Skip to main content

විස්මිත උඩුගුවන් ගමනක්! එඞ් වයිට් ජෙමිනි IV යානයෙන් පිටතට ඇවිත් ඇවිද්ද හැටි!

1965 ජූනි 3 වැනිදා එඞ් වයිට් මිනිත්තු 23ක් උඩු ගුවනේ ඇවිදිමින් උඩු ගුවනේ ඇවිද්ද ප‍්‍රථම ඇමරිකානු ජාතික අභ්‍යවකාශගාමීයා වුණා. පුදුමයක් නෙවෙයි, වයිට්ට ආපසු යානයට එන්න බෑ කියල හිතුණු එක!

අමුතුවෙන් කියන්න දෙයක් නෑ, ඒක අමුතුම නවමු අත්දැකීමක්. පහළ පාලක මැදිරියෙ සිටි අයට ඔහුව ඇවිදීම නතර කරවලා ආපසු අභ්‍යවකාශ යානයට ගන්න එක අපහසු දෙයක් වුණා.

වයිට් කියන්නේ සිය ජීවිතයේ දුක්බර ම අවස්ථාව ආපසු යානයට එන්න සිදු වුණු වේලේ උදා වුණා කියලයි.

උඩු ගුවනේ ඇවිද්ද පය: 1965 දී එඞ් වයිට් ඒ ඓතිහාසික ගමනේ යෙදෙමින්.

කොහොම වුනත්, බිම පාලක මැදිරිය දැන සිටියා ඔහුට තවත් වේලාවක් එළියේ රැඳී සිටිය නොහැකි බව. ඔහු තවත් රැඳී සිටියා නම් බර්මියුඩාවේ අහසේ රඳවා තිබුණු ගුවන්යානයට තවදුරටත් ඔහුව නිරීක්ෂණය කළ නොහැකි වෙනවා, අඳුර වැටෙන නිසා.

මේ ඓතිහාසික අවස්ථාව පසුගියදා YouTube එකෙන් බලා ගත් පේ‍්‍රක්ෂකයන් විස්මයෙන් ඇළලී ගියා. තවමත් නුදුටුවා නම් ඔබටත් මෙතැනින් නරඹන්න පුළුවන්.

ජෙමිනි IV යානයෙන් පිටතට ආ වයිට් ඒ වන විට පෘථිවි කක්ෂයේ යමින් සිටියේ පැයට සැතැපුම් 18,000ක වේගයකින්. ඔහු සිටියේ හවායිවලට සැතැපුම් 178ක් ඉහළින් අහසේයි.

වයිට් අභ්‍යවකාශ යානයට සම්බන්ධ වෙලා සිටියේ අඩි 25ක් දිග ඔක්සිජන් සපයන ‘පෙකණිවැලක්’ බඳු නාලයක් හා සවිමත් රැහැනකින්, ඒ දෙකම එකට වෙලා තිබුණේ රනින් කළ පටියකින්.

ඔහු කක්ෂගතව සැතැපුම් 6,500ක දුරක් යානය හා යා වී හිඳිමින් ඉහළ අහසේ සිත් සේ ඔබ මොබ ගමන් කළා.
ඔහු අභ්‍යවකාශ යානයට සම්බන්ධ වෙලා සිටියේ අඩි 25ක් දිග ඔක්සිජන් සපයන ‘පෙකණිවැලක්’ බඳු නාලයක් හා අඩි 23ක් දිග සවිමත් කඹයකින්. ඒ දෙකම එකට තනි රැහැනක් ලෙස රනින් කළ පටියකින් වෙළා තිබුණා. ඔහු අවට උඩු ගුවනේ ඇවිද්දේ නයිට‍්‍රජන් වායුවෙන් බලය සැපයූ තුවක්කුවකින්.

ඔහුගේ හෙල්මටයේ වයිසරය රනින් ආලේප කර තිබුණා. ඒ හිරුගෙන් එන නොපෙරුණු කිරණවලින් හානියක් නොවනු පිණිසයි. ඔහුගේ ඇඳුම් කට්ටලය ඇතුළතින් ඔක්සිජන්වලින් සම්පීඩනය කර තිබුණා.

දැන් ඒ උඩුගුවන් ගමන YouTube එකෙන් ඔබටත් දැක ගන්න පුළුවන්.

එඞ් වයිට් උඩුගුවනේ ඇවිද්ද ප‍්‍රථම ඇමෙරිකානුවා වුණාට ඒ කාර්යය මුලින් ම කළ ලෝකවාසියා වන්නේ රුසියානු ජාතික ඇලෙක්සි ලියනොෆ්. ඔහු ඒක කළේ 1965 මාර්තු 18 වැනිදා. ඒකෙන් ඇති වූ ලජ්ජාව වහගන්න තමයි ඇමෙරිකාව ඔවුන්ගේ උඩුගුවනේ ඇවිදීම සිදු කළේ. රුසියානුවාගේ උඩුගුවනේ ඇවිදීම පෙන්වන්න විදියක් නෑ. ඒත් ප‍්‍රචාරක වැඩක් හැටියට කළ නිසා ඇමරිකානුවාගේ උඩුගුවන් ගමනේ වීඩියෝවක් YouTube එකට නිකුත් කරල තියෙනවා. උඩුගුවන් ගමනක අත්දැකීම ඔබටත් ලබා ගන්න ඒ වීඩියෝවෙන් පුළුවන්.

වයිට් යානය අවට උඩු ගුවනේ ඇවිද්දේ නයිට‍්‍රජන් වායුවෙන් බලය සැපයූ තුවක්කුවකින්.

 
මුලින් ම උඩු ගුවනේ ඇවිද්දෙ රුසියානු ජාතිකයෙක්, ඒ, මේ ගමනට මාස කීපයකට කලින්.

1965ත් 1966ත් අතර සිදු කළ ඇමරිකානු ජෙමිනි මෙහෙයුම්වලින් කණ්ඩායම් 10ක් උඩුගුවනට ගිහින් තියෙනවා. ඒ ගමන්වලින් ලත් අත්දැකීම් තමයි, ඇමරිකාවේ නාසා ආයතනයට හඳ ගමනට උපකාර වුණේ.

මේ උඩුගුවන් චාරිකාව නිම කර ආපසු පොළොවට ආ එඞ් වයිට්ගේ යානය සොයා ගන්න ගුවන්යානා 134ක් හා නැව් 26ක් යොදවලා තිබුණා.

උඩුගුවන් ගමනේ වීඩියෝ පටිය:

Comments

  1. ඇමරිකාව සෑම විටකම පාහේ රුසියාවට පසු පසින් තමයි ඉන්නේ. මම අහලා තියෙනවා අභ්‍යාවකාශයේ දී ලිවීම සඳහා පෑනක් නිර්මාණය කිරීමට ඇමරිකාව ඩොලර් මිලියන ගණනක් පරීක්ෂණ සඳහා වියදක් කලා කියලා. ඒත් රුසියානුවන් ඒ වෙනුවට තමන්ගේ අභ්‍යාවකාශගාමියා අතට පැන්සලක් දුන්නාලු :)ඒ වගේමයි රුසියාවේ මිග් යානයේ හැකියාවන්ට සමීප වන්නට යානයක් තනන්නට තවමත් ඇමරිකානුවන් හට නොහැකි වී ඇති බවත් කියනවා

    ReplyDelete
  2. @mahasona

    මචන් ඇමරිකානුවන් රුසියානුවන්ට වැඩ හුගාක් ඉදිරියෙන් ඉන්නේ හැමපත්තකින්ම wage එක penawa rusiyawata ගියපුවාම එක නෙමෙයි ඇමරිකාව ඩොලර් මිලියන ganan wiydam karala panak haduwe pansalak geniyanna barikama නිසා නෙමෙයි pansalak aran gihin liyanakota බැරිවෙලාවත් thuda kadila pawela gihin kage hari ahe wadunoth කියල.

    ReplyDelete

Post a Comment

Popular posts from this blog

ලෝකයේ වටිනාම මුද්දරය වෙන්දේසියට! දැනට ඇත්තේ ලෝකෙටම එකයි!

මුද්දර එකතු කිරීම (Philately) විනෝදාංශයක් වගේම හොඳ ආදායම් මාර්ගයක්. පුංචි වුණාට තැපැල් මුද්දරයක් කියන්නේ රටක ඉතිහාසය කියාපාන කැඩපතක්. රටකින් රටකට හොඳ හිත පතුරුවමින් යන සංස්කෘතික තානාපතිවරයෙක්!

ඒ වගේ පැරණි තැපැල් මුද්දරයක් එහි මුහුණත සඳහන් වටිනාකමට හුඟක් වැඩිවෙන වෙලාවල් තියෙනවා. එහෙම වෙන්නේ ඒවායේ ඇති දුලබකම නිසයි.

ඒ වගේ 1873 දී ලිපිගොනු ගොඩක් අස්සේ තිබී හමුවුණු පාවිච්චි කළ ශත එකේ තැපැල් මුද්දරයක් පසුව වෙළෙඳ පොළේ දී සිලිං හයකට විකුණුණා. බි‍්‍රතාන්‍ය ගයානාව (British Guiana) විසින් නිකුත් කළ ශත එකේ දම්පාට තැපැල් මුද්දරය (1c Magenta stamp) දැන් යළිත් වෙන්දේසිය සඳහා වෙළෙඳපොළට ඇවිත්. අද, වසර 141කට පසු, එයට මුද්දර වෙන්දේසියේ දී ඇමරිකන් ඩොලර් මිලියන 20ක මුදලක් ලැබේවි යැයි විශ්වාස කරනවා.

මෑතදී ‘ලොව වඩාත් වටිනාම මුද්දරය’ ලෙස හඳුන්වනු ලැබූ මේ පැති අටේ හැඩැති තැපැල් මුද්දරය 2014 ජූනි මාසයේ 17 වැනිදා ඇමරිකාවේ නිව්යෝක්හිදී ප‍්‍රසිද්ධ වෙන්දේසියේ විකිණීමට නියමිතයි.

මෙය දැනට ලෝකයේ සුරක්ෂිතව ඉතිරි වී ඇති මේ වර්ගයේ එකම මුද්දරය ලෙස සැලකෙනවා. මෙය නිකුත් කරන ලද්දේ 1856දියි. බි‍්‍රතාන්‍ය ගයානාවේ තැපැල් මහතා…

MH370 මැලේසියානු ගුවන්යාන අබිරහස! ලෝකයේ අබිරහස් ලෙස අතුරුදන් වුණු ගුවන්යානා 10 මෙන්න!

පසුගිය සතියේ (මාර්තු 8 වැනිදා) අතුරුදන් වූ පිසැරි අංක එම්එච්370 මැලේසියානු මගී ගුවන්යානයට වූ දේ තවමත් අබිරහසක්. රටවල් 10 ගුවන්යානා, නැව්, චන්ද්‍රිකා රැසක් මේ අබිරහස විසඳන්න තවමත් වෙහෙසෙනවා.

ඒත් මෙය දැනටමත් නොවිසඳෙන අබිරහසක් පත් වෙන ලකුණු පහළ වෙලා!

නස්රුදින්ගේ වේළීමේ රහස! අලුත්ම නස්රුදින් කතාවක්!

නස්රුදින්ගේ පොහොසත් මිතුරෙක් ඔහුට කතා කළා, ඒ මිතුරාත් ඔහුගේ පිරිසත් එක්ක දින කීපයක් තිස්සේ දඩයමේ යන්න. මුල් ම දවසේ ඔවුන් නස්රුදින්ට දුන්නෙ බොහොම හෙමින් යන අස්සයෙක්. දඩයමට යන්න පටන් අරන් වැඩි වේලාවක් ගියේ නෑ, හෙමින් ගිය අස්සයා නිසා නස්රුදින් හුඟක් පහුවුණා. නස්රුදින්ව පහු කරලා දාලා අනෙක් පිරිස ඈතට දඩයමේ ගියා.

ලොව පළමු සෙල් ෆෝනය මේකද? වසර 75ක් පැරණි පින්තූරයේ රහස හෙළි වෙයිද?

බලන්න මේ තරුණිය ජංගම දුරකතනයක් කනේ තියා ගෙන පාර දිගේ කතා කර කර යනවා! අද නම් මේ වගේ දසුනක් ගමක පාරක වුනත් ඔබ දැක ඇතුවාට සැකයක් නැහැ. ඒත් මේ දර්ශනය කැමරාවට නඟා ඇත්තේ මීට අවුරුදු 75කට පෙරයි!

1938 දී ඇමෙරිකාවේ වීදියක ගමන් කළ මේ යුවතියගේ අතට වර්තමානයේ අප පාවිච්චි කරනා තාලේ සෙල් ෆෝනයක් (ජංගම දුරකතනයක්) ආවෙ කොහොමද?

ඒ කාලයේ මේ වගේ දෙයක් නිපදවීම තියා මෙවැන්නක් ගැන හිතලවත් නොතිබුණා නම් මෙම දර්ශනය චිත‍්‍රපටයකට ගත් නිර්මාණයක්ද? සමහර අය කීවේ චිත‍්‍රපටය තුළින් අනාගතය දැකීමක් ලෙස මෙම දසුන සලකන්න පුළුවන් කියලයි. අනාගතය පරිකල්පනය කළ අවස්ථා චිත‍්‍රපටවල ඕනෑ තරම් තිබුණා. මේ වගේ

මේ රූප පෙළ මේ වන විට යූටියුබ් (YouTube) එක හරහා ලක්ෂ තුනකට වැඩි වාර ගණනක් සංසරණය වෙලා තියෙනවා. වර්ණ චිත‍්‍රපට එන්නට පෙරාතුව කළු සුදු ක‍්‍රමයට කැමරාවට නගන ලද මෙහි රහස පසුගිය දා හෙළි වුණා. මෙම තරුණිය තමාගේ මීමිත්තණිය යැයි යුටියුබ් ග‍්‍රාහකයෙක් හෙළි කළා.

අනාගතයට යාමක් ද? මෙහි දැක්වෙන්නේ ඇමරිකාවේ ඩුපොන්ට් ආයතනයෙන් පිට වී යන තරුණ සේවිකාවන් පිරිසක්. එයින් එක් තරුණියක් අතේ ඇති ජංගම දුරකතනයකින් කතා කරමින් යනවා ඔබට පෙනෙනවා ඇති. වසර 75කට ප…

දියණිය උපන් මොහොතේ පියා ගත් පින්තූරය අන්තර් ජාලය කළඹයි! වෛද්‍යවරයාගේ අතේ එල්ලී එළියට ආ ළදැරිය මෙන්න!

ජීවිතයේ විස්මිත මොහොතවල් ඡායාරූපයට නැඟීම වාසනාවත් එක්ක සිදු වන දෙයක්. එහෙම වාසනාවක් ලද මාපිය යුවලක් තමන් ගත් ජීවිතයේ අමතක නොවන පින්තූරය ‘මුහුණු පොතේ’ පළ කළා. මොහොතකින් එය අන්තර්ජාලය පුරා ‘කුණාටුවක්’ මෙන් හඹා ගියා.

මෙලොව එළිය දකින්න මොහොතකට පෙර පුංචි නෙවායි මව් කුස හිඳිමින් තම උදව්වට ආ වෛද්‍යවරයාගේ ඇඟිල්ලේ එල්ලූන හැටි!

හොල්මන් පින්තූර කතන්දර පෙළක්! මේවා දැකල බය වෙන්න එපා!

රාති‍්‍ර කාලයට අඳුරේ දී ඔබව බියපත් කරන හැම රටකටම, හැම සමාජයකම තියෙනවා. ඇත්තටම හොල්මන් තියෙනවා කියල ඔප්පු කරන්න හොල්මන්වල පින්තූර ගන්න අයත් ඉන්නවා. මේ ඒ විදියට ගත්තු පින්තූර පෙළක්!


අවුරුදු ගානක් තිස්සෙ විවිධ අවස්ථාවලදි ගත්තු පින්තූර තමයි, මේ තියෙන්නේ. මෙහි ඉන්නවා, ඝාතනය කළ වහල් සේවකයන්, රෝහල්වල වධබන්ධනවලට ලක්ව මියගිය රෝගීන්, අතීතයට එක් වූ මුහුදු නැවියන් ආදී නොයෙක් අය. මොවුන්ගේ හොල්මන් කතා අහපු බොහොම දෙනෙක් බියට පත් වුණා. තාමත් අහන අයගේ ඇඟ හිරි වැටෙනවා.

මුල්ම ඇපල් 1 පරිගණකය ලෝක වාර්තාවක් තියයිද? ඇපල් සමාගමේ ආරම්භය හෙළිකරන මෙතෙක් පළ නොවූ ඡායාරූපයක්!

ඇපල් පරිගණකය පටන් ගත් හැටි දැන් දකින කොටත් පුදුම හිතෙනවා. ඒ මුල් ම ඇපල් පරිගණකය අළෙවි කරන්න ගෙනියන්න පෙර පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුගිය දා ප‍්‍රථමවරට හෙළිදරවු වුණා.

මේ ඡායාරූපයට නගා තියෙන්නේ 1976 දියි. එතකොට ස්ටීව් ජොබ්ස්ට (Steve Jobs) වයස 21යි. ඔහුගේ මිතුරු ස්ටීව් වොස්නියැක් (Steve Wozniak) සමග එක්ව ඔවුන් දෙදෙනා මේ මුල්ම ඇපල් පරිගණක තැනුවේ ස්ටීව් ජොබ්ස්ගේ මාපියන්ගේ ගෙදර ගරාජයකයි. ඔවුන් ඒ තැනූ මූල් පරිගණක 50 තැන්පත් කරල තිබුණු ආකාරය දැක්වෙන මේ විරල ඡායාරූපය නිකුත් කරනු ලැබුවේ ලබන නොවැම්බර් 16 වැනිදා වෙන්දේසියට තැබෙන දැනට හොඳම තත්වයේ ඇති පැරණි ම ඇපල් පරිගණකය එළි දැක්වීම වෙනුවෙන්.

මෙය දැනට ලෝකයේ ඇති වටිනාම සන්නම ලෙස සැලකෙන ඇපල් පරිගණකයේ ආරම්භක තත්වය තේරුම ගන්නත් හොඳ අවස්ථාවක්. මේ සන්නමෙහි අද වටිනාකම පවුම් බිලියන 60ක්.

ඇපල් පරිගණකයේ ආරම්භය දැක්වෙන මේ කිසිදා එළියට නො පැමිණි ඡායාරූපයක්. ඒ මුල් ම ඇපල් පරිගණකය අළෙවි කරන්න ගෙනියන්න පෙර 1976 දී පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුග…

දුර්ලභ ගණයේ සේයා රුවක්! නවසීලන්තයේ ධීවරයකුගේ නවතම ගොදුරක්!

මෙය ලියැවෙන්නේ කලාතුරකින් හමු වන ඡායාරූපයක් ඔබ වෙත ඉදිරිපත් කරන්නයි. අන්තර් ජාලය පුරා මේ වන විටත් වැඩි දෙනකුගේ අවධානය දිනා ගෙන තියෙනවා.

මේ ඡායාරූපයෙන් කියැවෙන්නේ මිනීමරු සුදු මෝරකුගේ ඉරණම දැක්වෙන කතාවක්. පසුගිය සතියෙදි නවසීලන්තයේ මුහුදේදි ගත්තු එකක්.

මහා භූමිකම්පාවකින් පසු පාකිස්ථාන මුහුදෙන් මතු වූ ලෝකයේ අලූත් ම දූපත!

පසුගියදා පාකිස්ථානයේ ප‍්‍රබල භූමිකම්පාවක් ඇති වුණා. 7.8ක් වූ ඒ භූමිකම්පාවෙන් බලූකිස්ථානය අසල මුහුදේ අලූත් දූපතක් මතු වුණා. ලෝකයේ අලූත් ම දූපත එයයි.

සල්සාලා කෝහ් (Zalzala Koh) යනුවෙන් ඒ දූපත නම් කරලා තියෙනවා. දාල්බන්දින්වලට සැතැපම් 145ක් ගිනිකොන දෙසින් හටගත් මේ භූම්කම්පාව නිසා දැන් එය බලන්න සංචාරකයන් වගේම පාකිස්ථාන වැසියන් වැල නොකැඩි එනවා. ඒ දූපතටත් ගොඩ වෙනවා. ගිනිගන්නාසුලූ වායුව, විස දුම් ආදිය ඇති බව අනතුරු හැෙඟව්වත් ඒවා ගනන් නොගෙනයි, ඔවුන් එහි එන්නෙ.

ඒ දූපතේ පිපිරුණු මඩ, වැලි, ගල් මුසු බිම මත මුහුදු සතුන්ගේ මළ සිරුරු, විශේෂයෙන් ම මාළුන් මළකුණු පිරිලා තියෙනවා.

මෙන්න ලෝකයේ අලූත් ම දූපත අහසට පෙනෙන හැටි. මේ මඩ කන්ද මීටර් 15ක් 20ක් විතර උස ඇති. මිනිසුන්ට ඒ මත ඇවිද ගෙන යා හැකි තරමට එහි බිම ඝනකම් කියලයි, කියන්නෙ.

MH370 මැලේසියානු ගුවන්යාන අබිරහස : නියමුවාම යානය බලෙන් ගෙන ගියාද?

2014 මාර්තු 16 වැනිදා

අනතුරට පත් යානයේ නියමුවා වූ සහාරි අහමඞ් ෂා දේශපාලන උමතුවකින් පෙළෙන්නකු ලෙස දැන් සැක කරනවා. එම්එච්370 යානය නියමුවා ලෙස සේවයට වාර්තා කරන්නට පෙර ඔහු මැලේසියාවේ විරුද්ධ පක්ෂ නායකයා වූ අන්වර් ඒබ‍්‍රහම්ට එරෙහිව පැවති නඩු විභාගයට බලන්නට ගිය බවක් ෆෙඩරල් පරීක්ෂක නිලධාරින් කියනවා.