Skip to main content

ලෝකය දික්විජය කළ රණ ශූරයින්ගෙත් ශූරයා මහා ඇලෙක්සැන්ඩර්


කවුද මේ මහා ඇලෙක්සැන්ඩර් ?
මහා ඇලෙක්සැන්ඩර් අධිරාජයා තමයි, ලෝකයේ ඇලෙක්සැන්ඩර් නමින් යුත් රජවරුන් අතරින් ශ්‍රේෂ්ඨතමයා ලෙස සැලකෙන්නේ. ලෝකය දික් විජය කළ රණශූරයන් අතරින් ශ්‍රේෂ්ඨතමයා වූ ඔහු හැඳින්වෙන්නේ මැසිඩෝනියාවේ තුන් වන ඇලෙක්සැන්ඩර් රජු (කි‍්‍ර.පූ. 336-323) කියායි. අවුරුදු හතරක් වැනි කෙටි කාලයක් තුළ එකල (මධ්‍යතන යුගයට පෙර කාලයේ) දැන සිටි ලෝකය මුළුමනින් ම වාගේ තම අණසකට යටත් කර ගැනීමට ඔහු සමත් වුණා. කි‍්‍ර.පූ. 334 සිට 33 හැවිරිදි වියේ දී ඔහුගේ මරණය සිදු වන තෙක් කාලය තුළ ‘මහා ඇලෙක්සැන්ඩර්’ යන විරුදාවලියෙන් පුද ලද්දේ ඒ හින්දයි. ඔහු ලොව පුරා ගිය මේ ගමනේ දී අල්ලා ගත් හැම ප‍්‍රධාන නගරයක් ම ‘ඇලෙක්සැන්ඩි‍්‍රයා’ නියා නම් කළා. අදත් ලෝක සිතියමක් දිහා විමසිල්ලෙන් බැලූවොත් ඔබට මේ නගර හඳුනා ගන්න පුළුවන්. සිය වස් ගානක් තිස්සේ යුරෝපයත් ආසියාවත් අතර වෙළඳාම සිදු වූයේ මේ නගර ඔස්සේයි.

ඇලෙක්සැන්ඩර් කුමරාගේ උපත
ඇලෙක්සැන්ඩර් උපන්නේ කි‍්‍ර.පූ. 356 මැසිඩන් අගනුවර වූ පෙලා හිදීයි. මැසිඩන් නමින් හැඳින්වුණු හෙලාස්  රාජ්‍යය (අද ගී‍්‍රසිය කියලා අපි හඳුන්වන්නේ මේ හෙලාස් රාජ්‍යයටයි) උතුරින් පිහිටා තිබුණු එක් නගර රාජ්‍යයක්. එය ඇලෙක්සැන්ඩර්ගේ පියා වූ දෙවන පිලිප් රජු යටතේ බලවත් හා එක්සත් රාජ්‍යයක් ව පැවැතුණා. ඒ වන විට ගී‍්‍රසිය එහි ස්වර්ණමය යුගයේ අවසාන කාලයට එළඹෙමින් තිබුණා. එහෙම වුනත් එහි කලාව, සාහිත්‍යය හා දර්ශනය ආදියේ උසස් මට්ටම පෙර සේ ම නොනැසී පැවතුණා. සමගියක්, එක්සත් භාවයක් ඔවුන් අතර නොමැතිවීම නිසා ඒ නගර රාජ්‍ය ඔවුනොවුන් හා යුද වැදෙමින් හෙම්බත් ව සිටියා. ගී‍්‍රකයන් විසින් මේ මැසිඩෝනියානුවන් අශිෂ්ටයන් ලෙස සලකනු ලැබුවත් පිලිප් රජු ගී‍්‍රක සංස්කෘතිය අගය කළා.


පුංචි සන්ධියේදී කළ වීර වික‍්‍රමයන්
ලා බාල වියේ දී ම ඇලෙක්සැන්ඩර් අසුන් හැසිරවීමෙහි දක්ෂයකු විය. අසුන් පුහුණු කරන්නන් කිසිවකුටත් මෙල්ල කළ නොහැකි අසකු ළමා වියේ දී ම මෙල්ල කර ගැනීමෙන් ඔහුගේ හැකියාව මොනවට ප‍්‍රදර්ශනය කළා. ඒ අසු බුස්ෆෙලස් නම් විය. එවකට 13 හැවිරිදි වියේ සිටි සිය පුතුට ඉගැන්වීමට පිලිප් රජු ගී‍්‍රක මහා දර්ශනික ඇරිස්ටෝටල් එරටට ගෙන්වා ගත්තා. ආචාර ධර්ම, දේශපාලනය පමණක් නොව නව විද්‍යාවන් ලෙස එකල සලකනු ලැබූ උද්භිද විද්‍යාව, සත්ත්ව විද්‍යාව, භූගෝල විද්‍යාව හා වෛද්‍ය විද්‍යාව ආදියත් ඔහු ඇරිස්ටෝටල්ගෙන් ඉගෙන ගත්තා. එහෙත් පුංචි ඇලෙක්සැන්ඩර් වැඩි කැමැත්තක් දක් වූයේ යුද්ධ උපක‍්‍රම කෙරෙහියි. ඔහු යුද සටන් හා උපායන් ගැන ඉගෙන ගත්තේ පියාගෙනුයි.


ලෝකය ආක‍්‍රමණය කිරීම ඇරඹීම
කි‍්‍රස්තු පූර්ව 336 සිය පිය රජුගේ ඇවෑමෙන් මැසිඩෝනියාවේ රජ වන විට ඇලෙක්සැන්ඩර් කුමරාට යම්තම් අවුරුදු විස්සක් පිරුණා විතරයි. ඔහුට මුලින්ම කරන්න සිදු වුණේ ගී‍්‍රක රාජ්‍ය තුළ වූ කැරලි මර්දනය කිරීමටයි. ඔහු කාර්යය සාර්ථකව කළා. ඇලෙක්සැන්ඩර්ගේ පියා වූ පිලිප් රජුගේ සිහිනයක් ව තිබුණා, පර්සියාව අල්ලා ගැනීම. ඒ සඳහා ඔහු ළඟ සැලැස්මක් තිබුණා. රජකමත් සමග ඒ සැලැස්මත් පියාගෙන් ඇලෙක්සැන්ඩර්ට උරුම වුණා. පියාගේ සිහිනය තමාගේ ම එකක් කර ගත් ඇලෙක්සැන්ඩර් මුලින් ම මැසිඩෝනියාවේ හා ගී‍්‍රසියේ  බලය තහවුරු කර ගත්තා. ඊළඟට ඔහු සිය සැලසුම් කි‍්‍රයාවට නංවන්නට පටන් ගත්තා. 334 දී ඇලෙක්සැන්ඩර් හෙල්ස්පොයින්ට් (දැන් ඩාඩනෙල්ස්) නම් වූ යුරෝපයත් සුළු ආසියාවත් වෙන් කළ පටු සමුද්‍ර සන්ධිය තරණය කරන විට ඔහු සමඟ ගී‍්‍රක හා මැසිඩෝනියානු භටයන් 30,000කින් හා 5,000ක සන්නද්ධ අශ්වාරෝහක බලකායකින් සමන්විත දැවැන්ත හමුදාවක් සිටියා. ඇලෙක්සැන්ඩර් ඉදිරි පෙළ සිටිමින් ඔවුන් සමග උරෙන් උර ගැටී සටන් කළා. ඔහුගේ මේ හමුදාව සමඟ භූගෝල විද්‍යාඥයන්, උද්භිද විද්‍යාඥයන් ඇතුළු අනෙකුත් විවිධ ක්ෂේත‍්‍රවල විශේෂඥයන් ද ගිය බව සඳහන් වෙනවා. මේ දික්විජය කළ ගමනේ දී ඔවුන් කළේ ඇරිස්ටෝටල්ට අවශ්‍ය තොරතුරු හා ආදර්ශන රැස් කිරීමයි. එපමණක් නොව ඔවුන් සමග ගිය ඉතිහාසඥයෙක් ඇලෙක්සැන්ඩර්ගේ මේ දැවැන්ත ගමන පිළිබඳ ව සියලූ තොරතුරු වාර්තා කළා. ඇලෙක්සැන්ඩර් අල්ලා ගත් ප‍්‍රදේශ හා රටවල් පිළිබඳ සිතියම් මිනින්දෝරුවන් විසින් සකස් කරනු ලැබූ අතර ඒවා සියවස් ගණනාවක් ම ආසියාවේ භූමි විෂමතා දක්වන සිතියම් ලෙස ද භාවිතා කෙරුණා.


ඇලෙක්සැන්ඩර් රජුගේ දික්විජය
333 දී ඔහු පර්සියාවේ තුන් වන ඬේරියස්  රජු ඉසස් වල දී පරාජය කළා. 332 දී ටයරය යටත් කර ගත්තා. එතැනින් නොනැවතුණු ඔහු තවදුරටත් දික් විජය ඇරඹුවා. ඊළඟට ඔහු මිසරය හා බැබිලෝනියාව ආක‍්‍රමණය කර ජය ගත්තා. ඊළඟට මිඩියා වට ගිය ඔහු ඉන් නැගෙනහිර දෙසට හැරෙමින් මධ්‍යම ආසියාව දෙසට හමුදා මෙහෙය වූවා. ඉන්දියානු රටවල් අල්ලා ගන්නට ගිය ඔහු ඉන්දු නදිය තරණය කොට පන්ජාබය තෙක් රාජ්‍ය තමන්ට නතු කර ගත්තා. ඒ වන ඇලෙක්සැන්ඩර් හා භට හමුදාව කි.මී. 18,000 ක් දුර ගෙවා තිබුණා. හමුදාව තවදුරටත් ඉදිරියට යාම ප‍්‍රතික්ෂේප කළෙන් ඇලෙක්සැන්ඩර්ට අකමැත්තන් වුවත් ආපසු හැරෙන්නට සිදු වුණා.

ඇලෙක්සැන්ඩර් රජුගේ අවසානය
දීර්ඝ යුද ගමනත්, නොකඩවා කෙරුණු සංග‍්‍රාමත්, නිසා විඩාවට පත් ව සිට ඇලෙක්සැන්ඩර් ආපසු එන ගමනේ දී ඔහුට උණ රෝගයක් (මෙය දැන් විශේෂඥයන් විසින් සොයා ගෙන ඇත්තේ ඩෙංගි උණ වශයෙනුයි) සෑදුණා. මේ රෝගය උත්සන්න වීමෙන් කි‍්‍රස්තු පූර්ව 323 ජූනි 13 වන දා ඇලෙක්සැන්ඩර් බැබිලන් නුවර දී මිය ගියා. ඔහුගේ දේහය රන් පත‍්‍රයකින් ඔතා ඊජිප්තුවේ ඇලෙක්සැන්ඩි‍්‍රයාවේ චිත්තාකර්ෂණීය සොහොන් ගැබක තැන්පත් කර තියෙනවා.


මහා ඇලෙක්සැන්ඩර් ශ්‍රේෂ්ඨත්වයට පත් වෙයි
සිය අධිරාජ්‍යය පාලනය කිරීමේ දී ඇලෙක්සැන්ඩර් අනුගමනය කළේ නව ප‍්‍රතිපත්තියක්. ඒ තමන් අල්ලා ගත් රටේ පාලකයකු ම එහි නායකත්වයට පත් කිරීමයි. සමහර ඉතිහාසඥයන් එය පරමාදර්ශයක් ලෙස දකිතත් සමහරුන් එය දකින්නේ අවස්ථාවාදී වීමක් ලෙසයි. ඒ කෙසේ වෙතත් හමුදා ජනරාල්වරයකු ලෙස ඔහු කළ කාර්යය භාරය ඒ යුගයේ හැටියට අසම සම එකක් ලෙස සැලකෙනවා.


මහා ඇලෙක්සැන්ඩර් හොලිවුඞ් රිදී තිරියට ගිය හැටි
2004 වසරේ දී හොලිවුඞ් පුරවරයෙන් මහා ඇලෙක්සැන්ඩර් අධිරාජ්‍යයාගේ චරිතය ඇසුරින් ‘ඇලෙක්සැන්ඩර්’ නමින් චිත‍්‍රපටයක් ද නිර්මාණය කෙරුණා. මෙහි ඇලෙක්සැන්ඩර්ගේ චරිතයට පණ පෙව්වේ කොලින් ෆැරල්. සම්මාන කිහිපයක් දිනාගත් මෙම චිත‍්‍රපටය අධ්‍යක්ෂණය කළේ සම්මානනීය අධ්‍යක්ෂක ඔලිවර් ස්ටෝන් විසින්.

Comments

  1. කලින් දනගෙන හිටිය කරුනු වලට වඩා ගොඩක් කරුනු මෙමෙ ලිපියෙන් දන ගත්ත.

    ReplyDelete
  2. කලින් දනගෙන හිටිය කරුනු වලට වඩා ගොඩක් කරුනු මෙමෙ ලිපියෙන් දන ගත්ත.

    ReplyDelete

Post a Comment

Popular posts from this blog

ලෝකයේ වටිනාම මුද්දරය වෙන්දේසියට! දැනට ඇත්තේ ලෝකෙටම එකයි!

මුද්දර එකතු කිරීම (Philately) විනෝදාංශයක් වගේම හොඳ ආදායම් මාර්ගයක්. පුංචි වුණාට තැපැල් මුද්දරයක් කියන්නේ රටක ඉතිහාසය කියාපාන කැඩපතක්. රටකින් රටකට හොඳ හිත පතුරුවමින් යන සංස්කෘතික තානාපතිවරයෙක්!

ඒ වගේ පැරණි තැපැල් මුද්දරයක් එහි මුහුණත සඳහන් වටිනාකමට හුඟක් වැඩිවෙන වෙලාවල් තියෙනවා. එහෙම වෙන්නේ ඒවායේ ඇති දුලබකම නිසයි.

ඒ වගේ 1873 දී ලිපිගොනු ගොඩක් අස්සේ තිබී හමුවුණු පාවිච්චි කළ ශත එකේ තැපැල් මුද්දරයක් පසුව වෙළෙඳ පොළේ දී සිලිං හයකට විකුණුණා. බි‍්‍රතාන්‍ය ගයානාව (British Guiana) විසින් නිකුත් කළ ශත එකේ දම්පාට තැපැල් මුද්දරය (1c Magenta stamp) දැන් යළිත් වෙන්දේසිය සඳහා වෙළෙඳපොළට ඇවිත්. අද, වසර 141කට පසු, එයට මුද්දර වෙන්දේසියේ දී ඇමරිකන් ඩොලර් මිලියන 20ක මුදලක් ලැබේවි යැයි විශ්වාස කරනවා.

මෑතදී ‘ලොව වඩාත් වටිනාම මුද්දරය’ ලෙස හඳුන්වනු ලැබූ මේ පැති අටේ හැඩැති තැපැල් මුද්දරය 2014 ජූනි මාසයේ 17 වැනිදා ඇමරිකාවේ නිව්යෝක්හිදී ප‍්‍රසිද්ධ වෙන්දේසියේ විකිණීමට නියමිතයි.

මෙය දැනට ලෝකයේ සුරක්ෂිතව ඉතිරි වී ඇති මේ වර්ගයේ එකම මුද්දරය ලෙස සැලකෙනවා. මෙය නිකුත් කරන ලද්දේ 1856දියි. බි‍්‍රතාන්‍ය ගයානාවේ තැපැල් මහතා…

MH370 මැලේසියානු ගුවන්යාන අබිරහස! ලෝකයේ අබිරහස් ලෙස අතුරුදන් වුණු ගුවන්යානා 10 මෙන්න!

පසුගිය සතියේ (මාර්තු 8 වැනිදා) අතුරුදන් වූ පිසැරි අංක එම්එච්370 මැලේසියානු මගී ගුවන්යානයට වූ දේ තවමත් අබිරහසක්. රටවල් 10 ගුවන්යානා, නැව්, චන්ද්‍රිකා රැසක් මේ අබිරහස විසඳන්න තවමත් වෙහෙසෙනවා.

ඒත් මෙය දැනටමත් නොවිසඳෙන අබිරහසක් පත් වෙන ලකුණු පහළ වෙලා!

නස්රුදින්ගේ වේළීමේ රහස! අලුත්ම නස්රුදින් කතාවක්!

නස්රුදින්ගේ පොහොසත් මිතුරෙක් ඔහුට කතා කළා, ඒ මිතුරාත් ඔහුගේ පිරිසත් එක්ක දින කීපයක් තිස්සේ දඩයමේ යන්න. මුල් ම දවසේ ඔවුන් නස්රුදින්ට දුන්නෙ බොහොම හෙමින් යන අස්සයෙක්. දඩයමට යන්න පටන් අරන් වැඩි වේලාවක් ගියේ නෑ, හෙමින් ගිය අස්සයා නිසා නස්රුදින් හුඟක් පහුවුණා. නස්රුදින්ව පහු කරලා දාලා අනෙක් පිරිස ඈතට දඩයමේ ගියා.

ලොව පළමු සෙල් ෆෝනය මේකද? වසර 75ක් පැරණි පින්තූරයේ රහස හෙළි වෙයිද?

බලන්න මේ තරුණිය ජංගම දුරකතනයක් කනේ තියා ගෙන පාර දිගේ කතා කර කර යනවා! අද නම් මේ වගේ දසුනක් ගමක පාරක වුනත් ඔබ දැක ඇතුවාට සැකයක් නැහැ. ඒත් මේ දර්ශනය කැමරාවට නඟා ඇත්තේ මීට අවුරුදු 75කට පෙරයි!

1938 දී ඇමෙරිකාවේ වීදියක ගමන් කළ මේ යුවතියගේ අතට වර්තමානයේ අප පාවිච්චි කරනා තාලේ සෙල් ෆෝනයක් (ජංගම දුරකතනයක්) ආවෙ කොහොමද?

ඒ කාලයේ මේ වගේ දෙයක් නිපදවීම තියා මෙවැන්නක් ගැන හිතලවත් නොතිබුණා නම් මෙම දර්ශනය චිත‍්‍රපටයකට ගත් නිර්මාණයක්ද? සමහර අය කීවේ චිත‍්‍රපටය තුළින් අනාගතය දැකීමක් ලෙස මෙම දසුන සලකන්න පුළුවන් කියලයි. අනාගතය පරිකල්පනය කළ අවස්ථා චිත‍්‍රපටවල ඕනෑ තරම් තිබුණා. මේ වගේ

මේ රූප පෙළ මේ වන විට යූටියුබ් (YouTube) එක හරහා ලක්ෂ තුනකට වැඩි වාර ගණනක් සංසරණය වෙලා තියෙනවා. වර්ණ චිත‍්‍රපට එන්නට පෙරාතුව කළු සුදු ක‍්‍රමයට කැමරාවට නගන ලද මෙහි රහස පසුගිය දා හෙළි වුණා. මෙම තරුණිය තමාගේ මීමිත්තණිය යැයි යුටියුබ් ග‍්‍රාහකයෙක් හෙළි කළා.

අනාගතයට යාමක් ද? මෙහි දැක්වෙන්නේ ඇමරිකාවේ ඩුපොන්ට් ආයතනයෙන් පිට වී යන තරුණ සේවිකාවන් පිරිසක්. එයින් එක් තරුණියක් අතේ ඇති ජංගම දුරකතනයකින් කතා කරමින් යනවා ඔබට පෙනෙනවා ඇති. වසර 75කට ප…

දියණිය උපන් මොහොතේ පියා ගත් පින්තූරය අන්තර් ජාලය කළඹයි! වෛද්‍යවරයාගේ අතේ එල්ලී එළියට ආ ළදැරිය මෙන්න!

ජීවිතයේ විස්මිත මොහොතවල් ඡායාරූපයට නැඟීම වාසනාවත් එක්ක සිදු වන දෙයක්. එහෙම වාසනාවක් ලද මාපිය යුවලක් තමන් ගත් ජීවිතයේ අමතක නොවන පින්තූරය ‘මුහුණු පොතේ’ පළ කළා. මොහොතකින් එය අන්තර්ජාලය පුරා ‘කුණාටුවක්’ මෙන් හඹා ගියා.

මෙලොව එළිය දකින්න මොහොතකට පෙර පුංචි නෙවායි මව් කුස හිඳිමින් තම උදව්වට ආ වෛද්‍යවරයාගේ ඇඟිල්ලේ එල්ලූන හැටි!

හොල්මන් පින්තූර කතන්දර පෙළක්! මේවා දැකල බය වෙන්න එපා!

රාති‍්‍ර කාලයට අඳුරේ දී ඔබව බියපත් කරන හැම රටකටම, හැම සමාජයකම තියෙනවා. ඇත්තටම හොල්මන් තියෙනවා කියල ඔප්පු කරන්න හොල්මන්වල පින්තූර ගන්න අයත් ඉන්නවා. මේ ඒ විදියට ගත්තු පින්තූර පෙළක්!


අවුරුදු ගානක් තිස්සෙ විවිධ අවස්ථාවලදි ගත්තු පින්තූර තමයි, මේ තියෙන්නේ. මෙහි ඉන්නවා, ඝාතනය කළ වහල් සේවකයන්, රෝහල්වල වධබන්ධනවලට ලක්ව මියගිය රෝගීන්, අතීතයට එක් වූ මුහුදු නැවියන් ආදී නොයෙක් අය. මොවුන්ගේ හොල්මන් කතා අහපු බොහොම දෙනෙක් බියට පත් වුණා. තාමත් අහන අයගේ ඇඟ හිරි වැටෙනවා.

මුල්ම ඇපල් 1 පරිගණකය ලෝක වාර්තාවක් තියයිද? ඇපල් සමාගමේ ආරම්භය හෙළිකරන මෙතෙක් පළ නොවූ ඡායාරූපයක්!

ඇපල් පරිගණකය පටන් ගත් හැටි දැන් දකින කොටත් පුදුම හිතෙනවා. ඒ මුල් ම ඇපල් පරිගණකය අළෙවි කරන්න ගෙනියන්න පෙර පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුගිය දා ප‍්‍රථමවරට හෙළිදරවු වුණා.

මේ ඡායාරූපයට නගා තියෙන්නේ 1976 දියි. එතකොට ස්ටීව් ජොබ්ස්ට (Steve Jobs) වයස 21යි. ඔහුගේ මිතුරු ස්ටීව් වොස්නියැක් (Steve Wozniak) සමග එක්ව ඔවුන් දෙදෙනා මේ මුල්ම ඇපල් පරිගණක තැනුවේ ස්ටීව් ජොබ්ස්ගේ මාපියන්ගේ ගෙදර ගරාජයකයි. ඔවුන් ඒ තැනූ මූල් පරිගණක 50 තැන්පත් කරල තිබුණු ආකාරය දැක්වෙන මේ විරල ඡායාරූපය නිකුත් කරනු ලැබුවේ ලබන නොවැම්බර් 16 වැනිදා වෙන්දේසියට තැබෙන දැනට හොඳම තත්වයේ ඇති පැරණි ම ඇපල් පරිගණකය එළි දැක්වීම වෙනුවෙන්.

මෙය දැනට ලෝකයේ ඇති වටිනාම සන්නම ලෙස සැලකෙන ඇපල් පරිගණකයේ ආරම්භක තත්වය තේරුම ගන්නත් හොඳ අවස්ථාවක්. මේ සන්නමෙහි අද වටිනාකම පවුම් බිලියන 60ක්.

ඇපල් පරිගණකයේ ආරම්භය දැක්වෙන මේ කිසිදා එළියට නො පැමිණි ඡායාරූපයක්. ඒ මුල් ම ඇපල් පරිගණකය අළෙවි කරන්න ගෙනියන්න පෙර 1976 දී පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුග…

දුර්ලභ ගණයේ සේයා රුවක්! නවසීලන්තයේ ධීවරයකුගේ නවතම ගොදුරක්!

මෙය ලියැවෙන්නේ කලාතුරකින් හමු වන ඡායාරූපයක් ඔබ වෙත ඉදිරිපත් කරන්නයි. අන්තර් ජාලය පුරා මේ වන විටත් වැඩි දෙනකුගේ අවධානය දිනා ගෙන තියෙනවා.

මේ ඡායාරූපයෙන් කියැවෙන්නේ මිනීමරු සුදු මෝරකුගේ ඉරණම දැක්වෙන කතාවක්. පසුගිය සතියෙදි නවසීලන්තයේ මුහුදේදි ගත්තු එකක්.

මහා භූමිකම්පාවකින් පසු පාකිස්ථාන මුහුදෙන් මතු වූ ලෝකයේ අලූත් ම දූපත!

පසුගියදා පාකිස්ථානයේ ප‍්‍රබල භූමිකම්පාවක් ඇති වුණා. 7.8ක් වූ ඒ භූමිකම්පාවෙන් බලූකිස්ථානය අසල මුහුදේ අලූත් දූපතක් මතු වුණා. ලෝකයේ අලූත් ම දූපත එයයි.

සල්සාලා කෝහ් (Zalzala Koh) යනුවෙන් ඒ දූපත නම් කරලා තියෙනවා. දාල්බන්දින්වලට සැතැපම් 145ක් ගිනිකොන දෙසින් හටගත් මේ භූම්කම්පාව නිසා දැන් එය බලන්න සංචාරකයන් වගේම පාකිස්ථාන වැසියන් වැල නොකැඩි එනවා. ඒ දූපතටත් ගොඩ වෙනවා. ගිනිගන්නාසුලූ වායුව, විස දුම් ආදිය ඇති බව අනතුරු හැෙඟව්වත් ඒවා ගනන් නොගෙනයි, ඔවුන් එහි එන්නෙ.

ඒ දූපතේ පිපිරුණු මඩ, වැලි, ගල් මුසු බිම මත මුහුදු සතුන්ගේ මළ සිරුරු, විශේෂයෙන් ම මාළුන් මළකුණු පිරිලා තියෙනවා.

මෙන්න ලෝකයේ අලූත් ම දූපත අහසට පෙනෙන හැටි. මේ මඩ කන්ද මීටර් 15ක් 20ක් විතර උස ඇති. මිනිසුන්ට ඒ මත ඇවිද ගෙන යා හැකි තරමට එහි බිම ඝනකම් කියලයි, කියන්නෙ.

MH370 මැලේසියානු ගුවන්යාන අබිරහස : නියමුවාම යානය බලෙන් ගෙන ගියාද?

2014 මාර්තු 16 වැනිදා

අනතුරට පත් යානයේ නියමුවා වූ සහාරි අහමඞ් ෂා දේශපාලන උමතුවකින් පෙළෙන්නකු ලෙස දැන් සැක කරනවා. එම්එච්370 යානය නියමුවා ලෙස සේවයට වාර්තා කරන්නට පෙර ඔහු මැලේසියාවේ විරුද්ධ පක්ෂ නායකයා වූ අන්වර් ඒබ‍්‍රහම්ට එරෙහිව පැවති නඩු විභාගයට බලන්නට ගිය බවක් ෆෙඩරල් පරීක්ෂක නිලධාරින් කියනවා.