Skip to main content

ඕස්ටේ‍්‍රලියා පොසිල විද්‍යාඥයන්ගේ අපූරු සොයා ගැනීම : බන්ජෝ, මැටිල්ඩා සහ ක්ලැන්සි

අලූත් ඩයිනසෝර විශේෂ තුනකගේ පොසිල අස්ථි සොයා ගැනීමට  ඕස්ටේ‍්‍රලියානු පොසිල විද්‍යාඥයන් පිරිසක් සමත් වූහ. දශකයේ සිදු කළ හොඳම සොයා ගැනීම ලෙස මෙය සැලකෙයි. මෙම නව ඩයිනසෝරයන් හමුවූයේ ක්වීන්ස්ලන්ඞ් පළාතේ කළ කැණීම්වල ප‍්‍රතිඵලයක් වශයෙනි. ප‍්‍රාග් ඓතිහාසික  ඕස්ටේ‍්‍රලියාවේ ජීවත් වූ ඩයිනසෝරයන් ගැන වඩා හොඳ අවබෝධයක් ලබා ගැනීමට මෙම සොයා ගැනීම නිසා හැකි වී තිබේ.
මෙම ඩයිනසෝරයන් තිදෙනාගෙන් එකෙක්, මාංශභක්ෂක තෙරපෝඩා වර්ගයට අයත් පාද දෙකෙන් ගමන් කළ හැකි වූ ඩයිනසෝරයෙකි. ජුරාසික් පාක් චිත‍්‍රපට මාලාවෙන් කාගේත් අවධානය දිනාගත් වෙලොසිරැප්ටර් ඩයිනසෝරයාට සමානය. අනෙක් නව ඩයිනසෝරයන් දෙදෙනා අයත් වෙන්නේ දිගු ගෙලක් ඇති ශාක භක්ෂක සෝරපෝඩා වර්ගයටය. 1981 වසරෙන් පසු  ඕස්ටේ‍්‍රලියාවෙන් හමුවූ මහා පරිමාණයේ ඩයිනසෝර සොයා ගැනීම වන්නේ මෙයයි.

පොසිල විද්‍යාඥ ස්කොට් හක්නල් ඇතුළු අනෙක් විද්‍යාඥයන් මෙම ඩයිනසෝරයන් තිදෙනා නම් කර තිබෙන්නේ බැන්ජෝ, මැටිල්ඩා සහ ක්ලැන්සි යනුවෙනි. ඒ  ඕස්ටේ‍්‍රලියාවේ වඩාත් ප‍්‍රකට ‘වොල්ට්සිංග් මැටිල්ඩා’ නම් ගීතය අනුව යමිනි. මෙම අපූරු සොයා ගැනීම ඩයිනසෝර ලොවේ නව ඉසවු කරා යාමට මග පාදන්නක් විද්‍යාඥ කණ්ඩායම ප‍්‍රකාශ කරයි.


”මේක නම් ඇත්තෙන්ම හරිම අපූරුයි.  ඕස්ටේ‍්‍රලියාවෙන් සොයා ගැනුණු ඩයිනසෝරයන් අතරින් ස්කොට් හක්නල් ඇතුළු කණ්ඩායම සිදු කළ මෙම සොයා ගැනීම ගැන වචනයෙන් විස්තර කිරීම අපහසුයි.”  ඕස්ටේ‍්‍රලියා වික්ටෝරියා සරසවියේ අධ්‍යක්ෂ ජෝන් ලෝන්ග් පවසයි.

ක්වීන්ස්ලන්ඞ් සරසවියේ පර්යේෂකයකු වන හොක්නල් සහ ඔහුගේ පිරිස මෙම ඩයිනසෝරයින් සොයා කැණීම් සිදු කළේ ක්වීන්ස්ලන්ඞ්හි බිලාබෝංග් නම් පළාතේ වින්ටොන් නම් පිටිසරබද කුඩා ගම්මානය අවටය. ‘වොල්ට්සිංග් මැටිල්ඩා’ නම් ගීතය 1885 වසරේදී බැන්ජෝ පැටර්සන් කවියා රචනා කළේ වින්ටොන් ගම්මානයේදීය.

මේ හමුවූ තෙරපෝඩා මාංශභක්ෂක ඩයිනසෝරයා 1993 වසරේ මුළු ලොව ම වසඟ කළ ස්ටීවන් ස්පීල්බර්ග් අධ්‍යක්ෂණය කළ ජුරාසික් පාක් චිත‍්‍රපටයෙන් අප දුටු රැප්ටරයින්ට සමාන වුනත් මේ සත්ත්වයා රැප්ටරයකුට වඩා ප‍්‍රමාණයෙන් ඉතා විශාලය. එමෙන්ම රැප්ටරයකුට වඩා ප‍්‍රචණ්ඩකාරීය. බැන්ජෝ නමින් නම් කළ මේ සත්ත්වයා අයත් වන්නේ ටයිරැනසෝරස් රෙක්ස් ඩයිනසෝරයා අයත් පවුලට බවත් හොක්නල් පෙන්වා දෙයි. තියුණු නිය තුනකින් සමන්විත අත් දෙකක් ඇති මෙම ඩයිනසෝරයා ගොදුරු පසුපස දිවයමින් ගොදුරු අල්ලා ගැනීමට දක්ෂයෙක් බව වාර්තාවේ. ”අනෙක් තෙරපෝඩ ඩයිනසෝරයන් වගේ නොවේ. බැන්ජෝ වෙනස්. උගේ ඉදිරි පාද මාරක අවි වගෙයි.” හොක්නල් කියයි.


ශාක භක්ෂකයන් වන මැටිල්ඩා සහ ක්ලැන්සි ටයිටනසෝර් පවුලට අයත් දැවැත්තයන් දෙදෙනෙකි. මිහිමත ඇවිද ගිය විශාලතම සත්ත්වයන් ලෙස සැලකෙන්නේ මෙම ඩයිනසෝරයන්ය. ඩයිනසෝරයන් ගැන කැණීම් කටයුතු බහුලව සිදුවන්නේ උතුරු ඇමෙරිකාව, යුරෝපය, දකුණු ඇමෙරිකාව සහ අප‍්‍රිකාවයි. ඒ නිසා මෙම සොයා ගැනීමෙන් පසු පොසිල විද්‍යාඥයන්ට  ඕස්ටේ‍්‍රලියාව අලූත් අත්දැකීමක් වනු ඇත. වින්ටොන් ගම්මානය අසළ තවත් කැණීම් සිදු කිරීමටත් තවත් ඩයිනසෝරයන් මතුකර ගැනීමටත් ස්කොට් හක්නල් බලාපොරොත්තු වෙයි.

Comments

Post a Comment

Popular posts from this blog

ලෝකයේ වටිනාම මුද්දරය වෙන්දේසියට! දැනට ඇත්තේ ලෝකෙටම එකයි!

මුද්දර එකතු කිරීම (Philately) විනෝදාංශයක් වගේම හොඳ ආදායම් මාර්ගයක්. පුංචි වුණාට තැපැල් මුද්දරයක් කියන්නේ රටක ඉතිහාසය කියාපාන කැඩපතක්. රටකින් රටකට හොඳ හිත පතුරුවමින් යන සංස්කෘතික තානාපතිවරයෙක්!

ඒ වගේ පැරණි තැපැල් මුද්දරයක් එහි මුහුණත සඳහන් වටිනාකමට හුඟක් වැඩිවෙන වෙලාවල් තියෙනවා. එහෙම වෙන්නේ ඒවායේ ඇති දුලබකම නිසයි.

ඒ වගේ 1873 දී ලිපිගොනු ගොඩක් අස්සේ තිබී හමුවුණු පාවිච්චි කළ ශත එකේ තැපැල් මුද්දරයක් පසුව වෙළෙඳ පොළේ දී සිලිං හයකට විකුණුණා. බි‍්‍රතාන්‍ය ගයානාව (British Guiana) විසින් නිකුත් කළ ශත එකේ දම්පාට තැපැල් මුද්දරය (1c Magenta stamp) දැන් යළිත් වෙන්දේසිය සඳහා වෙළෙඳපොළට ඇවිත්. අද, වසර 141කට පසු, එයට මුද්දර වෙන්දේසියේ දී ඇමරිකන් ඩොලර් මිලියන 20ක මුදලක් ලැබේවි යැයි විශ්වාස කරනවා.

මෑතදී ‘ලොව වඩාත් වටිනාම මුද්දරය’ ලෙස හඳුන්වනු ලැබූ මේ පැති අටේ හැඩැති තැපැල් මුද්දරය 2014 ජූනි මාසයේ 17 වැනිදා ඇමරිකාවේ නිව්යෝක්හිදී ප‍්‍රසිද්ධ වෙන්දේසියේ විකිණීමට නියමිතයි.

මෙය දැනට ලෝකයේ සුරක්ෂිතව ඉතිරි වී ඇති මේ වර්ගයේ එකම මුද්දරය ලෙස සැලකෙනවා. මෙය නිකුත් කරන ලද්දේ 1856දියි. බි‍්‍රතාන්‍ය ගයානාවේ තැපැල් මහතා…

MH370 මැලේසියානු ගුවන්යාන අබිරහස! ලෝකයේ අබිරහස් ලෙස අතුරුදන් වුණු ගුවන්යානා 10 මෙන්න!

පසුගිය සතියේ (මාර්තු 8 වැනිදා) අතුරුදන් වූ පිසැරි අංක එම්එච්370 මැලේසියානු මගී ගුවන්යානයට වූ දේ තවමත් අබිරහසක්. රටවල් 10 ගුවන්යානා, නැව්, චන්ද්‍රිකා රැසක් මේ අබිරහස විසඳන්න තවමත් වෙහෙසෙනවා.

ඒත් මෙය දැනටමත් නොවිසඳෙන අබිරහසක් පත් වෙන ලකුණු පහළ වෙලා!

ලොව පළමු සෙල් ෆෝනය මේකද? වසර 75ක් පැරණි පින්තූරයේ රහස හෙළි වෙයිද?

බලන්න මේ තරුණිය ජංගම දුරකතනයක් කනේ තියා ගෙන පාර දිගේ කතා කර කර යනවා! අද නම් මේ වගේ දසුනක් ගමක පාරක වුනත් ඔබ දැක ඇතුවාට සැකයක් නැහැ. ඒත් මේ දර්ශනය කැමරාවට නඟා ඇත්තේ මීට අවුරුදු 75කට පෙරයි!

1938 දී ඇමෙරිකාවේ වීදියක ගමන් කළ මේ යුවතියගේ අතට වර්තමානයේ අප පාවිච්චි කරනා තාලේ සෙල් ෆෝනයක් (ජංගම දුරකතනයක්) ආවෙ කොහොමද?

ඒ කාලයේ මේ වගේ දෙයක් නිපදවීම තියා මෙවැන්නක් ගැන හිතලවත් නොතිබුණා නම් මෙම දර්ශනය චිත‍්‍රපටයකට ගත් නිර්මාණයක්ද? සමහර අය කීවේ චිත‍්‍රපටය තුළින් අනාගතය දැකීමක් ලෙස මෙම දසුන සලකන්න පුළුවන් කියලයි. අනාගතය පරිකල්පනය කළ අවස්ථා චිත‍්‍රපටවල ඕනෑ තරම් තිබුණා. මේ වගේ

මේ රූප පෙළ මේ වන විට යූටියුබ් (YouTube) එක හරහා ලක්ෂ තුනකට වැඩි වාර ගණනක් සංසරණය වෙලා තියෙනවා. වර්ණ චිත‍්‍රපට එන්නට පෙරාතුව කළු සුදු ක‍්‍රමයට කැමරාවට නගන ලද මෙහි රහස පසුගිය දා හෙළි වුණා. මෙම තරුණිය තමාගේ මීමිත්තණිය යැයි යුටියුබ් ග‍්‍රාහකයෙක් හෙළි කළා.

අනාගතයට යාමක් ද? මෙහි දැක්වෙන්නේ ඇමරිකාවේ ඩුපොන්ට් ආයතනයෙන් පිට වී යන තරුණ සේවිකාවන් පිරිසක්. එයින් එක් තරුණියක් අතේ ඇති ජංගම දුරකතනයකින් කතා කරමින් යනවා ඔබට පෙනෙනවා ඇති. වසර 75කට ප…

නස්රුදින්ගේ වේළීමේ රහස! අලුත්ම නස්රුදින් කතාවක්!

නස්රුදින්ගේ පොහොසත් මිතුරෙක් ඔහුට කතා කළා, ඒ මිතුරාත් ඔහුගේ පිරිසත් එක්ක දින කීපයක් තිස්සේ දඩයමේ යන්න. මුල් ම දවසේ ඔවුන් නස්රුදින්ට දුන්නෙ බොහොම හෙමින් යන අස්සයෙක්. දඩයමට යන්න පටන් අරන් වැඩි වේලාවක් ගියේ නෑ, හෙමින් ගිය අස්සයා නිසා නස්රුදින් හුඟක් පහුවුණා. නස්රුදින්ව පහු කරලා දාලා අනෙක් පිරිස ඈතට දඩයමේ ගියා.

දියණිය උපන් මොහොතේ පියා ගත් පින්තූරය අන්තර් ජාලය කළඹයි! වෛද්‍යවරයාගේ අතේ එල්ලී එළියට ආ ළදැරිය මෙන්න!

ජීවිතයේ විස්මිත මොහොතවල් ඡායාරූපයට නැඟීම වාසනාවත් එක්ක සිදු වන දෙයක්. එහෙම වාසනාවක් ලද මාපිය යුවලක් තමන් ගත් ජීවිතයේ අමතක නොවන පින්තූරය ‘මුහුණු පොතේ’ පළ කළා. මොහොතකින් එය අන්තර්ජාලය පුරා ‘කුණාටුවක්’ මෙන් හඹා ගියා.

මෙලොව එළිය දකින්න මොහොතකට පෙර පුංචි නෙවායි මව් කුස හිඳිමින් තම උදව්වට ආ වෛද්‍යවරයාගේ ඇඟිල්ලේ එල්ලූන හැටි!

හොල්මන් පින්තූර කතන්දර පෙළක්! මේවා දැකල බය වෙන්න එපා!

රාති‍්‍ර කාලයට අඳුරේ දී ඔබව බියපත් කරන හැම රටකටම, හැම සමාජයකම තියෙනවා. ඇත්තටම හොල්මන් තියෙනවා කියල ඔප්පු කරන්න හොල්මන්වල පින්තූර ගන්න අයත් ඉන්නවා. මේ ඒ විදියට ගත්තු පින්තූර පෙළක්!


අවුරුදු ගානක් තිස්සෙ විවිධ අවස්ථාවලදි ගත්තු පින්තූර තමයි, මේ තියෙන්නේ. මෙහි ඉන්නවා, ඝාතනය කළ වහල් සේවකයන්, රෝහල්වල වධබන්ධනවලට ලක්ව මියගිය රෝගීන්, අතීතයට එක් වූ මුහුදු නැවියන් ආදී නොයෙක් අය. මොවුන්ගේ හොල්මන් කතා අහපු බොහොම දෙනෙක් බියට පත් වුණා. තාමත් අහන අයගේ ඇඟ හිරි වැටෙනවා.

මුල්ම ඇපල් 1 පරිගණකය ලෝක වාර්තාවක් තියයිද? ඇපල් සමාගමේ ආරම්භය හෙළිකරන මෙතෙක් පළ නොවූ ඡායාරූපයක්!

ඇපල් පරිගණකය පටන් ගත් හැටි දැන් දකින කොටත් පුදුම හිතෙනවා. ඒ මුල් ම ඇපල් පරිගණකය අළෙවි කරන්න ගෙනියන්න පෙර පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුගිය දා ප‍්‍රථමවරට හෙළිදරවු වුණා.

මේ ඡායාරූපයට නගා තියෙන්නේ 1976 දියි. එතකොට ස්ටීව් ජොබ්ස්ට (Steve Jobs) වයස 21යි. ඔහුගේ මිතුරු ස්ටීව් වොස්නියැක් (Steve Wozniak) සමග එක්ව ඔවුන් දෙදෙනා මේ මුල්ම ඇපල් පරිගණක තැනුවේ ස්ටීව් ජොබ්ස්ගේ මාපියන්ගේ ගෙදර ගරාජයකයි. ඔවුන් ඒ තැනූ මූල් පරිගණක 50 තැන්පත් කරල තිබුණු ආකාරය දැක්වෙන මේ විරල ඡායාරූපය නිකුත් කරනු ලැබුවේ ලබන නොවැම්බර් 16 වැනිදා වෙන්දේසියට තැබෙන දැනට හොඳම තත්වයේ ඇති පැරණි ම ඇපල් පරිගණකය එළි දැක්වීම වෙනුවෙන්.

මෙය දැනට ලෝකයේ ඇති වටිනාම සන්නම ලෙස සැලකෙන ඇපල් පරිගණකයේ ආරම්භක තත්වය තේරුම ගන්නත් හොඳ අවස්ථාවක්. මේ සන්නමෙහි අද වටිනාකම පවුම් බිලියන 60ක්.

ඇපල් පරිගණකයේ ආරම්භය දැක්වෙන මේ කිසිදා එළියට නො පැමිණි ඡායාරූපයක්. ඒ මුල් ම ඇපල් පරිගණකය අළෙවි කරන්න ගෙනියන්න පෙර 1976 දී පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුග…

දුර්ලභ ගණයේ සේයා රුවක්! නවසීලන්තයේ ධීවරයකුගේ නවතම ගොදුරක්!

මෙය ලියැවෙන්නේ කලාතුරකින් හමු වන ඡායාරූපයක් ඔබ වෙත ඉදිරිපත් කරන්නයි. අන්තර් ජාලය පුරා මේ වන විටත් වැඩි දෙනකුගේ අවධානය දිනා ගෙන තියෙනවා.

මේ ඡායාරූපයෙන් කියැවෙන්නේ මිනීමරු සුදු මෝරකුගේ ඉරණම දැක්වෙන කතාවක්. පසුගිය සතියෙදි නවසීලන්තයේ මුහුදේදි ගත්තු එකක්.

මහා භූමිකම්පාවකින් පසු පාකිස්ථාන මුහුදෙන් මතු වූ ලෝකයේ අලූත් ම දූපත!

පසුගියදා පාකිස්ථානයේ ප‍්‍රබල භූමිකම්පාවක් ඇති වුණා. 7.8ක් වූ ඒ භූමිකම්පාවෙන් බලූකිස්ථානය අසල මුහුදේ අලූත් දූපතක් මතු වුණා. ලෝකයේ අලූත් ම දූපත එයයි.

සල්සාලා කෝහ් (Zalzala Koh) යනුවෙන් ඒ දූපත නම් කරලා තියෙනවා. දාල්බන්දින්වලට සැතැපම් 145ක් ගිනිකොන දෙසින් හටගත් මේ භූම්කම්පාව නිසා දැන් එය බලන්න සංචාරකයන් වගේම පාකිස්ථාන වැසියන් වැල නොකැඩි එනවා. ඒ දූපතටත් ගොඩ වෙනවා. ගිනිගන්නාසුලූ වායුව, විස දුම් ආදිය ඇති බව අනතුරු හැෙඟව්වත් ඒවා ගනන් නොගෙනයි, ඔවුන් එහි එන්නෙ.

ඒ දූපතේ පිපිරුණු මඩ, වැලි, ගල් මුසු බිම මත මුහුදු සතුන්ගේ මළ සිරුරු, විශේෂයෙන් ම මාළුන් මළකුණු පිරිලා තියෙනවා.

මෙන්න ලෝකයේ අලූත් ම දූපත අහසට පෙනෙන හැටි. මේ මඩ කන්ද මීටර් 15ක් 20ක් විතර උස ඇති. මිනිසුන්ට ඒ මත ඇවිද ගෙන යා හැකි තරමට එහි බිම ඝනකම් කියලයි, කියන්නෙ.

MH370 මැලේසියානු ගුවන්යාන අබිරහස : නියමුවාම යානය බලෙන් ගෙන ගියාද?

2014 මාර්තු 16 වැනිදා

අනතුරට පත් යානයේ නියමුවා වූ සහාරි අහමඞ් ෂා දේශපාලන උමතුවකින් පෙළෙන්නකු ලෙස දැන් සැක කරනවා. එම්එච්370 යානය නියමුවා ලෙස සේවයට වාර්තා කරන්නට පෙර ඔහු මැලේසියාවේ විරුද්ධ පක්ෂ නායකයා වූ අන්වර් ඒබ‍්‍රහම්ට එරෙහිව පැවති නඩු විභාගයට බලන්නට ගිය බවක් ෆෙඩරල් පරීක්ෂක නිලධාරින් කියනවා.