Skip to main content

Posts

Showing posts from 2014

වසර 2500 ක් පැරණි වනස්පති සොයා නැගෙනහිර ලෝකාන්තයට!

මල් කැකුළු සහෘදයන්ට 2015 වසර වාසනාවන්ත එකක් වේවායි පතමින් මෙසේ අප ඔබ අමතන්නේ නවසීලන්තයේ සිටයි. සෑම වසරකම අලූත් අවුරුද්දේ උදාව ජනවාරි පළමු වන දා හිරු උදාවත් සමග මුලින් ම අත් විඳින්නට ලැබෙන්නේ නවසීලන්ත වාසීන්ටයි. මේ වසරේ ඒ වාසනාව අත් විඳින්නට මටත් අවස්ථාව ලැබුණා. මේ අලූත් අවුරුදු උදාව නරඹන්නට නවසීලන්තයේ නැගෙනහිර වෙරළේ නිකේතන කරා යන්නට ඇතැම් අය පුරුදු වී සිටිනවා. මීට වසර 15කට පෙර 1999 වසර අවසාන දිනයේ දී ලෝකයේ නන් දෙසින් ජනයා නව සහස‍්‍රයේ උදාව සමරන්නට නවසීලන්තයට ඇදී ආවා අපට මතකයි. අපට ඔවුන් හා එක් වන්නට එදා නොලැබුණත් මෙවර අලූත් අවුරුද්දක උදාව මුලින් ම නරඹන පිරිස අතරට එක් වන්නට ලැබීම සතුටක්.

මෙවර නවසීලන්ත සංචාරයේ දී අප මුලින්ම ගියේ නවසීලන්තයේ සොබාදහමේ අසිරිය ලෙසින් සැලකිය හැකි වනස්පති දැක බලා ගන්නටයි.

විස්මිත බයිසිකලයක්! පාසල් ගෙනියන බෑග් එකක දමා ගෙන යන්නත් පුලූවන්!

අකුළන බයිසිකලයක් කීවාම අලූත් දෙයක් නෙවෙයිx ඒත් විදුලි බැටරි බලයෙන් දුවන ඒ වගේ ම අකුළලා අතේ ගෙන යන මල්ලකට දා ගන්න පුලූවන් බයිසිකලයක් කීවාම අලූත් දෙයක්.

ඒක හඳුන්වා දීල තියෙන්නේ ‘ඉම්පොසිබල් බයික්’ (Impossible bike) කියලයි. ඒකෙ තේරුම ‘විය නොහැකි බයිසිකලයක්’ යන්නයි.

මේ ‘ඉම්පොසිබල් බයිසිකලය’ට පැයට කි.මී. 20ක (පැ.සැ.12.5ක) වේගයකින් ගියෑකි. වරක් බැටරිය ආරෝපණය කළා ම මිනිත්තු 45ක කාලයකින් යා හැකි දුරක් යන්න පුලූවන්.

ඒ බයිසිකලයට කි.ග්රෑම් 85ක බර කෙනෙකු වුනත් ඔසවා ගෙන යන්නත් පුලූවන්.

මේ අපූරු බයිසිකලයට මුදල් ආයෝජනය සඳහා නිර්මාණකරුවා ‘කික්ස්ටාටර්’ වෙබ් අඩවියේ සහය පැතුවා. ඔවුන් ඒ බයිසිකලයේ ප‍්‍රමාණය හා බර ගැන නොකීවත් බැලූ බැල්මට එය සැහැල්ලූ එකක් බව කිව හැකියි.

මේ පින්තූරයේ දැක්වෙන ඉම්පොසිබල් බයිසිකලය චීනයේ බෙයිජිං නගරයේ ඉම්පොසිබල් ටෙක්නොලොජී ආයතනයේ නව නිපැයුමක්

දුර සිටින කෙනකුගේ කටහඬට සවන් දිය හැකි සුපිරි බලයක් ඇති මෙවලමක්!

සෙනග පිරුණු ඝෝෂාකාරී පරිසරයක, ඈත සිට කතා කරන ඔබේ යාළුවකු, ඈත සිට කියන දෙයක් ඔබට සිටි තැන ම සිට, වෙනත් කටහඬ අතරින් තෝරා බේරා අසා ගන්නට ලැබෙනවා නම් එය ඔබේ සතුටට හේතු වෙනවා ඇති.

දැන් සැලසුම්කරුවකු ඒ සඳහා අපූරු උපකරණයක් සැලසුම් කරල තියෙනවා. තව වසරකින් හෝ දෙකකින් ඒක වෙළඳ පොළට ඒවි.

මේ අපූරු උපකරණය විශේෂයෙන් ම ප‍්‍රසිද්ධ ස්ථානවල සෙනග අතර ගැවසෙන පොලිස් නිලධාරිනට අපරාධ වැළැක්වීමේ කටයුතුවටලත් ප‍්‍රයෝජනවත් වේවි.

ඇමරිකාවේ කලිෆෝනියාවේ ආගෝඩිසයින් ආයතනයේ මාක් රොල්ස්ටන් කියන්නේ අනිත් අයට නොදැනෙන්නට ඈත සිටින අයකුගේ කතාවට ඇහුම්කන් දිය හැකි ‘සුපිරි ඇසීමේ බලයක්’ සහිත උපකරණයක් පලඳින්නට අනාගතයේ දී අප කාටත් ලැබෙන බවයි.
අනාගතයේ දී අපට පලඳින්නට ලැබෙන ‘සුපිරි ඇසීමේ බලයක්’ සහිත උපකරණය ‘ලාලාලා‘ පලඳින අයුරු. අවට සියලූම ශබ්ද වළක්වා තමන්ට අවශ්‍ය ශබ්දය පමණක් හොඳින් ඇසෙන සේ මේ සුපිරි ශ‍්‍රවණාධාරය ඒ සඳහා සුසර කළ හැකියි.

ලෝකයේ වැඩියෙන් මිලට විකුණුණු පොත! 18 වැනි සියවසට අයත් කුරුලු පොතක්!

ලෝකයේ වෙන්දේසියක දී වැඩි ම වටිනාකමක් ලැබූ පොත ලෙස සැලකන්නේ ලියනාඩෝ ඩාවින්චිගේ ‘කෝඩෙක්ට් ලීෙසෙස්ටර්’ යනුවෙන් හැඳින්වෙන අතින් ලියූ සටහන් පොතකටයි. එකම එකක් පමණක් ඇති එය වෙන්දේසියක දී අලෙවි වී ඇත්තේ ඩොලර් මිලියන 30.8ක් වැනි මුදලකටයි.


ඒ වගේ ම එංගලන්තයේ රජුගේ බලය සීමා කිරීම සඳහා අතීතයේ ප‍්‍රභූන් ගෙන ආ ‘මැග්නා කාට’ ප‍්‍රඥප්තියේ පැරණි පිටපතක් ද ඇමරිකාවේ මුලින්ම මුද්‍රණය කළ පොත වූ ලෝකයේ ඉපැරණි බයිබලයක් හා යාඥා පොතක් ද මිලෙන් වැඩිම පොත් අතරට අයත් වෙනවා.

අප දන්න අපේ දිවෙහි ‘රස සිතියම’ වැරදියි! විද්‍යාඥයන්ගේ නව සොයා ගැනීමක්!

අපි කුඩා කාලයේ දී පාසලේ දී ඉගෙන ගත්තේ දිවෙහි රස හඳුනන තැන් ඇති බවයි. ලුණු රස, තිත්ත රස, ඇඹුල් රස, පැණි හෝ මිහිරි රස වර්ග හඳුනා ගත හැකි විශේෂ තැන් දිවෙහි තියෙන බවයි. ඒත් දැන් විද්‍යාඥයන් සොයාගෙන තියෙනවා, ඒ සිතියම මුළුමනින් ම වැරදි බව. දිවෙහි ඇති දහස් ගණනක් වූ සංවේදකවලට වෙනසක් නැතිව ඕනෑම රසයක් හසුකර ගන්න පුළුවන් කියලයි, ඒ විද්‍යාඥයන් කියන්නේ. ඔවුන් කියන විධියට දිවෙහි සංවේදකවලින් අල්ලා ගන්නා ඕනෑම රසයක් ඒ කුමන රසයක් දැයි හඳුනා ගනු ලබන්නේ මොළයේ ඇති සෛලවලින්.

කොලම්බියා විශ්ව විද්‍යාලයේ විද්‍යාඥයන් කියන විධියට රස හඳුනා ගන්නේ දිවෙන් නෙමෙයි, මොළයෙන්.

උඩුගුවනේ සිට බලන විට පෙනෙන අපේ පොළොවේ පැහැදිලිම දසුන මෙන්න!

සමහර විට ඔබ කොතෙකුත් ඇති උඩුගුවනේ සිට පොළොව පෙනෙන හැටි. ඒත් මේ තරම් පැහැදිලි පින්තූරයක් නම් කොහොත් ම දැකලා නැතුව ඇති. මේ අපූරු රූප පෙළ සකසා ඇත්තේ රුසියානු කාලගුණ චන්ද්‍රිකාවකින් ලැබුණු පිළිබිඹු උදවු කර ගෙනයි. අපේ මහ පොළොවේ අර්ධගෝල දෙකත් සමස්ත පෘථිවියමත් වශයෙන් මේ රූප රාමු ගොනු කර තියෙනවා.

මේ රූප සකසා ඇත්තේ අද පවතින අති නවීන පරිගණක තාක්ෂණය යොදා ගෙනයි.

කැනඩාවේ වික්ටෝරියා විශ්ව විද්‍යාලයේ ජේම්ස් ටිර්විට්-ඩ්‍රේක් (James Tyrwhitt-Drake) තමයි මේ අපූරු රූප පෙළ ඇතුළත් වීඩියෝව සකස් කර ඇත්තේ. හිරු පායා හිරු රැස් පෘථිවිය සිසාරා යද්දී පෙනෙන විදියටයි මෙහි පටිගත කිරීම් කර ඇත්තේ.

ආහාර විෂවීම් නවතාලන්න පෙකණියෙන් පිළියම් - අලූත්ම පර්යේෂණයකින් හෙළිවෙයි!

අපේ පෙකණියේ හෙවත් ‘බුරියේ’ බැක්ටීරියා ලක්ෂ ගණනක් ඉන්නා බව අප කලින් කීවා, සමහර විට ඔබට මතක ඇති. මේ ඒ ගැන කළ තවත් පර්යේෂණයක තොරතුරුවලින් බිඳක්.

බැක්ටීරියා පවුලට අයත් සිය ගණනක් බැක්ටීරියා වර්ග තියෙනවා. ඒ අතරින් සමහර බැක්ටීරියා වර්ග අපේ සිරුරට ඉතාමත් හානිකර තත්වයක් ඇති කරනවා. ආහාර විෂවීම් හා අසාත්මිකතා ඇති කරනවා. ඒ හතුරු බැක්ටිරියා අතර සිටින ඇතැම් බැක්ටීරියා වර්ගවලින් සිරුරට විශාල සහනයක් සැලසෙනවා. ඒවා මිතුරු බැක්ටීරියා ලෙස හඳුන්වන්න පුළුවන්. මේ දෙකට ම නැති බැක්ටීරියා වර්ගත් තියෙනවා.

 ක්ලොස්ටී‍්‍රඩියා නම් බැක්ටීරියා පවුලට බැක්ටිරියා විශේෂ අතරින් කෝථය හෙවත් මංශ කුණු වීම, පිටගැස්ම, නොයෙක් ආකාරයේ මාරක ආහාර විෂවීම්, පමණක් නොව රෝහල්වල ආසදනයන් පවා ඇති කරනවා. ඒ බැක්ටීරියාව හැඳින්වෙන්නේ ක්ලොස්ටී‍්‍රඩියම් ඩිෆිසිලි (Clostridium difficile) කියායි.

පර්යේෂකයන් පවසන ආකාරයට අනුව පෙකණියෙහි එක් රැුස් ව ඇති බැක්ටීරියාවලින් ආහාර අසාත්මිකවීම් හා විෂවීම්වලට පිළියම් යෙදිය හැකියි.

ජෝර්දානයෙන් හමුවූ ගුවනට විතරක් පෙනෙන ‘යෝධ වළලු’වල අබිරහස කුමක් ද?

ජොර්දානයේ තැනින් තැන විසිරුණු යෝධ වළලු විශේෂයක් තියෙනවා. ඒවා ඉහළ අහසේ සිට හෝ චන්ද්‍රිකාවක සිට විතරයි කව හැටියට හරියට පැහැදිලිව දැක ගන්න පුළුවන්.

ඒවා හැඳින්වෙන්නේ ‘යෝධ වෘත්ත’ (Big Circles) හෙවත් ‘යෝධ වළලු’ කියායි. ඒවායේ විෂ්කම්භය අඩි 720ත් 1.490ත් (මීටර 220ත් මීටර 455ත්) අතර වෙනවා කියලයි සඳහන් වෙන්නෙ. ඒවා කොයිතරම් විශාල ද කියලා එයින්ම හිතා ගන්න පුළුවන්.

ඒ වළලු කීපයක් මුලින්ම ගුවනින් දැක ඇත්තේ 1920 ගණන්වලදියි. ඊට පස්සේ 1930, 1953 හා 2002 දී ගුවනින් කළ මැනුම් කටයුතුවල දී ඒවායේ පිහිටීම් විතරක් නෙවෙයි, ප‍්‍රමාණයන් හා හැඩයන් ආදියත් ඉතා නිවැරදිව ගණනය කරනු ලැබුවා.

පසුගියදා බටහිර ඕස්ටේ‍්‍රලියාවෙන් ගිය පුරාවිද්‍යාඥයන් පිරිසක් ඒවා ගැන නව අධ්‍යයනයක් කළා. ඔවුන් ඒවා ගැන වාර්තාවක් සකස් කර තියෙනවා. මුලින්ම ඔවුන්ගේ විමසුමට ලක් වුණේ ජොර්දානයේ වළලුයි. ඒවා 12ක් ලෙස හඳුනා ගෙන තියෙනවා.

මෑතදී සිරියාවේත් වළලු වගයක් හඳුනා ගෙන ඇති අතර ඔවුන්ට අවශ්‍යව ඇත්තේ මේවා ගැන ලෝක ජනතාවගේ අවධානය යොමු කරවන්නයි. ඒවා ඉදි කළ අරමුණු ගැන තවදුරටත් විමසා බලන්නයි.

ඔවුන්ගේ වාර්තාවට අනුව බටහිර ජොර්දානයේ මධ්‍යම ප‍්‍රදේශයේ යෝධ වළලු 8…

බර්මුඩා ති‍්‍රකෝණයේ අබිරහසට සමාන ආවාට තුනක් සයිබීරියාවෙන් මතු වෙයි! ලෝකයේ නොවිසඳුණු අබිරහස්!

මේ වසරේ මුලදී රුසියාවේ සයිබීරියාවෙන් අබිරහස් ආවාට තුනක් මතු වුණා. ඒවා ගැන ලොව පුරා නොයෙක් මත පළ වුණා. දැන් විද්‍යාඥයන් කියන්නේ ඒවා පොළොව යට ඇති ගෑස් තැන්පතු පිපිරීමෙන් ඇති වූ ඒවා බවයි.

මෙහි අබිරහස හෙළිදරවු කර ගතහොත් එය ලෝකයේ විස්මිත අබිරහස් අතරින් එකක් ලෙස සැලකෙන විවාදයට ලක්ව ඇති බර්මුඩා ති‍්‍රකෝණයේ රහසත් හෙළිදරවු කර ගත හැකි යැයි අදහසක් ද ඔවුන් වෙතින් පළ වී තියෙනවා.

මේ වසරේ මුලදී අබිරහස් ආවාට තුනක් මතු වුණා, රුසියාවේ සයිබීරියාවෙන්. විද්‍යාඥයන් විශ්වාස කරන්නේ පොළොව යට ඇති ගෑස් නිධිවල පිපිරීමෙන් ඒවා ඇති වූ බවයි. මෙහි විශාලම ආවාටය පරීක්ෂා කළ අවස්ථාවේ දී ඔවුනට, එහි ගෑස් හයිඩ්‍රේට තිබී හමු වුණා. ඒ නිසයි, ඔවුන් හිතන්නේ මේ ආවාට හැදෙන්නට ඇත්තේ එවැනි පිපිරීම් නිසයි කියලා. බර්මුඩා ති‍්‍රකෝණයේ දී අහස් යානා හා නාවික යාත‍්‍රා අතුරුදන් වීමට හේතුවත් මෙයම විය හැකි බවයි ඔවුන් කියන්නේ.

මෙන්න අලුත් ම තාලේ ‘අදිසි’ කුඩයක්! මේ කුඩයට රෙද්දක් නැහැ!

අපට හුරුපුරුදු කුඩය විතරයි, මේ වෙනස් වෙන ලෝකේ වෙනස් නොවී තිබුණේ. ඔන්න දැන් ඒකත් ලොකු වෙනසකට ලක් වෙලා! අලූත් ම තාලේ විකල්පයක් ඇවිත්!

මේ අලූත් කුඩය හුළඟට ගසා ගෙන යන්නේවත්, මග යන එන අයගේ ඇෙඟ් වදින්නෙවත් නැහැ. හැබැයි ඉහළ ගෙන යන කොට හිරිකඩවත් ඇෙඟ් වදින්නෙ නැහැ.

මේ විප්ලවකාරී නව නිපැයුම හැඳින්වෙන්නේ ‘එයා අම්බ්රෙල්ලා’ (Air Umbrella) හෙවත් ‘එයාබ්‍රෙලා’ (Air-brella) කියලයි. මේක වෙළෙඳපොළට එන්නේ ලබන අවුරුද්දේ අවසානයෙදියි.

කුඩය වෙනුවට එන මේ නව නිපැයුමේ ගෞරවය හිමි වන්නේ චීන ජාතිකයකුටයි. මේ කුඩයට රෙද්දක් නැහැ. ඒ වෙනුවට යොදා ගෙන ඇත්තේ වාතයයි. ඔබේ හිසට ඉහළ අහසෙන් වැටෙන වැහි බිඳු ඉවතට තල්ලූ කිරීම මගින් තමයි, ඔබට නොතෙමී ඉන්න සලස්වන්නේ, මේ නව ක‍්‍රමයෙන්.

සිතේ බලෙන් දුර සිටින අයකු හා අදහස් හුවමාරු කර ගත හැකිද? ලොව අලූත් ම විද්‍යාත්මක පර්යේෂණය මෙන්න!

ඔහුගේ දෑස් පිටතින් ආලෝකයක් හෝ නොපෙනෙන සේ බැඳ තිබුණා. පිටතින් කිසිදු හඬක් නොඇසෙන සේ දෙකන්වලට ඇබ ගසා තිබුණා. අති නවීන පර්යේෂණාගාරයක් ඇතුළේ මේ විධියට ඇස් බැඳ, කන් වසා තිබුණේ ආචාර්ය මයිකල් බර්ග් (Dr Michel Berg) නම් විද්‍යාඥයාගෙයි. ඊසානදිග ප‍්‍රංශයේ ස්ට‍්‍රාස්බර්ග් විශ්ව විද්‍යාලයේ තමයි, මේ විස්මිත පර්යේෂණය සිදු වුණු පර්යේෂණාගාරය තිබුණේ.

මේ අපූරු පර්යේෂණය හා සම්බන්ධ වූ අනෙක් පර්යේෂණාගාරය පිහිටියේ සැතැපුම් 5000ක් පමණ දුරින් ඉන්දියාවේ කේරලයේයි. එහි මේ ආකාරයන් ම ඇස් බැඳ කන්වල ඇබ ගසා සිටියේ ස්පාඤ්ඤ ජාතික තරුණ විද්‍යාඥයෙකි. ඔහු ආචාර්ය ඇලියන්ද්‍රෝ රියිරා (Dr Alejandro Riera) යි.

මේ විස්මිත පර්යේෂණය සිදු කෙරුණේ පසුගිය මාර්තු 28 වැනිදායි. ඉතා රහසිගතව සිදු කෙරුණු මෙම අපූරු පර්යේෂණයෙන් ඔප්පු වූ කරුණු හෙළිදරවු වූයේ පසුගිය දා මේ පර්යේෂණය පිළිබඳ විද්‍යාත්මක වාර්තාව ‘ප්ලොස් වන්’ (telepathy) නම් අන්තර් ජාල ජර්නලයෙන් ප‍්‍රසිද්ධවීමත් සමගයි.

2014 මාර්තු 28 වැනිදා, හරියටම සැතැපුම් 4600ක් ඈතින් පිහිටි නවීන තාක්ෂණික පහසුකම් ඇති විද්‍යා පර්යේෂණාගාර දෙකක එක ම වේලාවක වාඩි වී හිඳ ගෙන, කිසිම සන්නිවේදන උපකරණයක් භා…

ආලෝකයෙන් කළ මහා විප්ලවය නිසා නොබෙල් සම්මානයෙන් පුද ලබයි!

මෙවර භෞතික විද්‍යා නොබෙල් ත්‍යාගය හිමිවී ඇත්තේ ජපානයේ උපන් විද්‍යාඥයන් තිදෙනකුටයි. ඒ ‘බ්ලූ ලයිට් එමිටින් ඩියෝඞ්ස්’ (LED) හෙවත් නිල් ආලෝකවිමෝචක දියෝඩය යන ආලෝක ප‍්‍රභවය සොයා ගැනීම වෙනුවෙනි. ආලෝක නිෂ්පාදනයේ ලොකුම විප්ලවය ලෙස අද මෙය සැලකෙනවා.

ජපානයේ ඉසමු අකසාකි හා හිරෝෂි අමානෝ යන විද්‍යාඥයන් දෙදෙනාටත්, දැනට ඇමෙරිකාවේ වෙසෙන ජපන් ජාතික-ඇමරිකානු විද්‍යාඥ ශුජී නකමුරාටත් තමයි, 2014 වසරේ භෞතික විද්‍යාව සඳහා වූ නොබෙල් ත්‍යාගය පිරිනමා ඇත්තේ. 1990 දශකයේ ඔවුන් ලොවට ඉදිරිපත් කළ නව නිපැයුමටයි, මේ සම්මානය පිරිනමා ඇත්තේ. අද එය ලොව පුරා භාවිත වෙනවා, පරිසර හිතකාමී විදුලි ප‍්‍රභවයක් ලෙස.

මේ තාක්ෂණය මුලින් ම නව නිපැයුමක් හැටියට ආවේ නකමුරා වෙතින්. ඒ 1993 දි. ඔහු සේවය කළ සමාගම මේ නව තාක්ෂණික සොයා ගැනීම වෙනුවෙන් එදා 1993 දී ඔහුට ඩොලර් 200ක මුදල් ත්‍යාගයක් දුන්නා. ඇස්තමේන්තු කර තියෙන විධියට මේ නව සංකල්පය ඒ සමාගමට 2020 වන විට ඩොලර් බිලියන 80ක් ඉක්මවන ප‍්‍රතිලාභ ලබා දෙන්නට නියමිතයි.

ශුජී නකමුරා (වමේ), ඉසමු අකසාකි (මැද) හා හිරෝෂි අමානෝ (දකුණේ) යන මේ විද්‍යාඥයන් තිදෙනාටයි, 2014 භෞතික විද්‍යාව සඳහා වූ නොබෙල් ත්‍යා…

17 වියේදී ලෝකයේ ළාබාල ම නොබෙල් සම්මානලාභිනිය වූ මලාලා!

ඔබට මතක ඇති අපි මලාලා ගැන මුලින් ‘මල්කැකුළු’වලට ලිව්වේ එයාට පාකිස්තානයෙදි තලේබාන්වරුන් විසින් වෙඩි තබපු වෙලාවෙයි. ඒ 2012 ඔක්තෝබර් 9 වැනිදා එතකොට එයාට වයස අවුරුදු 15 යි. 2014 ඔක්තෝබර් 10 වැනිදා එයා ලෝකයේ ළාබාල ම නොබෙල් සම්මානලාභිනිය ලෙස අභිෂේක ලැබුවා. අද අප ඔබ වෙත ගේන්නෙ මලාලා ලබපු ඒ සුවිශේෂී ජයග‍්‍රහණය ගැනයි.

මලාලාට නොබෙල් සම්මානය පිරිනමා ඇති බව ඇගේ ගුරුවරිය ඇයට දැනුම් දුන්නේ ඇය රසායන විද්‍යා පාඩමක් කරන අතරතුර ඇයව මෙහොතකට පන්තියෙන් පිටතට කැඳවා ගෙන යමින්. එහෙත් ඒ පිළිබඳ සතුට එවේලේ භුක්තිවිඳින්න එයා කැමති වුණේ නෑ. එයා කෙළින් ම පන්තියට ගියා. අනික් හැමදේටම වැඩිය තැනක් ඉගෙනීමට දෙන එකයි මලාලාගේ කැමැත්ත වුණේ.

ඒ නිසයි, ඇය එදා එංගලන්තයේ බර්මින්හැම් පුස්තකාලයේ පැවත්වුණු ජාත්‍යන්තර පුවත්පත් සාකච්ඡුාවට සහාගිවෙන්න පාසල ඇරෙන තෙක් බලා සිටියේ. ඇය එනතෙක් පුවත්පත් කලාවේදීන් විශාල පිරිසක් එහි නොඉවසිල්ලෙන් බලා සිටියා.

2014 ඔක්තෝබර් 10 වැනිදා මලාලාට නොබෙල් ත්‍යාගය පිරිනැමුණු බව දැන් වුවත් ඇය බර්මින්හැම්හී පැවැත්වුණු ඇගේ මෙම ප‍්‍රථම පුවත්පත් සාකච්ඡුාවට සහභාගි වූයේ එදින පාසල් වැඩ හමාර වීමෙන් පසුවයි.

ලෝකයේ ලස්සනම, විස්මිතම කුරුල්ලන් ඉන්නා පාරාදීසයක්!

මේ මිහිමත වෙසෙන වඩාත් සුන්දර, වඩාත් විස්මිත කුරුලූ වර්ගය ‘පාරාදීසයේ කුරුල්ලන්’ (birds-of-paradise) ලෙසයි හැඳින්වෙන්නේ. පැරඩිසිඬේ (Paradisaeidae) පවුලට අයත් මේ කුරුලූ වර්ග 41ක් ඉන්නා බවයි.

කුරුලූ විශේෂඥයන් කියන්නේ. සොබාදහමේ අපූරු දායාදයන් ලෙස සැලකෙන මේ කුරුල්ලන් හැබැහින් දැක ගන්න නම් නිව් ගිනියාවේ (New Guinea) වනාන්තරවලට යන්න ඕනෑ. ඔවුන් ජීවත් වන්නේ නිව්ගිනියාව හා ඒ ආශ‍්‍රිත දූපත්වලයි. කුරුලූ විශේෂ කීපයක් මලූකු (Maluku) දූපත්වලත්, නැගෙනහිර ඕස්ටේ‍්‍රලියාවේත් ඉන්නවා. ඒත් මේ කුරුලූ පවුලට අයත් විශේෂ 39ක් ම නිව්ගිනියාවේ දී දකින්න පුළුවන්.

බුද්ධියෙන් මිනිසා පරදවන්න තරම් දක්ෂ චිම්පන්සි 'අයුමු' ගේ හපන්කම් නරඹන්න!

සතුන්ගේ හැකියාවන් හරිම පුදුමාකාරයි. මේ ඒ වගේ අපූරු සතෙක් ගැනයි. විස්මිත හපන්කම් පාන බුද්ධිමත් චිම්පන්සියෙක්. නම අයුමු. වයස අවුරුදු 11යි. මෙයා එන්නේ ජපානයේ කියෝතෝ විශ්ව විද්‍යාලයෙන්.

ගණන්වලට අති දක්ෂකම් පාන මේ අයුමුට තත්පරයෙන් ඉතා කුඩා අංශුවක කාලයක්, ඒ කියන්නේ අපි ඇහිපිල්ලමක් ගහන තරම් ඉතා සුළු කාලයක් තුළ ඉලක්කම් ගණනක් මතක තබා ගන්න පුළුවන්. ඒ වගේ පරිගණක මතකය මනින වැඩසටහනකදී මිනිසා පරදවන්න කරම් එයා දක්ෂයි.

නස්රුදින්ගේ වේළීමේ රහස! අලුත්ම නස්රුදින් කතාවක්!

නස්රුදින්ගේ පොහොසත් මිතුරෙක් ඔහුට කතා කළා, ඒ මිතුරාත් ඔහුගේ පිරිසත් එක්ක දින කීපයක් තිස්සේ දඩයමේ යන්න. මුල් ම දවසේ ඔවුන් නස්රුදින්ට දුන්නෙ බොහොම හෙමින් යන අස්සයෙක්. දඩයමට යන්න පටන් අරන් වැඩි වේලාවක් ගියේ නෑ, හෙමින් ගිය අස්සයා නිසා නස්රුදින් හුඟක් පහුවුණා. නස්රුදින්ව පහු කරලා දාලා අනෙක් පිරිස ඈතට දඩයමේ ගියා.

අනාගත හමුදා ගුවන්යානා පදවන්නේ කවුරුන්ද? නියමු අසුනක් රොබෝ නියමුවකුට?

අනාගත හමුදා ගුවන්යානා පදවන්නේ කවුරුන්ද? ඇමරිකාවේ පෙන්ටගනයට අනුව නම් අනාගතයේ නියමු අසුනක ඉඩක් රොබෝ නියමුවකුට වෙන් වෙනවා.

මේ බව හෙළිවන්නේ ඇමරිකානු නාවික හා ගුවන් හමුදාව විසින් නිකුත් කළ වාර්තාවකිනුයි. ඔවුන් ඊළඟ පරම්පරාවේ ප‍්‍රහාරක යානා සැලසුම් කරන්නට යාමේ දී ඒ සඳහා රොබෝ නියමුවන් ද යොදා ගැනීමට තීරණයක් ගෙන තියෙනවා.

ඒ අනුව අනාගත ජෙට් ප‍්‍රහාරක යානා සඳහා කෘති‍්‍රම බුද්ධියෙන් යුතු නියමුවකු එක්වනු ඇති. ඒ නියමුවා එහි ඇති දත්ත විශ්ලේෂණය කිරීමට හා ගුවන් යානා හාරක නෞකාවට යානා පහත් කිරීමට හා ඉහළට නැංවීමට ආදි කටයුතු සඳහා යොදා ගැනීමට ඇමරිකානුවන් බලාපොරොත්තු වෙනවා.

ඇමෙරිකාවේ වර්ජීනියාහී පෙන්ටගනයේ සැලසුම් කරලා තියෙනවා, අනාගතයේ එන ජෙට් ප‍්‍රහාරක යානාවලට රොබෝ නියමුවන් යොදා ගන්න. ඇමරිකන් නාවික හමුදාවේ එෆ්/ඒ -එක්ස්එක්ස් ප‍්‍රහාරක යානයට ඒ තාක්ෂණයට දැනටමත් යොදා ගෙන තියෙනවා. (මෙහි එය දක්වා ඇත්තේ චිත‍්‍රශිල්පියකුගේ ඇසින්.)

පැසිපික් සාගරයේ මතු වූ දීප්තිමත් රතු ආලෝකයේ අබිරහස!

ගුවන් නියමුවකු හා සහය ගුවන් නියමුවකු පසුගිය අගෝස්තු 24 වැනිදා දීප්තිමත් රඹ හා රතු පැහැයෙන් යුත් අද්භූත ආලෝකයක් පැසිපික් සාගරයේ එක් ඉසව්වක දී දැක තියෙනවා.

මේ අමුතු ආලෝක දැක තියෙන්නේ හොංකොංවල සිට ඇලස්කාවේ ඇන්කර්රේජ් බලා පියාසර කරමින් තිබූ බොයිං 747-8 නම් ජෙට් යානයේ ගුවන් නියමුවන් දෙපොළයි. රුසියාවේ කම්චට්කා අර්ධ ද්වීපයට දකුණු දෙසින් තමයි මේ ගුප්ත ආලෝකය පෙනිලා තියෙන්නෙ.

විශාල ප‍්‍රදේශයක පැතිර තිබූ මේ අබිරහස් ආලෝකය කුමක් දැයි තවමත් හෙළිදරවු වී නැහැ. දැනට හිතන විධියට මෙය ගැඹුරු සාගර පත්ලේ පිහිටි යෝධ යමහලක් (ගිනි කන්දක්) පුපුරා යාම නිසා ඇති වූවක් විය හැකියි.

මේ ඔවුන් දුටු අමුතු ආලෝකයයි. හොංකොංවල සිට ඇලස්කාවේ ඇන්කර්රේජ් බලා පියාසර කරමින් තිබූ බොයිං 747-8 නම් ජෙට් යානයේ ගුවන් නියමු වැන් හෙය්ස්ට් කැමරාවට නඟුවේ. රුසියාවේ කම්චට්කා අර්ධ ද්වීපයට දකුණු දෙසින් සිරස්ව විහිදුණු අකුණු සැරයක් සමගයි, මේ ගුප්ත ආලෝකය පෙනිලා තියෙන්නෙ.

ඔබේ මුව තුළින් මෙතෙක් නුදුටු ලොවකට පිවිසෙන්න!

ඒවා හරියට බැලූබැල්මට දුර්ලභ ගණයේ පැළෑටි වාගෙයි. එහෙමත් නැත්නම් ඈත එපිට සක්වළ ඇති ග‍්‍රහලෝකයක මතුපිට වාගෙයි.

මේ බියජනක අමුතු සතුන් සක්වළ වෙනත් ලෝකයකින් ආ අය නෙවෙයි. ඔබේ අපේ හැමෝගෙම දත්වල දන්ත පථවල ඉන්නා බැක්ටීරියා වර්ගයි. සාමාන්‍ය ඇසට, එනම් පියවි ඇසට, නොපෙනෙන මේ දසුන් ඉලෙක්ට්‍රොනික අන්වීක්ෂයකින් පරිලෝකනය කොට විශාලනය කර ගත් ඒවායි.

සාමාන්‍ය ජීවිතයේ දී වුවත් ඔබට ඔබේ කට තුළ ඇති දේ බලා ගන්න ක‍්‍රමයක් නැහැ. මුහුණ බලන කන්නාඩියකින් ටිකක් විතර ඔබට දැක ගන්න පුළුවන් වුනත් මේ විස්මිත දසුන් දැක ගත හැක්කේ පරිලෝකනය කළ හැකි ඉලෙක්ට්‍රොනික අන්වීක්ෂ කැමරාවකින් (scanning electron microscope -SEM) පමණයි. මෙසේ ගන්නා ලද පිළිබිඹුවලින් දන්තපථ, කෘන්තක දත්, දිරා යන තැන්, ඒවාට බැක්ටීරියාවලින් හානි සිදු වන අයුරු ආදිය මෙතෙක් නුදුටු ආකාරයෙන් දැක ගත හැකියි.

මේ පින්තූරවලට ඇතුළත් වෙනවා, දත් දිරූ තැන්, දන්තපථ රැුඳුණු තැන් පමණක් නොවෙයි, ඔබ දත් මදින විට ඔබේ දත් බුරුසුවේ තැවරෙන බැක්ටීරියා විශේෂ පවා.

මේ පින්තූර මාලාවට අයත් රූපවල ඇතැම් කොටස් වර්ණ ගන්වා තියෙන්නේ ඔබට ඒවා පැහැදිලිව හඳුනා ගනු පිණිසයි. මේ රූප පිළිබිඹු ලබා ගෙන ඇත…

ජර්මනියෙන් එන ලුනු වතුරෙන් ධාවනය කළ හැකි විස්මිත කාරය!

සාමාන්‍යයෙන් කියන්නේ ස්පෝට්ස් කාර් පරිසර-මිතුරු ඒවා නෙවෙයි කියලයි. ඒත් මේ අලූත්ම කාරෙක එහෙම නෑ. දුවන්නේ ලූනු වතුරෙන්. පැයට හැතැප්ම 217.5ක (පැ. කි.මී. 350ක) වේගයෙන් පදවන්නත් පුළුවන්.

මෙහි ඇති පෙරළිකාර ධාවන පද්ධතිය නිසා රාත්තල් 5,070ක් (කි.ග‍්‍රෑම් 2,300ක්) බර මේ කාරය පණ ගන්වා තත්පර 2.8ක් ඇතුළත පැ.හැ. 60ක (පැ.කි.මී 100ක) වේගයකට ඉහළ නංවන්න පුළුවන්. මෙය නම් කර ඇත්තේ ‘ක්වොන්ට් ඊ-ස්පෝට්ස්ලිමොසීන්’ කියලයි.

ඕස්ටේ‍්‍ර‍ලියාවේ මුහුදු පත්ලේ විසූ අමුතු සත්ව විශේෂ දෙකක්!

මෙතෙක් හඳුනා නොගත් අමුතු හැඩයක් ගත් සත්ව විශේෂ දෙකක් ඕස්ටේ‍්‍රලියාවේ සාගර පත්ලෙන් මතු කර ගැනීමට විද්‍යාඥයන් පිරිසක් සමත්වී සිටිනවා.

මේ අමුත්තන් බැලූබැල්මට මෙලොවට අයත් නැති වෙනත් ලෝකයකින් ආ අය වගෙයි පෙනෙන්නෙ. මේ මිහිමත මෙතෙක් හඳුනාගෙන ඇති කිසිම සත්ව වංශයකට අයත් නැති බවයි කියන්නේ. දැනට හඳුනා ගෙන ඇති පෘෂ්ඨවංශිකයන් ඇතුළු විවිධ ජීවීන් රැුස අතරට හෝ සපුෂ්ප ශාක අතරට හෝ දැමිය හැකි තත්වයක් තවමත් හඳුනාගෙන නැහැ.

ඩෙන්ඩ්‍රොග්රැුමා (Dendrogramma) යනුවෙන් හඳුන්වා ඇති මේ සතුන් පිටතින් බලන විට හත්තක හැඩයක් ගන්නවා. එහෙත් ඇතුළත ආමාශයක් හා එය වෙන් කෙරෙන ජෙලිෆිෂ් හෙවත් ලොඩියකුගේ වැනි ඝන ස්තරයක් දැකිය හැකියි.

හරිම පුදුමයි! මේ ඡුායාරූපයෙන් පෙනෙන්නේ ඒ අමුතු සතුන් වර්ග දෙකයි. පිටතින් හත්තක හැඩයක් ගත්තත් ඇතුළත ආමාශයක් හා එය වෙන් කෙරෙන ලොඩියකුගේ වැනි ඝන ස්තරයක් දැකිය හැකියි.

ලොව අංක එකේ පිතිකරු කුමාර් සංගක්කාරගේ ලෝක වාර්තා!

මහේල ගැන කතා කරන කොට අමතක නොවන නමක් තමයි, ඔහුගේ පිටියේ සුවිශේෂ මිතුරා, සංගක්කාර. මහේල සංගා එක්වී තැබූ ලෝක වාර්තා එදා මහේල ගැන කියන විට අප සිහිපත් කළා, ඔබට මතක ඇති. මහේලට පිටියේ දීත් පිටියෙන් පිටතදීත් හැමවිටම සහයට සිටින අඹයාළුවා ඔහුයි. ඒ නිසා මේ අවස්ථාව අපි ‘මහේලගේ ආදරණීය සංගාගේ’ දස්කම් ගැන යමක් කියන්න යොදා ගන්නවා.

ටෙස්ට් කි‍්‍රකට් පිටියෙන් සමුගත් ‘මහ හෙළයා’!

දෙනගමගේ ප්‍රොබෝත් මහේල ද සිල්වා ජයවර්ධන, ඒ කියන්නෙ ‘අපේ මහේල’ ටෙස්ට් කි‍්‍රකට්වලින් සමු ගැනීම සිදු කළේ හරිම අසිරිමත් ආකාරයකටයි. ඔහු සමු ගන්නා විට ඔහුගේ ඇෙඟ් තවත් ටෙස්ට් කි‍්‍රකට් ඉතිරිව තිබුණා. කි‍්‍රකට්වලට ඔහු එපාවෙන තරම් කාලයක් ඔහු පිටියේ රැඳී සිටීමට කල්පනා කළේ නැහැ. ඔහු ටෙස්ට් කි‍්‍රකට්වලින් සමු ගන්නට කල්පනා කළේ ලෝක කි‍්‍රකට් ලෝලීන් ඔහුගෙන් තවත් ටෙස්ට් කි‍්‍ර‍්‍රකට් බලාපොරොත්තුව සිටියදියි; ඒ වාගේ ම ටෙස්ට් කි‍්‍රකට් හොඳින්ම කී‍්‍රඩා කරමින් සිටියදියි. කුසලතාවෙත් ජනපි‍්‍රයත්වයෙත් ඉහළම තැනක සිටිද්දී මෙහෙම සමුගත්ත තවත් කෙනකු ගැන අපට නම් හිතා ගන්නවත් බැහැ.

පිටසක්වළ යානා වීඩියෝවල හසු වූ අවස්ථා! අලූත් ම වීඩියෝ කීපයක්!

පිටසක්වළ ජීවීන් ඇතැයි යන්න තවමත් විද්‍යාඥයන්ට ප‍්‍රශ්නයක්! ඔවුන් පිටසක්වළින් එන සංඥා ගැන මිසක් ජීවීන්ගේ පැමිණීමක් ගැන හිතන්නෙවත් නෑ. එංගලන්තයේ ඉන්නා ලෝකයේ ශ්‍රේෂ්ඨ විද්‍යාඥයකු වූ ස්ටීවන් හෝකින්ස් කියන්නේ ඈත එපිටසක්වළක කුමන හෝ ජීවියකු මෙහි එන්න සමත් වුවොත් ඒ ආගමනයත් සමග පෘථිවියේ මිනිස් ජීවිත සියල්ල විනාශ කරන බවයි. ඒ නිසා ඒ ගැන හිතන්නවත් එපා කියලයි. ඒත් ලොව පුරා ජනයා ඒ අවවාදය පිළිගන්නේ නැහැ. ඔවුන් සක්වළ ජීවින්ගේ පැමිණීම බලාපොරොත්තු වෙනවා.

ඉන්දියාවට පමණක් නොව ශී‍්‍ර ලංකාවටත් ජාතික අභිමානී ගී තිළිණ කළ තාගෝර්

රබීන්ද්‍රනාත් ථකුර් හෙවත් රවීන්ද්‍රනාත් තාගෝර්, භාරතයේ කවුරුත් ‘ගුරුදේව්’ යන ගරු නමින් පුදන තාගෝර් මේ සියවස තුළ භාරතයේ පහළ වූ විශිෂ්ටතම ලේඛකයා ලෙස හඳුන්වන්න පුළුවන්. ඔහු කවි ලියන්නට පටන් ගත්තේ වයස අවුරුදු අටේදි සිටයි. ආසියාවේ ප‍්‍රථම නොබෙල් සම්මානලාභියා වූයේත් ඔහුයි. පෙරදිගින් බිහි ව අවරදිග නොමඳ අවධානයට ලක් වූ ඔහුගේ සියලූ නිර්මාණ කළේ බෙංගාලි බසින්. එහෙත් විස්මයජනක දෙය නම් ඔහුට 1913 දී නොබෙල් සම්මානය ලැබුණේ ඔහුට එතරම් නුහුරු ඉංගිරිසියෙන් ලියූ කවි පොකුරකටයි. ‘ගීතාංජලී’ කියා හැඳින්වෙන්නේ එයයි.

එය හය වතාවකට වඩා සිංහලට නගා තියෙනවා. එච්. ජී. ආනන්ද ගුණසේකර (1959), හෙට්ටිගේ බැස්ටියන් (1970), කේ. බී. සුගතදාස (1984), මාධව වෛද්‍යරත්න (1989), කුසුම් දිසානායක (1992), එඞ්මන් ජයසූරිය (2009) ඒ පරිවර්තකයන් හය දෙනායි.

ඈත සක්වළින් පොළොවට හදිසියේ රේඩියෝ තරංග පණිවිඩයක්?

දකුණු ඇමරිකාවේ පිහිටුවා ඇති ඇරිසිබෝ රේඩියෝ දුරේක්ෂයට මෙතෙක් නෑසූ අමුතු ‘හඬ’ක් අසන්ට ලැබිලා තියෙනවා. හදිසියේ නිකුත්වුණු රේඩියෝ තරංගවලින් ලැබුණු මේ සංඥාව ඈත පිටසක්වළින් මෙහාට එවන ලද පණිවිඩයක් ද? එය අමුතු විධියේ හඬක කෙටි සංඥාවක්. එයින් කියැවෙන්නේ කුමක් ද? අපේ ගැලැක්සියෙන් එපිට අද්භූත ග‍්‍රහලෝකයකින් ආ ඇමතුමක්ද? මේ පිළිබඳව වාර්තා වුණේ අලූත්ම අධ්‍යයනයකින්.

තත්පරයකින් අංශු මාත‍්‍රයක් වශයෙන් ඇසුණු මේ ‘ගුප්ත හඬ’ හසුකර ගැනීමට සමත්වී ඇත්තේ දකුණු ඇමරිකාවේ පුවර්ටෝ රිකෝ හී සවි කර ඇති ඇරිසිබෝ (Arecibo) රේඩියෝ දුරේක්ෂය භාවිත කරන විද්‍යාඥයන් පිරිසක්. ඒ ‘හඬ’ කොහෙන් ආ එකක්ද යන්න දැන් ලොව පුරා තාරකා විද්‍යාඥයන්ට ප‍්‍රශ්නයක් වෙලා!

පුවර්ටෝ රිකෝවේ ස්ථාපිත කර ඇති ඇරිසිබෝ රේඩියෝ දුරේක්ෂයට තත්පරයකින් අංශුවක ප‍්‍රමාණයේ රේඩියෝ තරංගයක් හසු කර ගැනීමට හැකි වීම ජගත් තාරකා විද්‍යාඥයන් තුළ මහත් ආන්දෝලනයක් ඇති කර තියෙනවා.

අපේ කොල්ලෙක් ඇමරිකාවේදී කළ හපන්කමක්! කරාටේ ශූර මයුර කොල්ලකරුවන් මවිත කරයි!

පසුගියදා ඇමරිකාවේ දී ශී‍්‍ර ලාංකිකයකු ලොකු හපන්කමක් කරලා තියෙනවා. ඔහු නමින් මයුර දිසානායකයි. ඔහු වැඩ කරන්නේ ටෙක්සාස් ජනපදයේ ඉන්ටර්ස්ටේට් 45 අසල සවුත් වේසයිඞ් ඉන්ධන අළෙවි හලකයි.
මේ කියන දවසේත් මයුර සුපුරුදු පරිදි එහි සේවයේ යෙදී සිටියා. ඔහු ඒ අලෙවි හලේ කවුන්ටරය පිටුපසට වී සිටියත් ඔහුගේ ඇස් ඒ අසලින් දිවෙන මහ මඟ දෙසට යොමු වී තිබුණා. ඔහු සමග වැඩ කළ අනෙක් සගයා බැංකුවට ගොස් මුදල් බෑගයක් රැගෙන ආපසු එන අයුරු ඔහු දුටුවා.

එංගලන්තයේ ගුවන්යානා සන්දර්ශනයට විස්මිත ගුවන්යානා නිපැයුම් රැසක්!

එංගලන්තයේ හැම්ප්ෂයර්හිදී පසුගියදා පැවැත්වුණු ෆාන්බරෝ (Farnborough) ගුවන් යානා ප‍්‍රදර්ශනය හා සන්දර්ශනය මෙවර පැවැත්වූයේ 49 වැනි වරටයි. එහි යන අයට ගුවන්ගමන් තාක්ෂණයේ නවතම සොයා ගැනීම් හා මෙතෙක් ලබා ඇති ජයග‍්‍රහණ රැසක් දැක බලා ගත හැකි වුණා.

මේ අන්තර්ජාතික ගුවන් සන්දර්ශනය පැවැත්වන්නේ වසරක් හැර වසරක් වන අතර මේ හා සමාන වූ ලෝක ප‍්‍රකට පැරීස් ගුවන් සන්දර්ශනය මේ සන්දර්ශනය නොපැවැත්වෙන වසරක් අරෙ වසරක් පැවැත්වෙනවා. මෙම සන්දර්ශනයේ මුල් දින පහ ව්‍යාපාරිකයන් හා වෘත්තිකයන් වෙනුවෙන් වෙන්වන අතර අවසාන දින දෙක මහජනයා වෙනුවෙන් වෙන්වෙනවා.

මහජනයා වෙනුවෙන් ගුවන් යානා සන්දර්ශන ද ඇතුළත් වුණා. මෙවර ප‍්‍රදර්ශනයට ඉගිල්ලෙන කාර්, සැහැල්ලූ එමෙන්ම හැකිළිය හැකි ගුවන් යානා ඉන්ධන ටැංකි, ගුවන් යානයේ දෝෂ ඇතොත් ඒ බව නියමුවාට දැනෙන පාලක යෂ්ටි ආදී අධි තාක්ෂණික මෙවලම් රැුසක් එක්කොට තිබුණා. ඊට අමතරව බෝයිං සමාගමට අයත් දැවැන්ත ඞ්රීම්ලයිනර් යානයක් ඇදහිය නොහැකි ආකාරයට ගුවනේ කරණම් ගහන හැටි දැක ගත හැකි වුණා.

මෙවර 49 වැනි අන්තරජාතික ෆාන්බරෝ ගුවන් සන්දර්ශනයේ දී දකින්නට ලැබෙන විශේෂ එයාබස් ප‍්‍රවාහන ගුවන් යානය. ඒ 400එම් යනුවෙන් හඳුන…

ඔබේ චර්යාව පාලනය කළ හැකි විස්මිත අත් වළල්ලක්!

ඔබ කරන ව්‍යායාම් ඔබේ සෞඛ්‍යය ආරක්ෂා කර ගැනීමට අවශ්‍ය ඉලක්කයට ප‍්‍රමාණවත් නැද්ද සොයා බලා ඔබට පුංචි කම්පන ප‍්‍රහාරයක් එල්ල කිරීමේ හැකියාව එයට තියෙනවා.

එහි නම පැව්ලොක් (Pavlok). ඔබේ චාර්යාව වෙනස් කර ඔබට ධනාත්මක මඟකට යොමු කිරීමට මේ වළල්ලට පුළුවන්.

මෙහි නිෂ්පාදකයන් බලාපොරොත්තු වෙනවා මේ විස්මයජනක නිපැයුම මේ වසර අග දී වෙළඳ පොළට දමන්න.

මේ පැව්ලොක් වළල්ලට පුළුවන් ඔබේ චර්යාව අධ්‍යයන කර ඔබ ගන්නා ව්‍යායාම් ඔබේ සෞඛ්‍යය පවත්වා ගෙන යාමට මඳි නම් කම්පන ප‍්‍රහාරයක් මගින් ඒ බව ඔබට සිහිපත් කර දෙන්න.

මෙතෙක් නොවූ විරූ වෙන්දේසියක් ඇමෙරිකාවේදී! විකුණන්නේ ඩයිනොසෝර බෙට්ටක්!

මෙතෙක් ලෝකයේ කිසිම තැනක නොසිදු වූ අමුතුම තාලේ වෙන්දේසියක් මේ සතියේ ඇමෙරිකාවේ ලොස් ඇන්ජලීස් නගරයේ දී සිදු වෙනවා.

එහිදී ඔබට මෙතෙක් ලෝකයේ හමුවී ඇති විශාලතම බෙට්ට මිලදී ගන්න පුළුවන්.

පොසිල ලෙසින් හමු වී ඇති මෙම ඩයිනොසෝර වසුරු ඔලියගෝසීන අවධියට හෝ මිනොසීන යුගයට අයත් යැයි සැලකෙනවා. මේ යුගයන් හමුවන්නේ මීට වසර මිලියන 5.3ත් 33.9ත් අතර කාලයේදියි.

මේවා හමු වී ඇත්තේ වොෂින්ටන් ජනපදයේ ලෙවිස් ප‍්‍රදේශයෙන්. 2014 ජූලි 22දා පැවැත්වෙන මේ වෙන්දේසියේ දී ඒවා ඩොලර් 8,000ත් 10,000ත් අතර ගණනකට විකිණෙතැයි බලාපොරොත්තු වෙනවා.

මේ තමා මෙතෙක් හමුවී ඇති විශාලතම ඩයිනොසෝර වසුරු. මෙය මීටරයක් තරම් දිගයි. ඇමරිකාවේ ලොස් ඇන්ජලීස් නගරයේ දී ජූලි 22 පැවැත්වෙන වෙන්දේසියේදී මෙය ඩොලර් 10,000කට ආසන්න මුදලකට අලෙවි කරන්න ඔවුන් බලාපොරොත්තු වෙනවා.

අනාගත ලෝක පාපන්දු කුසලාන තරගවලට එක්වන නව තාක්ෂණය කෙබඳු වේවිද?

තවත් ලෝක කුසලාන පාපන්දු තරග මාලාවක් පසුගියදා නිමාවට පත් වූ බව ඔබ දන්නවා. මෙවර එය පැවැත් වූයේ බ‍්‍රසීලයේ දී යි. ලෝකයේ වැඩිම රටවල් ගණනක් හා වැඩිම නරඹන්නන් පිරිසක් සහභාගි වන ඒ තරග මාලාව පැවැත්වෙන්නේ වසර හතරකට වරක්. ඒ අනුව මීළඟ ලෝක කුසලාන පාපන්දු තරග මාලාව පැවත්වෙන්නේ 2018 දියි. සත්කාරක රට වන්නේ රුසියාවයි. මෙවර යොදා ගත් නව තාක්ෂණය තවදුරටත් දියුණු කොට එහි දී භාවිත කෙරෙනු ඇති.

අනාගතයේ ලෝක කුසලාන පාපන්දු තරග මාලාවලදී අපට මුණ ගැහෙන නව තාක්ෂණය ගැන දැනටමත් විවිධ අංශවලින් අදහස් පළ වෙනවා.

නස්රුදින් අත දුන් හැටි! අලූත් නස්රුදින් කතාවක්!

දවසක් නස්රුදින් දැක්කා පොකුණක් වටේ සෙනඟ රොක්වෙලා ඉන්නවා. ඔහු ඒ පැත්තට ගියා, ඒ කලබලය මොකක්ද කියලා බලන්න.

ප‍්‍රධාන පූජකයෙක් පොකුණට වැටිලා ගොඩට එන්න බැරිව වතුරත් එක්ක පොර බදනවා. මිනිස්සු වටවෙලා එක් එක් කෙනා අත් දික් කරනවා, ”ඔබතුමාගේ අත මට දෙන්න මං ගොඩට ගන්නම්!” ඒ වටේට හිටපු වැඩි දෙනෙක් පොකුණ දෙසට නැමෙමින්, අත් දිගු කරමින් කිව්වා.

සුපර්සොනික් ගුවන්ගමන් යළිත්! අනාගත අධිවේගී ගුවන් යානා කෙබඳු වේද?

1960 ගණන්වල දී පෙනී ගියේ අනාගතයේ සියලූ ගුවන්ගමන් සුපර්සොනික් ක‍්‍රමයෙන්ම සිදු වේවි කියායි. ඒත් 2003 දී කොන්කෝඞ් සුපර්සොනික් ගුවන්යානය අවසන් ගමනේ යෙදුනා. දැන් ඒ තරම් වේගයෙන් යන මගී යානා භාවිතයේ නැහැ.

එහෙත් අධිවේගී ගුවන්ගමන් ගැන ඇති බලාපොරොත්තු දැන් යළිත් දැල්වෙන්න පටන් අරන්. ඒ සමාගම් ගණනාවක් අනාගත අධිවේගී ගුවන්ගමන් සඳහා යොදා ගත හැකි නව සංකල්ප කීපයක් ඉදිරිපත් කර ඇති නිසයි.

ඒවා දැනටමත් ඇමරිකාවේ නාසා ආයතනයේ අනුමැතියට ඉදිරිපත් කරලා තියෙනවා. නාසා ආයතනය බලාපොරොත්තු වන්නේ කොන්කෝඞ් යානයට වඩා අඩු අතිධ්වනික ශබ්දයෙන් යුතු යානාවලට පමණක් අනුමැතිය දෙන්නයි. ඒ සම්බන්ධයෙන් පරීක්ෂණ හා අත්හදා බැලීම් දැනටමත් නාසා ආයතනය සිදුකරමින් තියෙනවා.

මීළඟ අවුරුදු 15 ඇතුළත මගී ගුවන්ගමන් සඳහා යළිත් අධිවේගී යානා ඒවි. අතිධ්වනික ශබ්දය අඩු නව අධිවේගී සුපර්සොනික් යානා ගුවනට එක්වීම ගැන දැන් බලාපොරොත්තු තියන්න පුළුවන්.

මේ අධිවේගී ගමන් සඳහා බෝයිං ආයතනය විසින් ඉදිරිපත් කර ඇති සුපර්සොනික් ජෙට් ගුවන් යානයයි. කොන්කෝඞ් යානයට වඩා අතිධ්වනික ශබ්දයෙන් අඩු යානා නිපදවීම ගැන තමයි නාසා ආයතනයේ අවධානය යොමු වී ඇත්තේ.

මල්වල මෙතෙක් නුදුටු සුන්දරත්වය බලන්න! මල්පෙතිවල සැඟවුණු විස්මය අත්විඳින්න!

”මොනවද අම්මේ අකුරු ජාතියක් මල් පෙතිවල කවුදෝ ලියලා
කවුරුද අම්මේ මේව ලියන්නේ පාට පාට ඉරි හැඩ ගහලා”

ශී‍්‍ර චන්ද්‍රරත්න මානවසිංහයන්ගේ ‘මලක මිහිර’ කව්පෙළ මින් අඩ සිය වසකටත් වඩා කලින් ලියූවක් වුනත් අදත් මල් දකින විට ඒ කව්පෙළෙන් වෑහණු මිහිර අපට එකසේ දැනෙනවා. මල් පිපෙන කාලෙට කුරුලූ නාදයෙන් හා පිපුණු මලින් විහිදෙන සුවඳින් අවට පරිසරය පිරී යනවා. හැමදෙනාගෙම සිත් පුබුදු වෙනවා.

වසන්ත සමයේ දී අප අත්දකින ලොකුම සතුට මල් පිපෙනු දැකීමයි. බැලූ බැලූ අත පාට පාටින් පිපුණු මල් ඇසට අඳුනක්, හිතට සතුටක් ගේනවා. මෙයින් ඔබ්බට යමින් මල් තුළින් සිත විස්මයට පත් කරන දසුන් පෙළක් ඔබ වෙත ගෙනෙන දෙන්නෙක් ගැන කියන්නත් ඔවුන්ගේ අත්දැකීම් ඔබ සමග බෙදා හදා ගන්නත් තමයි, මේ සූදානම.

පියවි ඇසට පෙනෙන හෝ සාමාන්‍ය වර්ණ කැමරාවකින් සටහන් කෙරෙන මල්වල සැඟවුණු විසිතුරු බව දකිනවාට වඩා එහාට යමින් වර්ණ පරිලෝකන විද්යුත් අන්වීක්ෂයකින් (colour scanning electron microscope) ඒ දෙස බලන්නට ඒ දෙන්නා කල්පනා කළා. ඔවුන් කිසිදාක නුදුටු ඒ දසුන්වලින් ඔවුන් විස්මයට පත් වුණා. ඒ විස්මය ඔබ සමග බෙදා ගන්නා අදහසින් මේ පින්තූර එකතුව අන්තර් ජාලයට මුදා හැර තියෙනවා.

දැවැන්තයකු බේරා ගැනීමට සුළු පිරිසක් කළ දැවැන්ත මෙහෙයුමක්! වසර 50ක් තිස්සේ උල් කටු සහිත විලංගු දමා වේදනා විඳිමින් සිටි රාජු නිදහස්!

පසුගියදා අනුවේදනීය සිදු වීමක් ඉන්දියාවේ දී සිදු වුණා. ඒ වසර 50ක් තිස්සේ දම්වැල්වලින් බැඳ, පහර දෙමින්, අපයෝජනයට ලක් කරමින් සිටි දැවැන්තයකු නිදහස් කරනු ලැබූ අවස්ථාවයි. හද සසල කළ මේ සිදුවීම දුටු සැමගේ නෙත් කඳුළින් පිරී ගියා. ඒ දැවන්තයා එතෙක් විඳි දුක්ගැහැටවලින් මිදීම පිළිබඳව සතුටු කඳුළු වගුරුවනු දුටු මොහොතේදියි.

මේ අලියාගේ නම රාජුය. ඌ හමුවුණු අවස්ථාවේ උගේ දෙපාවලට උල් කටු සහිත විලංගු දමා තිබුණා. විලංගුව උල් ඇනීමෙන් උගේ දෙපාවලින් ලේ ගැලූවා. ඌ හොඬවැල දික් කර අසලින් ගිය විදේශීය සංචාරකයන්ගෙන් සිඟමන් ඉල්ලූවා. රාජු මේ විධියට බැඳ තබා තිබුණේ ඔහුගේ ‘හිමිකරු’ යැයි කියා ගත් පුද්ගලයා විසිනුයි.

මේ අසරණ සතා ගලවා ගැනීමට එංගලන්තයෙන් සත්වවේදීන් පිරිසක් ඉන්දියාවට ආවා. රාජු පීඩාවට ලක්ව සිටියේ ඉන්දියාවේ උත්තර් ප‍්‍රදේශවලයි.

ගලවා ගැනීමේ මෙහෙයුම සිදු වුණේ මධ්‍යම රාති‍්‍රයේදියි. ඒ සඳහා ඉන්දියාවට ආ පිරිස සමග මේ සුවිශේෂ මෙහෙයුමට ඉන්දියාවේ වනජීවී බලධාරීන් පිරිසක් ද එක්ව සිටියා.

ඉන්දියාවේ උත්තර් ප‍්‍රදේශ්වල වසර 50ක් තිස්සේ උල් කටු සහිත විලංගු දමා වේදනා විඳිමින් සිටි රාජු විලංගු බිඳ දමා නිදහස් කර ගෙන කි.මී. 350ක් …

අඟහරු කියුරියෝසිටි කැමරාවේ සටහන් වූ දේවතා එළියේ අබිරහස කුමක්ද? පිටසක්වල යානයක්ද?

නාසා ආයතනයේ කියුරියෝසිටි රෝවරය හෙවත් කුතුහලයා අඟහරු මත ඇවිදින්නට පටන් අරන් දැන් හරියටම අවුරුද්දක් වෙනවා. මේ අවුරුද්ද ගණන් ගත්තේ අපේ අවුරුදුවලින් නොව අඟහරුගේ අවුරුදුවලින්. පෘථිවි දිනවලින් නම් දින 687ක්.

කියුරියෝසිටි යානයේ ඇති කැමරාවලින් ගත් ඡුායාරූප පෙළක කුඩා සුදු තිතක් අඟහරු මතුපිටට බහින ආකාරයට සටහන් වී තිබුණා.

යූටියුබ් නරඹන්නෙක් එය රතු ග‍්‍රහයා මතට පිටසක්වල ජීවී යානයක් ගොඩ බස්සන බවට සාක්ෂියක් ලෙස දුටුවා. ඒත් නාසා ආයතනය කියන්නේ එසේ වන්නේ එක කැමරාවකින් ගත් රූප රාමුවක සටහන් වූ ‘විකෘති පික්සලයක්’ (hot pixel) නිසා බවයි.

මේ ආකාරයේ සුදු තිත් පොළොවට බසිනු හෝ අසල අහසේ රැුඳී සිටිනු පන්සල්වල පින්කම් ඩිජිටල් කැමරාවලින් ඡුායාරූපයට නැගීමේ දී රූප රාමුවේ දිස් වුණු අවස්ථා තිබෙනවා. සැදැහැවතුන් මේ සලකුණු ‘දේවතා එළි’ නැත්නම් පින්කමට සහභාගිවන්නට දෙවියන් පවා ආ බවට සාක්ෂි ලෙස දක්වනවා. එතැනදී සිදු වන්නේත් අඟහරු මත සිදු වු දෙයමයි.

මේ පින්තූරය කියුරියෝසිටි යානයේ දකුණේ නැව්කැම් කැමරාවෙන් ගත් එකක්. මෙහි සලකුණ යොදා ඇති තැන බැලූවොත් ඔබට පෙනේවි සුදු තිතක්. එය කෙමෙන් පහළ බසින අයුරුයි පෙනෙන්නේ. නාසා ආයතනයේ ප‍්‍රතිබ…

ඕනෑම තැනක දී ඕනෑම වේලාවක දී කෝපි වත් කර දෙන ස්මාට් කෝප්පයක්!

නිදි මරා ගෙන පාඩම් කරන කොට ඇති වෙන විඩාව මග හරවා ගන්නට කෝපි කෝප්පයක් බිව්වොත් පුළුවන්. එහෙම නැත්නම් වැඩ කරන ජනතාවට ප‍්‍රබෝධයෙන් වැඩ පටන් ගන්න තේ හෝ කෝපි හෝ කෝප්පයකින් පුළුවන්.

ඔබ බොන දේ ගැන ‘පේන’ කියන ස්මාර්ට් කෝප්පයක්! විස්මිත බඳුනක්!

කෝපි හෝ තේ හෝ වත් කළ හැකි විස්මිත බඳුන ගැන දැනටමත් ඔබ දන්නවා. මේ තවත් විස්මිත බඳුනක් ගැන අලූත් කතාවක්.

මේ කාලයේ සෞඛ්‍යය හා සම්බන්ධ අලූත් මෙවලම් රාශියක් හැම තැන ම දැක ගත හැකියි. ඔබ ගන්නා ආහාර ගැන සෙවිල්ලෙන් ඉන්න පුළුවන් අත් වළල්ලක් පසුගිය දා ලෝකය පුරා කාගේත් අවධානය දිනා ගත්තා. ඒ හැරෙන්නට ඔබේ සෞඛ්‍ය තත්වය ගැන කිව හැකි අත් වළලූ රාශියක් තියෙනවා. ඒවා ඔබට ටෙලිෆෝන ලෙසත් පාවිච්චි කරන්නත් පුළුවන්.

2014 ලෝක පාපන්දු කුසලාන තරගාවලිය පුරා විහිදුනු සුවිශේෂ අධිතාක්ෂණය! ගෝල රේඛා තාක්ෂණය පලමු වරට!

මෙවර බ‍්‍රසීලයේ පැවැත්වෙන 2014 ලෝක කුසලාන පාපන්දු තරගය සඳහා මින්පෙර නොවූ විරූ අයුරින් විද්‍යාවේ හා තාක්ෂණයේ සහය ලබා ගෙන තියෙනවා. මේ තරම් දියුණු පාපන්දු තරග මාලාවක් කිසිදාක පවත්වා නැතැයි කියලයි, එහි සංවිධායකයන් කියන්නෙ.

කී‍්‍රඩකයන්ට සිරුරු සිසිල්ව තබා ගන්න විශේෂ ‘ස්මාර්ට්’ ඇඟලූම් තියෙනවා. දෙපා වේගයෙන් හා දක්ෂ ලෙස හසුරුවන්න විශේෂ බූට් සපත්තු තියෙනවා. කී‍්‍රඩකයන්ට විතරක් නෙවෙයි, තරඟ නරඹන අයටත් උපරිම අත්දැකීමක් හා ආස්වාදයක් ලබා දෙන්න විද්‍යාව හා තාක්ෂණ යොදා ගෙන තියෙනවා.

දැනටමත් රූපවාහිනියෙන් මේ පාපන්දු තරඟ නරඹන අයට මේ තාක්ෂණයේ නවෝත්පාදනවලින් කීපයක් ම අත්විඳින්න ලැබිලා ඇති.

මෙවර බ‍්‍රසීලයේ පැවැත්වෙන ලෝක පාපන්දු කුසලාන තරග මාලාව යොදා ගෙන ඇති උසස් තාක්ෂණයෙන් කොටසක් මේ ග‍්‍රැෆික් සටහනෙහි දැක්වෙනවා. මෙතෙක් නොවූ විරූ අධි තාක්ෂණික පහසුකම් රැුසක් කී‍්‍රඩකයන්ට ලැබෙනවා. නරඹන්නන්ටත් එහෙමයි.

විදුලි පිරවුමකින් සැතැපුම් 25,000ක් යන්න පුළුවන් කාරයක්! පෘථිවියේ නිරක්ෂය වටා යන ගමනක් වගේ දුරක්!

ප‍්‍රංශ සිසුන් පිරිසක් කාරෙකක් තනා තියෙනවා එක් විදුලි පිරවුමකින් සැතැපුම් 25,000ක් යන්න පුළුවන්. ඒක හරියට පෘථිවියේ නිරක්ෂය වටා යන ගමනක් වගේ දුරක්.

කාබන් තන්තුවලින් තනා ඇති මේ කාරය නම් කර තියෙන්නෙ මයික්‍රෝජූල් (Microjoule) කියලයි. බර කිලෝමීටර 35ක් බරයි. ලන්ඩනයත් මැන්චෙස්ටර් නගරයත් අතර ඇති කිලෝමීටර 320ක දුර යන්න පැන්ස 12ක මුදලක් විතරයි වැය වෙන්නෙ.

ඉන්ධන කාර්යක්ෂමතාව වැඩි වාහනය තෝරන්න යුරෝපීය ෂෙල් සමාගම පැවැත් වූ ඉකෝ-මැරතන් තරගයෙන් දිනුවේ මේ සුපිරි සැහැල්ලූ මොටෝ රියයි.

ප‍්‍රංශ සිසුන් පිරිසක් තැනූ මේ මයික්‍රෝජූල් කාරෙකෙන් එක ඉන්ධන ලීටරයකින් සැතැපුම් 25,000ක් යන්න පුළුවන්. ඒක හරියට පෘථිවියේ නිරක්ෂය වටා යන තරම් දුරක්.

ලෝක පාපන්දු තරග නරඹන්න ලෝකයේ ලොකුම ටෙලිවිශනය එයි!

සිවු වසරකට වරක් පැවැත්වෙන ලෝක පාපන්දු තරගාවලිය දැන් පටන් අරන්. ඒ තරග මාලාව බ‍්‍රසීලයට නොගිහින් ගෙදර ඉඳන් ඒ විධියට ම නරඹන්න කැමති නම් දැන් ඒ වෙනුවෙන් ම ටෙලිවිශනයක් නිපදවා තියෙනවා.

ඒ ටෙලිවිශනයේ තිරයේ කී‍්‍රඩකයන් පෙනෙන්නේ ඔවුන් නියම ශරීර ප‍්‍රමාණයෙන්මයි. එහෙනම් ඒක ලෝකයේ ලොකුම ටෙලිවිශනය වෙන්න ඇති. ඔබ කියාවි. හරියට ම හරි! ඒක තමයි ලෝකයේ තියෙන ලොකුම ටෙලිවිශනය!

මේ ටෙලිවිශනය නිපදවා ඇත්තේ ලන්ඩනයේ නිෂ්පාදකයෙක්. ටයිටන් කියන මේ නිෂ්පදකයා මේ නව ටෙලිවිශනය හඳුන්වා ඇත්තේ සූස් (Zeus) කියලයි. සුස් කියන්නේ ගී‍්‍රක මහ දෙවියන්ටයි.

අඟල් 370ක තිරයක් මේ ටෙලිවිශනයට තියෙනවා. පළලින් අඩි 32ක්. උස අඩි 15ක්. හැබැයි මිල නම් ටිකක් සැරයි. ඩොලර් ලක්ෂ 16ක්!

ලොව ලොකුම ටෙලිවිශන තිරය මෙයයි. මෙහි පළල මීටර අටක්, උස මිටර පහක්. වෙනත් විදියකින් කීවොත් මෙය අඟල් 370ක ටෙලිවිශනයක්! මිල ඩොලර් මිලියන 1.6ක්!

හයිබි‍්‍රඞ් හෝ විදුලි මෝටර් රථ ශරීරයට අහිිතකරද? පිළිකා ඇති වීමේ අවදානම වැඩිද?

විදුලි මෝටර් රථ හෙමින් සීරුවේ, නිහඬව, ලෝකයේ රථගාල්, ගරාජ, වීදි, නගර ආදියට දැන් රිංගා ඇති බව පැහැදිලියි. එසේම මහ මග දීද නිතර අපට ඒවා හමුවෙයි. පැට්‍්‍රල් හා විදුලි මිශ‍්‍ර හයිබි‍්‍රඞ් කාර්වලින් පසු මුළුමනින්ම විදුලියට හැරෙන දිනය වැඩි ඈතක නොවන බව දැන් පැහැදිලියි.

ගහකොළවලට, පරිසරයට හරිම හිතරකර වුනත් මේ විදුලි මෝටර් රථ එය පදවන්නන්ට හා ඒවායේ යන එන අයට එහි ජනිත වන චුම්බක ක්ෂේත‍්‍රය අහිතකර ද යන්න පිළිබඳ ගැටලූවක් මතු වුණා.

මේ පිළිබඳව රටවල් හතක් යොදා ගෙන කළ අධ්‍යයනයකදී ලැබුණු කරුණු අනුව විදුලි මෝටර් රථවලින් මිනිස් සිරුරට අහිතකර මට්ටමට විද්යුත් චුම්බක ක්ෂේත‍්‍රයක් ජනිත නොකෙරෙන බව හෙළි වුණා.

විදුලි මෝටර් රථ දැන් අපේ රටේ මහා මාර්ගවලට වැඩි වැඩියෙන් අවතීර්ණ වෙලා! සමහර අය දැන් බියට පත්වෙලා තියෙනවා ඒවායෙන් ජනිත වන විද්යුත් චුම්බක ක්ෂේත‍්‍රය මිනිස් සිරුරට අහිතකරයි කියලා!

අපට හොරා සිගරැට් දුම අපට වින කටින හැටි! නවතම පරීක්ෂණවලින්!

දුම්පානය නිසා ඇති වන හානියේ බරපතලකම මෙතෙක් නොසිතූ අයුරින් වැඩි බව දැන් ලොව පුරා සිදු කෙරෙන පරීක්ෂණවලින් පෙනෙනවා. දැන් පෙනෙන හැටියට දුම්බීම සදහටම තහනම් නොකොට මේ දුමෙන් බේරෙන්න අප කාටවත් බැරි හැඩැයි.

දුම්බීමෙන් වන හානිය වළක්වන්න ලොව පුරා රජයන් විවිධ නීති ගේනවා. ඒ අතින් වැඩිම පියවර ගණනක් අරන් තියෙන්නේ කැනඩා රජයයි. අපේ රටේත් පසුගිය කාලෙ නීති ගණනාවක් ගෙනවා. දුම් වැටි දැන්වීම් තහනම් කළා. ප‍්‍රසිද්ධ ස්ථානවල මහජනතාව දුම්බීම තහනම් කළා. අවුරුදු 21ට අඩු අයට දුම්වැටි අලෙවිය තහනම් කළා. ඊට වැඩි වයස් අයට දුම්වැටි වික්කත් ගින්දර දෙන එක මුදලාලිට තහනම් කළා.

<

සක්වළ ජීවීන්ගෙන් පණිවිඩයක් ඉදිරි අවුරුදු 20 ඇතුළත!

”සක්වළ ජීවීන් ඇත්තෙන් ම ඉන්නවා. ඒත් ඔවුන් චිත‍්‍රපටවල පෙන්වන විධියට පොළොවට එන කොළ පැහැති පුංචි මිනිස්සු ජාතියක් නෙවෙයි. අපේ සෞර ග‍්‍රහ මණ්ඩලය තුළ නම් ක්ෂුද්‍ර ජීවියෙක්. (microbial life) එතැනින් එහා සක්වළෙන් නම් බුද්ධිමත් ජීවියෙක් (intelligent life) සිටිය හැකියි.”

මෙහෙම කියන්නේ සෙටී (Seti) හෙවත් පාරභෞමික බුද්ධිමත් ජීවින් සෙවීම සඳහා පත්කළ කමිටුවට අයත් ප‍්‍රධාන පර්යේෂකයන් දෙපොළක්. ඔවුන් මේ අදහස් පළ කළේ ඇමරිකාවේ වොෂිංටන් ඞී.සී. විද්‍යාව, අභ්‍යවකාශය හා තාක්ෂණ විද්‍යාවන් පිළිබඳ පාර්ලිමේන්තු කමිටුව ඉදිරියේ සාක්ෂි දෙමිනුයි.

‘තාරකා ජීව විද්‍යාව සහ විශ්වයේ ජීවය ඇද්දැයි සෙවීම’ යන මැයෙන් කරුණු ඉදිරිපත් කරද්දී ඒ විද්‍යාඥයන් කීවේ විශ්වයේ අප සිටින්නේ තනිවම නොවේය යන්නට හේතු සාධක හා සාක්ෂි දැනටමත් ලැබී ඇති බවයි.

මේ සෙටී ආයතනයේ විද්‍යාඥයන් වන ආචාර්ය සෙත් ෂෝස්ටැක් (ඡායාරූපයේ ඉන්නා) හා ආචාර්ය ඩෑන් වර්ට්තීමර් යන දෙදෙනා මෙතෙක් සක්වළ ජීවීන් සෙවීම සඳහා කළ දේ ගැන කොංග‍්‍රස් මන්තී‍්‍ර කමිටුවට කරුණු දැක්වුවා. ඉදිරියටත් ප‍්‍රමාණවත් අයෝජන ලැබුණොත් ඉදිරි වසර 20 ඇතුළත සක්වළ ජීවීන් සොයා ගත හැකි වන බවයි.

ඉබේ දුවන වාහනයට රිය පැදවීමේ බලපත‍්‍ර දෙන්න කැලිෆෝනියාව සූදානම්!

සමහර අය දැනටමත් කලබල වෙලා, මේ මහමගට එන රියැදුරන් නැති කාර් ගැන. ඔබට මතක ඇති ‘මල් කැකුළු’ තුළින් ගූගල් කාරය ඇතුළු රියැදුරන් නැතිව පදවන වාහන කීපයක් ම පෙන්නුවා.

ඒවාට ‘ලයිසන්’ දෙන්නෙ කොහොමද? පැදවීමේ බලපත‍්‍රයක් ඇති කෙනෙක් මහ මග යද්දී ඒ තුළ සිටිය යුතුද? මහමග රිය පැදවීමේ වගකීම ගන්නේ කවුරුන්ද? ආදී වශයෙන් ප‍්‍රශ්නවැලක් ඒ දුටු අපේ දරුවන් අපෙන් ඇසුවා.

එවේලේ උත්තරයක් අපේ අතේ තිබුණේ නැහැ. ඒත් දැන් ඒකට පිළිතුරක් ඇමරිකාවේ කැලිෆෝනියාවේ මෝටර් රථ දෙපාර්තමේන්තුව දීලා තියෙනවා.

කැලිෆෝනියාවේ මෝටර් රථ දෙපාර්තමේන්තුව ඉබේ පැදයන වාහනවලට ලබන සැප්කැම්බරයේ සිට පැදවීමේ බලපත‍්‍ර දෙන්න ලෑස්තියි. හැබැයි හැම එකකටම නෙවෙයි. ඒ අය කියන ප‍්‍රමිතියට නිපදවපු මෝටර් රථවලට විතරයි.

ඇමරිකාවේ කැලිෆෝනියාවේ මෝටර් රථ දෙපාර්තමේන්තුව රියැදුරු රහිත වාහනවලට මහමග රියපැදවීමේ බලපත‍්‍ර දෙන්න සූදානම්, ලබන සැප්තැම්බරයේ සිට. හැබැයි වාහනයට බලපත‍්‍රය දෙන්නේ සම රියැදුරකු සමගයි. ඔහු අසුනේ වාඩි වී සිටිය යුතුයි. හදිසියකදී පැදවීම මිනිස් රියැදුරාට පවරා ගත හැකි විධියට වාහනය තනා තියෙන්න  ඕනෑ. ඉහළ ඇත්තේ ගුගල් ලෙක්සස් නම් රියැදුරු රහිත රථයක්.

අපේ ආහාර සකසන විධියේ වෙනසක් කළ හැකි විස්මිත මෙවලමක්!

ලෝක ප‍්‍රකට ‘ස්ටාර් වෝස්’ චිත‍්‍රපටයේ ආ අපූරු අදහසක් කි‍්‍රයාවට නැඟීමක් වගෙයි. තායිවානයේ ගුරුවරියක් තමයි, ලෝක ව්‍යාප්ත මුළුතැන්ගෙයි මෙවලම් තරගයෙන් මුලට ඇවිත් තියෙන්නෙ. මේ උපකරණය කුස්සියේ හැම වැඩකටම ගත හැකි කුඩා පිහියක්. නම් කර ඇත්තේ ‘ලයිට්සේබර් නයිෆ්’ (Lightsaber Knife) කියලයි.

මේ සුවිශේෂ පිහිය ඔබට ඕනෑ වැඩකට සරිලන විධියට වෙනස් කර ගන්න පුළුවන්. මාළු හෝ මස් කපන්න, එහෙමත් නැත්නම් මේසයේ පාවිච්චි කරන්න හදා ගත්තෑකි. ඒක අවශ්‍යතාවට ගැළපෙන විධියට වෙනස් කර ගත්තෑකි.

ලයිට් මේබර් පිහිය තමන්ගෙ අවශ්‍යතාවට ගැළපෙන විධියට වෙනස් කර ගන්න පුළුවන්. ඒ පිහිය නිතරම රඳවනයකයි තියලා තියෙන්නෙ. ඔබට අවශ්‍ය තලය තෝරා ගෙන ඊට නියමිත බොත්තම තද කළා ම පිහිය අලූතින් ම වාත්තු වෙලා එළියට එනවා මිනිත්තු ගණනක් ඇතුළත.

ගෙදර බිම, දොරජනෙල් රෙදි පිරිසුදු කරන්න විස්මිත රොබොට්ටෙක්! තරුණියකගේ හපන්කමක්!

මේ අපූරු නිර්මාණයක්! අටපාවාගේ හැඩය දිහා බලාගෙන පාද හතරකින් හැදුවත් මෙයා සිවුපාවකුට වඩා වෙනස්!

මේ අමුතු ම තාලේ රොබෝවෙක්. මේ රොබෝවා ඔබේ ගෙදර හිටියොත් මෙයා මුළු ගෙදර ම පිරිසිදු කරාවි. ආයිග් කුණු පොදක්වත් ඉතුරු කරන එකක් නැහැ.

මෙයාගෙ නම ටොඩි (Tody) අත් හතරක් ඇති රොබෝ කෙනෙක්. ඒ එක් අතක විතරක් තියෙනවා ජල වාෂ්ප යැවිය හැකි නොසල 22ක් හා කුණු අවශෝෂණය කර ඉවත් කළ හැකි රික්ත නොසල 29ක් බැගින්.

මෙහි අත්හතර මැද ජලය පිරුණු මල්ලක් හා දූවිලි එක්කාසු කළ හැකි මල්ලක් තියෙනවා.

මේ තමා තුර්කියේ රානා ඇල්පර් තරුණිය විශ්ව නව සැලසුම් තරගයට ඉදිරිපත් කළ අලූත්ම නිර්මාණය. නම ටොඞී. අලූත්ම පිරිසිදු කරන රොබෝ මෙවලම.

මැලේරියාවටත් එන්නතක් සොයා ගනියි! වසරක් පාසා 620,000කගේ දිවි ගැලවිය හැකියි!

විද්‍යාඥයන් විසින් මැලේරියාව මර්දනය කළ හැකි ‘විප්ලවකාරී’ එන්නක් සොයා ගෙන තියෙනවා. වසරක් පාසා 620,000ක් මිනිස් ජීවිත ගොදුරු කර ගන්නා මේ මැලේරියාව මඬින්නට ක‍්‍රමයක් ලෙස එන්නතක් සොයා ගෙන තිබුණේ නැහැ.

මේ එන්නත සොයා ගෙන තියෙන්නෙ ටැන්සානියාවේ දරුවන් පිරිසකගෙන්. ඒ දරුවන්ගේ සිරුරු තුළ ස්වාභාවිකව මේ මාරක රෝගයට ප‍්‍රතිශක්තියක් ඇති වෙනවා. විස්මිත සොයා ගැනීමට මග පෑදෙන්නේ ඒ දරුවන්ගේ සිරුරු තුළ මැලේරියාව ඇති කරන පරපෝෂිතයන් රතු ෙසෙල තුළම කොටු කර ගන්නට ඒ දරුවන්ට ඇති හැකියාව තේරුම් ගැනීම නිසයි.

මේ සඳහා එක් වූ පර්යේෂකයන් කියන්නේ මේ නව සොයා ගැනීම අනුව තැනූ එන්නත පරීක්ෂණ අවස්ථා පහක දී මීයන්ට ලබා දුන් බවයි. ඒ මීයන්ට මැලේරියාවෙන් ආරක්ෂාව සැලසුණා. ඉදිරි සතිවලදී පර්යේෂණාගාරවල ඇති කරන වඳුරන්ට මේ එන්නත ලබා දෙන්න ඔවුන් බලාපොරොත්තු වෙනවා.

ලොව පුරා කාලයක් තිස්සේ වෛද්‍ය පර්යේෂකයන් හා විවිධ වෛද්‍ය පර්යේෂණ ආයතන මේ සඳහා එන්නතක් සොයා ගන්න කාලයක් තිස්සේ වෙහෙසෙනවා. දැන් ඒ හපන්කම කවුරුන් හෝ කළා යැයි කීම කාගේ සතුටට කරුණක්.
මෙහි දැක්වෙන්නේ මැලේරියා ආසාදනයට ලක් වූ රතු රුධිර ෙසෙලයක විශාලනය කළ රූපයක්.

ලෝකෙන් තුරන් වූ වසූරිය දැඩි ආරක්ෂාව මැද රුසියානු හා ඇමරිකානු රසායනාගාර දෙකක! වයිරසයේ ඉරණම ගැන තීන්දුවක් අද හෙටම!

වසූරිය රෝගය සහමුලින්ම මිහිමතින් තුරන් කර දැන් වසර 30කටත් වැඩියි. අප කුඩා ළමුන්ව සිටියදී වසූරිය වැළඳීම වළක්වන්නට ප‍්‍රතිශක්තිකරණ එන්නත අනිවාර්ය කර තිබුණා මතකයි. හැම ළමයකුගේම අතේ ඒ එන්නතේ කැලල ඉතිරිව තිබුණා. අද ළමයින්ට ඒක අනිවාර්ය නැහැ. ඒ වසූරිය රෝගය සම්පූර්ණයෙන්ම මිහිමතින් අතුගාලා දාලා තියෙන හින්දයි.

මේ වයිරසය දැනට ආරක්ෂා සහිතව තබා ඇත්තේ දෙතැනකයි. ඒ ඇමරිකාවේ හා රුසියාවේ රසායනාගාර දෙකක, දැඩි ආරක්ෂාව මැදයි. ලෝකයේ සෞඛ්‍ය අමාත්‍යවරුන් අද හෙටම රැුස් වෙනවා, ඒ මේ වයිරසයේ ඉරණම ගැන තීන්දුවක් ගන්නයි.

දැනට මේ වයිරස සාම්පල වයල දෙක පරිස්සමෙන් තබා ගෙන ඉන්නේ අනාගතයේ මේ වසූරිය මාරයා නැවත කවදා හේ මතු වුවහොත් ඊට පිළියම් යොදන්නට අවශ්‍ය ඖෂධ තැනීමට පර්යේෂණ කරන්නයි.

මේ දශක තුනකට පෙර ලෝකය විනාශ කළ මාරක වසූරිය රෝග පැතිර වූ වෙරියෝලා වයිරසයයි. මේ ඒ වයිරසයේ ඉලෙක්ට්‍රෝන අන්වීක්ෂයකින් ගන්නා ලද විශාලනය කළ පිළිබිඹුවක්.

ලෝකයේ විශාලතම ඩයිනොසෝරයා හමුවෙයි! අති දැවැන්තයි! තට්ටු හතක ගොඩනැගිල්ලක් තරම් උසයි!

මෙතෙක් ලෝකයේ හමු වී ඇති විශාලතම සත්වයාගේ අස්ථි සොයා ගැනීමට විද්‍යාඥයන් සමත් වී තියෙනවා. තාමත් ඌට නමක් තබා නැහැ. මිහිමත ඇවිද ගිය ලෝකයේ ලොකුම සතා ලෙස මෙතෙක් හඳුනා ගෙන තිබුණේ ආජෙන්ටිනෝසෝරස (Argentinosaurus) නම් ඩයිනොසෝරයායි. ඒ වාර්තාවලට අනුව ලෝකයේ වැඩිම බරකින් හා දිගින් යුත් සත්වයාත් ඌමයි. ඒ සතා පරදවන මේ අලූත් සතාත් ඩයිනොසෝරයෙක්. සොයා ගෙන ඇත්තේ ආජෙන්ටිනාවෙන්මයි.

විද්‍යාඥයන් විශ්වාස කරන විධියට මේ අලූත් සතා අයත් වන්නේ ටයිටනෝසෝර් (titanosaur) සත්ව විශේෂයටයි. වැඩුණු සතකු බරින් රාත්තල් 170,000ක් විතර වෙනවා. ඌ ප‍්‍රමාණයෙන් දැනට ලෝකයේ ගොඩබිම වෙසෙන වැඩිම විශාල සත්වයා වූ අපි‍්‍රකානු ඇතුන් 14කුට සමානයි, කියලයි කියන්නෙ. ඌ දිගින් අඩි 170ක්. බර ටොන් 100කට ආසන්නයි! උස තට්ටු හතක ගොඩනැගිල්ලක්, එනම් මීටර 20ක් උසයි.

මේ සතාගේ අස්ථි මුලින්ම සොයා ගෙන ඇත්තේ පැටගෝනියාවේ දේශීය ගොවියකු විසින්. ඒ පුවත මුල්වරට ලෝකයට ගෙනාවේ බීබීසී සොබාදම් ඉතිහාස ඒකකය විසින්.
මේ යෝධ ඩයිනෝසරයාගේ කලවා ඇටය හෙවත් ඌර්වාස්ථියයි. උගේ සිරුරේ ප‍්‍රමාණය අසලින් වැතිර සිටින මිනිසාගෙන් ඔබට සිතා ගත හැකියි.