Skip to main content

DNA තාක්ෂණයෙන් මිසර කුමරාගේ රහස් හෙළිවේ - තවත් අබිරහස් මතුවේ

පුරාණ මිසරයේ රහස් ලොවට අනාවරණය කිරීමේ කාර්යයට ලොකු දායකත්වයක් ලබා දුන්නේ එංගලන්තයේ කානවන් සාමිවරයායි. ඒ සඳහා ඔහු මහා ධනස්කන්ධයක් වැය කොට වෙහෙස මහන්සි වී අවුරුදු 20 ක් තිස්සේ ඊජිප්තුවේ කැණීම් සිදු කරමින් සිටියා. ඒ වන විට වසර දෙසීයක් තිස්සේ කළ කැණීම්වලින් පැරණි සොහොන් ගැබ් 60කට වැඩි ගණනක් සොයා ගෙනයි, තිබුණේ. ඒ හමුවූ සොහොන් ගැබ් සියල්ලම බොහෝ කලකට පෙර නිදන් හොරුන් විසින් බිඳ ඒවායේ වටිනා වස්තුව පැහැර ගෙන තිබුණා. ඉතිරිව තිබූ නටබුන් අතර කැණීම් කරන්න කානවන් සාමිවරයා උනන්දු වුණේ ඒ ගවේෂණ තුළින් මෙතෙක් සොයා නොගත් යමක් සොයා ගන්නා අදහසින්. ඒත් වැය කළ ධනයේ හැටියට වටිනා දෙයක් නම් හමුවුණේ නැහැ. විශේෂඥයන් කානවන් සාමිවරයාට කීවේ තවත් හෙළි කර ගැනීමට ඒ ‘රජුන්ගේ නිම්නයේ’ රහස් ඉතිරිව නැති බවයි. තවදුරටත් කැණීම් ඉදිරියට ගෙන යනවාදැයි යන්න ගැන දෙගිඩියාවෙන් සිටින විට තමයි, කානවන් සාමිවරයාට හොවාඞ් කාටර් නම් චිත‍්‍රශිල්පියෙකු හමුවුණේ. ඔහු වෘත්තයෙන් චිත‍්‍රශිල්පියකු වුනත් පුරාවිද්‍යාව ගැන ලොකු උනන්දුවක් දක්වපු කෙනෙක්. දෙදෙනාම මිසරයේ සැඟවුණු රහස් ගැන දැඩි කුතුහලයකින් පෙළුණු අයයි.



මිසර ඉතිහාසයේ පාරාවෝ රජුන් ගැන ඔවුන් නොයෙක් දේ කියවා තිබුණා. ඒ අතර තුතන්කාමන් නම් රජකු ගැනත් කෙටි සඳහනක් තිබුණා. හොවාඞ් කාටර්ගේ සිත තදින්ම ඒ කෙරේ ඇදී ගොස් තිබුණා. කවුද මේ තුතන්කාමන්? ඔහුගේ සොහොන තවමත් හමුවෙලා නැතත් එය මේ ප‍්‍රදේශයේ කොහේ හරි ඇති. හොවාඞ් කාටර්ගේ සිත කියන්නට වුණා. විශේෂඥයන් රජුන්ගේ නිම්නයේ රහස් ගැන මොනවා කීවත් හොවාඞ් කාටර් ඒවා පිළිගත්තේ නැහැ. ඔහු කානවන් සාමිවරයාට ඒ ගැන කීවා. ඔහු කාටර් වෙනුවෙන් මුදල් යොදවන්න කැමති වුණා. ඒ අනුව කාටර් 200 දෙනකුගෙන් සමන්විත කණ්ඩායමක් සමග ඔහු විසින් තෝරා ගත් තැනක කැණීම් පටන් ගත්තා.

1922 වසරේ නොවැම්බර් 4 වැනිදා කැණීම් කරද්දී හමුවුණා, සොහොන් ගැබක් දෙසට විහිදුන පඩි පෙළක්. ගලින් නිම කර තිබූ ඒ පිය ගැට පෙළ දුටු කාටර්ට තමා සෙවූ දේ හමුවුණා කියලා සිතුණා. ඒ කැණීම් ගැන පළපුරුදු අය හැමෝම කීවේ ඒක නිදන් හොරුන්ට අසුවූ තවත් සොහොන් ගැබක් පමණක් විය හැකියි කියලයි. ඒත් කාටර් එහෙම හිතුවේ නැහැ. ඔහු ඒ ගැන උනන්දු වුණා. ඔහු තවදුරටත් සිය පිරිස යොදවා කැණීම් කරවා සොහොන් ගැබක පිටත දොරක් මතු කර ගත්තා. ඒත් ඔහු දොර එකපාරටම අරින්න ගියේ නෑ. ඒ වන විට එංගලන්තයට ගොස් සිටි කානවන් සාමිවරයා එන තෙක් බලා හිඳින්නට තීරණය කළා. හොවාඞ් කාටර් තමන් අලූත් සොහොන් ගැබක් සොයා ගත් බව කානවන් සාමිවරයාට දන්වා යැව්වා. ඒ අනුව ඔහු කඩිමුඩියේ යළිත් ඊජිප්තුවට ආවා.


ඒ දොර විවර කරලා සොහොන් ගැබ ඇතුළට යන්නට කාටර් බලා හිටියේ නොඉවසිල්ලෙන්. කානවන් සාමිවරයා ආ විගස කාටර් දොර විවර කරලා පරිස්සමෙන් සොහොන් ගැබ ඇතුළට පා තැබුවා. කානවන් සාමිවරයා පිටත සිට ඒ දෙස විමතියෙන් බලා සිටියා. ”කාටර්, ඇතුළේ මොනවද තියෙන්නේ ?” කානවන් සාමිවරයා නොඉවසිල්ලෙන් ඇසුවා. ”හරි අපූරු දේවල් තියෙනවා. හරිම අපූරුයි” ඇතුළේ සිටි කාටර් පිළිතුරු දුන්නේ කානවන් සාමිවරයාගේ කුතුහලය තවත් වැඩි වෙන විදියටයි. මීට වසර 100කට පෙර මිසරයේ තුතන්කාමන් පාරාවෝ කුමරාගේ සොහොන් ගැබ සොයා ගත් මොහොතේ ඒ සිදුවීම දිග හැරුණේ ඔය විදියටයි.

එදා හොවාඞ් කාටර් සොයා ගත්තේ එතෙක් කිසිවකු ඇස නො ගැසුණු ප‍්‍රථම මිසර රාජකීය සොහොන් ගැබයි. නිදන් හොරුන්ගේ අතට පත් නොවුණු මේ සොහොන් ගැබෙහි එදා තැන්පත් කළ සියල්ලක් ම එසේම සුරැකිව තිබුණා. සොහොන් ගැබ තුළ පාරාවෝ (රජු) ගේ ජීවිතයේ විවිධ අවස්ථා මෙන්ම මරණයෙන් පසු ඔහු යන ගමනේ විවිධ අවස්ථා ද වර්ණ චිත‍්‍රවලින් ඉතා අලංකාර ලෙස ඇඳලා තිබුණා. ඒ සියල්ල අවුරුදු 3300ක් තිස්සේ විනාශ නොවී පැවතුණා. ඒ කිසිම ආපදාවකට ලක් නොවී තිබී හමුවූ එකම අංගසම්පූර්ණ මිසර සොහොන් ගැබ වුණා. එතෙක් හමුවී තිබුණු සෑම සොහොන් ගැබක්ම වසර 1000කට පමණ ඈත කාලයේ දී නිදන් සොරුන් විසින් බිඳ ඒවායේ තිබූ වටිනා දේ සියල්ල සොරා ගෙන තිබුණා. ඒ නිසා එකල රජකුගේ සොහොන් ගැබක තැන්පත් කළා වූ දේ මොනවාදැයි හරි හැටි දැන ගන්න පවා ක‍්‍රමයක් තිබුණේ නැහැ.


හොවාඞ් කාටර් ඇතුළු පිරිසට මේ සොහොන් ගැබෙහි තැන්පත් කර තිබූ දෑ ගොඩ ගෙන ලේඛනයක් පිළියෙල කරන්න අවුරුදු 10ක් පමණ ගත වුණා. ඒ කාර්යය අවසන් කළ පසු පාරාවෝ(රජු)ගේ ධනස්කන්ධය කොටස් 5000කට අධික ගණනකින් සමන්විත වුණා. රාත්තල් 200ක් බර ඝන රනින් නිම කළ මිනී පෙට්ටියක් ද ඊට ඇතුළත් වුණා. ඒ තුළ ඝන රනින් කළ විචිත‍්‍ර වෙස්මුහුණක් ද තිබුණා. අඟල් 21 1/2ක් උස රාත්තල් 22ක් බර එය ඉතාමත් අලංකාර ලෙස නිමවා තිබුණා. එහි ඇස්වල මැණික් ගල් ඔබ්බලා තිබුණා. එය මෙතෙක් ලොව වැඩියෙන් ම වාර ගණනක් ඡායාරූප ගත කළ වෙස්මුහුණ ලෙස ද සැලකෙනවා. එහි වූයේ ළමා මුහුණක් ඇති රජ කෙනෙක්. රන් මුවා පිළිම, අමුතු සත්ව රූප හැම තැනම තැන්පත් කර තිබුණා. එහි දී හමුවූ වටිනා වස්තූන් අතර රනින් කළ පාරාවෝගේ හිටි පිළිමයක් ද තිබුණා. දකුණතින් හෙල්ලක් හා වමතින් ලණු පොටක් ගෙන දඩයමේ යන ඉරියව්වක් ඉන් නිරූපණය කෙරුණා. එය කිඹුල් දඩයමේ ගිය අවස්ථාවක් ලෙස හැඳින්වෙනවා. දැන් අපි තුතන්කාමන්ගේ සොහොන් ගැබ ලෙස දැන් හඳුනන්නේ එදා කාටර් සොයා ගත් ඒ සොහොන් ගැබයි. එදා සොයා ගත් පුරාවස්තු තවමත් පර්යේෂණවලට ලක් වෙනවා. ඒ පිළිබඳ රහස් හෙළිදරවු කර ගැනීම් තවත් ඉවර නැහැ. මේ අලූත්ම පර්යේෂණයේ ප‍්‍රතිඵලයි.

ඞී.එන්.ඒ. පරීක්ෂණවලින් හෙළිවූ රහස්
තුතන්කාමන් පාරාවෝගේ අබිරහස් යම්තාක් දුරකට විසඳීමට විද්‍යාඥයන් පසුගියදා සමත් වුණා. ඒ ඞී.එන්.ඒ. පරීක්ෂණවලිනුයි. ඒ අනුව තුතන්කාමන්ගේ උපත හා මරණය ගැන අප කලින් නොසිතූ දේවල් දැන ගන්න ලැබෙනවා. ඔහුගේ පියා ඒකදේවවාදී සුප‍්‍රසිද්ධ පාරාවෝ රජෙකු බව කලින් කළ අනුමානය නිවැරදි වුනාට ඔහුගේ මව ගැන ගැන කී දේවල් වැරදියි කියලා මේ පරීක්ෂණවලින් ඔප්පු වුණා. පුරාවිද්‍යාඥයන් මුලින් හිතුවේ තුතන්කාමන්ගේ මව නෙෆ්රතීතී කුමරිය කියලයි. මේ සියලූ කාරණා ලොවට හෙළි කළේ ඊජිප්තුවේ කයිරෝ නුවර කෞතුකාගාරයේ ඉපැරණි නටුබුන් පිළිබඳ ප‍්‍රධානී සාහී හවාස් විසිනුයි. මේ තොරතුරු හෙළි කර ගන්න උදව් වෙලා තියෙන්නේ ඞී.ඇන්.ඒ. පරීක්ෂණයකින් විතරක් නොවේ. සී.ටී. ස්කෑන් පරීක්ෂණයක් ද සිදු කරලා තියෙනවා. හවාස් මේ දේවල් හෙළි කළේ කයිරෝවේ ඊජිප්තු කෞතුකාගාරයේ විශේෂ මාධ්‍ය හමුවක් පවත්වමින්. ලොව නන්දෙසින් මාධ්‍යවේදීන් රොත්තක්ම මේ අවස්ථාවට සහභාගී වුණා.


මියගියේ මැලේරියාවෙන්
නවතම පරීක්ෂණ ප‍්‍රතිඵලවලට අනුව තුතන්කාමන් මියගියේ මැලේරියා වැළඳීමෙන් හා ඇද වැටීමකින් යැයි හවාස් පෙන්වා දෙනවා. ඒ අනුව ‘තුතන්කාමන් ළමා රජු’ මරා දැමුවා කියන තර්කය බැහැර වෙනවා. තුතන්කාමන් හැරමිටියක් භාවිතා කරමින් ඇවිද ගිය බවට සාක්ෂි හමුවී ඇතැයි ද හවාස් පැහැදිලි කළා. තුතන්කාමන්ගේ හිස්කබල පිටුපස ඇති සිදුර දුටු සැණින් මුලින් හිතුවේ හිසට පහරදීමක් එල්ල කරන්න ඇති කියලයි. ඒ හින්දයි පුරාවිද්‍යාඥයන් මුලින් කීවේ තුතන්කාමන් මරා දැමුවා කියලා. ඒත් හවාස් පෙන්වා දෙන්නේ ඒ තුවාලය සිදු කළේ තුතන්කාමන් මියගියාට පස්සේ ඔහුගේ සිරුර එම්බාම් කළ අවස්ථාවේදී කියලයි. ඒ අනුව තුතන්කාමන් මරා දැමුවා යන තර්කය බැහැර වෙනවා. ”ඞී.එන්.ඒ. සාක්ෂිවලින් හෙළිවුණා. ඔහු දරුණු විධියට මැලේරියා රෝගයෙන් පීඩා වින්දා කියලා. එතකොට ඔහුගේ වයස අවුරුදු 19 යි. ඔහු හිටියේ හුඟක් අසනීපෙන්. ඔහුගේ සිරුර හුඟක් දුර්වල වෙලයි තිබුණේ. ඇවිද යාමට හැරමිටියක් භාවිතා කළේ ඒ නිසයි. මැලේරියාවෙන් දුර්වල වූ තුතන්කාමන් පය පැටලිලා හෝ ලිස්සා ඇද වැටෙන්න ඇති. මරණයට හේතු වුණේ මේ කරුණුයි” හවාස් හෙළි කළේය.

Comments

  1. මීට කලින් ඩිස්කවරි නාලිකාවෙ ගිය වැඩසටහනක දිත් කිව්වෙ හිසට පහර දීලා මරා දමලා කියලා. ඔවුන් එක්ස් - රේ රෑපත් පෙන්නුවා හිස පිටුසින් හිස්කඹල බිදී තියෙන විදිහෙ. දැන් ඒක වෙනස් වෙලා.

    ඒ ඔක්කොමට වැඩිය, මේ මමියක්ව ඉන්න පුද්ගලයා එදා මේ ලොකේ අපි වගේ හුස්ම ගනිමින් ජීවත් වෙච්ච පුද්ගලයෙක් කියලා හිතද්දි ඇතිවෙන හැඟීම හරිම වෙනස් එකක්.

    තොරතුරු වලට ස්තුතියි

    ReplyDelete
  2. ලිපිය සුපිරිය, කියන්න වදන් නැත

    ReplyDelete
  3. වැදගත් තොරතුරකි...

    ReplyDelete
  4. ස්තුතියි අළුත් කරුණූ වලට...!!!

    ReplyDelete
  5. Lipiya hugak hodai.tika kalakin Howard Carter maruna neda?
    Curse of Tutankhamen ganath davasaka liyanna.

    ReplyDelete
  6. හොඳ ලිපියක්. ගොඩක් තුති

    ReplyDelete
  7. ඉතිහාසය ගැන තොරතුරු සොයන අයෙකුට ඉතා වැදගත් ලිපියක්.

    ReplyDelete

Post a Comment

Popular posts from this blog

ලෝකයේ වටිනාම මුද්දරය වෙන්දේසියට! දැනට ඇත්තේ ලෝකෙටම එකයි!

මුද්දර එකතු කිරීම (Philately) විනෝදාංශයක් වගේම හොඳ ආදායම් මාර්ගයක්. පුංචි වුණාට තැපැල් මුද්දරයක් කියන්නේ රටක ඉතිහාසය කියාපාන කැඩපතක්. රටකින් රටකට හොඳ හිත පතුරුවමින් යන සංස්කෘතික තානාපතිවරයෙක්!

ඒ වගේ පැරණි තැපැල් මුද්දරයක් එහි මුහුණත සඳහන් වටිනාකමට හුඟක් වැඩිවෙන වෙලාවල් තියෙනවා. එහෙම වෙන්නේ ඒවායේ ඇති දුලබකම නිසයි.

ඒ වගේ 1873 දී ලිපිගොනු ගොඩක් අස්සේ තිබී හමුවුණු පාවිච්චි කළ ශත එකේ තැපැල් මුද්දරයක් පසුව වෙළෙඳ පොළේ දී සිලිං හයකට විකුණුණා. බි‍්‍රතාන්‍ය ගයානාව (British Guiana) විසින් නිකුත් කළ ශත එකේ දම්පාට තැපැල් මුද්දරය (1c Magenta stamp) දැන් යළිත් වෙන්දේසිය සඳහා වෙළෙඳපොළට ඇවිත්. අද, වසර 141කට පසු, එයට මුද්දර වෙන්දේසියේ දී ඇමරිකන් ඩොලර් මිලියන 20ක මුදලක් ලැබේවි යැයි විශ්වාස කරනවා.

මෑතදී ‘ලොව වඩාත් වටිනාම මුද්දරය’ ලෙස හඳුන්වනු ලැබූ මේ පැති අටේ හැඩැති තැපැල් මුද්දරය 2014 ජූනි මාසයේ 17 වැනිදා ඇමරිකාවේ නිව්යෝක්හිදී ප‍්‍රසිද්ධ වෙන්දේසියේ විකිණීමට නියමිතයි.

මෙය දැනට ලෝකයේ සුරක්ෂිතව ඉතිරි වී ඇති මේ වර්ගයේ එකම මුද්දරය ලෙස සැලකෙනවා. මෙය නිකුත් කරන ලද්දේ 1856දියි. බි‍්‍රතාන්‍ය ගයානාවේ තැපැල් මහතා…

MH370 මැලේසියානු ගුවන්යාන අබිරහස! ලෝකයේ අබිරහස් ලෙස අතුරුදන් වුණු ගුවන්යානා 10 මෙන්න!

පසුගිය සතියේ (මාර්තු 8 වැනිදා) අතුරුදන් වූ පිසැරි අංක එම්එච්370 මැලේසියානු මගී ගුවන්යානයට වූ දේ තවමත් අබිරහසක්. රටවල් 10 ගුවන්යානා, නැව්, චන්ද්‍රිකා රැසක් මේ අබිරහස විසඳන්න තවමත් වෙහෙසෙනවා.

ඒත් මෙය දැනටමත් නොවිසඳෙන අබිරහසක් පත් වෙන ලකුණු පහළ වෙලා!

ලොව පළමු සෙල් ෆෝනය මේකද? වසර 75ක් පැරණි පින්තූරයේ රහස හෙළි වෙයිද?

බලන්න මේ තරුණිය ජංගම දුරකතනයක් කනේ තියා ගෙන පාර දිගේ කතා කර කර යනවා! අද නම් මේ වගේ දසුනක් ගමක පාරක වුනත් ඔබ දැක ඇතුවාට සැකයක් නැහැ. ඒත් මේ දර්ශනය කැමරාවට නඟා ඇත්තේ මීට අවුරුදු 75කට පෙරයි!

1938 දී ඇමෙරිකාවේ වීදියක ගමන් කළ මේ යුවතියගේ අතට වර්තමානයේ අප පාවිච්චි කරනා තාලේ සෙල් ෆෝනයක් (ජංගම දුරකතනයක්) ආවෙ කොහොමද?

ඒ කාලයේ මේ වගේ දෙයක් නිපදවීම තියා මෙවැන්නක් ගැන හිතලවත් නොතිබුණා නම් මෙම දර්ශනය චිත‍්‍රපටයකට ගත් නිර්මාණයක්ද? සමහර අය කීවේ චිත‍්‍රපටය තුළින් අනාගතය දැකීමක් ලෙස මෙම දසුන සලකන්න පුළුවන් කියලයි. අනාගතය පරිකල්පනය කළ අවස්ථා චිත‍්‍රපටවල ඕනෑ තරම් තිබුණා. මේ වගේ

මේ රූප පෙළ මේ වන විට යූටියුබ් (YouTube) එක හරහා ලක්ෂ තුනකට වැඩි වාර ගණනක් සංසරණය වෙලා තියෙනවා. වර්ණ චිත‍්‍රපට එන්නට පෙරාතුව කළු සුදු ක‍්‍රමයට කැමරාවට නගන ලද මෙහි රහස පසුගිය දා හෙළි වුණා. මෙම තරුණිය තමාගේ මීමිත්තණිය යැයි යුටියුබ් ග‍්‍රාහකයෙක් හෙළි කළා.

අනාගතයට යාමක් ද? මෙහි දැක්වෙන්නේ ඇමරිකාවේ ඩුපොන්ට් ආයතනයෙන් පිට වී යන තරුණ සේවිකාවන් පිරිසක්. එයින් එක් තරුණියක් අතේ ඇති ජංගම දුරකතනයකින් කතා කරමින් යනවා ඔබට පෙනෙනවා ඇති. වසර 75කට ප…

නස්රුදින්ගේ වේළීමේ රහස! අලුත්ම නස්රුදින් කතාවක්!

නස්රුදින්ගේ පොහොසත් මිතුරෙක් ඔහුට කතා කළා, ඒ මිතුරාත් ඔහුගේ පිරිසත් එක්ක දින කීපයක් තිස්සේ දඩයමේ යන්න. මුල් ම දවසේ ඔවුන් නස්රුදින්ට දුන්නෙ බොහොම හෙමින් යන අස්සයෙක්. දඩයමට යන්න පටන් අරන් වැඩි වේලාවක් ගියේ නෑ, හෙමින් ගිය අස්සයා නිසා නස්රුදින් හුඟක් පහුවුණා. නස්රුදින්ව පහු කරලා දාලා අනෙක් පිරිස ඈතට දඩයමේ ගියා.

දියණිය උපන් මොහොතේ පියා ගත් පින්තූරය අන්තර් ජාලය කළඹයි! වෛද්‍යවරයාගේ අතේ එල්ලී එළියට ආ ළදැරිය මෙන්න!

ජීවිතයේ විස්මිත මොහොතවල් ඡායාරූපයට නැඟීම වාසනාවත් එක්ක සිදු වන දෙයක්. එහෙම වාසනාවක් ලද මාපිය යුවලක් තමන් ගත් ජීවිතයේ අමතක නොවන පින්තූරය ‘මුහුණු පොතේ’ පළ කළා. මොහොතකින් එය අන්තර්ජාලය පුරා ‘කුණාටුවක්’ මෙන් හඹා ගියා.

මෙලොව එළිය දකින්න මොහොතකට පෙර පුංචි නෙවායි මව් කුස හිඳිමින් තම උදව්වට ආ වෛද්‍යවරයාගේ ඇඟිල්ලේ එල්ලූන හැටි!

හොල්මන් පින්තූර කතන්දර පෙළක්! මේවා දැකල බය වෙන්න එපා!

රාති‍්‍ර කාලයට අඳුරේ දී ඔබව බියපත් කරන හැම රටකටම, හැම සමාජයකම තියෙනවා. ඇත්තටම හොල්මන් තියෙනවා කියල ඔප්පු කරන්න හොල්මන්වල පින්තූර ගන්න අයත් ඉන්නවා. මේ ඒ විදියට ගත්තු පින්තූර පෙළක්!


අවුරුදු ගානක් තිස්සෙ විවිධ අවස්ථාවලදි ගත්තු පින්තූර තමයි, මේ තියෙන්නේ. මෙහි ඉන්නවා, ඝාතනය කළ වහල් සේවකයන්, රෝහල්වල වධබන්ධනවලට ලක්ව මියගිය රෝගීන්, අතීතයට එක් වූ මුහුදු නැවියන් ආදී නොයෙක් අය. මොවුන්ගේ හොල්මන් කතා අහපු බොහොම දෙනෙක් බියට පත් වුණා. තාමත් අහන අයගේ ඇඟ හිරි වැටෙනවා.

මුල්ම ඇපල් 1 පරිගණකය ලෝක වාර්තාවක් තියයිද? ඇපල් සමාගමේ ආරම්භය හෙළිකරන මෙතෙක් පළ නොවූ ඡායාරූපයක්!

ඇපල් පරිගණකය පටන් ගත් හැටි දැන් දකින කොටත් පුදුම හිතෙනවා. ඒ මුල් ම ඇපල් පරිගණකය අළෙවි කරන්න ගෙනියන්න පෙර පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුගිය දා ප‍්‍රථමවරට හෙළිදරවු වුණා.

මේ ඡායාරූපයට නගා තියෙන්නේ 1976 දියි. එතකොට ස්ටීව් ජොබ්ස්ට (Steve Jobs) වයස 21යි. ඔහුගේ මිතුරු ස්ටීව් වොස්නියැක් (Steve Wozniak) සමග එක්ව ඔවුන් දෙදෙනා මේ මුල්ම ඇපල් පරිගණක තැනුවේ ස්ටීව් ජොබ්ස්ගේ මාපියන්ගේ ගෙදර ගරාජයකයි. ඔවුන් ඒ තැනූ මූල් පරිගණක 50 තැන්පත් කරල තිබුණු ආකාරය දැක්වෙන මේ විරල ඡායාරූපය නිකුත් කරනු ලැබුවේ ලබන නොවැම්බර් 16 වැනිදා වෙන්දේසියට තැබෙන දැනට හොඳම තත්වයේ ඇති පැරණි ම ඇපල් පරිගණකය එළි දැක්වීම වෙනුවෙන්.

මෙය දැනට ලෝකයේ ඇති වටිනාම සන්නම ලෙස සැලකෙන ඇපල් පරිගණකයේ ආරම්භක තත්වය තේරුම ගන්නත් හොඳ අවස්ථාවක්. මේ සන්නමෙහි අද වටිනාකම පවුම් බිලියන 60ක්.

ඇපල් පරිගණකයේ ආරම්භය දැක්වෙන මේ කිසිදා එළියට නො පැමිණි ඡායාරූපයක්. ඒ මුල් ම ඇපල් පරිගණකය අළෙවි කරන්න ගෙනියන්න පෙර 1976 දී පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුග…

දුර්ලභ ගණයේ සේයා රුවක්! නවසීලන්තයේ ධීවරයකුගේ නවතම ගොදුරක්!

මෙය ලියැවෙන්නේ කලාතුරකින් හමු වන ඡායාරූපයක් ඔබ වෙත ඉදිරිපත් කරන්නයි. අන්තර් ජාලය පුරා මේ වන විටත් වැඩි දෙනකුගේ අවධානය දිනා ගෙන තියෙනවා.

මේ ඡායාරූපයෙන් කියැවෙන්නේ මිනීමරු සුදු මෝරකුගේ ඉරණම දැක්වෙන කතාවක්. පසුගිය සතියෙදි නවසීලන්තයේ මුහුදේදි ගත්තු එකක්.

මහා භූමිකම්පාවකින් පසු පාකිස්ථාන මුහුදෙන් මතු වූ ලෝකයේ අලූත් ම දූපත!

පසුගියදා පාකිස්ථානයේ ප‍්‍රබල භූමිකම්පාවක් ඇති වුණා. 7.8ක් වූ ඒ භූමිකම්පාවෙන් බලූකිස්ථානය අසල මුහුදේ අලූත් දූපතක් මතු වුණා. ලෝකයේ අලූත් ම දූපත එයයි.

සල්සාලා කෝහ් (Zalzala Koh) යනුවෙන් ඒ දූපත නම් කරලා තියෙනවා. දාල්බන්දින්වලට සැතැපම් 145ක් ගිනිකොන දෙසින් හටගත් මේ භූම්කම්පාව නිසා දැන් එය බලන්න සංචාරකයන් වගේම පාකිස්ථාන වැසියන් වැල නොකැඩි එනවා. ඒ දූපතටත් ගොඩ වෙනවා. ගිනිගන්නාසුලූ වායුව, විස දුම් ආදිය ඇති බව අනතුරු හැෙඟව්වත් ඒවා ගනන් නොගෙනයි, ඔවුන් එහි එන්නෙ.

ඒ දූපතේ පිපිරුණු මඩ, වැලි, ගල් මුසු බිම මත මුහුදු සතුන්ගේ මළ සිරුරු, විශේෂයෙන් ම මාළුන් මළකුණු පිරිලා තියෙනවා.

මෙන්න ලෝකයේ අලූත් ම දූපත අහසට පෙනෙන හැටි. මේ මඩ කන්ද මීටර් 15ක් 20ක් විතර උස ඇති. මිනිසුන්ට ඒ මත ඇවිද ගෙන යා හැකි තරමට එහි බිම ඝනකම් කියලයි, කියන්නෙ.

MH370 මැලේසියානු ගුවන්යාන අබිරහස : නියමුවාම යානය බලෙන් ගෙන ගියාද?

2014 මාර්තු 16 වැනිදා

අනතුරට පත් යානයේ නියමුවා වූ සහාරි අහමඞ් ෂා දේශපාලන උමතුවකින් පෙළෙන්නකු ලෙස දැන් සැක කරනවා. එම්එච්370 යානය නියමුවා ලෙස සේවයට වාර්තා කරන්නට පෙර ඔහු මැලේසියාවේ විරුද්ධ පක්ෂ නායකයා වූ අන්වර් ඒබ‍්‍රහම්ට එරෙහිව පැවති නඩු විභාගයට බලන්නට ගිය බවක් ෆෙඩරල් පරීක්ෂක නිලධාරින් කියනවා.