Skip to main content
malkakulu_youtube_page malkakulu_facebook_page

සිංහල පුවත්පත් කලාවේ නිහඬව විස්කම් දස්කම් පෑ ‘සුබේ’

මීට හරියටම වසර 55කට පෙර සිළුමිණ පත්‍රයේ කර්තෘ පදවියට පත් ඇස්. සුබසිංහ මහතා ඉන් පසුව දිනමිණ, නවයුගය, සතුට, මිහිර හා ලංකාදීප පත්‍රවල කර්තෘ පදවි දරා මීට වසර 15කට පෙර පෙබරවාරි 3 වැනිදා ජීවිතයෙන් සමුගත්තේය. ඒ මහතාගේ 88 වැනි ජන්ම දිනය යෙදී තිබුණේ 2020 මාර්තු 5 වැනිදාටය. එදින ඔහු ගැන ‘ලංකාදීප’ පුවත්පතේ විශේෂ අනුස්මරණ ලිපියක් පළ විය. එය ලියා තිබුණේ සරසවිය සංස්කාරකවරයකු වූ ඒ. ඩී. රන්ජිත් කුමාර විසිනි. මෙය මෙසේ පළ කෙරෙන්නේ ගුරු උපහාරයක් ලෙසිනි. (මේ සමග පළ වන ඡායාරූප ලංකාදීපයේ විශේෂාංගයේ තිබූ ඒවා නොවේ. අප විසින් එක් කරන ලද ඒවාය.)

පත්‍ර කලාවට පිවිසෙන පුද්ගලයන්ගේ ජීවිත බොහෝ විට ආලෝකවත් වන්නේ හෝ අඳුරු වන්නේ ඔවුන් අනුගමනය කරන ක්‍රියාපිළිවෙත අනුව වුව ද එයට දෛවය ද බලනොපාන්නේ නොවේ යයි විශ්වාසයක් සුබසිංහ මහතාගේ තිබුණි. 1953 වර්ෂයේ ලේක්හවුස් ආයතනයේ ජනතා කර්තෘ මණ්ඩලයට බැඳෙන විට ඔහු වයස අවුරුදු 21ක තරුණයෙකි. 1965 වසරේ සිළුමිණ කර්තෘ මීමන ප්‍රේමතිලක මහතාගේ අභාවයෙන් පසු 1965 වසරේ ඇස්. සුබසිංහ මහතා කර්තෘ පදවියට පත්විය. ඒ පිළිබඳව සුබසිංහයන් මෙසේ ලියා තිබුණි. (උපුටනය – සිළුමිණ ස්වර්ණ ජයන්ති අතිරේකය - 1980 මාර්තු 30)

සුබසිංහ මහතා විජය පුවත්පත් සමූහයේ ප්‍රධාන කර්තෘව සිටියදී

“1965 අවුරුද්දේ දී සිළුමිණ පත්‍රයේ කර්තෘ ලෙස මා පත්කරනු ලැබූ අවස්ථාවේදී එවකට ලේක්හවුස් අධිපතිව සිටි රංජිත් විජයවර්ධන මහතා මට කෙටි එහෙත් අරුත්බර උපදෙසක් දුන්නේය. එය මෙසේය. ‘මාව සතුටු කරන්න වුවමනාවක් නැහැ. ඔබේ පාඨකයන් සතුටු කරන්න. මට කියන්න ඇත්තේ එපමණයි.’ මේ උපදෙසට අනුකූල වන අයුරින් පාලක පක්‍ෂය ද කටයුතු කළේය. අපිදු එම උපදෙස අකුරටම පිළිපැදීමට හැකි සෑම උත්සාහයක්ම දැරුවෙමු. එපමණක් නොව ඉන් ලද ප්‍රතිඵල අපේ ඉමහත් සොම්නසට හේතු විය. අප ගිය ගමනේදී ගිරිදුර්ග, වනදුර්ග ආදී බාධක හමු නොවූයේ නොවේ. එහෙත් ඒවායින් ජය ගැනීමට අවශ්‍ය ශක්තිය අපට නොමඳව ලැබුණේ අප අතර පැවැති අසාමාන්‍ය සමගිය හා අධිෂ්ඨානය තුළිනි. එදා කර්තෘ මණ්ඩලයේ සිටි බෙනඩික්ට් දොඩම්පෙගම, ලක්ෂ්මන් ජයවර්ධන, පර්සි ජයමාන්න, පී.බී. ඉලංගසිංහ, එස්.ආර්. හේමපාල කිහිපදෙනකු නොව එක් අයකු යයි සිතෙන තරම් එකා මෙන් වැඩ කළ යුගය සිහිවන විට ඔවුන් හා එසේ වැඩ කිරීමට ලැබීම කොතරම් වාසනාවන්ත දැයි උදම් නොවී සිටිය හැකි ද?”

සුබසිංහ මහතා සිළුමිණ කර්තෘව සිටියදී

වැඩි වැඩ වැඩිවන අවස්ථාවලදී සුබසිංහයන් හා කර්තෘ මණ්ඩලය එක්වරම හඬ නගා කියවෙන නම් වට්ටෝරුවක් තිබී ඇත. ‘එදාට ගුණේටයි, ග්‍රැන්විල්ටයි එන්න කියමු.’ බෙනඩික්ට් දොඩම්පෙගම කියා ඇත. ගුණේ හෙවත් ඩොක්ටර් යන ආදර නමින් කියැවී ඇත්තේ පසු කලෙක සිළුමිණ නියෝජ්‍ය කතුවරයා වූ ඩබ්ලිව්.පී.කේ. ගුණවර්ධන හෙවත් කීර්ති ගුණවර්ධනය. ග්‍රැන්විල් යනු පසුව සරසවිය කර්තෘ ග්‍රැන්විල් සිල්වාය. සිකුරාදාට බොතේ නැතිව බැරිලු. බොතේ යනු පසු කලෙක සරසවිය කර්තෘ වූ ධර්මදාස බොතේජුය. සුබසිංහයන්ට වැඩ බහුල දින වන සිකුරාදාට ළඟින්ම සිට ඇත්තේ පසුව සිළුමිණ හා දිනමිණ කර්තෘ වූ ධර්මපාල වෙත්තසිංහ හා පසුව ලංකාදීප කර්තෘ වූ එල්මෝ ගුණරත්නය. ඡායාරූප කී සැණෙකින් මතකයට පැමිණ ඇත්තේ නිමල් පෙරේරා අභයවර්ධන හා එල්.ඊ. සමරරත්නය. චිත්‍ර ශිල්පීන් නම් ජී.එල්. ගෞතමදාස, තලංගම ජයසිංහ හා එස්.ආර්. හේමපාලය.

සුබසිංහ මහතා 1970 දිනමිණ කර්තෘවරයා විය. එදා දිනමිණේ කර්තෘ මණ්ඩලයේ සිටියේ පසු කාලයක පත්‍ර ලෝකයේ පෙරැළි කළ පිරිසකි. එඩ්මන්ඩ් රණසිංහ, සිසිරකුමාර මාණික්කආරච්චි, ජයවිලාල් විලේගොඩ, ජී.ඇස්. පෙරේරා, එඩ්වින් ආරියදාස, දයාසේන ගුණසිංහ, බන්දුල මෙත්තානන්ද, එන්.ජී. ධර්මවර්ධන, ඇල්බට් වැලිවිට, බන්දුල සරච්චන්ද්‍ර, හේමා වික්‍රමාරච්චි, යූ.ඩී.ඇල්. චන්ද්‍රතිලක, ඩී.සී. කරුණාරත්න, ඊ.ඒ. අමරසේන, කපිල පියදාස, ධර්මදාස බොතේජු, සොලමන් රණසිංහ, එන්.ටී.පී ද සිල්වා, පරනදු ජිනදස් ඇතුළු ජ්‍යෙෂ්ඨයන් සහ අජන්තා රණසිංහ, තිලකරත්න කුරුවිට බණ්ඩාර, ප්‍රභාත් මානවසිංහ, තිස්ස එදිරිසිංහ, එම්.ඩී.එච්. සිරිසේන, සිරි රණසිංහ, උපාලි අයි. ද සිල්වා, සරත් ප්‍රේමතිලක, උදය මානවසිංහ එවකට සිටි කනිෂ්ඨයෝය.

ධර්මපාල වෙත්තසිංහ, ආනන්ද ජයරත්න (සිනමා නළු), එල්මෝ ගුණරත්න, ඇස්. සුබසිංහ.

දිනමිණ පුවත්පතේ (1970–1973) කතුවරයා වූ සුබසිංහ මහතා දිනමිණ 75 ජයන්තිය වෙනුවෙන් 1984 දෙසැම්බර් 17 වැනිදා විශේෂ කලාපයට ලියමින් මෙසේ ලියා තිබුණි. “1973 ජුලි 18 වැනිදා මට පමණක් නොව එවකට ලේක්හවුසියේ සියලුම පත්‍ර කලාවේදීන්ට කිසිදා අමතක නොවනු ඇත. ලේක්හවුස් ආයතනය රජයට පවරා ගැනීමේ ගැසට් නිවේදනය නිකුත් වූයේ එදාය. අධ්‍යක්‍ෂ මණ්ඩලයට ගෙදර යන්නට සිදුවිය. සභාපති රංජිත් විජයවර්ධන මහතා ඇතුළු අධ්‍යක්‍ෂ මණ්ඩලය සියලුම සේවකයන්ගෙන් සමුගෙන නික්ම යනු අපි උඩුමහලේ ජනේල තුළින් ශෝකීව බලා සිටියෙමු. මහ භාරකාරතුමාගෙන් කලින් ලබාගත් විශේෂ අවසරයක් පිට විජයවර්ධන මහතා තම කාර්යාල සැරැසූ පිත්තල කැටයම් සහිත කළුවර පෙට්ටගම පමණක් ගෙදර ගෙන ගියේය.”

සුබසිංහ මහතා 1970 සිට 1973 දක්වා ද 1978 සිට 1979 දක්වා ද කර්තෘ පදවිය දැරීය. ‘සිළුමිණ’ පත්‍රයේ ස්වර්ණමය යුගය වූයේ සුබසිංහ මහතා එහි ප්‍රධාන කර්තෘ පදවිය දැරූ සමයයි. එකල එහි අති විශාල පිටපත් සංඛ්‍යාවක් අලෙවි වූ නිසා පත්‍රයේ මුල් පිටුවේ උඩින්ම ‘අග්නිදිග ආසියාවේ වැඩියෙන්ම විකිණෙන පුවත්පත’ යන පාඨය මුද්‍රණය විය.

අලුත් ඇසකින් ලෝකය බලන්නට යොමු කළ කතුවරයා ලෙස ජ්‍යෙෂ්ඨ මාධ්‍යවේදී පර්සි ජයමාන්න විසින් හඳුන්වනු ලැබූ මේ අමුතු කතුවර සුබසිංහ මහතා කවුද? ඇස්. සුබසිංහ නොහොත් සිරිවර්ධන සුබසිංහ හෙවත් සුබසිංහ ආරච්චිගේ සිරිවර්ධන සුබසිංහ 1932 මාර්තු 5 වැනිදා වේවැල්දෙණියේ උපත ලැබූ අතර ඔහු මූලික අධ්‍යාපනය ලබා ඇත්තේ පස්යාල එල්ලක්කල මහා විද්‍යාලයෙනි. පසුව ඔහු කොළඹ ආනන්ද විද්‍යාලයට ඇතුළත් වී ඇත.

සුබසිංහ මහතාගේ පියා වූයේ රජයේ ලිපිකරුවකු වූ හේරත් සිංඤ්ඤෝ සුබසිංහ මහතාය. මව වූ එමලින් නෝනා මහත්මිය, ගෘහිණියක වූ අතර දූවරුන් දෙදෙනකුගේ ද පුතුන් තිදෙනකුගේ ද මවක් වූවාය. සුබසිංහ මහතා පවුලේ බාලයාය.

සුබසිංහ මහතා සමග ආනන්ද විද්‍යාලයේ එකම පන්තියේ සිටි අය අතරින් ප්‍රවීණ රංගධර විජේරත්න වරකාගොඩ පාසල් ජීවිතයේ රසබර තොරතුරු අපට කීවේය.“අපි සුබේ යන ආදර නාමයෙන් කතා කළ පන්තියේ සිටි නිශ්ශබ්ද ළමයා ඔහුය. සුබේ සිංහල භාෂාවට, සාහිත්‍යයට, චිත්‍ර කලාවට කොතරම් දක්‍ෂයෙක් ද යත් පාසල් ත්‍යාග ප්‍රදානෝත්සවයේදී සිංහල හා චිත්‍ර කලාවට ත්‍යාග දිනාගත්තා. අපට ඉගැන්නූ ආර්. පල්ලෙවෙල, ඩබ්ලිව්.ඇස්. කරුණාරත්න, ඩී.බී. කුරුප්පු යන විද්වතුන් ඇසුරේ අපේ කාලය ගෙවුණේ. සිනමාවට, හින්දි චිත්‍රපට ගීත ඇසීමට ප්‍රිය කළ හතරදෙනෙක් අපේ පන්තියේ හිටියා. ජෝර්ජ් ලෙස්ලි රණසිංහ, එල්මෝ ගුණරත්න, සුබේ හා මම.

"මම තලාත් මෙහෙමුඩ්ගේ සින්දු කියනකොට ජෝර්ජ් ලෙස්ලි මුකේෂ්ගේ සින්දු කියනවා. සුබෙයි, එල්මෝයි තාලේ අල්ලනවා. අපි හතරදෙනාගේම ප්‍රියතම නළුවා දිලිප් කුමාර්. ඒ කාලේ ආපු හැම හින්දි චිත්‍රපටයක්ම අපි බැලුවා. අපේ පන්තියේ හිටපු අනිත් ශිෂ්‍යයන් අතර ආරිය රාජකරුණා, එම්.එච්. ගුණතිලක පසුව විශ්වවිද්‍යාල මහාචාර්යවරු වුණා. ධර්මසිරි සේනානායක ඇමැතිවරයකු වුණා. දයානන්ද ගුණවර්ධන නාට්‍ය කලාවෙන් බැබලුණා. සුබේ, ජෝර්ජ්, එල්මෝ ලංකාදීප කර්තෘවරු වුණා. කුමාරදාස ජයසේකර ලංකාදීපෙ නියෝජ්‍ය කර්තෘ වුණා. නිහාල් රත්නායක ඩේලි නිව්ස් කර්තෘ වුණා. එස්.ආර්. හේමපාල ලේක්හවුස් හි ප්‍රධාන චිත්‍ර ශිල්පියකු වුණා. වරක් සුබේ ආනන්දේ නිර්මාණාත්මක අංශයේ ඉහළම ත්‍යාගය වූ සිවගුරුනාදන් සම්මානය දිනාගත්තා.”

ජ්‍යෙෂ්ඨ මාධ්‍යවේදී එල්මෝ ගුණරත්නයෝ සුබසිංහ නම් පන්ති මිතුරා ගැන මෙසේ කීහ. “සුබේ ආනන්දයට ආවේ වේවැල්දෙණියේ ඉඳලා. මම ගම්පහ ඉඳලා. ලේක්හවුස් එකේ මම වැඩට ගියේ සුබේට පස්සේ. මගේ පත්තර ජීවිතයේ ගුරුවරයා සුබේ. ලිවීමට වගේම සියුම් චිත්‍ර කලාවට සුබේට අපූරු හැකියාවක් තිබුණා. මම විවාහ වෙනකොට මංගල පෝරුව හදල දුන්නේ සුබේ. ආනන්දේ එක පන්තියේ හිටපු සුබේ, එස්.ආර්. හේමපාල හා මම ලේක්හවුසියේ එකට හිටපු කාලය හරිම රසවත්.”

ජ්‍යෙෂ්ඨ මාධ්‍යවේදී එඩ්මන් රණසිංහ මහතා කීවේ සුබසිංහ මහතා උපහාසයට, හාස්‍යයට කැමැති නිහතමානී චරිතයක් බවය. සුබේ මතක් වෙනකොටම තව නම් තුනක් ගැන ද කියන්න වෙනවා. ඒ බෙනඩික්ට් දොඩම්පෙගම, පර්සි ජයමාන්න හා පී.බී. ඉලංගසිංහ බව ද රණසිංහ මහතා පැවැසුවේය. “සුබසිංහ මහතාට අපි කතා කළේ සුබේ කියලා. සුබේ නිතරම සිනාමුසු හඬකින් මට නොතාරිස් රාලහාමි යයි කියන්නට පුරුදු වුණා. මෙය හුදෙක් විහිළු මෙන්ම විනෝදකාමී එකක් ලෙස මම සැලකුවා. අපි දෙදෙනාම ගම්බද පළාත්වලින් පැමිණි දෙදෙනකු වූ නිසා රාලහාමි යන වචනය අලුත් දෙයක් වුණේ නැහැ. සුබේ මට මෙසේ කීවේ මම හැමවිටම ලියමින් සිටි නිසා බව ඉලංගසිංහගෙන් දැනගන්න ලැබුණා. අපි දෙදෙනාම සුබේගේ විහිළු බසින් විනෝද වුණා.”

සුබසිංහ මහතාගේ නම කියන විටම ඊළඟට මතක් වන නම පර්සි ජයමාන්නය. සුබසිංහ මහතා ගැන ගුවන්විදුලියෙන් විනාඩියක් කතා කරන තරඟකරුවකු පර්සි කියන නම තහනම් වචනය වන තරමට පර්සි, සුබසිංහ මහතාගේ අගසව්ය. රංජිත් විජයවර්ධන මහතා විජය පුවත්පත් සමාගම ආරම්භ කරන්නේ සුබසිංහ මහතා හා ඔහුගේ අගසව් පර්සි ජයමාන්න මහතාත් සමගය. ඉන්පසු රෝලන්ඩ් අබේසිංහ, සරත් ටෙනිසන්, දසනායක යන මහත්වරුන් සම්බන්ධ කරගත් අතර කර්තෘ මණ්ඩලයට ලක්ෂ්මන් ජයවර්ධන හා දෙල්තොට චන්ද්‍රපාල යන මහත්වරු සම්බන්ධ වූහ.

1980 වර්ෂයේ මාර්තු 21 වැනිදා ‘සතුට’, අප්‍රේල් 30 වැනිදා ‘සිරිකත’, ජූලි 20 වැනිදා ‘විජය’ පුවත්පත, විජය පුවත්පත් සමාගම ආරම්භ කළ අතර 1983 වසරේ ජූලි 21 වැනිදා ‘තරුණයා’ ද 1984 වසරේ ‘සුරතලා’, 85 වසරේ ‘ලිට්ල් ස්ටාර්’ පුවත්පත ද 1986 වසරේ පෙබරවාරි 23 වැනිදා ‘ඉරිදා ලංකාදීප’ පත්‍රය ද 1989 වසරේ ජුනි මාසයේ පෙබරවාරි 23 වැනිදා ‘වනිතා විත්ති’ පත්‍රය ද ආරම්භ කර ඇත.

1987 පෙබරවාරි මාසයේ සුබසිංහ මහතා ඉවත් වූයේය. එහෙත් ඉන්පසු ‘පලාමල්ල’ නම් තීරු ලිපිය වසර ගණනක් ‘ලංකාදීප’ පත්‍රයට රචනා කළේය. ඒ තීරු ලිපි අතර මහාචාර්ය සිරි ගුණසිංහ විසින් අයි.ටී.එන්. නාලිකාවට නිර්මාණය කළ ‘ගුත්තිලය’ නම් ටෙලි නාට්‍යය නිර්දය ලෙස විචාරයට ලක්කළේ ගුත්තිලයේ කවි රිද්මය අනුගමනය කරමිනි.

ඉරිදා ලංකාදීපයෙහි සුබසිංහ සූරීන්ට විශේෂත්වයක් හිමිවන්නේ එහි දෙවැනි උපතට උර දුන් විජය ප්‍රකාශන කර්තෘ මණ්ඩලයේ ආරම්භක නියමුවා වීම නිසා බව පැවැසූ ජ්‍යෙෂ්ඨ මාධ්‍යවේදී ශබ්දකෝෂ විශ්වකෝෂ සංස්කාරකවරයකු ලෙස මහා මෙහෙයක් කරන පර්සි ජයමාන්න මෙසේ ද කීය. “1979 දී දිනමිණ කර්තෘ පදවිය අත්හැර ආවේ නිදහස් ජාතික පුවත්පතක් ඇරැඹීමට රංජිත් විජයවර්ධන මහතාට අවශ්‍ය නිසා. සුබසිංහයන්ගේ සිහිනයක්ව තිබූ සිහිනයක් සැබෑ කරමින් සතුට, විජය, සිරිකත, සිසුමිණ, ඉරිදා ලංකාදීප පත්‍රය මෙහෙයවීමේ අවස්ථාව ලැබුණා. චාලි චැප්ලින් කෙනකු නොවූවත් ඔහු හැම දෙයක් දෙසම අපහාසයෙන් නොව උපහාසයෙන් බලන්න සමත් වුණා.”

ඉරිදා ලංකාදීප පත්‍රයේ නියෝජ්‍ය කර්තෘ පී.බී. ඉලංගසිංහයන් අපට කීවේ සුබසිංහ මහතා වචනයේ පරිසමාප්තාර්ථයෙන්ම මහත්මයකු බවය. “සුබසිංහ මහතා මගේ ගුරුවරයා. ජනතා පත්‍රයේ සිටි මම 1965 සිළුමිණ කර්තෘ මණ්ඩලයට අරන් මට ගුරුහරුකම් දීලා මට අතහිත දුන්නේ ඔහු. මගේ වැඩිමහල් සොහොයුරකු වූ ටිකිරි බණ්ඩා ඉලංගසිංහ ආනන්දේ ඉගෙන ගත්තේ සුබසිංහ මහත්තයා එක්ක.” පී.බී. අපට කීය.

සුබසිංහ මහතාගේ ගමේ මිතුරන්, හිතවතුන් අතර වේවැල්දෙණියේ රබර් හා පෝර ස්ටෝරුව අයිති ජයසුමන රාලහාමි ද විශ්‍රාමික විදුහල්පති සෝමවර්ධන හා ගුණසේකර රාලහාමි ද වෙයි. ජයසුමන රාලහාමි අපට කී කතාවකි මේ. “සුබසිංහ මහත්තයා මෙච්චර වටින පත්‍ර කර්තෘ කෙනකු බව ගමම දැනගත්තේ ඒ මහත්තයා මියගියාට පස්සේ. එතුමා රසට කෑම උයන්න දන්න බව අපි දැනගත්තේ විනෝද ගමන් ගිය අවස්ථාවල. ‘මහත්තයාගේ කෑම රසයි’ කිව්වාම ‘මම හොඳ කෝකියෙක් රාලහාමි දන්නේ නැති වුණාට’ කියලා හිනාවෙනවා.දවසක් සුබසිංහ මහත්තයාගෙන් ගැමියෙක් මෙහෙම ඇහැව්වා. ‘හොඳයි මහත්තයට පුළුවන් ද හරක් බඳින්න? ගහකට යන්න? පොල් අත්තක් බඳින්න? ගහකට නගින්න? හාන්න? මහත්තයා ගමට ඒ නිසා ප්‍රයෝජනවත් නෑ.’ ‘ඒ එකක්වත් බැහැ. ඇත්තමයි මුන්නැහේ කිව්වේ?’ සුබසිංහ මහත්තයා කිව්වා. ‘මහත්තයා දන්නේ පෑනෙන් කරන වැඩ’ ගැමියා හිනාවෙලා ගියා.

සුබසිංහ මහත්තයා විහිළුවෙන් දවසක් මෙහෙම කිව්වා. ‘මට වෙන කිසිම රෝගයක් නෑ, හෘද රෝගය හැර. ඒක වාසනාවන්ත රෝගයක්.’ සුබසිංහ මහත්තයා මේ නිසා ඔපරේෂන්වලට යන්න කැමැති වුණේ නෑ. ‘මට තියෙන්නේ ලෙඩ අතරින් හොඳ ලෙඩක්. ඉක්මනින් මැරෙන ලෙඩක්.’ සුබසිංහ මහත්තයා මරණයටත් හිනා වුණා.” ජයසුමන රාලහාමිට කී පරිදිම සුබසිංහ මහතා 2005 පෙබරවාරි 3 වැනිදා මියගියේය.

දිනමිණ, සිළුමිණ හා ජනතා කතු මඬුලුවල සේවය කළ පුවත්පත් කලාවේදීන් එක් වූ අවස්ථාවක්. වමේ සිට දකුණට (වාඩි වී) එල්. ඊ. සමරරත්න, ජී. එස්. පෙරේරා, ඇස්. සුබසිංහ, බෙනඩික්ට් දොම්පෙගම ජී. ටී. වික්‍රමසිංහ, (පසු පෙළ) පී. බී. ඉලංගසිංහ, එන්.ජී. ධර්මවර්ධන, උපාලි තෙන්නකෝන්, තලන්ගම ජයසිංහ, ගාමිණී සුමනසේකර, අතුල මංචනායක, රාජා පෙ‍ෙර්රා, ලක්ෂ්මන් ජයවර්ධන, සිරි රණසිංහ, ඩී. බී. ලියනගේ, ඉදිරි පෙළ පර්සි ජයමාන්න හා සුනිල් මාධව ප්‍රේමතිලක.

සුබසිංහ මහතා චිත්‍රපට විචාරකයකු බව දන්නේ කීදෙනා ද? ‘සුරතලී’, ‘දෛවයෝගය’ චිත්‍රපට ගැන සිළුමිණට චිත්‍රපට විචාර ලියූ සුබසිංහ මහතා අවසන් වරට චිත්‍රපට විචාරයක් කළේ 1970 වසරේ දිනමිණ කර්තෘ ලෙස’ නිම්වළල්ල’ සිනමා පටය සඳහාය. දිනමිණ පත්‍රයේ නිත්‍ය චිත්‍රපට විචාරකයා වූ ජයවිලාල් විලේගොඩ සිටියදී පත්‍රයේ ප්‍රධාන කර්තෘ සුබසිංහ මහතා සතියකට පමණ පසු ‘නිම්වළල්ල ජයග්‍රාහක පියවරක්’ නමින් චිත්‍රපට විචාරයක් ලියා තිබුණි. එහි මෙසේ සඳහන් කර තිබුණි.

“සුනිල් මාධව ප්‍රේමතිලක ලියා ඇති කතාව තිරය මත කියා පෑමට රංජිත් ලාල් සිනමා මාධ්‍ය නිසියාකාරව උපයෝගී කරගෙන තිබෙන අන්දම ගැන සලකා බලන විට ‘නිම්වළල්ල’ සිංහල චිත්‍රපටයකැයි හඳුන්වනවාට වඩා සිනමා චිත්‍රපටයකැයි හැඳින්වීම වඩාත් මැනවැයි මට සිතේ. චිත්‍රපට කතාව විකාශනය වීමට රංජිත් කුමාරගේ පසුබිම් නිර්මාණය ඉමහත් රුකුලක් වී ඇත. අධ්‍යක්‍ෂ රංජිත් ලාල්, කතා රචක සුනිල් මාධව ප්‍රේමතිලක, කලා අධ්‍යක්‍ෂ රංජිත් කුමාර සහ කැමරාව මෙහෙය වූ ඩිල්මන් ජයරත්න අතරින් මගේ මනසෙහි මැවී පෙනෙන්නේ ළාබාල ගැටවරයන් හතරදෙනකු මෙන් නොව ජීවිතය ගැන පුළුල් අත්දැකීම් ලත් විවේක බුද්ධියක් හා අවබෝධ ඥානයෙන් යුතුව සානුකම්පිතව සමාජ ප්‍රශ්න දෙස බලන වෘද්ධයින් හතරදෙනකු ලෙසිනි.” 1969 ලේක්හවුසියට බැඳුණු මා ආනන්දයේ සිටියදී එම වසරේම නිපද වූ නිම්වළල්ල චිත්‍රපටය ගැන සුබසිංහ මහතා ආදි ආනන්දියකු ලෙස ලියූ එම විචාරයට කෘතගුණ සැලකීමටයි මේ ඡේදය එකතු කළේ. සුබසිංහ මහතාට නිවන් සුව...!

ඒ.ඩී රන්ජිත් කුමාර

Comments

  1. 1970 දිනමින කතෘ මණ්ඩලයේ නම් ලැයිස්තුව දැක්කාම හිතෙන්නේ කතෘ මණ්ඩලය යනු කතෘ වරුන්ගෙන් සැදුම් ලත් මණ්ඩලයක් යැයි කියාය!

    ReplyDelete
  2. ඒක හරි! 1970 දිනමිණ හා සිළුමිණ කර්තෘ මණ්ඩලවල සිටි අය තමයි ඊට පස්සෙ ආරම්භ කළ පුවත්පත්වල කර්තෘ පදවි ඉසිලුවේ.

    ReplyDelete

Post a Comment

Popular posts from this blog

වත්මන් ළමා ගී පරපුරේ ආරම්භකයා - ශී‍්‍ර රූපදේව කවීන්ද්‍ර ආනන්ද රාජකරුණා

‘රෝස මලේ නටුවෙ කටූ - වන බමරෝ ඔහොම හිටූ
නටුව නොවේ මල සිඹිමී - මම ළමයෝ පැණි උරමී’

යනුවෙන් ළමයකුත්, වන බමරකුත් අතර සංවාදයක් ආකාරයෙන් ලියා ඇති කුඩා කවිය අදත් අපේ දරුවන් අතරත් වැඩිහිටියන් අතරත් එකසේ ජනපි‍්‍රය ළමා කවකි. ළමයින්ට කවි ලිවීම අරභයා ආනන්ද රාජකරුණා (1885-1957) කවියා දැක්වූ දක්ෂතාව මැන ගැනීමට එම කව ම ප‍්‍රමාණවත්ය. ළමයින් සඳහා විවිධ මට්ටමේ කව් රැසක් ආනන්ද රාජකරුණා විසින් අපේ ළමා පරපුරට දායාද කර තිබේ.


කි‍්‍ර.ව. 1885 ජනවාරි 7 වැනිදා ගාල්ලේ මහදම්පාගම රාල්ලාගේ වත්තේ දී උපන් ඔහුගේ උපත් නාමය ‘ඇල්ෆ්‍රෙඞ්’ වුවද ඔහු පසු කලෙක ඒ වෙනුවට ‘ආනන්ද’ නාමය යොදා ගත්තේය. ගම්මුලාදෑනි මෙන්ම ගමේ වෙද මහතා ද වූ විජය වර්ණකුල චාර්ල්ස් තාබ්‍රෙව් රාජකරුණා ඔහුගේ පියාය. මව හෙලේනා ද ලිවේරා කරුණාරත්න වූවාය. ඔහු පස් හැවිරිදි කල මුලින්ම සිංහල උගන්වන ලද්දේ මවගේ සොහොයුරා වූ ජෝශප් ද ලිවේරා කරුණාරත්න විසිනි.

අකුරල සිංහල පාසලෙන් මූලික අධ්‍යාපනය ලැබූ ඔහු මාදම්පේ මිෂනාරි පාසලින් ඉංගී‍්‍රසි අධ්‍යාපනය ලැබීය. ඉන්පසු පූජ්‍ය මාදම්පේ ධම්මතිලක හිමියන් වෙතින් සිංහල බස වැඩිදුර උගත්තේය. සිරි සුමන වංශාලංකාර පේමරතන හිමියන්ගෙන් පාලි හා…

දුර්ලභ ගණයේ සේයා රුවක්! නවසීලන්තයේ ධීවරයකුගේ නවතම ගොදුරක්!

මෙය ලියැවෙන්නේ කලාතුරකින් හමු වන ඡායාරූපයක් ඔබ වෙත ඉදිරිපත් කරන්නයි. අන්තර් ජාලය පුරා මේ වන විටත් වැඩි දෙනකුගේ අවධානය දිනා ගෙන තියෙනවා.

මේ ඡායාරූපයෙන් කියැවෙන්නේ මිනීමරු සුදු මෝරකුගේ ඉරණම දැක්වෙන කතාවක්. නවසීලන්තයේ මුහුදේදි ගත්තු එකක්.


නවසීලන්තයෙන් මාළු අල්ලන්න මූදු ගිය බෝට්ටුක හිටි ධීවරයකුගෙ කැමරාවට තමයි මේ පින්තූරය අහුවුණේ. ඔහුට අහුවුණු මාළුවා අත අරින්න සිද්ධ වුණා. ඒත් ඔහු අල්ල ගත්තු ‘ගොදුර’ නරක නෑනේද? ඒ ගොදුරට මිනීමරු සුදු මෝරුන් දෙදෙනකුම අහුවෙලා!

මේ පින්තූරය ලෝක ප‍්‍රකට විද්‍යාඥ චාල්ස් ඩාවින්ගේ පරිණාමවාදයේ එන උචිතෝන්නති නියමය, ඒ කියන්නේ සත්ව ලෝකයේ දී ශක්තිවන්තයා ඉතිරි වෙනවා (survival of the fittest) යන න්‍යාය ඔප්පු කළ අවස්ථාවක් හැටියට දක්වන්න පුළුවන්.

නවසීලන්තයේ කයිටෙරිටෙරී අසල මුහුදේ දී අල්ලන ලද සෑහෙන පමණ විශාල මේ මෝරා ඒ මොහොතේම එහි ආ තවත් ඊට වඩා විශාල මෝරකු විසින් ඩැහැ ගත් ආකාරය ඔහු විසින් කැමරාවට නගා තිබුණා.

පරිගණක කී‍්‍රඩාවක එන රාක්ෂයකු වූ මැන්කියුබස් (Mancubus) නමින් තමයි, මේ ඡායාරූපය අන්තර්ජාලයට මුදා හැර තියෙන්නෙ.

ඒ ධීවරයාට තමා ඇල්ලූ මෝරා බෝට්ටුව මතට ඇද ගන්න වෙලාවක් තිබුණෙ …

ලෝකයේ වටිනාම මුද්දරය වෙන්දේසියට! දැනට ඇත්තේ ලෝකෙටම එකයි!

මුද්දර එකතු කිරීම (Philately) විනෝදාංශයක් වගේම හොඳ ආදායම් මාර්ගයක්. පුංචි වුණාට තැපැල් මුද්දරයක් කියන්නේ රටක ඉතිහාසය කියාපාන කැඩපතක්. රටකින් රටකට හොඳ හිත පතුරුවමින් යන සංස්කෘතික තානාපතිවරයෙක්!

ඒ වගේ පැරණි තැපැල් මුද්දරයක් එහි මුහුණත සඳහන් වටිනාකමට හුඟක් වැඩිවෙන වෙලාවල් තියෙනවා. එහෙම වෙන්නේ ඒවායේ ඇති දුලබකම නිසයි.

ඒ වගේ 1873 දී ලිපිගොනු ගොඩක් අස්සේ තිබී හමුවුණු පාවිච්චි කළ ශත එකේ තැපැල් මුද්දරයක් පසුව වෙළෙඳ පොළේ දී සිලිං හයකට විකුණුණා. බි‍්‍රතාන්‍ය ගයානාව (British Guiana) විසින් නිකුත් කළ ශත එකේ දම්පාට තැපැල් මුද්දරය (1c Magenta stamp) දැන් යළිත් වෙන්දේසිය සඳහා වෙළෙඳපොළට ඇවිත්. අද, වසර 141කට පසු, එයට මුද්දර වෙන්දේසියේ දී ඇමරිකන් ඩොලර් මිලියන 20ක මුදලක් ලැබේවි යැයි විශ්වාස කරනවා.

මෑතදී ‘ලොව වඩාත් වටිනාම මුද්දරය’ ලෙස හඳුන්වනු ලැබූ මේ පැති අටේ හැඩැති තැපැල් මුද්දරය 2014 ජූනි මාසයේ 17 වැනිදා ඇමරිකාවේ නිව්යෝක්හිදී ප‍්‍රසිද්ධ වෙන්දේසියේ විකිණීමට නියමිතයි.

මෙය දැනට ලෝකයේ සුරක්ෂිතව ඉතිරි වී ඇති මේ වර්ගයේ එකම මුද්දරය ලෙස සැලකෙනවා. මෙය නිකුත් කරන ලද්දේ 1856දියි. බි‍්‍රතාන්‍ය ගයානාවේ තැපැල් මහතා…

හොල්මන් පින්තූර කතන්දර පෙළක්! මේවා දැකල බය වෙන්න එපා!

රාති‍්‍ර කාලයට අඳුරේ දී ඔබව බියපත් කරන හැම රටකටම, හැම සමාජයකම තියෙනවා. ඇත්තටම හොල්මන් තියෙනවා කියල ඔප්පු කරන්න හොල්මන්වල පින්තූර ගන්න අයත් ඉන්නවා. මේ ඒ විදියට ගත්තු පින්තූර පෙළක්!


අවුරුදු ගානක් තිස්සෙ විවිධ අවස්ථාවලදි ගත්තු පින්තූර තමයි, මේ තියෙන්නේ. මෙහි ඉන්නවා, ඝාතනය කළ වහල් සේවකයන්, රෝහල්වල වධබන්ධනවලට ලක්ව මියගිය රෝගීන්, අතීතයට එක් වූ මුහුදු නැවියන් ආදී නොයෙක් අය. මොවුන්ගේ හොල්මන් කතා අහපු බොහොම දෙනෙක් බියට පත් වුණා. තාමත් අහන අයගේ ඇඟ හිරි වැටෙනවා.

MH370 මැලේසියානු ගුවන්යාන අබිරහස! ලෝකයේ අබිරහස් ලෙස අතුරුදන් වුණු ගුවන්යානා 10 මෙන්න!

පසුගිය සතියේ (මාර්තු 8 වැනිදා) අතුරුදන් වූ පිසැරි අංක එම්එච්370 මැලේසියානු මගී ගුවන්යානයට වූ දේ තවමත් අබිරහසක්. රටවල් 10 ගුවන්යානා, නැව්, චන්ද්‍රිකා රැසක් මේ අබිරහස විසඳන්න තවමත් වෙහෙසෙනවා.

ඒත් මෙය දැනටමත් නොවිසඳෙන අබිරහසක් පත් වෙන ලකුණු පහළ වෙලා!

මැලේසියානු ගුවන් සේවයට අයත් බෝයිං 777 එම්.එච්. 370 මගී යානය අබිරහස් ලෙස අතුරුදන් වූයේ ඉකුත් 8 වැනිදා මැලේසියානු වේලාවෙන් මධ්‍යම රාති‍්‍ර 12.21 ට පමණය. ඒ අවස්ථාවේදී යානය චීනයේ බීජීං නුවර බලා පියාසර කරමින් තිබුණේය. ඒ මොහොතේ සිට ආරම්භ කළ සෝදිසි මෙහෙයුම් තවමත් අවසන් නැත.

දැනට හෙළිදරවු වී තියෙන්නේ සොරකම් කළ පාස්පෝට් දෙකකින් දෙදෙනකු ඒ යානයේ ගමන් කර තිබෙන බවයි. ඒ පාස්පෝට්වල සැබෑ අයිතිකරුවන් නිරුපද්‍රිතව ඉන්නා බව බලධාරීන්ට දැනටමත් දැනුම් දී තියෙනවා.


ඒ අතර වියට්නාමයේ නාවික හමුදාව සොයා ගෙන තියෙනවා මහමුහුද මැද සැතැපුම් 12ක් දිග තෙල් පැල්ලමක්! එය එම්එච්370 මැලේසියානු මගී ගුවන්යානය කඩා වැටීමෙන් ඇති වූවක් කියලා දැනට සැක කරනවා. යානයේ ඇති සෙල්ෆෝන් කීපයක් නාද වෙන බව සොයා ගෙන තියෙනවා. ඒ ඔස්සේ යානය වැටුණු තැන සොයා ගන්නයි, දැන් වෑයම් කරන්නේ.


යානයක් ගිනිගෙන අහ…

නස්රුදින්ගේ වේළීමේ රහස! අලුත්ම නස්රුදින් කතාවක්!

නස්රුදින්ගේ පොහොසත් මිතුරෙක් ඔහුට කතා කළා, ඒ මිතුරාත් ඔහුගේ පිරිසත් එක්ක දින කීපයක් තිස්සේ දඩයමේ යන්න. මුල් ම දවසේ ඔවුන් නස්රුදින්ට දුන්නෙ බොහොම හෙමින් යන අස්සයෙක්. දඩයමට යන්න පටන් අරන් වැඩි වේලාවක් ගියේ නෑ, හෙමින් ගිය අස්සයා නිසා නස්රුදින් හුඟක් පහුවුණා. නස්රුදින්ව පහු කරලා දාලා අනෙක් පිරිස ඈතට දඩයමේ ගියා.

ලොව පළමු සෙල් ෆෝනය මේකද? වසර 75ක් පැරණි පින්තූරයේ රහස හෙළි වෙයිද?

බලන්න මේ තරුණිය ජංගම දුරකතනයක් කනේ තියා ගෙන පාර දිගේ කතා කර කර යනවා! අද නම් මේ වගේ දසුනක් ගමක පාරක වුනත් ඔබ දැක ඇතුවාට සැකයක් නැහැ. ඒත් මේ දර්ශනය කැමරාවට නඟා ඇත්තේ මීට අවුරුදු 75කට පෙරයි!

1938 දී ඇමෙරිකාවේ වීදියක ගමන් කළ මේ යුවතියගේ අතට වර්තමානයේ අප පාවිච්චි කරනා තාලේ සෙල් ෆෝනයක් (ජංගම දුරකතනයක්) ආවෙ කොහොමද?

ඒ කාලයේ මේ වගේ දෙයක් නිපදවීම තියා මෙවැන්නක් ගැන හිතලවත් නොතිබුණා නම් මෙම දර්ශනය චිත‍්‍රපටයකට ගත් නිර්මාණයක්ද? සමහර අය කීවේ චිත‍්‍රපටය තුළින් අනාගතය දැකීමක් ලෙස මෙම දසුන සලකන්න පුළුවන් කියලයි. අනාගතය පරිකල්පනය කළ අවස්ථා චිත‍්‍රපටවල ඕනෑ තරම් තිබුණා. මේ වගේ

මේ රූප පෙළ මේ වන විට යූටියුබ් (YouTube) එක හරහා ලක්ෂ තුනකට වැඩි වාර ගණනක් සංසරණය වෙලා තියෙනවා. වර්ණ චිත‍්‍රපට එන්නට පෙරාතුව කළු සුදු ක‍්‍රමයට කැමරාවට නගන ලද මෙහි රහස පසුගිය දා හෙළි වුණා. මෙම තරුණිය තමාගේ මීමිත්තණිය යැයි යුටියුබ් ග‍්‍රාහකයෙක් හෙළි කළා.

අනාගතයට යාමක් ද? මෙහි දැක්වෙන්නේ ඇමරිකාවේ ඩුපොන්ට් ආයතනයෙන් පිට වී යන තරුණ සේවිකාවන් පිරිසක්. එයින් එක් තරුණියක් අතේ ඇති ජංගම දුරකතනයකින් කතා කරමින් යනවා ඔබට පෙනෙනවා ඇති. වසර 75කට …

දියණිය උපන් මොහොතේ පියා ගත් පින්තූරය අන්තර් ජාලය කළඹයි! වෛද්‍යවරයාගේ අතේ එල්ලී එළියට ආ ළදැරිය මෙන්න!

ජීවිතයේ විස්මිත මොහොතවල් ඡායාරූපයට නැඟීම වාසනාවත් එක්ක සිදු වන දෙයක්. එහෙම වාසනාවක් ලද මාපිය යුවලක් තමන් ගත් ජීවිතයේ අමතක නොවන පින්තූරය ‘මුහුණු පොතේ’ පළ කළා. මොහොතකින් එය අන්තර්ජාලය පුරා ‘කුණාටුවක්’ මෙන් හඹා ගියා.

මෙලොව එළිය දකින්න මොහොතකට පෙර පුංචි නෙවායි මව් කුස හිඳිමින් තම උදව්වට ආ වෛද්‍යවරයාගේ ඇඟිල්ලේ එල්ලූන හැටි!
මේ වාසනාවන්ත අත්දැකීම ලැබුවේ ඇමරිකාවේ ඇරිසෝනාවේ ග්ලෙන්ඬේල්හී ඇලිසියා හා රැන්ඩි ඇට්කින්ස් යුවලයි. 2012 අවුරුද්දේ ඔක්තෝබර 9 වැනිදා ඇලිසියා සිය දියණිය, බිහි කරන්නට රෝහල් ගත වී සිටියා. සිසේරියන් සැත්කමකින් තමයි දියණියගේ ප‍්‍රසූතිය සිද්ධ කෙරුණේ. කුඩා බිලිඳිය මව කුස තුළින් මෙලොව එළිය බලන්නට එම සැත්කම කළ වෛද්‍යවරයා උදවු කරද්දී ඇය ඔහුගේ ඇඟිල්ලෙන් අල්ලා ගත් හැටි ඇගේ පියා විසින් ඡායාරූපයට නඟා තියෙනවා.

මේ පිළිබඳව එදා ඒ මොහොතේ ඔවුන් එය ලෝකයට ප‍්‍රකාශ කළේ නැහැ. දියණියට මාස තුනක් වන තෙක් රහසක් වශයෙන් තබා ගෙන සිටි ඒ ඡායාරූපය මුහුණු පොතට එක් කළේ ගිය සතියේයි. හරියටම මාස තුනක් පිරුණ දායි.

ඇට්කින්ස් යුවල ‘3ටීවී’ රූපවාහිනී ආයතනයේ ප‍්‍රවෘත්ති වැඩසටහනකට විත් ඒ ගැන මෙසේ අදහස් පළ කළා. පියා කී…

මුල්ම ඇපල් 1 පරිගණකය ලෝක වාර්තාවක් තියයිද? ඇපල් සමාගමේ ආරම්භය හෙළිකරන මෙතෙක් පළ නොවූ ඡායාරූපයක්!

ඇපල් පරිගණකය පටන් ගත් හැටි දැන් දකින කොටත් පුදුම හිතෙනවා. ඒ මුල් ම ඇපල් පරිගණකය අළෙවි කරන්න ගෙනියන්න පෙර පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුගිය දා ප‍්‍රථමවරට හෙළිදරවු වුණා.

මේ ඡායාරූපයට නගා තියෙන්නේ 1976 දියි. එතකොට ස්ටීව් ජොබ්ස්ට (Steve Jobs) වයස 21යි. ඔහුගේ මිතුරු ස්ටීව් වොස්නියැක් (Steve Wozniak) සමග එක්ව ඔවුන් දෙදෙනා මේ මුල්ම ඇපල් පරිගණක තැනුවේ ස්ටීව් ජොබ්ස්ගේ මාපියන්ගේ ගෙදර ගරාජයකයි. ඔවුන් ඒ තැනූ මූල් පරිගණක 50 තැන්පත් කරල තිබුණු ආකාරය දැක්වෙන මේ විරල ඡායාරූපය නිකුත් කරනු ලැබුවේ ලබන නොවැම්බර් 16 වැනිදා වෙන්දේසියට තැබෙන දැනට හොඳම තත්වයේ ඇති පැරණි ම ඇපල් පරිගණකය එළි දැක්වීම වෙනුවෙන්.

මෙය දැනට ලෝකයේ ඇති වටිනාම සන්නම ලෙස සැලකෙන ඇපල් පරිගණකයේ ආරම්භක තත්වය තේරුම ගන්නත් හොඳ අවස්ථාවක්. මේ සන්නමෙහි අද වටිනාකම පවුම් බිලියන 60ක්.

ඇපල් පරිගණකයේ ආරම්භය දැක්වෙන මේ කිසිදා එළියට නො පැමිණි ඡායාරූපයක්. ඒ මුල් ම ඇපල් පරිගණකය අළෙවි කරන්න ගෙනියන්න පෙර 1976 දී පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුග…

මහා භූමිකම්පාවකින් පසු පාකිස්ථාන මුහුදෙන් මතු වූ ලෝකයේ අලූත් ම දූපත!

2013දී පාකිස්ථානයේ ප‍්‍රබල භූමිකම්පාවක් ඇති වුණා. 7.8ක් වූ ඒ භූමිකම්පාවෙන් පාකිස්ථාන අසල මුහුදේ අලූත් දූපතක් මතු වුණා.

සල්සාලා කෝහ් (Zalzala Koh) යනුවෙන් ඒ දූපත නම් කරලා තියෙනවා. දාල්බන්දින්වලට සැතැපම් 145ක් ගිනිකොන දෙසින් හටගත් මේ භූම්කම්පාව නිසා දැන් එය බලන්න සංචාරකයන් වගේම පාකිස්ථාන වැසියන් වැල නොකැඩි එනවා. ඒ දූපතටත් ගොඩ වෙනවා. ගිනිගන්නාසුලූ වායුව, විස දුම් ආදිය ඇති බව අනතුරු හැෙඟව්වත් ඒවා ගනන් නොගෙනයි, ඔවුන් එහි එන්නෙ.

ඒ දූපතේ පිපිරුණු මඩ, වැලි, ගල් මුසු බිම මත මුහුදු සතුන්ගේ මළ සිරුරු, විශේෂයෙන් ම මාළුන් මළකුණු පිරිලා තියෙනවා.

මෙන්න ලෝකයේ අලූත් ම දූපත අහසට පෙනෙන හැටි. මේ මඩ කන්ද මීටර් 15ක් 20ක් විතර උස ඇති. මිනිසුන්ට ඒ මත ඇවිද ගෙන යා හැකි තරමට එහි බිම ඝනකම් කියලයි, කියන්නෙ.
මේ පින්තූර නාසා ආයතනයේ පෘථිවි නිරීක්ෂණ චන්ද්‍රිකා - 1 හා ලැන්ඞ් සැට් 8 චන්ද්‍රිකාවලින් ඒ දූපත මතු වුණු දවස්වල ගත්තු ඒවායි.

දූපත වටේට ඇති ළා කොළ හා තඹ පැහැති කොටස්වලින් පෙනෙන්නේ මුහුදේ නොගැඹුරු බව හෝ අවට ඇති අවසාදිත තට්ටුවයි.

මේ අලූත් දූපත මතු වූ හරියේ ගැඹුර මීටර් 15ත් 20ත් අතර වෙනවා. මෙහෙම කියන්නේ පාකිස්ථානය…