0

අලංකාර වර්ණවත් කකුළු වර්ග හතරක් පිලිපීනයේ දූපතකින් සොයා ගැනේ!


පිලිපීන දුපතකින් විස්මිත දම්පැහැ කකුළු විශේෂ හතරක් අලූතෙන් ම සොයා ගෙන තියෙනවා. මේ කකුළු වර්ග පිලිපීනයට අයත් පලවාන් දූපතට ම ආවේණික වූවන්. විවිධ කැණීම් ව්‍යාපෘති නිසා දැන් ඔවුන් වඳ වී යාමේ තර්ජනයට ලක් වී තියෙනවා.

වඳවී යාමේ තර්ජනයට ලක්ව සිටින එක් දම්පැහැ කකුළු වර්ගයක්.
2

විද්‍යාඥයෝ ‘මිනිස් මොළයක්’ තනන්ට යති! අති සුපිරි පරිගණකයක්, මිනිස් මොළය ඒ අයුරින් ම අනුකරණය කළ හැකියි!

මිනිස් මොළය ඒ අයුරින් ම අනුකරණය (විඩම්බනය) කළ හැකි, මෙතෙක් නොවූ විරූ ආකාරයේ අති සුපිරි පරිගණකයක් නිර්මාණය කරන්නට යුරෝපයේ විද්‍යාඥයෝ සැරසෙති. මේ විස්මිත පරිගණකය නිර්මාණය කරන්නට යන්නේ මොළයට වැළඳන රෝගවලට ප‍්‍රතිකාර කිරීමට උපකාර ලබා ගැනීමටයි.

මිනිස් මොළයට සමාන වෙනත් කිසිම යන්ත‍්‍රයක් ලොව නැත. ඒත් දැන් විද්‍යාඥයෝ ලෝකයේ බලවත් ම පරිගණකය යොදා ගෙන එවැන්නක් තැනීමට යති. ඔවුන් මෙය කරන්නට යන්නේ වසර 12ක් තිස්සේ කි‍්‍රයාත්මක කෙරෙන ව්‍යපෘතියක් යටතේ ය.

මේ සඳහා මෙතෙක් ලොව පුර ම විද්‍යාඥයන් විසින් හෙළිදරවු කර ගෙන ඇති මොළය පිළිබඳ රහස් සියල්ල එක් රැස් කිරීමට ඔවුහූ බලාපොරොත්තු වෙති. ඒවා අනුව එහි කි‍්‍රයාකාරිත්වය දැක්වෙන අනුකෘතියක තිර සටහනක් මුලින් ම තැනෙනු ඇත. ඊට මොළයේ එක් එක් ෙසෙල හා අණු ආදියෙහි කි‍්‍රයාකාරිත්වය ද සවිත්සරව ඇතුළත් වනු ඇත.

 
මිනිස් මොළය මුලූමනින් ම අනුකරණය කළ හැකි පරිගණකයක් තැනීමට විද්‍යාඥයෝ සැරසෙති.
2

තවත් ‘බයොනික ඇසක්’ එයි! බද්ධ කිරීම සාර්ථකයි! වසර 20කට පසු අන්ධයන් දෙදෙනකුට පෙනීම ලැබේ!

ඕස්ටේ‍්‍රලියාවේ මොනෑෂ් විශ්ව විද්‍යාලයේ නව නිපැයුමක් වූ ‘බයොනික ඇසක්’ ගැන මැයි 3 වැනිදා සටහනෙන් කීවා ඔබට මතක ඇති. ඒ වගේ තවත් අලූත් ම සොයා ගැනීමක් යුරෝපයෙන් වාර්තා වෙනවා. ඒකත් බයොනික ඇසක්. ජර්මනියෙන් එන නව නිපැයුමක් වන මෙය දැන් රෝගීන් සමග සායනික අත්හදා බැලීම් බි‍්‍රතාන්‍යයේ දී පටන් අරන්. මේ අත්හදා බැලීම් සිදු කෙරෙන්නේ අන්ධ අයට පෙනීම ලබා දීමේ අරමුණ ඇතිවයි.

ගිය සතියේ කළ විශේෂ සැත්කම් මගින් බි‍්‍රතාන්‍ය රෝගීන් දෙදෙනකුට මේ ‘බයොනික ඇස්’ ලැබුණා. මේ ඉලෙක්ට්‍රොනික මයික්‍රොචිපය බද්ධ කිරීම සඳහා කළ සැත්කමට පැය 8ක් ගත වුණා. ඒවා ඉතා සාර්ථක වූ බවයි, වාර්තා වෙන්නේ. මේ අනුව වසර 20ක් පමණ කාලයක් තිස්සේ අන්ධභාවයෙන් පෙළුණු ඒ දෙදෙනාට මුල්වරට විස්මිත ලෙස පෙනෙන්නට පටන් ගත්තා.

 
සැත්කම් පිරිසේ නායක මහාචාර්ය රොබට් මැක්ලරන්.
0

සුබ වෙසක් මඟුලක් වේවා! මෙදා වෙසක් පුරසඳ සුපිරි එකක්! පෝය දවසේ එළියට බැස්සොත් ඔබට ඒ සුපිරි හඳ දකින්න පුළුවන්.

වසරේ විශලතම හඳ දිස් වන්නේ මේ පෝය දායි. හැබෑවට ම හඳ විශාල නොවුණත් අඩු තරමින් බලන අපටවත් විශාල ව හා වෙනදාට වඩා දිප්තිමත් ව පෙනෙනවා.

මේ සුපිරි හඳ සමාන්‍යයෙන් පිහිටනවාට වඩා එදා පොළොවට වඩාත් ළංවයි පිහිටන්නෙ. මෙසේ සඳ පෘථිවියට ළං ව පිහිටන නිසා උස් උදම් රළ ඇති වෙන්න පුළුවන්. මේ උදම් රළ ඇතැම් තැනක වෙනදාට වඩා සියයට 42ක් උසින් වැඩි විය හැකි බවයි, විද්‍යාඥයන් කියන්නෙ. එය සාමාන්‍ය රළ සෙන්ටිමීටර් 15ක් (අඟල් 6ක්) උස් වීමක් නිසා එය එතරම් ගණන් ගත යුතු නැත.

 
මේ සෙනසුරාදා රෑට පායන සුපිරි පුරහඳ 2012 අනෙක් පුර හඳවලට වඩා සියයට 14ක් විශාලත්වයෙන් ද සියයට 30ක් ද දීප්තියෙන් ද වැඩි වනු ඇත.
6

මේ යේසුස් වහන්සේගේ සොහොන් ගැබ ද? පුරාවිද්‍යාඥයෝ රොබෝ අතක් යවා ජෙරුසෙලමේ සොහොන් බිමක් පිරික්සති!

යේසුස් වහන්සේ මිහිදන් කරනු ලැබුවේ කොහේද? පුරාවිද්‍යාඥයෝ පිරිසක් කැමරාවක් සහිත රෝබෝ අතක් යවා ජෙරුසෙලමේ සොහොන් බිමක් පිරික්සති. ඔවුන්ට එහි තිබී මිනිස් අස්ථි සහිත ඉපැරණි මිනී පෙට්ටියක් හමුවෙයි. ‘දිව්‍යමය යෝහෝවඃතුමාණනි, උත්ථානය කරනු මැනවි’ යන අරුත ඇති හීබෲ වැකියක් ද එහි ලියා තිබුණි.

යේසුස් වහන්සේගේ අවසානයේ සැතපුණු ස්ථානය මෙය යැයි පිළිගත හැකි ප‍්‍රබල සාක්ෂියක් ලෙස ඔවුහූ එය විශ්වාස කරති. කෙසේවෙතත් අනෙක් විද්වතුන් මේ සොයා ගැනීම දෙස බලන්නේ බලවත් සැකයෙන් යුතුවය.

මිනිස් අස්ථි ඇතුළත් ඒ වදන් කොටා ඇති හුණුගල් පෙට්ටියට සමාන පෙට්ටියක මුව විට ඉදිරියේ මාළුවකුගේ හා රිටක් අතින් ගත් මිනිසකුගේ රුවක් කොටා ඇත. එය ජොනාහ් හා තල්මසා පිළිබඳ ඉතා පැරණි බයිබල් කතාව සිහිපත් කරන්නෙකැයි ඔවුහූ කියති.

 
පළමුවන සියවසට අයත් සේ සැලකෙන යේසුස්ගේ සොහොනෙහි ගල් පෙට්ටියෙහි කොටා ඇති මාළුවකුගේ රූපය. ඇතැම් පුරාවිද්‍යායන් මෙය හඳුන්වන්නේ මල් වාස් එකක් කියායි.
3

ඇස් නොපෙනෙන අයට පෙනීම දෙන නව ඇසක් ඕස්ටේ‍්‍රලියාවේ විද්‍යාඥයන්ගෙන්!


මෙතුවක් කලක් ‘බයොනික ඇස්’ අපට දැක ගැනීමට හැකි වූයේ ‘ද ටර්මිනේටර්’ වැනි චිත‍්‍රපටවල විතරයි. ඒත් දැන් හැබෑ ලෝකයේත් අපට ඒවා ඉදිරියේ දී දැක ගන්න පුළුවන්.

‘ද ටර්මිනේටර්’ චිත‍්‍රපටයේ ආනෝල්ඞ් ෂ්වාසෙනෙගර් රඟපෑවේ රොබොට්ටකුගේ චරිතයක්. ඔහුට අවට පරිසරය ස්කෑන් කර එහි ඇති දෑ විශ්ලේෂණය කර බැලීමේ හැකියාවක් ඇති ‘බයොනික ඇස’ක් තිබුණා.

දැන් ඕස්ටේ‍්‍රලියාවේ මොනෑෂ් විශ්ව විද්‍යාලයේ පර්යේෂකයන් පිරිසක්, පරිගණක සහය ලබා ගෙන දැකීමේ හැකියාව ලබා දෙන ‘බයොනික ඇස’ක් නිර්මාණ කිරීමේ ව්‍යාපෘතියක් පටන් අරන්. හැබැයි ඒක අර ‘ද ටර්මිනේටර්’ චිත‍්‍රපටයේ දුෂ්ට සයිබර් ජීවී ඇස තරම් සංකීර්ණ එකක් නම් නෙවෙයි.

 
පර්යේෂකයන් අත්හදා බැලීම් කරන්නේ ටර්මිනේටර්ගේ ඇස තරම් ප‍්‍රබල එකක් නෙවෙයි.

කැමරාවට වැඩිය ලොකු, අධි මිල විස්මිත කාචයක්! මේ පුළුල් කාචයෙන් ඔබේ පිටුපස ඇති දේත් දකින්න පුළුවන්!


මේ කැමරාවේ කාචය කෙතරම් පුළුල් කෝණයකින් යුක්ත ද යත් ඔබට ඔබේ පසුපස සැඟවී ඇති දේත් කැමරාවට නඟන්න පුළුවන්. මේ නිකොන් මීනාක්ෂි කාචයෙන් (Nikon fisheye lens) අංශක 220 කෝණයක ක්ෂේත‍්‍ර පරාසයක් ඡායාරූපයට නැඟීම ඔබට ඉතා පහසුවෙන් කළ හැකියි. යුනික් රා.10 නිකෝ මීනාක්ෂි (මසු ඇස) කාචය නම් වූ මෙය පසුගිය සතියේ ලන්ඩනයේ වෙළෙඳ පොළට ආවා. මේ එක කාචයක මිල කැමරාව නැතිව පවුම් ලක්ෂයක් වෙනවා. එය සවි කළ හැකි කැමරාව වෙන ම මිලට ගන්න වෙනවා.

මෙන්න ලෝකයේ පුංචි ම පුංචි කාරෙක! පළල මීටරයයි, දිග මීටර එකහමාරයි!

මෙන්න ලෝකයේ පුංචි ම පුංචි කාරෙක! කලින් අපි නැනෝ කාරය ගැන ලිව්වා ඔබට මතක ඇති. දැන් ඒක ශී‍්‍ර ලංකාවෙ පාරවලත් වැහි වැහැල! දැන් නිපදවල තියෙනවා, ඊටත් පුංචි කාරෙකක්. මීටරයයි, පළල. උස මීටර එක හමාරයි. මේක වෙළඳ පොළට එන්නෙ ලබන අවුරුද්දෙයි.

මේ පුංචි කාරෙකට පුංචි කොරිඩෝවක, ලිෆ්ට් එකක, අඩි පාරක වුනත් යන්න පුළුවන්. ඕනෑම අස්සක මුල්ලක වනත් ගියෑකි. ඔබ වැඩ කරන මේසය ළඟ වුනත් පාක් කරන්න පුළුවන්. රථ ගාලක් ඕනැ වෙන්නෙ නෑ. නිදන කාමරේ වුනත් තියා ගත්තෑකි.

 
මේ පුංචි වොල්ප් කාරයෙන් වැඩ කරන තැනට වුනත් යන්න පුළුවන්.

මේ ලොක් නෙස් විලේ රාක්ෂයාද? අබිරහස් විලේ ගත් අලූත්ම සේ රූ පෙළකින් රහස එළිවෙයිද?


මේ ලොක් නෙස් විලේ අබිරහස ජලාශ පත්ලක සැඟවුණු, මෙතෙක් හෙළි කර ගත නොහුණු සුවිශේෂ එකක් ලෙස සලකන්න පුළුවන්. එය පරම්පරා ගණනක් තිස්සේ පරීක්ෂකයන්ට ජයගත නොහැකි වූ අභියෝගයක්.

ස්කොට්ලන්තයේ ගැඹුරු ම විලේ ජීවත්වන මේ රාක්ෂයා ගැන ජනප‍්‍රවාද රැසක් ම තියෙනවා. හදිසියේ දියෙන් මතුවුණු මේ සතාගේ හැඩරුව ගැන ඇසින් දුටුවන්ගේ විස්තර, ගත්තා යැයි කියන ඡායාරූප, ඌ හා බැඳුණු කටකතා අති මහත් රාශියක් දස ගණනාවක් තිස්සේ සමාජයට එක් වී තියෙනවා.

3

පාරේ දුවන්නවත් බැරි කාරෙකක් පවුම් මිලියන තුනකට වෙන්දේසියේ විකිණෙයිද?


එක්සත් රාජධානියේ මෙතෙක් නිපදවූ සුපිරි ම මොටෝරිය කැලිෆෝනියාවේ දී වෙන්දේසි වුණා. 1997 දී නිපදවන ලද මැක්ලරන් එෆ් 1 ජීටීආර් නම් මේ රේසිං රථය තමයි එංගලන්තයේ පිටතට ගිය ඒ වර්ගයේ පළමු රිය වන්නේ. දැන් ඉදිරිපත් කර ඇති මොඩලය ජීටීසී ගල්ෆ් ඬේවිඩෝෆ් මැක්ලරන් එෆ් 1 වර්ගයට අයත් රේසිං කාරයක්.මේ වර්ගයේ රථ නිෂ්පාදනය කර ඇත්තේ 28ක් පමණයි.

3

මිහිපිට කිසි ම මිනිසකුට කළ නොහැකි වූ දේ කරමින් වාර්තා පිට වාර්තා තැබූ විශ්ව පුරුෂයෙක්!

ලෝකයේ මිනිසකුට තම ජීවිත කාලය තුළ ලබා ගත හැකි ඉහළ ම ගෞරවය දිනා ගත්, මෙතෙක් මිහිපිට කිසි ම මිනිසකුට කළ නොහැකි වූ දේ කරමින් වාර්තා පිට වාර්තා තැබූ විශ්ව පුරුෂයෙක්.  2008 වසරේ ජනවාරි 11 වැනිදා මෙලොවෙන් සමු ගත් ඔහු තමා ශී‍්‍රමත් එඞ්මන්ඞ් හිලරි (Sir Edmund Hillary). නම ඇහුවා ම කාටත් මතක් වෙනවා, ඔහු තමා මුලින් ම ලෝකයේ උසම කන්ද වූ එවරස්ට් ශිඛරය මත පා තැබූ ප‍්‍රථම මිනිසා. ඒ 1953 මැයි 29 වැනිදායි. ඒ විතරක් නෙවෙයි, ඔහු 1958 දී දක්ෂිණ ධ‍්‍රැවයටත්, 1985 දී උත්තර ධ‍්‍රැවයටත් ගියා. ලෝකයේ දෙකෙළවරටත්, උස ම තැනටත් පා තැබූ ලොව එක ම මිනිසා ඔහුයි. ඒ නිසා ඔහු මුළු ලොව ම ජය ගත් පළමු එක ම මිනිසා ලෙස හැඳින්විය හැකියි. ඔහු පිළිබඳ ව අප මේ සටහන තබන්නේ ලොව දිනන්නට ඔහු තුළ වූ නොපසුබට උත්සාහය හා චිත්ත ධෛර්යය කියා පාන්නයි. එසේ ම ඔහු ලොවට පෙන්වූ මානවදයාවේ මහිමය විදහා පාන්නයි.

4

ගෝල් දේශයේදී පැරදුණු ජුලියස් සීසර්!


ජුලියස් සීසර් (Julius Caesar) තම ජීවිත කතාව ලේඛන ගත කර තබන්න කලින් ඝාතනයට ලක් වුණා. ඒත් ඔහුගේ ජයග‍්‍රහණ නිසා මිනිස් ඉතිහාසයේ පෙරළි කළ කිහිප දෙනෙක් අතරින් එක් අයෙක් ලෙස සීසර් ඉතිහාසයට එක්වී සිටිනවා. ඉතිහාසඥයින් කියන විධියට ඔහු රෝමයෙන් බිහිවූ ශ්‍රේෂ්ඨ ඉතා සාර්ථක, තියුණු බද්ධියක් හා එඩිතර බවින් යුත් හමුදා ජෙනරාල්වරයෙක්, අඥාදායකයෙක්, උගතෙක් සහ ලේඛකයෙක්. ඒ වගේ ම ප‍්‍රබුද්ධ දේශපාලනඥයෙක්.

මරණයෙන් බේරෙන්න ගෙතූ කතාන්දර රැසක එකතුව!

කතාන්දර අහන්න අකමැති කවුද ? ලොකු පුංචි කවුරුත් කතාන්දරවලට කැමතියි. සමහර කතා සදා අමරණීය වෙන්නේ එම කතාන්දර හා ඒවායේ සිටින අපූරු චරිත නිසයි. බටහිර සාහිත්‍යයේ හමුවන එවැනි අමරණීය වූ චරිත හා කතාන්දර කිහිපයක් තමයි, අලිබාබා සහ හොරු හතලිහ, සින්බෑඞ් නම් නැවියා, ඇලඩින්. මේ චරිත ඇතුළත් වන කතාන්දර සියල්ලම එක් දහස් එක් රැය - අරාබි නිසොල්ලාසය එහෙමත් නැතිනම් ඇරේබියන් නයිට්ස් කියන එක් දීර්ඝ කතාවේ පුංචි කොටස්ය.

2

ලෝකය දික්විජය කළ රණ ශූරයින්ගෙත් ශූරයා මහා ඇලෙක්සැන්ඩර්


කවුද මේ මහා ඇලෙක්සැන්ඩර් ?
මහා ඇලෙක්සැන්ඩර් අධිරාජයා තමයි, ලෝකයේ ඇලෙක්සැන්ඩර් නමින් යුත් රජවරුන් අතරින් ශ්‍රේෂ්ඨතමයා ලෙස සැලකෙන්නේ. ලෝකය දික් විජය කළ රණශූරයන් අතරින් ශ්‍රේෂ්ඨතමයා වූ ඔහු හැඳින්වෙන්නේ මැසිඩෝනියාවේ තුන් වන ඇලෙක්සැන්ඩර් රජු (කි‍්‍ර.පූ. 336-323) කියායි. අවුරුදු හතරක් වැනි කෙටි කාලයක් තුළ එකල (මධ්‍යතන යුගයට පෙර කාලයේ) දැන සිටි ලෝකය මුළුමනින් ම වාගේ තම අණසකට යටත් කර ගැනීමට ඔහු සමත් වුණා. කි‍්‍ර.පූ. 334 සිට 33 හැවිරිදි වියේ දී ඔහුගේ මරණය සිදු වන තෙක් කාලය තුළ ‘මහා ඇලෙක්සැන්ඩර්’ යන විරුදාවලියෙන් පුද ලද්දේ ඒ හින්දයි. ඔහු ලොව පුරා ගිය මේ ගමනේ දී අල්ලා ගත් හැම ප‍්‍රධාන නගරයක් ම ‘ඇලෙක්සැන්ඩි‍්‍රයා’ නියා නම් කළා. අදත් ලෝක සිතියමක් දිහා විමසිල්ලෙන් බැලූවොත් ඔබට මේ නගර හඳුනා ගන්න පුළුවන්. සිය වස් ගානක් තිස්සේ යුරෝපයත් ආසියාවත් අතර වෙළඳාම සිදු වූයේ මේ නගර ඔස්සේයි.
0

මහ පාරට එන අලූත් ම වාහනය ‘ට‍්‍රයික්’ මෙන්න! මෝටර් සයිකලයකට වඩා ආරක්ෂා සහිතයි! අලූත් ම අලූත් නිපැයුමක්!

මේකත් එක විදියක තී‍්‍රවීල් එකක්. වෙනසකට තියෙන්නෙ මේ රියේ රෝද දෙක තියෙන්නෙ ඉස්සරහින්. තනි රෝදෙ පස්සෙන්. හරවන්නේ රෝද දෙකෙන්. රෝද දෙකේ මෝටර් සයිලකයට වඩා මේක ආරක්ෂා සහිතයි. වංගු ගන්න කොට ලේසියෙන් පෙරළෙන්නෙ නැහැ.

මේ අපූරු රිය නම් කරල තියෙන්නෙ ‘ස්වේ’ (Sway) කියලයි. විදිලි බැටරියකින් කි‍්‍රයා කරන මෙය වරක් චාජ් (ආරෝපණය) කළා ම සැතැපුම් 30ක් එනම් කිලෝමීටර් 48ක් ගියෑකි. හැබැයි මේ ස්වේ ට‍්‍රයික් රියේ උපරිම වේගය පැයට සැතැපුම් 40ක්, එනම් පැයට කිලෝමීටර් 64ක් විතරයි.

 
මේ ති‍්‍රරෝද මෝටර් සයිකලය ළඟදීම යතුරුපැදිකරුවන් අතර ජනපි‍්‍රය ගමන් ක‍්‍රමයක් වනු ඇති.

රෙදි මැදීමට නව නිපැයුමක්! මිනිත්තු නමයකින් සියල්ල නිම කළ හැකියි!

ගෙදර දොර වැඩ කරන කොතරම් කඩිසර ගෘහනියකට වුවත්, මැෂිමකින් තමන් සෝදපු රෙදි කන්දරාව දැක්කාම මැදල ඉවර කරන්නේ කවදාද කියන ප‍්‍රශ්නය ඔළුවට එනවා. රෙදි සෝදන්න යන්ත‍්‍ර කොච්චර තිබුණත් ගෙදරදොර රෙදි මදින්න ඒ තරම් යාන්ත‍්‍රික ක‍්‍රම නෑ.

3

හදවත් රෝගී මරණ අඩු කරන නව මෙවලමක්! හෘද අකරණය ගැන කල් තියා අනතුරු ඇඟවීම්!

නව අධිතාක්ෂණික වෛද්‍ය උපකරණයක් නිපදවලා තියෙනවා, එය හෘදයෙහි තැන්පත් කළා ම හදිසියේ හෘදය රෝගී වෙන තත්ත්වයක් උදාවෙන බව දැන ගෙන එය කල්තියා දැනුම් දෙන්නට හැකියාව ඇති. හදිසියේ ඇති වන හෘද අකරණයන් නිසා රෝහලකට ගෙනි යන්න පෙර මිය යන ලොව පුරා සිටින රෝගීන්ට සහනයක් ගේන ආරංචියක්.

දැනටමත් හෘද අකරණයක් කල් ඇති ව හඳුනා ගැනීම පිළිබඳ පුළුල් දැනුමක් මහජනතාවට ලබා දී ඇතත් මුල් රෝග ලක්ෂණ පහළ වීමත් රෝහල් ගත කිරීමත් අතර ගත වන සාමාන්‍ය කාලය තවමත් පැය තුනක් පමණ වෙනවා. ඒ නිසා හෘද අකරණයකට ලක් වන රෝගියා වඩා ඉක්මනින් රෝහල් ගත කිරීමට මේ එන්ජල්මෙඞ් ගාඩියන් (AngelMed Gaurdian) නම් නව උපකරණය නිසා හැකියාව ලැබෙනවා.

 
ඇතුළතින් කරන අනතුරු ඇඟවීම: මේ ඒන්ජල් මෙඞ් ගාඩියන් උපකරණය මගින් තුන් ආකාරයකින් ළඟ එන හෘද අකරණය ගැන දැනුම් දෙනවා.
0

සුදු ම සුදු කැන්ගරු පැටියෙක්! හන්ගේරියාවේ සතුන් වත්තක ලොකුම ආකර්ෂණය!

පුංචි කැන්ගරු පැටියා මවගේ පැස තුළ වී හිඳ ඉඳ හිට හිස එළියට දාලා අවට බලන කොට සත්තු වත්තට එන අයට පිස්සු හැදෙනවා. මෙහෙම දෙයක් මීට කලින් දැකල නැති හින්දා දැන් හැමෝම හංගේරියාවේ සැගඞ් සත්තු වත්තට එන්නේ මේ අසිරිය විඳ ගන්නයි.

බලන්නට එන සෙනඟ වැඩි හින්ද කැන්ගරු අම්මත් බොහොම පරිස්සමෙන් පැටියව බලා ගන්නේ පැටියාගෙ දුර්ලභකම තේරුම් අරගෙන ද කොහෙද. කැන්ගරු පැටියාට කියන්නේ වදැහ ජොයිය කියල. මෙයා නම් නිකං ජොයියෙක්, නෙමෙයි, ඇල්බිනෝ හෙවත් හැළි ජොයියෙක්.

 
රුක් කැන්ගරූ මවගේ පැස තුළ සිට හිස එළියට දමා ගෙන සිටින සුදු ජොයියා
12

මුහුද දී දක්නට ලැබෙන අද්භූත ජල පවුරක්! ටයිටැනික් ගිලූණේත් මේ ‘ෆාටා මෝර්ගානා’ සංසිද්ධිය නිසා ද?


ටයිටැනික් නැව ගිලූණේ මුහුද මැද මතු වූ මිරිඟුවක් නිසා ද? ‘ෆාටා මෝර්ගානා’ නමින් හැඳින්වෙන මෙම සංසිද්ධිය ව්‍යාජ දිය ඇල්ලක් මිරිඟුවක් ඇස් ඉදිරියේ මවන්නක්. ටයිටැනික් නැවේ නියමුවාට මේ ‘ෆාටා මෝර්ගානා’ මිරිඟුව නිසා ඒ දැවැන්ත හිම කන්ද නොපෙනී ගියාද? ඒ විස්මිත දෘශ්‍ය මායාව ගැනයි, මේ සටහන.

බි‍්‍රතාන්‍ය ඉතිහාසඥයකු වන ග‍්‍රන්ථ කර්තෘ ටිම් මෝල්ටින් ඒ කාලයේ කාලගුණ වාර්තා පරීක්ෂා බලා පසුගියදා නව මතයක් පළ කළා. ඔහු මේ හෙළිදරවුව කළේ නැෂනල් ජ්‍යොග‍්‍රෆික් චැනලයෙන් විකාශය වූ ටීවී වැඩසටහනකින්.

මෙහි පහත දැක්වෙන පින්තූරයෙන් ඒ ;සංසිද්ධිය ඔබට තේරුම් ගත හැකියි. ඉදිරියේ දක්නට ලැබෙන දේ අඳුරු කර, නොපැහැදිලි කර හෝ සමහර තැනක දී කුඩා හෝ විශාල කර හෝ දක්වන, විටෙක උඩුයටිකුරු කර පෙන්වන මෙය ඉතාමත් විස්මිත සංසිද්ධියක්.

කෘති‍්‍රම ක්ෂිතිජයක්! ‘ෆාටා මෝර්ගානා’ නම් දෘෂ්‍ය මායාව සාගරය මැද හමුවන්නක්. මේ බොරු ක්ෂිතිජයක් මවා පෑ ‘ජල පවුර’ ඇමරිකාවේ පැසිපික් වෙරළේ දී හමු වූවක්.
2

ලන්දේසින් අපට උරුම කළ අකුරු තුනේ කතාව : VOC

ඔබ ලන්දේසි බලකොටුවක් බලන්නට ගිය අවස්ථාවක එහි ඇතුළු වන දොරටුවෙහි VOC යන අකුරු තුන සහිත ලාංඡුනයක් කොටා තිබෙනු දුටුවා නිසැකය. ඒ හැරෙන්නට මේ අකුරු තුන එබ්බවූ කාසි හෝ පැරණි පිඟන් භාණ්ඩ හෝ පැරණි පෙට්ටගම්වල හෝ අපේ කෞතුකාගාර ප‍්‍රදර්ශක භාණ්ඩ අතර ද දකින්නට ඇත. අපේ පැරණි අය අතර මේ අකුරු තුන නොදන්නා කෙනෙක් නැති තරම්ය. ඒ තරමට මේ අකුරු අපට හුරුපුරුදු ය. එහෙත් මෙය කුමක් සඳහා පාවිච්චි කරන්නේ ද යන්න පිළිබඳව බොහෝ දෙනා සතු අවබෝධය ඉතා පටු බව පෙනී යයි. ලන්දේසි යුගය සනිටුහන් කරන ඒ ‘අපූරු අකුරු’ තුන ගැන මේ සටහන තබන්නේ ඒ නිසාය.

0

අහසේ පාරවල් තනන කටයුතු දැන් පටන් අරන්! ගුවන් කාර්වලට පාර කපන ඩිජිටල් මංමාවත්!


ඉගිල්ලෙන කාර් ආ බව අපි ඔබට පසුගිය දා කීවා මතක ඇති. දැන් එහෙනම් ඊළඟට එල්ල වෙන අභියෝගය වන්නේ අහසේ පියසැරිමට මාර්ග සිතියම් සකස් කිරීමයි. එය ගුවන් මාර්ග ඉංජිනේරුවන්ට බාර වන කාර්යයක්. දහස් ගණනක් කාර් අහසේ යන්න එන්න ගියා ම පාලනය කිරීම ලේසිපාසු කටයුත්තක් නෙවෙයි. මේ කාර්යයට දැනටමත් විශේෂඥයන් අත ගහල ඉවරයි.

විද්‍යාඥයන් කියන්නේ බිම දුවන වාහන පියාඹන වාහන බවට පෙරළීම දැන් ස්ථිර නිසා අහසේ වලාකුළු මත ඩිජිටල් මාර්ග සිතියම් සැකසීම අද හෙට ම පටන් ගත යුතු බවයි.

මෙසේ සකසන අහස් මං තීරුවල එකිනෙක නොගැටෙමින් ජෙට් කාර් පදවා ගෙන එහා මෙහි යන්නට හැකියාව තිබිය යුතුයි.

 
අනාගතයේ දී පැල් - 5 රියක් එක්සත් රාජධානියේ රථවාහන තදබදයකට ඉහළින් මෙසේ යනු ඇති.
0

අද ජගත් මිහිතල දිනයයි. මෙවර තේමාව ‘මිහිතලය සුරැකීමට ලොව ම එක්රැස් කරමු’!

මේ සංකල්පය බිහි වූයේ ඇමරිකාවෙන්. මිහිතල දිනය ආරම්භ වූයේ ඇමරිකන් සෙනේට් මන්තී‍්‍ර ගේලෝඞ් නෙල්සන් ගෙනා යෝජනාවක් මතයි. ඔහු මේ යෝජනාව ගෙනාවේ 1969 කැලිෆෝනියාවේ සැන්ටා බාබරාවල සිදු වූ දැවැන්ත තෙල් කාන්දුව දැක ඇති වූ කම්පනය නිසයි.

 
මේ හංගේරියාවේ බුඩාපේස්ට්වල ට්රෑම් රථයක් ගහකොළවලින් සරසා මිහිකත දිනය සැමරූ අයුරු.
0

ගෝලීය උණුසුම් වීම වෙනස් මඟක් ගනියි! ග්ලැසියර දිය වීම වෙනුවට වැඞීමක්!

මෙතෙක් කලක් අප දැන සිටියේ ගෝලීය උණුසුම් වීම නිසා උතුරු ධ්රුවයේ ග්ලැසියර දිය වී යන බවයි. එහෙත් දැන් හිමාලයේ දී එය වෙනස් මඟක් ගෙන තියෙනවා. විද්‍යාඥයන්ගේ අලූත් ම සොයා ගැනීම වන්නේ ගෝලීය උණුසුම හේතුවෙන් ග්ලැසියර දිය වීම වෙනුවට ලියලීමක් හෙවත් වැඞීමක් සිදු වන බවයි!

ප‍්‍රංශ චන්ද්‍රිකාවකින් ගත් ඡායාරූපවලින් මේ බව හෙළි වී තියෙනවා. හිමාලයේ බටහිර කඳුවළල්ලේ ග්ලැසියර මෙසේ පසුගිය දශකයක කාලය තුළ දිය වීම වෙනුවට වර්ධණය වී ඇති බව හෙළි වෙනවා.

ගෝලීය සිසිල් වීමක්! කේ 2 නම් කරාකෝරම් කඳුවැටියේ ග්ලැසියරවල වර්ධනයක්!
2

ආසියාවේ සිංහයන් ඉන්නවාද? වඳවී යාමේ තර්ජනයට ලක්වී සිටින ආසියානු සිංහයා!


සිංහයින් ඉන්නේ අප‍්‍රිකාවේ වනාන්තරවල. ඒත් ආසියාවේ සිංහයන් ඉන්නවාද? අපේ ලංකාවේත් ඉස්සර සිංහයන් හිටියා කියා කියනවා. අද නම් සත්තු වත්තේ හැරෙන්න ලංකාවේ වෙනත් කිසිතැනක සිංහයන් ජීවත් වන්නේ නෑ. මහාවංශයේ සඳහන් වෙන විදියට සිංහල ජාතිය ආරම්භ වී තියෙන්නෙත් සිංහයකුගෙන්.

සිංහයා අයත් වන්නේ බිළාල පවුලටයි, ඒ කියන්නේ මහ බළල් පවුලටයි. දිවියා (Leopard) තමයි, මේ පවුලට අයත්, අපට ඉන්න, එකම නෑයා. එයාට පුල්ලි කොටියා කියලත් කියනවා.
4

සඳ බසිනවා ඔබ කිසිදාක නුදුටු විදියකට දකින්න! අභ්‍යවකාශ නැවතුම් පොළක සිට දැක ගන්න මෙන්න අවස්ථාවක්!

උඩුගුවනේ රඳවා ඇති අභ්‍යවකාශ නැවතුම් පොළේ සිට නවතම අධිතාක්ෂණික ‘නයිට්පොඞ්’ ති‍්‍රපාදය සහිත කැමරාවෙන් ඉතා පැහැදිලි ඡායාරූප රැසක් අරන් තියෙනවා. ඒවා කැමරාවට නඟා ඇත්තේ තත්පරයට සැතැපුම් හතරක වේගයෙන් පොළොව වටා යමිනුයි.

මේ නව අදහස කි‍්‍රයාත්මක කිරීම සඳහා පියවර ගත්තේ එහි ගොස් සිටින අභ්‍යවකාශගාමියෙක්. ඔහුගේ නම ආන්ද්රේ කුයිපර්ස්. විශේෂ වේග පාලනයක් ඇති ෂටරයක් සහිතව අභ්‍යවකාශ නැවතුම් පොළේ ගමන් වේගයට අනුගතව ඉබේ කි‍්‍රයා කළ හැකි, කැමරාව යොමු වන දෙසට හැරිහැරී එල්ල වී තිබිය හැකි ති‍්‍රපාදයක් මත කැමරාවක් සවිකර කි‍්‍රයාත්මක කරන්නට ඔහු සමත් වුණා. කැමරාව රාති‍්‍ර කාලයේත් ඔහු සලකුණු කළ තැන්වල පින්තූර ගත්තා. ඉන් ඔහු ලද ප‍්‍රතිඵල විස්මිතයි. ඔබටත් ඒවා දැන් දැක බලා ගන්න පුළුවන්.

 
යුරෝපා අභ්‍යවකාශ ඒජන්සියේ අභ්‍යවකාශ ගාමියකු වූ ආන්ද්රේ කුයිපර් සඳ බැස යන අයුරු කැමරාවට නැඟූ හැටි
2

සූර්යයාගෙන් විහිදෙන ගිනි ජාලා අලංකාර රූප පෙළක්න්! වසර ගණනාවකින් දක්නට ලැබුණු ඉතා සිත්කළු දසුනක්!

සූර්යයාගෙන් විහිදෙන ගිනි ජාලා අලංකාර ලෙස ඡායාරූපයට නැඟුණු අවස්ථාවක්, මේ. පසුගියදා මෙවැනි ගිනිජාලා අහසට විහිදුණු අවස්ථාවේ දී සූර්යයා මතුපිට ඇති වූ පිපිරීම් නිසා අධිතාපයෙන් යුත් ප්ලාස්මා ධාරා සූර්යයාගෙන් ඈතට ගලා ගිය අයුරු මේ රූපවලින් පෙනෙනවා.

වසර ගණනාවකින් දක්නට ලැබුණු ඉතා සිත්කළු දසුනක් ලෙස මෙය හඳුන්වන්න පුළුවන්. සූර්යයා මතුපිට ඇති වන තාපාධික ප‍්‍රචණ්ඩ සුළි කුණාටු වන මේවායින් විහිදෙන්නේ මකරකුගේ මුවින් විහිදෙන්නාක් මෙන් ගිනිජාලායි.

 
පසුගිය අපේ‍්‍රල් 15 වැනිදා රාති‍්‍ර 12ට පමණ දැවැන්ත ගිනි ජාලාවක් හිරුගෙන් පිටතට විහිදුණු අයුරු.
0

කළුකුමකුට සමාන ඩයිනොසෝරයෙක් ආජෙන්ටිනාවෙන් හමුවෙයි! මේ කුරුලූ පරපුරේ ආදීම නෑයාද?

අඩි අටක් උසැති, පියෑඹිය නොහැකි, මේ කුරුලූ විශේෂය වත්මන් කුරුල්ලන්ගේ ආදීමයා ලෙස සැලකිය හැකි යැයි විද්‍යාඥයන්ගේ අදහසයි. මෙසේ හමු වී ඇත්තේ වසර මිලියන 70ක් පැරණි පොසිලයක්. කළුකුමකුට සමාන මේ පොසිලය සමග බිත්තර පොකුරකුත් හමු වී තියෙනවා. ඒ නිසයි මේ සතා කුරුලූ මවක් හෙවත් කිරිල්ලියක් ලෙස හඳුනා ගෙන ඇත්තේ.

මේ සොයා ගැනීම ඩයිනොසෝරයන් කුරුල්ලන් බවට පත් වූයේ කෙසේදැයි තේරුම් ගන්න එක්තරා ආකාරයකින් උපකාර වේවි කියලයි විද්‍යාඥයන් කියන්නෙ. මෙම ඩයිනොසෝරයා හඳුනාගෙන ඇත්තේ බොනපාටෙන්කියුස් අල්ටිමස් Bonapartenykus ultimus කියායි.

 
සොයා ගත් ඩයිනොසෝර පොසිලය අනුව ඒ කුරුල්ලා කෙබඳු විය හැකිදැයි සිතා කළ චිත‍්‍රයක්.
4

බල්ලන්ටත් ටීවී! මිනිසාගේ හොඳම සුරතලා වෙනුවෙන් තැනූ ටීවී චැනලයක්!

දැන් බල්ලන්ගේ ජීවිතයත් මිනිස් ජීවිතයට ආසන්නයි! බල්ලන්ට විශේෂ කෑම. බල්ලන්ට බාබර් සාප්පු. බල්ලන්ට හෝටල. දැන් බල්ලන්ට අලූතින්ම ලැබිලා තියෙන්නේ ටීවී. ඒක විශේෂයෙන් බල්ලන් වෙනුවෙන් තැනූ ටීවී චැනලයක්! එහි රූප රාමුවලින් පෙනෙන්නේ බල්ලන්ට පේන වර්ණ විතරයි. ඇහෙන්නේ බල්ලන්ගේ කනට මිහිරි ශබ්ද තරංග ආයාමවලින් නිකුත් වෙන සංගීතය විතරයි.

ඇමරිකා එක්සත් ජනපදයේ සැන් දියේගෝ ප‍්‍රාන්තයේ මුලින් ම ඇරඹෙන මේ බලූ ටීවී එක පස්සේ අනෙක් ප‍්‍රාන්තවලටත් පැතිර යාවි. බලූ සුරතලූන්ට ආදරේ ඇති අයට වාරික මුදලක් ගෙවා කේබල් ඔස්සේ මේ විශේෂ බලූ චැනලය ලබා ගත්තෑකි. පටන් ගැනීමේ දී මෙහි පැය අටක වැඩසටහන් මාලාවක් විකාශය කෙරෙනවා. ඔබ වැඩට ගිය පසු ඔබේ සුරතලාට පාළු නම් ඔබ එන තෙක් ටීවී බල බලා ඉන්න පුළුවන්.

 
ඔබේ සුරතල් සුනඛයා සතුටින් තබන ‘ඩෝග් ටීවි’ බලන ප‍්‍රංශ බුල්ඩෝග් බල්ලෙක්.
2

ඩිස්කවරි ෂටලය අවසන් ගමන් යන අසිරිය බලන්න!

ඩිස්කවරි අභ්‍යවකාශ ෂටලය පසුගියදා යෝධ දොඹකරයකින් ඔසවා බොයිං 747 යානයක් මත තබනු ලැබුවා. ඒ එහි අවසන් ගමන යන්නයි. ඒත් ඒ යන්නේ අභ්‍යවකාශයට නොවෙයි. ඇමරිකාවේ වොෂින්ටනයේ ස්මිත්සෝනියන් කෞතුකාගාරයටයි. මින්පසු එය එහි හිඳිමින් කෞතුකාගාරය නරඹන්නට එන අයගේ නෙත් සිත් පිනවමින් ඉතිහාසයට එක් වනු ඇති.

 
ඩිස්කවරි අභ්‍යවකාශ ෂටලය වොෂින්ටනයට යන්නට බෝයිං යානය මත නංවා ඇති අයුරු.
2

ලොව පී‍්‍රතිමත් ම මිනිසා : නුවණ වඩන ජනකතා

අපි‍්‍රකාවේ එකමත් එක රටක රජෙක් හිටියා. ඒ රජ්ජුරුවන්ට පී‍්‍රතිය හැර අනික් හැම දෙයක් ම තිබුණා. ඇඳුම් පැලඳුම්, යාන වාහන, කෑම බීම් ඇතිපදම් තිබුණා. ලෝකයේ ම රූපයෙන් අග තැන්පත් රජ බිසවක් හිටියා. රාජකුමාරිකාවන්, දසදැස්සන් මහ පිරිවරක් සිටියා. සැපසම්පත්වලින් අඩුවක් තිබුණේ නෑ. ඒත් මේ කොයිතරම් සැප සම්පත් තිබුණත් රජ්ජුරුවන්ට සිතේ සතුටක් තිබුණේ නෑ. ඒ නිසා ඒ රජ්ජුරුවෝ හැම තිස්සෙ ම හිටියෙ හිතේ දුකෙන්. දිවා රෑ නොඉවසිල්ලෙන්; නොසතුටෙන්. රජ්ජුරුවො ඒ ගැන හැම තිස්සේ ම කල්පනා කළා.


”මට හැම දෙයක් ම තියෙනවා. ඒත් පී‍්‍රතිය නෑ. මට පී‍්‍රතිය ගෙනත් දියල්ලා! මට පී‍්‍රතිය ඕනෑ.” දවසක් රජ්ජුරුවෝ කෑගහල කිව්වා.
2

බැලූ බැල්මට මීමැස්සෙක් වගේ මදුරුවෙක්! මල් පැණි බොන අමුතු සතෙක්! එංගලන්තේ උයන්පල්ලන් බියට පත්වෙලා!

බීස්ක්විටෝස් beesquitoes කියා හැඳින්වෙන කෘමීන් විශේෂයක් ගැන එංගලන්තෙන් වාර්තා වෙනවා. මේ අමුතු කෘමීන් විශේෂය පෙනුමෙන් මීමැස්සකුට හෝ බඹරකුට සමානයි. ඒ වගේ ම මදුරුවාට වගේ දිග ශුණ්ඩාවක් තියෙනවා. බැලූ බැල්මට ම එයින් දෂ්ට කරයි කියලයි හිතෙන්නෙ. ඒත් බය වෙන්න එපා!

 
මොකක්ද ගුමු ගුමුව! උයන්පල්ලන් බියපත් කළ අමුතු දුලබ සතා.

අඩ සිය වසකට පෙර අමරණීය නමක් තනා ඒ නිසා ම අකල් මරණයක් වැළඳ ගත් සොඳුරු මිනිසා!


අපේ ජාතික ගීය ලියුවේ කවුද? එහි තනුව කාගේ ද? වර්තමාන බුද්ධිමය දේපළ පනතට අනුව එහි හිමිකම කවුරුන් සතු ද? කොටින් ම කියතොත් එය කාගේ නිර්මාණයක් ද? මේ ප‍්‍රශ්න සියල්ලට ම උත්තරය එක ම නමකි. ඒ ආනන්ද සමරකෝන් ය (Ananda Samarakoon). අප අතර අමරණීය නමක් තබා හරියට ම මීට අඩ සිය වසරකට ඉහත අපෙන් වියෝ වූ ඒ දේශමාමක රචකයා සිහිපත් කරනු පිණිසයි, මේ සටහන ලියන්නේ.
9

තහනම් නගරයට ඇතුළු වූ බි‍්‍රතාන්‍ය ජාතික දේශ ගවේෂක : ලොව මවිත කළ වීර කතා


කතාන්දර අහන්න අපි කවුරුත් ආසයි. ඒ කතාන්දර ඇත්තක් නම්? ඇත්තටම සිදුවූ වීර වික‍්‍රමයක් නම් ඒවායේ අගය තවත් වැඩි වෙනවා. අතීතයට එක්වූ අපූරු වික‍්‍රමයන් රැසක් තියෙනවා. ඒ වික‍්‍රම හරිම විස්මිතයි, ත‍්‍රාසජනකයි. එවැනි කතාන්තර විටින් විට අපි ඉදිරිපත් කිරීමට සූදානම්.

මේ වීර වික‍්‍රමයට පාදක වෙන්නේ බි‍්‍රතාන්‍ය ජාතික සෙබළෙකු හා දේශ ගවේෂකයෙකු වූ ෆ‍්‍රැන්සිස් යංහස්බන්ඞ් බි‍්‍රතාන්‍ය රජය කළ ඉල්ලීමකට අනුව ටිබෙට්වරුන්ගේ හා ලාමාවරුන්ගේ විරෝධතාවන් හා බාධක හමුවේ නොසැලී ටිබෙට් දේශයේ ‘තහනම් නගරයට’ ඇතුළු වූ අයුරුයි. විදේශිකයින් ‘තහනම් නගරය’ ලෙස එදා හැඳින්වූවේ අද ටිබෙට් අගනුවර වන ලාසා නුවරටයි.
6

අවුරුදු 4ක පුංචි හපනෙක් ගෝලීය බුද්ධිමතුන්ගේ සමාජයට!

මෙතෙක් පහල වූ අද්විතීය බුද්ධිමතුන් ලෙස සැලකෙන්නේ ඇල්බට් අයින්ස්ටයින් සහ භෞතික විද්‍යාඥ ස්ටීවන් හෝකිං වැන්නවුන් ය. නමුත් ඔවුන් ද පැරදවීමට තරම් පුංචි හපනියක් සිටින බවටයි තොරතුරු වාර්තා වන්නේ.

6

අපරාධ තොරතුරු විශ්ලේෂණය කරන ති‍්‍රමාන රූප ගත හැකි කැමරාවක්!

ලෝකයේ පුරාවිද්‍යාත්මක වටිනාකමක් ඇති ස්ථාන 500ක් සංරක්ෂණය කොට අනාගත පරපුරට දැක බලා ගැනීමට සැලැස්වීමට යන පුවතක් ‘මල්කැකුළු’ තුළින් ඔබ ඉදිරියේ තැබුවා ඔබට මතක ඇති. ඒ පුවත කිය වූ අප මිතුරන් කීපදෙනෙකු ඒ 3D තාක්ෂණය භාවිතය කළ හැකි වෙනත් අවස්ථා ගැන විමසුමක් කළා. ඒ නිසා ඒ ගැන කෙටි සටහනක් ලියනවා.

0

ලියනාඩෝ ඩාවින්චිගේ ඉපැරණි සටහන් හා චිත‍්‍ර ඇතුළත් දුලබ ගණයේ ප‍්‍රදර්ශනයක්!

‘අඟුරු, කඩදාසි ආදිය මිල දී ගන්න. මිනිස් හිස්කබලක් සොයා ගන්න.’ ඩා වින්චි එදිනෙදා තමාට ම ලියූ සිහිකැඳවීම් සටහන් ඇතුළත් ප‍්‍රදර්ශනයක් ලබන මැයි මාසයේ දී එංගලන්තයේ බකිංහැම් මාලිගයේ දී පැවැත්වෙනවා.

ලියනාඩෝ ඩාවින්චිගේ මෙතෙක් අප‍්‍රකටව පැවති සටහන් පොත් කීපයක් මේ ප‍්‍රදර්ශයේ දී ලෝක ජනතාවට දැක ගන්න පුළුවන්.

කි‍්‍ර.ව. 1510 දී තරම ලියන ලදැයි සැලකෙන මේ ලැයිස්තුවේ, සටහන් කර තියෙනවා, හිස්කබලක් සොයා ගත යුතු බව, සිය මිනිස් සිරුරේ චිත‍්‍ර හා සටහන් ඇඳි පොත් බැඳීමට දිය යුතු බව, මොළයේ සිදුරු ගැන නිරීක්ෂණය කළ යුතු බව, කිඹුලකුගේ හක්කක විස්තරයක් කළ යුතු බවට සටහන් තබා තියෙනවා.

කි‍්‍ර.ව. 1510 දී ඩාවින්චි සංචාරයක් සඳහා නිවසෙන් බැහැර යද්දී ගෙන යායුතු යැයි තමාට ම සිහිකැඳවීම් කළ සටහන්.
0

ලෝකයේ දුර්ලභ ම තාරා විශේෂය මැඩගස්කරයේ විලකින්!


ලෝකයේ ඉතා දුර්ලභ තාරාවන් විශේෂයක් බෝ කරන්න කුරුලූ විද්‍යාඥයන් සමත් වෙලා තියෙනවා. මේ තාරා වර්ගය කලකට පෙර වඳ වී ගියේ යැයි සිතූ කුරුලූ විශේෂයක්. මැඩගස්කරයේ උතුරු ප‍්‍රදේශයේ විලක සිට හමු වූ දුඹුරු පැහැති මේ කුරුලූ විශේෂයෙන් 22 දෙදනෙකු විතරයි, මේ වන තෙක් ඒ වනගත විලෙහි සිටියේ.
2

කෑම කන්න අලුත් සගයෙක්! අපූරු නව නිපැයුමක්!

අනාගතයේ කෑම මේසයට අපූරු වෙමලමක් දැන් හඳුන්වා දීලා තියෙනවා. පෙරදිග කෑම මේසයෙන් චොප්ස්ටික් කූරුත්, බටහිර කෑම මේසයේ ගෑරුප්පුවත් (ෆෝක් එකත්), එක් කර තැනූමේ අපූරු උපකරණය හඳුන්වා දී ඇත්තේ chopstick-fork වදනේ මුල අග එක් කිරීමෙන් සාදා ගත් chork (චෝක්) නම් අලූත් වදනෙනි.

 
කෑම මේසයේ අලූත් ම යාළුවා - චෝක්
0

සිරුර තුළට යන විස්මිත ගමනක්! ඔබේ සිරුරේ රෝග සොයා නසන රොබෝ වෛද්‍යවරයෙක්!

රුධිරවාහිනීවල පිහිනන කුඩා චිපයක්! සිරුරේ පිටතින් සිට බලය සැපයෙන්නේ විද්යුත් චුම්බක තරංග මගින්!

1966 ආ ඔටෝ ක්ලෙමන්ට් හා ජෙරමි බික්ස්බි යන දෙදෙනාගේ කතාවක් ඇසුරෙන් හැරී ක්ලීනර් රචනා කළ, ‘විස්මිත සංචාරය’ Fantastic Voyage විද්‍යා ප‍්‍රබන්ධ චිත‍්‍රපටයේ ආ සිද්ධිය මේ නිසා සැබෑවක් බවට පත් වී තිබෙනවා.

ඒ අනුව අනාගතයේ දී ඔබේ වෛද්‍යවරයා ”මේකට සැත්කමක් කරන්න ඕනෑ නෑ. මේ පෙත්ත බොන්න, ඒක අවශ්‍ය සැත්කම ඔබේ සිරුර තුළ කරාවි.” කියා එක කුඩා පෙත්තක් ඔබට දේවි. ඒ පෙත්ත අවශ්‍ය සොයා බැලීම් කර සම්පූර්ණ සැත්කම සිරුර තුළ දීම කරාවි.

මෙය ඇමරිකාවේ ස්ටැන්ෆර්ඞ් විශ්ව විද්‍යාලයේ විද්‍යාඥයන්ගේ විස්මිත නිපැයුමක්! මේ ඉසියුම් උපකරණයට සිරුර තුළ යමින් කළ යුතු කාර්යයට අවශ්‍ය බලය සැපයෙන්නේ වෛද්‍යවරුන් විසින් කි‍්‍රයා කරවන රැුහැන් රහිත විද්යුත් චුම්බක තරංග මගිනුයි. වෛද්‍ය ප‍්‍රතිකාර ක‍්‍රමයේ තාක්ෂණික විප්ලවයක් ලෙස හැඳින්විය හැකි මේ නව නිපැයුමේ මුලාකෘතිය පළමුවරට තැනූ වේලේ යොදා ගත්තේ ලොකු බැටරි පද්ධතියක් වන අතර දැන් මේ නව උපකරණය ප‍්‍රමාණයෙන් හාල් ඇටයක් තරම් කුඩා එකකි.

සිරුරේ පිටත සිට සම්පේ‍්‍රෂකයක් මගින් විද්යුත් චුම්බක තරංග ඔස්සේ සපයන බලයෙන් මිමී 3ක් පළලැති උපකරණය සිරුර තුළ දුවනවා
6

වතුර බින්දුවක් තුළ දැවැන්ත යුද්ධයක්! ඒ අසාමාන්‍ය, බිහිසුණු සිදු වීම කැමරාවට!


වතුර බින්දුවක් තුළ දැවැන්ත යුද්ධයක් ඇති බව ඔබ දන්නෙහිද? අන්වීක්ෂයෙන් ගත් මේ වීඩියෝවෙන් ඒ ක්ෂුද්‍ර ජීවීන් අතර සටන දැන් ඔන්න ඔබටත් දකින්න පුළුවන්.

කවුරුන්ද හිතුවේ නිසල ජලය තුළ මේ වගේ භායනක දේ සිදු වෙනවා ය කියලා?

ඕස්ටේ‍්‍රලියාවේ බහුමාධ්‍ය කලා උපාධිධරයකු වූ ක්ලෙමන්ස් වර්ත් මේ ජල බිඳුවක් තුළ වන මෙම අසාමාන්‍ය, බිහිසුණු සිදු වීම කැමරාවට නඟලා තියෙනවා.

මෙහි ඉන්නා සතුන් හරියට ඔබේ භයානක හීනවලින් පෙනෙන සතුන් වගෙයි. ඒත් මේ ක්ෂුද්‍ර ජීවීන් එන්නේ කෙළින් ම ගෙදර පයිප්ප කරාමයෙනුයි.
2

විස්මිත උඩුගුවන් ගමනක්! එඞ් වයිට් ජෙමිනි IV යානයෙන් පිටතට ඇවිත් ඇවිද්ද හැටි!

1965 ජූනි 3 වැනිදා එඞ් වයිට් මිනිත්තු 23ක් උඩු ගුවනේ ඇවිදිමින් උඩු ගුවනේ ඇවිද්ද ප‍්‍රථම ඇමරිකානු ජාතික අභ්‍යවකාශගාමීයා වුණා. පුදුමයක් නෙවෙයි, වයිට්ට ආපසු යානයට එන්න බෑ කියල හිතුණු එක!

අමුතුවෙන් කියන්න දෙයක් නෑ, ඒක අමුතුම නවමු අත්දැකීමක්. පහළ පාලක මැදිරියෙ සිටි අයට ඔහුව ඇවිදීම නතර කරවලා ආපසු අභ්‍යවකාශ යානයට ගන්න එක අපහසු දෙයක් වුණා.

වයිට් කියන්නේ සිය ජීවිතයේ දුක්බර ම අවස්ථාව ආපසු යානයට එන්න සිදු වුණු වේලේ උදා වුණා කියලයි.

උඩු ගුවනේ ඇවිද්ද පය: 1965 දී එඞ් වයිට් ඒ ඓතිහාසික ගමනේ යෙදෙමින්.
3

සුභ අලුත් අවුරුද්දක් වේවා..!

ඔබ සැමට සුභ අලුත් අවුරුද්දක් වේවා..! 



මල් කැකුළු වෙතින්...!

පැණි රසට ආසා අයට සුබ ආරංචියක්! ති‍්‍රමාන (3D) චොකලට් පි‍්‍රන්රටයක් වෙළඳ පොළට ඇවිත්!

තමන්ට කැමති ආකාරයෙන් ති‍්‍රමාන හැඩතල සහිත ව කැවිලි තනා ගෙන කෑමට ගන්න ඔබටත් පුළුවන්. ඒ වුණාට ප‍්‍රශ්නය තියෙන්නේ එහි මිලයි. එක යන්ත‍්‍රයක් ඩොලර් 2,500ක්, එනම් දළ වශයෙන් රුපියල් ලක්ෂ තුනක්, විතර වෙනවා.

ඔබ කැමති රටාවක් යොදා ගෙන කැවිලි හැඩ කරන චොකලට් යන්ත‍්‍රය ඔබේ පරිගණකයේ උපදෙස් මත කි‍්‍රයා කරමින් තීන්ත වෙනුවට විදින්නේ චොකලට්. ඔබට තියෙන්නේ එහි රසය බුක්ති විඳින එක විතරයි. කේක් වටේට චොකලට් රටා දමන්න කියාපු යන්තරේ!

මේක නම් කරල තියෙන්නෙ චොක් එජ් Choc Edge කියලයි. මෙහි නිර්මාතෘ ඇමරිකාවේ එක්ස්ටර් විශ්ව විද්‍යාලයේ ආචාර්ය ලියෑන් හෝ.

චොකලට් එජ් යන්ත‍්‍රයෙන් ති‍්‍රමාන රසයක් දෙන චොකලට් රටා දමන අයුරු

භූමිකම්පා හා සුනාමි අනතුරු ඉක්මනින් හා නිවැරදිව ලබා ගැනීමට...

අද දින (11) ඇතිවුන භූමිකම්පාව හා සුනාමි අනතුරු හැඟවීම් වැනි භූමිකම්පා, සුනාමි, ජල ගැලීම් වැනි ස්වභාවික විපත් වලදී ඒ පිළිබඳව ඉක්මනින් හා නිවැරදිව ලබා ගැනීමට gdacs.org නමැති වෙබ් අඩවියේ ලියාපදිංචි වීම මගින් ඔබට පුළුවන්. මෙම gdacs.org වෙබ් අඩවිය පවත්වාගෙන යන්නේ එක්සත් ජාතීන්ගේ සංවිධානය හා යුරෝපිය කොමිසමයි. මෙහි ලියාපදිංචි වීම මගින් ලොව ඕනෑම තැනක සිදුවන ස්භාවික ආපදාවක් ඉක්මනින්ම SMS පණිවිඩයක් මගින් හෝ ඊමේල් පණිවිඩයක් මගින් හෝ දුරකථන ඇමතුමක් මගින් ඔවුන් නොමිලේම දැනුම් දෙනවා.

කුරුල්ලෙක් ද? අහස් යානයක් ද? නෑ! කාර් එකක්!

ඉගිල්ලෙන කාර් ළඟ එනවා. පියාසර කරන මෝටර් රථ තවදුරටත් විද්‍යා ප‍්‍රබන්ධවලට අයිති දෙයක් නෙවෙයි. එකක් නොවෙයි, දෙකක්! පියාඹන කාර් දෙකක් ම පසුගිය දා හඳුන්වා දෙනු ලැබුවා.

එකක් අපේ‍්‍රල් 2 වැනිදා ප‍්‍රදර්ශන චාරිකාවක යෙදුණා. ඒ තමා ඇමරිකාවේ මැසචුසෙට්ස්හී ටෙරාෆූජියා සමාගම නිපදවූ පියාඹන මොටෝ රිය, ‘ට‍්‍රාන්සිෂන්’. ලබන අවුරුද්දේ ඔවුන් මෙම කාර් වෙළඳ පොළට ගෙන ඒමට බලාපොරොත්තු වෙනවා.

මේ කාර් ආවා ම පාවිච්චි කරන්න අලූතින් නීති හදන්නත් වේවි.

ඇමරිකානු ටෙරාෆූජියා සමාගම මේ නව අහස් මොටෝරිය අහසට නංවා වැඩි වේලාවක් ගියේ නෑ, ඕලන්දයේ සමාගමක් ද අහසින් යා හැකි රියක් ලොවට ඉදිරිපත් කළා. එය හැඳින් වූයේ පැල් -ඪ කියායි. එහි නිෂ්පාදක සමාගම කියන්නේ පවත්නා අන්තර් ජාතික නීතිවලට අනුව ඔවුන්ගේ යානයට ගොඩ බිම මෙන්ම අහසේත් යා හැකියි, කියලයි.

මෙම රථයට ආසන දෙකක් තියෙනවා. රෝද හතරක් තියෙනවා. කාර් එකක් හැටියට මහ මඟ යන විට හකුළා තැබිය හැකි අත්තටු (පියාපත්) තියෙනවා. පසුගිය මාසයේ දී අත්හදා බැලීම සඳහා ගිය ගමනක දී මිනිත්තු 8ක් තුළ අඩි 1400ක් ඉහළින් පියාසර කළා. සාමාන්‍යයෙන් ජෙට් යානයක් යන්නේ අඩි 35,000ක් ඉහළ අහසේයි.

අත්හදා බලන්න යන ගමනක්. මාර්තු 23 වැනිදා ‘අහස් රිය’ මුල් ම අහස් ගමනේ යෙදුණු අයුරු.

මිනීමරු පැළෑටියක්ද? ‘මීමරු’ පැළෑටියක්ද? අරුම පුදුම මාංශ භක්ෂක පැළෑටි!

භෞතික විද්‍යාවේ බාඳුරා මල් වැනි විලෝපික ශාක ගණනාවක් ගැන සඳහන් වෙනවා. මිනීමරු ශාකයක් ගැන කතාවක් ඇතුළත් හාස්‍යජනක සංගීතමය වේදිකා නාටකයක් හා ඒ අනුසාරයෙන් තැනූ චිත‍්‍රපටයක් 1986 දී ආවා. එහි නම වූයේ ‘ලිට්ල් ෂොප් ඔෆ් හොරර්ස්’ Little Shop of Horrors කියායි. එය සිහිගන්වන මිනීමරු ශාකයක වීඩියෝ රූප පෙළක් ‘යූ ටියුබ්’ එකේ ගියා. ලක්ෂ ගණනක් ඒක නැරඹූ බව සඳහන් වෙනවා.

මේ මීයා දන්නෙ නෑ ඌ ඉන්නෙ ‘මීමරු’ පැළෑටියක් මත බව.
2

ගෝති‍්‍රක ඇඳුමෙන් කි‍්‍රකට් ගහන කෙන්යාවේ මාසායි ගෝති‍්‍රක කී‍්‍රඩකයෝ!

කෙන්යාවේ ලයිකිපියා ප‍්‍රදේශයේ මාසායි ගෝති‍්‍රක කි‍්‍රකට් කණ්ඩායමක් ප‍්‍රථම වතාවට පසුගියදා ඔවුන්ගේ ගමරටින් පිටව දකුණු අපි‍්‍රකාවට ගියා සුහද කි‍්‍රකට් තරගයකට සහභාගි වෙන්න.


ඒ අය දකුණු අපි‍්‍රකාවට ගියේ මාසායි ගෝති‍්‍රක ජනතාවගේ නියෝජිතයන් හැටියටයි. ”අපට මේ කී‍්‍රඩාව අල්ලා ගන්න එච්චර අමාරු වුණේ නෑ. බෝලේ දමන්නේ අපි හෙල්ල විසි කරන විදියටයි. හරියටම ඉලක්කය දමන්න අපට පුළුවන්.” මාසායි කි‍්‍රකට් කණ්ඩායමේ නායක සොන්යන්ගා ඕලේ න්ගියාස් තියනවා.

6

සුනාමියක දරුණුකම පෙන්වන දුර්ලභ ගණයේ වීඩියෝවක්!

සුනාමි ගැන ඉගෙන ගන්න සුදුසු වීඩියෝවක් ‘නැෂනල් ජ්‍යොග‍්‍රෆික්’ ප‍්‍රවෘත්ති අංශයෙන් නිකුත් කර තියෙනවා. සුනාමියක් කෙතරම් භයානක ද? ගැලවීමට නොහැකි තරම් ව්‍යසනයක් ද? යන්න මින් තේරුම් ගන්න පුළුවන්.

පසුගිය අවුරුද්දේ මාර්තු මාසයේ 11 වැනිදා ජපානය ආශ‍්‍රිත මුහුදේ භූකම්පනයක් සිදු වුණා. ඉන් ඇති වුණු සුනාමියෙන් 28,000 වැඩි ප‍්‍රමාණයක් මිය ගියා නැතිනම් ආගිය අතක් නැති වුණා. ඒ සුනාමිය කළ ව්‍යාසනය තමයි මේ වීඩියෝවෙන් දැක්වෙන්නෙ. සුනාමිය නගරවලට කඩා වදිමින් ගොඩනැගිලි සුන්බුන් කළ හැටි.

Related Posts Plugin for WordPress, Blogger...
Back to Top