Skip to main content

කැලැන්ඩරය උපන්නේ කොහොමද? : කැලැන්ඩරේ කතන්දරේ 1

තවත් අවුරුද්දක් ඉවරවෙලා නව අවුරුද්දක් උදා වෙනවා. හැමදාම කැලැන්ඩරය දැක්කත් කැලැන්ඩරයේ කතාව මතක් වෙන්නේ අවුරුද්දක්ට සැරයයි. මේ කැලැන්ඩරයේ කතාව කොතරම් පැරණි එකක් ද? සමහර විට ආදී මිනිසා දවල් ? වීම? එළි වීම ගැන මුලින් ම හිතන්න පටන් ගන්න ඇති. ඊළඟට ගහකොළ මුලින් මලින් ඉතිරී යන හැටි, ඉන්පසු පලතුරුවලින් බර වී යන හැටි, ඒ වගේ ම තවත් කලක් යද්දී ඒ ගස්වල කොළ හැළී දේශගුණය උණුසුම් වෙන හැටි, අත්දකින්නට ඇති. ඊළඟට ශීත කාලය එළඹි පසු ඉන් මිදෙන්නට ගල් ලෙන්වලට යන්න ඇති. තැනින් තැන යමින් දඩයමින් ජීවත් වූ මිනිසා එක තැන නැවතී වගාවට, ඒ කියන්නේ කෘෂිකර්මයට, හුරු වූ පසු කාලය ගැන වැඩිපුර උනන්දු වෙන්න ඇති. ඒ නිසා මිනිසා දින දර්ශනය, එනම් කැලැන්ඩරය, ගැන හිතන්න පටන් ගන්න ඇත්තේ කාලය ගැන උනන්දුවක් දක්වන්නට පටන්  ගත්දා සිට යැයි කිව හැකියි.



සමහර විට දහවල හා රාති‍්‍රය එළඹීම සනිටුහන් කරන්නට ඔහු මුලින් ම ගසක පොත්තක කැපුමක් කරන්නට ඇති, නැත්නම් වැල් පොටකට ගැටයක් දැමීමෙන් සලකුණු කරන්නට ඇති. මෙය මුලින් ම කරන්නට ඇත්තේ දේශගුණයේ ඇති වන වෙනස්කම්, එනම් ඍතු වෙනස් වීම් තේරුම් ගැනීමට විය හැකියි. වගාවන් ඇරැඹිය යුතු කාලය තීරණය කිරීමටත්, සීත කාලයට කල් තියා සූදානම් වීමටත්, මෙසේ කාලය ගෙවන අයුරු ගැන සැලකිලිමත් වීම අවශ්‍ය යැයි එදා මිනිසා සිතන්නට ඇති. හිරු, සඳු හා තරුවල වෙනස් වීම් දෙස පරීක්ෂාවෙන් බැලූ මිනිසා ඒවායේ පිහිටීම දිවා ? ගෙවීමත් සමග වෙනස් වනු දකින්නට ඇති. එසේ ම ඔහු ගස්වැල්වල වෙනස්වීම් හා සතුන්ගේ චර්යාවන් ද නිරීක්ෂණය කරන්නට ඇති. පරිසරයේ මේ වෙනස්වීම් තේරුම් ගන්නට, කැලැන්ඩරයක් තැනීමේ අවශ්‍යතාව දැනෙන්නට ඇත්තේ මින් පසුවයි.

අප අද භාවිත කරන කැලැන්ඩරය යන වදන බිඳී ආවේ ‘කැලැන්ඬේ’ (kalendae) යන ලතින් වදනින්. ලතින් බසින් ඒ වදනෙහි අරුත ‘ගණන් තැබීමේ පොත’ යන්නයි. ඇත්තෙන් ම කැලැන්ඩරයෙන් කෙරෙන්නේ ද කාලය ගණන් තැබීමක්. කැලැන්ඩරය සඳහා අද අප සිංහලෙන් භාවිත කරන්නේ දින දර්ශනය හෙවත් දින දසුන යන්නයි.

දැනට සොයා ගෙන ඇති පරිදි ලොව පැරණිම කැලැන්ඩරය නිර්මාණය කිරීමේ ගෞරවය හිමි වන්නේ  බැබිලෝනියාවේ සුමේරියන්වරුන්ටයි. චන්ද්‍රයාගේ වෙනස් වීම් දෙස බලා චන්ද්‍ර මාස 12ක් ගත වීම වසරක කාලයක් ලෙස ගණනය කිරීමේ ගෞරවය හිමි වන්නේ ඔවුන්ටයි. මේ වර්ෂයත්, ඍතු වෙනස් වීම් මත සැකසුණු වර්ෂයත්, අතර වෙනසක් ඇති බව නිරීක්ෂණය කළ ඔවුන් එහි අඩුව පිරවීමට සෑම වසර හතරකට වරක් වැඩිපුර මාසයක් එක් කළා. මේ කැලැන්ඩරය තමයි, ආදි මිසර, ගී‍්‍රක හා සෙමටික් ජනයා කොපි කළේ. පසු කලෙක මිසර ජාතිකයන් ඍතු වෙනස් වීම්වලට හරියට ම ගැළපෙන කැලැන්ඩරයක් තැනීමට සමත් වුණා. මේ කාලයේ ලොව පුරා දියුණු ශිෂ්ටාචාරයන් හැම එකක ම එකිනෙකට සමාන කැලැන්ඩර භාවිතයට ගෙන තිබුණා. ඒ කැලැන්ඩර බොහොමයකට ම පදනම් වූයේ චන්ද්‍රයාගේ වෙනස් වීම් තමයි.

ඈත අතීතයේ දී විසූ දකුණු ඇමෙරිකානු ස්වදේශිකයන් වූ මායාවරුන් හා ඇස්ටෙක්වරුන් සතුව ඉතා දියුණු කැලැන්ඩර තිබුණා. මෙයින් මායාවරුන්ගේ කැලැන්ඩරය රටාවෙන් පුරාණ මැක්සිකෝවේ  හා මධ්‍යම ඇමෙරිකාවේ අනිකුත් රටවල කැලන්ඩරවලට සමාන වුණා. ඊට වසරකට දින 365කුත් ආගමික පුදපූජා වතාවත් අනුව නම් කළ දින 260කුත් තිබුණා. මේ දින 365 අවුරුද්දට දින 20 මාස 18ක් ඇතුළත් වුණා. වසර සම්පූර්ණ කරන්නට අසුබ දින 05ක් එකතු කෙරුණා. මේ කැලැන්ඩර වටය දින 18,980ක්, ඒ කියන්නෙ, අවුරුදු 52ක් නොකඩවා ගිය පසු එක් දිනක් එකතු කර නැවතත් අවුරුද්ද පටන් ගත්තා. ඇස්ටෙක් කැලැන්ඩරයත් මැක්සිකෝ නිම්නයේ අනෙක් ආදී කැලැන්ඩරවල ආභාසය ගත් නිසා මායාවරුන්ගේ කැලැන්ඩරයට සමාන වුණා.

ඉන්කාවරුන්ටත් සංකීර්ණ කැලැන්ඩරයක් තිබුණු බව කියතත් ඒ ගැන වැඩි යමක් තවමත් සොයා ගෙන නැහැ. ඉතිහාසඥයන් කියන විදියට ඉන්කා කැලැන්ඩරයට හිරු සඳු දෙදෙනාගේ ම නිරීක්ෂණ ඇතුළත් වෙනවා. ආගමික හා කෘෂිකාර්මික උත්සව පැවැත්වූ දින ඇතුළත් චන්ද්‍ර මාස 12ක් ඔවුන්ගේ කැලැන්ඩරයට එක් වී තිබුණා. ඔවුන්ගේ සතියකට දින 9ක් ඇතුළත් වුණා. සති තුනකින් තමයි මාසයක් සෑදුණේ. ඒ අනුව ඔවුන්ගේ චන්ද්‍ර මාසයට දින 27ක් ඇතුළත් වුණා. සෑම වසර 3කට වරක් එළඹෙන අවුරුද්දට මාස 13ක් එක් කළා. ඒ අනුව ඔවුන්ගේ වටයකට චන්ද්‍ර මාස 37ක් ඇතුළත් වුණා.  

පැරණි රෝමවරුන් භාවිත කළේත් හඳේ වෙනස්වීම් මත සැකසුණු කැලැන්ඩරයක් තමයි. ඒ කැලැන්ඩරයේ අවුරුද්දකට දින 355ක් තිබුණා. මාර්තු, මැයි, ජූලි හා ඔක්තෝබර් මාසවලට සමානව යෙදුන මාසවලට දින 31කුත්, පෙබරවාරි මාසයට දින 28කුත් සෙසු මාසවලට දින 29 බැගිනුත්  ඇතුළත් වුණා. සෑම වසර 4කට වරක් අතිරේක මාසයක් ද එක් කරනු ලැබුවා.

එක් අවුරුද්දකට එක් සතකු බැගින් නම් කළ කැලැන්ඩරයක් ලෝකයේ තවමත් භාවිත වෙනවා. ඒ තවත් ඉපැරණි ම කැලැන්ඩරයක්. පෙරදිග ලෝකයෙන් බිහි වූ පැරණිතම කැලැන්ඩරයක් වන මෙය අයත් වන්නේ චීන ජාතියටයි. මේ චීන කැලැන්ඩරයටත් පදක වී ඇත්තේ චන්ද්‍ර මාස ක‍්‍රමයමයි. ඊට එකක් හැර එකක් වශයෙන් දින 29 හා දින 30 ඇතුළත් මාස 12ක් අයත් වෙනවා. මේ චන්ද්‍ර වර්ෂයකට දින 364ක් අයත් වෙනවා. මේ කැලැන්ඩරය, සූර්ය කැලැන්ඩරය හා සම කරන්නට අවශ්‍ය දින එක යුදෙව් කැලැන්ඩරයේ එන ආකාරයට ඇතුළත එක් මාසයකට එකතු කෙරෙනවා. චීන කැලැන්ඩරයේ ඇති සුවිශේෂ ලක්ෂණයක් වන්නේ අවුරුදුවලට වෙන වෙන ම නම් යොදා තිබීමයි. පුරාණයේ සිට ම චීන ජාතිකයන් සතුන් 12 දෙනකුගේ නම්වලින් අවුරුද්ද හඳුන්වනවා. ඒ අවුරුදු එළඹෙන්නේ මේ අනු පිළිවෙළටයි. මීයා, ගවයා, ව්‍යාඝ‍්‍රයා, හාවා, මකරා, සර්පයා, අශ්වයා, බැටළුවා, වඳුරා, කුකුළා, බල්ලා හා ඌරා ආදී වශයෙනුයි.

දැන් ඔබට ප‍්‍රශ්නයක් ඇති කෝ සිංහල අපි පාවිච්චි කරන කැලැන්ඩරය කියලා.  අපගේ මීලග ලිපිය කියවන්න.

Comments

  1. කමෙන්ට් නොකලාට මේ හැම ලිපියක් ම ඉතාමත් කැමැත්තෙන් කියවනවා. ඊලග ලිපිය එනතුරු මමනම් බලාසිටින ගානට පත් වෙලයි ඉන්නෙ. තොරතුරු දැනගැනීම අතින් මම දැනට වැඩියෙන්ම ප්‍රියකරන්නෙ මේ බ්ලොග් අඩවියත් සත් සමුදුර බ්ලොග් අඩවියත් යන අඩවි දෙක.

    ReplyDelete

Post a Comment

Popular posts from this blog

ලෝකයේ වටිනාම මුද්දරය වෙන්දේසියට! දැනට ඇත්තේ ලෝකෙටම එකයි!

මුද්දර එකතු කිරීම (Philately) විනෝදාංශයක් වගේම හොඳ ආදායම් මාර්ගයක්. පුංචි වුණාට තැපැල් මුද්දරයක් කියන්නේ රටක ඉතිහාසය කියාපාන කැඩපතක්. රටකින් රටකට හොඳ හිත පතුරුවමින් යන සංස්කෘතික තානාපතිවරයෙක්!

ඒ වගේ පැරණි තැපැල් මුද්දරයක් එහි මුහුණත සඳහන් වටිනාකමට හුඟක් වැඩිවෙන වෙලාවල් තියෙනවා. එහෙම වෙන්නේ ඒවායේ ඇති දුලබකම නිසයි.

ඒ වගේ 1873 දී ලිපිගොනු ගොඩක් අස්සේ තිබී හමුවුණු පාවිච්චි කළ ශත එකේ තැපැල් මුද්දරයක් පසුව වෙළෙඳ පොළේ දී සිලිං හයකට විකුණුණා. බි‍්‍රතාන්‍ය ගයානාව (British Guiana) විසින් නිකුත් කළ ශත එකේ දම්පාට තැපැල් මුද්දරය (1c Magenta stamp) දැන් යළිත් වෙන්දේසිය සඳහා වෙළෙඳපොළට ඇවිත්. අද, වසර 141කට පසු, එයට මුද්දර වෙන්දේසියේ දී ඇමරිකන් ඩොලර් මිලියන 20ක මුදලක් ලැබේවි යැයි විශ්වාස කරනවා.

මෑතදී ‘ලොව වඩාත් වටිනාම මුද්දරය’ ලෙස හඳුන්වනු ලැබූ මේ පැති අටේ හැඩැති තැපැල් මුද්දරය 2014 ජූනි මාසයේ 17 වැනිදා ඇමරිකාවේ නිව්යෝක්හිදී ප‍්‍රසිද්ධ වෙන්දේසියේ විකිණීමට නියමිතයි.

මෙය දැනට ලෝකයේ සුරක්ෂිතව ඉතිරි වී ඇති මේ වර්ගයේ එකම මුද්දරය ලෙස සැලකෙනවා. මෙය නිකුත් කරන ලද්දේ 1856දියි. බි‍්‍රතාන්‍ය ගයානාවේ තැපැල් මහතා…

MH370 මැලේසියානු ගුවන්යාන අබිරහස! ලෝකයේ අබිරහස් ලෙස අතුරුදන් වුණු ගුවන්යානා 10 මෙන්න!

පසුගිය සතියේ (මාර්තු 8 වැනිදා) අතුරුදන් වූ පිසැරි අංක එම්එච්370 මැලේසියානු මගී ගුවන්යානයට වූ දේ තවමත් අබිරහසක්. රටවල් 10 ගුවන්යානා, නැව්, චන්ද්‍රිකා රැසක් මේ අබිරහස විසඳන්න තවමත් වෙහෙසෙනවා.

ඒත් මෙය දැනටමත් නොවිසඳෙන අබිරහසක් පත් වෙන ලකුණු පහළ වෙලා!

ලොව පළමු සෙල් ෆෝනය මේකද? වසර 75ක් පැරණි පින්තූරයේ රහස හෙළි වෙයිද?

බලන්න මේ තරුණිය ජංගම දුරකතනයක් කනේ තියා ගෙන පාර දිගේ කතා කර කර යනවා! අද නම් මේ වගේ දසුනක් ගමක පාරක වුනත් ඔබ දැක ඇතුවාට සැකයක් නැහැ. ඒත් මේ දර්ශනය කැමරාවට නඟා ඇත්තේ මීට අවුරුදු 75කට පෙරයි!

1938 දී ඇමෙරිකාවේ වීදියක ගමන් කළ මේ යුවතියගේ අතට වර්තමානයේ අප පාවිච්චි කරනා තාලේ සෙල් ෆෝනයක් (ජංගම දුරකතනයක්) ආවෙ කොහොමද?

ඒ කාලයේ මේ වගේ දෙයක් නිපදවීම තියා මෙවැන්නක් ගැන හිතලවත් නොතිබුණා නම් මෙම දර්ශනය චිත‍්‍රපටයකට ගත් නිර්මාණයක්ද? සමහර අය කීවේ චිත‍්‍රපටය තුළින් අනාගතය දැකීමක් ලෙස මෙම දසුන සලකන්න පුළුවන් කියලයි. අනාගතය පරිකල්පනය කළ අවස්ථා චිත‍්‍රපටවල ඕනෑ තරම් තිබුණා. මේ වගේ

මේ රූප පෙළ මේ වන විට යූටියුබ් (YouTube) එක හරහා ලක්ෂ තුනකට වැඩි වාර ගණනක් සංසරණය වෙලා තියෙනවා. වර්ණ චිත‍්‍රපට එන්නට පෙරාතුව කළු සුදු ක‍්‍රමයට කැමරාවට නගන ලද මෙහි රහස පසුගිය දා හෙළි වුණා. මෙම තරුණිය තමාගේ මීමිත්තණිය යැයි යුටියුබ් ග‍්‍රාහකයෙක් හෙළි කළා.

අනාගතයට යාමක් ද? මෙහි දැක්වෙන්නේ ඇමරිකාවේ ඩුපොන්ට් ආයතනයෙන් පිට වී යන තරුණ සේවිකාවන් පිරිසක්. එයින් එක් තරුණියක් අතේ ඇති ජංගම දුරකතනයකින් කතා කරමින් යනවා ඔබට පෙනෙනවා ඇති. වසර 75කට ප…

නස්රුදින්ගේ වේළීමේ රහස! අලුත්ම නස්රුදින් කතාවක්!

නස්රුදින්ගේ පොහොසත් මිතුරෙක් ඔහුට කතා කළා, ඒ මිතුරාත් ඔහුගේ පිරිසත් එක්ක දින කීපයක් තිස්සේ දඩයමේ යන්න. මුල් ම දවසේ ඔවුන් නස්රුදින්ට දුන්නෙ බොහොම හෙමින් යන අස්සයෙක්. දඩයමට යන්න පටන් අරන් වැඩි වේලාවක් ගියේ නෑ, හෙමින් ගිය අස්සයා නිසා නස්රුදින් හුඟක් පහුවුණා. නස්රුදින්ව පහු කරලා දාලා අනෙක් පිරිස ඈතට දඩයමේ ගියා.

දියණිය උපන් මොහොතේ පියා ගත් පින්තූරය අන්තර් ජාලය කළඹයි! වෛද්‍යවරයාගේ අතේ එල්ලී එළියට ආ ළදැරිය මෙන්න!

ජීවිතයේ විස්මිත මොහොතවල් ඡායාරූපයට නැඟීම වාසනාවත් එක්ක සිදු වන දෙයක්. එහෙම වාසනාවක් ලද මාපිය යුවලක් තමන් ගත් ජීවිතයේ අමතක නොවන පින්තූරය ‘මුහුණු පොතේ’ පළ කළා. මොහොතකින් එය අන්තර්ජාලය පුරා ‘කුණාටුවක්’ මෙන් හඹා ගියා.

මෙලොව එළිය දකින්න මොහොතකට පෙර පුංචි නෙවායි මව් කුස හිඳිමින් තම උදව්වට ආ වෛද්‍යවරයාගේ ඇඟිල්ලේ එල්ලූන හැටි!

හොල්මන් පින්තූර කතන්දර පෙළක්! මේවා දැකල බය වෙන්න එපා!

රාති‍්‍ර කාලයට අඳුරේ දී ඔබව බියපත් කරන හැම රටකටම, හැම සමාජයකම තියෙනවා. ඇත්තටම හොල්මන් තියෙනවා කියල ඔප්පු කරන්න හොල්මන්වල පින්තූර ගන්න අයත් ඉන්නවා. මේ ඒ විදියට ගත්තු පින්තූර පෙළක්!


අවුරුදු ගානක් තිස්සෙ විවිධ අවස්ථාවලදි ගත්තු පින්තූර තමයි, මේ තියෙන්නේ. මෙහි ඉන්නවා, ඝාතනය කළ වහල් සේවකයන්, රෝහල්වල වධබන්ධනවලට ලක්ව මියගිය රෝගීන්, අතීතයට එක් වූ මුහුදු නැවියන් ආදී නොයෙක් අය. මොවුන්ගේ හොල්මන් කතා අහපු බොහොම දෙනෙක් බියට පත් වුණා. තාමත් අහන අයගේ ඇඟ හිරි වැටෙනවා.

මුල්ම ඇපල් 1 පරිගණකය ලෝක වාර්තාවක් තියයිද? ඇපල් සමාගමේ ආරම්භය හෙළිකරන මෙතෙක් පළ නොවූ ඡායාරූපයක්!

ඇපල් පරිගණකය පටන් ගත් හැටි දැන් දකින කොටත් පුදුම හිතෙනවා. ඒ මුල් ම ඇපල් පරිගණකය අළෙවි කරන්න ගෙනියන්න පෙර පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුගිය දා ප‍්‍රථමවරට හෙළිදරවු වුණා.

මේ ඡායාරූපයට නගා තියෙන්නේ 1976 දියි. එතකොට ස්ටීව් ජොබ්ස්ට (Steve Jobs) වයස 21යි. ඔහුගේ මිතුරු ස්ටීව් වොස්නියැක් (Steve Wozniak) සමග එක්ව ඔවුන් දෙදෙනා මේ මුල්ම ඇපල් පරිගණක තැනුවේ ස්ටීව් ජොබ්ස්ගේ මාපියන්ගේ ගෙදර ගරාජයකයි. ඔවුන් ඒ තැනූ මූල් පරිගණක 50 තැන්පත් කරල තිබුණු ආකාරය දැක්වෙන මේ විරල ඡායාරූපය නිකුත් කරනු ලැබුවේ ලබන නොවැම්බර් 16 වැනිදා වෙන්දේසියට තැබෙන දැනට හොඳම තත්වයේ ඇති පැරණි ම ඇපල් පරිගණකය එළි දැක්වීම වෙනුවෙන්.

මෙය දැනට ලෝකයේ ඇති වටිනාම සන්නම ලෙස සැලකෙන ඇපල් පරිගණකයේ ආරම්භක තත්වය තේරුම ගන්නත් හොඳ අවස්ථාවක්. මේ සන්නමෙහි අද වටිනාකම පවුම් බිලියන 60ක්.

ඇපල් පරිගණකයේ ආරම්භය දැක්වෙන මේ කිසිදා එළියට නො පැමිණි ඡායාරූපයක්. ඒ මුල් ම ඇපල් පරිගණකය අළෙවි කරන්න ගෙනියන්න පෙර 1976 දී පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුග…

දුර්ලභ ගණයේ සේයා රුවක්! නවසීලන්තයේ ධීවරයකුගේ නවතම ගොදුරක්!

මෙය ලියැවෙන්නේ කලාතුරකින් හමු වන ඡායාරූපයක් ඔබ වෙත ඉදිරිපත් කරන්නයි. අන්තර් ජාලය පුරා මේ වන විටත් වැඩි දෙනකුගේ අවධානය දිනා ගෙන තියෙනවා.

මේ ඡායාරූපයෙන් කියැවෙන්නේ මිනීමරු සුදු මෝරකුගේ ඉරණම දැක්වෙන කතාවක්. පසුගිය සතියෙදි නවසීලන්තයේ මුහුදේදි ගත්තු එකක්.

මහා භූමිකම්පාවකින් පසු පාකිස්ථාන මුහුදෙන් මතු වූ ලෝකයේ අලූත් ම දූපත!

පසුගියදා පාකිස්ථානයේ ප‍්‍රබල භූමිකම්පාවක් ඇති වුණා. 7.8ක් වූ ඒ භූමිකම්පාවෙන් බලූකිස්ථානය අසල මුහුදේ අලූත් දූපතක් මතු වුණා. ලෝකයේ අලූත් ම දූපත එයයි.

සල්සාලා කෝහ් (Zalzala Koh) යනුවෙන් ඒ දූපත නම් කරලා තියෙනවා. දාල්බන්දින්වලට සැතැපම් 145ක් ගිනිකොන දෙසින් හටගත් මේ භූම්කම්පාව නිසා දැන් එය බලන්න සංචාරකයන් වගේම පාකිස්ථාන වැසියන් වැල නොකැඩි එනවා. ඒ දූපතටත් ගොඩ වෙනවා. ගිනිගන්නාසුලූ වායුව, විස දුම් ආදිය ඇති බව අනතුරු හැෙඟව්වත් ඒවා ගනන් නොගෙනයි, ඔවුන් එහි එන්නෙ.

ඒ දූපතේ පිපිරුණු මඩ, වැලි, ගල් මුසු බිම මත මුහුදු සතුන්ගේ මළ සිරුරු, විශේෂයෙන් ම මාළුන් මළකුණු පිරිලා තියෙනවා.

මෙන්න ලෝකයේ අලූත් ම දූපත අහසට පෙනෙන හැටි. මේ මඩ කන්ද මීටර් 15ක් 20ක් විතර උස ඇති. මිනිසුන්ට ඒ මත ඇවිද ගෙන යා හැකි තරමට එහි බිම ඝනකම් කියලයි, කියන්නෙ.

MH370 මැලේසියානු ගුවන්යාන අබිරහස : නියමුවාම යානය බලෙන් ගෙන ගියාද?

2014 මාර්තු 16 වැනිදා

අනතුරට පත් යානයේ නියමුවා වූ සහාරි අහමඞ් ෂා දේශපාලන උමතුවකින් පෙළෙන්නකු ලෙස දැන් සැක කරනවා. එම්එච්370 යානය නියමුවා ලෙස සේවයට වාර්තා කරන්නට පෙර ඔහු මැලේසියාවේ විරුද්ධ පක්ෂ නායකයා වූ අන්වර් ඒබ‍්‍රහම්ට එරෙහිව පැවති නඩු විභාගයට බලන්නට ගිය බවක් ෆෙඩරල් පරීක්ෂක නිලධාරින් කියනවා.