Skip to main content

මිනිසාට කලින් උඩට ගිය සතුන්ගේ කතාව : දැන මුතු

මිනිසා අභ්‍යවකාශය ජය ගන්න කලින් ඊට මග හෙළි කිරීමට අභ්‍යවකාශයට ගිය සතුන් හුඟක් ඉන්නවා. චිම්පන්සින්ගේ සිට බල්ලන් හා බිම් පණුවන් දක්වා නොයෙක් නොයෙක් සතුන් උඩු ගුවනට යවා තිබෙනවා. මිනිසා උඩුගුවන ජය ගන්නට කලින් රොකට්ටුවල ගමන් කිරීම ආරක්ෂිතද? අභ්‍යවකාශයේ ස්වභාවය මොන වගේද? මිනිසාට අභ්‍යවකාශය ජය ගැනීමට ඇති බාධාවන් මොනවාද? ශූන්‍ය ගුරුත්වය මිනිසාට හිතකර වේවිද? නැද්ද? ආදී ප‍්‍රශ්නවලට පිළිතුරු සෙවීමට අත්හදා බැලීම් වශයෙන් තමයි, මේ සතුන් උඩට ගියේ. සමහරුන් නම් උඩට ගියා මිසක් ආපහු පොළොවට එන්න ඔවුන්ට අවස්ථාව ලැබුවේ නැහැ. ඔවුන්ගෙන් සමහරුන් දිවි පූජා කළේ මුළු මිනිස් සංහතියේම යෝධ පියවරක් වෙනුවෙනි. සතුන් අභ්‍යවකාශයට යවා අත්හදා බැලීම් සිදුකළ ජාත්‍යන්තර අභ්‍යවකාශ ඒජන්සි පහක් තිබෙනවා. ඒවා නම් ඇමෙරිකාව, රුසියාව, ප‍්‍රංශය, චීනය හා ජපානයයි.

මුලින්ම ගියේ පලතුරු මැස්සෝ
මුලින්ම අභ්‍යවකාශය තරණය කළේ පලතුරු මැස්සන් කියලා කීවොත් ඔයාලා පුදුම වේවි. මේ මැස්සන් උඩුගුවනට ගියේ අත් වැරදීමකින් නම් නොවේ. මැස්සන් උඩුගුවනට ගියේ ඉරිඟු ඇට සමඟයි. ඒ 1947 වසරේ ඇමෙරිකාව අත්හදා බැලූ වී 2 රොකට්ටුවකින්. මේ රොකට්ටුව උඩුගුවනට යැව්වේ විකිරණවලින් ඇතිවන බලපෑම් ගැන සොයා බැලීමටයි. ඊට පසුව අත්හදා බැලීම් සඳහා යොදා ගත් වී 2 රොකට්වලින් පෙද පාසි සාම්පල උඩුගුවනට රැගෙන ගියා.


ඇල්බට් II
‘ඇල්බට් II’ ලෙසින් නම් කළ රීසස් ගණයේ වඳුරකු තමයි, මුලින්ම උඩුගුවනට ගිය වඳුරා හැටියට ඉතිහාසයට එක් වුණේ. එයා උඩුගුවනට ගියේ 1949 වසරේ ජූනි 14 වැනිදායි. වී 2 රොකට්ටුවකින් ගිය එයා ආපහු පෘථිවියට එද්දී පැරෂූටය ඇරුණේ නැති නිසා සිදුවූ අනතුරෙන් මරණයට පත් වුණා. 1950 සහ 60 දශකවල ඇමෙරිකාව අත්හදා බැලීම් සඳහා තවත් වඳුරු විශේෂ කීපයක්ම අභ්‍යවකාශයට යවනු ලැබුවා. උඩුගුවනේ දී සිරුරේ කි‍්‍රයාකාරිත්වය විමසීමට මේ වඳුරන්ගේ සිරුරුවලට සංවේදක සවි කර තිබුණා. රොකට්ටු ගුවන්ගත වෙද්දී ඔවුන් නිර්වින්දනය කරලයි, හිටියේ. ඇමෙරිකාව වඳුරන් උඩුගුවනට යැව්වේ ඇල්බට් II සිට IVදක්වා යානාවලයි.

උඩුගුවනට ගිය මීයා
මුලින්ම අභ්‍යවකාශයට මීයකු යැව්වේ ඇමෙරිකාව. ඒ 1950 වසරේ අගෝස්තු 31 වැනිදා ඇල්බට් 5 මෙහෙයුමේදීයි. වී 2 රොකට්ටුවක් ආධාරයෙන් මේ මීයා කිලෝ මීටර 137 ක් උඩුගුවනට ගියා. 1950 සහ 1951 වසරවල තවත් මීයන් කීප දෙනෙකු උඩුගුවනට යවා පර්යේෂණ කළා.

සයිජන් සහ ඩෙසික්
1951 වසරේ ජනවාරි 29 වැනිදා සෝවියට් දේශය ප‍්‍රථම වරට උඩුගුවනට බල්ලන් දෙන්නකු යැව්වා. ඒ තමයි, සයිජන් සහ ඩෙසික්. ඔවුන් දෙන්නාට කක්ෂගත වීමට තරම් ආසන්න උසකට යාමට හැකිවුණා. මේ දෙන්නා ඉහළ ගියේ රුසියාවේ ආර්-1 III ඒ-1 රොකට්ටුවෙන්. ඔවුන්ට නිරුපද්‍රිතව ගමන අවසන් කරන්න හැකිවුණා. සයිජන් සහ ඩෙසික් දෙන්නාගෙන් එක් අයෙක් පසුව සිදුකළ අභ්‍යවකාශ මෙහෙයුමකදී මියගියා.


මුලින්ම පෘථිවි කක්ෂයට ගිය ලයිකා
‘ලයිකා’ නම් බැල්ල ගැන ඔයාලා හොඳින් දන්නවානේ. එයා තමයි, මුලින්ම පෘථිවි කක්ෂයට ගියේ. ලයිකා පෘථිවි කක්ෂයට යැව්වේ සෝවියට් දේශයයි. ලයිකාව පෘථිවි කක්ෂයට අරන් ගියේ ස්පුට්නික් 2 යානයෙන්. ඒ 1957 වසරේ නොවැම්බර් 3 වැනිදායි. මේ පෘථිවි කක්ෂයට ගිය ලයිකා උඩු බුරලමින් අවසන් සුසුම් හෙළු බව පැවැසෙනවා. මිනිසාට උඩු ගුවනට යාමට මඟ පාදා දුන්නේ ලයිකායි. ඒ නිසා ලයිකා අදටත් අප අතර අමරණීයයි. පෘථිවි කක්ෂයකට ගිය මුල්ම සත්ත්වයා ලෙස ඉතිහාසයට එක්වුණේ ද ලයිකායි. ලයිකාගෙන් පස්සේ තවත් බලූ සුරතලූන් 10 දෙනෙකු පමණ අභ්‍යවකාශයට යැව්වා, විවිධ අභ්‍යවකාශ යානා මගින්. ඒ සියලූ පරීක්ෂණවලින් පස්සේ තමා 1961 වසරේ අප‍්‍රියෙල් 12 වැනිදා රුසියා අජටාකාශගාමී යූරි ගගාරීන්ට ප‍්‍රථම මිනිසා ලෙස අභ්‍යවකාශයට යන්න පුළුවන් වුණේ.

ඇමෙරිකා හමුදාවේ ගෝඩෝ
1958 වසරේ දෙසැම්බර් 13 වැනිදා ජුපිටර් අයි.ආර්.බී.එම්. ඒඇම් 13 රොකට්ටුව ෆ්ලොරිඩාවේ කැනවරල් තුඩුවෙන් උඩු ගුවනට යැව්වා. රොකට්ටුවෙන් ගියේ ඇමෙරිකා හමුදා පුහුණුව ලැබූ දකුණු ඇමෙරිකා ලේන රිළවෙක්. නම ගෝඩෝ. රොකට්ටුව මුදුණේ ආපදාවකදී ගැළවී යන කොටසේ පැරෂූටය ඇරුණේ නැති ගෝඩෝ රොකටයත් සමග අතුරුදන් වුණා. එම ගමන් කාලය තුළ දී විද්‍යුත් තරංග මගින් ලබා ගත් දත්ත අනුව මේ වඳුරා මිනිත්තු 8 ක් තුළ ශූන්‍ය ගුරුත්වයට සාර්ථකව මුහුණ දුන් බව සඳහන්. ඒ වගේම රොකට්ටුව දියත් කළ අවස්ථාවේදී දස ගුණයක ගුරුත්වාකර්ෂණ බලයකටත්, සැතපුම් 10,000 ක වේගයෙන් රොකට්ටුව පෘථිවියට පිවිසීමේදී 40 ක ගුරුත්ව බලයකටත් සාර්ථකව මුහුණ දුන් බව දැක්වෙනවා. ගෝඩෝ රැුගත් රොකට්ටුවේ මුදුණේ කේතු ආකාරයේ කොටස කැනැවරල් තුඩුව අසළ මුහුදට පතිත වුනත් එය සොයා ගැනීමක් කෙරුණේ නැහැ.

ඒබල් සහ බේකර් රිළවුන් දෙන්නා
ප‍්‍රථම වරට අභ්‍යවකාශ චාරිකාවකින් දිවි ගලවා ගැනීමට හැකිවූ වඳුරන් දෙන්නා තමයි, ඒබල් සහ බේකර්. 1959 වසරේ මැයි 28 වැනිදා ඇමෙරිකාවේ ජුපිටර් නම් අන්තර් කලාපීය බැලැස්ටික් මිසයිල රොකට්ටුවෙන් තමයි, මේ දෙන්නා උඩු ගුවනට යැවුණේ. ඒබල් ඇමෙරිකාවේ උපන් රීසස් වඳුරෙක්. බේකර් පේරු රටෙන් ගෙනා ලේන වඳුරෙක්. මිනිත්තු 16 ක එම ගමනේදී මේ වඳුරන් දෙන්නා පැයට කිලෝ මීටර 16,000 ක වේගයකටත් සාමාන්‍ය ගුරුත්වය මෙන් 38 ගුණයක ගුරුත්වයකටත් මුහුණ දුන්නා. ගමන සාර්ථකව නිමා කළත් දවස් 4 කට පස්සේ ඒබල් දත්ත ලබා ගැනීමට සිරුරට කැවූ ඉලෙක්ට්‍රෝඩයක් ඉවත් කිරීමට කළ සැත්කමකදී නිර්වින්දනය තුළම ඒබල් මියගියා. බේකර් 1984 දක්වා ජීවත් වුණා.

බෙල්කා සහ ස්ටෙ‍්‍රල්කා
ප‍්‍රථම වරට සුනඛ සුරතලූන් යුවළක් උඩුගුවන යැවුනේ 1960 අගෝස්තු 19 වැනිදා සෝවියට් දේශයේ ස්පුට්නික් 5 යානයෙන්. බෙල්කා හා ස්ටෙ‍්‍රල්කා නම් මේ සුනඛ සුරතලූන් නිරුපද්‍රිතව ආපහු ආවා. මෙම මෙහෙයුමෙන් පස්සේ ස්ටෙ‍්‍රල්කා පැටවුන් කීප දෙනෙකු බිහිකළා. ඉන් එක් සුරතල් පැටවකුගේ නම පුශිංකා. රුසියානු ඇමෙරිකානු මිත‍්‍රත්වයේ සංකේතයක් හැටියට 1961 දී එවකට සෝවියට් අගමැතිව සිටි නිකිතා කෲෂෙෆ් විසින් ඇමෙරිකා ජනාධිපති සිටි ජොන් එෆ්. කෙනඩිගේ දියණිය වූ කැරොලීන්ට තෑගි කළේ මේ පුශිංකායි.

හැම් චිම්පන්සියා
1961 ජනවාරි 31 වැනිදා රෙඞ්ස්ටෝන් රොකට්ටුවක් යොදාගෙන මර්කරි කැප්සියුලයකින් යැවූ ගුවන් ගමනට එක් වුණේ හැම් නම් චිම්පන්සියායි. ඒ මෙහෙයුම හැඳින්වූයේ මර්කරි රෙඞ්ස්ටෝන් 2 කියලයි. අභ්‍යවකාශ යානයක දී යම් යම් ලීවර ඇදීමටත්, විදුලි සැර නොවැදී සිටීමටත් මේ චිම්පන්සියා පුහුණු කර තිබුණා. හැම්ව මේ සඳහා පුහුණු කළේ සන්තෝසමක් හැටියට කෙසෙල් ගෙඩි දීලයි. උඩු ගුවනේ දී සන්තෝසම් හැටියට ලැබුණේ කෙසෙල් ගෙඩිවලින් තැනූ පෙත්තක්. මේ ගමනේ දී විමසා බැලූණේ යම් යම් කාර්යයන් කි‍්‍රයා කාරීමේ හැකියාවයි. මෙහෙයුම අවසානයේදී මර්කරි කැප්සියුලය මුහුදට වැටුණා. යූඑස්එස් ඩෝනර් නැව තමයි, හැම්ව ගලවා ගත්තේ. ඒ අවස්ථාවේදී හැම්, නැවේ කපිතාන්වරයාට අතට අත දීමට ද අමතක කළේ නැහැ. මර්කරි රෙඞ්ස්ටෝන් මෙහෙයුමෙන් මාස 3 කට පස්සේ තමයි, ඇමෙරිකාව ඇලන් ෂෙපර්ඞ් උඩුගුවනට යැවුවේ. ඇමෙරිකාවේ ප‍්‍රථම අභ්‍යවකාශගාමියා වුණේ ඔහුයි.

ඊනෝස් චිම්පන්සියා
1961 නොවැම්බර් 29 වැනිදා උඩුගුවනේ කක්ෂගත වූ පළමු චිම්පන්සියා තමයි ඊනෝස්. එයා ගියේ ඇට්ලස් 5 රොකට්ටුවකින්.

රුසියාව, ප‍්‍රංශය හා චීනය
1961 මාර්තු මාසයේදී වොස්ටොක් 3 ඒ ගුවන් ගමන්වලදී සෝවියට් රුසියාව මීයන්, රට හාවුන් සහ මැඩියන් උඩුගුවනට යැව්වා. 1961 පෙබරවාරියේ සහ 1962 වසරේ ඔක්තෝබර් මාසයේ ප‍්‍රංශය පළමු වරට මීයන් උඩුගුවනට යැව්වා. 1963 ප‍්‍රංශය ෆීලික්ස් නම් බළලා උඩුගුවනට යැව්වා. සංවේදක කි‍්‍රයා කරන අයුරු අධ්‍යයනය කරන්න ෆීලික්ස්ගේ හිස් කබලට සන්වේදක බද්ධ කරලයි තිබුණේ. ෆීලික්ස් ගමන සාර්ථකව නිමකළත් ඉන්පසු යැවූ බළලා මියගියා. 1967 වසරේ මාර්තු මාසයේ අවසන් වතාවට ප‍්‍රංශය උඩුගුවනට යැවූ සතුන් වුණේ වඳුරෝ දෙදෙනෙක්. චීන 1964 සහ 1965 වසරේ මීයන් සහ 1966 බල්ලන් දෙන්නෙක් ද උඩුගුවනට යැව්වා.

වෙටරොක් හා උගොලියොක්
රුසියාව වොස්කෝඞ් වැඩසටහන යටතේ බලූ සුරතලූන් දෙන්නෙක් උඩු ගුවනට යැව්වා. ඒ 1966 පෙබරවාරි 22 වැනිදායි. ඔවුන් දෙන්නා තමයි, වෙටරොක් හා උගොලියොක්. ඔවුන් ගියේ කොස්මෝස් 110 යානයෙන්. දවස් 22 ක් ඔවුන් පෘථිවි කක්ෂයේ සිට මාර්තු 16 යළි පෘථිවියට ආවා. සතුන් දෙදෙනෙක් පෘථිවි කක්ෂයේ වැඩිම කාලයක් ගත කළ කිරීමෙන් පිහිටු වූ මේ වාර්තාව අබිබවා යන්න වෙන කිසිම බලූ සුරතලකුට හැකිවුණේ නැහැ. මිනිසා ඒ වාර්තාව ඉක්මවා ගියේ 1974 වසරේදීයි. ඒ ස්කයිලැබ් 2 අභ්‍යවකාශ නැවතුම්පොළේ සිටි ගගනගාමීන් පිරිසයි.

1980 සිට 2011 දක්වා
1980, 1990 දශකයේදීත් පණුවන්, මැඩියන්, ඇමීබාවන්, දිලීරි, පුස්, පෙද පාසි, දෙඹරුන්, කුහුඹුවන් වැනි නොයෙක් සත්ත්ව විශේෂ රැසක්ම උඩු ගුවනට යවනු ලැබුවා. 2003 වසරේ අවසන් කොලොම්බියා ෂටල මෙහෙයුමේදී සේද පණුවන්, මකුළුවන්, මීමැස්සන්, කුහුඹුවන්, වටපණුවන් සහ මත්ස්‍යයන් උඩු ගුවනට යැවුණා. ඒත් අවාසනාවන්ත ලෙස ඒ ෂටලය මෙහෙයුම ආරම්භයේදීම විනාශ වුණා. පරීක්ෂණ සඳහා රැුගෙන ගිය වටපණුවන් කීප දෙනෙක් පණ පිටින් සිටිනු ෂටලයේ සුන්බුන් අතරින් හමුවුණා. කොලොම්බියා, එන්ඩෙවර්, ඩිස්කවරි හා ඇට්ලැන්ටිස් යන ෂටල මෙහෙයුම් ආරම්භ කළ අවදියේදී ප‍්‍රාථමික හා උසස් පාසල් සිසුන්ගේ මෙන්ම සරසවි සිසුන් වෙනුවෙන් ද විවිධාකාරයේ පර්යේෂණ අභ්‍යවකාශයේදී සිදු කෙරුණා. මේ පාසල් ව්‍යාපෘති සඳහා කුහුඹුවන්, කෘමීන්, සලඹයන් ආදී සතුන් යොදා ගැනුණා. පෘථිවි කක්ෂයේ පිහිටා තිබෙන ජාත්‍යන්තර අභ්‍යවකාශ නැවතුම්පොළේ පර්යේෂණ කටයුතු සඳහාත් කීප වරක්ම වට පණුවන් හා පණු බිත්තර යොදා ගෙන තිබෙනවා. 2006 වසරේ ජූලි 12 වැනිදා තමයි, ඇමෙරිකාවේ බිගලෝ ගුවන් හා ගගන විද්‍යා ඒකකය ‘ජෙනිසිස් 1’ මොඩියුලය උඩු ගුවනට පිටත් කර හැරියේ. මේ අභ්‍යවකාශ මොඩියුලය ඇතුළේ සිදුවන දේවල් දැක බලා ගන්න කැමරා සවි කරලයි තිබුණේ. ජෙනිසිස් 1 අභ්‍යවකාශයට පිටත්ව ගියේ බිගලෝ ගුවන් හා ගගන විද්‍යා ඒකකයේ සේවකයන්ගේ යෝජිත පුංචි පුංචි පරීක්ෂණ, සෙල්ලම් බඩු ආදියත් සමඟයි. ඒ සමඟ ශාක සහ කෘමීන්ගේ එකතුවක් ද තිබුණා. මැඩගස්කර කැරපොත්තන්, සලඹ කීටයන් සහ මෙක්සිකො බෝංචි ඇට මේ එකතුවට අයත් වුණා. ප‍්‍රථම වතාවට සතුන්ටම පමණක් සීමා වූ පෞද්ගලික අභ්‍යවකාශ සවාරිය ලෙස සැලකෙන්නේ මේ ගමනයි. බිගලෝ ගුවන් හා ගගන පර්යේෂණ ඒකකය ජෙනිසිස් 2 මොඩියුලය උඩු ගුවනට යැව්වේ 2007 වසරේ ජූනි 28 වැනිදායි. එය ජෙනිසිස් 1 මොඩියුලයට හුඟක් සමීපයි. දකුණු අප‍්‍රිකා ගෝනුස්සන්, කුහුඹුවන් සහ මැඩගස්කර කුරුමිණියන් තමයි ජෙනිසිස් 2 සමඟ උඩුගුවනට ගියේ.

Comments

  1. ලැයිකා ගැන විතරයි මෙච්චර කල් දැනං හිටියේ..වටින විස්තරයක්...

    ReplyDelete
  2. ගොඩක් දේවල් දැනගත්තා!

    ReplyDelete

Post a Comment

Popular posts from this blog

ලෝකයේ වටිනාම මුද්දරය වෙන්දේසියට! දැනට ඇත්තේ ලෝකෙටම එකයි!

මුද්දර එකතු කිරීම (Philately) විනෝදාංශයක් වගේම හොඳ ආදායම් මාර්ගයක්. පුංචි වුණාට තැපැල් මුද්දරයක් කියන්නේ රටක ඉතිහාසය කියාපාන කැඩපතක්. රටකින් රටකට හොඳ හිත පතුරුවමින් යන සංස්කෘතික තානාපතිවරයෙක්!

ඒ වගේ පැරණි තැපැල් මුද්දරයක් එහි මුහුණත සඳහන් වටිනාකමට හුඟක් වැඩිවෙන වෙලාවල් තියෙනවා. එහෙම වෙන්නේ ඒවායේ ඇති දුලබකම නිසයි.

ඒ වගේ 1873 දී ලිපිගොනු ගොඩක් අස්සේ තිබී හමුවුණු පාවිච්චි කළ ශත එකේ තැපැල් මුද්දරයක් පසුව වෙළෙඳ පොළේ දී සිලිං හයකට විකුණුණා. බි‍්‍රතාන්‍ය ගයානාව (British Guiana) විසින් නිකුත් කළ ශත එකේ දම්පාට තැපැල් මුද්දරය (1c Magenta stamp) දැන් යළිත් වෙන්දේසිය සඳහා වෙළෙඳපොළට ඇවිත්. අද, වසර 141කට පසු, එයට මුද්දර වෙන්දේසියේ දී ඇමරිකන් ඩොලර් මිලියන 20ක මුදලක් ලැබේවි යැයි විශ්වාස කරනවා.

මෑතදී ‘ලොව වඩාත් වටිනාම මුද්දරය’ ලෙස හඳුන්වනු ලැබූ මේ පැති අටේ හැඩැති තැපැල් මුද්දරය 2014 ජූනි මාසයේ 17 වැනිදා ඇමරිකාවේ නිව්යෝක්හිදී ප‍්‍රසිද්ධ වෙන්දේසියේ විකිණීමට නියමිතයි.

මෙය දැනට ලෝකයේ සුරක්ෂිතව ඉතිරි වී ඇති මේ වර්ගයේ එකම මුද්දරය ලෙස සැලකෙනවා. මෙය නිකුත් කරන ලද්දේ 1856දියි. බි‍්‍රතාන්‍ය ගයානාවේ තැපැල් මහතා…

MH370 මැලේසියානු ගුවන්යාන අබිරහස! ලෝකයේ අබිරහස් ලෙස අතුරුදන් වුණු ගුවන්යානා 10 මෙන්න!

පසුගිය සතියේ (මාර්තු 8 වැනිදා) අතුරුදන් වූ පිසැරි අංක එම්එච්370 මැලේසියානු මගී ගුවන්යානයට වූ දේ තවමත් අබිරහසක්. රටවල් 10 ගුවන්යානා, නැව්, චන්ද්‍රිකා රැසක් මේ අබිරහස විසඳන්න තවමත් වෙහෙසෙනවා.

ඒත් මෙය දැනටමත් නොවිසඳෙන අබිරහසක් පත් වෙන ලකුණු පහළ වෙලා!

ලොව පළමු සෙල් ෆෝනය මේකද? වසර 75ක් පැරණි පින්තූරයේ රහස හෙළි වෙයිද?

බලන්න මේ තරුණිය ජංගම දුරකතනයක් කනේ තියා ගෙන පාර දිගේ කතා කර කර යනවා! අද නම් මේ වගේ දසුනක් ගමක පාරක වුනත් ඔබ දැක ඇතුවාට සැකයක් නැහැ. ඒත් මේ දර්ශනය කැමරාවට නඟා ඇත්තේ මීට අවුරුදු 75කට පෙරයි!

1938 දී ඇමෙරිකාවේ වීදියක ගමන් කළ මේ යුවතියගේ අතට වර්තමානයේ අප පාවිච්චි කරනා තාලේ සෙල් ෆෝනයක් (ජංගම දුරකතනයක්) ආවෙ කොහොමද?

ඒ කාලයේ මේ වගේ දෙයක් නිපදවීම තියා මෙවැන්නක් ගැන හිතලවත් නොතිබුණා නම් මෙම දර්ශනය චිත‍්‍රපටයකට ගත් නිර්මාණයක්ද? සමහර අය කීවේ චිත‍්‍රපටය තුළින් අනාගතය දැකීමක් ලෙස මෙම දසුන සලකන්න පුළුවන් කියලයි. අනාගතය පරිකල්පනය කළ අවස්ථා චිත‍්‍රපටවල ඕනෑ තරම් තිබුණා. මේ වගේ

මේ රූප පෙළ මේ වන විට යූටියුබ් (YouTube) එක හරහා ලක්ෂ තුනකට වැඩි වාර ගණනක් සංසරණය වෙලා තියෙනවා. වර්ණ චිත‍්‍රපට එන්නට පෙරාතුව කළු සුදු ක‍්‍රමයට කැමරාවට නගන ලද මෙහි රහස පසුගිය දා හෙළි වුණා. මෙම තරුණිය තමාගේ මීමිත්තණිය යැයි යුටියුබ් ග‍්‍රාහකයෙක් හෙළි කළා.

අනාගතයට යාමක් ද? මෙහි දැක්වෙන්නේ ඇමරිකාවේ ඩුපොන්ට් ආයතනයෙන් පිට වී යන තරුණ සේවිකාවන් පිරිසක්. එයින් එක් තරුණියක් අතේ ඇති ජංගම දුරකතනයකින් කතා කරමින් යනවා ඔබට පෙනෙනවා ඇති. වසර 75කට ප…

නස්රුදින්ගේ වේළීමේ රහස! අලුත්ම නස්රුදින් කතාවක්!

නස්රුදින්ගේ පොහොසත් මිතුරෙක් ඔහුට කතා කළා, ඒ මිතුරාත් ඔහුගේ පිරිසත් එක්ක දින කීපයක් තිස්සේ දඩයමේ යන්න. මුල් ම දවසේ ඔවුන් නස්රුදින්ට දුන්නෙ බොහොම හෙමින් යන අස්සයෙක්. දඩයමට යන්න පටන් අරන් වැඩි වේලාවක් ගියේ නෑ, හෙමින් ගිය අස්සයා නිසා නස්රුදින් හුඟක් පහුවුණා. නස්රුදින්ව පහු කරලා දාලා අනෙක් පිරිස ඈතට දඩයමේ ගියා.

දියණිය උපන් මොහොතේ පියා ගත් පින්තූරය අන්තර් ජාලය කළඹයි! වෛද්‍යවරයාගේ අතේ එල්ලී එළියට ආ ළදැරිය මෙන්න!

ජීවිතයේ විස්මිත මොහොතවල් ඡායාරූපයට නැඟීම වාසනාවත් එක්ක සිදු වන දෙයක්. එහෙම වාසනාවක් ලද මාපිය යුවලක් තමන් ගත් ජීවිතයේ අමතක නොවන පින්තූරය ‘මුහුණු පොතේ’ පළ කළා. මොහොතකින් එය අන්තර්ජාලය පුරා ‘කුණාටුවක්’ මෙන් හඹා ගියා.

මෙලොව එළිය දකින්න මොහොතකට පෙර පුංචි නෙවායි මව් කුස හිඳිමින් තම උදව්වට ආ වෛද්‍යවරයාගේ ඇඟිල්ලේ එල්ලූන හැටි!

හොල්මන් පින්තූර කතන්දර පෙළක්! මේවා දැකල බය වෙන්න එපා!

රාති‍්‍ර කාලයට අඳුරේ දී ඔබව බියපත් කරන හැම රටකටම, හැම සමාජයකම තියෙනවා. ඇත්තටම හොල්මන් තියෙනවා කියල ඔප්පු කරන්න හොල්මන්වල පින්තූර ගන්න අයත් ඉන්නවා. මේ ඒ විදියට ගත්තු පින්තූර පෙළක්!


අවුරුදු ගානක් තිස්සෙ විවිධ අවස්ථාවලදි ගත්තු පින්තූර තමයි, මේ තියෙන්නේ. මෙහි ඉන්නවා, ඝාතනය කළ වහල් සේවකයන්, රෝහල්වල වධබන්ධනවලට ලක්ව මියගිය රෝගීන්, අතීතයට එක් වූ මුහුදු නැවියන් ආදී නොයෙක් අය. මොවුන්ගේ හොල්මන් කතා අහපු බොහොම දෙනෙක් බියට පත් වුණා. තාමත් අහන අයගේ ඇඟ හිරි වැටෙනවා.

මුල්ම ඇපල් 1 පරිගණකය ලෝක වාර්තාවක් තියයිද? ඇපල් සමාගමේ ආරම්භය හෙළිකරන මෙතෙක් පළ නොවූ ඡායාරූපයක්!

ඇපල් පරිගණකය පටන් ගත් හැටි දැන් දකින කොටත් පුදුම හිතෙනවා. ඒ මුල් ම ඇපල් පරිගණකය අළෙවි කරන්න ගෙනියන්න පෙර පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුගිය දා ප‍්‍රථමවරට හෙළිදරවු වුණා.

මේ ඡායාරූපයට නගා තියෙන්නේ 1976 දියි. එතකොට ස්ටීව් ජොබ්ස්ට (Steve Jobs) වයස 21යි. ඔහුගේ මිතුරු ස්ටීව් වොස්නියැක් (Steve Wozniak) සමග එක්ව ඔවුන් දෙදෙනා මේ මුල්ම ඇපල් පරිගණක තැනුවේ ස්ටීව් ජොබ්ස්ගේ මාපියන්ගේ ගෙදර ගරාජයකයි. ඔවුන් ඒ තැනූ මූල් පරිගණක 50 තැන්පත් කරල තිබුණු ආකාරය දැක්වෙන මේ විරල ඡායාරූපය නිකුත් කරනු ලැබුවේ ලබන නොවැම්බර් 16 වැනිදා වෙන්දේසියට තැබෙන දැනට හොඳම තත්වයේ ඇති පැරණි ම ඇපල් පරිගණකය එළි දැක්වීම වෙනුවෙන්.

මෙය දැනට ලෝකයේ ඇති වටිනාම සන්නම ලෙස සැලකෙන ඇපල් පරිගණකයේ ආරම්භක තත්වය තේරුම ගන්නත් හොඳ අවස්ථාවක්. මේ සන්නමෙහි අද වටිනාකම පවුම් බිලියන 60ක්.

ඇපල් පරිගණකයේ ආරම්භය දැක්වෙන මේ කිසිදා එළියට නො පැමිණි ඡායාරූපයක්. ඒ මුල් ම ඇපල් පරිගණකය අළෙවි කරන්න ගෙනියන්න පෙර 1976 දී පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුග…

දුර්ලභ ගණයේ සේයා රුවක්! නවසීලන්තයේ ධීවරයකුගේ නවතම ගොදුරක්!

මෙය ලියැවෙන්නේ කලාතුරකින් හමු වන ඡායාරූපයක් ඔබ වෙත ඉදිරිපත් කරන්නයි. අන්තර් ජාලය පුරා මේ වන විටත් වැඩි දෙනකුගේ අවධානය දිනා ගෙන තියෙනවා.

මේ ඡායාරූපයෙන් කියැවෙන්නේ මිනීමරු සුදු මෝරකුගේ ඉරණම දැක්වෙන කතාවක්. පසුගිය සතියෙදි නවසීලන්තයේ මුහුදේදි ගත්තු එකක්.

මහා භූමිකම්පාවකින් පසු පාකිස්ථාන මුහුදෙන් මතු වූ ලෝකයේ අලූත් ම දූපත!

පසුගියදා පාකිස්ථානයේ ප‍්‍රබල භූමිකම්පාවක් ඇති වුණා. 7.8ක් වූ ඒ භූමිකම්පාවෙන් බලූකිස්ථානය අසල මුහුදේ අලූත් දූපතක් මතු වුණා. ලෝකයේ අලූත් ම දූපත එයයි.

සල්සාලා කෝහ් (Zalzala Koh) යනුවෙන් ඒ දූපත නම් කරලා තියෙනවා. දාල්බන්දින්වලට සැතැපම් 145ක් ගිනිකොන දෙසින් හටගත් මේ භූම්කම්පාව නිසා දැන් එය බලන්න සංචාරකයන් වගේම පාකිස්ථාන වැසියන් වැල නොකැඩි එනවා. ඒ දූපතටත් ගොඩ වෙනවා. ගිනිගන්නාසුලූ වායුව, විස දුම් ආදිය ඇති බව අනතුරු හැෙඟව්වත් ඒවා ගනන් නොගෙනයි, ඔවුන් එහි එන්නෙ.

ඒ දූපතේ පිපිරුණු මඩ, වැලි, ගල් මුසු බිම මත මුහුදු සතුන්ගේ මළ සිරුරු, විශේෂයෙන් ම මාළුන් මළකුණු පිරිලා තියෙනවා.

මෙන්න ලෝකයේ අලූත් ම දූපත අහසට පෙනෙන හැටි. මේ මඩ කන්ද මීටර් 15ක් 20ක් විතර උස ඇති. මිනිසුන්ට ඒ මත ඇවිද ගෙන යා හැකි තරමට එහි බිම ඝනකම් කියලයි, කියන්නෙ.

MH370 මැලේසියානු ගුවන්යාන අබිරහස : නියමුවාම යානය බලෙන් ගෙන ගියාද?

2014 මාර්තු 16 වැනිදා

අනතුරට පත් යානයේ නියමුවා වූ සහාරි අහමඞ් ෂා දේශපාලන උමතුවකින් පෙළෙන්නකු ලෙස දැන් සැක කරනවා. එම්එච්370 යානය නියමුවා ලෙස සේවයට වාර්තා කරන්නට පෙර ඔහු මැලේසියාවේ විරුද්ධ පක්ෂ නායකයා වූ අන්වර් ඒබ‍්‍රහම්ට එරෙහිව පැවති නඩු විභාගයට බලන්නට ගිය බවක් ෆෙඩරල් පරීක්ෂක නිලධාරින් කියනවා.