Skip to main content

ඩ‍්‍රැකියුලා සහ ලේ පිපාසිත වැම්පයර්වරුන්ගේ අබිරහස, මිථ්‍යා කතාවල ඇත්ත නැත්ත : ලෝකයේ නොවිසඳුණු අබිරහස්

අපේ ලෝකය හරිම පුදුමාකාර තැනක්. ජීවයෙන් පිරුණු සුන්දර තැනක් මෙන්ම හරිම අපූරු අද්භූත දේවල්වලිනුත් පිරිලයි, තියෙන්නේ. අමුතු අද්භූත දේවල් අහන්න දකින්න අකමැති කවුරුද? අපේ මිහිතලයේ ඇති සමහර අබිරහස් විසඳීමට විද්‍යාවට හැකිවී නැහැ. ඒවා විද්‍යාත්මක න්‍යායන්ට හසුවන්නේ නැහැ. සමහර දේ ගැන විද්‍යාත්මකව විග‍්‍රහ කරන්නට තැත් කළත් ඒවා ද එතරම් සාර්ථකවී නැහැ. දිනෙන් දින මෙම අබිරහස් ගැන තොරතුරු හෙළිදරව් වෙනවා. ඒවා ගැන කතා වෙනවා. ඒ අතරින් මිථ්‍යා කතා, මිථ්‍යා විශ්වාස මුල් තැනක් ගන්නවා.


ලේ උරා බොන්නෝ !
”මිනිසා රුධිරය ගැන උනන්දුවක් දැක්වූයේ අද ඊයේ නොවේ. වාර්තා ගත ඉතිහාසය ආරම්භයේ සිටයි.” මෙහෙම කියන්නේ ඇමෙරිකාවේ බොස්ටන් සරසවියේ මහාචාර්ය රේමන්ඞ් මැක්නැලි. ඔහු ලේ උරා බොන වැම්පයරයන් හා බැඳුණු ජනශ‍්‍රැති ගැන පුළුල් ලෙස අධ්‍යයනය කළ විද්වතෙක්. ”මිනිස් සිරුරේ රුධිරය පිටතට යද්දී ඒ සමඟ ජීවයත් නැතිවී යන හැටි නූගත් මිනිසුන් දැක්කා. ඒ නිසා ඔවුන් විශ්වාස කළා, සිරුරට යළිත් ලේ පිරවූවොත් ජීවය දෙන්න පුළුවනි කියලා” මැක්නැලි කියනවා. මේ හේතුව නිසාම වෙන්න ඇති බොහෝ රටවල සංස්කෘතීන් තුළ ලේ උරා බී අමරණීයව ජීවත්වන්නට හදන අය ගැන මිථ්‍යා කතා නිර්මාණය වී තියෙන්නේ. අපේ රටේ බලිතොවිල්වල දී අසන්නට ලැබෙන ‘රීරියකා’ත් එවැනි මිථ්‍යා චරිතයක්.  ඇස්ටෙක් මිථ්‍යා කතාවල හමුවන ‘සිවටේටියෝ’, පුරාණ ගී‍්‍රක පුරාවෘත්තවලින් කියැවෙන ‘ලමීයා’ එවැනි අමනුෂ්‍ය වැම්පයරයන් දෙදෙනෙක්. චීනයේත් ලේ බොන අමනුෂ්‍ය සත්ත්වයෙක් ඉන්නවා. එයාව හඳුන්වන්නේ ‘ජියංග් ෂී’ කියලයි. පිලිපීනයේ පිටිසරබද ගැමියන් බියවද්දමින් ලේ උරා බොනවායැයි කියන සත්ත්වයා වැම්පයරයකුට හුඟක්ම සමානයි. ‘මනන්ගාල්’ ලෙස හැඳින්වෙන මේ සත්ත්වයා මිනිසුන්ගේ ලේ උරා බොනවා විතරක් නොවේ. ඌට පියාඹා යෑමට වවුලකුගේ මෙන් පියාපත් දෙකක් ද තිබෙනවා. ඒ විතරක් නොවේ, සුදු ලූනුවලට බියක් හා පිළිකුලක් දක්වනවා.


වැම්පයරයෝ
වැම්පයරයන් පිළිබඳ ජනශ‍්‍රැති බහුලව අසන්න ලැබෙන්නේ ස්ලේවික් රටවලින් හා නැගෙනහිර යුරෝපයෙනුයි. ස්ලේවික් හා රුමේනියානුවන් අමනුෂ්‍ය, මනුෂ්‍යයන්ගේ ලේ උරාබොමින් ජීවත් වන සත්ත්වයන් විවිධ ආකාරයෙන් නිරූපණය කර තිබෙනවා. ඒක හරියට ඇස්කිමෝවරුන් ‘හිම’ යන්න 30 ආකාරයකින් හඳුන්වනවා හා සමානයි. වර්තමානයේ අප හොඳින් දන්නා වැම්පයරයන් පිළිබඳ පුරාවෘත්ත නිර්මාණය වුණේ ඒ අනුවයි. ඒ මිථ්‍යා කථාවලට අනුව මේ වැම්පයරයන්ගේ රූප මූණ බලන කන්නාඩිවලින් දකින්න බැහැ. ඔවුන් සුදුලූනුවලට බියක් දක්වනවා. හිරු එළිය සහ කුරුසිය දැක්කාම මරණ බියෙන් පලා යනවා. දිගට වැඩුණු කෘන්තක දත් දෙක යොදා ගනිමින් තමයි, සිරුරු සිදුරු කර ලේ උරා බොන්නේ. ඒ මිථ්‍යා කතාවලට අනුව වැම්පයරයකු විනාශ කරන්න නම් ලී උලකින් හදවත සිදුරු කරන්න  ඕනෑ. මිනිසාට ළං නොවන ආකාරයේ වැම්පයරයන් විශේෂයක් ගැනත් ස්ලේවික් ජනශ‍්‍රැතිවලින් නිරූපණය වෙනවා. ඒ මිථ්‍යාවනට අනුව ඔවුන්ට දුමක් හෝ දූවිලි වලාවක් බවට පෙරළෙන්න පුළුවන්. ආරාධනාවක් නොමැතිව කිසිම නිවසකට ඇතුළු වෙන්න ඔවුන්ට බැහැ. ඔවුන් ගංගා ඇළදොළ මඟ හරිනවා. ඔවුන්ව විනාශ කරන්න පුළුවන් වන්නේ බොරු උප්පරවැට්ටියකින් රැවටීමෙන් විතරමයි.

ලේ බොන වැම්පයර් වවුලෝ
ලේ උරා බොන වවුලන් යුරෝපයේ හිටියේ නැහැ. ඔවුන්ව මුලින්ම දකින්න ලැබුණේ මධ්‍යම හා දකුණු ඇමෙරිකාවට ගිය ස්පාඤ්ඤ නාවිකයන්ටයි. ඔවුන් තමයි, මේ වවුලන්ව ‘වැම්පයර් වවුලන්’ කියලා නම් කළේ. මේ වවුලන් ගොවිපළවල සතුන්ගේ ඒ කියන්නේ එළුවන්ගේ හා ගවයන්ගේ සිරුරුවල එල්ලී ලේ උරා බොනවා. ඒක හරියට කූඩැල්ලෙක් හරි මදුරුවෙක් හරි අපේ සිරුරුවල එල්ලී ලේ බොනවා වගේ. ලේ උරා බීවා කියලා ගොවිපළ සතුන් මැරෙන්නේ නැහැ. වැම්පයර් වවුලන් බොන්නේ උන්ට අවශ්‍ය ලේ ප‍්‍රමාණයට ලේ විතරයි.

බ‍්‍රෑම් ස්ටෝකර් සහ ඩ‍්‍රැකියුලා
ස්ලේවික් පුරාවෘත්තවලින් බි‍්‍රතාන්‍යයේ හා අමෙරිකාවේ පාඨකයන්ගේ සිරුරු කිළිපොළා යන්න පටන් ගත්තේ ‘ඩ‍්‍රැකියුලා’ නම් චරිතය සාහිත්‍ය ලොවේ පහළ වීමත් සමඟයි. ඩ‍්‍රැකියුලාට පණ දුන්නේ බි‍්‍රතාන්‍ය ලේඛක බ‍්‍රෑම් ස්ටෝකර් විසින්. ඒ 1897 වසරේදීයි. ස්ටෝකර්ගේ ඩ‍්‍රැකියුලා චරිතයට පාදක වුණේ තුන් වන ව්ලැඞ් ටෙප්ස් Vlad Tepes නම් රුමේනියානු කුමාරයායි. එයා ජීවත් වුණේ 15 වැනි සියවසේදීයි. ඒත් සත්‍යය හා ප‍්‍රබන්ධය කියන්නේ එකිනෙකට සම්පූර්ණයෙන්ම වෙනස් දෙකක්. ව්ලැඞ් කුමාරයා අති දක්ෂ රණශූරයෙක්. සතුරන් නසන්නට සමතෙක්. ඔහුව ‘ව්ලැඞ් ඩ‍්‍රැකියුලේ’ යන නමින් ද හැඳින්වුණා. ඒ නමේ සරල තේරුම තමයි ‘ඩ්‍රේගන්වරුන්ගේ පුත‍්‍රයා’ යන්නයි.

ඩ්‍රේගන්වරුන්ගේ පුත‍්‍රයා 
ඩ්‍රේගන්වරු යනු කි‍්‍රස්තියානි නයිට්වරුන්ගේ නිකායක්. 15 වැනි සියවසේදී නැගෙනහිර යුරෝපයේ ඉස්ලාමීය පුනරුදයක් ඇති වෙනවාට එරෙහිව මේ ඩ්‍රේගන්වරු ඒ කාලේ නිතරම සටන් වැදුණා. රුමේනියානුවන් නිතරම සටන් වැදුණේ හංගේරියාව හා තුර්කිය එක්කයි. මේ සටන්වලට නායකත්වය දුන් එක් අයකු ලෙසයි, ව්ලැඞ් කුමාරයා සැලකෙන්නේ. මේ නිසා දේශපාලනික වශයෙන් විතරක් නොවේ, ආගමික වශයෙනුත් ව්ලැඞ් කුමාරයා පැසසුමට ලක් වුණා. එතුමා සැලකුම් ලැබුවේ, රුමේනියාවේ ජාතික වීරයකු හැටියටයි. ව්ලැඞ් කුමාරයා සතුරන්ට පොඞ්ඩක්වත් අනුකම්පාවක් දැක්වූයේ නැහැ. අල්ලා ගත් සතුරන් වධ හිංසා කර මරා දැම්මේ පපුව ලී උලකින් සිදුරු කරලයි. ඒ විතරක් නොවේ, ජය සැමරීම සඳහා සතුරන්ගේ ලේ පානය කරන්නත් ව්ලැඞ් කුමාරයා පුරුදු වෙලා හිටියා කියලා පුරාවෘත්තවල සඳහන් වෙනවා. මේ දේවල් තමයි, බ‍්‍රෑම් ස්ටෝකර් ඔහුගේ ‘ඩ‍්‍රැකියුලා’ නව කතාවේ ලේ උරා බොන ඩ‍්‍රැකියුලා සිටුවරයාගේ චරිතය නිර්මාණය කරන්න පාදක කරගෙන තිබෙන්නේ.

ලේ බොන්න පුරුදු වෙලා
අද රුමේනියාව් ඈත පිටිසරින් පවා වැම්පයරයන් ගැන අහන්න ලැබෙන්නේ නැහැ. ලේ උරා බොන්නන් ගැන ස්ටෝකර් ලොවට දායාද කළ ප‍්‍රබන්ධය රූපවාහිනී, චිත‍්‍රපටවලට හැරුණා විතරක් නොවේ, ඒවා ඇත්තෙන් එක්තරා පිරිසකගේ ජීවන රටාවක් බවටත් පත් වෙලා අවසන්. මේ පිරිස හැඳින්වෙන්නේ ‘සැන්ගුයිනේරියන්ස්’ Sanguinarians කියලයි. මේ පිරිස ලේ බොනවා. හැබැයි මිනිසුන්ගේ උගුර සිදුරු කරලා නම් නොවේ. ඔවුන් ලේ බොන්නේ ලේ බැංකුවලින් ලේ මිලදී ගැනීමෙනුයි. ඒක ඔවුන්ගේ ජීවන රටාවේ කොටසක්. සැන්ගුයිනේරියන්වරු ජීවත් වන්නේ යුරෝපාකරයේ රටවලයි.


ඩ‍්‍රැකියුලාට පණ දුන් බ‍්‍රෑම් ස්ටෝකර්
විශ්ව සාහිත්‍යයේ එන බිහිසුණුම නවකතාව ලෙස සැලකෙන්නේ බ‍්‍රෑම් ස්ටෝකර්ගේ ඩ‍්‍රැකියුලායි. මරණින් පසු මිනීවළෙන් නැගිට ඇවිත් ජීවත් වන්නන්ගේ ලේ උරා බොමින් සදාකල් ජීවත් වන වැම්පයර්වරු ගැන ලොව පවතින විශ්වාසයන් ඉතාමත් විචිත‍්‍ර අයුරින් නිර්මාණය කළ කතා පුවතක් ලෙස ඩ‍්‍රැකියුලා නවකතාව ලෝක සාහිත්‍යයේ ඉතා වැදගත් තැනක් හිමිකරගෙන තිබෙනවා. ඒබ‍්‍රහම් (බ‍්‍රෑම්) ස්ටෝකර්ගේ ඩ‍්‍රැකියුලා ප‍්‍රකාශයට පත්වෙලා දැන් අවුරුදු 100 කට වැඩියි. අයර්ලන්ත ජාතිකයෙක් වූ ස්ටෝකර් උපන්නේ 1847 වසරේදීයි. ඔහු ඩ‍්‍රැකියුලා නවකතාව පළ කළේ 1897 අවුරුද්දේයි. ඩ‍්‍රැකියුලා කතාවෙන් කියැවෙන්නේ ශතවර්ෂ ගණනාවකට කලින් ට‍්‍රාන්සිල්වේනියාවේ (ඒ කියන්නේ අද රුමේනියාවේ) කාපේතියානු කඳුකරයේ ජීවත් වී යුද වැදී මැරුණු වංශවතෙක් ගැනයි. ඔහුගේ නම වොයිවෝඞ් ඩ‍්‍රැකියුලා. එසේත් නැතිනම් ඩ‍්‍රැකියුලා සිටුවරයායි. වැම්පයර් ආත්මයක් ලබා සිටින ඔහු මිනිසුන්ගේ ලේ උරා බී ජීවත්වෙනවා. ඔහු ට‍්‍රාන්සිල්වේනියාවේ සිට එංගලන්තයට පැමිණෙන අයුරු ඩ‍්‍රැකියුලා නවකතාවට පාදක වෙයි. රුමේනියා බසින් ඩ‍්‍රැකියුලා යන්නෙහි තේරුම ‘යක්ෂයාගේ පුත‍්‍රයා’ යන්නයි. ඩ‍්‍රැකියුලා නවකතාව ජනප‍්‍රිය වීමත් සමඟ එය වේදිකා නාට්‍ය රැසකට මුල් වුණා. 1923 අවුරුද්දේදී ප‍්‍රථම වරට ජර්මනියේ නිහඬ චිත‍්‍රපටයකට ඩ‍්‍රැකියුලා කතාව පාදක කර ගැනුණා. ඉන්පසු ඩ‍්‍රැකියුලා නමින් චිත‍්‍රපට කිහිපයක් ද වැම්පයරයන් පාදක කර ගනිමින් චිත‍්‍රපට ගණනාවක් ද නිර්මාණය කෙරුණා. ස්ටෝකර් මියගියේ 1912 දීයි. අවසන් කාලයේදී ඔහු ‘ඩ‍්‍රැකියුලාස් ගෙස්ට්’ නමින් නවකතාවක් ලියමින් හිටියා. පසුව ඒ නවකතාව අවසන් කළේ ස්ටෝකර්ගේ බිරිය විසිනුයි.

Comments

  1. Godak baya hithenawa namuth godak prayojanawath dayak.Godak honda lipiyak.....

    ReplyDelete
  2. Sweet article... keep it up..

    ReplyDelete
  3. Mal kekulu Blog Adawiiya Mage Priyathama Blog Adviyai.

    ReplyDelete
  4. තොල් සුදු වෙලා රදනක දත් දිග වෙලා හම ඉර එලියට සංවේදී වෙන එක ජාන විකෘති වෙලා හැදෙන ලෙඩක්. අපිට මේ ගැන ඉගැන්නුවා මේරිලන්ඩ් යුනිවර්සිටියේදී. දැන් හරියටම මතක නැතත් මේ වෙනකොට mutate වෙන DNA segment එකත් හෙයාගෙන ඉවරයි. Dracula ල කියල කියන්නේ එහෙම mutate වෙච්ච මිනිස්සු. X-Men වගේ. ඒ අයගේ ලේ වල හිමොග්ලොබින් අඩු නිසා ලේ බිව්වා කියල තමයි විශ්වාසය. දැන්නම් උන් යකඩ පෙති බොනවා ඇති.

    ReplyDelete
  5. මාත් එකඟයි............ අනිවාර්යයෙන්ම යකඩ පෙති ගිලිනවා ඇති...... අද කාලෙ ලේ බොන්න ගියොත් ඉතින් දත් දෙක කඩාගෙන තමා එන්න වෙන්නෙ

    ReplyDelete

Post a Comment

Popular posts from this blog

ලෝකයේ වටිනාම මුද්දරය වෙන්දේසියට! දැනට ඇත්තේ ලෝකෙටම එකයි!

මුද්දර එකතු කිරීම (Philately) විනෝදාංශයක් වගේම හොඳ ආදායම් මාර්ගයක්. පුංචි වුණාට තැපැල් මුද්දරයක් කියන්නේ රටක ඉතිහාසය කියාපාන කැඩපතක්. රටකින් රටකට හොඳ හිත පතුරුවමින් යන සංස්කෘතික තානාපතිවරයෙක්!

ඒ වගේ පැරණි තැපැල් මුද්දරයක් එහි මුහුණත සඳහන් වටිනාකමට හුඟක් වැඩිවෙන වෙලාවල් තියෙනවා. එහෙම වෙන්නේ ඒවායේ ඇති දුලබකම නිසයි.

ඒ වගේ 1873 දී ලිපිගොනු ගොඩක් අස්සේ තිබී හමුවුණු පාවිච්චි කළ ශත එකේ තැපැල් මුද්දරයක් පසුව වෙළෙඳ පොළේ දී සිලිං හයකට විකුණුණා. බි‍්‍රතාන්‍ය ගයානාව (British Guiana) විසින් නිකුත් කළ ශත එකේ දම්පාට තැපැල් මුද්දරය (1c Magenta stamp) දැන් යළිත් වෙන්දේසිය සඳහා වෙළෙඳපොළට ඇවිත්. අද, වසර 141කට පසු, එයට මුද්දර වෙන්දේසියේ දී ඇමරිකන් ඩොලර් මිලියන 20ක මුදලක් ලැබේවි යැයි විශ්වාස කරනවා.

මෑතදී ‘ලොව වඩාත් වටිනාම මුද්දරය’ ලෙස හඳුන්වනු ලැබූ මේ පැති අටේ හැඩැති තැපැල් මුද්දරය 2014 ජූනි මාසයේ 17 වැනිදා ඇමරිකාවේ නිව්යෝක්හිදී ප‍්‍රසිද්ධ වෙන්දේසියේ විකිණීමට නියමිතයි.

මෙය දැනට ලෝකයේ සුරක්ෂිතව ඉතිරි වී ඇති මේ වර්ගයේ එකම මුද්දරය ලෙස සැලකෙනවා. මෙය නිකුත් කරන ලද්දේ 1856දියි. බි‍්‍රතාන්‍ය ගයානාවේ තැපැල් මහතා…

MH370 මැලේසියානු ගුවන්යාන අබිරහස! ලෝකයේ අබිරහස් ලෙස අතුරුදන් වුණු ගුවන්යානා 10 මෙන්න!

පසුගිය සතියේ (මාර්තු 8 වැනිදා) අතුරුදන් වූ පිසැරි අංක එම්එච්370 මැලේසියානු මගී ගුවන්යානයට වූ දේ තවමත් අබිරහසක්. රටවල් 10 ගුවන්යානා, නැව්, චන්ද්‍රිකා රැසක් මේ අබිරහස විසඳන්න තවමත් වෙහෙසෙනවා.

ඒත් මෙය දැනටමත් නොවිසඳෙන අබිරහසක් පත් වෙන ලකුණු පහළ වෙලා!

නස්රුදින්ගේ වේළීමේ රහස! අලුත්ම නස්රුදින් කතාවක්!

නස්රුදින්ගේ පොහොසත් මිතුරෙක් ඔහුට කතා කළා, ඒ මිතුරාත් ඔහුගේ පිරිසත් එක්ක දින කීපයක් තිස්සේ දඩයමේ යන්න. මුල් ම දවසේ ඔවුන් නස්රුදින්ට දුන්නෙ බොහොම හෙමින් යන අස්සයෙක්. දඩයමට යන්න පටන් අරන් වැඩි වේලාවක් ගියේ නෑ, හෙමින් ගිය අස්සයා නිසා නස්රුදින් හුඟක් පහුවුණා. නස්රුදින්ව පහු කරලා දාලා අනෙක් පිරිස ඈතට දඩයමේ ගියා.

ලොව පළමු සෙල් ෆෝනය මේකද? වසර 75ක් පැරණි පින්තූරයේ රහස හෙළි වෙයිද?

බලන්න මේ තරුණිය ජංගම දුරකතනයක් කනේ තියා ගෙන පාර දිගේ කතා කර කර යනවා! අද නම් මේ වගේ දසුනක් ගමක පාරක වුනත් ඔබ දැක ඇතුවාට සැකයක් නැහැ. ඒත් මේ දර්ශනය කැමරාවට නඟා ඇත්තේ මීට අවුරුදු 75කට පෙරයි!

1938 දී ඇමෙරිකාවේ වීදියක ගමන් කළ මේ යුවතියගේ අතට වර්තමානයේ අප පාවිච්චි කරනා තාලේ සෙල් ෆෝනයක් (ජංගම දුරකතනයක්) ආවෙ කොහොමද?

ඒ කාලයේ මේ වගේ දෙයක් නිපදවීම තියා මෙවැන්නක් ගැන හිතලවත් නොතිබුණා නම් මෙම දර්ශනය චිත‍්‍රපටයකට ගත් නිර්මාණයක්ද? සමහර අය කීවේ චිත‍්‍රපටය තුළින් අනාගතය දැකීමක් ලෙස මෙම දසුන සලකන්න පුළුවන් කියලයි. අනාගතය පරිකල්පනය කළ අවස්ථා චිත‍්‍රපටවල ඕනෑ තරම් තිබුණා. මේ වගේ

මේ රූප පෙළ මේ වන විට යූටියුබ් (YouTube) එක හරහා ලක්ෂ තුනකට වැඩි වාර ගණනක් සංසරණය වෙලා තියෙනවා. වර්ණ චිත‍්‍රපට එන්නට පෙරාතුව කළු සුදු ක‍්‍රමයට කැමරාවට නගන ලද මෙහි රහස පසුගිය දා හෙළි වුණා. මෙම තරුණිය තමාගේ මීමිත්තණිය යැයි යුටියුබ් ග‍්‍රාහකයෙක් හෙළි කළා.

අනාගතයට යාමක් ද? මෙහි දැක්වෙන්නේ ඇමරිකාවේ ඩුපොන්ට් ආයතනයෙන් පිට වී යන තරුණ සේවිකාවන් පිරිසක්. එයින් එක් තරුණියක් අතේ ඇති ජංගම දුරකතනයකින් කතා කරමින් යනවා ඔබට පෙනෙනවා ඇති. වසර 75කට ප…

දියණිය උපන් මොහොතේ පියා ගත් පින්තූරය අන්තර් ජාලය කළඹයි! වෛද්‍යවරයාගේ අතේ එල්ලී එළියට ආ ළදැරිය මෙන්න!

ජීවිතයේ විස්මිත මොහොතවල් ඡායාරූපයට නැඟීම වාසනාවත් එක්ක සිදු වන දෙයක්. එහෙම වාසනාවක් ලද මාපිය යුවලක් තමන් ගත් ජීවිතයේ අමතක නොවන පින්තූරය ‘මුහුණු පොතේ’ පළ කළා. මොහොතකින් එය අන්තර්ජාලය පුරා ‘කුණාටුවක්’ මෙන් හඹා ගියා.

මෙලොව එළිය දකින්න මොහොතකට පෙර පුංචි නෙවායි මව් කුස හිඳිමින් තම උදව්වට ආ වෛද්‍යවරයාගේ ඇඟිල්ලේ එල්ලූන හැටි!

හොල්මන් පින්තූර කතන්දර පෙළක්! මේවා දැකල බය වෙන්න එපා!

රාති‍්‍ර කාලයට අඳුරේ දී ඔබව බියපත් කරන හැම රටකටම, හැම සමාජයකම තියෙනවා. ඇත්තටම හොල්මන් තියෙනවා කියල ඔප්පු කරන්න හොල්මන්වල පින්තූර ගන්න අයත් ඉන්නවා. මේ ඒ විදියට ගත්තු පින්තූර පෙළක්!


අවුරුදු ගානක් තිස්සෙ විවිධ අවස්ථාවලදි ගත්තු පින්තූර තමයි, මේ තියෙන්නේ. මෙහි ඉන්නවා, ඝාතනය කළ වහල් සේවකයන්, රෝහල්වල වධබන්ධනවලට ලක්ව මියගිය රෝගීන්, අතීතයට එක් වූ මුහුදු නැවියන් ආදී නොයෙක් අය. මොවුන්ගේ හොල්මන් කතා අහපු බොහොම දෙනෙක් බියට පත් වුණා. තාමත් අහන අයගේ ඇඟ හිරි වැටෙනවා.

මුල්ම ඇපල් 1 පරිගණකය ලෝක වාර්තාවක් තියයිද? ඇපල් සමාගමේ ආරම්භය හෙළිකරන මෙතෙක් පළ නොවූ ඡායාරූපයක්!

ඇපල් පරිගණකය පටන් ගත් හැටි දැන් දකින කොටත් පුදුම හිතෙනවා. ඒ මුල් ම ඇපල් පරිගණකය අළෙවි කරන්න ගෙනියන්න පෙර පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුගිය දා ප‍්‍රථමවරට හෙළිදරවු වුණා.

මේ ඡායාරූපයට නගා තියෙන්නේ 1976 දියි. එතකොට ස්ටීව් ජොබ්ස්ට (Steve Jobs) වයස 21යි. ඔහුගේ මිතුරු ස්ටීව් වොස්නියැක් (Steve Wozniak) සමග එක්ව ඔවුන් දෙදෙනා මේ මුල්ම ඇපල් පරිගණක තැනුවේ ස්ටීව් ජොබ්ස්ගේ මාපියන්ගේ ගෙදර ගරාජයකයි. ඔවුන් ඒ තැනූ මූල් පරිගණක 50 තැන්පත් කරල තිබුණු ආකාරය දැක්වෙන මේ විරල ඡායාරූපය නිකුත් කරනු ලැබුවේ ලබන නොවැම්බර් 16 වැනිදා වෙන්දේසියට තැබෙන දැනට හොඳම තත්වයේ ඇති පැරණි ම ඇපල් පරිගණකය එළි දැක්වීම වෙනුවෙන්.

මෙය දැනට ලෝකයේ ඇති වටිනාම සන්නම ලෙස සැලකෙන ඇපල් පරිගණකයේ ආරම්භක තත්වය තේරුම ගන්නත් හොඳ අවස්ථාවක්. මේ සන්නමෙහි අද වටිනාකම පවුම් බිලියන 60ක්.

ඇපල් පරිගණකයේ ආරම්භය දැක්වෙන මේ කිසිදා එළියට නො පැමිණි ඡායාරූපයක්. ඒ මුල් ම ඇපල් පරිගණකය අළෙවි කරන්න ගෙනියන්න පෙර 1976 දී පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුග…

දුර්ලභ ගණයේ සේයා රුවක්! නවසීලන්තයේ ධීවරයකුගේ නවතම ගොදුරක්!

මෙය ලියැවෙන්නේ කලාතුරකින් හමු වන ඡායාරූපයක් ඔබ වෙත ඉදිරිපත් කරන්නයි. අන්තර් ජාලය පුරා මේ වන විටත් වැඩි දෙනකුගේ අවධානය දිනා ගෙන තියෙනවා.

මේ ඡායාරූපයෙන් කියැවෙන්නේ මිනීමරු සුදු මෝරකුගේ ඉරණම දැක්වෙන කතාවක්. පසුගිය සතියෙදි නවසීලන්තයේ මුහුදේදි ගත්තු එකක්.

මහා භූමිකම්පාවකින් පසු පාකිස්ථාන මුහුදෙන් මතු වූ ලෝකයේ අලූත් ම දූපත!

පසුගියදා පාකිස්ථානයේ ප‍්‍රබල භූමිකම්පාවක් ඇති වුණා. 7.8ක් වූ ඒ භූමිකම්පාවෙන් බලූකිස්ථානය අසල මුහුදේ අලූත් දූපතක් මතු වුණා. ලෝකයේ අලූත් ම දූපත එයයි.

සල්සාලා කෝහ් (Zalzala Koh) යනුවෙන් ඒ දූපත නම් කරලා තියෙනවා. දාල්බන්දින්වලට සැතැපම් 145ක් ගිනිකොන දෙසින් හටගත් මේ භූම්කම්පාව නිසා දැන් එය බලන්න සංචාරකයන් වගේම පාකිස්ථාන වැසියන් වැල නොකැඩි එනවා. ඒ දූපතටත් ගොඩ වෙනවා. ගිනිගන්නාසුලූ වායුව, විස දුම් ආදිය ඇති බව අනතුරු හැෙඟව්වත් ඒවා ගනන් නොගෙනයි, ඔවුන් එහි එන්නෙ.

ඒ දූපතේ පිපිරුණු මඩ, වැලි, ගල් මුසු බිම මත මුහුදු සතුන්ගේ මළ සිරුරු, විශේෂයෙන් ම මාළුන් මළකුණු පිරිලා තියෙනවා.

මෙන්න ලෝකයේ අලූත් ම දූපත අහසට පෙනෙන හැටි. මේ මඩ කන්ද මීටර් 15ක් 20ක් විතර උස ඇති. මිනිසුන්ට ඒ මත ඇවිද ගෙන යා හැකි තරමට එහි බිම ඝනකම් කියලයි, කියන්නෙ.

MH370 මැලේසියානු ගුවන්යාන අබිරහස : නියමුවාම යානය බලෙන් ගෙන ගියාද?

2014 මාර්තු 16 වැනිදා

අනතුරට පත් යානයේ නියමුවා වූ සහාරි අහමඞ් ෂා දේශපාලන උමතුවකින් පෙළෙන්නකු ලෙස දැන් සැක කරනවා. එම්එච්370 යානය නියමුවා ලෙස සේවයට වාර්තා කරන්නට පෙර ඔහු මැලේසියාවේ විරුද්ධ පක්ෂ නායකයා වූ අන්වර් ඒබ‍්‍රහම්ට එරෙහිව පැවති නඩු විභාගයට බලන්නට ගිය බවක් ෆෙඩරල් පරීක්ෂක නිලධාරින් කියනවා.