HOT

5/recent/ticker-posts

Header Ads Widget

Buy Nasrudin Books

දෑස් අහිමි සෙබළාට දිවෙන් පෙනීම ලැබුණු හැටි : දැන මුතු


වයඹදිග එංගලන්තයේ ලිවර්පූල්හි පදිංචි ක්‍රෙග් ලන්ඞ්බර්ග්ගේ වයස අවුරුදු 24 යි. එයා බි‍්‍රතාන්‍ය ජාතික තරුණයෙක්. ක්‍රෙග්, බි‍්‍රතාන්‍ය හමුදා සේවයට බැඳිලා ගියා ඉරාකයට. හමුදා මෙහෙයුම්වල යෙදෙද්දී 2007 අවුරුද්දේදී ඉරාකයේ බස්රා නුවරදී සතුරන්ගේ රොකට් ප‍්‍රහාරයකට ගොදුරු වූ ඔහුගේ දෑස් අහිමි වුණා. ඔහුට ආයේ කවදාවත් ඔහුගේ ඇස්වලින් පෙනීම ලැබෙන්නේ නැහැ. ඒත් දුක් වෙන්න කාරි නැහැ. නවීන තාක්ෂණය ක්‍රෙග්ගේ උදව්වට ආවා. නවීන තාක්ෂණයේ පෙරැුළියක් සිදු කරමින් අලූත් මෙන්ම අපූරු ක‍්‍රමයකට ක්‍රෙග්ට යළි පෙනීම ලබා දීමට හැකිවී තිබෙනවා. දැන් ක්‍රෙග්ට පෙනීම දෙන්නේ ඔහුගේ ඇස් නොවේ, දිවයි.

දැන් දිව උපයෝගී කර ගෙන ලාන්ස් කෝප්රල් ක්‍රෙග් ලන්ඞ්බර්ග්ට වචන කියවන්න පුළුවන්. හැඩතල හා රූප හඳුනාගන්න පුළුවන්. ඒ විතරක් නොවේ, කාගේවත් උදව්වක් නැතිව තනිවම එහෙමෙහෙ යන්න පුළුවන්. මේ වනතෙක්ම ඔහුගේ සහායට හිටියේ හොඳින් පුහුණුව ලත් බලූ සුරතලෙක්. නමුත් මේ අලූත් හැකියාව ඔහුට හිමිකර දුන්නේ ඇමෙරිකා එක්සත් ජන පද හමුදාවේ හිටපු මේජර් ජනරල්වරයකු වූ ගේල් පොලොක් ප‍්‍රමුඛ තාක්ෂණවේදීන් කණ්ඩායමක් තැනූ අලූත්ම තාලේ උපකරණ කට්ටලයක් මගින්. ඔවුන් මේ නව උපකරණය හැදුවේ අන්ධ පුද්ගලයන්ගේ ජීවිතවලට ආලෝකයක් ලබා දීමේ අරමුණ ඇතිවයි.

දිවෙන් පෙනීම ලබා දෙන මේ නව උපකරණ කට්ටලයට අයත් වෙනවා, අව් කන්නාඩියකට සවි කළ සූක්ෂම වීඩියෝ කැමරාවක් හා ‘ලොලිපොප්’ එකක් වගේ දිව මතුපිට තැබිය හැකි සංවේදකයක්. කැමරාවෙන් ලබා ගන්නා සුදු හා කළු පික්සල (රූපයක් මවන කුඩා තිත්) වලින් තමයි, දිව මත තබන සංවේදකය යොදාගෙන මේ උපකරණය භාවිත කරන්නාගේ මනසේ ඇඳෙන චිත‍්‍රයට අවශ්‍ය උත්තේජකයන් සපයන්නේ. අව් කන්නාඩියේ සවි කර ඇති කැමරාවෙන් ගන්නා රූප විදුලි සංඥා මගින් දිවේ ඇති උපාංගය මගින් දිවට දැනෙන්න සලස්වනවා. ඒවා දිවට දැනෙද්දී කිතිකැවෙනවා වගේ අපූරු හැඟීමක් ඇති වෙනවා. රූපයෙන් රූපයට ඒ දැනීම වෙනස් වෙනවා. ඒ අනුව මොළයට පණිවුඩ යැවෙනවා දකින්න ලැබුණු දේ මොකක්දැයි කියලා. ඒ අනුව ඒ ද්‍රව්‍යය මොකක්ද හා එය වටේ ස්වභාවය කොහොමදැයි අවබෝධයක් ගන්න ක්‍රෙග්ට හැකියාව ලැබෙනවා. මේ නව උපකරණය හඳුන්වා ඇත්තේ ‘බ්‍රේන්පෝට්’ කියලයි. බ්‍රේන්පෝට් උපකරණ කට්ටලය භාවිත කිරීමේ වාසනාව හිමි ප‍්‍රථම බි‍්‍රතාන්‍ය ජාතිකයා ද වන්නේ ක්‍රෙග් ලන්ඞ්බර්ග්. ඒ සඳහා ඔහුව තෝරා ගනු ලැබුවේ බි‍්‍රතාන්‍යයේ ආරක්ෂක කටයුතු පිළිබඳ අමාත්‍යාංශය විසිනුයි.

Post a Comment

1 Comments

  1. මේවගේ දේවල් හැමෝ අතරටම යනවනම් හොඳයි :)

    ReplyDelete