පිලිප් ඉලෙක්ට්‍රොනික් සමාගම ‘ජීව-ආලෝක’ bio light ක‍්‍රමයක් නිපදවා තියෙනවා. ඒ මගින් විදුලිය භාවිත නොකර ඔබට ඔබේ කාමරය ආලෝකවත් කර ගන්න පුලූවන්. එයින් විහිදෙන ආලෝකය සෞම්‍ය දීප්තියක් ඇති එකක්.
මේ ලාම්පුවට ඇතුළත් වන්නේ වීදුරු කුටී පෙළක්. ඊට යොදා ගෙන ඇත්තේ කලාමැදිරියන් හා ? බදුල්ලන් ආලෝකය නිකුත් කිරීමට යොදා ගන්නා ජෛවසන්දීප්ත ක‍්‍රමයට සමාන එකක්. මේ වීදුරු බඳුන්වල ඇත්තේ ජෛවසන්දීප්ත බැක්ටීරියා විශේෂයක්. ඒ තුළට මීතේන් වායුව යැවූ විට දීප්තියක් නිකුත් කෙරෙනවා. මෙහිදී යොදා ගන්නේ නිවසේ අපද්‍රව්‍යවලින් නිපදවෙන ජීව වායුවයි.
එංගලන්තයේ කේම්බි‍්‍රජ් විශ්වවිද්‍යාලයේ ශාක ජීව විද්‍යාඥ ජිම් හේස්ලෝෆ් කියන්නේ මෙය තිරසාර ආලෝක සැපයුමට හොඳ ක‍්‍රමයක් කියායි. ඔහුගේ අදහස මේ ක‍්‍රමය නිවෙස්වලට වැද්දගන්නට හැම කෙනෙකුම කැමති වෙන එකක් නැහැ. ඒත් වැඩි වියදමක් නැතුව මගතොට ආලෝකවත් කරන්න නම් මෙය හොඳින් ම ගැළපෙන බවයි.
පිලිප් ආයතනය විශ්වාස කරන්නේ මෙය දැන් අප භාවිත කරන විදුලිය පිරිමහින විදුලි බුබුළුවලට වඩා ඉදිරි පියවරක් ලෙසයි. ‘නිවසේ බලශක්ති භාවිතය අවම කරන ගෘහෝපකරණ තැනීමටත් සමස්ත ප‍්‍රජාවටම ප‍්‍රයෝජනවත් වන ඔවුන්ගේ අවශ්‍යතා සපුරා ලන නව උපකරණ තැනීමත් සැලසුම්කරුවන් ලෙස අපේ වගකීමක් වෙනවා.’ පිලිප්ස් ආයතනයේ ක්ලයිව් වැන් හියර්ඩන් කියනවා.
මේ ජීව වායුව යොදා ගෙන ආලෝකය නිකුත් කර බැක්ටීරියා ලාම්පු පරිසර හිතකාමී නිසා නුදුරු අනාගතයේ දීම අපේ භාවිතයට එන එක ස්ථිරයි කියලයි මං නම් හිතන්නෙ.
1 Comments
මේක ඇත්තටම ප්‍රායෝගික වැඩක් වුණත් එකපාර ජනප්‍රිය වෙන එකක් නෑ. නමුත් තවත් දියුණු කරලා මිනිස්සුන්ට ඒකෙ වාසිය හොඳට දැණෙන්න පෙන්නගන්න පුළුවන්නම් අනිවාර්යයෙන්ම අනාගතේදි නැතිවම බැරි තාක්ෂණයක් වෙයි.
ReplyDelete