට නගන ලද මෙහි රහස පසුගිය දා හෙළි වුණා. මෙම තරුණිය තමාගේ මීමිත්තණිය යැයි යුටියුබ් ග‍්‍රාහකයෙක් හෙළි කළා.

අනාගතයට යාමක් ද? මෙහි දැක්වෙන්නේ ඇමරිකාවේ ඩුපොන්ට් ආයතනයෙන් පිට වී යන තරුණ සේවිකාවන් පිරිසක්. එයින් එක් තරුණියක් අතේ ඇති ජංගම දුරකතනයකින් කතා කරමින් යනවා ඔබට පෙනෙනවා ඇති. වසර 75කට ප…

දියණිය උපන් මොහොතේ පියා ගත් පින්තූරය අන්තර් ජාලය කළඹයි! වෛද්‍යවරයාගේ අතේ එල්ලී එළියට ආ ළදැරිය මෙන්න!

ජීවිතයේ විස්මිත මොහොතවල් ඡායාරූපයට නැඟීම වාසනාවත් එක්ක සිදු වන දෙයක්. එහෙම වාසනාවක් ලද මාපිය යුවලක් තමන් ගත් ජීවිතයේ අමතක නොවන පින්තූරය ‘මුහුණු පොතේ’ පළ කළා. මොහොතකින් එය අන්තර්ජාලය පුරා ‘කුණාටුවක්’ මෙන් හඹා ගියා.

මෙලොව එළිය දකින්න මොහොතකට පෙර පුංචි නෙවායි මව් කුස හිඳිමින් තම උදව්වට ආ වෛද්‍යවරයාගේ ඇඟිල්ලේ එල්ලූන හැටි!

හොල්මන් පින්තූර කතන්දර පෙළක්! මේවා දැකල බය වෙන්න එපා!

රාති‍්‍ර කාලයට අඳුරේ දී ඔබව බියපත් කරන හැම රටකටම, හැම සමාජයකම තියෙනවා. ඇත්තටම හොල්මන් තියෙනවා කියල ඔප්පු කරන්න හොල්මන්වල පින්තූර ගන්න අයත් ඉන්නවා. මේ ඒ විදියට ගත්තු පින්තූර පෙළක්!


අවුරුදු ගානක් තිස්සෙ විවිධ අවස්ථාවලදි ගත්තු පින්තූර තමයි, මේ තියෙන්නේ. මෙහි ඉන්නවා, ඝාතනය කළ වහල් සේවකයන්, රෝහල්වල වධබන්ධනවලට ලක්ව මියගිය රෝගීන්, අතීතයට එක් වූ මුහුදු නැවියන් ආදී නොයෙක් අය. මොවුන්ගේ හොල්මන් කතා අහපු බොහොම දෙනෙක් බියට පත් වුණා. තාමත් අහන අයගේ ඇඟ හිරි වැටෙනවා.

මුල්ම ඇපල් 1 පරිගණකය ලෝක වාර්තාවක් තියයිද? ඇපල් සමාගමේ ආරම්භය හෙළිකරන මෙතෙක් පළ නොවූ ඡායාරූපයක්!

ඇපල් පරිගණකය පටන් ගත් හැටි දැන් දකින කොටත් පුදුම හිතෙනවා. ඒ මුල් ම ඇපල් පරිගණකය අළෙවි කරන්න ගෙනියන්න පෙර පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුගිය දා ප‍්‍රථමවරට හෙළිදරවු වුණා.

මේ ඡායාරූපයට නගා තියෙන්නේ 1976 දියි. එතකොට ස්ටීව් ජොබ්ස්ට (Steve Jobs) වයස 21යි. ඔහුගේ මිතුරු ස්ටීව් වොස්නියැක් (Steve Wozniak) සමග එක්ව ඔවුන් දෙදෙනා මේ මුල්ම ඇපල් පරිගණක තැනුවේ ස්ටීව් ජොබ්ස්ගේ මාපියන්ගේ ගෙදර ගරාජයකයි. ඔවුන් ඒ තැනූ මූල් පරිගණක 50 තැන්පත් කරල තිබුණු ආකාරය දැක්වෙන මේ විරල ඡායාරූපය නිකුත් කරනු ලැබුවේ ලබන නොවැම්බර් 16 වැනිදා වෙන්දේසියට තැබෙන දැනට හොඳම තත්වයේ ඇති පැරණි ම ඇපල් පරිගණකය එළි දැක්වීම වෙනුවෙන්.

මෙය දැනට ලෝකයේ ඇති වටිනාම සන්නම ලෙස සැලකෙන ඇපල් පරිගණකයේ ආරම්භක තත්වය තේරුම ගන්නත් හොඳ අවස්ථාවක්. මේ සන්නමෙහි අද වටිනාකම පවුම් බිලියන 60ක්.

ඇපල් පරිගණකයේ ආරම්භය දැක්වෙන මේ කිසිදා එළියට නො පැමිණි ඡායාරූපයක්. ඒ මුල් ම ඇපල් පරිගණකය අළෙවි කරන්න ගෙනියන්න පෙර 1976 දී පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුග…

දුර්ලභ ගණයේ සේයා රුවක්! නවසීලන්තයේ ධීවරයකුගේ නවතම ගොදුරක්!

මෙය ලියැවෙන්නේ කලාතුරකින් හමු වන ඡායාරූපයක් ඔබ වෙත ඉදිරිපත් කරන්නයි. අන්තර් ජාලය පුරා මේ වන විටත් වැඩි දෙනකුගේ අවධානය දිනා ගෙන තියෙනවා.

මේ ඡායාරූපයෙන් කියැවෙන්නේ මිනීමරු සුදු මෝරකුගේ ඉරණම දැක්වෙන කතාවක්. පසුගිය සතියෙදි නවසීලන්තයේ මුහුදේදි ගත්තු එකක්.

මහා භූමිකම්පාවකින් පසු පාකිස්ථාන මුහුදෙන් මතු වූ ලෝකයේ අලූත් ම දූපත!

පසුගියදා පාකිස්ථානයේ ප‍්‍රබල භූමිකම්පාවක් ඇති වුණා. 7.8ක් වූ ඒ භූමිකම්පාවෙන් බලූකිස්ථානය අසල මුහුදේ අලූත් දූපතක් මතු වුණා. ලෝකයේ අලූත් ම දූපත එයයි.

සල්සාලා කෝහ් (Zalzala Koh) යනුවෙන් ඒ දූපත නම් කරලා තියෙනවා. දාල්බන්දින්වලට සැතැපම් 145ක් ගිනිකොන දෙසින් හටගත් මේ භූම්කම්පාව නිසා දැන් එය බලන්න සංචාරකයන් වගේම පාකිස්ථාන වැසියන් වැල නොකැඩි එනවා. ඒ දූපතටත් ගොඩ වෙනවා. ගිනිගන්නාසුලූ වායුව, විස දුම් ආදිය ඇති බව අනතුරු හැෙඟව්වත් ඒවා ගනන් නොගෙනයි, ඔවුන් එහි එන්නෙ.

ඒ දූපතේ පිපිරුණු මඩ, වැලි, ගල් මුසු බිම මත මුහුදු සතුන්ගේ මළ සිරුරු, විශේෂයෙන් ම මාළුන් මළකුණු පිරිලා තියෙනවා.

මෙන්න ලෝකයේ අලූත් ම දූපත අහසට පෙනෙන හැටි. මේ මඩ කන්ද මීටර් 15ක් 20ක් විතර උස ඇති. මිනිසුන්ට ඒ මත ඇවිද ගෙන යා හැකි තරමට එහි බිම ඝනකම් කියලයි, කියන්නෙ.

MH370 මැලේසියානු ගුවන්යාන අබිරහස : නියමුවාම යානය බලෙන් ගෙන ගියාද?

2014 මාර්තු 16 වැනිදා

අනතුරට පත් යානයේ නියමුවා වූ සහාරි අහමඞ් ෂා දේශපාලන උමතුවකින් පෙළෙන්නකු ලෙස දැන් සැක කරනවා. එම්එච්370 යානය නියමුවා ලෙස සේවයට වාර්තා කරන්නට පෙර ඔහු මැලේසියාවේ විරුද්ධ පක්ෂ නායකයා වූ අන්වර් ඒබ‍්‍රහම්ට එරෙහිව පැවති නඩු විභාගයට බලන්නට ගිය බවක් ෆෙඩරල් පරීක්ෂක නිලධාරින් කියනවා.