Skip to main content

හදවත් රෝගී මරණ අඩු කරන නව මෙවලමක්! හෘද අකරණය ගැන කල් තියා අනතුරු ඇඟවීම්!

නව අධිතාක්ෂණික වෛද්‍ය උපකරණයක් නිපදවලා තියෙනවා, එය හෘදයෙහි තැන්පත් කළා ම හදිසියේ හෘදය රෝගී වෙන තත්ත්වයක් උදාවෙන බව දැන ගෙන එය කල්තියා දැනුම් දෙන්නට හැකියාව ඇති. හදිසියේ ඇති වන හෘද අකරණයන් නිසා රෝහලකට ගෙනි යන්න පෙර මිය යන ලොව පුරා සිටින රෝගීන්ට සහනයක් ගේන ආරංචියක්.

දැනටමත් හෘද අකරණයක් කල් ඇති ව හඳුනා ගැනීම පිළිබඳ පුළුල් දැනුමක් මහජනතාවට ලබා දී ඇතත් මුල් රෝග ලක්ෂණ පහළ වීමත් රෝහල් ගත කිරීමත් අතර ගත වන සාමාන්‍ය කාලය තවමත් පැය තුනක් පමණ වෙනවා. ඒ නිසා හෘද අකරණයකට ලක් වන රෝගියා වඩා ඉක්මනින් රෝහල් ගත කිරීමට මේ එන්ජල්මෙඞ් ගාඩියන් (AngelMed Gaurdian) නම් නව උපකරණය නිසා හැකියාව ලැබෙනවා.

 
ඇතුළතින් කරන අනතුරු ඇඟවීම: මේ ඒන්ජල් මෙඞ් ගාඩියන් උපකරණය මගින් තුන් ආකාරයකින් ළඟ එන හෘද අකරණය ගැන දැනුම් දෙනවා.


මේ හෘද අකරණ දැනුම් දීමේ නව උපකරණය ඉදිරිපත් කරන්නේ ඇමරිකාවේ ඒන්ජල්මෙඞ් වෛද්‍ය උපාංග නිෂ්පාදන සමාගමයි.

‘අර්ගනොමික්ස් ඉන් ඩිසයින්’ (Ergonomics In Design) සඟරාවේ මේ පිළිබඳ ලිපියක් පළ කර තිබේ. සිරුර තුළ තැන්පත් කළ හැකි ඒන්ජල් මෙඞ් ගාඩියන් නම් නව උපකරණය මගින් තුන් ආකාරයකින් ළඟ එන හෘද අකරණය ගැන දැනුම් දෙන බව එහි සඳහන් වෙනවා. ඒ කම්පන සංවේදක මගින්, ඇසෙන ශබ්දයකින් හා පෙනෙන ක‍්‍රමයක් ලෙස ආලෝකයක් නිකුත් කිරීමෙන් ආදියයි.

 
රෝගියකුගේ එක්ස් රේ එකක්, සිරුර තුළ එන්ජල්මෙඞ් උපකරණය සවි කර ඇති අයුරු.

මෙම උපකරණය දැනට ශායනික පරීක්ෂාවට ලක්කර තියෙනවා. මේ උපකරණයක දැනට නිෂ්පාදන වියදම පවුම් 8,232ක්. ලොකු මිලක් වුනත් වසරක් පාසා හදවත් අකරණයෙන් සිදු වන ලක්ෂ සංඛ්‍යාත ප‍්‍රමාණයක් මරණ වළක්වා ලීමට මෙයට හැකියාව ඇති බව නිෂ්පාදකයන් කියනවා.

මෙම ඒන්ජල් මෙඞ් උපකරණය සුවිශේෂ වන්නේ එහි ඇති තුන් ආකාර අනතුරු ඇඟවීම් ක‍්‍රම නිසයි.

උද්ගත වන හදිසි තත්වයක දී කම්පන සංවේදක මගින් වෛද්‍ය කාර්යය මණ්ඩලයට දැනුම් දීමේ ක‍්‍රමය දැනටමත් ශල්‍යාගාරවල සිදුවන්නක්. එහෙත් රෝගීන් වෙනුවෙන් සැලසුම් කළ ස්වයං-ආවේක්ෂණ උපකරණයක් මගින් මේ දැනුම් දීමේ හැකියාව කෙබඳුදැයි විමසන පර්යේෂණ ඉතාමත් අල්ප ය.

 
මෙහි වමේ ඇති උපකරණය සිරුරේ පිටතින් සවි කරන්නක්, එය ඇතුළතින් කම්පන මගින් එන අනතුරු ඇඟවීම ආලෝකය විහිදීමකින් දැනුම් දෙනවා.

හෘද ස්පන්දනය පාලනය කරන උපකරණවලට, ශබ්දයකින් අනතුරු ඇඟවීමේ උපාංගයක් සවි කළ ද සමහර රෝගීන්ට, විශේෂයින් ම වයස්ගත අයට, මේ අනතුරු ඇඟවීමේ ශබ්දය නෑසී යා හැකියි.

‘අර්ගනොමික්ස් ඉන් ඩිසයින්’ සඟරාවේ මේ ලිපිය ලියූ සම කර්තෘවරිය වූ මේරි කැරොල් කියන්නේ, ”ශබ්දකින් නිකුත් කරන අනතුරු ඇඟවීමකට වඩා, කම්පන අනතුරු ඇඟවීම වඩා හොඳින් රෝගියාට දැනෙන්න පුළුවන්. නිදසුනක් වශයෙන්, රෝගියා බර ඇඳුමක් ඇඳ සිටියොත් හෝ කන් ඇසීමේ දුබලතාවකින් පෙළුණොත් හෝ එහෙමත් නැත්නම් ඝෝෂාකාරී පරිසරයක සිටියොත් අනතුරු ඇඟවීමේ ශබ්දය නෑසී යා හැකියි.” කියායි.

 
දැනට ශායනික පරීක්ෂණවලට ලක්කර ඇති මෙම ඒන්ජල්මෙඞ් ගාඩියන් උපකරණ දැනටමත් සීමිත සැත්කම් මගින් සාර්ථකව සවි කළ හැකි බව ඔප්පු වී තියෙනවා.

මේ උපකරණයට, අනතුරු ඇඟවීම, මට්ටම් දෙකකින් නිකුත් කළ හැකියි. වැඩි ප‍්‍රමුඛතා දෙන අනතුරු ඇඟවීම නිකුත් කරන්නේ හෘද අකරණය දරුණු එකක් නම්, හදිසි සේවා කැඳවීමක් අවශ්‍ය නම් විතරයි. පැය 48ක් ඇතුළත වෛද්‍යවරයකුට පෙන්නුවාට වරදක් නැති රෝග තත්වයක දී අඩු අවදානම් අනතුරු ඇඟවීමක් නිකුත් කෙරෙනවා.

මේ අනතුරු ඇඟවීම් කෙරෙන්නේ පපුවේ වම් පැත්තේ ඉහළින් තැන්පත් කෙරෙන වෛද්‍ය උපකරණයකින්. ඊට සම්බන්ධව සිරුරේ පිටතින් සවි කෙරෙන උපකරණයකින් මේ අනතුරු ඇඟවීම ලබා ගෙන ශබ්දයකින් හෝ රතු හෝ කහ පැහැති ආලෝක ධාරාවක් මගිනුයි.

මේ උපකරණය කෙතරම් රෝගීනට හිතවාදී ද කියා මේ ශායනික පරීක්ෂණවල දී විමසා බලනවා. දැනටමත් අවදානම අඩු හා වැඩි වශයෙන් කම්පන හඳුනා ගන්නට වයස්ගත රෝගීන් පවා සමත් වී තියෙනවා. එසේ ම රෝගීන් දැනටමත් මේ කම්පන අනතුරු ඇඟවීම් ක‍්‍රමයට හා ශබ්ද හා දෘෂ්‍ය ක‍්‍රම දෙකට ම එකසේ කැමති බව ප‍්‍රකාශ කර තියෙනවා.



Comments

  1. මෙකෙ මිල වැඩි උනත් ජීවිතෙ ඉට වඩා වට්නව

    ReplyDelete
  2. මෙකෙ මිල වැඩි උනත් ජීවිතෙ ඉට වඩා වට්නව

    ReplyDelete
  3. මාරයිනෙ..දැන් මෙහෙම කාලයක් යනකොට මිනිසාගේ සියලුම කොටස් යාන්ත්‍රික කරල රොබෝල වගේ කරයි.ඒත් කමක් නෑ ජීවිතේ බේර ගන්න පුළුවන් නම්....

    ReplyDelete

Post a Comment

Popular posts from this blog

ලෝකයේ වටිනාම මුද්දරය වෙන්දේසියට! දැනට ඇත්තේ ලෝකෙටම එකයි!

මුද්දර එකතු කිරීම (Philately) විනෝදාංශයක් වගේම හොඳ ආදායම් මාර්ගයක්. පුංචි වුණාට තැපැල් මුද්දරයක් කියන්නේ රටක ඉතිහාසය කියාපාන කැඩපතක්. රටකින් රටකට හොඳ හිත පතුරුවමින් යන සංස්කෘතික තානාපතිවරයෙක්!

ඒ වගේ පැරණි තැපැල් මුද්දරයක් එහි මුහුණත සඳහන් වටිනාකමට හුඟක් වැඩිවෙන වෙලාවල් තියෙනවා. එහෙම වෙන්නේ ඒවායේ ඇති දුලබකම නිසයි.

ඒ වගේ 1873 දී ලිපිගොනු ගොඩක් අස්සේ තිබී හමුවුණු පාවිච්චි කළ ශත එකේ තැපැල් මුද්දරයක් පසුව වෙළෙඳ පොළේ දී සිලිං හයකට විකුණුණා. බි‍්‍රතාන්‍ය ගයානාව (British Guiana) විසින් නිකුත් කළ ශත එකේ දම්පාට තැපැල් මුද්දරය (1c Magenta stamp) දැන් යළිත් වෙන්දේසිය සඳහා වෙළෙඳපොළට ඇවිත්. අද, වසර 141කට පසු, එයට මුද්දර වෙන්දේසියේ දී ඇමරිකන් ඩොලර් මිලියන 20ක මුදලක් ලැබේවි යැයි විශ්වාස කරනවා.

මෑතදී ‘ලොව වඩාත් වටිනාම මුද්දරය’ ලෙස හඳුන්වනු ලැබූ මේ පැති අටේ හැඩැති තැපැල් මුද්දරය 2014 ජූනි මාසයේ 17 වැනිදා ඇමරිකාවේ නිව්යෝක්හිදී ප‍්‍රසිද්ධ වෙන්දේසියේ විකිණීමට නියමිතයි.

මෙය දැනට ලෝකයේ සුරක්ෂිතව ඉතිරි වී ඇති මේ වර්ගයේ එකම මුද්දරය ලෙස සැලකෙනවා. මෙය නිකුත් කරන ලද්දේ 1856දියි. බි‍්‍රතාන්‍ය ගයානාවේ තැපැල් මහතා…

MH370 මැලේසියානු ගුවන්යාන අබිරහස! ලෝකයේ අබිරහස් ලෙස අතුරුදන් වුණු ගුවන්යානා 10 මෙන්න!

පසුගිය සතියේ (මාර්තු 8 වැනිදා) අතුරුදන් වූ පිසැරි අංක එම්එච්370 මැලේසියානු මගී ගුවන්යානයට වූ දේ තවමත් අබිරහසක්. රටවල් 10 ගුවන්යානා, නැව්, චන්ද්‍රිකා රැසක් මේ අබිරහස විසඳන්න තවමත් වෙහෙසෙනවා.

ඒත් මෙය දැනටමත් නොවිසඳෙන අබිරහසක් පත් වෙන ලකුණු පහළ වෙලා!

නස්රුදින්ගේ වේළීමේ රහස! අලුත්ම නස්රුදින් කතාවක්!

නස්රුදින්ගේ පොහොසත් මිතුරෙක් ඔහුට කතා කළා, ඒ මිතුරාත් ඔහුගේ පිරිසත් එක්ක දින කීපයක් තිස්සේ දඩයමේ යන්න. මුල් ම දවසේ ඔවුන් නස්රුදින්ට දුන්නෙ බොහොම හෙමින් යන අස්සයෙක්. දඩයමට යන්න පටන් අරන් වැඩි වේලාවක් ගියේ නෑ, හෙමින් ගිය අස්සයා නිසා නස්රුදින් හුඟක් පහුවුණා. නස්රුදින්ව පහු කරලා දාලා අනෙක් පිරිස ඈතට දඩයමේ ගියා.

ලොව පළමු සෙල් ෆෝනය මේකද? වසර 75ක් පැරණි පින්තූරයේ රහස හෙළි වෙයිද?

බලන්න මේ තරුණිය ජංගම දුරකතනයක් කනේ තියා ගෙන පාර දිගේ කතා කර කර යනවා! අද නම් මේ වගේ දසුනක් ගමක පාරක වුනත් ඔබ දැක ඇතුවාට සැකයක් නැහැ. ඒත් මේ දර්ශනය කැමරාවට නඟා ඇත්තේ මීට අවුරුදු 75කට පෙරයි!

1938 දී ඇමෙරිකාවේ වීදියක ගමන් කළ මේ යුවතියගේ අතට වර්තමානයේ අප පාවිච්චි කරනා තාලේ සෙල් ෆෝනයක් (ජංගම දුරකතනයක්) ආවෙ කොහොමද?

ඒ කාලයේ මේ වගේ දෙයක් නිපදවීම තියා මෙවැන්නක් ගැන හිතලවත් නොතිබුණා නම් මෙම දර්ශනය චිත‍්‍රපටයකට ගත් නිර්මාණයක්ද? සමහර අය කීවේ චිත‍්‍රපටය තුළින් අනාගතය දැකීමක් ලෙස මෙම දසුන සලකන්න පුළුවන් කියලයි. අනාගතය පරිකල්පනය කළ අවස්ථා චිත‍්‍රපටවල ඕනෑ තරම් තිබුණා. මේ වගේ

මේ රූප පෙළ මේ වන විට යූටියුබ් (YouTube) එක හරහා ලක්ෂ තුනකට වැඩි වාර ගණනක් සංසරණය වෙලා තියෙනවා. වර්ණ චිත‍්‍රපට එන්නට පෙරාතුව කළු සුදු ක‍්‍රමයට කැමරාවට නගන ලද මෙහි රහස පසුගිය දා හෙළි වුණා. මෙම තරුණිය තමාගේ මීමිත්තණිය යැයි යුටියුබ් ග‍්‍රාහකයෙක් හෙළි කළා.

අනාගතයට යාමක් ද? මෙහි දැක්වෙන්නේ ඇමරිකාවේ ඩුපොන්ට් ආයතනයෙන් පිට වී යන තරුණ සේවිකාවන් පිරිසක්. එයින් එක් තරුණියක් අතේ ඇති ජංගම දුරකතනයකින් කතා කරමින් යනවා ඔබට පෙනෙනවා ඇති. වසර 75කට ප…

දියණිය උපන් මොහොතේ පියා ගත් පින්තූරය අන්තර් ජාලය කළඹයි! වෛද්‍යවරයාගේ අතේ එල්ලී එළියට ආ ළදැරිය මෙන්න!

ජීවිතයේ විස්මිත මොහොතවල් ඡායාරූපයට නැඟීම වාසනාවත් එක්ක සිදු වන දෙයක්. එහෙම වාසනාවක් ලද මාපිය යුවලක් තමන් ගත් ජීවිතයේ අමතක නොවන පින්තූරය ‘මුහුණු පොතේ’ පළ කළා. මොහොතකින් එය අන්තර්ජාලය පුරා ‘කුණාටුවක්’ මෙන් හඹා ගියා.

මෙලොව එළිය දකින්න මොහොතකට පෙර පුංචි නෙවායි මව් කුස හිඳිමින් තම උදව්වට ආ වෛද්‍යවරයාගේ ඇඟිල්ලේ එල්ලූන හැටි!

හොල්මන් පින්තූර කතන්දර පෙළක්! මේවා දැකල බය වෙන්න එපා!

රාති‍්‍ර කාලයට අඳුරේ දී ඔබව බියපත් කරන හැම රටකටම, හැම සමාජයකම තියෙනවා. ඇත්තටම හොල්මන් තියෙනවා කියල ඔප්පු කරන්න හොල්මන්වල පින්තූර ගන්න අයත් ඉන්නවා. මේ ඒ විදියට ගත්තු පින්තූර පෙළක්!


අවුරුදු ගානක් තිස්සෙ විවිධ අවස්ථාවලදි ගත්තු පින්තූර තමයි, මේ තියෙන්නේ. මෙහි ඉන්නවා, ඝාතනය කළ වහල් සේවකයන්, රෝහල්වල වධබන්ධනවලට ලක්ව මියගිය රෝගීන්, අතීතයට එක් වූ මුහුදු නැවියන් ආදී නොයෙක් අය. මොවුන්ගේ හොල්මන් කතා අහපු බොහොම දෙනෙක් බියට පත් වුණා. තාමත් අහන අයගේ ඇඟ හිරි වැටෙනවා.

මුල්ම ඇපල් 1 පරිගණකය ලෝක වාර්තාවක් තියයිද? ඇපල් සමාගමේ ආරම්භය හෙළිකරන මෙතෙක් පළ නොවූ ඡායාරූපයක්!

ඇපල් පරිගණකය පටන් ගත් හැටි දැන් දකින කොටත් පුදුම හිතෙනවා. ඒ මුල් ම ඇපල් පරිගණකය අළෙවි කරන්න ගෙනියන්න පෙර පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුගිය දා ප‍්‍රථමවරට හෙළිදරවු වුණා.

මේ ඡායාරූපයට නගා තියෙන්නේ 1976 දියි. එතකොට ස්ටීව් ජොබ්ස්ට (Steve Jobs) වයස 21යි. ඔහුගේ මිතුරු ස්ටීව් වොස්නියැක් (Steve Wozniak) සමග එක්ව ඔවුන් දෙදෙනා මේ මුල්ම ඇපල් පරිගණක තැනුවේ ස්ටීව් ජොබ්ස්ගේ මාපියන්ගේ ගෙදර ගරාජයකයි. ඔවුන් ඒ තැනූ මූල් පරිගණක 50 තැන්පත් කරල තිබුණු ආකාරය දැක්වෙන මේ විරල ඡායාරූපය නිකුත් කරනු ලැබුවේ ලබන නොවැම්බර් 16 වැනිදා වෙන්දේසියට තැබෙන දැනට හොඳම තත්වයේ ඇති පැරණි ම ඇපල් පරිගණකය එළි දැක්වීම වෙනුවෙන්.

මෙය දැනට ලෝකයේ ඇති වටිනාම සන්නම ලෙස සැලකෙන ඇපල් පරිගණකයේ ආරම්භක තත්වය තේරුම ගන්නත් හොඳ අවස්ථාවක්. මේ සන්නමෙහි අද වටිනාකම පවුම් බිලියන 60ක්.

ඇපල් පරිගණකයේ ආරම්භය දැක්වෙන මේ කිසිදා එළියට නො පැමිණි ඡායාරූපයක්. ඒ මුල් ම ඇපල් පරිගණකය අළෙවි කරන්න ගෙනියන්න පෙර 1976 දී පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුග…

දුර්ලභ ගණයේ සේයා රුවක්! නවසීලන්තයේ ධීවරයකුගේ නවතම ගොදුරක්!

මෙය ලියැවෙන්නේ කලාතුරකින් හමු වන ඡායාරූපයක් ඔබ වෙත ඉදිරිපත් කරන්නයි. අන්තර් ජාලය පුරා මේ වන විටත් වැඩි දෙනකුගේ අවධානය දිනා ගෙන තියෙනවා.

මේ ඡායාරූපයෙන් කියැවෙන්නේ මිනීමරු සුදු මෝරකුගේ ඉරණම දැක්වෙන කතාවක්. පසුගිය සතියෙදි නවසීලන්තයේ මුහුදේදි ගත්තු එකක්.

මහා භූමිකම්පාවකින් පසු පාකිස්ථාන මුහුදෙන් මතු වූ ලෝකයේ අලූත් ම දූපත!

පසුගියදා පාකිස්ථානයේ ප‍්‍රබල භූමිකම්පාවක් ඇති වුණා. 7.8ක් වූ ඒ භූමිකම්පාවෙන් බලූකිස්ථානය අසල මුහුදේ අලූත් දූපතක් මතු වුණා. ලෝකයේ අලූත් ම දූපත එයයි.

සල්සාලා කෝහ් (Zalzala Koh) යනුවෙන් ඒ දූපත නම් කරලා තියෙනවා. දාල්බන්දින්වලට සැතැපම් 145ක් ගිනිකොන දෙසින් හටගත් මේ භූම්කම්පාව නිසා දැන් එය බලන්න සංචාරකයන් වගේම පාකිස්ථාන වැසියන් වැල නොකැඩි එනවා. ඒ දූපතටත් ගොඩ වෙනවා. ගිනිගන්නාසුලූ වායුව, විස දුම් ආදිය ඇති බව අනතුරු හැෙඟව්වත් ඒවා ගනන් නොගෙනයි, ඔවුන් එහි එන්නෙ.

ඒ දූපතේ පිපිරුණු මඩ, වැලි, ගල් මුසු බිම මත මුහුදු සතුන්ගේ මළ සිරුරු, විශේෂයෙන් ම මාළුන් මළකුණු පිරිලා තියෙනවා.

මෙන්න ලෝකයේ අලූත් ම දූපත අහසට පෙනෙන හැටි. මේ මඩ කන්ද මීටර් 15ක් 20ක් විතර උස ඇති. මිනිසුන්ට ඒ මත ඇවිද ගෙන යා හැකි තරමට එහි බිම ඝනකම් කියලයි, කියන්නෙ.

MH370 මැලේසියානු ගුවන්යාන අබිරහස : නියමුවාම යානය බලෙන් ගෙන ගියාද?

2014 මාර්තු 16 වැනිදා

අනතුරට පත් යානයේ නියමුවා වූ සහාරි අහමඞ් ෂා දේශපාලන උමතුවකින් පෙළෙන්නකු ලෙස දැන් සැක කරනවා. එම්එච්370 යානය නියමුවා ලෙස සේවයට වාර්තා කරන්නට පෙර ඔහු මැලේසියාවේ විරුද්ධ පක්ෂ නායකයා වූ අන්වර් ඒබ‍්‍රහම්ට එරෙහිව පැවති නඩු විභාගයට බලන්නට ගිය බවක් ෆෙඩරල් පරීක්ෂක නිලධාරින් කියනවා.