Skip to main content

පරමාණු බෝම්බයට වඩා සිය දහස් ගුණයක විනාශයක් කිරීමට හැකි න්‍යෂ්ටික අවි

‘මට මතකයි ජනාධිපති කෙනඩි වරක් කීවා ඇමෙරිකා එක්සත් ජනපදයට න්‍යෂ්ටික මිසයිල තියෙනවා කියලා සෝවියට් දේශය දෙපාරක් ම විනාශ කරන්න හැකියාව ඇති. ඒත් සෝවියට් දේශයට ඇත්තේ එක්සත් ජනපදය එක වරක් විනාශ කළ හැකි මිසයිල ප‍්‍රමාණයක් විතරයි කියල. පත‍්‍රකලාවේදීන් මගෙන් ඒ ගැන මොකද කියන්නේ කියල ඇහුවාම, මං ඒ ගැන විහිළුවක් කරමින් කීවේ ‘‘මං දන්නවා කෙනඩි කියන්නෙ මොකක්ද කියල. එයා හරියට ම හරි. මං ඒ ගැන මොකුත් කියන්නෙ නෑ. ඒත් අපි සෑහීමකට පත් වෙනවා, පළමු වටයේදිම එක්සත් ජනපදය විනාශ කිරීමට අපට ඇති හැකියාව ගැන. අපට එක් පාරක් හොඳටෝ ම ඇති. රටක් දෙපාරක් ම විනාශ කිරීමෙන් ඇති හොඳේ මොකක් ද? අපි ලේ පිපාසිත ජනතාවක් නෙවෙයි’’ එවකට රුසියන් අගමැති නිකිතා කෘෂෙප් 1974 දී සිය මතක සටහන් ලියමින් සඳහන් කර තිබේ.



මේ කතා බහෙන් පිළිබිඹු වුණු ඇමෙරිකාවත් රුසියාවත් අතර පැවති ‘සීතල යුද්ධය’ ඇති වූයේ න්‍යෂ්ටික අවි ලොවට බිහි වීම නිසාය. දෙවන ලෝක යුද්ධයට පෙර කාලයේ දී හිට්ලර් ගත් මග නිසා කොයි මොහොතේ හෝ මුළු ලෝකය ම විනාශ කළ හැකි අවියක් ඔහු විසින් නිපදවනු ඇතැයි බියක් ඇමෙරිකාව තුළ පැවතිණ. හිට්ලර් V-2 රොකට් නිපදවා දුර සිට ප‍්‍රහාර එල්ල කරන්නට පටන් ගත් විට මේ බිය තවත් වැඩි විය. පරමාණු බෝම්බය නිපද වූයේ ඒ බියෙහි ප‍්‍රතිඵලයක් වශයෙනි. ඒ සමග ම නොසිතූ මොහොතක එය ජපානයට හෙළීමෙන් ඇමෙරිකාව කළ කි‍්‍රයාවත් නිසා රුසියාවේ බිය ද වැඩි විය. ඒ නිසා රුසියාවත් තමන්ගේ ම න්‍යෂ්ටික අවි වැඩපිළිවෙළක් ආරම්භ කළේය.

මේ හැම තැනක ම භාවිත කෙරුණේ එකම තැනකින් ලබා ගත් න්‍යෂ්ටික භාවිතය පිළිබඳ දැනුමය. ඒ නිසා න්‍යෂ්ටික අවිවල පිපිරුම් කි‍්‍රයාවලිය මෙන් ම ඉන් ලැබුණු ප‍්‍රතිඵල බොහෝ විට සමාන විය.


න්‍යෂ්ටික අවිවලට න්‍යෂ්ටික ශක්තිය ලැබෙන්නේ බර න්‍යෂ්ටියක් ඛණ්ඩනය කිරීමෙන් (එනම් කැඞීමෙන්) හෝ සැහැල්ලූ න්‍යෂ්ටි විලයනය කිරීමෙන් (එනම් එක්කිරීමෙන්) යන ආකාර දෙකෙනි. පරමාණුවක් තුළ මෙවැනි ඛණ්ඩනයක් ඇති කිරීමට නම් බර මූල ද්‍රව්‍යයක පරමාණුවක න්‍යෂ්ටියකට නියුට්‍රෝන ප‍්‍රහාරයක් එල්ල කිරීම කළ යුතුය. මෙහිදී න්‍යෂ්ටිය දෙකකට කැඞී අති ප‍්‍රබල ශක්තියක් ජනනය කරයි. ඒ සමගම එමගින් නියුට්‍රෝන දෙකක් හෝ වැඩි ගණනක් නිකුත් කරයි. මෙහි දී නිකුත්වන සෑම නියුට්‍රෝනයකට ම තවත් බර න්‍යෂ්ටියක් ඛණ්ඩනය කිරීමට අවශ්‍ය කරන ශක්තිය තිබේ. මෙවැනි කි‍්‍රයාවලියක් ආරම්භ කළ විට ඒ කි‍්‍රයාවලිය තුළින් ම එය දිගින් දිගටම නොනවත්වා සිදු වේ. මේ දාම ප‍්‍රතිකි‍්‍රයාව න්‍යෂ්ටික අවිවලට ද පදනම වී තිබේ. මෙය කෙතරම් වේගයෙන් සිදුවන්නේ ද යත් සෑම තත්පරයකින් ම දස බිලියනයකින් පංගුවක් තුළ මෙසේ නිපදවෙන නියුට්‍රෝන සංඛ්‍යාව දෙගුණ වෙයි. මෙම මුළු කි‍්‍රයාවලිය ම සම්පූර්ණ වීමට ගත වන්නේ තත්පරයකින් බිලියන පංගු කීපයක කාලයක් පමණය. මේ කි‍්‍රයාදාමයේ ප‍්‍රතිඵලය වශයෙන් එය ආරම්භක අවස්ථාවේ පැවති ශක්තිය මෙන් මිලියන ගණනක ශක්තියක් නිමේෂයකටත් අඩුකාලයක් තුළ ඇති වීමය. නිදසුනක් වශයෙන් ග්රෑම් 450ක බර යුරේනියම් ඛණ්ඩනයෙන් ලැබෙන ශක්තිය ගල් අඟුරු ටොන් 3000ක් දැවීමෙන් ලැබෙන ශක්තියට සමානය. එනම් TNT9000ක පිපිරුමකට සමානය.

මෙවැනි ඛණ්ඩන හෝ විඛණ්ඩන කි‍්‍රයාදාමයන් ඇති කිරීමට යොදා හැකි මූල ද්‍රව්‍ය ඇත්තේ කීපයක් පමණය. එයින් න්‍යෂ්ටික අවි නිපදවීම සඳහා යොදා ගන්නේ යුරේනියම් හා ප්ලූටෝනියම් යන බර මූල ද්‍රව්‍ය දෙකය.

සැහැල්ලූ න්‍යෂ්ටි විලයනය (සංයෝජනය) කිරීමෙන් තැනෙන බෝම්බයක් ලෙස ජලකර හෙවත් හයිඞ්‍්‍රජන් බෝම්බය නම් කළ හැකිය. එහි දී සිදු කෙරෙන්නේ සැහැල්ල බරැති න්‍යෂ්ටි ඉතා දැඩි උෂ්ණත්වයක් යටතේ වැඩි බරැති න්‍යෂ්ටි සමග විලයනය කිරීමය. මෙහි දී බල ශක්තිය මුදා හැරෙන්නේ පිපිරීමේ දී නිකුත්වන නියුට්‍රෝනයක් සමගය. එය හැඳින්වෙන්නේ තාපන්‍යෂ්ටික ප‍්‍රතිකි‍්‍රයාවක් ලෙසිනි. සූර්යයාගේ හා අනෙක් තරුවල තාපය හා ආලෝකය ජනනය කරනු ලබන්නේ මේ ක‍්‍රමයෙනි. න්‍යෂ්ටි දෙකක් විලයනය (එකට සම්බන්ධ) කිරීමට අවශ්‍ය කි‍්‍රයාදාමය ආරම්භයට න්‍යෂ්ටික පිපිරීමක් කළ යුතු වෙයි. ඒ පිපිරීම කෙරෙන්නේ පරමාණු බෝම්බයක් ටි‍්‍රගරයක් ලෙස යොදා ගෙනය. හයිඞ්රජන් බෝම්බ තැනීමට බොහෝ විට යොදා ගන්නේ ඩියුටීරියම් හා ට්රයිටියම් යන හයිඩ‍්‍රජන් සමස්ථානිකයන්ය. මේ විලයන කි‍්‍රයාවලියක් හැම විටම ඛණ්ඩන කි‍්‍රයාවලියකට වඩා සිව් ගුණයක් ප‍්‍රබල පිපිරීමක් ඇති කරයි.

සෝවියට් දේශය හෙවත් රුසියාව න්‍යෂ්ටික අවි තැනීම නිසි ලෙස ආරම්භ වූයේ 1943 දී ඉගෝර් වැසිලෙවිච් කුර්චාටෝෆ් නම් භෞතික විද්‍යාඥයාගේ නායකත්වයෙනි. ඒ මුල් පරමාණු බෝම්බය තැනීමට ඇමෙරිකාව රහසිගතව ඇරඹූ මෑන්හැට්න් ව්‍යාපෘතිය ගැන සෝවියට් ඔත්තු සේවය ලබා දුන් වාර්තාවලට අනුව යමිනි. මේ අනුව ‘ෆස්ට් ලයිට්නින්’ නමින් රුසියාවේ ප‍්‍රථම න්‍යෂ්ටික පිපිරවීම සිදු කෙරිණ. ඒ 1949 අගෝස්තු 29 වැනිදාය ඒ සඳහා යොදා ගත්තේ ප්ලූටෝනියම්ය. තවත් වසර දෙකකට වැඩි කාලයකට පමණ පසු දෙවැනි න්‍යෂ්ටික පිපිරවීම සිදු කරනු ලැබීය. ඒවා සෝවියට් දේශය තැනූ මුල්ම පරමාණු බෝම්බ ලෙස හැඳින්විය හැකිය.

ඉන්පසු සෝවියට් දේශය විසින් තාපන්‍යෂ්ටික අවි තැනීමේ වැඩපිළිවෙළක් අදියර දෙකකින් ආරම්භ කරනු ලැබීය. එහි දී මූලිකත්වයක් ගෙන කි‍්‍රයා කළේ ‘සෝවියට් ජලකර බෝම්බයේ පියා’ ලෙස සැලකෙන ඇන්ඩෲ සැකරෝෆ් ය. ඔහු ඇතුළු විද්‍යාඥයන් පිරිස එක්ව තැනූ ‘ස්ලොයිකා’ හෙවත් ‘ජෝ-4 නම් වූ අත්හදා බැලීම ඔවුන්ගේ මුල්ම තාපන්‍යෂ්ටික බෝම්බය විය. ඔවුන්ගේ නියම ජලකර බෝම්බය තැනීමට මඟ පෑදුවේ ඒ බෝම්බයයි. RDS-37 නමින් හැඳින් වූ අත්හදා බැලීම ඔවුන්ගේ ජලකර බෝම්බ අත්හදා බැලීම විය. එය සිදු කරන ලද්දේ 1955 නොවැම්බර් 22 වැනිදාය. රුසියාව විසින් කළ ප‍්‍රථම කාර්මික න්‍යෂ්ටික බෝම්බ අත්හදා බැලීම චාගන් යනුවෙන් හඳුන්වා තිබේ.


මේ සියල්ලක් ම රුසියාව විසින් සිදු කරනු ලැබුවේ ඇමෙරිකාව විසින් ආරම්භ කළ ව්‍යාපෘති අනුව යමින් සිය ආරක්ෂාව පතාය. සීතල යුද්ධය ඇරඹුණේ ද ඒ අනුවය. සෝවියට් දේශය කැඞී බිඳීයාමත් සමග මේ තර්ජනය පහව ගියේය. දැන් මහ දෙරට අතර මහ යුද්ධයක් ඇති වීමේ අවදානමක් නැත. ඒ නිසා ම න්‍යෂ්ටික අවි තැනීම පිළිබඳ දැනුම ලෝකයේ බොහෝ රටවලට කාන්දු වී තිබේ. ඒ නිසා න්‍යෂ්ටික අවිවලින් ලෝකයේ හැම රටකටම එල්ල වී ඇති තර්ජනය අද නව මුහුණුවරක් ගෙන තිබේ. අද ලොව පුරා රටවල් ගණනාවක් ම න්‍යෂ්ටික අවි තැනීමට පෙලඹී සිටිති. ඒත් අසල්වැසි සතුරු රටවලට ඇති බිය නිසා ආරක්ෂාව සලසා ගැනීම අරමුණු කර ගෙනය. දැන් රටවල් ගණනාවක ම ඇති න්‍යෂ්ටික යුද අවි ඕනෑම මොහොතක විනාශකාරී ත‍්‍රස්තවාදී සංවිධානයක් අතර පත් වීමේ ඇති ඉඩකඩ වැඩි වී තිබේ. එසේ ම ඒ න්‍යෂ්ටික අවි එදා ඇමරිකාව දැමූ පරමාණු බෝම්බයට වඩා අති ප‍්‍රබලය. ඒ නිසා ඒවායින් සිදු විය හැකි විනාශය ද අති විශාලය.


එදා 1945 අගෝස්තු 6 වැනිදා ඇමෙරිකානු ඊ-52 යානයෙන් ගෙන ගිය පළමු පරමාණු බෝම්බය ජපානයේ හිරෝෂිමා නගරයට අඩි 1,850ක් ඉහළ අහසේ දී පුපුරුවා හරිනු ලැබූ අවස්ථාවේ දී එයින් අඩුම තරමින් 78,000ක් දෙනා එසැණ මරණයට පත් වූ අතර සෙසු අය බෝම්බයේ ප‍්‍රතිඵලයක් ලෙස නිකුත් වූ විකිරණ හේතු කොට ගෙන නිශ්චිත කාලයක් තුළ 200,000 මරුමුවට පත් බව සඳහන්ය. ඉන් තුන් දිනකට පසු දෙවැනි පරමාණු බෝම්බය නාගසාකි නගරයට හෙළනු ලැබීය. ඉලක්කය වැරදී එය සැතැපුම් තුනක් ඈතට වැටුණු ද ඒ නිසා මියගිය සංඛ්‍යාව ද 140,000කට අධික විය. මේ විනාශයට වඩා සිය දහස ගුණයක විනාශයක් කිරීමට අද න්‍යෂ්ටික අවියකට හැකියාව තිබේ.

Comments

  1. වටින ලිපියක් වගේ ම හොඳ දැනුවත්කිරීමක්!

    ReplyDelete
  2. Good article.
    there is a small mistake, that plane isn't the E-52 it is the B-52

    ReplyDelete
  3. Nuclear Energy prayojanayata gena ekineka vinasha karana weapons sadeemata nova minisage diyunuvata yamak karanna hakiveva!

    ReplyDelete
  4. mewa ahawama attatama baya hetinawa api inne mhama mha gini kadu tiyana venashakaarii thanaka keyala
    thanks
    Danuma beda gattata.......
    Digatama liyanna
    Obata jayenn jaya.............

    ReplyDelete

Post a Comment

Popular posts from this blog

ලෝකයේ වටිනාම මුද්දරය වෙන්දේසියට! දැනට ඇත්තේ ලෝකෙටම එකයි!

මුද්දර එකතු කිරීම (Philately) විනෝදාංශයක් වගේම හොඳ ආදායම් මාර්ගයක්. පුංචි වුණාට තැපැල් මුද්දරයක් කියන්නේ රටක ඉතිහාසය කියාපාන කැඩපතක්. රටකින් රටකට හොඳ හිත පතුරුවමින් යන සංස්කෘතික තානාපතිවරයෙක්!

ඒ වගේ පැරණි තැපැල් මුද්දරයක් එහි මුහුණත සඳහන් වටිනාකමට හුඟක් වැඩිවෙන වෙලාවල් තියෙනවා. එහෙම වෙන්නේ ඒවායේ ඇති දුලබකම නිසයි.

ඒ වගේ 1873 දී ලිපිගොනු ගොඩක් අස්සේ තිබී හමුවුණු පාවිච්චි කළ ශත එකේ තැපැල් මුද්දරයක් පසුව වෙළෙඳ පොළේ දී සිලිං හයකට විකුණුණා. බි‍්‍රතාන්‍ය ගයානාව (British Guiana) විසින් නිකුත් කළ ශත එකේ දම්පාට තැපැල් මුද්දරය (1c Magenta stamp) දැන් යළිත් වෙන්දේසිය සඳහා වෙළෙඳපොළට ඇවිත්. අද, වසර 141කට පසු, එයට මුද්දර වෙන්දේසියේ දී ඇමරිකන් ඩොලර් මිලියන 20ක මුදලක් ලැබේවි යැයි විශ්වාස කරනවා.

මෑතදී ‘ලොව වඩාත් වටිනාම මුද්දරය’ ලෙස හඳුන්වනු ලැබූ මේ පැති අටේ හැඩැති තැපැල් මුද්දරය 2014 ජූනි මාසයේ 17 වැනිදා ඇමරිකාවේ නිව්යෝක්හිදී ප‍්‍රසිද්ධ වෙන්දේසියේ විකිණීමට නියමිතයි.

මෙය දැනට ලෝකයේ සුරක්ෂිතව ඉතිරි වී ඇති මේ වර්ගයේ එකම මුද්දරය ලෙස සැලකෙනවා. මෙය නිකුත් කරන ලද්දේ 1856දියි. බි‍්‍රතාන්‍ය ගයානාවේ තැපැල් මහතා…

MH370 මැලේසියානු ගුවන්යාන අබිරහස! ලෝකයේ අබිරහස් ලෙස අතුරුදන් වුණු ගුවන්යානා 10 මෙන්න!

පසුගිය සතියේ (මාර්තු 8 වැනිදා) අතුරුදන් වූ පිසැරි අංක එම්එච්370 මැලේසියානු මගී ගුවන්යානයට වූ දේ තවමත් අබිරහසක්. රටවල් 10 ගුවන්යානා, නැව්, චන්ද්‍රිකා රැසක් මේ අබිරහස විසඳන්න තවමත් වෙහෙසෙනවා.

ඒත් මෙය දැනටමත් නොවිසඳෙන අබිරහසක් පත් වෙන ලකුණු පහළ වෙලා!

ලොව පළමු සෙල් ෆෝනය මේකද? වසර 75ක් පැරණි පින්තූරයේ රහස හෙළි වෙයිද?

බලන්න මේ තරුණිය ජංගම දුරකතනයක් කනේ තියා ගෙන පාර දිගේ කතා කර කර යනවා! අද නම් මේ වගේ දසුනක් ගමක පාරක වුනත් ඔබ දැක ඇතුවාට සැකයක් නැහැ. ඒත් මේ දර්ශනය කැමරාවට නඟා ඇත්තේ මීට අවුරුදු 75කට පෙරයි!

1938 දී ඇමෙරිකාවේ වීදියක ගමන් කළ මේ යුවතියගේ අතට වර්තමානයේ අප පාවිච්චි කරනා තාලේ සෙල් ෆෝනයක් (ජංගම දුරකතනයක්) ආවෙ කොහොමද?

ඒ කාලයේ මේ වගේ දෙයක් නිපදවීම තියා මෙවැන්නක් ගැන හිතලවත් නොතිබුණා නම් මෙම දර්ශනය චිත‍්‍රපටයකට ගත් නිර්මාණයක්ද? සමහර අය කීවේ චිත‍්‍රපටය තුළින් අනාගතය දැකීමක් ලෙස මෙම දසුන සලකන්න පුළුවන් කියලයි. අනාගතය පරිකල්පනය කළ අවස්ථා චිත‍්‍රපටවල ඕනෑ තරම් තිබුණා. මේ වගේ

මේ රූප පෙළ මේ වන විට යූටියුබ් (YouTube) එක හරහා ලක්ෂ තුනකට වැඩි වාර ගණනක් සංසරණය වෙලා තියෙනවා. වර්ණ චිත‍්‍රපට එන්නට පෙරාතුව කළු සුදු ක‍්‍රමයට කැමරාවට නගන ලද මෙහි රහස පසුගිය දා හෙළි වුණා. මෙම තරුණිය තමාගේ මීමිත්තණිය යැයි යුටියුබ් ග‍්‍රාහකයෙක් හෙළි කළා.

අනාගතයට යාමක් ද? මෙහි දැක්වෙන්නේ ඇමරිකාවේ ඩුපොන්ට් ආයතනයෙන් පිට වී යන තරුණ සේවිකාවන් පිරිසක්. එයින් එක් තරුණියක් අතේ ඇති ජංගම දුරකතනයකින් කතා කරමින් යනවා ඔබට පෙනෙනවා ඇති. වසර 75කට ප…

නස්රුදින්ගේ වේළීමේ රහස! අලුත්ම නස්රුදින් කතාවක්!

නස්රුදින්ගේ පොහොසත් මිතුරෙක් ඔහුට කතා කළා, ඒ මිතුරාත් ඔහුගේ පිරිසත් එක්ක දින කීපයක් තිස්සේ දඩයමේ යන්න. මුල් ම දවසේ ඔවුන් නස්රුදින්ට දුන්නෙ බොහොම හෙමින් යන අස්සයෙක්. දඩයමට යන්න පටන් අරන් වැඩි වේලාවක් ගියේ නෑ, හෙමින් ගිය අස්සයා නිසා නස්රුදින් හුඟක් පහුවුණා. නස්රුදින්ව පහු කරලා දාලා අනෙක් පිරිස ඈතට දඩයමේ ගියා.

දියණිය උපන් මොහොතේ පියා ගත් පින්තූරය අන්තර් ජාලය කළඹයි! වෛද්‍යවරයාගේ අතේ එල්ලී එළියට ආ ළදැරිය මෙන්න!

ජීවිතයේ විස්මිත මොහොතවල් ඡායාරූපයට නැඟීම වාසනාවත් එක්ක සිදු වන දෙයක්. එහෙම වාසනාවක් ලද මාපිය යුවලක් තමන් ගත් ජීවිතයේ අමතක නොවන පින්තූරය ‘මුහුණු පොතේ’ පළ කළා. මොහොතකින් එය අන්තර්ජාලය පුරා ‘කුණාටුවක්’ මෙන් හඹා ගියා.

මෙලොව එළිය දකින්න මොහොතකට පෙර පුංචි නෙවායි මව් කුස හිඳිමින් තම උදව්වට ආ වෛද්‍යවරයාගේ ඇඟිල්ලේ එල්ලූන හැටි!

හොල්මන් පින්තූර කතන්දර පෙළක්! මේවා දැකල බය වෙන්න එපා!

රාති‍්‍ර කාලයට අඳුරේ දී ඔබව බියපත් කරන හැම රටකටම, හැම සමාජයකම තියෙනවා. ඇත්තටම හොල්මන් තියෙනවා කියල ඔප්පු කරන්න හොල්මන්වල පින්තූර ගන්න අයත් ඉන්නවා. මේ ඒ විදියට ගත්තු පින්තූර පෙළක්!


අවුරුදු ගානක් තිස්සෙ විවිධ අවස්ථාවලදි ගත්තු පින්තූර තමයි, මේ තියෙන්නේ. මෙහි ඉන්නවා, ඝාතනය කළ වහල් සේවකයන්, රෝහල්වල වධබන්ධනවලට ලක්ව මියගිය රෝගීන්, අතීතයට එක් වූ මුහුදු නැවියන් ආදී නොයෙක් අය. මොවුන්ගේ හොල්මන් කතා අහපු බොහොම දෙනෙක් බියට පත් වුණා. තාමත් අහන අයගේ ඇඟ හිරි වැටෙනවා.

මුල්ම ඇපල් 1 පරිගණකය ලෝක වාර්තාවක් තියයිද? ඇපල් සමාගමේ ආරම්භය හෙළිකරන මෙතෙක් පළ නොවූ ඡායාරූපයක්!

ඇපල් පරිගණකය පටන් ගත් හැටි දැන් දකින කොටත් පුදුම හිතෙනවා. ඒ මුල් ම ඇපල් පරිගණකය අළෙවි කරන්න ගෙනියන්න පෙර පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුගිය දා ප‍්‍රථමවරට හෙළිදරවු වුණා.

මේ ඡායාරූපයට නගා තියෙන්නේ 1976 දියි. එතකොට ස්ටීව් ජොබ්ස්ට (Steve Jobs) වයස 21යි. ඔහුගේ මිතුරු ස්ටීව් වොස්නියැක් (Steve Wozniak) සමග එක්ව ඔවුන් දෙදෙනා මේ මුල්ම ඇපල් පරිගණක තැනුවේ ස්ටීව් ජොබ්ස්ගේ මාපියන්ගේ ගෙදර ගරාජයකයි. ඔවුන් ඒ තැනූ මූල් පරිගණක 50 තැන්පත් කරල තිබුණු ආකාරය දැක්වෙන මේ විරල ඡායාරූපය නිකුත් කරනු ලැබුවේ ලබන නොවැම්බර් 16 වැනිදා වෙන්දේසියට තැබෙන දැනට හොඳම තත්වයේ ඇති පැරණි ම ඇපල් පරිගණකය එළි දැක්වීම වෙනුවෙන්.

මෙය දැනට ලෝකයේ ඇති වටිනාම සන්නම ලෙස සැලකෙන ඇපල් පරිගණකයේ ආරම්භක තත්වය තේරුම ගන්නත් හොඳ අවස්ථාවක්. මේ සන්නමෙහි අද වටිනාකම පවුම් බිලියන 60ක්.

ඇපල් පරිගණකයේ ආරම්භය දැක්වෙන මේ කිසිදා එළියට නො පැමිණි ඡායාරූපයක්. ඒ මුල් ම ඇපල් පරිගණකය අළෙවි කරන්න ගෙනියන්න පෙර 1976 දී පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුග…

දුර්ලභ ගණයේ සේයා රුවක්! නවසීලන්තයේ ධීවරයකුගේ නවතම ගොදුරක්!

මෙය ලියැවෙන්නේ කලාතුරකින් හමු වන ඡායාරූපයක් ඔබ වෙත ඉදිරිපත් කරන්නයි. අන්තර් ජාලය පුරා මේ වන විටත් වැඩි දෙනකුගේ අවධානය දිනා ගෙන තියෙනවා.

මේ ඡායාරූපයෙන් කියැවෙන්නේ මිනීමරු සුදු මෝරකුගේ ඉරණම දැක්වෙන කතාවක්. පසුගිය සතියෙදි නවසීලන්තයේ මුහුදේදි ගත්තු එකක්.

මහා භූමිකම්පාවකින් පසු පාකිස්ථාන මුහුදෙන් මතු වූ ලෝකයේ අලූත් ම දූපත!

පසුගියදා පාකිස්ථානයේ ප‍්‍රබල භූමිකම්පාවක් ඇති වුණා. 7.8ක් වූ ඒ භූමිකම්පාවෙන් බලූකිස්ථානය අසල මුහුදේ අලූත් දූපතක් මතු වුණා. ලෝකයේ අලූත් ම දූපත එයයි.

සල්සාලා කෝහ් (Zalzala Koh) යනුවෙන් ඒ දූපත නම් කරලා තියෙනවා. දාල්බන්දින්වලට සැතැපම් 145ක් ගිනිකොන දෙසින් හටගත් මේ භූම්කම්පාව නිසා දැන් එය බලන්න සංචාරකයන් වගේම පාකිස්ථාන වැසියන් වැල නොකැඩි එනවා. ඒ දූපතටත් ගොඩ වෙනවා. ගිනිගන්නාසුලූ වායුව, විස දුම් ආදිය ඇති බව අනතුරු හැෙඟව්වත් ඒවා ගනන් නොගෙනයි, ඔවුන් එහි එන්නෙ.

ඒ දූපතේ පිපිරුණු මඩ, වැලි, ගල් මුසු බිම මත මුහුදු සතුන්ගේ මළ සිරුරු, විශේෂයෙන් ම මාළුන් මළකුණු පිරිලා තියෙනවා.

මෙන්න ලෝකයේ අලූත් ම දූපත අහසට පෙනෙන හැටි. මේ මඩ කන්ද මීටර් 15ක් 20ක් විතර උස ඇති. මිනිසුන්ට ඒ මත ඇවිද ගෙන යා හැකි තරමට එහි බිම ඝනකම් කියලයි, කියන්නෙ.

MH370 මැලේසියානු ගුවන්යාන අබිරහස : නියමුවාම යානය බලෙන් ගෙන ගියාද?

2014 මාර්තු 16 වැනිදා

අනතුරට පත් යානයේ නියමුවා වූ සහාරි අහමඞ් ෂා දේශපාලන උමතුවකින් පෙළෙන්නකු ලෙස දැන් සැක කරනවා. එම්එච්370 යානය නියමුවා ලෙස සේවයට වාර්තා කරන්නට පෙර ඔහු මැලේසියාවේ විරුද්ධ පක්ෂ නායකයා වූ අන්වර් ඒබ‍්‍රහම්ට එරෙහිව පැවති නඩු විභාගයට බලන්නට ගිය බවක් ෆෙඩරල් පරීක්ෂක නිලධාරින් කියනවා.