Skip to main content
malkakulu_youtube_page malkakulu_facebook_page

මේ යේසුස් වහන්සේගේ සොහොන් ගැබ ද? පුරාවිද්‍යාඥයෝ රොබෝ අතක් යවා ජෙරුසෙලමේ සොහොන් බිමක් පිරික්සති!

යේසුස් වහන්සේ මිහිදන් කරනු ලැබුවේ කොහේද? පුරාවිද්‍යාඥයෝ පිරිසක් කැමරාවක් සහිත රෝබෝ අතක් යවා ජෙරුසෙලමේ සොහොන් බිමක් පිරික්සති. ඔවුන්ට එහි තිබී මිනිස් අස්ථි සහිත ඉපැරණි මිනී පෙට්ටියක් හමුවෙයි. ‘දිව්‍යමය යෝහෝවඃතුමාණනි, උත්ථානය කරනු මැනවි’ යන අරුත ඇති හීබෲ වැකියක් ද එහි ලියා තිබුණි.

යේසුස් වහන්සේගේ අවසානයේ සැතපුණු ස්ථානය මෙය යැයි පිළිගත හැකි ප‍්‍රබල සාක්ෂියක් ලෙස ඔවුහූ එය විශ්වාස කරති. කෙසේවෙතත් අනෙක් විද්වතුන් මේ සොයා ගැනීම දෙස බලන්නේ බලවත් සැකයෙන් යුතුවය.

මිනිස් අස්ථි ඇතුළත් ඒ වදන් කොටා ඇති හුණුගල් පෙට්ටියට සමාන පෙට්ටියක මුව විට ඉදිරියේ මාළුවකුගේ හා රිටක් අතින් ගත් මිනිසකුගේ රුවක් කොටා ඇත. එය ජොනාහ් හා තල්මසා පිළිබඳ ඉතා පැරණි බයිබල් කතාව සිහිපත් කරන්නෙකැයි ඔවුහූ කියති.

 
පළමුවන සියවසට අයත් සේ සැලකෙන යේසුස්ගේ සොහොනෙහි ගල් පෙට්ටියෙහි කොටා ඇති මාළුවකුගේ රූපය. ඇතැම් පුරාවිද්‍යායන් මෙය හඳුන්වන්නේ මල් වාස් එකක් කියායි.


මෙම සොහොන සොයා ගෙන ඇත්තේ යේසුස් පවුලේ සොහොන් බිම නමින් කලින් හඳුනා ගෙන ඇති ස්ථානයේ සිට අඩි 200ක් තරම් දුරිනි. එම සොහොන් බිම ද 1980 ගණන්වල සොයා ගත් වේලේ ඒ පිළිබඳ විශාල ආන්දෝලනයක් ඇති විය.

පුරාවිද්‍යාඥයෝ එදා කීවේ එහි ඇති අස්ථි කැබලි ඇතුළත් බඳුන් මත යේසු පවුලේ අයගේ නම් කොටා ඇති බවය. මේ සොයා ගැනීම නිසා විවිධ මත පළ වන්නට විය.
එක් මතයක් වන්නේ යේසුස්ගේ සිරුර මිහිදන් කර ඇත්තේ එතුමන් විවාහ වී පවුල් කෑ මේරි මග්දලේනාගේ සිරුර අසලින් බවය. එහෙත් ප‍්‍රධාන පෙළේ දේවධර්මවාදීන් මෙන් ම පුරාවිද්‍යාඥයන් ද මේ මත පිළිගත්තේ නැත. ඔවුහූ මේවා පදනමක් නැති විකාර කතා ලෙස බැහැර කළහ.

 
1980 දී කළ කැණීම්වලින් පසු යේසුස්ගේ සොහොන මත ඉදි කළ ස්මාරකය

යේසුස්ගේ පවුලේ සොහොන් බිම පරීක්ෂා කළ හැකි වූයේ ඉතාමත් කෙටි කාලයකට පමණය. මූලධර්මවාදී යුදෙව්වන් ඒ කැණීම් කිරීම ගැන දැඩි ලෙස විරෝධය පෑම හේතුවෙන් එය වසා දැමීමට සිදු විය.

ඉන්පසු එය වසා දමා ඒ මත ස්මාරක කුලූනක් ඉදි කරනු ලැබීය.

කෙසේවෙතත්, දේවධර්ම ලේඛන පිළිබඳ, උතුරු කැරොලිනා විශ්ව විද්‍යාලයේ විශේෂඥයකු වූ ජේම්ස් ටැබර් හා වාර්තා චිත‍්‍රපට අධ්‍යක්ෂකවරයකු වූ සිම්කා ජැකොබොවිසි යන දෙදෙනා මේ ගැන නොකඩවා පර්යේෂණවල යෙදෙන්නට තීරණය කළහ.

2010 දී ඒ දෙදෙනා ඊශ‍්‍රායල රජයෙන් අවසර ලබා ගත්තා, සිදුරු කීපයක් පමණක් කර ඒ තුළින් රොබොටික අතක් යවා අවට ප‍්‍රදේශයේ පොළොව යට ගවේෂණය කරන්න.

ඒ අනුව ‘පේටියෝ සොහොන’ යනුවෙන් ඔවුන් නම් කළ වෙනම කුටියක් හමු විය. එය ඒ ගොඩනැගිල්ලේ ඉදිරිපිට මිදුලේ පොළොව යට පිහිටියේය.

ඔවුන්ට මේ ශිලා අක්ෂර හමු වූයේ ඒ පේටියෝ සොහොන තුළයි.

මේ දෙදෙනාගේ තර්කය වන්නේ මේ සොහොන් ගැබ් දෙකම ඇත්තේ ප‍්‍රවාදයේ එන පරිදි යේසු මිහිදන් කළ ඇරිමාතියාවේ ජෝශප්ට අයත් ව තිබූ භූමියක යන්නය.

 
‘දිව්‍යමය යෙහොවඃ, උත්ථානය කරනු මැනවි’ යන අරුත් දෙන ගී‍්‍රක බසින් ලියැවුණු සෙල් ලිපි අකුරු.

එහි එක් ගල්පුවරුවක ‘දිව්‍යමය යෙහොවඃ, උත්ථානය කරනු මැනවි’ යන අරුත් දෙන ගී‍්‍රක බසින් කොටා ඇති වදනක් හමු විය.

තවත් එකක දණ්ඩක් මුවින් ගත් මාළුවකුගේ රුවක් කොටා තිබුණි. ටැබර් කියන්නේ එයින් අනාගත වක්තෘ ජෝනා ගැන හෙළිදරවු වෙන බවයි.

”මේ සෙල්ලිපි අකුරුවලින් හෙළි වෙන්නේ උත්ථානයක් ගැන තමයි. මේ සොහොනේ තැන්පත් කර ඇති මියගිය පුද්ගලයා හෝ ඒ අසල කොටා ඇති ජෝනාගේ සංකේත රූපය අනුව යේසුස්ගේ නැවත පහළ වීමක් ගැනයි, එහි සඳහන් වන්නේ.” ටැබර් කියයි.

කි‍්‍රස්තු වර්ෂ පළමුවන සියවසේ යුදෙව් විත‍්‍රකලාවල රූප ඇත්තේ නැති තරම්ය. එයට හේතුව මිනිස් හෝ සත්ව රූප නිර්මාණය යුදෙව් ආගමෙන් තහනම් කර තිබීමය. එහෙත් රෝමන් සොහොන් ගැබ්වල මෙවැනි රූප සටහන් හමු විය. බොහෝ විට එසේ හමු වූ රූපවලින් නිරූපණය වූයේ යේසුස්ගේ උත්ථානයයි.

මෙම සොහොන කි‍්‍ර.ව. 70 ට පෙර නිමවූ එකක් යැයි සැලකේ. රෝමය විසින් ජෙරුසෙලම් නගරය විනාශ කිරීමෙන් පසු මෙම සොහොන් බිම් අභාවිතයට ගියේය. මේ සටහන් හා සලකුණු කි‍්‍රස්තියානියට අයත් ඒවා නම් මෙතෙක් සොයා ගෙන ඇති පැරණිම පුරාවිද්‍යාත්මක වාර්තා මේවා විය හැකිය. සමහර විට මේවා මුල් යුගයේ යේසු අනුගාමිකයන් විසින් කරන ලද ඒවා වන්නට පුළුවන.

 
සොහොන සිදුරු කොට රොබොටික අතක් සහිත දුරස්ථ පාලක කැමරාවක් ඒ තුළට යවනු ලැබීය.

”කවුරු හරි කීවොත් මේ යුගයේ යුදෙව් සොහොනක උත්ථානයක් ගැන හෝ ජෝනා පිළිබිඹුවක් ගැන සඳහනක් තියෙනව කියලා මම වුනත් ඒක පිළිගත්තෙ නැහැ මේ වන තෙක්. අපේ කට්ටියත් මේක විශ්වාස කළේ නැහැ, මේ විදියට ඇස් පනාපිට ම මේවා දැක ගන්න ලැබෙනකම්” ටැබර් කියයි.

මේ ගැන තොරතුරු ඇතුළත් කර අලූත් පොතක් පළ වී තිබේ. සයිමන් ඇන්ඞ් ෂුස්ටර් ප‍්‍රකාශනයක් වන එහි නම, ‘ද ජීසස් ඩිස්කවරි: ද නිව් ආකියොලොජිකල් ෆයින්ඞ් දැට් රිවීල්ස් ද බර්ත් ඔෆ් කි‍්‍රස්ටියැනිටි’ (The Jesus Discovery: The New Archaeological Find That Reveals the Birth of Christianity) වේ. එහි අරුත ‘කිතු දහමේ උපත හෙළි කරන නව පුරාවිද්‍යා සොයා ගැනීමක්’ යන්නය. මේ පිළිබඳව තැනුනු වාර්තා චිත‍්‍රපටයක් ද ඩිස්කවරි නාළිකාවෙන් විකාශය වීමට නියමිතය.

”එකිනෙකට ඇති සම්බන්ධය ඉතා වැදගත් පුරාවිද්‍යාවෙදි. මේ සොහොන් ගැබ් දෙක අතර දුර අඩි 200කටත් අඩුයි. එකම වත්තකයි, පිහිටලා තියෙන්නෙ, ඒ යුගයේ විසූ ධනවත් පවුලකට අයත්. අපි මේ සොහොන් ගැබ පිරික්සන්න කල්පනා කළේ මෙය යේසුගේ සොහොනට ඒ තරම් සමීප නිසයි.” ටැබර් පැහැදිලි කරයි.

යේසුතුමා මිහිදන් කළ අයුරු බයිබලයේ සඳහන් වී ඇත්තේ මෙසේය:

බයිබලයේ සඳහන් අන්දමට කුරුසියේ ඇණ ගැසූ දා හැන්දෑවේ ඇරිමාතියාවේ ජෝශප් මියගිය යේසුස්ගේ දේහය ඒ නගරයේ පාලකයා වූ පොන්ටියස් පිලාතුගෙන් ඉල්ලා සිටියා.
මෝසස්ගේ නීතියට අනුව ගසක එල්ලා මැරුණු කෙනෙකුගේ සිරුර එදින රාති‍්‍රය පුරා එසේ තිබෙන්නට නොහැරිය යුතුය. එදින ඉර බසින්නට පෙර මිහිදන් කළ යුතුය.
ඒ අනුව ජෝශප් ලිනන් රෙද්දකින් යේසුගේ දේහය දවටා සොහොන් ගැබක තැන්පත් කළේය.

බයිබලයේ ඇතුළත් ජෝන්ගේ සුභාරංචියේ සඳහන්ව ඇත්තේ, ජෝශප්ට මෙම මිහිදන් කිරීමේ කටයුත්ත සඳහා නිකොඩමස් උදව් කළ බවයි. යුදෙව් චාරිත‍්‍රයක් ලෙස ඒ සඳහා අවශ්‍ය කළුඅගිල් හා කෝමාරිකා ශාක සාර ඇතුළු වෙනත් කුළුබඩු ගෙනවුත් දෙන ලද්දේ ඔහු විසිනි.

 
ආචාර්ය ජේම්ස් ටැබර්

මේ වන විට ඊශ‍්‍රායල පුරාවිද්‍යා අධිකාරිය විසින් මෙවැනි සොහොන් ගැබ් 2000ක් පමණ සොයා ගෙන තිබේ. යම් ආකාරයක හෝ කොටන ලද ලේඛන කිසිවක් ඇති සොහොන් ගැබ් හමුවී ඇත්තේ 650ක් පමණය. ඒත් ඒ කිසිවක් මේ පිරිස විසින් සොයා ගෙන ඇති කොටන ලද අක්ෂරවලට සමාන නැත.

එම යුගයේ සොහොන් ගැබ් 12ක පමණ මළවුන් ගැන සිහිවටන කොටා ඇති අතර ටැබර් පවසන ආකාරයට ඒවායේ බොහෝ විට සඳහන්ව ඇත්තේ මළ අයගේ ඇටකටුවලට බාධා නොකරන ලෙස කරන අවවාදයන් ය. එහෙත්, ඊට බොහෝ සේ වෙනස් අරුතක්, එනම්, උත්ථානය පිළිබඳ විශ්වාසය පළ කෙරෙන ගී‍්‍රක වදන් පේළි හතරක්, කොටා තිබූයේ මෙම සොහොන් ගැබෙහි පමණ ය.

 
1980 ගණන්වල දී යේසුස්ගේ සොහොන් ගැබ අසලින් සොයා ගන්නා ලද සිරුරු මිහිදන් කළ ගල් පෙට්ටියක්.

 
2007 දී අසල සොහොන් ගැබේ කොටසක් පිරික්සන සිනමාකරු සිම්කා ජැකොබොවිසි

ටැබර් පවසන ආකාරයට ඔහු කියවූ සෙල්ලිපියෙහි ගී‍්‍රක වදන්වල අරුත වෙනස් ආකාර කීපයකින් දැක්විය හැකිය. එහෙත් හැම එකකින් ම යේසුස්ගේ උත්ථානය පිළිබඳ විශ්වාසය තහවුරු කෙරෙන බව ඔහු අවධාරණය කරයි.

ටැබර්ට අනුව මෙහි කොටා ඇති රූප සටහන්වලින් ද ඒ බව තහවුරු වෙයි. එක පැත්තක කොටා ඇති මාළුවකුගේ රූපයෙහි වල්ගය පෙට්ටියෙහි දාරය අසලින් අවසන් වෙයි. ඔහුගේ අදහස් දැක්වීම්වලට අනුව එහි දැක්වෙන්නේ මාළුවා වතුරට පනින අයුරුය.

එසේ ම ඒ පෙට්ටියෙහි ඉදිරිපස දාරයේ කොටා ඇති කුඩා මාළු රූප හා අනෙක් පැත්තේ ඇති කුරුසි හැඩයේ දොරෙහි රූපයෙන් දැක්වෙන්නේ බයිබලයේ ජෝන්ගේ කතාවෙහි මරණයට පත් වීම පිළිබඳ අදහස යැයි ටැබර් අර්ථ දක්වයි.

කෙසේ වෙතත්, ඇතැම් විද්වත්තු මේ මතය එකහෙළා ප‍්‍රතිෙක්‍ෂප කරති. ඉන් එක් අයකු ලෙස ඇමරිකාවේ ඩියුක් විශ්ව විද්‍යාලයේ ආගමික අධ්‍යයන අංශයේ සම මහාචාර්ය මාක් ගුඞ්ඒකර් ඒබීසී ප‍්‍රවෘත්තිවලට ප‍්‍රකාශයක් කරමින් පවසන්නේ එහි ඇත්තේ මාළුවකුගේ රූපයක් නොවන බවය. ”ඒක කොහොමද මාළුවකුගේ රූපයක් වෙන්නෙ. එතැන තියෙන්නේ දෙපැත්තෙන් අල්ලන අඬු දෙකක් ඇති භාජනයක්. වාස් එකක්! මුල් රෝම යුගයේ එවැනි භාජන බොහෝ සේ භාවිත වුණා.” යැයි පවසන ඔහු ඒ සොහොන් දෙකෙහි ම යේසුතුමන්ට අදාළ වන තිරසාර සාක්ෂි කිසිවක් නැතැයි අවධාරණය කරයි.

Comments

  1. මම නම් හිතන්නේ, ඊසා (යෙසුස්) මියගියෙ ඉන්දියාවේ කාශ්මීර ප්‍රදෙශයෙ...

    ReplyDelete
  2. // එක් මතයක් වන්නේ යේසුස්ගේ සිරුර මිහිදන් කර ඇත්තේ එතුමන් විවාහ වී පවුල් කෑ මේරි මග්දලේනාගේ සිරුර අසලින් බවය. //

    ජේසු තුමා විවාහ වුනා කියලා තියෙන්නෙ කොහෙද ?

    ReplyDelete
  3. බොහොම වටිනා කියන ලිපියක්..

    ReplyDelete
  4. uda ayata kiyanna thiyenne nodanna deval kiyanna yanna epa kiyala......anith eka yesus nevel jesus lesa ohuva amantranaya karanna kiyalath illanava.....mokada romanu katholika api yesus kiyala kiyanna.....loke vadi pirisak kiyanne jesus kiyala

    ReplyDelete
  5. නිකන් මෝඩයෙක් වගේ දොඩවන්න එපා....
    යේසුස් කියල තමයි ග්‍රීක් බසින් කියනෙ ඒක තමයි හරි නම උදාහරණයක් හැටියට ලංකාවෙ "ජුවන්" ,ඇමරිකාවෙදී "ජෝන්" වෙනව ඉතාලියේදී "ජොවාන්නි" වෙනව මේ මොන නම කිවුවත් එයා ජ්ජුවන්ම තමයි.

    ReplyDelete
  6. නිකන් මෝඩයෙක් වගේ දොඩවන්න එපා....
    යේසුස් කියල තමයි ග්‍රීක් බසින් කියනෙ ඒක තමයි හරි නම උදාහරණයක් හැටියට ලංකාවෙ "ජුවන්" ,ඇමරිකාවෙදී "ජෝන්" වෙනව ඉතාලියේදී "ජොවාන්නි" වෙනව මේ මොන නම කිවුවත් එයා ජ්ජුවන්ම තමයි.

    ReplyDelete

Post a Comment

Popular posts from this blog

වත්මන් ළමා ගී පරපුරේ ආරම්භකයා - ශී‍්‍ර රූපදේව කවීන්ද්‍ර ආනන්ද රාජකරුණා

‘රෝස මලේ නටුවෙ කටූ - වන බමරෝ ඔහොම හිටූ
නටුව නොවේ මල සිඹිමී - මම ළමයෝ පැණි උරමී’

යනුවෙන් ළමයකුත්, වන බමරකුත් අතර සංවාදයක් ආකාරයෙන් ලියා ඇති කුඩා කවිය අදත් අපේ දරුවන් අතරත් වැඩිහිටියන් අතරත් එකසේ ජනපි‍්‍රය ළමා කවකි. ළමයින්ට කවි ලිවීම අරභයා ආනන්ද රාජකරුණා (1885-1957) කවියා දැක්වූ දක්ෂතාව මැන ගැනීමට එම කව ම ප‍්‍රමාණවත්ය. ළමයින් සඳහා විවිධ මට්ටමේ කව් රැසක් ආනන්ද රාජකරුණා විසින් අපේ ළමා පරපුරට දායාද කර තිබේ.


කි‍්‍ර.ව. 1885 ජනවාරි 7 වැනිදා ගාල්ලේ මහදම්පාගම රාල්ලාගේ වත්තේ දී උපන් ඔහුගේ උපත් නාමය ‘ඇල්ෆ්‍රෙඞ්’ වුවද ඔහු පසු කලෙක ඒ වෙනුවට ‘ආනන්ද’ නාමය යොදා ගත්තේය. ගම්මුලාදෑනි මෙන්ම ගමේ වෙද මහතා ද වූ විජය වර්ණකුල චාර්ල්ස් තාබ්‍රෙව් රාජකරුණා ඔහුගේ පියාය. මව හෙලේනා ද ලිවේරා කරුණාරත්න වූවාය. ඔහු පස් හැවිරිදි කල මුලින්ම සිංහල උගන්වන ලද්දේ මවගේ සොහොයුරා වූ ජෝශප් ද ලිවේරා කරුණාරත්න විසිනි.

අකුරල සිංහල පාසලෙන් මූලික අධ්‍යාපනය ලැබූ ඔහු මාදම්පේ මිෂනාරි පාසලින් ඉංගී‍්‍රසි අධ්‍යාපනය ලැබීය. ඉන්පසු පූජ්‍ය මාදම්පේ ධම්මතිලක හිමියන් වෙතින් සිංහල බස වැඩිදුර උගත්තේය. සිරි සුමන වංශාලංකාර පේමරතන හිමියන්ගෙන් පාලි හා…

දුර්ලභ ගණයේ සේයා රුවක්! නවසීලන්තයේ ධීවරයකුගේ නවතම ගොදුරක්!

මෙය ලියැවෙන්නේ කලාතුරකින් හමු වන ඡායාරූපයක් ඔබ වෙත ඉදිරිපත් කරන්නයි. අන්තර් ජාලය පුරා මේ වන විටත් වැඩි දෙනකුගේ අවධානය දිනා ගෙන තියෙනවා.

මේ ඡායාරූපයෙන් කියැවෙන්නේ මිනීමරු සුදු මෝරකුගේ ඉරණම දැක්වෙන කතාවක්. නවසීලන්තයේ මුහුදේදි ගත්තු එකක්.


නවසීලන්තයෙන් මාළු අල්ලන්න මූදු ගිය බෝට්ටුක හිටි ධීවරයකුගෙ කැමරාවට තමයි මේ පින්තූරය අහුවුණේ. ඔහුට අහුවුණු මාළුවා අත අරින්න සිද්ධ වුණා. ඒත් ඔහු අල්ල ගත්තු ‘ගොදුර’ නරක නෑනේද? ඒ ගොදුරට මිනීමරු සුදු මෝරුන් දෙදෙනකුම අහුවෙලා!

මේ පින්තූරය ලෝක ප‍්‍රකට විද්‍යාඥ චාල්ස් ඩාවින්ගේ පරිණාමවාදයේ එන උචිතෝන්නති නියමය, ඒ කියන්නේ සත්ව ලෝකයේ දී ශක්තිවන්තයා ඉතිරි වෙනවා (survival of the fittest) යන න්‍යාය ඔප්පු කළ අවස්ථාවක් හැටියට දක්වන්න පුළුවන්.

නවසීලන්තයේ කයිටෙරිටෙරී අසල මුහුදේ දී අල්ලන ලද සෑහෙන පමණ විශාල මේ මෝරා ඒ මොහොතේම එහි ආ තවත් ඊට වඩා විශාල මෝරකු විසින් ඩැහැ ගත් ආකාරය ඔහු විසින් කැමරාවට නගා තිබුණා.

පරිගණක කී‍්‍රඩාවක එන රාක්ෂයකු වූ මැන්කියුබස් (Mancubus) නමින් තමයි, මේ ඡායාරූපය අන්තර්ජාලයට මුදා හැර තියෙන්නෙ.

ඒ ධීවරයාට තමා ඇල්ලූ මෝරා බෝට්ටුව මතට ඇද ගන්න වෙලාවක් තිබුණෙ …

ලෝකයේ වටිනාම මුද්දරය වෙන්දේසියට! දැනට ඇත්තේ ලෝකෙටම එකයි!

මුද්දර එකතු කිරීම (Philately) විනෝදාංශයක් වගේම හොඳ ආදායම් මාර්ගයක්. පුංචි වුණාට තැපැල් මුද්දරයක් කියන්නේ රටක ඉතිහාසය කියාපාන කැඩපතක්. රටකින් රටකට හොඳ හිත පතුරුවමින් යන සංස්කෘතික තානාපතිවරයෙක්!

ඒ වගේ පැරණි තැපැල් මුද්දරයක් එහි මුහුණත සඳහන් වටිනාකමට හුඟක් වැඩිවෙන වෙලාවල් තියෙනවා. එහෙම වෙන්නේ ඒවායේ ඇති දුලබකම නිසයි.

ඒ වගේ 1873 දී ලිපිගොනු ගොඩක් අස්සේ තිබී හමුවුණු පාවිච්චි කළ ශත එකේ තැපැල් මුද්දරයක් පසුව වෙළෙඳ පොළේ දී සිලිං හයකට විකුණුණා. බි‍්‍රතාන්‍ය ගයානාව (British Guiana) විසින් නිකුත් කළ ශත එකේ දම්පාට තැපැල් මුද්දරය (1c Magenta stamp) දැන් යළිත් වෙන්දේසිය සඳහා වෙළෙඳපොළට ඇවිත්. අද, වසර 141කට පසු, එයට මුද්දර වෙන්දේසියේ දී ඇමරිකන් ඩොලර් මිලියන 20ක මුදලක් ලැබේවි යැයි විශ්වාස කරනවා.

මෑතදී ‘ලොව වඩාත් වටිනාම මුද්දරය’ ලෙස හඳුන්වනු ලැබූ මේ පැති අටේ හැඩැති තැපැල් මුද්දරය 2014 ජූනි මාසයේ 17 වැනිදා ඇමරිකාවේ නිව්යෝක්හිදී ප‍්‍රසිද්ධ වෙන්දේසියේ විකිණීමට නියමිතයි.

මෙය දැනට ලෝකයේ සුරක්ෂිතව ඉතිරි වී ඇති මේ වර්ගයේ එකම මුද්දරය ලෙස සැලකෙනවා. මෙය නිකුත් කරන ලද්දේ 1856දියි. බි‍්‍රතාන්‍ය ගයානාවේ තැපැල් මහතා…

හොල්මන් පින්තූර කතන්දර පෙළක්! මේවා දැකල බය වෙන්න එපා!

රාති‍්‍ර කාලයට අඳුරේ දී ඔබව බියපත් කරන හැම රටකටම, හැම සමාජයකම තියෙනවා. ඇත්තටම හොල්මන් තියෙනවා කියල ඔප්පු කරන්න හොල්මන්වල පින්තූර ගන්න අයත් ඉන්නවා. මේ ඒ විදියට ගත්තු පින්තූර පෙළක්!


අවුරුදු ගානක් තිස්සෙ විවිධ අවස්ථාවලදි ගත්තු පින්තූර තමයි, මේ තියෙන්නේ. මෙහි ඉන්නවා, ඝාතනය කළ වහල් සේවකයන්, රෝහල්වල වධබන්ධනවලට ලක්ව මියගිය රෝගීන්, අතීතයට එක් වූ මුහුදු නැවියන් ආදී නොයෙක් අය. මොවුන්ගේ හොල්මන් කතා අහපු බොහොම දෙනෙක් බියට පත් වුණා. තාමත් අහන අයගේ ඇඟ හිරි වැටෙනවා.

MH370 මැලේසියානු ගුවන්යාන අබිරහස! ලෝකයේ අබිරහස් ලෙස අතුරුදන් වුණු ගුවන්යානා 10 මෙන්න!

පසුගිය සතියේ (මාර්තු 8 වැනිදා) අතුරුදන් වූ පිසැරි අංක එම්එච්370 මැලේසියානු මගී ගුවන්යානයට වූ දේ තවමත් අබිරහසක්. රටවල් 10 ගුවන්යානා, නැව්, චන්ද්‍රිකා රැසක් මේ අබිරහස විසඳන්න තවමත් වෙහෙසෙනවා.

ඒත් මෙය දැනටමත් නොවිසඳෙන අබිරහසක් පත් වෙන ලකුණු පහළ වෙලා!

මැලේසියානු ගුවන් සේවයට අයත් බෝයිං 777 එම්.එච්. 370 මගී යානය අබිරහස් ලෙස අතුරුදන් වූයේ ඉකුත් 8 වැනිදා මැලේසියානු වේලාවෙන් මධ්‍යම රාති‍්‍ර 12.21 ට පමණය. ඒ අවස්ථාවේදී යානය චීනයේ බීජීං නුවර බලා පියාසර කරමින් තිබුණේය. ඒ මොහොතේ සිට ආරම්භ කළ සෝදිසි මෙහෙයුම් තවමත් අවසන් නැත.

දැනට හෙළිදරවු වී තියෙන්නේ සොරකම් කළ පාස්පෝට් දෙකකින් දෙදෙනකු ඒ යානයේ ගමන් කර තිබෙන බවයි. ඒ පාස්පෝට්වල සැබෑ අයිතිකරුවන් නිරුපද්‍රිතව ඉන්නා බව බලධාරීන්ට දැනටමත් දැනුම් දී තියෙනවා.


ඒ අතර වියට්නාමයේ නාවික හමුදාව සොයා ගෙන තියෙනවා මහමුහුද මැද සැතැපුම් 12ක් දිග තෙල් පැල්ලමක්! එය එම්එච්370 මැලේසියානු මගී ගුවන්යානය කඩා වැටීමෙන් ඇති වූවක් කියලා දැනට සැක කරනවා. යානයේ ඇති සෙල්ෆෝන් කීපයක් නාද වෙන බව සොයා ගෙන තියෙනවා. ඒ ඔස්සේ යානය වැටුණු තැන සොයා ගන්නයි, දැන් වෑයම් කරන්නේ.


යානයක් ගිනිගෙන අහ…

නස්රුදින්ගේ වේළීමේ රහස! අලුත්ම නස්රුදින් කතාවක්!

නස්රුදින්ගේ පොහොසත් මිතුරෙක් ඔහුට කතා කළා, ඒ මිතුරාත් ඔහුගේ පිරිසත් එක්ක දින කීපයක් තිස්සේ දඩයමේ යන්න. මුල් ම දවසේ ඔවුන් නස්රුදින්ට දුන්නෙ බොහොම හෙමින් යන අස්සයෙක්. දඩයමට යන්න පටන් අරන් වැඩි වේලාවක් ගියේ නෑ, හෙමින් ගිය අස්සයා නිසා නස්රුදින් හුඟක් පහුවුණා. නස්රුදින්ව පහු කරලා දාලා අනෙක් පිරිස ඈතට දඩයමේ ගියා.

ලොව පළමු සෙල් ෆෝනය මේකද? වසර 75ක් පැරණි පින්තූරයේ රහස හෙළි වෙයිද?

බලන්න මේ තරුණිය ජංගම දුරකතනයක් කනේ තියා ගෙන පාර දිගේ කතා කර කර යනවා! අද නම් මේ වගේ දසුනක් ගමක පාරක වුනත් ඔබ දැක ඇතුවාට සැකයක් නැහැ. ඒත් මේ දර්ශනය කැමරාවට නඟා ඇත්තේ මීට අවුරුදු 75කට පෙරයි!

1938 දී ඇමෙරිකාවේ වීදියක ගමන් කළ මේ යුවතියගේ අතට වර්තමානයේ අප පාවිච්චි කරනා තාලේ සෙල් ෆෝනයක් (ජංගම දුරකතනයක්) ආවෙ කොහොමද?

ඒ කාලයේ මේ වගේ දෙයක් නිපදවීම තියා මෙවැන්නක් ගැන හිතලවත් නොතිබුණා නම් මෙම දර්ශනය චිත‍්‍රපටයකට ගත් නිර්මාණයක්ද? සමහර අය කීවේ චිත‍්‍රපටය තුළින් අනාගතය දැකීමක් ලෙස මෙම දසුන සලකන්න පුළුවන් කියලයි. අනාගතය පරිකල්පනය කළ අවස්ථා චිත‍්‍රපටවල ඕනෑ තරම් තිබුණා. මේ වගේ

මේ රූප පෙළ මේ වන විට යූටියුබ් (YouTube) එක හරහා ලක්ෂ තුනකට වැඩි වාර ගණනක් සංසරණය වෙලා තියෙනවා. වර්ණ චිත‍්‍රපට එන්නට පෙරාතුව කළු සුදු ක‍්‍රමයට කැමරාවට නගන ලද මෙහි රහස පසුගිය දා හෙළි වුණා. මෙම තරුණිය තමාගේ මීමිත්තණිය යැයි යුටියුබ් ග‍්‍රාහකයෙක් හෙළි කළා.

අනාගතයට යාමක් ද? මෙහි දැක්වෙන්නේ ඇමරිකාවේ ඩුපොන්ට් ආයතනයෙන් පිට වී යන තරුණ සේවිකාවන් පිරිසක්. එයින් එක් තරුණියක් අතේ ඇති ජංගම දුරකතනයකින් කතා කරමින් යනවා ඔබට පෙනෙනවා ඇති. වසර 75කට …

දියණිය උපන් මොහොතේ පියා ගත් පින්තූරය අන්තර් ජාලය කළඹයි! වෛද්‍යවරයාගේ අතේ එල්ලී එළියට ආ ළදැරිය මෙන්න!

ජීවිතයේ විස්මිත මොහොතවල් ඡායාරූපයට නැඟීම වාසනාවත් එක්ක සිදු වන දෙයක්. එහෙම වාසනාවක් ලද මාපිය යුවලක් තමන් ගත් ජීවිතයේ අමතක නොවන පින්තූරය ‘මුහුණු පොතේ’ පළ කළා. මොහොතකින් එය අන්තර්ජාලය පුරා ‘කුණාටුවක්’ මෙන් හඹා ගියා.

මෙලොව එළිය දකින්න මොහොතකට පෙර පුංචි නෙවායි මව් කුස හිඳිමින් තම උදව්වට ආ වෛද්‍යවරයාගේ ඇඟිල්ලේ එල්ලූන හැටි!
මේ වාසනාවන්ත අත්දැකීම ලැබුවේ ඇමරිකාවේ ඇරිසෝනාවේ ග්ලෙන්ඬේල්හී ඇලිසියා හා රැන්ඩි ඇට්කින්ස් යුවලයි. 2012 අවුරුද්දේ ඔක්තෝබර 9 වැනිදා ඇලිසියා සිය දියණිය, බිහි කරන්නට රෝහල් ගත වී සිටියා. සිසේරියන් සැත්කමකින් තමයි දියණියගේ ප‍්‍රසූතිය සිද්ධ කෙරුණේ. කුඩා බිලිඳිය මව කුස තුළින් මෙලොව එළිය බලන්නට එම සැත්කම කළ වෛද්‍යවරයා උදවු කරද්දී ඇය ඔහුගේ ඇඟිල්ලෙන් අල්ලා ගත් හැටි ඇගේ පියා විසින් ඡායාරූපයට නඟා තියෙනවා.

මේ පිළිබඳව එදා ඒ මොහොතේ ඔවුන් එය ලෝකයට ප‍්‍රකාශ කළේ නැහැ. දියණියට මාස තුනක් වන තෙක් රහසක් වශයෙන් තබා ගෙන සිටි ඒ ඡායාරූපය මුහුණු පොතට එක් කළේ ගිය සතියේයි. හරියටම මාස තුනක් පිරුණ දායි.

ඇට්කින්ස් යුවල ‘3ටීවී’ රූපවාහිනී ආයතනයේ ප‍්‍රවෘත්ති වැඩසටහනකට විත් ඒ ගැන මෙසේ අදහස් පළ කළා. පියා කී…

මුල්ම ඇපල් 1 පරිගණකය ලෝක වාර්තාවක් තියයිද? ඇපල් සමාගමේ ආරම්භය හෙළිකරන මෙතෙක් පළ නොවූ ඡායාරූපයක්!

ඇපල් පරිගණකය පටන් ගත් හැටි දැන් දකින කොටත් පුදුම හිතෙනවා. ඒ මුල් ම ඇපල් පරිගණකය අළෙවි කරන්න ගෙනියන්න පෙර පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුගිය දා ප‍්‍රථමවරට හෙළිදරවු වුණා.

මේ ඡායාරූපයට නගා තියෙන්නේ 1976 දියි. එතකොට ස්ටීව් ජොබ්ස්ට (Steve Jobs) වයස 21යි. ඔහුගේ මිතුරු ස්ටීව් වොස්නියැක් (Steve Wozniak) සමග එක්ව ඔවුන් දෙදෙනා මේ මුල්ම ඇපල් පරිගණක තැනුවේ ස්ටීව් ජොබ්ස්ගේ මාපියන්ගේ ගෙදර ගරාජයකයි. ඔවුන් ඒ තැනූ මූල් පරිගණක 50 තැන්පත් කරල තිබුණු ආකාරය දැක්වෙන මේ විරල ඡායාරූපය නිකුත් කරනු ලැබුවේ ලබන නොවැම්බර් 16 වැනිදා වෙන්දේසියට තැබෙන දැනට හොඳම තත්වයේ ඇති පැරණි ම ඇපල් පරිගණකය එළි දැක්වීම වෙනුවෙන්.

මෙය දැනට ලෝකයේ ඇති වටිනාම සන්නම ලෙස සැලකෙන ඇපල් පරිගණකයේ ආරම්භක තත්වය තේරුම ගන්නත් හොඳ අවස්ථාවක්. මේ සන්නමෙහි අද වටිනාකම පවුම් බිලියන 60ක්.

ඇපල් පරිගණකයේ ආරම්භය දැක්වෙන මේ කිසිදා එළියට නො පැමිණි ඡායාරූපයක්. ඒ මුල් ම ඇපල් පරිගණකය අළෙවි කරන්න ගෙනියන්න පෙර 1976 දී පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුග…

මහා භූමිකම්පාවකින් පසු පාකිස්ථාන මුහුදෙන් මතු වූ ලෝකයේ අලූත් ම දූපත!

2013දී පාකිස්ථානයේ ප‍්‍රබල භූමිකම්පාවක් ඇති වුණා. 7.8ක් වූ ඒ භූමිකම්පාවෙන් පාකිස්ථාන අසල මුහුදේ අලූත් දූපතක් මතු වුණා.

සල්සාලා කෝහ් (Zalzala Koh) යනුවෙන් ඒ දූපත නම් කරලා තියෙනවා. දාල්බන්දින්වලට සැතැපම් 145ක් ගිනිකොන දෙසින් හටගත් මේ භූම්කම්පාව නිසා දැන් එය බලන්න සංචාරකයන් වගේම පාකිස්ථාන වැසියන් වැල නොකැඩි එනවා. ඒ දූපතටත් ගොඩ වෙනවා. ගිනිගන්නාසුලූ වායුව, විස දුම් ආදිය ඇති බව අනතුරු හැෙඟව්වත් ඒවා ගනන් නොගෙනයි, ඔවුන් එහි එන්නෙ.

ඒ දූපතේ පිපිරුණු මඩ, වැලි, ගල් මුසු බිම මත මුහුදු සතුන්ගේ මළ සිරුරු, විශේෂයෙන් ම මාළුන් මළකුණු පිරිලා තියෙනවා.

මෙන්න ලෝකයේ අලූත් ම දූපත අහසට පෙනෙන හැටි. මේ මඩ කන්ද මීටර් 15ක් 20ක් විතර උස ඇති. මිනිසුන්ට ඒ මත ඇවිද ගෙන යා හැකි තරමට එහි බිම ඝනකම් කියලයි, කියන්නෙ.
මේ පින්තූර නාසා ආයතනයේ පෘථිවි නිරීක්ෂණ චන්ද්‍රිකා - 1 හා ලැන්ඞ් සැට් 8 චන්ද්‍රිකාවලින් ඒ දූපත මතු වුණු දවස්වල ගත්තු ඒවායි.

දූපත වටේට ඇති ළා කොළ හා තඹ පැහැති කොටස්වලින් පෙනෙන්නේ මුහුදේ නොගැඹුරු බව හෝ අවට ඇති අවසාදිත තට්ටුවයි.

මේ අලූත් දූපත මතු වූ හරියේ ගැඹුර මීටර් 15ත් 20ත් අතර වෙනවා. මෙහෙම කියන්නේ පාකිස්ථානය…