Skip to main content

මහ පොළොවේ ඇති වතුර එක බුබුළකට ගත්තොත්! සැතැපුම් 860ක ‘පුංචි’ වතුර බුබුළක්!


ජලය, දිය, වතුර, පැන්, අඹ, සිලිල්, උදක, නි, රස, තෝ, අම ආදී නොයෙක් නම්වලින් හැඳින්වෙන වතුර අප ඉදිරියේ විවිධ ස්වරූපයෙන් තියෙනවා. වතුර නිසා හැදුණු නම්වල ගණනත් අති මහත්. වතුරෙන් සමන්විත නිසා පොළොවට ‘දියත’ කියා කියනවා.

මිහිමත ඇති ජලය අපේ ලෝකයේ වැඩි වන ජනගහනයේ පවස සන්සිඳුවන්නට ප‍්‍රමාණවත් මදි. මේ මිහිමත ඇති ජල සම්පත ඉක්මනින් ඉවර වී ගෙන යනවා. අනාගත පරපුරට ජලය ඉතිරි කර තබන්න! ජල සම්පත පරිස්සෙමින් පරිහරණය කරන්න! පානීය ජලය සුරකින්න! ජල දූෂණය වළක්වන්න! මෙවැනි කියමන් ඔබ කොතෙකුත් අසා ඇතුවා නිසැකය.

අපේ ජල සම්පතේ ප‍්‍රමාණය ගැන සිතා ගත නොහැකි නිසා මේ කියමන්වල ඇති බරපතල කම වුනත් ඔබට නිසි ලෙස තක්සේරු කළ නොහැකියි.

පසුගියදා අපේ ජල සම්පත පිළිබඳ අපූරු ‘පින්තූරයක්’ අපට දැක ගන්න ලැබුණා. ඇමරිකා එක්සත් ජනපදයේ භූවිද්‍යා සමීක්ෂණ දෙපාර්තමේන්තුව විසින් නිකුත් කළ මිනුම් දත්ත අනුව ලෝකයේ ඇති ජලය ප‍්‍රමාණය එක ජල බිඳුවකට හෙවත් දිය බුබුළකට කැටි කළ හොත් ඒ ජල බුබුළ සැතැපුම් 860ක් පළල එකක් වනු ඇතැයි සඳහන් වෙනවා.

පොළොව මතුපිට ජලයෙන් වැසී ඇති ප‍්‍රමාණය සියයට 70ක් වුනත් එය ඇත්තේ ඉතාමත් තුනී ස්තරයක් හැටියටයි.

සෑම සාගරයක් ම, සෑම මුහුදක් ම, සෑම ගඟක් ඇළදොළක් ම පමණක් නොව පොළොවට යට සැඟවී ඇති ජලය සියල්ල එකට කැටි කොට ගෙන පෘථිවිය හා සසඳමින් තැබුවොත් පෙනෙන්නේ ‘පුංචි’ දිය බුබුළක් හැටියටයි. (රූපය බලන්න.)

”ඔබ දන්නා විදියට පෘථිවිය සෑම තැනකම පාහේ දක්නට ලැබෙන්නේ ජලයයි. ඒත් මේ සියලූ ජලය එකට කැටි කළහොත් මේ ආකාරයේ නිල් පැහැති පුංචි ජල බුබුළක් සෑදෙනවා. දැන් එහි ප‍්‍රමාණය ගැන එක්තරා දුරකට හිතා ගන්න ඔබට පුළුවන් වේවි” ඇමරිකා එක්සත් ජනපදයේ භූවිද්‍යා සමීක්ෂණ දෙපාර්තමේන්තුව එම වාර්තාව ඉදිරිපත් කරමින් සඳහන් කරනවා.

පෘථිවියේ සමස්ත ජලයෙන් සියයට 95ක් ඇත්තේ සාගරවලයි.

ඒ හැරෙන්නට වලාකුළු හා ජල වාෂ්ප ලෙසින් වායුගෝලය තුළත්, වැව්, පොකුණු, ගංගා, ඇළදොළ ආදියෙහිත් ජලය තියෙනවා. හිම තට්ටු, ග්ලැසියර ආදියෙහි පමණක් නොව සියලූ ජීවීන්ගේ සිරුරු තුළත් ජලය තියෙනවා. අපේ සිරුරේත් ජලය සියයට 57ක් පමණ තියෙනවා. මේ සියලූ ජලය කැටි කොට ගත්තොත් තමා මේ රූපයේ ඇති ජල බුබුළ සෑදෙන්නේ.

පොළොව මතුපිට ඇති ජලයෙන් වැඩි හරියක්, එනම් සියයට 96ක් ඇත්තේ ලූණු මිශ‍්‍ර ජලයයි. එනම් කරදියයි.

එහෙත් අපට වඩාත් වැදගත් වන්නේ මිරිදියයි. ඒ අප ඇතුළු සමස්ත ලෝකවාසීන්ගේත්, සියලූ ජීවීන්ගේත් ජීවය පවත්වා ගෙන යාමට උපකාර වන්නේ මිරිදිය වන නිසයි. අපට එදිනෙදා ජීවිතය පවත්වා ගෙන යාමට මේ පිරිසිදු ජලය අපට නැතුව ම බැහැ. පෘථිවිය මත ඇති මේ ජලය ප‍්‍රමාණය කොතරම් දැයි ඔබට පහසුවෙන් දැක ගත හැකියි. එසේ ම ජල චක‍්‍රය අනුව ලැබෙන වැස්සත් එයින් වැටෙන වැසි ජලයෙන් වැව් ගංගා ඇළ දොළ පිරෙන ආකාරයත් ඔබට දැක ගන්න පුළුවන්.

 
පෘථිවිය මතුපිට ඇති ජලය ප‍්‍රමාණය සියයට 70ක් වුවත් එය ඇත්තේ ඉතා තුනී ස්තරයක් හැටියටයි.

ඒත් ඔබේ දෙපා යටින් ඇති ඔබට නොපෙනෙන ජලයත් ඔබේ ජීවිතය පවත්වා ගෙන යාමට අත්‍යවශ්‍ය සාධකයක්. සති ගණනක් වැසි නොලැබුණහොත් ගංගාවල ගලන ජලයට මොකද වෙන්නේ? එසේ ම ඔබ අවට පරිසරයට ගහකොළවලට මොකද වෙන්නේ? ඒ තත්වය ඔබ දකින්නේ කොහොමද? ඒ තත්වය ඔබේ සිරුරට දැනෙන්නේ කොහොමද?

මේ ගැන හිතන කොට ඔබට පානීය ජලය මෙන් ම අප අවට අපට නොපෙනෙන්නට පවතින ජලය ද එකසේ වැදගත් බව තේරුම් යනවා නිසැකයි. බීමට ගන්නා ජලයට වඩා වැඩි ජල ප‍්‍රමාණයක් ඔබේ ජීවිතය පවත්වා ගෙන යාමට අවශ්‍ය බව පැහැදිලි වෙනවා ඇති.

Comments

  1. මේ කතාව මටනම් තේරෙනවා අඩුයි. අපි ජීවත්වෙන භූමි ප්‍රමාණය සියයට 30ක් නම් කොහොමද සියයට 70ක් වුණු ජලය ප්‍රමාණය මේ තරම් කුඩා වෙන්නේ. අනික මුහුදේ ජලය සියුම් ස්ථරයක් නොවේනේ. මේ ලිපිය ගැටලු සහගතයි. පහදා දෙන්න.

    ReplyDelete
  2. අඥාත මිතුරාට, පොළොවේ අර්ධ විෂ්කම්භය කිලෝමීටර් 6 378 100ක්. ඒ පොළොව මැදට ඇති දුරයි. සාගරයේ ගැඹුරුම තැන මරියානා අගාධයෙහි ගැඹුර කිලෝමීටර් 11 000යි. ජලය ස්තරයේ මහත තුනීද නැද්ද ? පොළොවේ මතුපිට ක්ෂේත‍්‍රඵලය වර්ග කිලෝමීටර් 510 072 000යි. මතුපිට ඇති ජලය ප‍්‍රමාණය වර්ග කිලෝමීටර් 361132000 ක්. මතුපිට භූමි ප‍්‍රමාණය වර්ග කිලෝමීටර් 148 300 000 ක්. අපේ ලිපියේ කතා කළේ ක්ෂේත‍්‍ර ඵලය ගැනයි. ඔබම ගණන් හදල බලන්න. පොදු සම්මුතියට අනුව පොළොව වසා ගෙන ඇති ජලයෙහි ප‍්‍රතිශතය 70.8ක්. භූමි ප‍්‍රමාණය සියයට 29.2ක්.
    සංස්කාරක, මල්කැකුළු

    ReplyDelete
  3. ඒ කියන්නෙ පොලොවෙ පරිමාවෙන් දස ලක්ෂයෙන් පංගුවයි වතුර(0.00000126)

    ReplyDelete
  4. @ Percy Jayamanna said...

    කිලෝමීටර් නෙමෙයි, මිටර් 6 378 100 යි...
    මිටර් 11 000 යි

    ReplyDelete
  5. කිලෝමීටර් නෙමෙයි, මීටර් 6 378 100, මීටර් 11 000

    කිලෝමීටර් නම් 6 378 , 11 යි...

    ReplyDelete

Post a Comment

Popular posts from this blog

ලෝකයේ වටිනාම මුද්දරය වෙන්දේසියට! දැනට ඇත්තේ ලෝකෙටම එකයි!

මුද්දර එකතු කිරීම (Philately) විනෝදාංශයක් වගේම හොඳ ආදායම් මාර්ගයක්. පුංචි වුණාට තැපැල් මුද්දරයක් කියන්නේ රටක ඉතිහාසය කියාපාන කැඩපතක්. රටකින් රටකට හොඳ හිත පතුරුවමින් යන සංස්කෘතික තානාපතිවරයෙක්!

ඒ වගේ පැරණි තැපැල් මුද්දරයක් එහි මුහුණත සඳහන් වටිනාකමට හුඟක් වැඩිවෙන වෙලාවල් තියෙනවා. එහෙම වෙන්නේ ඒවායේ ඇති දුලබකම නිසයි.

ඒ වගේ 1873 දී ලිපිගොනු ගොඩක් අස්සේ තිබී හමුවුණු පාවිච්චි කළ ශත එකේ තැපැල් මුද්දරයක් පසුව වෙළෙඳ පොළේ දී සිලිං හයකට විකුණුණා. බි‍්‍රතාන්‍ය ගයානාව (British Guiana) විසින් නිකුත් කළ ශත එකේ දම්පාට තැපැල් මුද්දරය (1c Magenta stamp) දැන් යළිත් වෙන්දේසිය සඳහා වෙළෙඳපොළට ඇවිත්. අද, වසර 141කට පසු, එයට මුද්දර වෙන්දේසියේ දී ඇමරිකන් ඩොලර් මිලියන 20ක මුදලක් ලැබේවි යැයි විශ්වාස කරනවා.

මෑතදී ‘ලොව වඩාත් වටිනාම මුද්දරය’ ලෙස හඳුන්වනු ලැබූ මේ පැති අටේ හැඩැති තැපැල් මුද්දරය 2014 ජූනි මාසයේ 17 වැනිදා ඇමරිකාවේ නිව්යෝක්හිදී ප‍්‍රසිද්ධ වෙන්දේසියේ විකිණීමට නියමිතයි.

මෙය දැනට ලෝකයේ සුරක්ෂිතව ඉතිරි වී ඇති මේ වර්ගයේ එකම මුද්දරය ලෙස සැලකෙනවා. මෙය නිකුත් කරන ලද්දේ 1856දියි. බි‍්‍රතාන්‍ය ගයානාවේ තැපැල් මහතා…

MH370 මැලේසියානු ගුවන්යාන අබිරහස! ලෝකයේ අබිරහස් ලෙස අතුරුදන් වුණු ගුවන්යානා 10 මෙන්න!

පසුගිය සතියේ (මාර්තු 8 වැනිදා) අතුරුදන් වූ පිසැරි අංක එම්එච්370 මැලේසියානු මගී ගුවන්යානයට වූ දේ තවමත් අබිරහසක්. රටවල් 10 ගුවන්යානා, නැව්, චන්ද්‍රිකා රැසක් මේ අබිරහස විසඳන්න තවමත් වෙහෙසෙනවා.

ඒත් මෙය දැනටමත් නොවිසඳෙන අබිරහසක් පත් වෙන ලකුණු පහළ වෙලා!

ලොව පළමු සෙල් ෆෝනය මේකද? වසර 75ක් පැරණි පින්තූරයේ රහස හෙළි වෙයිද?

බලන්න මේ තරුණිය ජංගම දුරකතනයක් කනේ තියා ගෙන පාර දිගේ කතා කර කර යනවා! අද නම් මේ වගේ දසුනක් ගමක පාරක වුනත් ඔබ දැක ඇතුවාට සැකයක් නැහැ. ඒත් මේ දර්ශනය කැමරාවට නඟා ඇත්තේ මීට අවුරුදු 75කට පෙරයි!

1938 දී ඇමෙරිකාවේ වීදියක ගමන් කළ මේ යුවතියගේ අතට වර්තමානයේ අප පාවිච්චි කරනා තාලේ සෙල් ෆෝනයක් (ජංගම දුරකතනයක්) ආවෙ කොහොමද?

ඒ කාලයේ මේ වගේ දෙයක් නිපදවීම තියා මෙවැන්නක් ගැන හිතලවත් නොතිබුණා නම් මෙම දර්ශනය චිත‍්‍රපටයකට ගත් නිර්මාණයක්ද? සමහර අය කීවේ චිත‍්‍රපටය තුළින් අනාගතය දැකීමක් ලෙස මෙම දසුන සලකන්න පුළුවන් කියලයි. අනාගතය පරිකල්පනය කළ අවස්ථා චිත‍්‍රපටවල ඕනෑ තරම් තිබුණා. මේ වගේ

මේ රූප පෙළ මේ වන විට යූටියුබ් (YouTube) එක හරහා ලක්ෂ තුනකට වැඩි වාර ගණනක් සංසරණය වෙලා තියෙනවා. වර්ණ චිත‍්‍රපට එන්නට පෙරාතුව කළු සුදු ක‍්‍රමයට කැමරාවට නගන ලද මෙහි රහස පසුගිය දා හෙළි වුණා. මෙම තරුණිය තමාගේ මීමිත්තණිය යැයි යුටියුබ් ග‍්‍රාහකයෙක් හෙළි කළා.

අනාගතයට යාමක් ද? මෙහි දැක්වෙන්නේ ඇමරිකාවේ ඩුපොන්ට් ආයතනයෙන් පිට වී යන තරුණ සේවිකාවන් පිරිසක්. එයින් එක් තරුණියක් අතේ ඇති ජංගම දුරකතනයකින් කතා කරමින් යනවා ඔබට පෙනෙනවා ඇති. වසර 75කට ප…

නස්රුදින්ගේ වේළීමේ රහස! අලුත්ම නස්රුදින් කතාවක්!

නස්රුදින්ගේ පොහොසත් මිතුරෙක් ඔහුට කතා කළා, ඒ මිතුරාත් ඔහුගේ පිරිසත් එක්ක දින කීපයක් තිස්සේ දඩයමේ යන්න. මුල් ම දවසේ ඔවුන් නස්රුදින්ට දුන්නෙ බොහොම හෙමින් යන අස්සයෙක්. දඩයමට යන්න පටන් අරන් වැඩි වේලාවක් ගියේ නෑ, හෙමින් ගිය අස්සයා නිසා නස්රුදින් හුඟක් පහුවුණා. නස්රුදින්ව පහු කරලා දාලා අනෙක් පිරිස ඈතට දඩයමේ ගියා.

දියණිය උපන් මොහොතේ පියා ගත් පින්තූරය අන්තර් ජාලය කළඹයි! වෛද්‍යවරයාගේ අතේ එල්ලී එළියට ආ ළදැරිය මෙන්න!

ජීවිතයේ විස්මිත මොහොතවල් ඡායාරූපයට නැඟීම වාසනාවත් එක්ක සිදු වන දෙයක්. එහෙම වාසනාවක් ලද මාපිය යුවලක් තමන් ගත් ජීවිතයේ අමතක නොවන පින්තූරය ‘මුහුණු පොතේ’ පළ කළා. මොහොතකින් එය අන්තර්ජාලය පුරා ‘කුණාටුවක්’ මෙන් හඹා ගියා.

මෙලොව එළිය දකින්න මොහොතකට පෙර පුංචි නෙවායි මව් කුස හිඳිමින් තම උදව්වට ආ වෛද්‍යවරයාගේ ඇඟිල්ලේ එල්ලූන හැටි!

හොල්මන් පින්තූර කතන්දර පෙළක්! මේවා දැකල බය වෙන්න එපා!

රාති‍්‍ර කාලයට අඳුරේ දී ඔබව බියපත් කරන හැම රටකටම, හැම සමාජයකම තියෙනවා. ඇත්තටම හොල්මන් තියෙනවා කියල ඔප්පු කරන්න හොල්මන්වල පින්තූර ගන්න අයත් ඉන්නවා. මේ ඒ විදියට ගත්තු පින්තූර පෙළක්!


අවුරුදු ගානක් තිස්සෙ විවිධ අවස්ථාවලදි ගත්තු පින්තූර තමයි, මේ තියෙන්නේ. මෙහි ඉන්නවා, ඝාතනය කළ වහල් සේවකයන්, රෝහල්වල වධබන්ධනවලට ලක්ව මියගිය රෝගීන්, අතීතයට එක් වූ මුහුදු නැවියන් ආදී නොයෙක් අය. මොවුන්ගේ හොල්මන් කතා අහපු බොහොම දෙනෙක් බියට පත් වුණා. තාමත් අහන අයගේ ඇඟ හිරි වැටෙනවා.

මුල්ම ඇපල් 1 පරිගණකය ලෝක වාර්තාවක් තියයිද? ඇපල් සමාගමේ ආරම්භය හෙළිකරන මෙතෙක් පළ නොවූ ඡායාරූපයක්!

ඇපල් පරිගණකය පටන් ගත් හැටි දැන් දකින කොටත් පුදුම හිතෙනවා. ඒ මුල් ම ඇපල් පරිගණකය අළෙවි කරන්න ගෙනියන්න පෙර පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුගිය දා ප‍්‍රථමවරට හෙළිදරවු වුණා.

මේ ඡායාරූපයට නගා තියෙන්නේ 1976 දියි. එතකොට ස්ටීව් ජොබ්ස්ට (Steve Jobs) වයස 21යි. ඔහුගේ මිතුරු ස්ටීව් වොස්නියැක් (Steve Wozniak) සමග එක්ව ඔවුන් දෙදෙනා මේ මුල්ම ඇපල් පරිගණක තැනුවේ ස්ටීව් ජොබ්ස්ගේ මාපියන්ගේ ගෙදර ගරාජයකයි. ඔවුන් ඒ තැනූ මූල් පරිගණක 50 තැන්පත් කරල තිබුණු ආකාරය දැක්වෙන මේ විරල ඡායාරූපය නිකුත් කරනු ලැබුවේ ලබන නොවැම්බර් 16 වැනිදා වෙන්දේසියට තැබෙන දැනට හොඳම තත්වයේ ඇති පැරණි ම ඇපල් පරිගණකය එළි දැක්වීම වෙනුවෙන්.

මෙය දැනට ලෝකයේ ඇති වටිනාම සන්නම ලෙස සැලකෙන ඇපල් පරිගණකයේ ආරම්භක තත්වය තේරුම ගන්නත් හොඳ අවස්ථාවක්. මේ සන්නමෙහි අද වටිනාකම පවුම් බිලියන 60ක්.

ඇපල් පරිගණකයේ ආරම්භය දැක්වෙන මේ කිසිදා එළියට නො පැමිණි ඡායාරූපයක්. ඒ මුල් ම ඇපල් පරිගණකය අළෙවි කරන්න ගෙනියන්න පෙර 1976 දී පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුග…

දුර්ලභ ගණයේ සේයා රුවක්! නවසීලන්තයේ ධීවරයකුගේ නවතම ගොදුරක්!

මෙය ලියැවෙන්නේ කලාතුරකින් හමු වන ඡායාරූපයක් ඔබ වෙත ඉදිරිපත් කරන්නයි. අන්තර් ජාලය පුරා මේ වන විටත් වැඩි දෙනකුගේ අවධානය දිනා ගෙන තියෙනවා.

මේ ඡායාරූපයෙන් කියැවෙන්නේ මිනීමරු සුදු මෝරකුගේ ඉරණම දැක්වෙන කතාවක්. පසුගිය සතියෙදි නවසීලන්තයේ මුහුදේදි ගත්තු එකක්.

මහා භූමිකම්පාවකින් පසු පාකිස්ථාන මුහුදෙන් මතු වූ ලෝකයේ අලූත් ම දූපත!

පසුගියදා පාකිස්ථානයේ ප‍්‍රබල භූමිකම්පාවක් ඇති වුණා. 7.8ක් වූ ඒ භූමිකම්පාවෙන් බලූකිස්ථානය අසල මුහුදේ අලූත් දූපතක් මතු වුණා. ලෝකයේ අලූත් ම දූපත එයයි.

සල්සාලා කෝහ් (Zalzala Koh) යනුවෙන් ඒ දූපත නම් කරලා තියෙනවා. දාල්බන්දින්වලට සැතැපම් 145ක් ගිනිකොන දෙසින් හටගත් මේ භූම්කම්පාව නිසා දැන් එය බලන්න සංචාරකයන් වගේම පාකිස්ථාන වැසියන් වැල නොකැඩි එනවා. ඒ දූපතටත් ගොඩ වෙනවා. ගිනිගන්නාසුලූ වායුව, විස දුම් ආදිය ඇති බව අනතුරු හැෙඟව්වත් ඒවා ගනන් නොගෙනයි, ඔවුන් එහි එන්නෙ.

ඒ දූපතේ පිපිරුණු මඩ, වැලි, ගල් මුසු බිම මත මුහුදු සතුන්ගේ මළ සිරුරු, විශේෂයෙන් ම මාළුන් මළකුණු පිරිලා තියෙනවා.

මෙන්න ලෝකයේ අලූත් ම දූපත අහසට පෙනෙන හැටි. මේ මඩ කන්ද මීටර් 15ක් 20ක් විතර උස ඇති. මිනිසුන්ට ඒ මත ඇවිද ගෙන යා හැකි තරමට එහි බිම ඝනකම් කියලයි, කියන්නෙ.

MH370 මැලේසියානු ගුවන්යාන අබිරහස : නියමුවාම යානය බලෙන් ගෙන ගියාද?

2014 මාර්තු 16 වැනිදා

අනතුරට පත් යානයේ නියමුවා වූ සහාරි අහමඞ් ෂා දේශපාලන උමතුවකින් පෙළෙන්නකු ලෙස දැන් සැක කරනවා. එම්එච්370 යානය නියමුවා ලෙස සේවයට වාර්තා කරන්නට පෙර ඔහු මැලේසියාවේ විරුද්ධ පක්ෂ නායකයා වූ අන්වර් ඒබ‍්‍රහම්ට එරෙහිව පැවති නඩු විභාගයට බලන්නට ගිය බවක් ෆෙඩරල් පරීක්ෂක නිලධාරින් කියනවා.