HOT

5/recent/ticker-posts

Header Ads Widget

Buy Nasrudin Books

ඔබ ඉදිරියේ ඇති නොපෙනෙන ලෝකයට ළං වී බලන්න!

අපට එදිනෙදා හමුවන දේ දෙස වඩාත් ළං වී බැලූවොත් පෙනෙන්නෙ කොහොමද? රැවුල බෑමෙන් පසු කෙස් ගස් වල හැටි! ඔබ බොන බීමවල හැටි!

විදුලි රැවුල බානයට වඩා තෙත රේසරයෙන් වඩා සිනිඳුවට රැවුල බෑවෙන බවට වාදයක් නැත. ඒත් ඒක කොයිතරම් සිනිඳුද? ඔන්න විද්‍යාඥයන් දෙවිදියටම බාපු රැවුල් ගස් ඉලෙක්ට්‍රෝන අන්වික්ෂයකට යොසු කළා, විශාලනය කරල ළං වී බලන්න.

 
අන්වික්ෂයකින් බැලූවොත් පෙනෙන හැටි! වමේ ඇත්තේ රේසරයකින් බෑ රැවුල් ගසක්. දකුණේ ඇත්තේ විදුලි ෂේවරයකින් බෑ රැවුල් ගසක්. බලන්න ඒක හරියට මුලෙන් උදුරලා දාලා වගෙයි.

ඉලෙක්ට්‍රෝනවලට ඇත්තේ ආලෝක තරංගවලට වඩා කෙටි තරංගයි. ඒ නිසා ඒවා යොදා ගෙන වඩාත් කුඩා වස්තූන් හසු කර ගැනීම පහසුයි.

ඇමරිකාවේ ඇරිසෝනා ප‍්‍රාන්තයේ ඡායාරූප ශිල්පියකු වන විලියම් ලෙගොලන් ඒ විදියට අපි බොන බීමවල සමීප රූප කීපයක් අරන් තියෙනවා.

හරිම පුදුමයි! ඔහු ඡායාරූපයට නැඟූ කෝපි බින්දුවක් පෙනෙන්නේ හරියට, කෙඳි කීපයක් දැවටුණු වැනිලා අයිස් කී‍්‍රම් බින්දුවක් වගෙයි. ඔහු ඊළඟට ගත් කෝපි බන්දුව පෙනුනේ අඟහරු ලෝකයේ මතුපිට දසුනක් වගෙයි.

 
මේ විලියම් ගත් ඡායාරූපවලින් එකක්. මේ කෝපි බින්දුවක්!

 
විලියම් ගත් දෙවැනි කෝපි බින්දුවේ හැටි! අඟහරු මතුපිට වගෙයි, නේද?

 
මේ රතු වයින් බිඳුවක් පෙනුන හැටි! රත්පැහැ අහසේ කුරල්ලන් දෙදෙනකු පියාඹනවා වගෙයි.

විලියම් කියන්නේ ඔහු බීම වර්ගවල හැඩතල ඡායාරූපයට නඟන්න වඩාත් ආසා කරන බවයි. මට ඕනෑ කළේ ඔබ අප බොන බීම වර්ග වඩාත් ළං වූ විට පෙනෙන්නේ කොහොමද කියල පෙන්වන්නයි.

කලක් බීමහල් සේවකයකු වශයෙන් කටයුතු කළ ඔහුට ඡායාරූපවලින් අපේ බීම වර්ගවල හැටි දැක ගන්න හිතුනු එක පුදුමයක් නෙවෙයි. ”මං මෙහි දී මේ ඡුායාරූප එකතුවට තෝරා ගත්තේ ලෝකයේ අපි වැඩි දෙනෙක් බොන බීම වර්ගයි. ඒවා විද්‍යාත්මක ඇසකින් විග‍්‍රහ කරන්නයි මට අවශ්‍ය වුණේ.” ඔහු වැඩිදුරටත් කියනවා.

 
තේ බිඳුවක් පෙනුනු හැටි!

 
බීර බිඳුවක් පෙනුනේ හරියට කොනක් පිළිස්සුණු පැරණි සිතියමක් වගෙයි.

 
මේ තවත් බීර බින්දුවක් කලින් එකට වඩා එහෙම පිටින් ම වෙනස්.

Post a Comment

2 Comments

  1. ලස්සන පිංතූර ටිකකි...

    ReplyDelete
  2. amazing pleas upload this kind a micro world protege

    ReplyDelete