Skip to main content

21 වැනි සියවසේ ජීවමාන මහිමය - මහා විද්‍යාඥ ස්ටීවන් හෝකින් සක්වළ ජීවීන් ගැන හා අපේ අනාගතය ගැන දක්වන අදහස්

ඔහු මේ සියවසේ විශිෂ්ටතම විද්‍යාඥයා මෙන් ම ජීවිත අභියෝගය ජයගත් මිනිසා යැයි හැඳින්වූවාට වරදක් නැහැ. මීට අවුරුදු 50කට පෙර ඔහු සුව කළ නොහැකි ස්නායුගත ආබාධයකින් පෙළෙන බව හෙළිවූවාට පසු වෛද්‍යවරුන් කීවේ ඔහු මාස 18කට වඩා ජීවත් නො වන බවයි. එහෙත් ඔහු පසුගියදා 70 විය පසු කරන විට විද්‍යාව වෙනුවෙන් ඔහු කර ඇති මෙහෙය ලොව වෙනත් කිසිම විද්‍යාඥයකු කර නැහැ.

1974 දී ඔහුට තනිවම කෑම ගන්නත් ඇඳට යන්නත් නොහැකි වුණා. 1984 දී ඔහුට හරිහැටි කතා කිරීමට නොහැකි වුණා. 1985 දී ඔහුට මුලූමනින්ම කතා කිරීම අහිමි වුණා. ඒත් ඔහු අධෛර්යයට පත් වුණේ නැහැ. එතැන් සිට ඔහු අදහස් පළ කළේ ඔහුගේ කතාව හඬට බවට පෙරළීමට හැකි පරිගණකයක් භාවිත කිරීමෙනුයි.

 
වසර ගණනාවක් තිස්සේ මහාචාර්ය හෝකින්ස් විශ්වය ගැන විස්මිත මත රැසක් ම පළ කළේ මේ අයුරින් ඔහු වෙනුවෙන් ම නිර්මාණය කෙරුණු විශේෂ රෝද පුටුවක සිටයි.


21 වැනි සියවසේ ජීවමාන මහිමය වූ මහාචාර්ය ස්ටීවන් හෝකින් Stephen Hawking පසුගිය ජනවාරි 8 වැනිදා ඔහුගේ 70 වැනි උපන් දිනය පසු කළා. ඒ නිමිත්තෙන් එංගලන්තයේ සන්නිවේදන දැවැන්තයන් කීප දෙනකු ම ඔහු සමග සම්මුඛ සාකච්ඡා පැවැත් වුවා. එයින් මතු වූ අදහස් කීපයක් ගෙන එන්නයි, මේ සූදානම.

විශ්වය ගැන මත පළ කළ විද්‍යාඥයන් අතර විශිෂ්ටයකු සේ සැලකෙන මහාචාර්ය ස්ටීවන් හෝකින් දැඩි සේ විශ්වාසයකින් කියන්නේ මිනිසා අඟහරු ග‍්‍රහය මත ජනපද පිහිටුවීම අනාගතයේ දී අනිවාර්යයෙන් ම සිදුවන්නක් බවයි. එහෙත් ඒ සඳහා තවත් වසර සීයක්වත් ගත වේවි යයි ඔහු කියනවා. දැනට ජීවතුන් අතර සිටින විශිෂ්ට ගණයේ භෞතික විද්‍යාඥයකු වන මහාචාර්ය හෝකින් සිතන්නේ ස්ථිර වශයෙන් ම වසර දහසක් ඇතුළත මේ පෘථිවි ග‍්‍රහයා විනාශයට පත් විය හැකි සිදුවීමක්, ‘න්‍යෂ්ටික යුද්ධයක් හෝ ගෝලීය උණුසුම් වීමක්’ හෝ ඇති විය හැකි බවයි. ඒ නිසා දිවි ගළවා ගැනීමට නම් මිනිසා වෙනත් ලෝකයක් සොයා ගැනීම අත්‍යවශ්‍ය දෙයක්.

අපේ සෞරග‍්‍රහ මණ්ඩලයෙහි ඇති ග‍්‍රහයන් අතුරින් පෘථිවියට විකල්පයක් ලෙස තෝරා ගත හැකි හොඳම ග‍්‍රහයා අඟහරු බව මහාචාර්ය හෝකින්ගේ අදහසයි. ඔහුගේ පවසන්නේ දැනටමත් අඟහරු වෙත මිනිසුන් යැවීමට ගවේශන සැලසුම් කෙරුණත් එය තවත් දශක කීපයකින් මෙහා සිදු නොවන බවයි. අඟහරු වෙත යන එවැනි එක් ගමනකට දින 450ක් ගත වෙනවා.

 
මහාචාර්ය හෝකින්ස් කියන්නේ මිනිසා යම් දවසක අඟහරු මත ජනපද පිහිටුවන බවයි. මේ ‘අඟහරු වෙත ගිය ගමන නම් වූ ඩිස්නි චිත‍්‍රපටයේ දර්ශනයක්.

මිනිසා මිහිපිටින් තුරන්වේදැයි, නගන ප‍්‍රශ්නයට මහාචාර්ය හෝකින් කියන්නේ ‘විය හැකියි, එහෙත් නියත වශයෙන් වෙනවා යැයි කිව නොහැකියි’ කියායි. ‘මගේ විශ්වාසයට අනුව ඊට ප‍්‍රථම මිනිසා විද්‍යාවේ හා තාක්ෂණයේ දියුණුවෙන් සෞරග‍්‍රහ මණ්ඩලයෙන් ඔබ්බට, විශ්වයේ ඈතට යාවි’ ඔහු තවදුරටත් කියනවා.

70 වැනි උපන්දිනයට පෙර දා බීබීසියේ ප‍්‍රශ්නවලට පිළිතුරු දුන් මහාචාර්ය හෝකින්ස් විශ්වයේ කොතැනක හෝ බුද්ධිමත් ජීවීන් ඇතැයි සොයා ගැනීමට හැකි වුවහොත් එය විද්‍යාව විසින් කරනු ලබන ලොකුම සොයා ගැනීම යැයි පවසනවා.

”පිටසක්වළ ජීවීන් ඉන්න පුළුවන්! හැබැයි ඔවුන් සමඟ ඇයිහොඳයිකම් පැවැත්වීමෙන් වැළකී සිටින්නට මනුෂ්‍ය වර්ගයා වග බලා ගන්න ඕනෑ. එහෙම නොවුනහොත් ඇති වන ඵලවිපාක දරුණු වෙන්න පුළුවනි” පසුගිය දා ලොව කාගේත් අවධානයට බඳුන් වූ මේ අනතුරු ඇඟවීම සිදු කළේ නූතන ලොවේ සිටින ශ්‍රේෂ්ඨ විද්‍යාඥයෙක්. ඔහු වෙන කවුරුවත් නොවේ බි‍්‍රතාන්‍ය තාරකා භෞතික විද්‍යාඥ ස්ටීවන් හෝකින්. ”පිටසක්වල ජීවීන් පෘථිවියට පැමිණියහොත් ඒක හරියට කොලම්බස් ඇමරිකාව සොයා ගත්තා හා සමාන වේවි. අපි කවුරුත් හොඳින් දන්නවානේ, යුරෝපීයයන් ඇමෙරිකාව හොයාගත්තාට පස්සේ එහි ජීවත් වූ ස්වදේශීය රතු ඉන්දියානුවන්ට වුණු විපත්තිය මොකක්ද කියලා” තාරකා භෞතික විද්‍යාඥයකු ලෙස ප‍්‍රසිද්ධ මහාචාර්ය හෝකින් මේ බව මුලින් ම කීවේ ඩිස්කවරි නාළිකාව ඉදිරිපත් කළ ‘ඉන් ටූ ද යුනිවර්ස් විත් ස්ටීවන් හෝකින්’ නම් රූපවාහිනී විද්‍යා වැඩසටහන් මාලාව ඉදිරිපත් කරමින්.

එම වැඩසටහන් මාලාවට පාදක වී ඇත්තේ විද්‍යාඥයන්ගේ සිතෙහි මැවුණු පිටසක්වළ ජීවීන් පිරිසක් ඔවුන්ගේ කි‍්‍රයාකාරකම් නිසා ග‍්‍රහලොව විනාශ වූවාට පස්සේ ජීවයට සුදුසු නව ග‍්‍රහලොවක් සොයා පිටසක්වළ යානාවල නැගී යන ගවේෂණයක් ගැනයි. ”මෙවැනි අති දියුණු පිටසක්වළ ජීවීන් පිරිසක් ඇත්තටම සිටිනවා නම් ඔවුන් විශ්වය පුරා වාසයට සුදුසු ග‍්‍රහලොවක් සොයමින් යනවා. ඔවුන්ට අපේ පෘථිවිය වැනි ජීවයෙන් පිරුණු සශ්‍රීක ග‍්‍රහලොවක් හමුවුවහොත් ඔවුන් ඒ ග‍්‍රහලොව ආක‍්‍රමණය කර ඔවුන්ගේ ජනපද බිහිකර ගන්නවා නිසැකයි.” විද්‍යාඥ හෝකින් අනතුරු අඟවනවා.

”පිටසක්වළ ජීවය පවතිනවා කියලා ගණනය කරමින් අදහසක් ඉදිරිපත් කරන්න මට දැනුමක් තිබෙනවා. නමුත් ඒ පිටසක්වළ ජීවීන් මොන වගේදැයි පිරිසක් දැයි කීමට මට හැකියාවක් නැහැ.” මහාචාර්ය හෝකින් පවසනවා.

මහාචාර්ය ස්ටීවන් හෝකින් තමයි, ‘කළු කුහර’ ගැන න්‍යායන් ලොවට හෙළි කළ තාරකා භෞතික විද්‍යාඥයා. කේම්බි‍්‍රජ් සරසවියේ සිටි ශ්‍රේෂ්ඨ විද්‍යාඥ අයිසැක් නිව්ටන්ගේ තනතුර හෙබවීමේ ගෞරවයත් ඔහුට හිමි වුණා. හෝකින්ස් උපත ලැබුවේ එංගලන්තයේ ඔක්ස්ෆර්ඞ්හිදී 1942 වසරේ දී, ගැලීලියෝ ගැලීලීගේ අභාවය සිදු වී හරියටම වසර 300කට පසුවයි. මේ සියවසේ මහා විද්‍යාඥයකු ලෙස සැලකෙන හෝකින් ඔහුගේ දෙමාපියන් ඉගෙනගත් ඔක්ස්ෆර්ඞ් සරසවියට ඇතුළත්ව 1962 දී කලා උපාධියක් හිමිකර ගත්තත්, විද්‍යාඥයකු වශයෙන් ඔහුගේ කීර්තිය පැතිර යන්නට පටන් ගත්තේ කේම්බි‍්‍රජ් විශ්ව විද්‍යාලයට ඇතුළත් වූ පසුවයි. සිරුර අකි‍්‍රය වන පරිහානික රෝගයකින් රෝගී වූයේ 1963 දීයි. වෛද්‍යවරුන් කීවේ ඔහුට ජීවත් වෙන්න තිබෙන්නේ මාස 18 ක් පමණයි කියලයි. සිරුර අකි‍්‍රය වී රෝද පුටුවකට සීමා වුනත් හෝකින්ගේ මොළයේ අකි‍්‍රය වුණේ නැහැ. මොළය ඉතාමත් තියුණු වෙමින් කි‍්‍රයා කරන්න පටන් ගත්තා. වෛද්‍යවරුන් කී විධියට ඔහු මාස 18 කින් මියගියේ ද නැහැ. රෝගය නිසා මුළු සිරුරම අප‍්‍රාණික වී රෝද පුටුවට සීමාවූ ඔහුට කතා කරන්න පවා බැරිවුණා. ඒත් ඔහු පර්යේෂණ කිරීම හා පොතපත ලිවීම මඳකින්වත් නැවැත්තුවේ නෑ. දැන් හෝකින් කතා කරන්නේ පවා රෝද පුටුවට සම්බන්ධ විශේෂ පරිගණකයක් හරහායි. ඒ පරිගණකය කි‍්‍රයා කරන්නේ හෝකින් ඇසෙන් හා මොළයෙන් නිකුත් කරන සංඥාවලිනුයි.

 
මහාචාර්ය හෝකින්ස්ගේ 69 වැනි වියේ දී ඔහුගේ සාත්තු සේවිකාව වූ එලයන් හා විවාහ වූ මොහොත

මහාචාර්ය හෝකින් 1965 දී ජේන් වයිල්ඞ් හා විවාහ වුණා. ඇය 1991 වන තෙක් ඔහුව හොඳින් රැුක බලා ගත් අතර ඒ විවාහයේ රොබට්, ලූසී හා තිමති නමින් දරුවන් තිදෙනෙක් ඉන්නවා. ඇගෙන් දික්කසාද වුණු මහාචාර්ය හෝකින් 1965 දී ඔහුගේ සාත්තු සේවිකාව වූ එලයන් මේසන් සමග විවාහ වුණා. ඇය කලින් විවාහව සිටියේ හෝකින්ට ඔහුගේ ප‍්‍රථම කතා කරන පරිගණකය නිර්මාණය කර දුන් ඬේවිඞ් මේසන් සමගයි. 2006 දී ඔහු ඇගෙන් ද දික්කසාද වුණා.

මහාචාර්ය ස්ටීවන් හෝකින් සිරුර අකි‍්‍රය වන චාලක නිරෝන රෝගයකින් පෙලෙන බව සොයා ගනු ලැබුවේ ඔහුට වයස අවුරුදු 21 දියි. ඔහු දිගු කලක් ජීවත් නොවෙතැයි වෛද්‍යවරු කීවත් ඔහු පසුගිය ජනවාරි 8 වැනිදා 70 උපන් දිනයත් පසු කළේ ලෝකය ම මවිත කරමින්. ඔහු වෙනුවෙන් බි‍්‍රතාන්‍යයේ විශේෂ උපන්දින උළෙල කීපයක් ම පැවැත් වුණා. ඒත් ඒ එකකටවත් ඔහුට සහභාගිවීමට හැකි වුණේ නැහැ. ඒ ඔහුගේ දුර්වල ශරීර සෞඛ්‍යය නිසා. කේම්බි‍්‍රජ් විශ්ව විද්‍යාලයේ පැවති විශේෂ උපන්දින සමුළුවට සහභාගි වීමට ද මහාචාර්ය හෝකින්ට නොහැකි වුණා.

ඔහු වෙනුවෙන් ලන්ඩනයේ විද්‍යා කෞතුකාගාරයේ පැවති උපන්දින උළෙලට සම්භාවනීය අමුත්තන් හා විද්වතුන් රැුසක් සහභාගි වුණා. ඔහු වෙනුවෙන් ඊට සහභාගි වූයේ සුප‍්‍රකට නවකතාකාරියක් හා පුවත්කලාවේදිනියක් වූ ඔහුගේ දියණිය වූ ලූසී හෝකින්.

ඒ උළෙලේදී මහාචාර්ය ස්ටීවන් හෝකින් වෙනුවෙන් නිර්මාණය කළ විශේෂ තිළිණයක් ඔහුගේ දියණිය බාර ගත්තා. ‘කළු කුහර ආලෝකය’ නම් වූ එය මහාචාර්ය ස්ටීවන් හෝකින්ගේ කළුකුහර න්‍යාය විදහා දක්වූවක්. එය ඇයට පිරිනැමුවේ විද්‍යා කෞතුකාගාරයේ නේවාසික නිපැයුම්කරු මාක් චැප්ම්කින්ස් විසින්.

ඒවා අතර 2007 ශූන්‍ය ගුරුත්ව පියසැරියේ දී ඔහු පැලඳි නිල් පැහැති ඇඳුම් කට්ටලය, චිත‍්‍රශිල්පී ඬේවිඞ් හොක්නි David Hockney විසින් 1978 දී අඳින ලද උඩුකය සිත්තමක්, 1999 දී ‘ද සිම්සන්ස්’ කාටූන් වැඩ සටහනේ විශේෂ අමුත්තා ලෙස සහභාගි වූ අවස්ථාවේ තම අදහස් පැහැදිලි කිරීම සඳහා යොදා ගත් සටහන් ආදිය ඇතුළත් වුණා.

ඊට අමතරව, මහාචාර්ය ස්ටීවන් හෝකින් ඉදිරිපත් කළ කළු කුහර පිළිබඳ න්‍යායට අදාළව ඒවායින් විමෝචනය වන විකිරණ දැක්වෙන චිත‍්‍ර රූප සටහන් ද එයට ඇතුළත් වුණා.

ඒ අවස්ථාවට ‘තමා විද්‍යාත්මක සොයා ගැනීම්වල නිරතවීමෙන් ලද ආස්වාදය තරුණ පරපුරට පෙන්වා දෙන, නව නිපැයුම් සඳහා තරුණ පරපුර පොලඹවන’ මහාචාර්ය ස්ටීවන් හෝකින්ගේ අදහස් රැුගත් පටිගත කළ ප‍්‍රකාශයක් ද එක් කර තිබුණා.

Comments

  1. Blog අවකාශයේ තියෙන වටිනාම blog එක.තවත් මේ වගේ වටිනා post ලියන්න.කරුණාකරලා blog එකට subscribe feature එක add කරන්න තව twitter page එකකුත් හදන්න.පුලුවන්නම් albert einstein ගැන හොද post එකක් ලියන්න.ඉස්සරහටත් වටිනා post ලියන්න සුබ පතනවා.

    ReplyDelete
  2. Professor Stephen Hawking says no God created Universe
    http://www.bbc.co.uk/news/uk-11172158

    ReplyDelete
  3. Me lipiya harima asaven kiyevva.daruvanta adarshayata ganna puluvan vishishta charithayak. nopasubasina uthsahayen idiriyata giya hati saha lovata daayada kala deval athi vishishtay.

    Ohu kiyu paridi me lova vinashayath Agaharu vetha janapada hadena hatith thava parampara keepayak giya vita siduvevi!

    ReplyDelete
  4. Hugak honda lipiyak. Thanks.

    ReplyDelete
  5. සැබවින්ම විශිෂ්ඨයි....

    ReplyDelete

Post a Comment

Popular posts from this blog

ලෝකයේ වටිනාම මුද්දරය වෙන්දේසියට! දැනට ඇත්තේ ලෝකෙටම එකයි!

මුද්දර එකතු කිරීම (Philately) විනෝදාංශයක් වගේම හොඳ ආදායම් මාර්ගයක්. පුංචි වුණාට තැපැල් මුද්දරයක් කියන්නේ රටක ඉතිහාසය කියාපාන කැඩපතක්. රටකින් රටකට හොඳ හිත පතුරුවමින් යන සංස්කෘතික තානාපතිවරයෙක්!

ඒ වගේ පැරණි තැපැල් මුද්දරයක් එහි මුහුණත සඳහන් වටිනාකමට හුඟක් වැඩිවෙන වෙලාවල් තියෙනවා. එහෙම වෙන්නේ ඒවායේ ඇති දුලබකම නිසයි.

ඒ වගේ 1873 දී ලිපිගොනු ගොඩක් අස්සේ තිබී හමුවුණු පාවිච්චි කළ ශත එකේ තැපැල් මුද්දරයක් පසුව වෙළෙඳ පොළේ දී සිලිං හයකට විකුණුණා. බි‍්‍රතාන්‍ය ගයානාව (British Guiana) විසින් නිකුත් කළ ශත එකේ දම්පාට තැපැල් මුද්දරය (1c Magenta stamp) දැන් යළිත් වෙන්දේසිය සඳහා වෙළෙඳපොළට ඇවිත්. අද, වසර 141කට පසු, එයට මුද්දර වෙන්දේසියේ දී ඇමරිකන් ඩොලර් මිලියන 20ක මුදලක් ලැබේවි යැයි විශ්වාස කරනවා.

මෑතදී ‘ලොව වඩාත් වටිනාම මුද්දරය’ ලෙස හඳුන්වනු ලැබූ මේ පැති අටේ හැඩැති තැපැල් මුද්දරය 2014 ජූනි මාසයේ 17 වැනිදා ඇමරිකාවේ නිව්යෝක්හිදී ප‍්‍රසිද්ධ වෙන්දේසියේ විකිණීමට නියමිතයි.

මෙය දැනට ලෝකයේ සුරක්ෂිතව ඉතිරි වී ඇති මේ වර්ගයේ එකම මුද්දරය ලෙස සැලකෙනවා. මෙය නිකුත් කරන ලද්දේ 1856දියි. බි‍්‍රතාන්‍ය ගයානාවේ තැපැල් මහතා…

MH370 මැලේසියානු ගුවන්යාන අබිරහස! ලෝකයේ අබිරහස් ලෙස අතුරුදන් වුණු ගුවන්යානා 10 මෙන්න!

පසුගිය සතියේ (මාර්තු 8 වැනිදා) අතුරුදන් වූ පිසැරි අංක එම්එච්370 මැලේසියානු මගී ගුවන්යානයට වූ දේ තවමත් අබිරහසක්. රටවල් 10 ගුවන්යානා, නැව්, චන්ද්‍රිකා රැසක් මේ අබිරහස විසඳන්න තවමත් වෙහෙසෙනවා.

ඒත් මෙය දැනටමත් නොවිසඳෙන අබිරහසක් පත් වෙන ලකුණු පහළ වෙලා!

ලොව පළමු සෙල් ෆෝනය මේකද? වසර 75ක් පැරණි පින්තූරයේ රහස හෙළි වෙයිද?

බලන්න මේ තරුණිය ජංගම දුරකතනයක් කනේ තියා ගෙන පාර දිගේ කතා කර කර යනවා! අද නම් මේ වගේ දසුනක් ගමක පාරක වුනත් ඔබ දැක ඇතුවාට සැකයක් නැහැ. ඒත් මේ දර්ශනය කැමරාවට නඟා ඇත්තේ මීට අවුරුදු 75කට පෙරයි!

1938 දී ඇමෙරිකාවේ වීදියක ගමන් කළ මේ යුවතියගේ අතට වර්තමානයේ අප පාවිච්චි කරනා තාලේ සෙල් ෆෝනයක් (ජංගම දුරකතනයක්) ආවෙ කොහොමද?

ඒ කාලයේ මේ වගේ දෙයක් නිපදවීම තියා මෙවැන්නක් ගැන හිතලවත් නොතිබුණා නම් මෙම දර්ශනය චිත‍්‍රපටයකට ගත් නිර්මාණයක්ද? සමහර අය කීවේ චිත‍්‍රපටය තුළින් අනාගතය දැකීමක් ලෙස මෙම දසුන සලකන්න පුළුවන් කියලයි. අනාගතය පරිකල්පනය කළ අවස්ථා චිත‍්‍රපටවල ඕනෑ තරම් තිබුණා. මේ වගේ

මේ රූප පෙළ මේ වන විට යූටියුබ් (YouTube) එක හරහා ලක්ෂ තුනකට වැඩි වාර ගණනක් සංසරණය වෙලා තියෙනවා. වර්ණ චිත‍්‍රපට එන්නට පෙරාතුව කළු සුදු ක‍්‍රමයට කැමරාවට නගන ලද මෙහි රහස පසුගිය දා හෙළි වුණා. මෙම තරුණිය තමාගේ මීමිත්තණිය යැයි යුටියුබ් ග‍්‍රාහකයෙක් හෙළි කළා.

අනාගතයට යාමක් ද? මෙහි දැක්වෙන්නේ ඇමරිකාවේ ඩුපොන්ට් ආයතනයෙන් පිට වී යන තරුණ සේවිකාවන් පිරිසක්. එයින් එක් තරුණියක් අතේ ඇති ජංගම දුරකතනයකින් කතා කරමින් යනවා ඔබට පෙනෙනවා ඇති. වසර 75කට ප…

නස්රුදින්ගේ වේළීමේ රහස! අලුත්ම නස්රුදින් කතාවක්!

නස්රුදින්ගේ පොහොසත් මිතුරෙක් ඔහුට කතා කළා, ඒ මිතුරාත් ඔහුගේ පිරිසත් එක්ක දින කීපයක් තිස්සේ දඩයමේ යන්න. මුල් ම දවසේ ඔවුන් නස්රුදින්ට දුන්නෙ බොහොම හෙමින් යන අස්සයෙක්. දඩයමට යන්න පටන් අරන් වැඩි වේලාවක් ගියේ නෑ, හෙමින් ගිය අස්සයා නිසා නස්රුදින් හුඟක් පහුවුණා. නස්රුදින්ව පහු කරලා දාලා අනෙක් පිරිස ඈතට දඩයමේ ගියා.

දියණිය උපන් මොහොතේ පියා ගත් පින්තූරය අන්තර් ජාලය කළඹයි! වෛද්‍යවරයාගේ අතේ එල්ලී එළියට ආ ළදැරිය මෙන්න!

ජීවිතයේ විස්මිත මොහොතවල් ඡායාරූපයට නැඟීම වාසනාවත් එක්ක සිදු වන දෙයක්. එහෙම වාසනාවක් ලද මාපිය යුවලක් තමන් ගත් ජීවිතයේ අමතක නොවන පින්තූරය ‘මුහුණු පොතේ’ පළ කළා. මොහොතකින් එය අන්තර්ජාලය පුරා ‘කුණාටුවක්’ මෙන් හඹා ගියා.

මෙලොව එළිය දකින්න මොහොතකට පෙර පුංචි නෙවායි මව් කුස හිඳිමින් තම උදව්වට ආ වෛද්‍යවරයාගේ ඇඟිල්ලේ එල්ලූන හැටි!

හොල්මන් පින්තූර කතන්දර පෙළක්! මේවා දැකල බය වෙන්න එපා!

රාති‍්‍ර කාලයට අඳුරේ දී ඔබව බියපත් කරන හැම රටකටම, හැම සමාජයකම තියෙනවා. ඇත්තටම හොල්මන් තියෙනවා කියල ඔප්පු කරන්න හොල්මන්වල පින්තූර ගන්න අයත් ඉන්නවා. මේ ඒ විදියට ගත්තු පින්තූර පෙළක්!


අවුරුදු ගානක් තිස්සෙ විවිධ අවස්ථාවලදි ගත්තු පින්තූර තමයි, මේ තියෙන්නේ. මෙහි ඉන්නවා, ඝාතනය කළ වහල් සේවකයන්, රෝහල්වල වධබන්ධනවලට ලක්ව මියගිය රෝගීන්, අතීතයට එක් වූ මුහුදු නැවියන් ආදී නොයෙක් අය. මොවුන්ගේ හොල්මන් කතා අහපු බොහොම දෙනෙක් බියට පත් වුණා. තාමත් අහන අයගේ ඇඟ හිරි වැටෙනවා.

මුල්ම ඇපල් 1 පරිගණකය ලෝක වාර්තාවක් තියයිද? ඇපල් සමාගමේ ආරම්භය හෙළිකරන මෙතෙක් පළ නොවූ ඡායාරූපයක්!

ඇපල් පරිගණකය පටන් ගත් හැටි දැන් දකින කොටත් පුදුම හිතෙනවා. ඒ මුල් ම ඇපල් පරිගණකය අළෙවි කරන්න ගෙනියන්න පෙර පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුගිය දා ප‍්‍රථමවරට හෙළිදරවු වුණා.

මේ ඡායාරූපයට නගා තියෙන්නේ 1976 දියි. එතකොට ස්ටීව් ජොබ්ස්ට (Steve Jobs) වයස 21යි. ඔහුගේ මිතුරු ස්ටීව් වොස්නියැක් (Steve Wozniak) සමග එක්ව ඔවුන් දෙදෙනා මේ මුල්ම ඇපල් පරිගණක තැනුවේ ස්ටීව් ජොබ්ස්ගේ මාපියන්ගේ ගෙදර ගරාජයකයි. ඔවුන් ඒ තැනූ මූල් පරිගණක 50 තැන්පත් කරල තිබුණු ආකාරය දැක්වෙන මේ විරල ඡායාරූපය නිකුත් කරනු ලැබුවේ ලබන නොවැම්බර් 16 වැනිදා වෙන්දේසියට තැබෙන දැනට හොඳම තත්වයේ ඇති පැරණි ම ඇපල් පරිගණකය එළි දැක්වීම වෙනුවෙන්.

මෙය දැනට ලෝකයේ ඇති වටිනාම සන්නම ලෙස සැලකෙන ඇපල් පරිගණකයේ ආරම්භක තත්වය තේරුම ගන්නත් හොඳ අවස්ථාවක්. මේ සන්නමෙහි අද වටිනාකම පවුම් බිලියන 60ක්.

ඇපල් පරිගණකයේ ආරම්භය දැක්වෙන මේ කිසිදා එළියට නො පැමිණි ඡායාරූපයක්. ඒ මුල් ම ඇපල් පරිගණකය අළෙවි කරන්න ගෙනියන්න පෙර 1976 දී පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුග…

දුර්ලභ ගණයේ සේයා රුවක්! නවසීලන්තයේ ධීවරයකුගේ නවතම ගොදුරක්!

මෙය ලියැවෙන්නේ කලාතුරකින් හමු වන ඡායාරූපයක් ඔබ වෙත ඉදිරිපත් කරන්නයි. අන්තර් ජාලය පුරා මේ වන විටත් වැඩි දෙනකුගේ අවධානය දිනා ගෙන තියෙනවා.

මේ ඡායාරූපයෙන් කියැවෙන්නේ මිනීමරු සුදු මෝරකුගේ ඉරණම දැක්වෙන කතාවක්. පසුගිය සතියෙදි නවසීලන්තයේ මුහුදේදි ගත්තු එකක්.

මහා භූමිකම්පාවකින් පසු පාකිස්ථාන මුහුදෙන් මතු වූ ලෝකයේ අලූත් ම දූපත!

පසුගියදා පාකිස්ථානයේ ප‍්‍රබල භූමිකම්පාවක් ඇති වුණා. 7.8ක් වූ ඒ භූමිකම්පාවෙන් බලූකිස්ථානය අසල මුහුදේ අලූත් දූපතක් මතු වුණා. ලෝකයේ අලූත් ම දූපත එයයි.

සල්සාලා කෝහ් (Zalzala Koh) යනුවෙන් ඒ දූපත නම් කරලා තියෙනවා. දාල්බන්දින්වලට සැතැපම් 145ක් ගිනිකොන දෙසින් හටගත් මේ භූම්කම්පාව නිසා දැන් එය බලන්න සංචාරකයන් වගේම පාකිස්ථාන වැසියන් වැල නොකැඩි එනවා. ඒ දූපතටත් ගොඩ වෙනවා. ගිනිගන්නාසුලූ වායුව, විස දුම් ආදිය ඇති බව අනතුරු හැෙඟව්වත් ඒවා ගනන් නොගෙනයි, ඔවුන් එහි එන්නෙ.

ඒ දූපතේ පිපිරුණු මඩ, වැලි, ගල් මුසු බිම මත මුහුදු සතුන්ගේ මළ සිරුරු, විශේෂයෙන් ම මාළුන් මළකුණු පිරිලා තියෙනවා.

මෙන්න ලෝකයේ අලූත් ම දූපත අහසට පෙනෙන හැටි. මේ මඩ කන්ද මීටර් 15ක් 20ක් විතර උස ඇති. මිනිසුන්ට ඒ මත ඇවිද ගෙන යා හැකි තරමට එහි බිම ඝනකම් කියලයි, කියන්නෙ.

MH370 මැලේසියානු ගුවන්යාන අබිරහස : නියමුවාම යානය බලෙන් ගෙන ගියාද?

2014 මාර්තු 16 වැනිදා

අනතුරට පත් යානයේ නියමුවා වූ සහාරි අහමඞ් ෂා දේශපාලන උමතුවකින් පෙළෙන්නකු ලෙස දැන් සැක කරනවා. එම්එච්370 යානය නියමුවා ලෙස සේවයට වාර්තා කරන්නට පෙර ඔහු මැලේසියාවේ විරුද්ධ පක්ෂ නායකයා වූ අන්වර් ඒබ‍්‍රහම්ට එරෙහිව පැවති නඩු විභාගයට බලන්නට ගිය බවක් ෆෙඩරල් පරීක්ෂක නිලධාරින් කියනවා.