සත්ව ලෝකයේ ඔබ මෙතෙක් නුදුටු දසුන්. හුරුපුරුදු සතුන්ගේ හැඩරුව කැමරාවට. ඉරාන ජාතිකයකුගේ දස්කමක්.

vajirajay February 12, 2012

ඉරාන ජාතික ඡායාරූප ශිල්පියකු වන ඕමිඞ් ගොල්සාර් සමත්වී තියෙනවා, මකුළුවන්, ශලබයන්. බමරුන් හා කුරුමිණියන්ගේ සමීප දසුන් ප‍්‍රමාණයෙන් විශාල කර කැමරාවට නඟන්න. ‘මැක්‍රෝ’ ඡායාරූප ලෙස හැඳින්වෙන මේවා කැමරාවට නගා ඇත්තේ සාමාන්‍ය කැමරාවකින්.

මේ සතුන් පියාසර කරද්දී හෝ වසා සිටිද්දී හෝ ඡායාරූපයට නැඟීම කළ නොහැක්කක්. ඒ නිසා ගොල්සාර් මුලින්ම කර ඇත්තේ ඔවුන් අල්ලා ශීතකරණයක දමා ‘අලස’ තත්වයට පත් කර පසුව ඡායාරූපයට නැගීමයි.

ගොල්සාර් මෙවැනි සමීපරූප ගැනීමට සාමාන්‍යයෙන් යොදා ගන්නා මැක්‍රෝ කාචයක් පාවිච්ච් කර නැහැ. ඒ වෙනුවට ඔහු කර ඇත්තේ සාමාන්‍ය කැමරාවක ඇති මිමී 28කාචය අනෙක් අතට හරවා සවි කර පාවිච්චියට ගැනීමයි.

ඉරානයේ ටැබ්රීස් නගරයේ වැසියකු වන ඕමිඞ් ගොල්සාර් සිය කාර්යය ගැන කියන්නේ මෙහෙමයි: ”මගේ කැමරාව මා රැගෙන ගියා සත්වලෝකයේ අමුතු ඉසවුවක් කරා. කෘමීන්ගේ මකුළුවන්ගේ ලෝකයේ පියවි ඇසට නොපෙනෙන දෑ බලන්නට ඒ තුළින් උත්සාහ කළ මට විස්මිත දසුන් රැසක් දකින්නට ලැබුණා. ඒවායින් කීපයක් මේ ඔබට දකින්නට සලස්වන්නේ.”