Skip to main content

උඩුගුවනට පමණක් පැතිරී යන අකුණු සැර - අහසේ ඇදෙන අද්භූත ආලෝක රටා

අප වටේ මෙන්ම අපට ඉහළින් අහසේ නොයෙක් නොවෙක් අපූරු දේවල් සිද්ධ වෙනවා. ඒවා ඇත්තෙන්ම හරිම පුදුමාකාරයි. කිසිදිනෙක පෘථිවියට නොයෙන උඩුගුවනට පමණක් පැතිරී යන අකුණු සැර වර්ගයක් තියෙනවා කියලා ඇහුවොත් පුදුම වේවි. ඒ විතරක් නොවේ සමහරු පියාඹන පීරිසි කියලා බය වෙන්නේ අසාමාන්‍ය හැඩැති වළාකුළුවලටයි. සූර්යයාගෙන් විහිදෙන සූර්යය සුළං නිසා පරිගණක අකි‍්‍රය වූ අවස්ථාවක් මීට වසර කීපයකට කලින් සිදුවුණා. අහසේ වර්ණවත් ආලෝක රටා මැවෙන්නේ දේදුන්නක් පායා ඇති අවස්ථාවලදී නොවේ. උතුරු අර්ධගෝලයට සමීප රටවල දේදුනු ඇති වෙන්නේ කලාතුරකින්. ඒ වෙනුවට එහෙ පදිංචි අයට අහසේ අපූරු වර්ණ රටා දකින්න ලැබෙනවා. ඒවා හඳුන්වන්නේ ‘ඔරෝරෝ බොරියාලිස්’ කියලයි. මේ සටහන වෙන්වන්නේ අහසේ දකින්න ලැබුණු අපූරු සංසිද්ධීන් කීපයක් විස්තර කරන්නයි.



බ්ලූ ජෙට්ස් අකුණු සැර
වැහි කුණාටුවලට ඉහළින් අහසේ පියාසර කරන විද්‍යාඥයන්ට හැකිවෙලා තියෙනවා අමුතු අපූරු විධියේ අකුණු සැර ඡායාරූපයට නගන්නට. මේ අකුණු සැර පොළොවේ සිටින්නෙකුට කවදාවත් පෙනෙන්නේ නැහැ. ඒවා අහසේ වළාකුළුවල සිට පොළොවට එන්නේ ඒවා දකින්න නම් වළාකුළුවලට ඉහළින් අහසේ ගමන් කරන්න සිදුවෙනවා. විද්‍යාඥයන් මේ අකුණු හඳුන්වන්නේ ‘බ්ලූ ජෙට්ස්’ (Blue Jets) කියලයි. ඒ අකුණු සැර උඩුගුවන දක්වා විහිදී පැතිරී යනවා කිලෝ මීටර 50 ක් තරම් ඈතකට. ඇමෙරිකාවේ ආකන්සාස් ජනපදයට ඉහළ අහසේ වැහි කුණාටුවක් අතරතුරේදී මෙවැනි ‘බ්ලූ ජෙට්ස්’ විදුලි කෙටීම් කැමරාවට හසුකරගන්න විද්‍යාඥයන් පිරිසක් සමත් වී තිබෙනවා. තත්පරයකට කිලෝ මීටර 100 ක වේගයකින් උඩු ගුවනට විහිදී යන මේ අකුණු සැර ඇතිවන්නේ කොහොමදැයි හරියටම පැහැදිලි කරන්න විද්‍යාඥයන්ට හැකිවෙලා නැහැ.


පරිගණක අකි‍්‍රය වෙයි
1989 අවුරුද්දේ සැප්තැම්බර් නව වැනිදා අපේ හිරුගේ අසාමාන්‍ය කි‍්‍රයාකාරීත්වයක් නිසා කැනඩාඬේ ටොරන්ටෝ නුවර කොටස් වෙළෙඳපොළ සම්පූර්ණයෙන්ම බිඳ වැටුණා. මේ සිදුවීම වන අවස්ථාවේදී සියලූම කොටස් වෙළෙඳ පොළ කටයුතු මෙහෙයවූයේ මධ්‍යම පරිගණක පද්ධතියක් මගිනුයි. සියලූම වැදගත් දත්ත හා තොරතුරු පරිගණකයක තැටිගත කෙරුණා. එම දත්ත සුරැකීමේ අරමුණින් ඒ හා සමාන තවත් පරිගණක දෙකකත් ප‍්‍රධාන පරිගණකයේ සටහන් වූ දත්ත හා තොරතුරු සටහන් කෙරුණා. ඒත් තාක්ෂණවේදීන් මවිතයට පත් කරමින් මේ පරිගණක තුනම එකවිටම අකි‍්‍රය වුණා. පැය තුනක කාලයක් පුරා කොටස් වෙළෙඳපොළ කටයුතු අඩාල වුණා. සිද්ධ වුණේ මොකක්දැයි සොයා බැලූවා. පසුව දැනගත්තා පරිගණක අකි‍්‍රය වුණේ පෘථිවි වායුගෝලයේ ඇතිවුණු චුම්බක කුණාටුවක් (Magnetic Storm) නිසා කියලා. මේ චුම්බක කුණාටුව හට ගත්තේ හිරුගෙන් ආරෝපණ අංශු විශාල ප‍්‍රමාණයක් එකවර පැමිණීම නිසයි. මේ චුම්බක කුණාටුව නිසා එම වෙලාවක කැනඩාවේ ස්ථාන කීපයක විදුලිය බල විසන්ධිවීම් ද සිදුවුණා.

දොස්තර මහත්තයා දුටු දේ
1958 වසරේ නොවැම්බර් මාසයේ දිනක දොස්තරවරයෙක් සහ ඔහුගේ බිරිය ඇමෙරිකාවේ ඩොකෝටාවේ කාන්තාරබඳ ප‍්‍රදේශයක මාර්ගයක ගමන් කරමින් සිටිද්දී අහසේ අමුතු දෙයක් දැක්කා. රිදී පැහැති මේ අමුතු වස්තුව සිලින්ඩරාකාරයි. අහසේ පාවෙමිනුයි තිබුණේ. මුලින් ඔවුන් හිතුවේ ඒක පියාඹන පීරිසියක් කියලයි. ඒත් අහසේ පාවී ගිය මේ වස්තුව පසුපස ඉතිරිවුණේ දම්පැහැති කුඩා වලාකුළු පමණයි. දොස්තර මහත්මයා සහ ඔහුගේ බිරිය දැක්කේ පිටසක්වළින් ආ පියාඹන පීරිසියක් නම් නොවේ. පෙනුමෙන් එහෙම වුනත් ඔවුන් දැක්කේ පියාඹන පීරිසියක් හා සමාන වූ වලාකුළක්. විද්‍යාඥයන් මේවා හඳුන්වන්නේ ‘ලැන්ටිකියුලර්’ (Lenticular Clouds) වලාකුළු යන නමිනුයි. මෙම වලාකුළු නිර්මාණය වන්නේ තෙත බරැති වාතය කඳුවැටියක් හරහා යාමේදීයි. එම වාතය ඉහළට හා පහළට ගමන් කරද්දී තමයි පියාඹන පීරිසියක හැඩයෙන් යුත් වලාකුළු නිර්මාණය වෙන්නේ.


අහසේ මැවුණු ප‍්‍රාකාරය
1879 අවුරුද්දේ උණුසුම් දිනක උදෑසන ස්කොට්ලන්තයේ ‘ෆර්ත් ඔෆ් ෆෝත්’හි වැසියන් දැක්කා අහසේ යෝධ ප‍්‍රාකාරයක් (තාප්පයක්) තිබෙනවා. මේයි දූපත දක්වා ඈතට විහිදී ගිය. මේ අහසේ මැවුණු ප‍්‍රාකාරය මීටර 300 ක් උසයි. මේ අසාමාන්‍ය සංසිද්ධිය හැඳින්වෙන්නේ ‘ෆැටා මෝගානා’ (Fata Morgana) කියලයි. මෙවැනි යෝධ ප‍්‍රාකාරයක් අහසේ දිස්වූ බව ආතර් රජු සහ වටමේසයේ නයිට්වරු පුරාවෘත්තයේ කියැවෙනවා. ආතර් රජුගේ නපුරු සොහොයුරිය තමයි මෝගානා ල ෆේ. ඒ නිසයි, අද කාලගුණ විද්‍යාඥයන් මෙවැනි අහසේ මැවෙන ප‍්‍රාකාර ‘ෆැටා මෝගානා’ යන නමින් හඳුන්වන්නේ. 16 වැනි සියවසේ මෙවැනි සිදුවීම් ගණනාවක්ම ලෝකය පුරා වාර්තා වුණා. අහසේ මෙවැනි ප‍්‍රාකාර නිර්මාණය වන්නේ සාගරයට ඉහළින් අහසේ උණුසුම් වායු ස්තර සිසිල් වූ වායු ස්තර හා එකිනෙක ගැටෙන අවස්ථාවේදීයි. ‘ෆැටා මෝගානා’ සංසිද්ධි ක්ෂිතිජයේ ඇතිවන අවස්ථාවලදී නැව්, කුලූනු, ස්ථම්භ විතරක් නොවේ රජ මාළිගාවල හැඩයන් ගත් රටා පවා අහසේ ඇතිවන බව වාර්තා වී තිබෙනවා.

වාසනාව ගෙනෙන ඔරෝරෝ බොරියාලිස්
සෑම අවුරුද්දකම අලූත විවාහ වන ජපන් තරුණ තරුණියන් කැනඩාවට යනවා. ඒක හරියට වන්දනා ගමනක් වගෙයි. ඔවුන් යන්නේ කැනඩාවේ යෝක්නයිෆ් කියන පුංචි නගරයටයි. ඔවුන් ජපානයේ සිට කැනඩාව බලා යන්නේ ‘ඔරෝරා බොරියාලිස්’ (Aurora Borealis) හෙවත් උත්තරාලෝකය දැක ගන්නයි. උත්තරාලෝකය යනු අහසේ ඇතිවන වර්ණවත් දීප්තිමත් ආලෝකයකි. ආරෝපණ අංශුවලින් පිරි සූර්යය සුළං අපේ වායුගෝලයට ඇතුළු වෙද්දී චුම්භක ක්ෂේත‍්‍රයට බලපෑමක් ඇති වෙනවා. එවිටයි, අහසේ ‘ඔරෝරා බොරියාලිස්’ නිර්මාණය වන්නේ. ‘ඔරෝරා බොරියාලිස්’ දීප්තිමත්ව හා පැහැදිලිව දකින්න ලැබෙන්නේ උත්තර ධ‍්‍රැවයටයි. කලින් එය ජපානයට පෙනුණා. නමුත් දැන් පසුගිය වසර 40 පුරාම ඒවා දිස්වන්නේ තවත් උතුරට වන්නටයි. ඒ නිසා අලූත විවාහ වන ජපන් ජාතික තරුණ තරුණියන්ට දැන් කැනඩාව බලා යන්න සිද්ධ වෙලා තියෙනවා. ‘ඔරෝරා බොරියාලිස්’ දකින්න ලැබීම ඔවුන්ටත් ඔවුන්ගේ දූ දරුවන්ටත් වාසනාව ගෙනෙනවා කියලයි විශ්වාස කෙරෙන්නේ.


අනතුරු සංඥා එළි
1995 වසරේ ජනවාරි 17 වැනිදා ජපානයේ කෝබේ නුවර ‘යොමිරී’ නම් දිනපතා පුවත්පතේ අපූරු පුවතක් පළ වුණා. මාර්ගයේ ගමන් කරමින් සිටි ගිනි නිවන භටයකුට අහසේ තැඹිලි සහ නිල්පාට මුසුවූ ආලෝකයක් දකින්න ලැබුණු බව එහි විස්තර කෙරුණා. ගිනිභටයා කී මේ අපූරු ආලෝකය දැක තිබෙන්නේ ජපානයේ සිදුවූ දරුණුතම භූමි කම්පාව සිදුවන මොහොතේදීයි. කෝබේ පළාතේ ඇතිවූ මෙම මහා භූමිකම්පාවෙන් 2,500 ක් මියගියා. භූමි කම්පාව සිදුවන මොහොතේදී කොබේ නගරයේ සහ ඒ අසල අනෙක් නගරවල අහසේ මෙවැනි වර්ණවත් එළි දැකින්න ලැබී තිබෙනවා. විද්‍යාඥයන් මේවා හඳුන්වන්නේ ‘භූමිකම්පන එළි’ යනුවෙනි. ඒවා ඇතිවෙන්නේ භූමිකම්පාවක් අතරතුරේදී කැඞී පොඩි වී මිරිකී අහසට විසිවෙන පාෂාණ අංශු නිසයි.

ප‍්‍රබන්ධයක් නොවූ කොළ පැහැ කිරණ
බැසයන හිරු වටේ දාරයේ කොළ පැහැති ආලෝකයක් දිස්වූ බව යූල්ස්වර්න්ගේ ‘ගී‍්‍රන් රේ’ නම් විද්‍යා ප‍්‍රබන්ධයේ සඳහන් වෙනවා. ‘ගී‍්‍රන් රේ’ කෘතිය පළ කළේ 1882 අවුරුද්දේයි. මෙය විද්‍යා ප‍්‍රබන්ධයක් නොවේ, සත්‍යයක්. බැසයන මොහොතේදී හිරු පිහිටන්නේ පෘථිවියට සාපේක්ෂව අහසේ පහළට වෙන්නයි. ඒ නිසා හිරුගෙන් විහිදෙන ආලෝක කිරණ අප දෙසට එන්නේ පෘථිවි වායුගෝලයේ ඝනකම වැඩි වායු ස්තරය හරහා වැඩි දුරක් ගෙවමින්. හිරුගෙන් එන සුදු කිරණ මෙසේ විහිදෙද්දී වර්තනයක් (නැමීමක්) සිදුවී අනතුරුව සුදු වර්ණය විසිරී විවිධ වර්ණ රාශියක් ඇති වෙනවා. හිරු බැස යද්දී අහසේ විවිධ වර්ණ රටා මැවෙන්නේ එහෙමයි. හිරුගෙන් එසේ සුදු ආලෝක කිරණ විසිරෙද්දී නිකුත්වන වර්ණ අතරින් කොළ පැහැය තමයි, අපේ ඇහැට වඩාත් අඩු දීප්තියෙන් පෙනෙන්නේ. සමහරවිට එය පෙනෙන්නේ නැති තරම්. ඒත් ඒ අවස්ථාවේ භූමියේ උෂ්ණත්වය හුඟක් වැඩි නම් හිරුගේ මේ වර්ණ වඩා දීප්තිමත්ව පෙනෙනවා. එවිටයි, අපට සාමාන්‍යයෙන් නොපෙනෙන කොළ පැහැය පෙනෙන්න පටන් ගන්නේ. හිරු අපට පෙනෙන මානයෙන් ඉවත් වන මොහොතේ මේ කොළ වර්ණය හිරුගේ දාරයේ ඉහළ කොටසේ වඩාත් දීප්තිමත්ව පෙනෙනවා. 

අහසින් පාත්වන ගිනිබෝල
වසර ගණනාවක් තිස්සේ අහසින් පැමිණෙන ගිනිබෝල ගැන අපට අසන්න දකින්න ලැබිලා තියෙනවා. ඒවා විටෙක ගොල්ෆ් බෝල තරම් කුඩායි. තවත් විටෙක පාපන්දු තරම් විශාලයි. විදුලි ගිනිබෝල නිවෙස් තුළට, වාහන හා ගුවන් යානා තුළට කඩා වැදී පාවී ගිය අයුරු ගැන වාර්තා තිබෙනවා. එක් අවස්ථාවක රුසියානු ගුවන් යානාවක් වෙත ආ අකුණු සැරවලින් සුසැදි ගිනිබෝලයක් යානාවේ නියමු කුටියෙන් යානාවට ඇතුළු වී මගී ගැලියේ එහෙමෙහෙ යමින් ඉන්ධන ටැංකිය අසළින් යළි ගුවනට ගියේ යානාවේ සිදුරු දෙකක් නිර්මාණය කරමිනි. වාසනාවකට යානාවට හෝ එහි ගමන් කළ කිසිම කෙනකුට අනතුරක් සිදුවුණේ නැහැ.

Comments

  1. me vage asirimath deval apema lokaye thava koytharam thiyenna puluvanda?
    lassana lipiyata sthuthiy.

    ReplyDelete
  2. මම දන්නා විදිහටනම් ඔය 3වෙනියට දල තියන එකට කියන්නේ "අවුරෝරා" කියල. ඒවා ඇති වෙන්නේ උත්තරගෝලය ප්‍රදේශයේ.

    ReplyDelete
  3. @ Vishwajith : පින්තූරය නිවැරදි කිරීම ගැන තුති.

    - මල් කැකුළු

    ReplyDelete
  4. Actually Thank you. Please publish more articles on those thins more

    ReplyDelete

Post a Comment

Popular posts from this blog

ලෝකයේ වටිනාම මුද්දරය වෙන්දේසියට! දැනට ඇත්තේ ලෝකෙටම එකයි!

මුද්දර එකතු කිරීම (Philately) විනෝදාංශයක් වගේම හොඳ ආදායම් මාර්ගයක්. පුංචි වුණාට තැපැල් මුද්දරයක් කියන්නේ රටක ඉතිහාසය කියාපාන කැඩපතක්. රටකින් රටකට හොඳ හිත පතුරුවමින් යන සංස්කෘතික තානාපතිවරයෙක්!

ඒ වගේ පැරණි තැපැල් මුද්දරයක් එහි මුහුණත සඳහන් වටිනාකමට හුඟක් වැඩිවෙන වෙලාවල් තියෙනවා. එහෙම වෙන්නේ ඒවායේ ඇති දුලබකම නිසයි.

ඒ වගේ 1873 දී ලිපිගොනු ගොඩක් අස්සේ තිබී හමුවුණු පාවිච්චි කළ ශත එකේ තැපැල් මුද්දරයක් පසුව වෙළෙඳ පොළේ දී සිලිං හයකට විකුණුණා. බි‍්‍රතාන්‍ය ගයානාව (British Guiana) විසින් නිකුත් කළ ශත එකේ දම්පාට තැපැල් මුද්දරය (1c Magenta stamp) දැන් යළිත් වෙන්දේසිය සඳහා වෙළෙඳපොළට ඇවිත්. අද, වසර 141කට පසු, එයට මුද්දර වෙන්දේසියේ දී ඇමරිකන් ඩොලර් මිලියන 20ක මුදලක් ලැබේවි යැයි විශ්වාස කරනවා.

මෑතදී ‘ලොව වඩාත් වටිනාම මුද්දරය’ ලෙස හඳුන්වනු ලැබූ මේ පැති අටේ හැඩැති තැපැල් මුද්දරය 2014 ජූනි මාසයේ 17 වැනිදා ඇමරිකාවේ නිව්යෝක්හිදී ප‍්‍රසිද්ධ වෙන්දේසියේ විකිණීමට නියමිතයි.

මෙය දැනට ලෝකයේ සුරක්ෂිතව ඉතිරි වී ඇති මේ වර්ගයේ එකම මුද්දරය ලෙස සැලකෙනවා. මෙය නිකුත් කරන ලද්දේ 1856දියි. බි‍්‍රතාන්‍ය ගයානාවේ තැපැල් මහතා…

MH370 මැලේසියානු ගුවන්යාන අබිරහස! ලෝකයේ අබිරහස් ලෙස අතුරුදන් වුණු ගුවන්යානා 10 මෙන්න!

පසුගිය සතියේ (මාර්තු 8 වැනිදා) අතුරුදන් වූ පිසැරි අංක එම්එච්370 මැලේසියානු මගී ගුවන්යානයට වූ දේ තවමත් අබිරහසක්. රටවල් 10 ගුවන්යානා, නැව්, චන්ද්‍රිකා රැසක් මේ අබිරහස විසඳන්න තවමත් වෙහෙසෙනවා.

ඒත් මෙය දැනටමත් නොවිසඳෙන අබිරහසක් පත් වෙන ලකුණු පහළ වෙලා!

ලොව පළමු සෙල් ෆෝනය මේකද? වසර 75ක් පැරණි පින්තූරයේ රහස හෙළි වෙයිද?

බලන්න මේ තරුණිය ජංගම දුරකතනයක් කනේ තියා ගෙන පාර දිගේ කතා කර කර යනවා! අද නම් මේ වගේ දසුනක් ගමක පාරක වුනත් ඔබ දැක ඇතුවාට සැකයක් නැහැ. ඒත් මේ දර්ශනය කැමරාවට නඟා ඇත්තේ මීට අවුරුදු 75කට පෙරයි!

1938 දී ඇමෙරිකාවේ වීදියක ගමන් කළ මේ යුවතියගේ අතට වර්තමානයේ අප පාවිච්චි කරනා තාලේ සෙල් ෆෝනයක් (ජංගම දුරකතනයක්) ආවෙ කොහොමද?

ඒ කාලයේ මේ වගේ දෙයක් නිපදවීම තියා මෙවැන්නක් ගැන හිතලවත් නොතිබුණා නම් මෙම දර්ශනය චිත‍්‍රපටයකට ගත් නිර්මාණයක්ද? සමහර අය කීවේ චිත‍්‍රපටය තුළින් අනාගතය දැකීමක් ලෙස මෙම දසුන සලකන්න පුළුවන් කියලයි. අනාගතය පරිකල්පනය කළ අවස්ථා චිත‍්‍රපටවල ඕනෑ තරම් තිබුණා. මේ වගේ

මේ රූප පෙළ මේ වන විට යූටියුබ් (YouTube) එක හරහා ලක්ෂ තුනකට වැඩි වාර ගණනක් සංසරණය වෙලා තියෙනවා. වර්ණ චිත‍්‍රපට එන්නට පෙරාතුව කළු සුදු ක‍්‍රමයට කැමරාවට නගන ලද මෙහි රහස පසුගිය දා හෙළි වුණා. මෙම තරුණිය තමාගේ මීමිත්තණිය යැයි යුටියුබ් ග‍්‍රාහකයෙක් හෙළි කළා.

අනාගතයට යාමක් ද? මෙහි දැක්වෙන්නේ ඇමරිකාවේ ඩුපොන්ට් ආයතනයෙන් පිට වී යන තරුණ සේවිකාවන් පිරිසක්. එයින් එක් තරුණියක් අතේ ඇති ජංගම දුරකතනයකින් කතා කරමින් යනවා ඔබට පෙනෙනවා ඇති. වසර 75කට ප…

නස්රුදින්ගේ වේළීමේ රහස! අලුත්ම නස්රුදින් කතාවක්!

නස්රුදින්ගේ පොහොසත් මිතුරෙක් ඔහුට කතා කළා, ඒ මිතුරාත් ඔහුගේ පිරිසත් එක්ක දින කීපයක් තිස්සේ දඩයමේ යන්න. මුල් ම දවසේ ඔවුන් නස්රුදින්ට දුන්නෙ බොහොම හෙමින් යන අස්සයෙක්. දඩයමට යන්න පටන් අරන් වැඩි වේලාවක් ගියේ නෑ, හෙමින් ගිය අස්සයා නිසා නස්රුදින් හුඟක් පහුවුණා. නස්රුදින්ව පහු කරලා දාලා අනෙක් පිරිස ඈතට දඩයමේ ගියා.

දියණිය උපන් මොහොතේ පියා ගත් පින්තූරය අන්තර් ජාලය කළඹයි! වෛද්‍යවරයාගේ අතේ එල්ලී එළියට ආ ළදැරිය මෙන්න!

ජීවිතයේ විස්මිත මොහොතවල් ඡායාරූපයට නැඟීම වාසනාවත් එක්ක සිදු වන දෙයක්. එහෙම වාසනාවක් ලද මාපිය යුවලක් තමන් ගත් ජීවිතයේ අමතක නොවන පින්තූරය ‘මුහුණු පොතේ’ පළ කළා. මොහොතකින් එය අන්තර්ජාලය පුරා ‘කුණාටුවක්’ මෙන් හඹා ගියා.

මෙලොව එළිය දකින්න මොහොතකට පෙර පුංචි නෙවායි මව් කුස හිඳිමින් තම උදව්වට ආ වෛද්‍යවරයාගේ ඇඟිල්ලේ එල්ලූන හැටි!

හොල්මන් පින්තූර කතන්දර පෙළක්! මේවා දැකල බය වෙන්න එපා!

රාති‍්‍ර කාලයට අඳුරේ දී ඔබව බියපත් කරන හැම රටකටම, හැම සමාජයකම තියෙනවා. ඇත්තටම හොල්මන් තියෙනවා කියල ඔප්පු කරන්න හොල්මන්වල පින්තූර ගන්න අයත් ඉන්නවා. මේ ඒ විදියට ගත්තු පින්තූර පෙළක්!


අවුරුදු ගානක් තිස්සෙ විවිධ අවස්ථාවලදි ගත්තු පින්තූර තමයි, මේ තියෙන්නේ. මෙහි ඉන්නවා, ඝාතනය කළ වහල් සේවකයන්, රෝහල්වල වධබන්ධනවලට ලක්ව මියගිය රෝගීන්, අතීතයට එක් වූ මුහුදු නැවියන් ආදී නොයෙක් අය. මොවුන්ගේ හොල්මන් කතා අහපු බොහොම දෙනෙක් බියට පත් වුණා. තාමත් අහන අයගේ ඇඟ හිරි වැටෙනවා.

මුල්ම ඇපල් 1 පරිගණකය ලෝක වාර්තාවක් තියයිද? ඇපල් සමාගමේ ආරම්භය හෙළිකරන මෙතෙක් පළ නොවූ ඡායාරූපයක්!

ඇපල් පරිගණකය පටන් ගත් හැටි දැන් දකින කොටත් පුදුම හිතෙනවා. ඒ මුල් ම ඇපල් පරිගණකය අළෙවි කරන්න ගෙනියන්න පෙර පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුගිය දා ප‍්‍රථමවරට හෙළිදරවු වුණා.

මේ ඡායාරූපයට නගා තියෙන්නේ 1976 දියි. එතකොට ස්ටීව් ජොබ්ස්ට (Steve Jobs) වයස 21යි. ඔහුගේ මිතුරු ස්ටීව් වොස්නියැක් (Steve Wozniak) සමග එක්ව ඔවුන් දෙදෙනා මේ මුල්ම ඇපල් පරිගණක තැනුවේ ස්ටීව් ජොබ්ස්ගේ මාපියන්ගේ ගෙදර ගරාජයකයි. ඔවුන් ඒ තැනූ මූල් පරිගණක 50 තැන්පත් කරල තිබුණු ආකාරය දැක්වෙන මේ විරල ඡායාරූපය නිකුත් කරනු ලැබුවේ ලබන නොවැම්බර් 16 වැනිදා වෙන්දේසියට තැබෙන දැනට හොඳම තත්වයේ ඇති පැරණි ම ඇපල් පරිගණකය එළි දැක්වීම වෙනුවෙන්.

මෙය දැනට ලෝකයේ ඇති වටිනාම සන්නම ලෙස සැලකෙන ඇපල් පරිගණකයේ ආරම්භක තත්වය තේරුම ගන්නත් හොඳ අවස්ථාවක්. මේ සන්නමෙහි අද වටිනාකම පවුම් බිලියන 60ක්.

ඇපල් පරිගණකයේ ආරම්භය දැක්වෙන මේ කිසිදා එළියට නො පැමිණි ඡායාරූපයක්. ඒ මුල් ම ඇපල් පරිගණකය අළෙවි කරන්න ගෙනියන්න පෙර 1976 දී පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුග…

දුර්ලභ ගණයේ සේයා රුවක්! නවසීලන්තයේ ධීවරයකුගේ නවතම ගොදුරක්!

මෙය ලියැවෙන්නේ කලාතුරකින් හමු වන ඡායාරූපයක් ඔබ වෙත ඉදිරිපත් කරන්නයි. අන්තර් ජාලය පුරා මේ වන විටත් වැඩි දෙනකුගේ අවධානය දිනා ගෙන තියෙනවා.

මේ ඡායාරූපයෙන් කියැවෙන්නේ මිනීමරු සුදු මෝරකුගේ ඉරණම දැක්වෙන කතාවක්. පසුගිය සතියෙදි නවසීලන්තයේ මුහුදේදි ගත්තු එකක්.

මහා භූමිකම්පාවකින් පසු පාකිස්ථාන මුහුදෙන් මතු වූ ලෝකයේ අලූත් ම දූපත!

පසුගියදා පාකිස්ථානයේ ප‍්‍රබල භූමිකම්පාවක් ඇති වුණා. 7.8ක් වූ ඒ භූමිකම්පාවෙන් බලූකිස්ථානය අසල මුහුදේ අලූත් දූපතක් මතු වුණා. ලෝකයේ අලූත් ම දූපත එයයි.

සල්සාලා කෝහ් (Zalzala Koh) යනුවෙන් ඒ දූපත නම් කරලා තියෙනවා. දාල්බන්දින්වලට සැතැපම් 145ක් ගිනිකොන දෙසින් හටගත් මේ භූම්කම්පාව නිසා දැන් එය බලන්න සංචාරකයන් වගේම පාකිස්ථාන වැසියන් වැල නොකැඩි එනවා. ඒ දූපතටත් ගොඩ වෙනවා. ගිනිගන්නාසුලූ වායුව, විස දුම් ආදිය ඇති බව අනතුරු හැෙඟව්වත් ඒවා ගනන් නොගෙනයි, ඔවුන් එහි එන්නෙ.

ඒ දූපතේ පිපිරුණු මඩ, වැලි, ගල් මුසු බිම මත මුහුදු සතුන්ගේ මළ සිරුරු, විශේෂයෙන් ම මාළුන් මළකුණු පිරිලා තියෙනවා.

මෙන්න ලෝකයේ අලූත් ම දූපත අහසට පෙනෙන හැටි. මේ මඩ කන්ද මීටර් 15ක් 20ක් විතර උස ඇති. මිනිසුන්ට ඒ මත ඇවිද ගෙන යා හැකි තරමට එහි බිම ඝනකම් කියලයි, කියන්නෙ.

MH370 මැලේසියානු ගුවන්යාන අබිරහස : නියමුවාම යානය බලෙන් ගෙන ගියාද?

2014 මාර්තු 16 වැනිදා

අනතුරට පත් යානයේ නියමුවා වූ සහාරි අහමඞ් ෂා දේශපාලන උමතුවකින් පෙළෙන්නකු ලෙස දැන් සැක කරනවා. එම්එච්370 යානය නියමුවා ලෙස සේවයට වාර්තා කරන්නට පෙර ඔහු මැලේසියාවේ විරුද්ධ පක්ෂ නායකයා වූ අන්වර් ඒබ‍්‍රහම්ට එරෙහිව පැවති නඩු විභාගයට බලන්නට ගිය බවක් ෆෙඩරල් පරීක්ෂක නිලධාරින් කියනවා.