Skip to main content

ඩයිනසෝරයන්ටත් පෙර මිහිමත ඇවිද ගිය විලෝපිකයෙක් සොයා ගෙන - මග පෙන්වීම ලැබුණේ ගුගල් සිතියම්වලින්

දිගටි විහිදුණු උල් දත් ඇති, දිවියකු තරම් ලොකු අමුතු විදියේ දඩයක්කාරයෙක් මීට අවුරුදු මිලියන 265කට පෙර මේ මිහිමත ඇවිද ගිය බව සොයා ගන්නට විද්‍යාඥයන් පිරිසක් සමත් වී තියෙනවා. උරගයකුගේ යැයි සිතිය හැකි උගේ පොසිල අස්ථි හමුවෙලා තියෙනවා දකුණුදිග බ‍්‍රසීලයෙන්. ඒ අස්ථි පරීක්ෂා කිරීමේදී තහවුරු වුණා, ඒවා වසර මිලියන 265 කට වඩා පැරණි බව. ඒ කියන්නේ මේ සතා ලොව ජීවත්වෙලා තියෙන්නේ ඩයිනසෝරයන් මිහිමත පහළ වෙන්නත් ඇවිද යන්නත් කලින්. ඒ විතරක් නොවෙයි, මේ සතා ඩයිනසෝරයන් ගොදුරු කර ගත් විලෝපිකයකු වන්නට ඇතැයි ඒ විද්‍යාඥයන්ගේ අදහසයි.

 
(පැම්පාෆෝනියස් සතකු පේරිසෝරයකු දඩයම් කරන අයුරු දැක්වෙන චිත‍්‍රයක්)


මේ විලෝපිකයාගේ හිස් කබලක් හමුවුණේ බ‍්‍රසීලයේ රියෝ ග‍්‍රාන්ද් දෝ සල් නිම්නයේ පිහිටි ගම්මානයක් අසලින්. ඒ සොයා ගැනීමට මඟ පෑදී තිබෙන්නේ අන්තර් ජාලයේ ‘ගූගල් මැප්ස්’ යොදා ගනිමින් චන්ද්‍රිකා තාක්ෂණයෙන් ප‍්‍රදේශයේ භූ විෂමතා පරීක්ෂා කිරීමෙන් අනතුරුව යැයි පැවැසෙනවා. අසාමාන්‍ය සලකුණක් දැකපු බ‍්‍රසීල විද්‍යාඥයන් කණ්ඩායමක් ගියා ඒ ගැන පරීක්ෂා කරන්න. එවිටයි පොසිලකරණයට ලක් වුණු හිස් කබල හමුවුණේ.

මේ සතා ලොව පහළ වී ඇත්තේ ඩයිනසෝරයින් මිහිමත පහළ වීමට වසර මිලියන 40 කට පෙරයි. මෙයා අයත් වන්නේ වඳ වී ගිය උරග පවුලකටයි. ඒ හින්දා මෙයාගේ මුතුන්මිත්තන් ගැන කිසිම සාක්ෂියක් තාමත් ලැබිලා නැහැ.

මේ සතා නම් කර තියෙන්නේ ‘පැම්පාෆෝනියස් බිකායි’ Pampaphoneus Biccai යනුවෙනුයි. මේ සතා ඩයිනෝසෙපේලියානුවෙක්. ඒ කියන්නේ ඩයිනසෝරයින් හා පෙනුමෙන් සමාන ඩයිනසෝරයන් නොවන ‘අන්ටේසෝරස්’ නමැති පවුලේ සාමාජිකයෙක්. ‘අන්ටේසෝරස්’ සතුන් ඩයිනසෝරයින් ලොව පහළ වෙද්දී මියැදුණා කියලයි මෙතෙක් කල් විශ්වාස කළේ.

 
(ආචාර්ය ජුලියන් සිස්නේරස් සොයා ගත් පැම්පාෆෝනියස්ගේ හිස් කබලෙහි ස්වරූපය)

‘පැම්පාෆෝනියස් බිකායි’ අචලතාපියෙක්. සතුන් පසුපස ලූහුබැඳ ඔවුන් ගොදුරු කර ගන්න ශක්තිමත් හකු යුගලක් සහ තියුණු දත් මේ සත්ත්වයාට තිබෙනවා. ‘පැම්පාෆෝනියස් බිකායි’ යන නම මේ සතාට යොදා ඇති අයුරුත් අපූරුයි. ‘පැම්පාස්’ කියන්නේ බ‍්‍රසීලයේ ඇති තැනිතලා තණ බිම්වලටයි. ‘ෆෝනියස්’ යනු ගී‍්‍රක වදනක්. එහි අර්ථය ‘ඝාතකයා’ යන්නයි.

වර්තමානයේ බ‍්‍රසීලයෙන් මේ සතාගේ පොසිල හිස් කබලක් හමුවුණත්, මේ සතා ජීවත් වෙද්දී ලෝකය මහද්වීපවලට වෙන් වී තිබුණේ නැහැ. අද බ‍්‍රසීලය යැයි හඳුන්වන රට ලෝකයේ කොතැනක තිබුණේදැයි විද්‍යාඥයන්ට හරියට ම කියන්න බැහැ. ‘පැම්පාෆෝනියස් බිකායි’ ජීවත් වෙද්දී, අතීතයේ පැවැතියේ එක් මහා මහද්වීපයක්. එය හැඳින්වෙන්නේ ‘පැන්ජියා’ කියලයි.

මීට පෙර, ඩයිනසෝරයන්ට පෙර ජීවත් වූ සතුන් හමුවුණේ රුසියාවෙන්, කසකස්තානයෙන්, චීනයෙන් සහ දකුණු අපි‍්‍රකාවෙන්. ඒත් මේ අලූත් සොයා ගැනීමෙන් පැහැදිලියි මේ සතුන් අතීතයේ ලෝකය පුරා ව්‍යාප්ත වී සිටිය බව.

පැම්පාෆෝනියස් බිකායිගේ පොසිල හිස්කබල සොයා ගැනීමේ පොසිල විද්‍යාඥ කණ්ඩායමට නායකත්වය දුන්නේ බ‍්‍රසීලයේ ටෙරේසිනාහි පියාඋයි ෆෙඩරල් සරසවියේ පොසිල විද්‍යාඥ ආචාර්ය ජුවාන් කාලෝස් සිස්නේරස්. ඔහු ඒ ගැන කියන්නේ මෙහෙමයි: ”මේ පොසිලය මංශභක්ෂක ඇන්ටේසෝරසයකුගේ. මෙම සොයා ගැනීමෙන් ආදිකාලෙයේ පැන්ජියාව පවතිද්දී ඒ ප‍්‍රදේශය පුරා මංශභක්ෂක ඩයිනෝසෙපේලියානුවන් (ඩයිනෝසෝරයන්ට සමාන සතුන්) ජීවත් වූ බව.”

 
(ආචාර්ය ජුලියන් සිස්නේරස් හා පිරිස පොසිල හමු වූ පස් පිරික්සමින්)

ඩයිනෝසෙපේලියානුවන්ට අයත් වන අනෙක් සතුන් වන්නේ දකුණු අපි‍්‍රකානු ඇන්ටේසෝරස් මැග්නිෆිකස් හා රුසියානු ටයිටනොෆෝනියස් පොටෙන්ස් දෙදෙනායි. ඒ අතරින් රුසියානු සත්ත්වයා ප‍්‍රමාණයෙන් විශාලයි. උගේ දිග අඩි 18කට වැඩියි. පර්මීයානු යුගයේ මේ මිහිමත ඇවිද ගිය විශාල ම සත්ත්වයා මොහු විය හැකියි.

පර්යේෂකයන් විශ්වාස කරන්නේ ලෝකයේ භූමි එකට එක්ව තිබූ නිසා මේ සත්ත්වයාට පැන්ජියාවේ උතුරුදිග කොටසේ එනම් ලොරේසියාවේ සිට දකුණුදිග කොටසේ එනම් ගොඞ්වානාවට සංක‍්‍රමණය වෙන්නට හැකි වෙන්න ඇති කියායි.
පර්මීයානු යුගය අවසාන වෙත්ම මේ සියලූ සත්ත්ව ජීවිත සම්පූර්ණයෙන් මිහිමතින් තුරන් වෙන්නට ඇති, කලින් ඇති නොවූ, නොසිතූ විරූ මහා විනාශයක් හේතුවෙන්.

 
(පැම්පාෆෝනියස් සතකුගේ මේ ලොකු දත්වලින් ගොදුරක් කීතු කීතු කළ හැකියි)

ලෝකය පුරා විසිරී තිබුණු සංකීර්ණ පරිසර පද්ධති සියල්ල කුමක් හෝ විශාල සංසිද්ධියක් නිසා මුලූමනින්ම විනාශ වී යන්නට ඇති. ඉතිරි වන්නට ඇත්තේ සත්ත්ව විශේෂ අතරින් සියයට පහක් පමණයි. මේ විනාශය සිදු වන්නට ඇත්තේ සමහර විට වසර පන්ලක්ෂයක් තිස්සේ සිදු වුණු දැවැන්ත යමහල් විදාරණයක් නිසා, එනම් ලොව පුරා සෑම තැනකින් ම ගිනිකඳු පිපිරීම් නිසා වියහැකි යැයි දැන් අනුමාන කෙරෙනවා.

Comments

  1. හැමදාම වගේ වටින විස්තරයක්.....

    ReplyDelete
  2. Iparani fossils soyagena karana thorathuru heli kireem harima apuuruy. Me satha goduru kara gath aya eelagata hamuvey.Thanks Malkakulu vatina lipi valata.

    ReplyDelete
  3. Api punchikaale aasawen "Wijaya" paththare thibunu dinosaur wistahra kiyewwa wage wadihiti wunata passeth watina thorathuru kiyawanna lebuna ekama web adawiya "MalKakulu" kiyala hithanawa. MalKakulu web adawiya karana sewayata api hemoma kruthaguna dekwiya yuthuyi.

    ReplyDelete

Post a Comment

Popular posts from this blog

ලෝකයේ වටිනාම මුද්දරය වෙන්දේසියට! දැනට ඇත්තේ ලෝකෙටම එකයි!

මුද්දර එකතු කිරීම (Philately) විනෝදාංශයක් වගේම හොඳ ආදායම් මාර්ගයක්. පුංචි වුණාට තැපැල් මුද්දරයක් කියන්නේ රටක ඉතිහාසය කියාපාන කැඩපතක්. රටකින් රටකට හොඳ හිත පතුරුවමින් යන සංස්කෘතික තානාපතිවරයෙක්!

ඒ වගේ පැරණි තැපැල් මුද්දරයක් එහි මුහුණත සඳහන් වටිනාකමට හුඟක් වැඩිවෙන වෙලාවල් තියෙනවා. එහෙම වෙන්නේ ඒවායේ ඇති දුලබකම නිසයි.

ඒ වගේ 1873 දී ලිපිගොනු ගොඩක් අස්සේ තිබී හමුවුණු පාවිච්චි කළ ශත එකේ තැපැල් මුද්දරයක් පසුව වෙළෙඳ පොළේ දී සිලිං හයකට විකුණුණා. බි‍්‍රතාන්‍ය ගයානාව (British Guiana) විසින් නිකුත් කළ ශත එකේ දම්පාට තැපැල් මුද්දරය (1c Magenta stamp) දැන් යළිත් වෙන්දේසිය සඳහා වෙළෙඳපොළට ඇවිත්. අද, වසර 141කට පසු, එයට මුද්දර වෙන්දේසියේ දී ඇමරිකන් ඩොලර් මිලියන 20ක මුදලක් ලැබේවි යැයි විශ්වාස කරනවා.

මෑතදී ‘ලොව වඩාත් වටිනාම මුද්දරය’ ලෙස හඳුන්වනු ලැබූ මේ පැති අටේ හැඩැති තැපැල් මුද්දරය 2014 ජූනි මාසයේ 17 වැනිදා ඇමරිකාවේ නිව්යෝක්හිදී ප‍්‍රසිද්ධ වෙන්දේසියේ විකිණීමට නියමිතයි.

මෙය දැනට ලෝකයේ සුරක්ෂිතව ඉතිරි වී ඇති මේ වර්ගයේ එකම මුද්දරය ලෙස සැලකෙනවා. මෙය නිකුත් කරන ලද්දේ 1856දියි. බි‍්‍රතාන්‍ය ගයානාවේ තැපැල් මහතා…

MH370 මැලේසියානු ගුවන්යාන අබිරහස! ලෝකයේ අබිරහස් ලෙස අතුරුදන් වුණු ගුවන්යානා 10 මෙන්න!

පසුගිය සතියේ (මාර්තු 8 වැනිදා) අතුරුදන් වූ පිසැරි අංක එම්එච්370 මැලේසියානු මගී ගුවන්යානයට වූ දේ තවමත් අබිරහසක්. රටවල් 10 ගුවන්යානා, නැව්, චන්ද්‍රිකා රැසක් මේ අබිරහස විසඳන්න තවමත් වෙහෙසෙනවා.

ඒත් මෙය දැනටමත් නොවිසඳෙන අබිරහසක් පත් වෙන ලකුණු පහළ වෙලා!

ලොව පළමු සෙල් ෆෝනය මේකද? වසර 75ක් පැරණි පින්තූරයේ රහස හෙළි වෙයිද?

බලන්න මේ තරුණිය ජංගම දුරකතනයක් කනේ තියා ගෙන පාර දිගේ කතා කර කර යනවා! අද නම් මේ වගේ දසුනක් ගමක පාරක වුනත් ඔබ දැක ඇතුවාට සැකයක් නැහැ. ඒත් මේ දර්ශනය කැමරාවට නඟා ඇත්තේ මීට අවුරුදු 75කට පෙරයි!

1938 දී ඇමෙරිකාවේ වීදියක ගමන් කළ මේ යුවතියගේ අතට වර්තමානයේ අප පාවිච්චි කරනා තාලේ සෙල් ෆෝනයක් (ජංගම දුරකතනයක්) ආවෙ කොහොමද?

ඒ කාලයේ මේ වගේ දෙයක් නිපදවීම තියා මෙවැන්නක් ගැන හිතලවත් නොතිබුණා නම් මෙම දර්ශනය චිත‍්‍රපටයකට ගත් නිර්මාණයක්ද? සමහර අය කීවේ චිත‍්‍රපටය තුළින් අනාගතය දැකීමක් ලෙස මෙම දසුන සලකන්න පුළුවන් කියලයි. අනාගතය පරිකල්පනය කළ අවස්ථා චිත‍්‍රපටවල ඕනෑ තරම් තිබුණා. මේ වගේ

මේ රූප පෙළ මේ වන විට යූටියුබ් (YouTube) එක හරහා ලක්ෂ තුනකට වැඩි වාර ගණනක් සංසරණය වෙලා තියෙනවා. වර්ණ චිත‍්‍රපට එන්නට පෙරාතුව කළු සුදු ක‍්‍රමයට කැමරාවට නගන ලද මෙහි රහස පසුගිය දා හෙළි වුණා. මෙම තරුණිය තමාගේ මීමිත්තණිය යැයි යුටියුබ් ග‍්‍රාහකයෙක් හෙළි කළා.

අනාගතයට යාමක් ද? මෙහි දැක්වෙන්නේ ඇමරිකාවේ ඩුපොන්ට් ආයතනයෙන් පිට වී යන තරුණ සේවිකාවන් පිරිසක්. එයින් එක් තරුණියක් අතේ ඇති ජංගම දුරකතනයකින් කතා කරමින් යනවා ඔබට පෙනෙනවා ඇති. වසර 75කට ප…

නස්රුදින්ගේ වේළීමේ රහස! අලුත්ම නස්රුදින් කතාවක්!

නස්රුදින්ගේ පොහොසත් මිතුරෙක් ඔහුට කතා කළා, ඒ මිතුරාත් ඔහුගේ පිරිසත් එක්ක දින කීපයක් තිස්සේ දඩයමේ යන්න. මුල් ම දවසේ ඔවුන් නස්රුදින්ට දුන්නෙ බොහොම හෙමින් යන අස්සයෙක්. දඩයමට යන්න පටන් අරන් වැඩි වේලාවක් ගියේ නෑ, හෙමින් ගිය අස්සයා නිසා නස්රුදින් හුඟක් පහුවුණා. නස්රුදින්ව පහු කරලා දාලා අනෙක් පිරිස ඈතට දඩයමේ ගියා.

දියණිය උපන් මොහොතේ පියා ගත් පින්තූරය අන්තර් ජාලය කළඹයි! වෛද්‍යවරයාගේ අතේ එල්ලී එළියට ආ ළදැරිය මෙන්න!

ජීවිතයේ විස්මිත මොහොතවල් ඡායාරූපයට නැඟීම වාසනාවත් එක්ක සිදු වන දෙයක්. එහෙම වාසනාවක් ලද මාපිය යුවලක් තමන් ගත් ජීවිතයේ අමතක නොවන පින්තූරය ‘මුහුණු පොතේ’ පළ කළා. මොහොතකින් එය අන්තර්ජාලය පුරා ‘කුණාටුවක්’ මෙන් හඹා ගියා.

මෙලොව එළිය දකින්න මොහොතකට පෙර පුංචි නෙවායි මව් කුස හිඳිමින් තම උදව්වට ආ වෛද්‍යවරයාගේ ඇඟිල්ලේ එල්ලූන හැටි!

හොල්මන් පින්තූර කතන්දර පෙළක්! මේවා දැකල බය වෙන්න එපා!

රාති‍්‍ර කාලයට අඳුරේ දී ඔබව බියපත් කරන හැම රටකටම, හැම සමාජයකම තියෙනවා. ඇත්තටම හොල්මන් තියෙනවා කියල ඔප්පු කරන්න හොල්මන්වල පින්තූර ගන්න අයත් ඉන්නවා. මේ ඒ විදියට ගත්තු පින්තූර පෙළක්!


අවුරුදු ගානක් තිස්සෙ විවිධ අවස්ථාවලදි ගත්තු පින්තූර තමයි, මේ තියෙන්නේ. මෙහි ඉන්නවා, ඝාතනය කළ වහල් සේවකයන්, රෝහල්වල වධබන්ධනවලට ලක්ව මියගිය රෝගීන්, අතීතයට එක් වූ මුහුදු නැවියන් ආදී නොයෙක් අය. මොවුන්ගේ හොල්මන් කතා අහපු බොහොම දෙනෙක් බියට පත් වුණා. තාමත් අහන අයගේ ඇඟ හිරි වැටෙනවා.

මුල්ම ඇපල් 1 පරිගණකය ලෝක වාර්තාවක් තියයිද? ඇපල් සමාගමේ ආරම්භය හෙළිකරන මෙතෙක් පළ නොවූ ඡායාරූපයක්!

ඇපල් පරිගණකය පටන් ගත් හැටි දැන් දකින කොටත් පුදුම හිතෙනවා. ඒ මුල් ම ඇපල් පරිගණකය අළෙවි කරන්න ගෙනියන්න පෙර පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුගිය දා ප‍්‍රථමවරට හෙළිදරවු වුණා.

මේ ඡායාරූපයට නගා තියෙන්නේ 1976 දියි. එතකොට ස්ටීව් ජොබ්ස්ට (Steve Jobs) වයස 21යි. ඔහුගේ මිතුරු ස්ටීව් වොස්නියැක් (Steve Wozniak) සමග එක්ව ඔවුන් දෙදෙනා මේ මුල්ම ඇපල් පරිගණක තැනුවේ ස්ටීව් ජොබ්ස්ගේ මාපියන්ගේ ගෙදර ගරාජයකයි. ඔවුන් ඒ තැනූ මූල් පරිගණක 50 තැන්පත් කරල තිබුණු ආකාරය දැක්වෙන මේ විරල ඡායාරූපය නිකුත් කරනු ලැබුවේ ලබන නොවැම්බර් 16 වැනිදා වෙන්දේසියට තැබෙන දැනට හොඳම තත්වයේ ඇති පැරණි ම ඇපල් පරිගණකය එළි දැක්වීම වෙනුවෙන්.

මෙය දැනට ලෝකයේ ඇති වටිනාම සන්නම ලෙස සැලකෙන ඇපල් පරිගණකයේ ආරම්භක තත්වය තේරුම ගන්නත් හොඳ අවස්ථාවක්. මේ සන්නමෙහි අද වටිනාකම පවුම් බිලියන 60ක්.

ඇපල් පරිගණකයේ ආරම්භය දැක්වෙන මේ කිසිදා එළියට නො පැමිණි ඡායාරූපයක්. ඒ මුල් ම ඇපල් පරිගණකය අළෙවි කරන්න ගෙනියන්න පෙර 1976 දී පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුග…

දුර්ලභ ගණයේ සේයා රුවක්! නවසීලන්තයේ ධීවරයකුගේ නවතම ගොදුරක්!

මෙය ලියැවෙන්නේ කලාතුරකින් හමු වන ඡායාරූපයක් ඔබ වෙත ඉදිරිපත් කරන්නයි. අන්තර් ජාලය පුරා මේ වන විටත් වැඩි දෙනකුගේ අවධානය දිනා ගෙන තියෙනවා.

මේ ඡායාරූපයෙන් කියැවෙන්නේ මිනීමරු සුදු මෝරකුගේ ඉරණම දැක්වෙන කතාවක්. පසුගිය සතියෙදි නවසීලන්තයේ මුහුදේදි ගත්තු එකක්.

මහා භූමිකම්පාවකින් පසු පාකිස්ථාන මුහුදෙන් මතු වූ ලෝකයේ අලූත් ම දූපත!

පසුගියදා පාකිස්ථානයේ ප‍්‍රබල භූමිකම්පාවක් ඇති වුණා. 7.8ක් වූ ඒ භූමිකම්පාවෙන් බලූකිස්ථානය අසල මුහුදේ අලූත් දූපතක් මතු වුණා. ලෝකයේ අලූත් ම දූපත එයයි.

සල්සාලා කෝහ් (Zalzala Koh) යනුවෙන් ඒ දූපත නම් කරලා තියෙනවා. දාල්බන්දින්වලට සැතැපම් 145ක් ගිනිකොන දෙසින් හටගත් මේ භූම්කම්පාව නිසා දැන් එය බලන්න සංචාරකයන් වගේම පාකිස්ථාන වැසියන් වැල නොකැඩි එනවා. ඒ දූපතටත් ගොඩ වෙනවා. ගිනිගන්නාසුලූ වායුව, විස දුම් ආදිය ඇති බව අනතුරු හැෙඟව්වත් ඒවා ගනන් නොගෙනයි, ඔවුන් එහි එන්නෙ.

ඒ දූපතේ පිපිරුණු මඩ, වැලි, ගල් මුසු බිම මත මුහුදු සතුන්ගේ මළ සිරුරු, විශේෂයෙන් ම මාළුන් මළකුණු පිරිලා තියෙනවා.

මෙන්න ලෝකයේ අලූත් ම දූපත අහසට පෙනෙන හැටි. මේ මඩ කන්ද මීටර් 15ක් 20ක් විතර උස ඇති. මිනිසුන්ට ඒ මත ඇවිද ගෙන යා හැකි තරමට එහි බිම ඝනකම් කියලයි, කියන්නෙ.

MH370 මැලේසියානු ගුවන්යාන අබිරහස : නියමුවාම යානය බලෙන් ගෙන ගියාද?

2014 මාර්තු 16 වැනිදා

අනතුරට පත් යානයේ නියමුවා වූ සහාරි අහමඞ් ෂා දේශපාලන උමතුවකින් පෙළෙන්නකු ලෙස දැන් සැක කරනවා. එම්එච්370 යානය නියමුවා ලෙස සේවයට වාර්තා කරන්නට පෙර ඔහු මැලේසියාවේ විරුද්ධ පක්ෂ නායකයා වූ අන්වර් ඒබ‍්‍රහම්ට එරෙහිව පැවති නඩු විභාගයට බලන්නට ගිය බවක් ෆෙඩරල් පරීක්ෂක නිලධාරින් කියනවා.