Skip to main content

ව්‍යාඝ‍්‍රයන්ට ඉරි හා දිවියන්ට තිත් ලැබුණේ කොහොමද? අවුරුදු 60 වසරක් පැරණි නියමය තහවුරු කරයි!

පළමු වතාවට විද්‍යාත්මක පරීක්ෂණ මගින් ශ්‍රේෂ්ඨ බි‍්‍රතාන්‍ය ජාතික විද්‍යාඥයකු වූ ඇලන් ටියුරින් ඉදිරිපත් කළ න්‍යායක් තහවුරු කිරීමට බි‍්‍රතාන්‍ය විද්‍යාඥ පිරිසක් සමත් වී තියෙනවා. මේ න්‍යාය ඔහු ඉදිරිපත් කර ඇත්තේ ව්‍යාඝ‍්‍රයන්ට ඉරි හා දිවියන්ට පුල්ලි ආදී ජීව රටාවන් ලැබුණු ආකාරය පිළිබඳවයි.

ටියුරින්ගේ ජන්ම ශත සංවත්සරය යෙදී ඇති මේ වසරේ දී ම ඔහුගේ න්‍යාය තහවුරු කිරීම විශේෂ දෙයක් ලෙස සැලකිය හැකියි. සතුන්ගේ සිරුරවල ඇති වන හඳුනා ගැනීමේ ලක්ෂණ ලෙස විශේෂ රටා ඇති කෙරෙන්නේ ප‍්‍රබෝධකයක් (activator) හා අවශේධකයක් (inhibitor) ලෙස එක විට කි‍්‍රයා කරන රූප ජනක ජාන හෙවත් මෝෆොජන්ස් (morphogens) යුගලක් නිසා යයි ඔහු ඒ න්‍යාය තුළින් ලොවට කීවා.

දැන් ලන්ඩනයේ කිංස් කොලේජ්හී පර්යේෂකයන් ඒ ලෝක ප‍්‍රකට කේත විකේතනය කරන්නාගේ 60 වසරක් තිස්සේ පැවති ඒ න්‍යාය පරීක්ෂණ මගින් තහවුරු කිරීම ප‍්‍රතිජනන විද්‍යාවේ විශාල ජයක් ලෙස සැලකිය හැකියි.

මේ න්‍යාය පරීක්ෂා කිරීම පිණිස පර්යේෂකයන් මීයන්ගේ මුඛයේ උඩු තල්ලෙහි එක අතරක් ඇතිව පිහිටන වැටිවල වර්ධනය අධ්‍යයනයට ලක් කළා.

කොටියන්ට, ව්‍යාඝ‍්‍රයන්ට, දිවියන්ට, සීබ‍්‍රාවන්ට පුල්ලි ඇති වුණේ මෝෆෝජන්ස් විශේෂයක බලපෑමක් නිසයි.

මීයාගේ කලලයෙන් අත්හදා බැලීම් ආරම්භ කළ මේ කණ්ඩායම මෙම වැටිවල වර්ධනයට දායක වෙමින් එකට එක්ව කි‍්‍රයාකරන මෝෆොජන්ස් නම් රසායනික යුගලයක් ඇති බව හඳුනා ගත්තා. මේ රසායන එකිනෙකාගේ ප‍්‍රකාශනය පාලනය කරමින්, ප‍්‍රබෝධනය කරමින් හා නිෂ්පාදනය අවශේධනය කරමින් මුඛයේ උඩු තල්ලෙහි දාර රටා ඇති වීම පාලනය කරන බවද හෙළි කර ගත්තා.

පර්යේෂකයන් මේ කි‍්‍රයාවලිය සිදු කරන විශේෂ මෝෆොජන්ස් යුගලයක් හඳුනා ගන්නත් මෙහිදී ඔවුන් සමත් වුණා. ෆයිබ්‍බ්‍රොලාස්ට් ග්‍රෝත් ෆැක්ටර් FGF හා සොනික් හෙජ්හෝග් Shh යනු ඒවායි. දෙවැන්නට ඒ නම යෙදුවේ රසායනාගාරයේ සිටි පලතුරු මැස්සන්ගේ පියෑඹීමේ හැකියාව අහිමිව ගිය පසු ඔවුන්ගේ සිරුරවල අතිරේකව වර්ධනය වූ කෙඳි විශේෂයක් නිසයි.

කව්ද මේ විද්‍යාඥ ටියුරින් ?
විද්‍යාඥ ඇලන් මැතිසන් ටියුරින් (Alan Mathison Turing) ඉංගී‍්‍රසි ජාතික ගණිතඥයෙක්. දෙවැනි යුද සමයේ විශිෂ්ට මෙහෙවරක් කළ නිහඬ වීරයෙක්. ජර්මානුන්ගේ හමුදා රහස් විකේතනය කරන්නට යොදා ගත් එනිග්මා යන්ත‍්‍රය ඔහුගේ නිමැවුමක්. ඒ නිසා තමයි, බි‍්‍රතාන්‍ය ඔත්තු සේවයට හිට්ලර්ගේ සැලසුම් කල් ඇතිව දැන ගන්නට හැකි වූයේ. එසේ ම බි‍්‍රතාන්‍ය නාවික හමුදාවට හිට්ලර්ගේ ‘යූ බෝට්ටු’ (U-boats) නමින් හැඳින්වුණු සබ්මැරීන පරාජය කරමින් අත්ලාන්තික් යුද්ධය ජය ගන්නට ඉඩ සැලසුණේ. ‘පරිගණක විද්‍යාවේ හා කෘති‍්‍රම බුද්ධියේ පියා’ යන විරුදාවලියෙන් ඔහු හඳුන්වන්නේ ‘ඇල්ගොරිතම’ හා පරිගණනය විධිමත් ලෙස යොදා ගෙන නිර්මාණය කළ එනිග්මා (Enigma) හෙවත් ටියුරින් යන්ත‍්‍රය නිර්මාණය කිරීම නිසයි.

ටියුරින්ගේ ඒ කාර්යයෙන් තමා වර්තමාන පරිගණකය නිර්මාණයට පදනම සැපයුණේ. ලෝක ප‍්‍රකට ටයිම් සඟරාව විසි වන සියවසේ ලොවට විශාල බලපෑමක් එල්ල කළ සිය දෙනා අතරට ටියුරින්ගේ නමත් ඇතුළත් කළේ නිසයි. ඒ සඳහා හේතු පාඨයේ දක්වා තිබුණේ ‘යතුරුපුවරුවක් මත ඇඟිලි දුව වන, පැතුරුම්පතක් හා වදන් සැකසුමක් විවෘත කරන සෑම කෙනෙකුම කි‍්‍රයා කරන්නේ ටියුරින්ගේ යන්ත‍්‍රයේ නව නිපැයුමක් සමග බව සිහිපත් කිරීම වටී’ යනුවෙනුයි.

එහෙත් එදා බි‍්‍රතාන්‍ය රජය ටියුරින්ට සැලකුවේ මහා අපරාධකරුවකු ලෙසයි. 1952 දී ඔහුට එරෙහිව සමලිංගික චෝදනා ඉදිරිපත් කළ ඔවුන් ඔහු වරදකරු කොට දඬුවම් වශයෙන් ස්තී‍්‍ර හෝමෝන චිකිත්සාව ලබා දී ඔහු අකර්මණ්‍ය කළා. එහෙත් ඔහුගේ සිය වන ජන්මදිනය පවත්වන මේ වසරේ ඔහුගේ ශ්‍රේෂ්ඨත්වය ගැන කියන්නත්, ඔහුගෙන් වූ මෙහෙය සමරන්නත්, ඔහුට අහිමි කළ ගෞරවය යළි ලබා දෙන්නත් කටයුතු කිරීම දෛවයේ සරදමක් වගෙයි.

සතුන්ගේ ඉරි රටා පිළිබඳ න්‍යාය ඉදිරිපත් කළ ‘පරිගණක විද්‍යාවේ හා කෘති‍්‍රම බුද්ධියේ පියා’ - ඇලන් ටියුරින්

1952 දී ටියුරින් ඉදිරිපත් කළ නියමය තහවුරු කළ විද්‍යාඥ පිරිස පෙන්නා දුන්නා මෝෆොජන්ස්වල කි‍්‍රයාකාරිත්වය නිසා මුඛයේ තල්ලෙහි දාර රටා අඩු වෙන හෝ වැඩි වෙන ආකාරය ටියුරින් පළ කළ න්‍යායට අනුව සිදු වන බව.

පළමු වතාවටයි, මෙසේ සැබෑ මෝෆොජන්ස් රසායනික මේ කි‍්‍රයාවලියට සම්බන්ධ බව හඳුනා ගනු ලබන්නේ. එදා හරියටම වසර 60කට පෙර ටියුරින් සිතින් ගොඩ නැඟූ ඒ න්‍යාය ඒ කියූ ආකාරයෙන්ම බලපාන බව ඔප්පු කිරීමට මේ පර්යේෂක පිරිස සමත් වුණා.

ලන්ඩනයේ King’s Dental Institute හි කපාල වක්ත‍්‍ර සංවර්ධන දෙපාර්තමේන්තුවේ Department of Craniofacial Development ආචාර්ය ජෙරමි ග‍්‍රීන් කියන්නේ, ”විධිමත් පරතරයක් ඇතිව පිහිටන ව්‍යුහයන් සහිත, කශේරුවේ හා කේෂ මූලවල සිට ව්‍යාඝ‍්‍රයකුගේ හෝ සීබ්රා මාළුවකුගේ හෝ ඉරිවල මූලික රටාවක් තියෙනවා, ජීව විද්‍යාවේ දී මේ බව අප හඳුනා ගන්නවා”

”න්‍යායන් ගණනාවක් ම තියෙනවා, ස්වභාව ධර්මයා තුළ ඒ රටා ඇති වන හැටි ගැන කියන. ඒත් මේ වන තෙක් සැබෑ සාක්ෂියක් තිබුණේ නෑ ටියුරින්ගේ යාන්ත‍්‍රණය තහවුරු කරන්න. අපේ මේ අධ්‍යයනය මගින් කෙරෙන පරීක්ෂණවලින් පළමුවතාවට ඉඩ සැලසෙනවා, ඉරි සෑදීමේ දී ප‍්‍රබෝධක-අවශේධක පද්ධතිය කි‍්‍රයාකාරන ආකාරය පැහැදිලි කරන්න. මෙහිදී එය මුඛයෙහි සිදු වන ආකාරයයි, පර්යේෂණයට භාජනය කෙරුණේ.

”ආහාර පිළිබඳ දැනීමට ඒවා රස විඳීමට අවශ්‍ය වන මුඛයේ ඇති මෙම වැටිවල විශාල වෛද්‍යමය වැදගත්කමක් නැහැ. කොහොම වුනත්, එය අතිශයින්ම වැදගත් වෙනවා, මේ ප‍්‍රබෝධක-අවශේධක කි‍්‍රයාවලිය දැක්වෙන න්‍යාය තහවුරු කරන්න.

”මේ මගින් අපට පෙන්වා දෙනවා ඉරි රටා වැනි දේ ඇති වන්නේ කෙසේද යන්න පමණක් නොව, මේ මෝෆොජන්ස් රසායනික අනාගතයේ දී ප‍්‍රතිජනන වෛද්‍ය විද්‍යාවේ දී ව්‍යුහයන් හා රටාවන් පුනර්වර්ධනය කිරීමට හා කඳ සෛල වෙනත් පටකවලින් වෙන් කොට හඳුනා ගැනීමට භාවිත කළ හැකි වේවි.

”මේ වසර ටියුරින්ගේ වසර වශයෙන් නම් කර ඇති නිසා ඒ ශ්‍රේෂ්ඨ ගණිතඥයාට හා පරිගණක විද්‍යාඥයාට උපහාරයක් ලෙස ඔහු එදා ඉදිරිපත් කළ නියමය නිවැරදි බව තහවුරු කිරීමට අපට හැකි වීම කාලීන වැදගත්කමක් ඇති දෙයක්.”

Comments

  1. Honda lipiyak. Sthuthiy. Computer mul piyavara thabu kena govravayata lak viya yuthumay.

    ReplyDelete
  2. Sathunge rataa hadena hati me lipiyen danagaththa. Zebra vage sathnge iri eyala goduru karaganna ena sathunge ilakkayen bereematath udav
    venava.

    ReplyDelete

Post a Comment

Popular posts from this blog

ලෝකයේ වටිනාම මුද්දරය වෙන්දේසියට! දැනට ඇත්තේ ලෝකෙටම එකයි!

මුද්දර එකතු කිරීම (Philately) විනෝදාංශයක් වගේම හොඳ ආදායම් මාර්ගයක්. පුංචි වුණාට තැපැල් මුද්දරයක් කියන්නේ රටක ඉතිහාසය කියාපාන කැඩපතක්. රටකින් රටකට හොඳ හිත පතුරුවමින් යන සංස්කෘතික තානාපතිවරයෙක්!

ඒ වගේ පැරණි තැපැල් මුද්දරයක් එහි මුහුණත සඳහන් වටිනාකමට හුඟක් වැඩිවෙන වෙලාවල් තියෙනවා. එහෙම වෙන්නේ ඒවායේ ඇති දුලබකම නිසයි.

ඒ වගේ 1873 දී ලිපිගොනු ගොඩක් අස්සේ තිබී හමුවුණු පාවිච්චි කළ ශත එකේ තැපැල් මුද්දරයක් පසුව වෙළෙඳ පොළේ දී සිලිං හයකට විකුණුණා. බි‍්‍රතාන්‍ය ගයානාව (British Guiana) විසින් නිකුත් කළ ශත එකේ දම්පාට තැපැල් මුද්දරය (1c Magenta stamp) දැන් යළිත් වෙන්දේසිය සඳහා වෙළෙඳපොළට ඇවිත්. අද, වසර 141කට පසු, එයට මුද්දර වෙන්දේසියේ දී ඇමරිකන් ඩොලර් මිලියන 20ක මුදලක් ලැබේවි යැයි විශ්වාස කරනවා.

මෑතදී ‘ලොව වඩාත් වටිනාම මුද්දරය’ ලෙස හඳුන්වනු ලැබූ මේ පැති අටේ හැඩැති තැපැල් මුද්දරය 2014 ජූනි මාසයේ 17 වැනිදා ඇමරිකාවේ නිව්යෝක්හිදී ප‍්‍රසිද්ධ වෙන්දේසියේ විකිණීමට නියමිතයි.

මෙය දැනට ලෝකයේ සුරක්ෂිතව ඉතිරි වී ඇති මේ වර්ගයේ එකම මුද්දරය ලෙස සැලකෙනවා. මෙය නිකුත් කරන ලද්දේ 1856දියි. බි‍්‍රතාන්‍ය ගයානාවේ තැපැල් මහතා…

MH370 මැලේසියානු ගුවන්යාන අබිරහස! ලෝකයේ අබිරහස් ලෙස අතුරුදන් වුණු ගුවන්යානා 10 මෙන්න!

පසුගිය සතියේ (මාර්තු 8 වැනිදා) අතුරුදන් වූ පිසැරි අංක එම්එච්370 මැලේසියානු මගී ගුවන්යානයට වූ දේ තවමත් අබිරහසක්. රටවල් 10 ගුවන්යානා, නැව්, චන්ද්‍රිකා රැසක් මේ අබිරහස විසඳන්න තවමත් වෙහෙසෙනවා.

ඒත් මෙය දැනටමත් නොවිසඳෙන අබිරහසක් පත් වෙන ලකුණු පහළ වෙලා!

නස්රුදින්ගේ වේළීමේ රහස! අලුත්ම නස්රුදින් කතාවක්!

නස්රුදින්ගේ පොහොසත් මිතුරෙක් ඔහුට කතා කළා, ඒ මිතුරාත් ඔහුගේ පිරිසත් එක්ක දින කීපයක් තිස්සේ දඩයමේ යන්න. මුල් ම දවසේ ඔවුන් නස්රුදින්ට දුන්නෙ බොහොම හෙමින් යන අස්සයෙක්. දඩයමට යන්න පටන් අරන් වැඩි වේලාවක් ගියේ නෑ, හෙමින් ගිය අස්සයා නිසා නස්රුදින් හුඟක් පහුවුණා. නස්රුදින්ව පහු කරලා දාලා අනෙක් පිරිස ඈතට දඩයමේ ගියා.

ලොව පළමු සෙල් ෆෝනය මේකද? වසර 75ක් පැරණි පින්තූරයේ රහස හෙළි වෙයිද?

බලන්න මේ තරුණිය ජංගම දුරකතනයක් කනේ තියා ගෙන පාර දිගේ කතා කර කර යනවා! අද නම් මේ වගේ දසුනක් ගමක පාරක වුනත් ඔබ දැක ඇතුවාට සැකයක් නැහැ. ඒත් මේ දර්ශනය කැමරාවට නඟා ඇත්තේ මීට අවුරුදු 75කට පෙරයි!

1938 දී ඇමෙරිකාවේ වීදියක ගමන් කළ මේ යුවතියගේ අතට වර්තමානයේ අප පාවිච්චි කරනා තාලේ සෙල් ෆෝනයක් (ජංගම දුරකතනයක්) ආවෙ කොහොමද?

ඒ කාලයේ මේ වගේ දෙයක් නිපදවීම තියා මෙවැන්නක් ගැන හිතලවත් නොතිබුණා නම් මෙම දර්ශනය චිත‍්‍රපටයකට ගත් නිර්මාණයක්ද? සමහර අය කීවේ චිත‍්‍රපටය තුළින් අනාගතය දැකීමක් ලෙස මෙම දසුන සලකන්න පුළුවන් කියලයි. අනාගතය පරිකල්පනය කළ අවස්ථා චිත‍්‍රපටවල ඕනෑ තරම් තිබුණා. මේ වගේ

මේ රූප පෙළ මේ වන විට යූටියුබ් (YouTube) එක හරහා ලක්ෂ තුනකට වැඩි වාර ගණනක් සංසරණය වෙලා තියෙනවා. වර්ණ චිත‍්‍රපට එන්නට පෙරාතුව කළු සුදු ක‍්‍රමයට කැමරාවට නගන ලද මෙහි රහස පසුගිය දා හෙළි වුණා. මෙම තරුණිය තමාගේ මීමිත්තණිය යැයි යුටියුබ් ග‍්‍රාහකයෙක් හෙළි කළා.

අනාගතයට යාමක් ද? මෙහි දැක්වෙන්නේ ඇමරිකාවේ ඩුපොන්ට් ආයතනයෙන් පිට වී යන තරුණ සේවිකාවන් පිරිසක්. එයින් එක් තරුණියක් අතේ ඇති ජංගම දුරකතනයකින් කතා කරමින් යනවා ඔබට පෙනෙනවා ඇති. වසර 75කට ප…

දියණිය උපන් මොහොතේ පියා ගත් පින්තූරය අන්තර් ජාලය කළඹයි! වෛද්‍යවරයාගේ අතේ එල්ලී එළියට ආ ළදැරිය මෙන්න!

ජීවිතයේ විස්මිත මොහොතවල් ඡායාරූපයට නැඟීම වාසනාවත් එක්ක සිදු වන දෙයක්. එහෙම වාසනාවක් ලද මාපිය යුවලක් තමන් ගත් ජීවිතයේ අමතක නොවන පින්තූරය ‘මුහුණු පොතේ’ පළ කළා. මොහොතකින් එය අන්තර්ජාලය පුරා ‘කුණාටුවක්’ මෙන් හඹා ගියා.

මෙලොව එළිය දකින්න මොහොතකට පෙර පුංචි නෙවායි මව් කුස හිඳිමින් තම උදව්වට ආ වෛද්‍යවරයාගේ ඇඟිල්ලේ එල්ලූන හැටි!

හොල්මන් පින්තූර කතන්දර පෙළක්! මේවා දැකල බය වෙන්න එපා!

රාති‍්‍ර කාලයට අඳුරේ දී ඔබව බියපත් කරන හැම රටකටම, හැම සමාජයකම තියෙනවා. ඇත්තටම හොල්මන් තියෙනවා කියල ඔප්පු කරන්න හොල්මන්වල පින්තූර ගන්න අයත් ඉන්නවා. මේ ඒ විදියට ගත්තු පින්තූර පෙළක්!


අවුරුදු ගානක් තිස්සෙ විවිධ අවස්ථාවලදි ගත්තු පින්තූර තමයි, මේ තියෙන්නේ. මෙහි ඉන්නවා, ඝාතනය කළ වහල් සේවකයන්, රෝහල්වල වධබන්ධනවලට ලක්ව මියගිය රෝගීන්, අතීතයට එක් වූ මුහුදු නැවියන් ආදී නොයෙක් අය. මොවුන්ගේ හොල්මන් කතා අහපු බොහොම දෙනෙක් බියට පත් වුණා. තාමත් අහන අයගේ ඇඟ හිරි වැටෙනවා.

මුල්ම ඇපල් 1 පරිගණකය ලෝක වාර්තාවක් තියයිද? ඇපල් සමාගමේ ආරම්භය හෙළිකරන මෙතෙක් පළ නොවූ ඡායාරූපයක්!

ඇපල් පරිගණකය පටන් ගත් හැටි දැන් දකින කොටත් පුදුම හිතෙනවා. ඒ මුල් ම ඇපල් පරිගණකය අළෙවි කරන්න ගෙනියන්න පෙර පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුගිය දා ප‍්‍රථමවරට හෙළිදරවු වුණා.

මේ ඡායාරූපයට නගා තියෙන්නේ 1976 දියි. එතකොට ස්ටීව් ජොබ්ස්ට (Steve Jobs) වයස 21යි. ඔහුගේ මිතුරු ස්ටීව් වොස්නියැක් (Steve Wozniak) සමග එක්ව ඔවුන් දෙදෙනා මේ මුල්ම ඇපල් පරිගණක තැනුවේ ස්ටීව් ජොබ්ස්ගේ මාපියන්ගේ ගෙදර ගරාජයකයි. ඔවුන් ඒ තැනූ මූල් පරිගණක 50 තැන්පත් කරල තිබුණු ආකාරය දැක්වෙන මේ විරල ඡායාරූපය නිකුත් කරනු ලැබුවේ ලබන නොවැම්බර් 16 වැනිදා වෙන්දේසියට තැබෙන දැනට හොඳම තත්වයේ ඇති පැරණි ම ඇපල් පරිගණකය එළි දැක්වීම වෙනුවෙන්.

මෙය දැනට ලෝකයේ ඇති වටිනාම සන්නම ලෙස සැලකෙන ඇපල් පරිගණකයේ ආරම්භක තත්වය තේරුම ගන්නත් හොඳ අවස්ථාවක්. මේ සන්නමෙහි අද වටිනාකම පවුම් බිලියන 60ක්.

ඇපල් පරිගණකයේ ආරම්භය දැක්වෙන මේ කිසිදා එළියට නො පැමිණි ඡායාරූපයක්. ඒ මුල් ම ඇපල් පරිගණකය අළෙවි කරන්න ගෙනියන්න පෙර 1976 දී පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුග…

දුර්ලභ ගණයේ සේයා රුවක්! නවසීලන්තයේ ධීවරයකුගේ නවතම ගොදුරක්!

මෙය ලියැවෙන්නේ කලාතුරකින් හමු වන ඡායාරූපයක් ඔබ වෙත ඉදිරිපත් කරන්නයි. අන්තර් ජාලය පුරා මේ වන විටත් වැඩි දෙනකුගේ අවධානය දිනා ගෙන තියෙනවා.

මේ ඡායාරූපයෙන් කියැවෙන්නේ මිනීමරු සුදු මෝරකුගේ ඉරණම දැක්වෙන කතාවක්. පසුගිය සතියෙදි නවසීලන්තයේ මුහුදේදි ගත්තු එකක්.

මහා භූමිකම්පාවකින් පසු පාකිස්ථාන මුහුදෙන් මතු වූ ලෝකයේ අලූත් ම දූපත!

පසුගියදා පාකිස්ථානයේ ප‍්‍රබල භූමිකම්පාවක් ඇති වුණා. 7.8ක් වූ ඒ භූමිකම්පාවෙන් බලූකිස්ථානය අසල මුහුදේ අලූත් දූපතක් මතු වුණා. ලෝකයේ අලූත් ම දූපත එයයි.

සල්සාලා කෝහ් (Zalzala Koh) යනුවෙන් ඒ දූපත නම් කරලා තියෙනවා. දාල්බන්දින්වලට සැතැපම් 145ක් ගිනිකොන දෙසින් හටගත් මේ භූම්කම්පාව නිසා දැන් එය බලන්න සංචාරකයන් වගේම පාකිස්ථාන වැසියන් වැල නොකැඩි එනවා. ඒ දූපතටත් ගොඩ වෙනවා. ගිනිගන්නාසුලූ වායුව, විස දුම් ආදිය ඇති බව අනතුරු හැෙඟව්වත් ඒවා ගනන් නොගෙනයි, ඔවුන් එහි එන්නෙ.

ඒ දූපතේ පිපිරුණු මඩ, වැලි, ගල් මුසු බිම මත මුහුදු සතුන්ගේ මළ සිරුරු, විශේෂයෙන් ම මාළුන් මළකුණු පිරිලා තියෙනවා.

මෙන්න ලෝකයේ අලූත් ම දූපත අහසට පෙනෙන හැටි. මේ මඩ කන්ද මීටර් 15ක් 20ක් විතර උස ඇති. මිනිසුන්ට ඒ මත ඇවිද ගෙන යා හැකි තරමට එහි බිම ඝනකම් කියලයි, කියන්නෙ.

MH370 මැලේසියානු ගුවන්යාන අබිරහස : නියමුවාම යානය බලෙන් ගෙන ගියාද?

2014 මාර්තු 16 වැනිදා

අනතුරට පත් යානයේ නියමුවා වූ සහාරි අහමඞ් ෂා දේශපාලන උමතුවකින් පෙළෙන්නකු ලෙස දැන් සැක කරනවා. එම්එච්370 යානය නියමුවා ලෙස සේවයට වාර්තා කරන්නට පෙර ඔහු මැලේසියාවේ විරුද්ධ පක්ෂ නායකයා වූ අන්වර් ඒබ‍්‍රහම්ට එරෙහිව පැවති නඩු විභාගයට බලන්නට ගිය බවක් ෆෙඩරල් පරීක්ෂක නිලධාරින් කියනවා.