Skip to main content

අන්දරේ කිරිපැණි කෑ හැටි

දවසක් රජතුමා ආහාර අනුභව කරන අතරෙ දක්කා අන්දරේ ඒ පැත්තට එබිකම් කරනවා. අන්දරේ කවදත් කෑමට ආසයි කියලා දන්න රජතුමා කල්පනා කළා, අන්දරේට රජ බොජුන්වලින් ටිකක් කවන්න. එහෙම හිතලා රජතුමා කෑම කාලා ඉවර වුණු ගමන් අන්දරේව කැඳෙව්වා. කැඳවලා මෙහෙම ඇහුවා:

”අන්දරේ මොකද මං වළඳන වෙලාවෙ එබිකම් කළේ ?”

”අනේ නෑ, දේවයන් වහන්ස, උදහස් වෙන්න කාරි නෑ. මට ඇහුනා ඔබ වහන්සෙ මට අඬ ගහනවා වගේ. ඒකයි බැලූවෙ.” අන්දරේ බොහොම යටත්පහත්ව කිව්වා.


”එහෙනම් අන්දරේ අද කමු රජ බොජුන් ටිකක්. එනව මෙහාට” කියලා කතා කළා.

”අනේ දේවයන් වහන්ස, මට සමා වී වදාරන්ඩ, මට තවම බඩගිනි නැහැ. දුප්පත් අපට බඩගිනි වෙන්න තව වෙලා තියෙනවා.” අන්දරේ කිව්වා.

අන්දරේ අදිමදි කරන්නෙ බොරුවට බව දන්න රජතුමා, ”එහෙම කියන්න එපා. මේක රාජ අණක්. ඇවිත් කමු” කියලා සේවකයකුට අණ කළා අන්දරේට රාජ භෝජනවලින් සංග‍්‍රහ කරන්න කියලා. රජතුමා එතැනින් ගියේ නෑ, අන්දරේට විහිළුවක් කරන්න හිතාගෙන.

”අනේ දේවයන් වහන්ස, රජ කෑම අපට කැප නැහැ. ඒත් ඔබ වහන්සේ උදහස් වෙයි කියලා බයයි” කියලා කියමින් අන්දරේ කෑමට වාඩි වුණා. ඒත් අන්දරේ තමාට ම කියා ගත්තෙ වෙන දෙයක්. ‘ආයේ කවදා මේ වගේ රජ කෑමක් කන්න වෙලාවක් එයි ද දන්නේ. ඒ හින්දා අද කනව ඇති තරම්’ කියලයි අන්දරේ හිතුවේ. අන්දරේ කෑම කනව රජතුමා බලා ගෙන හිටියා.

”අන්දරේ ඇති තරම් කා බී සතුටු වෙන්න” රජතුමා කිව්වා.

අන්දරේ තව තවත් කෑම බෙදා ගෙන උස්මුරුත්තෙට ඒ කියන්නේ උගුර ළඟට එන කං කෑවා. තවත් බෙදා ගෙන කන්න කියලා රජතුමා කිව්වා.

”අනේ දේවයන් වහන්ස, මං ඇති තරම් කෑවා. තවත් නං බත් හුලක්වත් (බත් ඇටයක්වත්) කන්න බෑ.” අන්දරේ කිව්වා.

ඒත් රජතුමා එතැනින් නැවතුනේ නෑ. සේවකයකුට කතා කරල මීකිරිත් කිතුල් පැණිත් ගෙනත් තියන්න කියලා කිව්වා. සේවකයා එසැණෙන් මීකිරි හට්ටියකුයි, කිතුල් පැණි මුලකුයි ගෙනාවා.

කිරිපැණි දැක්කාම අන්දරේට ඒවා කන්නට ආසා හිතුනා. ටිකක් අදිමදි කරල කිරි පැණි ටික ටික කන්න පටන් ගත්තා. අන්දරෙත් දන්නෙම නැතුව ඒ කිරි හට්ටියම හිස් වුනා.

ඒ දිහා බලන් හිටිය රජතුමා උදහස් වුණු ලීලාවක් පාලා අන්දරේගෙන් මෙහෙම ඇහුවා: ”අන්දරේ, නුඹ මට බොරු කිව්වා නේද? දැන් මොහොතකට කලින් නුඹ මට කීවා තවත් නම් බත් හුළක්වත් කන්න බෑ කියා. ඒත් දැන් මේ මුළු කිරි හට්ටියම හිස් කළා. රජ්ජුරුවන්ට බොරු කීම රාජ උදහසට ලක් වන කරුණක් බව දන්නෙ නැද්ද? මා නුඹට දඬුවම් දෙනවා. නිදහසට කරුණු ඇත්නම් කියව”

රජතුමාගේ ඒ සැර වදන් ඇසුණු අන්දරේගෙ ඇඟ කිළිපොළා ගියා. ඔහු වහාම දෑත් එක්කරලා වැඳගෙන රජ්ජුරුවන් ඉදිරියේ දණින් වැටුණා.

”අනේ පස්වාන් දහසකට බුදු වන්න දේවයන් වහන්ස. මම කිසිදාක ඔබ වහන්සේට බොරු කියන්නේ නෑ. කිරිපැණි වාගේ රජ කෑමකට ඕනැම වෙලාවක බඬේ ඉඩ ලැබෙනවා.” අන්දරේ බැගෑපත්ව කිව්වා. ඒ කතාවට රජතුමාට තවත් තරහ ගියා.

”නුඹ එක බොරුවක් කීවා මදිවාට තවත් බොරු කියා මාව රවට්ටන්නත් හදනවද? මේකට නම් මා නුඹට සමාවක් දෙන්නේ නැහැ. දඬුවම් විඳීමට සැරසෙව” රජතුමා ගෝරනාඩු කළා.

”සමා අවසර දේවයනි, මා කීවේ ඇත්තයි. මට ඒ බව ඔප්පු කර පෙන්වන්නට අවසර දුන මැනවි” අන්දරේ යටහත් පහත්ව ඉල්ලා සිටියා.

”හොඳයි, මා ඒ අවසරය දෙනවා. නුඹ කී දේ ඔප්පු කර පෙන්වන්නට නුඹට නොහැකි වුනොත් මම නුඹට දඬුවම් කරමි.”

”දේවයන් වහන්ස, රජවාසල සිර කුටිය මිනිසුන්ගෙන් පුරවන ලෙස රාජ සේවකයන්ට අණ කරනු මැනවි.” අන්දරේ ඉල්ලා සිටියා.

රජ අණ අනුව සිර කුටිය මිනිසුන්ගෙන් පුරවනු ලැබුවා. ඒ බව රාජ පුරුෂයා ඇවිත් රජුට සැල කළා.

රජතුමා අන්දරේ සමග සිර කුටිය වෙත ගියා. ඒ තුළ මිනිසුන් පොරකමින් තෙරපෙමින් සිටියා.

”මේ කුටිය තුළට තවත් එකකුවත් දැමිය නොහැකිද?” රජතුමා රාජපුරුෂයාගෙන් ඇසුවා.

”එසේය දේවයන් වහන්ස, මේ කුටියට තවත් එකකුවත් ඇතුළු කළ නොහැකියි” රාජපුරුෂයා කිව්වා.

”දේවයන් වහන්ස, මා සමග වඩිනු මැනව.” රජතුමාට ආරාධනය කරමින් අන්දරේ කුටියේ දොර දෙසට ගියා.

කුටියේ දොර ඉදිරිපිට නතර වූ අන්දරේ උස් හඬින් මෙහෙම කිව්වා: ”බොලව්! අපේ මහ රජ්ජුරුවන්ට එහා බිත්තියට අත තබන්නට අවශ්‍යයි. වහා ඉඩ දියව්!”

බියට පත් මිනිසුන් එකිනෙකා තව තවත් තෙරපෙමින් රජතුමා ඒ මැදින් කාමරයේ අනෙක් කෙළවරේ බිත්තිය ළඟට යන්නට ඉඩ දුන්නා.

ඒ අවසරයෙන් අන්දරේ වහා ඒ මැදින් ගොස් බිත්තිය අල්ලා ආපසු ආවා. රජතුමා සිනාසෙමින් ඒ දෙස බලා සිටියා.

”අවසර! දේවයන් වහන්ස, තවත් එකකුටවත් ඇතුළු වෙන්න බැරි තරමට පිර වූ මේ සිර කුටියේ එහා කෙළවරට යාමට මට හැකි වූයේ ඔබ වහන්සේ නිසයි. ඒ වගේම තමයි කිරිපැණි වගේ රජ කෑමකට මගේ බඬේ ඉඩ ලැබුනෙත්” අන්දරේ යටහත් පහත්ව කිව්වා.

”අන්දරේ නුඹේ උපමාව නම් කදිමයි!” රජතුමා මහ හඬින් සිනාසුනා.

Comments

  1. Thavath rasavath Andare kathavak! thanx.

    ReplyDelete
  2. කවදාවත්ම අමතක නොවෙන කතාවක් වගේම අන්දරේ කියන්නේ කවදාවත්ම අපිට අමතක නොවෙන චරිතයක්..

    ReplyDelete
  3. දැනුම විනෝදය වෙනුවෙන් මහන්සි වෙලා මෙහෙම ලිපි ලියන එකට ගොඩාක් ස්තුතියි යාළුවා.

    www.dasathanews.com
    ගිහින් බලන්නකෝ මේ සයිට් 1 ට. දැනුම වගේම ඔයාලගේ කඩ්ඩ හදාගන්නත් පුළුවන් හැමදාම ලිපි කියෙව්වොත්.
    ලෝකේ වැදගත් විස්තර ඔක්කොම සාරාංශ ලෙස දැනගන්නත් පුළුවන්.

    ReplyDelete

Post a Comment

Popular posts from this blog

ලෝකයේ වටිනාම මුද්දරය වෙන්දේසියට! දැනට ඇත්තේ ලෝකෙටම එකයි!

මුද්දර එකතු කිරීම (Philately) විනෝදාංශයක් වගේම හොඳ ආදායම් මාර්ගයක්. පුංචි වුණාට තැපැල් මුද්දරයක් කියන්නේ රටක ඉතිහාසය කියාපාන කැඩපතක්. රටකින් රටකට හොඳ හිත පතුරුවමින් යන සංස්කෘතික තානාපතිවරයෙක්!

ඒ වගේ පැරණි තැපැල් මුද්දරයක් එහි මුහුණත සඳහන් වටිනාකමට හුඟක් වැඩිවෙන වෙලාවල් තියෙනවා. එහෙම වෙන්නේ ඒවායේ ඇති දුලබකම නිසයි.

ඒ වගේ 1873 දී ලිපිගොනු ගොඩක් අස්සේ තිබී හමුවුණු පාවිච්චි කළ ශත එකේ තැපැල් මුද්දරයක් පසුව වෙළෙඳ පොළේ දී සිලිං හයකට විකුණුණා. බි‍්‍රතාන්‍ය ගයානාව (British Guiana) විසින් නිකුත් කළ ශත එකේ දම්පාට තැපැල් මුද්දරය (1c Magenta stamp) දැන් යළිත් වෙන්දේසිය සඳහා වෙළෙඳපොළට ඇවිත්. අද, වසර 141කට පසු, එයට මුද්දර වෙන්දේසියේ දී ඇමරිකන් ඩොලර් මිලියන 20ක මුදලක් ලැබේවි යැයි විශ්වාස කරනවා.

මෑතදී ‘ලොව වඩාත් වටිනාම මුද්දරය’ ලෙස හඳුන්වනු ලැබූ මේ පැති අටේ හැඩැති තැපැල් මුද්දරය 2014 ජූනි මාසයේ 17 වැනිදා ඇමරිකාවේ නිව්යෝක්හිදී ප‍්‍රසිද්ධ වෙන්දේසියේ විකිණීමට නියමිතයි.

මෙය දැනට ලෝකයේ සුරක්ෂිතව ඉතිරි වී ඇති මේ වර්ගයේ එකම මුද්දරය ලෙස සැලකෙනවා. මෙය නිකුත් කරන ලද්දේ 1856දියි. බි‍්‍රතාන්‍ය ගයානාවේ තැපැල් මහතා…

MH370 මැලේසියානු ගුවන්යාන අබිරහස! ලෝකයේ අබිරහස් ලෙස අතුරුදන් වුණු ගුවන්යානා 10 මෙන්න!

පසුගිය සතියේ (මාර්තු 8 වැනිදා) අතුරුදන් වූ පිසැරි අංක එම්එච්370 මැලේසියානු මගී ගුවන්යානයට වූ දේ තවමත් අබිරහසක්. රටවල් 10 ගුවන්යානා, නැව්, චන්ද්‍රිකා රැසක් මේ අබිරහස විසඳන්න තවමත් වෙහෙසෙනවා.

ඒත් මෙය දැනටමත් නොවිසඳෙන අබිරහසක් පත් වෙන ලකුණු පහළ වෙලා!

ලොව පළමු සෙල් ෆෝනය මේකද? වසර 75ක් පැරණි පින්තූරයේ රහස හෙළි වෙයිද?

බලන්න මේ තරුණිය ජංගම දුරකතනයක් කනේ තියා ගෙන පාර දිගේ කතා කර කර යනවා! අද නම් මේ වගේ දසුනක් ගමක පාරක වුනත් ඔබ දැක ඇතුවාට සැකයක් නැහැ. ඒත් මේ දර්ශනය කැමරාවට නඟා ඇත්තේ මීට අවුරුදු 75කට පෙරයි!

1938 දී ඇමෙරිකාවේ වීදියක ගමන් කළ මේ යුවතියගේ අතට වර්තමානයේ අප පාවිච්චි කරනා තාලේ සෙල් ෆෝනයක් (ජංගම දුරකතනයක්) ආවෙ කොහොමද?

ඒ කාලයේ මේ වගේ දෙයක් නිපදවීම තියා මෙවැන්නක් ගැන හිතලවත් නොතිබුණා නම් මෙම දර්ශනය චිත‍්‍රපටයකට ගත් නිර්මාණයක්ද? සමහර අය කීවේ චිත‍්‍රපටය තුළින් අනාගතය දැකීමක් ලෙස මෙම දසුන සලකන්න පුළුවන් කියලයි. අනාගතය පරිකල්පනය කළ අවස්ථා චිත‍්‍රපටවල ඕනෑ තරම් තිබුණා. මේ වගේ

මේ රූප පෙළ මේ වන විට යූටියුබ් (YouTube) එක හරහා ලක්ෂ තුනකට වැඩි වාර ගණනක් සංසරණය වෙලා තියෙනවා. වර්ණ චිත‍්‍රපට එන්නට පෙරාතුව කළු සුදු ක‍්‍රමයට කැමරාවට නගන ලද මෙහි රහස පසුගිය දා හෙළි වුණා. මෙම තරුණිය තමාගේ මීමිත්තණිය යැයි යුටියුබ් ග‍්‍රාහකයෙක් හෙළි කළා.

අනාගතයට යාමක් ද? මෙහි දැක්වෙන්නේ ඇමරිකාවේ ඩුපොන්ට් ආයතනයෙන් පිට වී යන තරුණ සේවිකාවන් පිරිසක්. එයින් එක් තරුණියක් අතේ ඇති ජංගම දුරකතනයකින් කතා කරමින් යනවා ඔබට පෙනෙනවා ඇති. වසර 75කට ප…

නස්රුදින්ගේ වේළීමේ රහස! අලුත්ම නස්රුදින් කතාවක්!

නස්රුදින්ගේ පොහොසත් මිතුරෙක් ඔහුට කතා කළා, ඒ මිතුරාත් ඔහුගේ පිරිසත් එක්ක දින කීපයක් තිස්සේ දඩයමේ යන්න. මුල් ම දවසේ ඔවුන් නස්රුදින්ට දුන්නෙ බොහොම හෙමින් යන අස්සයෙක්. දඩයමට යන්න පටන් අරන් වැඩි වේලාවක් ගියේ නෑ, හෙමින් ගිය අස්සයා නිසා නස්රුදින් හුඟක් පහුවුණා. නස්රුදින්ව පහු කරලා දාලා අනෙක් පිරිස ඈතට දඩයමේ ගියා.

දියණිය උපන් මොහොතේ පියා ගත් පින්තූරය අන්තර් ජාලය කළඹයි! වෛද්‍යවරයාගේ අතේ එල්ලී එළියට ආ ළදැරිය මෙන්න!

ජීවිතයේ විස්මිත මොහොතවල් ඡායාරූපයට නැඟීම වාසනාවත් එක්ක සිදු වන දෙයක්. එහෙම වාසනාවක් ලද මාපිය යුවලක් තමන් ගත් ජීවිතයේ අමතක නොවන පින්තූරය ‘මුහුණු පොතේ’ පළ කළා. මොහොතකින් එය අන්තර්ජාලය පුරා ‘කුණාටුවක්’ මෙන් හඹා ගියා.

මෙලොව එළිය දකින්න මොහොතකට පෙර පුංචි නෙවායි මව් කුස හිඳිමින් තම උදව්වට ආ වෛද්‍යවරයාගේ ඇඟිල්ලේ එල්ලූන හැටි!

හොල්මන් පින්තූර කතන්දර පෙළක්! මේවා දැකල බය වෙන්න එපා!

රාති‍්‍ර කාලයට අඳුරේ දී ඔබව බියපත් කරන හැම රටකටම, හැම සමාජයකම තියෙනවා. ඇත්තටම හොල්මන් තියෙනවා කියල ඔප්පු කරන්න හොල්මන්වල පින්තූර ගන්න අයත් ඉන්නවා. මේ ඒ විදියට ගත්තු පින්තූර පෙළක්!


අවුරුදු ගානක් තිස්සෙ විවිධ අවස්ථාවලදි ගත්තු පින්තූර තමයි, මේ තියෙන්නේ. මෙහි ඉන්නවා, ඝාතනය කළ වහල් සේවකයන්, රෝහල්වල වධබන්ධනවලට ලක්ව මියගිය රෝගීන්, අතීතයට එක් වූ මුහුදු නැවියන් ආදී නොයෙක් අය. මොවුන්ගේ හොල්මන් කතා අහපු බොහොම දෙනෙක් බියට පත් වුණා. තාමත් අහන අයගේ ඇඟ හිරි වැටෙනවා.

මුල්ම ඇපල් 1 පරිගණකය ලෝක වාර්තාවක් තියයිද? ඇපල් සමාගමේ ආරම්භය හෙළිකරන මෙතෙක් පළ නොවූ ඡායාරූපයක්!

ඇපල් පරිගණකය පටන් ගත් හැටි දැන් දකින කොටත් පුදුම හිතෙනවා. ඒ මුල් ම ඇපල් පරිගණකය අළෙවි කරන්න ගෙනියන්න පෙර පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුගිය දා ප‍්‍රථමවරට හෙළිදරවු වුණා.

මේ ඡායාරූපයට නගා තියෙන්නේ 1976 දියි. එතකොට ස්ටීව් ජොබ්ස්ට (Steve Jobs) වයස 21යි. ඔහුගේ මිතුරු ස්ටීව් වොස්නියැක් (Steve Wozniak) සමග එක්ව ඔවුන් දෙදෙනා මේ මුල්ම ඇපල් පරිගණක තැනුවේ ස්ටීව් ජොබ්ස්ගේ මාපියන්ගේ ගෙදර ගරාජයකයි. ඔවුන් ඒ තැනූ මූල් පරිගණක 50 තැන්පත් කරල තිබුණු ආකාරය දැක්වෙන මේ විරල ඡායාරූපය නිකුත් කරනු ලැබුවේ ලබන නොවැම්බර් 16 වැනිදා වෙන්දේසියට තැබෙන දැනට හොඳම තත්වයේ ඇති පැරණි ම ඇපල් පරිගණකය එළි දැක්වීම වෙනුවෙන්.

මෙය දැනට ලෝකයේ ඇති වටිනාම සන්නම ලෙස සැලකෙන ඇපල් පරිගණකයේ ආරම්භක තත්වය තේරුම ගන්නත් හොඳ අවස්ථාවක්. මේ සන්නමෙහි අද වටිනාකම පවුම් බිලියන 60ක්.

ඇපල් පරිගණකයේ ආරම්භය දැක්වෙන මේ කිසිදා එළියට නො පැමිණි ඡායාරූපයක්. ඒ මුල් ම ඇපල් පරිගණකය අළෙවි කරන්න ගෙනියන්න පෙර 1976 දී පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුග…

දුර්ලභ ගණයේ සේයා රුවක්! නවසීලන්තයේ ධීවරයකුගේ නවතම ගොදුරක්!

මෙය ලියැවෙන්නේ කලාතුරකින් හමු වන ඡායාරූපයක් ඔබ වෙත ඉදිරිපත් කරන්නයි. අන්තර් ජාලය පුරා මේ වන විටත් වැඩි දෙනකුගේ අවධානය දිනා ගෙන තියෙනවා.

මේ ඡායාරූපයෙන් කියැවෙන්නේ මිනීමරු සුදු මෝරකුගේ ඉරණම දැක්වෙන කතාවක්. පසුගිය සතියෙදි නවසීලන්තයේ මුහුදේදි ගත්තු එකක්.

මහා භූමිකම්පාවකින් පසු පාකිස්ථාන මුහුදෙන් මතු වූ ලෝකයේ අලූත් ම දූපත!

පසුගියදා පාකිස්ථානයේ ප‍්‍රබල භූමිකම්පාවක් ඇති වුණා. 7.8ක් වූ ඒ භූමිකම්පාවෙන් බලූකිස්ථානය අසල මුහුදේ අලූත් දූපතක් මතු වුණා. ලෝකයේ අලූත් ම දූපත එයයි.

සල්සාලා කෝහ් (Zalzala Koh) යනුවෙන් ඒ දූපත නම් කරලා තියෙනවා. දාල්බන්දින්වලට සැතැපම් 145ක් ගිනිකොන දෙසින් හටගත් මේ භූම්කම්පාව නිසා දැන් එය බලන්න සංචාරකයන් වගේම පාකිස්ථාන වැසියන් වැල නොකැඩි එනවා. ඒ දූපතටත් ගොඩ වෙනවා. ගිනිගන්නාසුලූ වායුව, විස දුම් ආදිය ඇති බව අනතුරු හැෙඟව්වත් ඒවා ගනන් නොගෙනයි, ඔවුන් එහි එන්නෙ.

ඒ දූපතේ පිපිරුණු මඩ, වැලි, ගල් මුසු බිම මත මුහුදු සතුන්ගේ මළ සිරුරු, විශේෂයෙන් ම මාළුන් මළකුණු පිරිලා තියෙනවා.

මෙන්න ලෝකයේ අලූත් ම දූපත අහසට පෙනෙන හැටි. මේ මඩ කන්ද මීටර් 15ක් 20ක් විතර උස ඇති. මිනිසුන්ට ඒ මත ඇවිද ගෙන යා හැකි තරමට එහි බිම ඝනකම් කියලයි, කියන්නෙ.

MH370 මැලේසියානු ගුවන්යාන අබිරහස : නියමුවාම යානය බලෙන් ගෙන ගියාද?

2014 මාර්තු 16 වැනිදා

අනතුරට පත් යානයේ නියමුවා වූ සහාරි අහමඞ් ෂා දේශපාලන උමතුවකින් පෙළෙන්නකු ලෙස දැන් සැක කරනවා. එම්එච්370 යානය නියමුවා ලෙස සේවයට වාර්තා කරන්නට පෙර ඔහු මැලේසියාවේ විරුද්ධ පක්ෂ නායකයා වූ අන්වර් ඒබ‍්‍රහම්ට එරෙහිව පැවති නඩු විභාගයට බලන්නට ගිය බවක් ෆෙඩරල් පරීක්ෂක නිලධාරින් කියනවා.