Skip to main content
malkakulu_youtube_page malkakulu_facebook_page

අභ්‍යාවකාශ දුරෙක්ෂවලින් හෙළි වන රහස් : විශ්වයට විහිදුණු විදු ඇස

අපේ ක්ෂීරපථය (Milky Way) හෙවත් කිරිසයුර තුළ වාසයට සුදුසු ග‍්‍රහලෝක බිලියන ගණනක් තියෙනවා. වසර හයක් තිස්සේ විද්‍යාඥයන් විසින් කළ අධ්‍යයනයකින් හෙළි වෙයි.

තාරකා විද්‍යාඥයන් වසර හයක් තිස්සේ තරු පිළිබඳව කළ සියුම් අධ්‍යයනයකින් පසු මිනිසාට ජීවත් විය හැකි ග‍්‍රහලෝක බහුලව ඇති බව සොයා ගෙන තිබේ. මිනිස් වාසයට යෝග්‍ය වන්නේ තරුවක් වටා ඇති ග‍්‍රහ ලෝක අතරින් තාපය වැඩියෙනුත් නොලබන, අඩුවෙනුත් නොලබන, මධ්‍යස්ථ දුරකින් භ‍්‍රමණය වන ග‍්‍රහලෝක ඇත් නම් පමණයි. දියර ජලය තිබීමේ වැඩි ප‍්‍රවණතාවක් ඇත්තේ එවැනි ග‍්‍රහලෝකවලයි. යම් තරුවක සිට කිසියම් දුරක් එපිටින් මෙසේ වාසයට හිතකර දේශ ගුණයක් තිබිය හැකැයි සිතිය හැකි කලාපයක් ගැන දැන් විද්‍යාඥයන් අතර තියෙනවා. ඒ අනුව මේ කිරිසයුරෙහි එවැනි ග‍්‍රහලෝක තිබිය හැකි තරු බිලියන 10කට වැඩි ගණනක් ඇතැයි විද්‍යාඥයන් ඇස්තමේන්තු කරල තියෙනවා.

(ක්ෂුද්‍රකාච නම් ක‍්‍රමවේදය භාවිත කරමින් බහිර්ග‍්‍රහයන් ගැන සොයන විශේෂ ව්‍යාපෘතියට යොදා ගන්නා මේ මීටර් 1.54 අති නවීන දුරේක්ෂය - යුරෝපයේ අභ්‍යවකාශ ආයතනය හෙවත් ESO විසින් චිලි රාජ්‍යයේ පිහිටුවා ඇති මෙය සවි කර ඇත්තේ ලා සිලා ග‍්‍රහලෝක නිරීක්ෂණාගාරයේයි.)


හිරු දෙකක් වටා යන ග‍්‍රහයන් ඇති සෞරග‍්‍රහ මණ්ඩල ඕනෑ තරම් තියෙනවා! ඇමරිකන් තාරකා විද්‍යඥයෝ කියති.

නාසා ආයතනයේ කේප්ලර් මෙහෙයුමෙන් ලැබෙන දත්ත විශ්ලේෂණය කොට ඇමරිකාවේ සැන් දියේගෝ විශ්ව විද්‍යාලයේ තාරකා විද්‍යාඥයන් පසුගියදා ප‍්‍රකාශ කළා තරු(හිරු) දෙකක් වටා භ‍්‍රමණය වන නව සෞරග‍්‍රහ මණ්ඩල දෙකක් තමන් සොයා ගත් බව. ඒවායේ ඇති ග‍්‍රහයන් එක විට තරු දෙකක් වටා යනවා, පමණක් නොවෙයි ඒ තරු අතරින් කුඩා තරුව ලොකු තරුව වටා භ‍්‍රමණය වෙනවා. මේ නව සොයා ගැනීමෙන් තහවුරු වෙනවා හිරු දෙකේ ග‍්‍රහ ලෝක දුලබ දෙයක් නොවන බව. එවැනි දෑ අපේ ගැලක්සිය තුළ බහුලව දැකිය හැකි බව.

මේ ග‍්‍රහයන් දෙකම පිහිටා ඇත්තේ සිග්නස් (Cygnus) තරු පන්තියෙහියි. මේ අතරින් එකක් වන කෙප්ලර් 34 අපේ පෘථිවියේ සිට ආලෝක වර්ෂ 4,900ක් දුරිනුත් කෙප්ලර් 35 නම් අනෙක අපේ පෘථිවියේ සිට ආලෝක වර්ෂ 5,400ක් දුරිනුත් පිහිටා තියෙනවා. මෙය මෙතෙක් සොයා ගෙන ඇති වැඩිම දුරකින් පිහිටි ග‍්‍රහ ලෝක ලෙස හඳුන්වන්න පුළුවන්.

මේ ග‍්‍රහ ලෝක හමුවී ඇත්තේ වඩාත් ශීත නැති වඩාත් උණුසුම් නැති කලාපයේයි. දියර ජලය හමුවිය හැක්කේ මේ කලාපයේ පමණයි. ඒ නිසා යම් ආකාරයක ජීවයක් තිබිය හැකියි. එසේ ම වාසයටත් හිතකර විය හැකියි. ඒත් විද්‍යාඥයන් අවධාරණය කරන්නේ ඒ ග‍්‍රහයන්ගේ ජීවය පැවතිය හැකි තත්වයක් තිබුණත් මෙහි ඇති ජීවීන් එහි මේ ආකාරයට පරිණාමය වී නොතිබිය හැකි බවයි.

පසුගිය 16 වසර තිස්සේ විශ්වයේ තරු අතරින් බහිර්ග‍්‍රහයන් 700කට වැඩි ගණනක් තාරකා විද්‍යාඥයන් විසින් හඳුනාගෙන ඇති බැව් තහවුරු කෙරුණා. ඒත් ඒවායින් වැඩි හරියක් බ‍්‍රහස්පතී බඳු වායුවෙන් සමන්විත ග‍්‍රහයන්. එහෙම නැත්නම් තරුවලට වඩා සමීපව යන තාප අධික කලාපයේ ග‍්‍රහයන් මේ දෙවර්ගය තුළම ජීවය පැවතීමට ඇති ඉඩකඩ ඉතාමත් අඩුයි.

මේ ග‍්‍රහයන් හඳුනා ගැනීමට විශේෂ ක‍්‍රමවේදයක් භාවිත කරන්න ඕනෑ. එය ගුරුත්වාකර්ෂණ ක්ෂුද්‍රකාච ක‍්‍රමය (gravitational microlensing) යොදාගෙන කරන සෙවීමේ ක‍්‍රමයක් ලෙස හැඳින්වෙනවා. පසුබිමේ හා ඉදිරියෙන් ඇති තරු එක පෙළට සිටින සේ තබා ගෙන කරන නිරීක්ෂණයක්. යම් වස්තුවකින් විහිදෙන අලෝක කිරණ ඉදිරියෙන් ඇති වස්තුව අනුව වර්තනය වී යන්නේ යැයි අයින්ස්ටයින් 1915 දී පළ කළ න්‍යායක් මත සැකසුණු ක‍්‍රම වේදයක්. ඒ සඳහා පරීක්ෂණයට භාජනය කරන ග‍්‍රහයාගේ ආනතියත් අවශ්‍ය වෙනවා.

නාසා ආයතනය සෞරග‍්‍රහ මණ්ඩලයෙන් බාහිර ව කුඩාම ග‍්‍රහයන් තිදෙනෙක් සොයා ගනියි

නාසා ආයතනයේ කේප්ලර් මෙහෙයුමෙන් ලැබුණු දත්ත උපයෝගී කර ගෙන තාරකා විද්‍යාඥයන් සොයා ගෙන තියෙනවා, අපේ සූර්යයාගෙන් එපිට පිහිටි තරුවක් වටා භ‍්‍රමණය වන ඉතාම කුඩා ග‍්‍රහලෝක තුනක්. එකම තරුවක් වටා භ‍්‍රමණය වන මේ තරුව නම් කර ඇත්තේ කේ ඕඅයි-961 (KOI-961) කියායි. ඒවායේ අරය පෘථිවිය මෙන් 0.78, 0.73 හා 0.57 ගුණයක් විශාලයි. එහි කුඩාම ග‍්‍රහයා අඟහරු තරම් වෙනවා.

(ක්ෂිරපථය තුළ ඇති තරු වටා භ‍්‍රමණය වන ග‍්‍රහයන් බහුලව ඇති ආකාරය සිත්තරකු දුටු හැටි)

මේ ග‍්‍රහයන් තුන්දෙනා ම පෘථිවිය මෙන් පාෂාණවලින් සැදි ඒවා වුනත් ඒවා භ‍්‍රමණය වන තරුවට වඩාත් ළංව පිහිටි නිසා දැඩි තාපයෙන් යුක්තයි. මිනිස් වාසයට සුදුසු කලාපයක නොවෙයි ඒවා පිහිටා තියෙන්නේ. තරුවට මේ තරමට ළංව පිහිටි විට දියර ජලය ඒවායේ පවතින්නට විදියක් නැහැ. දැනට සොයා ගෙන ඇති තරු වටා භ‍්‍රමණය වන බහිර්ග‍්‍රහයන් (exoplanets) 700ක් පමණ වන නමුත් ඒවායින් අතළොස්සක් පමණයි, පාෂාණවලින් සෑදී ඇත්තේ.

වොෂින්ටනයේ නාසා මූලස්ථානයේ කේප්ලර් වැඩසටහනේ විද්‍යාඥයකු වූ ඩග් හජින්ස් කියන්නේ මෙහෙම දෙයක්: ”තාරකා විද්‍යාඥයන් කෙප්ලර් විසින් හෙළිදරවු කර ගන්නා ග‍්‍රහලෝක පිළිබඳ තතු තහවුරු කර ගනිමින් ඉන්නවා. අඟහරු තරම් කුඩා ග‍්‍රහයකු සොයා ගැනීම ඇත්තෙන්ම විස්මිත දෙයක්. අපට තවත් පාෂාණවලින් සමන්විත ග‍්‍රහයන් රාශියක් තිබිය හැකියි.”

මේ බාධක මැද්දේ පවා ලොව පුරා ස්ථපිත කර ඇති දුරේක්ෂ මගින් වසර හයක් තිස්සේ ක්ෂුද්‍රකාච ක‍්‍රමයෙන් ලබා ගත් දත්ත ඇසුරෙන් අනපේක්ෂිත බහිර්ග‍්‍රහයන් ප‍්‍රමාණයක් හෙළිදරවු කර ගැනීම සුවිශේෂ දෙයක්. ‘2002 සිට 2007 දක්වා වසර හයක් තිස්සේ අපි තරු 500ක් විතර අධි තාක්ෂණය යොදා ගෙන නිරීක්ෂණය කළා.’ යැයි කියන ඩෙනිෂ් තාරකා විද්‍යාඥ ආචාර්ය ඌෆ් ග්රේ ජෝජන්සෙන් කොපන්හේගන් විශ්වවිද්‍යාලයේ තාරකා හා ග‍්‍රහ ලෝක පිළිබඳ අංශයේ ප‍්‍රධානියායි.

”අපට කෙළින්ම ග‍්‍රහයකු හඳුනා ගන්න පුළුවන් කාච ආචරණයෙන්. අනෙක් පැත්තෙන් අපට ගණිතය යොදා ගෙන සාමාන්‍ය තරුවකට තිබිය හැකි ග‍්‍රහයන් ගණන ගැන නිගමනයකට එන්න පුළුවන්.” ඔවුන්ගේ මේ විස්තර අලූත් ම Nature සඟරාවේ පළ වී තියෙනවා.

විවිධ හඳුනා ගැනීමේ ක‍්‍රමවේදයන් තුළින් මේ බහිර්ග‍්‍රහයන් පිළිබඳ කර ඇති සොයා ගැනීම් එක් කළ විට ක්ෂීරපථයේ ඇති තරු බිලියන 100ක් අතුරින් තරු බිලියන 10කම වාසයට සුදුසු ග‍්‍රහලෝක තිබිය හැකියි.

මේ එක්කම අපට හිතෙන තව දෙයක් තමයි, එච්චරටම වාසයට සුදුසු ග‍්‍රහලෝක ඇත්නම් ඒවායේ අපේ පොළොවේ මෙන් ජීවීන් සිටිය නොහැකි ද යන්න.

ඒකට මේ විදියෙ උත්තරයක් තමා ආචාර්ය ජෝජෙන්සන් දෙන්නෙ: ”අපි දන්නවා අපේ මේ පෘථිවියේ ජීවය ඇති වී පරිණාමය වී තියෙන්නේ බොහෝ සුවිශේෂී සිදුවීම්වල ප‍්‍රතිඵලයක් වශයෙනුයි. ඒවා මේ විදියට ම ඒ ග‍්‍රහලෝකවල සිදු නොවෙන්න පුළුවන්. ඒ නිසා ඒ සෞරග‍්‍රහ මණ්ඩලවල ජීවය ඇත්නම් ඒවා අපට වඩා හාත්පසින් ම වෙනස් අප නොසිතනා ආකාරයක අලූත්ම මාදිලියක ජීවින් විය හැකියි.”

කොහොම වුනත් අපට ලොකු සතුටක් මිනිස් වාසයට සුදුසු ග‍්‍රහලෝක තවත් මේ විශ්වයේ ඇති බව දැන ගැනීම. ඒවාට යන විදියක් ගැන නම් තාම හිතන්නවත් බැහැ.

(කිරිසයුරෙහි (ක්ෂීරපථයෙහි) මේ කොටසෙහි ජීවය පැවතිය හැකි ග‍්‍රහලෝක බිලියන ගණනක් තිබෙනවා) 

මෙම පර්යේෂණය සඳහා බි‍්‍රතාන්‍යයේ සැන්ට් ඇන්ඞ්රූස් විශ්ව විද්‍යාලයේ කණ්ඩායම මෙහෙය වූ ආචාර්ය මාර්ටින් ඩොමිනික් ඒ ගැන කියන්නේ මෙහෙමයි: ”අපි තාම දන්නේ නෑ මේ ග‍්‍රහයන් හරියටම ඇත්තේ කොහේද? ලොකු ද? පුංචි ද? ඝනත්වයෙන් වැඩි ද අඩු ද? ඒවායේ ජීවීන් ඉන්නවද? නැද්ද? ඒත් අපේ ප‍්‍රතිඵල අපට කියන්නේ අපි ඒ සියලූම ග‍්‍රහයන් නොදැක්කත් අපි අහසේ කොතැන බැලූවත් ඒ බලන හැම විට ම ඒවා එතැන තියෙන බවයි.”

Comments

  1. වටින විස්තරයක්......

    ReplyDelete
  2. vishvaye anantha apramana graha loka athara api vagema nethath jeeveen inna bava nam pahadiliy.
    ape vathura thel ehema ivara vena vita yanna puluvan vidiyak hoya gaththoth kochchara hodayda?

    ReplyDelete

Post a Comment

Popular posts from this blog

වත්මන් ළමා ගී පරපුරේ ආරම්භකයා - ශී‍්‍ර රූපදේව කවීන්ද්‍ර ආනන්ද රාජකරුණා

‘රෝස මලේ නටුවෙ කටූ - වන බමරෝ ඔහොම හිටූ
නටුව නොවේ මල සිඹිමී - මම ළමයෝ පැණි උරමී’

යනුවෙන් ළමයකුත්, වන බමරකුත් අතර සංවාදයක් ආකාරයෙන් ලියා ඇති කුඩා කවිය අදත් අපේ දරුවන් අතරත් වැඩිහිටියන් අතරත් එකසේ ජනපි‍්‍රය ළමා කවකි. ළමයින්ට කවි ලිවීම අරභයා ආනන්ද රාජකරුණා (1885-1957) කවියා දැක්වූ දක්ෂතාව මැන ගැනීමට එම කව ම ප‍්‍රමාණවත්ය. ළමයින් සඳහා විවිධ මට්ටමේ කව් රැසක් ආනන්ද රාජකරුණා විසින් අපේ ළමා පරපුරට දායාද කර තිබේ.


කි‍්‍ර.ව. 1885 ජනවාරි 7 වැනිදා ගාල්ලේ මහදම්පාගම රාල්ලාගේ වත්තේ දී උපන් ඔහුගේ උපත් නාමය ‘ඇල්ෆ්‍රෙඞ්’ වුවද ඔහු පසු කලෙක ඒ වෙනුවට ‘ආනන්ද’ නාමය යොදා ගත්තේය. ගම්මුලාදෑනි මෙන්ම ගමේ වෙද මහතා ද වූ විජය වර්ණකුල චාර්ල්ස් තාබ්‍රෙව් රාජකරුණා ඔහුගේ පියාය. මව හෙලේනා ද ලිවේරා කරුණාරත්න වූවාය. ඔහු පස් හැවිරිදි කල මුලින්ම සිංහල උගන්වන ලද්දේ මවගේ සොහොයුරා වූ ජෝශප් ද ලිවේරා කරුණාරත්න විසිනි.

අකුරල සිංහල පාසලෙන් මූලික අධ්‍යාපනය ලැබූ ඔහු මාදම්පේ මිෂනාරි පාසලින් ඉංගී‍්‍රසි අධ්‍යාපනය ලැබීය. ඉන්පසු පූජ්‍ය මාදම්පේ ධම්මතිලක හිමියන් වෙතින් සිංහල බස වැඩිදුර උගත්තේය. සිරි සුමන වංශාලංකාර පේමරතන හිමියන්ගෙන් පාලි හා…

දුර්ලභ ගණයේ සේයා රුවක්! නවසීලන්තයේ ධීවරයකුගේ නවතම ගොදුරක්!

මෙය ලියැවෙන්නේ කලාතුරකින් හමු වන ඡායාරූපයක් ඔබ වෙත ඉදිරිපත් කරන්නයි. අන්තර් ජාලය පුරා මේ වන විටත් වැඩි දෙනකුගේ අවධානය දිනා ගෙන තියෙනවා.

මේ ඡායාරූපයෙන් කියැවෙන්නේ මිනීමරු සුදු මෝරකුගේ ඉරණම දැක්වෙන කතාවක්. නවසීලන්තයේ මුහුදේදි ගත්තු එකක්.


නවසීලන්තයෙන් මාළු අල්ලන්න මූදු ගිය බෝට්ටුක හිටි ධීවරයකුගෙ කැමරාවට තමයි මේ පින්තූරය අහුවුණේ. ඔහුට අහුවුණු මාළුවා අත අරින්න සිද්ධ වුණා. ඒත් ඔහු අල්ල ගත්තු ‘ගොදුර’ නරක නෑනේද? ඒ ගොදුරට මිනීමරු සුදු මෝරුන් දෙදෙනකුම අහුවෙලා!

මේ පින්තූරය ලෝක ප‍්‍රකට විද්‍යාඥ චාල්ස් ඩාවින්ගේ පරිණාමවාදයේ එන උචිතෝන්නති නියමය, ඒ කියන්නේ සත්ව ලෝකයේ දී ශක්තිවන්තයා ඉතිරි වෙනවා (survival of the fittest) යන න්‍යාය ඔප්පු කළ අවස්ථාවක් හැටියට දක්වන්න පුළුවන්.

නවසීලන්තයේ කයිටෙරිටෙරී අසල මුහුදේ දී අල්ලන ලද සෑහෙන පමණ විශාල මේ මෝරා ඒ මොහොතේම එහි ආ තවත් ඊට වඩා විශාල මෝරකු විසින් ඩැහැ ගත් ආකාරය ඔහු විසින් කැමරාවට නගා තිබුණා.

පරිගණක කී‍්‍රඩාවක එන රාක්ෂයකු වූ මැන්කියුබස් (Mancubus) නමින් තමයි, මේ ඡායාරූපය අන්තර්ජාලයට මුදා හැර තියෙන්නෙ.

ඒ ධීවරයාට තමා ඇල්ලූ මෝරා බෝට්ටුව මතට ඇද ගන්න වෙලාවක් තිබුණෙ …

ලෝකයේ වටිනාම මුද්දරය වෙන්දේසියට! දැනට ඇත්තේ ලෝකෙටම එකයි!

මුද්දර එකතු කිරීම (Philately) විනෝදාංශයක් වගේම හොඳ ආදායම් මාර්ගයක්. පුංචි වුණාට තැපැල් මුද්දරයක් කියන්නේ රටක ඉතිහාසය කියාපාන කැඩපතක්. රටකින් රටකට හොඳ හිත පතුරුවමින් යන සංස්කෘතික තානාපතිවරයෙක්!

ඒ වගේ පැරණි තැපැල් මුද්දරයක් එහි මුහුණත සඳහන් වටිනාකමට හුඟක් වැඩිවෙන වෙලාවල් තියෙනවා. එහෙම වෙන්නේ ඒවායේ ඇති දුලබකම නිසයි.

ඒ වගේ 1873 දී ලිපිගොනු ගොඩක් අස්සේ තිබී හමුවුණු පාවිච්චි කළ ශත එකේ තැපැල් මුද්දරයක් පසුව වෙළෙඳ පොළේ දී සිලිං හයකට විකුණුණා. බි‍්‍රතාන්‍ය ගයානාව (British Guiana) විසින් නිකුත් කළ ශත එකේ දම්පාට තැපැල් මුද්දරය (1c Magenta stamp) දැන් යළිත් වෙන්දේසිය සඳහා වෙළෙඳපොළට ඇවිත්. අද, වසර 141කට පසු, එයට මුද්දර වෙන්දේසියේ දී ඇමරිකන් ඩොලර් මිලියන 20ක මුදලක් ලැබේවි යැයි විශ්වාස කරනවා.

මෑතදී ‘ලොව වඩාත් වටිනාම මුද්දරය’ ලෙස හඳුන්වනු ලැබූ මේ පැති අටේ හැඩැති තැපැල් මුද්දරය 2014 ජූනි මාසයේ 17 වැනිදා ඇමරිකාවේ නිව්යෝක්හිදී ප‍්‍රසිද්ධ වෙන්දේසියේ විකිණීමට නියමිතයි.

මෙය දැනට ලෝකයේ සුරක්ෂිතව ඉතිරි වී ඇති මේ වර්ගයේ එකම මුද්දරය ලෙස සැලකෙනවා. මෙය නිකුත් කරන ලද්දේ 1856දියි. බි‍්‍රතාන්‍ය ගයානාවේ තැපැල් මහතා…

හොල්මන් පින්තූර කතන්දර පෙළක්! මේවා දැකල බය වෙන්න එපා!

රාති‍්‍ර කාලයට අඳුරේ දී ඔබව බියපත් කරන හැම රටකටම, හැම සමාජයකම තියෙනවා. ඇත්තටම හොල්මන් තියෙනවා කියල ඔප්පු කරන්න හොල්මන්වල පින්තූර ගන්න අයත් ඉන්නවා. මේ ඒ විදියට ගත්තු පින්තූර පෙළක්!


අවුරුදු ගානක් තිස්සෙ විවිධ අවස්ථාවලදි ගත්තු පින්තූර තමයි, මේ තියෙන්නේ. මෙහි ඉන්නවා, ඝාතනය කළ වහල් සේවකයන්, රෝහල්වල වධබන්ධනවලට ලක්ව මියගිය රෝගීන්, අතීතයට එක් වූ මුහුදු නැවියන් ආදී නොයෙක් අය. මොවුන්ගේ හොල්මන් කතා අහපු බොහොම දෙනෙක් බියට පත් වුණා. තාමත් අහන අයගේ ඇඟ හිරි වැටෙනවා.

MH370 මැලේසියානු ගුවන්යාන අබිරහස! ලෝකයේ අබිරහස් ලෙස අතුරුදන් වුණු ගුවන්යානා 10 මෙන්න!

පසුගිය සතියේ (මාර්තු 8 වැනිදා) අතුරුදන් වූ පිසැරි අංක එම්එච්370 මැලේසියානු මගී ගුවන්යානයට වූ දේ තවමත් අබිරහසක්. රටවල් 10 ගුවන්යානා, නැව්, චන්ද්‍රිකා රැසක් මේ අබිරහස විසඳන්න තවමත් වෙහෙසෙනවා.

ඒත් මෙය දැනටමත් නොවිසඳෙන අබිරහසක් පත් වෙන ලකුණු පහළ වෙලා!

මැලේසියානු ගුවන් සේවයට අයත් බෝයිං 777 එම්.එච්. 370 මගී යානය අබිරහස් ලෙස අතුරුදන් වූයේ ඉකුත් 8 වැනිදා මැලේසියානු වේලාවෙන් මධ්‍යම රාති‍්‍ර 12.21 ට පමණය. ඒ අවස්ථාවේදී යානය චීනයේ බීජීං නුවර බලා පියාසර කරමින් තිබුණේය. ඒ මොහොතේ සිට ආරම්භ කළ සෝදිසි මෙහෙයුම් තවමත් අවසන් නැත.

දැනට හෙළිදරවු වී තියෙන්නේ සොරකම් කළ පාස්පෝට් දෙකකින් දෙදෙනකු ඒ යානයේ ගමන් කර තිබෙන බවයි. ඒ පාස්පෝට්වල සැබෑ අයිතිකරුවන් නිරුපද්‍රිතව ඉන්නා බව බලධාරීන්ට දැනටමත් දැනුම් දී තියෙනවා.


ඒ අතර වියට්නාමයේ නාවික හමුදාව සොයා ගෙන තියෙනවා මහමුහුද මැද සැතැපුම් 12ක් දිග තෙල් පැල්ලමක්! එය එම්එච්370 මැලේසියානු මගී ගුවන්යානය කඩා වැටීමෙන් ඇති වූවක් කියලා දැනට සැක කරනවා. යානයේ ඇති සෙල්ෆෝන් කීපයක් නාද වෙන බව සොයා ගෙන තියෙනවා. ඒ ඔස්සේ යානය වැටුණු තැන සොයා ගන්නයි, දැන් වෑයම් කරන්නේ.


යානයක් ගිනිගෙන අහ…

නස්රුදින්ගේ වේළීමේ රහස! අලුත්ම නස්රුදින් කතාවක්!

නස්රුදින්ගේ පොහොසත් මිතුරෙක් ඔහුට කතා කළා, ඒ මිතුරාත් ඔහුගේ පිරිසත් එක්ක දින කීපයක් තිස්සේ දඩයමේ යන්න. මුල් ම දවසේ ඔවුන් නස්රුදින්ට දුන්නෙ බොහොම හෙමින් යන අස්සයෙක්. දඩයමට යන්න පටන් අරන් වැඩි වේලාවක් ගියේ නෑ, හෙමින් ගිය අස්සයා නිසා නස්රුදින් හුඟක් පහුවුණා. නස්රුදින්ව පහු කරලා දාලා අනෙක් පිරිස ඈතට දඩයමේ ගියා.

ලොව පළමු සෙල් ෆෝනය මේකද? වසර 75ක් පැරණි පින්තූරයේ රහස හෙළි වෙයිද?

බලන්න මේ තරුණිය ජංගම දුරකතනයක් කනේ තියා ගෙන පාර දිගේ කතා කර කර යනවා! අද නම් මේ වගේ දසුනක් ගමක පාරක වුනත් ඔබ දැක ඇතුවාට සැකයක් නැහැ. ඒත් මේ දර්ශනය කැමරාවට නඟා ඇත්තේ මීට අවුරුදු 75කට පෙරයි!

1938 දී ඇමෙරිකාවේ වීදියක ගමන් කළ මේ යුවතියගේ අතට වර්තමානයේ අප පාවිච්චි කරනා තාලේ සෙල් ෆෝනයක් (ජංගම දුරකතනයක්) ආවෙ කොහොමද?

ඒ කාලයේ මේ වගේ දෙයක් නිපදවීම තියා මෙවැන්නක් ගැන හිතලවත් නොතිබුණා නම් මෙම දර්ශනය චිත‍්‍රපටයකට ගත් නිර්මාණයක්ද? සමහර අය කීවේ චිත‍්‍රපටය තුළින් අනාගතය දැකීමක් ලෙස මෙම දසුන සලකන්න පුළුවන් කියලයි. අනාගතය පරිකල්පනය කළ අවස්ථා චිත‍්‍රපටවල ඕනෑ තරම් තිබුණා. මේ වගේ

මේ රූප පෙළ මේ වන විට යූටියුබ් (YouTube) එක හරහා ලක්ෂ තුනකට වැඩි වාර ගණනක් සංසරණය වෙලා තියෙනවා. වර්ණ චිත‍්‍රපට එන්නට පෙරාතුව කළු සුදු ක‍්‍රමයට කැමරාවට නගන ලද මෙහි රහස පසුගිය දා හෙළි වුණා. මෙම තරුණිය තමාගේ මීමිත්තණිය යැයි යුටියුබ් ග‍්‍රාහකයෙක් හෙළි කළා.

අනාගතයට යාමක් ද? මෙහි දැක්වෙන්නේ ඇමරිකාවේ ඩුපොන්ට් ආයතනයෙන් පිට වී යන තරුණ සේවිකාවන් පිරිසක්. එයින් එක් තරුණියක් අතේ ඇති ජංගම දුරකතනයකින් කතා කරමින් යනවා ඔබට පෙනෙනවා ඇති. වසර 75කට …

දියණිය උපන් මොහොතේ පියා ගත් පින්තූරය අන්තර් ජාලය කළඹයි! වෛද්‍යවරයාගේ අතේ එල්ලී එළියට ආ ළදැරිය මෙන්න!

ජීවිතයේ විස්මිත මොහොතවල් ඡායාරූපයට නැඟීම වාසනාවත් එක්ක සිදු වන දෙයක්. එහෙම වාසනාවක් ලද මාපිය යුවලක් තමන් ගත් ජීවිතයේ අමතක නොවන පින්තූරය ‘මුහුණු පොතේ’ පළ කළා. මොහොතකින් එය අන්තර්ජාලය පුරා ‘කුණාටුවක්’ මෙන් හඹා ගියා.

මෙලොව එළිය දකින්න මොහොතකට පෙර පුංචි නෙවායි මව් කුස හිඳිමින් තම උදව්වට ආ වෛද්‍යවරයාගේ ඇඟිල්ලේ එල්ලූන හැටි!
මේ වාසනාවන්ත අත්දැකීම ලැබුවේ ඇමරිකාවේ ඇරිසෝනාවේ ග්ලෙන්ඬේල්හී ඇලිසියා හා රැන්ඩි ඇට්කින්ස් යුවලයි. 2012 අවුරුද්දේ ඔක්තෝබර 9 වැනිදා ඇලිසියා සිය දියණිය, බිහි කරන්නට රෝහල් ගත වී සිටියා. සිසේරියන් සැත්කමකින් තමයි දියණියගේ ප‍්‍රසූතිය සිද්ධ කෙරුණේ. කුඩා බිලිඳිය මව කුස තුළින් මෙලොව එළිය බලන්නට එම සැත්කම කළ වෛද්‍යවරයා උදවු කරද්දී ඇය ඔහුගේ ඇඟිල්ලෙන් අල්ලා ගත් හැටි ඇගේ පියා විසින් ඡායාරූපයට නඟා තියෙනවා.

මේ පිළිබඳව එදා ඒ මොහොතේ ඔවුන් එය ලෝකයට ප‍්‍රකාශ කළේ නැහැ. දියණියට මාස තුනක් වන තෙක් රහසක් වශයෙන් තබා ගෙන සිටි ඒ ඡායාරූපය මුහුණු පොතට එක් කළේ ගිය සතියේයි. හරියටම මාස තුනක් පිරුණ දායි.

ඇට්කින්ස් යුවල ‘3ටීවී’ රූපවාහිනී ආයතනයේ ප‍්‍රවෘත්ති වැඩසටහනකට විත් ඒ ගැන මෙසේ අදහස් පළ කළා. පියා කී…

මුල්ම ඇපල් 1 පරිගණකය ලෝක වාර්තාවක් තියයිද? ඇපල් සමාගමේ ආරම්භය හෙළිකරන මෙතෙක් පළ නොවූ ඡායාරූපයක්!

ඇපල් පරිගණකය පටන් ගත් හැටි දැන් දකින කොටත් පුදුම හිතෙනවා. ඒ මුල් ම ඇපල් පරිගණකය අළෙවි කරන්න ගෙනියන්න පෙර පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුගිය දා ප‍්‍රථමවරට හෙළිදරවු වුණා.

මේ ඡායාරූපයට නගා තියෙන්නේ 1976 දියි. එතකොට ස්ටීව් ජොබ්ස්ට (Steve Jobs) වයස 21යි. ඔහුගේ මිතුරු ස්ටීව් වොස්නියැක් (Steve Wozniak) සමග එක්ව ඔවුන් දෙදෙනා මේ මුල්ම ඇපල් පරිගණක තැනුවේ ස්ටීව් ජොබ්ස්ගේ මාපියන්ගේ ගෙදර ගරාජයකයි. ඔවුන් ඒ තැනූ මූල් පරිගණක 50 තැන්පත් කරල තිබුණු ආකාරය දැක්වෙන මේ විරල ඡායාරූපය නිකුත් කරනු ලැබුවේ ලබන නොවැම්බර් 16 වැනිදා වෙන්දේසියට තැබෙන දැනට හොඳම තත්වයේ ඇති පැරණි ම ඇපල් පරිගණකය එළි දැක්වීම වෙනුවෙන්.

මෙය දැනට ලෝකයේ ඇති වටිනාම සන්නම ලෙස සැලකෙන ඇපල් පරිගණකයේ ආරම්භක තත්වය තේරුම ගන්නත් හොඳ අවස්ථාවක්. මේ සන්නමෙහි අද වටිනාකම පවුම් බිලියන 60ක්.

ඇපල් පරිගණකයේ ආරම්භය දැක්වෙන මේ කිසිදා එළියට නො පැමිණි ඡායාරූපයක්. ඒ මුල් ම ඇපල් පරිගණකය අළෙවි කරන්න ගෙනියන්න පෙර 1976 දී පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුග…

මහා භූමිකම්පාවකින් පසු පාකිස්ථාන මුහුදෙන් මතු වූ ලෝකයේ අලූත් ම දූපත!

2013දී පාකිස්ථානයේ ප‍්‍රබල භූමිකම්පාවක් ඇති වුණා. 7.8ක් වූ ඒ භූමිකම්පාවෙන් පාකිස්ථාන අසල මුහුදේ අලූත් දූපතක් මතු වුණා.

සල්සාලා කෝහ් (Zalzala Koh) යනුවෙන් ඒ දූපත නම් කරලා තියෙනවා. දාල්බන්දින්වලට සැතැපම් 145ක් ගිනිකොන දෙසින් හටගත් මේ භූම්කම්පාව නිසා දැන් එය බලන්න සංචාරකයන් වගේම පාකිස්ථාන වැසියන් වැල නොකැඩි එනවා. ඒ දූපතටත් ගොඩ වෙනවා. ගිනිගන්නාසුලූ වායුව, විස දුම් ආදිය ඇති බව අනතුරු හැෙඟව්වත් ඒවා ගනන් නොගෙනයි, ඔවුන් එහි එන්නෙ.

ඒ දූපතේ පිපිරුණු මඩ, වැලි, ගල් මුසු බිම මත මුහුදු සතුන්ගේ මළ සිරුරු, විශේෂයෙන් ම මාළුන් මළකුණු පිරිලා තියෙනවා.

මෙන්න ලෝකයේ අලූත් ම දූපත අහසට පෙනෙන හැටි. මේ මඩ කන්ද මීටර් 15ක් 20ක් විතර උස ඇති. මිනිසුන්ට ඒ මත ඇවිද ගෙන යා හැකි තරමට එහි බිම ඝනකම් කියලයි, කියන්නෙ.
මේ පින්තූර නාසා ආයතනයේ පෘථිවි නිරීක්ෂණ චන්ද්‍රිකා - 1 හා ලැන්ඞ් සැට් 8 චන්ද්‍රිකාවලින් ඒ දූපත මතු වුණු දවස්වල ගත්තු ඒවායි.

දූපත වටේට ඇති ළා කොළ හා තඹ පැහැති කොටස්වලින් පෙනෙන්නේ මුහුදේ නොගැඹුරු බව හෝ අවට ඇති අවසාදිත තට්ටුවයි.

මේ අලූත් දූපත මතු වූ හරියේ ගැඹුර මීටර් 15ත් 20ත් අතර වෙනවා. මෙහෙම කියන්නේ පාකිස්ථානය…