Skip to main content

ලෝකයේ පැරණිම රෝහල ශී‍්‍ර ලංකාවෙන් ද?

පොසොන් උදාවත් සමග අපට එක්වර ම සිතට නැෙඟන්නේ මිහින්තලයයි. මිහින්තලය සිහියට එන විට අමතක නොකළ යුතු දෙයක් ද තිබේ. එනම් මිහින්තලේ නටඹුන් අතර ඇති ලොව පැරණි ම රෝහල පිළිබඳ උරුමයයි.

ආරෝග්‍ය ශාලාවක් යනු කිසියම් ආකාරයක රෝග පිළිබඳ ව විනිශ්චයක් කොට ඊට අවශ්‍ය උපස්ථානයත්, ප‍්‍රතිකාරයත් ලබා දිය හැකි, ඊට අදාළ දැනුමක් ඇති, සේවක පිරිසක් හා උපකරණ ඇතුළු පහසුකම් ඇති, අවශ්‍ය වුවහොත් ඇඳ විවේකය සහිත නේවාසික ව ප‍්‍රතිකාර ලබා ගත හැකි, ආයතනයකි. මෙය බෙහෙත් ශාලාවකට හෝ සායනයකට හෝ වැඩිහිටි සාත්තු සේවක ආයතනයකට හෝ වෙනස් ය. ඉංගී‍්‍රසියෙන් ‘හොස්පිට්ල්’ යන්න බිඳී ආවේ ලතින් හොස්පිටියම් (hospitium) හෙවත් ‘ආගන්තුකයන්ට සත්කාරය සඳහා වූ තැන’ යන නමිනි. සිංහලෙන් ආරෝග්‍ය ශාලාව යන්නේ අරුත ‘නිරෝගී භාවය පවත්වන තැන’ යන යන්නයි. සමහරුන් මෙය ‘රෝහල’ යනු ‘රෝග හලන තැන’ කියා හෝ ‘රෝග ඇති ශාලාව’ කියා විග‍්‍රහ කරනු අප අසා ඇත. කෙසේ වෙතත් දැන් අපි ආරෝග්‍යශාලාව යන්නට රෝහල කියා යොදමු.


අතීතයේ දී මෙය රජයේ හෝ ස්වේව්ඡා ආයතනයක් හෝ පමණක් ම විය. එසේ වූයේ රෝගීනට ප‍්‍රතිකාර කිරීම ඔස්සේ මුදල් අය කිරීම, ලාබ ඉපැයීම, එදා සමාජය පිළිකුල් කළ බැවිණි. අද එවැනි පිළිගැනීමක් සමාජය තුළ නොමැති නිසා ලාබ ලබන සාර්ථක ව්‍යාපාර අතරට දැන් පෞද්ගලික රෝහල් ද ඇතුළත් වී තිබේ. රජයට අයත් රෝහල් අතර වෛද්‍ය විද්‍යාව හා ඒ ආශි‍්‍රත විෂයයන් ප‍්‍රායෝගික ව හැදෑරීමට ඊට අදාළ වූ කි‍්‍රයාකාරිත්වයක් සහිත ව ‘ශික්ෂණ රෝහල්’ විශ්ව විද්‍යාලවලට අනුබද්ධ කොට පිහිටුවා ඇත. බොහෝ රෝහල් සියලූ ආකාරයේ හදිසි සේවාවන් පවත්වා ගෙන යන අතර විශේෂිත වු රෝග සඳහා වෙන ම අංශ ද හා සායන ද පවත්වා ගෙන යයි. වෛද්‍ය විද්‍යාවේ විවිධ අංශවලට වෙන් වූ විශේෂිත රෝහල් ද තිබේ.

ඒ හැරුණු විට විශේෂිත රෝග සඳහා රෝහල් ද තිබේ. මානසික රෝග, අක්ෂි රෝග, වසංගත රෝග, විකලාංග පුනරුත්ථාපනය වැනි තත්ත්වයන් සඳහා ද කාන්තා ළමා හා වයෝවෘද්ධ ආදී පුද්ගල විශේෂිත වු රෝහල් ද තිබේ. මෙවැනි රෝහල්වල නේවාසික ව ප‍්‍රතිකාර කරනවා පමණක් නො ව බාහිර ව රෝගීන් පරීක්ෂා කර බලා ප‍්‍රතිකාර කිරීමට වෙන ම අංශයන් ද පිහිටුවා ඇත. අතීතයේ දී රෝහල් බිහි වූයේ ආගමික සිද්ධස්ථාන ඇසුරු කර ගෙනය. එයට හේතු වූයේ එකල මිනිසාට රෝග ඇති වන්නේ කිසියම් වරදකට දඬුවමක් වශයෙන් හෝ යක්ෂ භූත දෝෂයක් නිසා හෝ යැයි විශ්වාස කළ බැවිනි. කි‍්‍රස්තු වර්ෂයට සියවස් ගණනාවකට පෙර මිසරයේ මේ ආකාරයෙන් රෝග සුව කරන ආරාම තිබූ බව විශ්වාස කෙරේ. මේ පිළිබඳ ගී‍්‍රකයන් විසින් පසු කලෙක එපිඩෝරස් (Epidaurus) හී ඊස්කලපියස් (Aescula pius) දෙවොල ආශි‍්‍රත ව ගිලන්හලක් පිහිටුවීමෙන් රෝහල් ක‍්‍රමය ආරම්භ කළ බව සඳහන් ය. එහෙත් දැනට හඳුනා ගෙන ඇති පරිදි පුරාවිද්‍යාත්මක ඓතිහාසික සාධක අනුව ලොව පැරණි ම රෝහල පිහිටා තිබූයේ ශී‍්‍ර ලංකාවේ බැව් තහවුරු වී තිබේ.


කි‍්‍ර.ව. 4 වන සියවසේ දී මෙහි පැමිණි චීන දේශාටක පාහියන් හිමියන්ගේ දේශාටන වාර්තාවල මිහින්තලේ පිරිවෙන් ආරමවල උන්වහන්සේ වඩිනා විට භික්ෂූන් දෙදහසක් පමණ වාසය කළ බවත් දක්වා ඇත. ඒ කාලයේ භික්ෂූන් ආහාර සඳහා බත්ගෙවල් මෙන්ම රෝගවලට පිළියම් කිරීමට රෝහල් ද ඒවාට වෙදැදුරන් ද පත් කළ බව සඳහන්ය. දැනට එවැනි රෝහලක මිහින්තලේ නටබුන් අතර හමු වී තිබේ. බටහිර අර්ධ ගෝලයෙහි ප‍්‍රථම රෝහල කි‍්‍ර.ව.150 දී හිස්පැනියෝලා (Hispaniola) දිවයිනේ සැන්ටෝ ඩොමින්ගෝහිදී පිහිටුවන ලද්දක් බව සඳහන්ය. මේ රෝහල අද අතීතයට එක්වූවක් වුවත් තවමත් පවතින පැරණිතම රෝහල වන්නේ ඉන් වසර 20කට පමණ පසු මැක්සිකෝ නගරයේ හර්නැන්ඩෝ කෝටෙස් (Hernando Cortez) හි දී ඉදි කරන ලද රෝහලයි.

මහාවංසයේ දක්වා ඇති පරිදි පණ්ඩුකාභය රජ කි‍්‍ර. පූ. 4 වන සියවසෙහි දී අනුරාධපුරය පිහිටුවා එහි තිඹිරිගෙයක් හා ගිලන්හලක් ඉදි කර ඇත. මේවා පාලි භාෂාවෙන් හඳුන්වා ඇත්තේ ‘වෙජ්ජසාලා’, ‘ගිලානසාලා’, ‘භෙජ්ජගෙහ’ ආදී වශයෙනි. නරපතියකු මෙන් ම වෙදැදුරකු වූ ද බුද්ධදාස රජු (337-365) ලක් වැසියන්ගේ හිත සුව පිණිස ගම් දනවුවල ආරෝග්‍යශාලා ඉදි කොට ගම් දහයකට එක වෙදකු බැගින් පත් කළ බවත්, ඒ ප‍්‍රදේශයේ කෙත්වල ආදායමෙන් දහයෙන් කොටසක් වෙදුන් සඳහා දිවි වැටුප් කොට දුන් බවත් මහාවංසයෙහි දැක් වෙයි. ඒ රජුගේ දෙටුපුත් පළමු වන උපතිස්ස රජු (365-406) කොරුන්, ගර්භිණීන්, අන්ධයන් හා රෝගීන් සඳහා ගිලන්හල් හා දානශාලා කර වූ බවත් දැක්වෙයි. අතීතයේ බොහෝ සිංහල රජුන්ගේ සේවාවන් ගැන සඳහන් කරන හැමවිටෙක ම වෙහෙර විහාර තැන වීම සමඟ ගිලන්හල් හා අරෝග්‍යශාලා පිහිටු වීම විශේෂයෙන් දක්වා ඇත. මහාවංසය හැරුණු විට ඒ පිළිබඳ ව සඳහන් කෙරෙන සෙල්ලිපි ද රාශියක් ද තිබේ. ඉපැරණි නටබුන් අතර බොහෝ තැන්වල බෙහෙත් ඔරු හමු වී තිබේ. ඒ පිළිබඳ ව සඳහනක් කරන මහාචාර්ය සෙනරත් පරණවිතාන සූරීන් කියා ඇත්තේ බෙහෙත් ඔරුවක් ඇති සෑම තැනක ම පුරාණයේ රෝහලක් තිබු බවයි.

සාමාන්‍ය මහ රෝහලක (ලොව පුරා පොදු රෝහල්වලින් 80%ක පමණ) රෝග විනිශ්චය සහ උපකරණ, ඖෂධ ශාලාවක්, නේවාසික රෝගීන් සඳහා වාට්ටු, රසායනාගාරයක්, ශල්‍යාගාරයක්, විශේෂ මාතෘ හා ළමා වාට්ටු, බාහිර රෝගින් සඳහා ප‍්‍රතිකාර පහසුකම්, හදිසි අනතුරු සේවයක්, කායික හා භෞත චිකිත්සක අංශයක්, දන්ත ශල්‍ය ඒකකයක්, දැඩි සත්කාර ඒකකයක් හා සෞඛ්‍ය අධ්‍යාපන ඒකකයක් ආදී වශයෙන් අංශ රැසක් ඇතුළත් වේ.

වර්තමානයේ ශී‍්‍ර ලංකාවේ ඇත්තේ බි‍්‍රතාන්‍ය යුගයේ ඇති කළ ආරෝග්‍ය ශාලා පද්ධතියකි. ඊට පෙර ලන්දේසින් ද මෙහි ආරෝග්‍යශාලා ඉදිකර ඇති අතර හැඳල ලාදුරු රෝහල එවැන්නකි.

වර්තමාන ශී‍්‍ර ලංකාවේ සෞඛ්‍ය සත්කාර පද්ධතියට තුන් ආකාර මට්ටමක සුව සේවාවන් ඇතුළත් වේ. මධ්‍යම බෙහෙත්ශාලා, මාතෘ නිවාස, ග‍්‍රාමීය රෝහල්, පර්යන්ත ඒකක, දිස්ති‍්‍රක් රෝහල්, ප‍්‍රාථමික සෞඛ්‍ය සත්කාරය ලබා දෙන ආයතන වේ. ද්විතීය මට්ටමට අයත් වන්නේ මූලික රෝහල් හා පළාත් රෝහල් ය. තෘතීය මට්ටමේ රෝහල් වන්නේ ශික්ෂණ රෝහල් හා විශේෂ මහ රෝහල් ය. 2000 දෙසැම්බර් අවසානය වන විට රෝගීන් ඇතුළත් කර ගත හැකි ආයතන 558ක් හා ඇඳන් 57,195ක් තිබුණි. ශික්ෂණ රෝහල් 15 හි පමණක් ඇඳන් 14,659ක් තිබුණි. දිවයිනේ විශාලතම රෝහල වන කොළඹ පිහිටි ජාතික රෝහලෙහි ඇඳන් 2,881 ක් තිබුණි. විවිධ ක්ෂේත‍්‍රවල විශේෂඥ පහසුකම් ද එහි ඇති අතර විශේෂ හදිසි අනතුරු අංශයක් එහි තිබේ. ඒ හැරෙන්නට කොළඹ සිට මුළු රටට සේවය කරන විශේෂ දන්ත වෛද්‍ය ආයතයනයක් ද ළමයිනට විශේෂික වූ රෝහලක් ද නයනාරෝග්‍යශාලාවක් ද එසේ ම කාන්තාවන්ට විශේෂ වූ රෝහල් 3ක් ද තිබේ. මෙරට රෝහල් පද්ධතිය තුළ පළාත් රෝහල් 6ක් ද, ශික්ෂණ රෝහල් 15ක් ද, මූලික රෝහල් 36ක් ද ග‍්‍රාමීය රෝහල් 167ක් ද දිස්ති‍්‍රක් රෝහල් 156ක්ද පර්යන්ත රෝහල් 93ක් ද වතු රෝහල් 15ක් ද අයත් විය. සෞඛ්‍ය නිවාරණ කටයුතු සඳහා දිවයින පුරා වෛද්‍ය නිලධාරි කාර්යාල 252ක් ද තිබේ.

(පර්සි ජයමාන්නගේ ළමා හා යොවුන් විශ්වකෝෂයෙනි.)

Comments

  1. "මහාවංසයේ දක්වා ඇති පරිදි පණ්ඩුකාභය රජ කි‍්‍ර. පූ. 4 වන සියවසෙහි දී අනුරාධපුරය පිහිටුවා එහි තිඹිරිගෙයක් හා ගිලන්හලක් ඉදි කර ඇත. මේවා පාලි භාෂාවෙන් හඳුන්වා ඇත්තේ ‘වෙජ්ජසාලා’, ‘ගිලානසාලා’, ‘භෙජ්ජගෙහ’ ආදී වශයෙනි.

    මේ සම්බන්ධව තියෙන්නේ මහාවංසයේ 10 වෙනි පරිච්ඡේදයේ 102 වෙනි ගාථාවේ

    "සිවිකාසොත්ථිසාලං ච අකාරෙසි තහිං තහිං"

    මෙහි දැක්වෙන සිවිකා ශාලාව සහ සොත්ථි ශාලාව යනු කුමක්ද කියලා සවිස්තරව කියන්නේ මහාවංස ටීකාව හෙවත් වංසත්ථප්පකාසිනියේ.

    ඒකේ දක්වන විදිහට සිවිකා ශාලා කියන්නේ ශිව ලිංගය තැන්පත් කෙරුණු ශාලා හරි ප්‍රසූතිකාගාර හරි. සොත්ථි ශාලා කියන්නේ බ්‍රාහ්මණයන් ස්තෝත්‍ර ගායනා කරන ශාලා හරි ආරෝග්‍යශාලා හරි

    ReplyDelete
  2. එතකොට ඔය ශිල්පය ලංකාවට ගෙනාපු ඉන්දියාවේ ඔයිට ඉස්සර රෝහල් තිබිල නැද්ද???

    ReplyDelete

Post a Comment

Popular posts from this blog

ලෝකයේ වටිනාම මුද්දරය වෙන්දේසියට! දැනට ඇත්තේ ලෝකෙටම එකයි!

මුද්දර එකතු කිරීම (Philately) විනෝදාංශයක් වගේම හොඳ ආදායම් මාර්ගයක්. පුංචි වුණාට තැපැල් මුද්දරයක් කියන්නේ රටක ඉතිහාසය කියාපාන කැඩපතක්. රටකින් රටකට හොඳ හිත පතුරුවමින් යන සංස්කෘතික තානාපතිවරයෙක්!

ඒ වගේ පැරණි තැපැල් මුද්දරයක් එහි මුහුණත සඳහන් වටිනාකමට හුඟක් වැඩිවෙන වෙලාවල් තියෙනවා. එහෙම වෙන්නේ ඒවායේ ඇති දුලබකම නිසයි.

ඒ වගේ 1873 දී ලිපිගොනු ගොඩක් අස්සේ තිබී හමුවුණු පාවිච්චි කළ ශත එකේ තැපැල් මුද්දරයක් පසුව වෙළෙඳ පොළේ දී සිලිං හයකට විකුණුණා. බි‍්‍රතාන්‍ය ගයානාව (British Guiana) විසින් නිකුත් කළ ශත එකේ දම්පාට තැපැල් මුද්දරය (1c Magenta stamp) දැන් යළිත් වෙන්දේසිය සඳහා වෙළෙඳපොළට ඇවිත්. අද, වසර 141කට පසු, එයට මුද්දර වෙන්දේසියේ දී ඇමරිකන් ඩොලර් මිලියන 20ක මුදලක් ලැබේවි යැයි විශ්වාස කරනවා.

මෑතදී ‘ලොව වඩාත් වටිනාම මුද්දරය’ ලෙස හඳුන්වනු ලැබූ මේ පැති අටේ හැඩැති තැපැල් මුද්දරය 2014 ජූනි මාසයේ 17 වැනිදා ඇමරිකාවේ නිව්යෝක්හිදී ප‍්‍රසිද්ධ වෙන්දේසියේ විකිණීමට නියමිතයි.

මෙය දැනට ලෝකයේ සුරක්ෂිතව ඉතිරි වී ඇති මේ වර්ගයේ එකම මුද්දරය ලෙස සැලකෙනවා. මෙය නිකුත් කරන ලද්දේ 1856දියි. බි‍්‍රතාන්‍ය ගයානාවේ තැපැල් මහතා…

MH370 මැලේසියානු ගුවන්යාන අබිරහස! ලෝකයේ අබිරහස් ලෙස අතුරුදන් වුණු ගුවන්යානා 10 මෙන්න!

පසුගිය සතියේ (මාර්තු 8 වැනිදා) අතුරුදන් වූ පිසැරි අංක එම්එච්370 මැලේසියානු මගී ගුවන්යානයට වූ දේ තවමත් අබිරහසක්. රටවල් 10 ගුවන්යානා, නැව්, චන්ද්‍රිකා රැසක් මේ අබිරහස විසඳන්න තවමත් වෙහෙසෙනවා.

ඒත් මෙය දැනටමත් නොවිසඳෙන අබිරහසක් පත් වෙන ලකුණු පහළ වෙලා!

ලොව පළමු සෙල් ෆෝනය මේකද? වසර 75ක් පැරණි පින්තූරයේ රහස හෙළි වෙයිද?

බලන්න මේ තරුණිය ජංගම දුරකතනයක් කනේ තියා ගෙන පාර දිගේ කතා කර කර යනවා! අද නම් මේ වගේ දසුනක් ගමක පාරක වුනත් ඔබ දැක ඇතුවාට සැකයක් නැහැ. ඒත් මේ දර්ශනය කැමරාවට නඟා ඇත්තේ මීට අවුරුදු 75කට පෙරයි!

1938 දී ඇමෙරිකාවේ වීදියක ගමන් කළ මේ යුවතියගේ අතට වර්තමානයේ අප පාවිච්චි කරනා තාලේ සෙල් ෆෝනයක් (ජංගම දුරකතනයක්) ආවෙ කොහොමද?

ඒ කාලයේ මේ වගේ දෙයක් නිපදවීම තියා මෙවැන්නක් ගැන හිතලවත් නොතිබුණා නම් මෙම දර්ශනය චිත‍්‍රපටයකට ගත් නිර්මාණයක්ද? සමහර අය කීවේ චිත‍්‍රපටය තුළින් අනාගතය දැකීමක් ලෙස මෙම දසුන සලකන්න පුළුවන් කියලයි. අනාගතය පරිකල්පනය කළ අවස්ථා චිත‍්‍රපටවල ඕනෑ තරම් තිබුණා. මේ වගේ

මේ රූප පෙළ මේ වන විට යූටියුබ් (YouTube) එක හරහා ලක්ෂ තුනකට වැඩි වාර ගණනක් සංසරණය වෙලා තියෙනවා. වර්ණ චිත‍්‍රපට එන්නට පෙරාතුව කළු සුදු ක‍්‍රමයට කැමරාවට නගන ලද මෙහි රහස පසුගිය දා හෙළි වුණා. මෙම තරුණිය තමාගේ මීමිත්තණිය යැයි යුටියුබ් ග‍්‍රාහකයෙක් හෙළි කළා.

අනාගතයට යාමක් ද? මෙහි දැක්වෙන්නේ ඇමරිකාවේ ඩුපොන්ට් ආයතනයෙන් පිට වී යන තරුණ සේවිකාවන් පිරිසක්. එයින් එක් තරුණියක් අතේ ඇති ජංගම දුරකතනයකින් කතා කරමින් යනවා ඔබට පෙනෙනවා ඇති. වසර 75කට ප…

නස්රුදින්ගේ වේළීමේ රහස! අලුත්ම නස්රුදින් කතාවක්!

නස්රුදින්ගේ පොහොසත් මිතුරෙක් ඔහුට කතා කළා, ඒ මිතුරාත් ඔහුගේ පිරිසත් එක්ක දින කීපයක් තිස්සේ දඩයමේ යන්න. මුල් ම දවසේ ඔවුන් නස්රුදින්ට දුන්නෙ බොහොම හෙමින් යන අස්සයෙක්. දඩයමට යන්න පටන් අරන් වැඩි වේලාවක් ගියේ නෑ, හෙමින් ගිය අස්සයා නිසා නස්රුදින් හුඟක් පහුවුණා. නස්රුදින්ව පහු කරලා දාලා අනෙක් පිරිස ඈතට දඩයමේ ගියා.

දියණිය උපන් මොහොතේ පියා ගත් පින්තූරය අන්තර් ජාලය කළඹයි! වෛද්‍යවරයාගේ අතේ එල්ලී එළියට ආ ළදැරිය මෙන්න!

ජීවිතයේ විස්මිත මොහොතවල් ඡායාරූපයට නැඟීම වාසනාවත් එක්ක සිදු වන දෙයක්. එහෙම වාසනාවක් ලද මාපිය යුවලක් තමන් ගත් ජීවිතයේ අමතක නොවන පින්තූරය ‘මුහුණු පොතේ’ පළ කළා. මොහොතකින් එය අන්තර්ජාලය පුරා ‘කුණාටුවක්’ මෙන් හඹා ගියා.

මෙලොව එළිය දකින්න මොහොතකට පෙර පුංචි නෙවායි මව් කුස හිඳිමින් තම උදව්වට ආ වෛද්‍යවරයාගේ ඇඟිල්ලේ එල්ලූන හැටි!

මුල්ම ඇපල් 1 පරිගණකය ලෝක වාර්තාවක් තියයිද? ඇපල් සමාගමේ ආරම්භය හෙළිකරන මෙතෙක් පළ නොවූ ඡායාරූපයක්!

ඇපල් පරිගණකය පටන් ගත් හැටි දැන් දකින කොටත් පුදුම හිතෙනවා. ඒ මුල් ම ඇපල් පරිගණකය අළෙවි කරන්න ගෙනියන්න පෙර පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුගිය දා ප‍්‍රථමවරට හෙළිදරවු වුණා.

මේ ඡායාරූපයට නගා තියෙන්නේ 1976 දියි. එතකොට ස්ටීව් ජොබ්ස්ට (Steve Jobs) වයස 21යි. ඔහුගේ මිතුරු ස්ටීව් වොස්නියැක් (Steve Wozniak) සමග එක්ව ඔවුන් දෙදෙනා මේ මුල්ම ඇපල් පරිගණක තැනුවේ ස්ටීව් ජොබ්ස්ගේ මාපියන්ගේ ගෙදර ගරාජයකයි. ඔවුන් ඒ තැනූ මූල් පරිගණක 50 තැන්පත් කරල තිබුණු ආකාරය දැක්වෙන මේ විරල ඡායාරූපය නිකුත් කරනු ලැබුවේ ලබන නොවැම්බර් 16 වැනිදා වෙන්දේසියට තැබෙන දැනට හොඳම තත්වයේ ඇති පැරණි ම ඇපල් පරිගණකය එළි දැක්වීම වෙනුවෙන්.

මෙය දැනට ලෝකයේ ඇති වටිනාම සන්නම ලෙස සැලකෙන ඇපල් පරිගණකයේ ආරම්භක තත්වය තේරුම ගන්නත් හොඳ අවස්ථාවක්. මේ සන්නමෙහි අද වටිනාකම පවුම් බිලියන 60ක්.

ඇපල් පරිගණකයේ ආරම්භය දැක්වෙන මේ කිසිදා එළියට නො පැමිණි ඡායාරූපයක්. ඒ මුල් ම ඇපල් පරිගණකය අළෙවි කරන්න ගෙනියන්න පෙර 1976 දී පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුග…

හොල්මන් පින්තූර කතන්දර පෙළක්! මේවා දැකල බය වෙන්න එපා!

රාති‍්‍ර කාලයට අඳුරේ දී ඔබව බියපත් කරන හැම රටකටම, හැම සමාජයකම තියෙනවා. ඇත්තටම හොල්මන් තියෙනවා කියල ඔප්පු කරන්න හොල්මන්වල පින්තූර ගන්න අයත් ඉන්නවා. මේ ඒ විදියට ගත්තු පින්තූර පෙළක්!


අවුරුදු ගානක් තිස්සෙ විවිධ අවස්ථාවලදි ගත්තු පින්තූර තමයි, මේ තියෙන්නේ. මෙහි ඉන්නවා, ඝාතනය කළ වහල් සේවකයන්, රෝහල්වල වධබන්ධනවලට ලක්ව මියගිය රෝගීන්, අතීතයට එක් වූ මුහුදු නැවියන් ආදී නොයෙක් අය. මොවුන්ගේ හොල්මන් කතා අහපු බොහොම දෙනෙක් බියට පත් වුණා. තාමත් අහන අයගේ ඇඟ හිරි වැටෙනවා.

දුර්ලභ ගණයේ සේයා රුවක්! නවසීලන්තයේ ධීවරයකුගේ නවතම ගොදුරක්!

මෙය ලියැවෙන්නේ කලාතුරකින් හමු වන ඡායාරූපයක් ඔබ වෙත ඉදිරිපත් කරන්නයි. අන්තර් ජාලය පුරා මේ වන විටත් වැඩි දෙනකුගේ අවධානය දිනා ගෙන තියෙනවා.

මේ ඡායාරූපයෙන් කියැවෙන්නේ මිනීමරු සුදු මෝරකුගේ ඉරණම දැක්වෙන කතාවක්. පසුගිය සතියෙදි නවසීලන්තයේ මුහුදේදි ගත්තු එකක්.

මහා භූමිකම්පාවකින් පසු පාකිස්ථාන මුහුදෙන් මතු වූ ලෝකයේ අලූත් ම දූපත!

පසුගියදා පාකිස්ථානයේ ප‍්‍රබල භූමිකම්පාවක් ඇති වුණා. 7.8ක් වූ ඒ භූමිකම්පාවෙන් බලූකිස්ථානය අසල මුහුදේ අලූත් දූපතක් මතු වුණා. ලෝකයේ අලූත් ම දූපත එයයි.

සල්සාලා කෝහ් (Zalzala Koh) යනුවෙන් ඒ දූපත නම් කරලා තියෙනවා. දාල්බන්දින්වලට සැතැපම් 145ක් ගිනිකොන දෙසින් හටගත් මේ භූම්කම්පාව නිසා දැන් එය බලන්න සංචාරකයන් වගේම පාකිස්ථාන වැසියන් වැල නොකැඩි එනවා. ඒ දූපතටත් ගොඩ වෙනවා. ගිනිගන්නාසුලූ වායුව, විස දුම් ආදිය ඇති බව අනතුරු හැෙඟව්වත් ඒවා ගනන් නොගෙනයි, ඔවුන් එහි එන්නෙ.

ඒ දූපතේ පිපිරුණු මඩ, වැලි, ගල් මුසු බිම මත මුහුදු සතුන්ගේ මළ සිරුරු, විශේෂයෙන් ම මාළුන් මළකුණු පිරිලා තියෙනවා.

මෙන්න ලෝකයේ අලූත් ම දූපත අහසට පෙනෙන හැටි. මේ මඩ කන්ද මීටර් 15ක් 20ක් විතර උස ඇති. මිනිසුන්ට ඒ මත ඇවිද ගෙන යා හැකි තරමට එහි බිම ඝනකම් කියලයි, කියන්නෙ.

MH370 මැලේසියානු ගුවන්යාන අබිරහස : නියමුවාම යානය බලෙන් ගෙන ගියාද?

2014 මාර්තු 16 වැනිදා

අනතුරට පත් යානයේ නියමුවා වූ සහාරි අහමඞ් ෂා දේශපාලන උමතුවකින් පෙළෙන්නකු ලෙස දැන් සැක කරනවා. එම්එච්370 යානය නියමුවා ලෙස සේවයට වාර්තා කරන්නට පෙර ඔහු මැලේසියාවේ විරුද්ධ පක්ෂ නායකයා වූ අන්වර් ඒබ‍්‍රහම්ට එරෙහිව පැවති නඩු විභාගයට බලන්නට ගිය බවක් ෆෙඩරල් පරීක්ෂක නිලධාරින් කියනවා.